CNI Sport News

၂၀၂၅ ခုနှစ်၊ ဇန်နဝါရီ ၂

ယူနိုက်တက်အသင်းနည်းပြ အာမိုရင်ဟာ နံပါတ် ၁ နေရာအတွက် ဂိုးသမား အိုနာနာကို စိန်ခေါ်နိုင်ဖို့ ဂိုးသမား အသစ်တစ်ဦးခေါ်ယူဖို့ ဆန္ဒရှိနေတယ်လို့ Manchester Evening News က ဖော်ပြထားပါတယ်။ 

အိုနာနာဟာ ဒီရာသီမှာ တိုးတက်မှုရှိတဲ့ ပုံစံတွေ ပြသခဲ့ပေမယ့် ယူနိုက်တက်အသင်းအတွက် အဖိုးတန် ရမှတ်တွေ ဆုံးရှံးစေတဲ့ အမှားအယွင်းတွေ ပြုလုပ်နေဆဲဖြစ်တာပါ။ 

ကင်မရွန်း ဂိုးသမားဟာ ပြီးခဲ့တဲ့ နော်တင်ဟမ်ဖောရက်စ် အသင်းနဲ့ပွဲစဉ်က သူ့ရဲ့ စွမ်းဆောင်ရည်အတွက် ပြင်းပြင်းထန်ထန် ဝေဖန်မှုခံခဲ့ရတာ ဖြစ်ပါတယ်။ 

ယူနိုက်တက်အသင်း လူစာရင်းထဲမှာ တူရကီဂိုးသမား ဘာယင်ဒါရှိနေပေမယ့် နည်းပြအာမိုရင်က သူဟာ အိုနာနာရဲ့ နံပါတ် ၁ နေရာကို စိန်ခေါ်နိုင်စွမ်း ရှိတဲ့သူအဖြစ် သတ်မှတ်ထားခြင်းမရှိတာပါ။

ဘာယင်ဒါဟာ စပါးအသင်းကို အရေးနိမ့်ခဲ့တဲ့ ကာရာဘောင်းဖလား ကွာတားဖိုင်နယ်ပွဲစဉ်မှာ ယူနိုက်တက် အသင်းရဲ့ ပွဲထွက်လူစာရင်း ပါဝင်ခွင့်ရခဲ့ပေမယ့် အမှားအယွင်း ၂ ခုပြုလုပ်ခဲ့တာ ဖြစ်ပါတယ်။ 

အိုနာနာကို တွေ့ရစဉ် 

ဘာယင်ဒါဟာ ယူနိုက်တက်အသင်းကို ၂၀၂၃ ခုနှစ် နွေရာသီ အပြောင်းအရွှေ့က ဖီနာဘာချီအသင်းကနေ ရောက်ရှိလာခဲ့ပြီး လက်ရှိအချိန်ထိ ၄ ပွဲသာ ပါဝင်ကစားရသေးကာ ပရီးမီးယားလိဂ်ပြိုင်ပွဲမှာ ပါဝင်ကစားရခြင်း မရှိသေးပါဘူး။

ပေါ်တူဂီလူမျိုး နည်းပြ အာမိုရင်ရဲ့ အင်္ဂလန်ခရီးစဉ်အစဟာ အလွန်ခက်ခဲနေပြီး ယူနိုက်တက်အသင်းဟာ တန်းဆင်းဇုန်ထဲ ကျရောက်နိုင်တဲ့ အန္တရာယ်မှာ ရှိနေတယ်လို့ ပြောထားပါတယ်။ 

အာမိုရင်ဟာ ယူနိုက်တက်အသင်း လူစာရင်းကို ပိုပြီးတောင့်တင်း စေဖို့အတွက် ဂိုးသမား အသစ်တစ်ဦးအပြင် ကွင်းလယ်ပိုင်းနဲ့ တိုက်စစ်ပိုင်းတွေကို အားဖြည့်နိုင်ဖို့ မျှော်လင့်နေပါတယ်။ 

ဒါပေမယ့် ယူနိုက်တက်အသင်းဟာ ကစားသမားအသစ် မခေါ်ယူခင် အသင်းမှာရှိတဲ့ ကစားသမား အများအပြားကို ရောင်းချဖို့ လုပ်ဆောင်ရမှာပါ။

ယူနိုက်တက်အသင်းဟာ လာမယ့် ပရီးမီးယားလိဂ် ပွဲစဉ်အဖြစ် လီဗာပူးလ်အသင်းနဲ့ ယှဉ်ပြိုင်ရမှာဖြစ်ပြီး ဂိုးသမား နေရာမှာ အိုနာနာကိုပဲ ဆက်ပြီး အသုံးပြုသွားဖို့ရှိနေတာ ဖြစ်ပါတယ်။ 

Source: Goal

CNI Sport News

၂၀၂၅ ခုနှစ်၊ ဇန်နဝါရီ ၂

ပေါ်တူဂီလူမျိုးနည်းပြ မော်ရင်ဟိုဟာ ၂၀၁၃ ခုနှစ်က ရီးရယ်လ်အသင်းကနေ ထွက်ခွာခဲ့တဲ့ သူ့ရဲ့ဆုံးဖြတ်ချက် အပေါ် နောင်တရတယ်လို့ CorSport နဲ့ ပြုလုပ်ခဲ့တဲ့ အင်တာဗျူးမှာ ပြောခဲ့ပါတယ်။

မော်ရင်ဟိုက “ပီရက်ဇ်ကို နိုးလို့ပြောပြီး ငြင်းခဲ့တာက အကြီးမားဆုံး နောင်တတွေထဲက တစ်ခုအဖြစ်ရှိနေပါ တယ်။ သူက ကျနော့်ကို ထွက်ခွာမသွားဖို့နဲ့ ခက်ခဲတဲ့ အပိုင်းတွေ ပြီးသွားပြီဖြစ်လို့ ကောင်းမွန်တဲ့ အပိုင်းတွေလာဖို့ ရှိတယ်လို့ ပြောခဲ့ပါတယ်။ သူက ကျနော့်ကို ရီးရယ်လ်မှာ ဆက်ပြီးရှိစေချင်ခဲ့ပေမယ့် ကျနော်ကတော့ ချယ်လ်ဆီး အသင်းထံ ပြန်လာချင်ခဲ့တာပါ”လို့ ပြောခဲ့တာပါ။

အသက် ၆၁ နှစ်အရွယ်ရှိ မော်ရင်ဟိုဟာ အင်တာမီလန်အသင်းနဲ့ အောင်မြင်မှုတွေ ရယူပြီးနောက် ၂၀၁၀ ခုနှစ်မှာ ရီးရယ်လ်အသင်းထံ ရောက်ရှိလာခဲ့တာ ဖြစ်ပါတယ်။

မော်ရင်ဟိုဟာ ရီးရယ်လ်အသင်းကို ၂၀၁၀ ကနေ ၂၀၁၃ ခုနှစ်အထိ ၃ နှစ်ကြာ ကိုင်တွယ်အပြီးမှာတော့ အသင်း ဟောင်း ချယ်လ်ဆီးအသင်းကို ဒုတိယအကြိမ်မြောက် ကိုင်တွယ်ဖို့ ပြန်ရောက်ရှိလာခဲ့တာပါ။ 

မော်ရင်ဟိုနဲ့ ပီရက်ဇ်ကို တွေ့ရစဉ်

မော်ရင်ဟိုဟာ ရီးရယ်လ်အသင်းကို လာလီဂါ၊ ကိုပါဒယ်ရေးနဲ့ စပိန်စူပါဖလားတို့ကို ရယူပေးနိုင်ခဲ့ပေမယ့် အဓိက ဆုဖလားတွေ မရယူနိုင်ခဲ့တဲ့ ရာသီအပြီးမှာ ထွက်ခွာဖို့ ဆုံးဖြတ်ချက်ချခဲ့တာ ဖြစ်ပါတယ်။ 

ရီးရယ်လ်အသင်း အကြီးအကဲ ပီရက်ဇ်ဟာ မော်ရင်ဟိုကို အသင်းမှာဆက်ရှိစေဖို့ ကြိုးပမ်းခဲ့ပေမယ့် သူကတော့ ချယ်လ်ဆီးအသင်းထံ ပြန်သွားခဲ့တာပါ။ 

မော်ရင်ဟိုဟာ ချယ်လ်ဆီးအသင်းကို ဒုတိယအကြိမ်မြောက်အဖြစ် ပြန်လည်ကိုင်တွယ်ချိန်မှာ ပရီးမီးယားလိဂ် ဖလား ရယူပေးနိုင်ခဲ့ပေမယ့် နောက်ပိုင်းမှာ ရလဒ်ဆိုးတွေကြောင့် ထုတ်ပယ်ခံခဲ့ရပါတယ်။

မော်ရင်ဟိုဟာ ဒီနောက်ပိုင်းမှာ ယူနိုက်တက်၊ စပါးနဲ့ ရိုးမားအသင်းတို့ကို ကိုင်တွယ်ခဲ့ပြီး အခုလက်ရှိအချိန်မှာ တော့ ဖီနာဘာချီအသင်းကို ကိုင်တွယ်နေတာပါ။ 

ဖီနာဘာချီအသင်းဟာ ဒီရာသီ တူရကီစူပါလိဂ်ပြိုင်ပွဲမှာ အမှတ်ပေးဇယား အဆင့် ၁ နေရာက ဂါလာတာစာရေး အသင်းနဲ့ ၈ မှတ် အကွာအဆင့် ၂ နေရာမှာ ရပ်တည်နေပြီး ယူရိုပါလိဂ်ပြိုင်ပွဲမှာ အဆင့် ၂၁ နေရာ ရပ်တည်နေတာ ဖြစ်ပါတယ်။ 

Source: besoccer

CNI Sport News

၂၀၂၄ ခုနှစ်၊ ဇန်နဝါရီ ၂

ယူနိုက်တက်အသင်းမှာ ရုန်းကန်နေရတဲ့ တိုက်စစ်မှူး ရက်ရှ်ဖို့ဒ်ဟာ ထိပ်တန်းအားကစား အေဂျင်စီတစ်ခုနဲ့ ဆွေးနွေးမှု ပြုလုပ်ခဲ့တယ်ဆိုပြီး ထွက်ပေါ်လာတဲ့ သတင်းတွေကို ငြင်းဆန်ခဲ့ပါတယ်။ 

ရက်ရှ်ဖို့ဒ်ဟာ နယူးကာဆယ်အသင်းကို အရေးနိမ့်ခဲ့တဲ့ ပရီးမီးယားလိဂ် ပွဲစဉ်မတိုင်ခင် ယူနိုက်တက်အသင်းရဲ့ ပွဲစဉ် ၄ ပွဲဆက်တိုက် လူစာရင်းကနေ ချန်လှပ်ခြင်းခံခဲ့ရတာပါ။

ရက်ရှ်ဖို့ဒ်ဟာ ယူနိုက်တက်အသင်း လူစာရင်းကနေ ချန်လှပ်ခံရပြီးနောက် စိန်ခေါ်မှုအသစ်အတွက် သူအဆင်သင့် ဖြစ်နေပြီလို့ အင်တာဗျူးတစ်ခုမှာ ပြောထားတာ ဖြစ်ပါတယ်။ 

အဲဒါကြောင့် ရက်ရှ်ဖို့ဒ်ဟာ ယူနိုက်တက်အသင်းကနေ ဒီလထဲ ထွက်ခွာနိုင်ဖို့ ကြိုးစားတဲ့အနေနဲ့ ထိပ်တန်း အားကစား အေဂျင်စီဖြစ်တဲ့ Stellar နဲ့ ဆွေးနွေးခဲ့တယ်လို့ The Sun က ဖော်ပြခဲ့တာပါ။

ဒီအေဂျင်စီဟာ ဂါရတ်ဘေးလ်ကို စပါးအသင်းကနေ ရီးရယ်လ်အသင်းထံ ပေါင် ၈၆ သန်းနဲ့ ပြောင်းရွှေ့နိုင်အောင် အကူအညီပေးနိုင်ခဲ့တာ ဖြစ်ပါတယ်။

ဒါပေမယ့် ရက်ရှ်ဖို့ဒ်က သူဟာ ဘယ်အေဂျင်စီနဲ့မှ တွေ့ဆုံဆွေးနွေးမှု ပြုလုပ်ခဲ့ခြင်းမရှိသလို သူတို့ရေးသားထားတဲ့ အတိုင်း ပြုလုပ်ဖို့ အစီအစဉ်လည်း မရှိဘူးလို့ ထွက်ပေါ်နေတဲ့ သတင်းတွေကို ငြင်းဆန်ခဲ့တာပါ။

ရက်ရှ်ဖို့ဒ်ကို တွေ့ရစဉ်

ရက်ရှ်ဖို့ဒ်ဟာ ပြီးခဲ့တဲ့ ဒီဇင်ဘာ ၁၂ ရက်က ပယ်လ်ဇန်အသင်းနဲ့ ယူရိုပါလိဂ်ပွဲစဉ်မှာ ၅၆ မိနစ် ပါဝင်ကစားပေးပြီး ကတည်းက ယူနိုက်တက်အသင်းအတွက် ပါဝင်ကစားခွင့် မရရှိတော့တာ ဖြစ်ပါတယ်။ 

ရက်ရှ်ဖို့ဒ်ဟာ မန်စီးတီး၊ စပါး၊ ဘုန်းမောက်နဲ့ ဝုလ်ဗ်စ်အသင်းတို့ပွဲတွေမှာ ယူနိုက်တက်အသင်း လူစာရင်းထဲ ပါဝင်ခွင့် မရခဲ့ပေမယ့် နယူးကာဆယ်အသင်းနဲ့ပွဲစဉ်မှာ ပြန်လည် ပါဝင်ခွင့်ရခဲ့တာပါ။ 

ဒါပေမယ့် ရက်ရှ်ဖို့ဒ်ဟာ နယူးကာဆယ်အသင်းနဲ့ပွဲစဉ်မှာ လူစားလဲ အဖြစ်တောင် ပါဝင်ခွင့်မရခဲ့ပါဘူး။ 

ယူနိုက်တက်အသင်းဟာ ဇန်နဝါရီ အပြောင်းအရွှေ့မှာ ရက်ရှ်ဖို့ဒ်ကို ရောင်းချဖို့ စဉ်းစားနေပြီး ပေါင်သန်း ၄၀ နဲ့ ကမ်းလှမ်းမှုတွေကို နားထောင်သွားဖို့ ရှိနေပါတယ်။ 

ယူနိုက်တက်အသင်းအတွက် ၄၂၆ ပွဲ ပါဝင်ကစားထားပြီး ၁၃၈ ဂိုး သွင်းယူထားတဲ့ ရက်ရှ်ဖို့ဒ်နဲ့ အသင်းတို့ရဲ့ စာချုပ်ဟာ ၂၀၂၈ ခုနှစ် နွေရာသီအထိ သက်တမ်းရှိနေတာ ဖြစ်ပါတယ်။ 

Source: Dailymail

CNI Sport News

၂၀၂၄ ခုနှစ်၊ ဇန်နဝါရီ ၂

အာဆင်နယ်အသင်းက ဘရန်ဖို့ဒ်အသင်းကို ၃ ဂိုး-၁ ဂိုးနဲ့ အနိုင်ရခဲ့တဲ့ ပရီးမီးယားလိဂ် ပွဲစဉ်အပြီးမှာ အာဆင်နယ် အသင်း နည်းပြအာတီတာက ကြီးမားတဲ့နိုင်ပွဲလို့ ပြောခဲ့ပါတယ်။ 

အာတီတာက “ဒါက ကြီးမားတဲ့နိုင်ပွဲပါ။ ဘရန်ဖို့ဒ်အသင်းဟာ အလွန်ကောင်းမွန်တဲ့ အသင်းဖြစ်သလို အလွန် ကောင်းမွန်တဲ့ နည်းပြနဲ့ သူတို့ရဲ့အိမ်ကွင်း စွမ်းဆောင်ရည်တွေက ထူးခြားပါတယ်။ ကျနော်တို့ဟာ ဒုတိယပိုင်းကို အလွန်ကောင်းမွန်စွာ စတင်နိုင်ခဲ့ပြီး ဒါကို အခွင့်ကောင်းယူကာ ဂိုးဧရိယာထဲမှာ အဆုံးသတ်ပိုင်းတွေ ကောင်းမွန်ခဲ့ ပါတယ်။ ကျနော်တို့ဟာ လာမယ့်ပွဲတွေမှာလည်း အနိုင်ရအောင် လုပ်ဆောင်ပြီး ကျနော်တို့ လက်ထဲမှာရှိတဲ့ အရာ ကို သေချာအောင်လုပ်ဖို့လိုတယ်”လို့ ပြောခဲ့တာပါ။ 

အာဆင်နယ်အသင်းဟာ ဒီပွဲစဉ်မှာ ဘရန်ဖို့ဒ်အသင်းကို ဦးဆောင်ဂိုး စတင်ပေးခဲ့ရပေမယ့် ဂျီးဆပ်စ်က ချေပဂိုး၊ မယ်ရီနိုနဲ့ မာတင်နယ်လီတို့က အနိုင်ဂိုးတွေ သွင်းယူခဲ့တာကြောင့် ၂၀၂၅ ခုနှစ် ပထမဆုံးပွဲစဉ်ကို အနိုင်ရလဒ်နဲ့ စတင်နိုင်ခဲ့တာ ဖြစ်ပါတယ်။ 

အာဆင်နယ်အသင်းဟာ နိုင်ပွဲကြောင့် ပရီးမီးယားလိဂ် အမှတ်ပေးဇယားအဆင့် ၂ နေရာကို ပြန်တက်နိုင်ခဲ့ပြီး အဆင့် ၁ နေရာက လီဗာပူးလ်အသင်းထက် ၁ ပွဲ ပိုကစားကာ ရမှတ် ၆ မှတ်ကွာဟနေတာပါ။

အာဆင်နယ်အသင်းကို တွေ့ရစဉ်

အာဆင်နယ်အသင်း နည်းပြအာတီတာဟာ ဒီပွဲမှာ အသက် ၁၇ နှစ်အရွယ်ရှိ နွမ်နရီကို ပရီးမီးယားလိဂ်ပွဲ ထွက်လူ စာရင်းထဲ ပထမဆုံးအကြိမ် အသုံးပြုခဲ့ပြီး သူလည်း ခြေစွမ်းပြသနိုင်ခဲ့ပါတယ်။

အာတီတာက ပွဲအပြီးမှာ နွမ်နရီရဲ့ ခြေစွမ်းကို ချီးကျူးမှု ပြုလုပ်ခဲ့ပါတယ်။ အာဆင်နယ်အသင်းဟာ လက်ရှိအချိန် မှာ အဓိက ကစားသမားဖြစ်တဲ့ ဆာကာကို ဒဏ်ရာကြောင့် ၂ လကျော်ကြာ အနားပေးရမှာဖြစ်ပေမယ့် သူမပါဝင်ခဲ့တဲ့ နောက်ဆုံး ၂ ပွဲစလုံးကို အနိုင်ရလဒ်ရယူနိုင်ခဲ့တာပါ။ 

အာဆင်နယ်အသင်းဟာ လာမယ့် ပရီးမီးယားလိဂ်ပွဲစဉ် ၂၀ အဖြစ် ဘရိုက်တန်အသင်း အိမ်ကွင်းသွားရောက် ယှဉ်ပြိုင်ရမှာ ဖြစ်ပါတယ်။ 

Source: BBC

CNI Sport News

၂၀၂၄ ခုနှစ်၊ ဒီဇင်ဘာ ၂၈

ဂျူဗင်တပ်စ်အသင်းဟာ ယူနိုက်တက်အသင်း တိုက်စစ်မှူး ရက်ရှ်ဖို့ဒ်ကို ခေါ်ယူနိုင်မယ့် အခွင့်အရေး ရခဲ့ပေမယ့် ငြင်းပယ်ခဲ့တယ်လို့ သတင်းတွေ ထွက်ပေါ်လာခဲ့ပါတယ်။ 

ရက်ရှ်ဖို့ဒ်ဟာ ပယ်လ်ဇန်အသင်းနဲ့ ယူရိုပါလိဂ် ပွဲစဉ်ပြီးကတည်းက ယူနိုက်တက်အသင်း လူစာရင်းမှာ ပါဝင်ခွင့် မရရှိတော့တာပါ။ 

ရက်ရှ်ဖို့ဒ်ဟာ ယူနိုက်တက်အသင်း လူစာရင်းမှာ ပါဝင်ခွင့် မရတော့တာကြောင့် စိန်ခေါ်မှု အသစ်အတွက် အဆင်သင့် ဖြစ်နေပြီလို့ ဝန်ခံခဲ့ပါတယ်။ 

ရက်ရှ်ဖို့ဒ်ဟာ ယူနိုက်တက်အသင်း နောက်ဆုံးကစားခဲ့တဲ့ ၄ ပွဲစလုံး ပါဝင်ခွင့်မရခဲ့သလို အသင်းကလည်း ဒီပွဲတွေမှာ ၃ ပွဲအထိ အရေးနိမ့်ခဲ့တာပါ။ 

The Sun က လာမယ့် ဇန်နဝါရီမှာ အသင်းရဲ့ တိုက်စစ်ပိုင်းကို အားဖြည့်ဖို့ လုပ်ဆောင်နေတဲ့ ဂျူဗင်တပ်စ်အသင်း ဟာ ရက်ရှ်ဖို့ဒ်ကို ခေါ်ယူဖို့ ကမ်းလှမ်းခြင်း ခံထားရတယ်လို့ ဖော်ပြထားတာပါ။ 

ဒါပေမယ့် ဂျူဗင်တပ်စ်အသင်းဟာ ရက်ရှ်ဖို့ဒ်ထက် သူ့ရဲ့ ယူနိုက်တက်အသင်းဖော် ဇက်ခ်ဇီကို ခေါ်ယူဖို့ ပိုပြီး စိတ်ဝင်စားနေတာ ဖြစ်ပါတယ်။ 

ရက်ရှ်ဖို့ဒ်နဲ့ ဇက်ခ်ဇီကို တွေ့ရစဉ်

ဇက်ခ်ဇီဟာ ပြီးခဲ့တဲ့နွေရာသီက ဘိုလော့ဂ်နာအသင်းကနေ ပေါင် ၃၆.၅ သန်းနဲ့ ပြောင်းရွှေ့လာခဲ့ပေမယ့် ယူနိုက်တက်အသင်းမှာ ပုံမှန်ခြေစွမ်းပြသနိုင်ဖို့ ရုန်းကန်နေရတာပါ။ 

ဇက်ခ်ဇီဟာ ယူနိုက်တက်အသင်းအတွက် ၂၆ ပွဲ ပါဝင်ကစားထားမှာ ၄ ဂိုးသွင်းပြီး ဂိုးဖန်တီးမှု ၂ ကြိမ် ပြုလုပ်ထား ပေမယ့် သူ့ကိုခေါ်ယူခဲ့တဲ့အပေါ် ပရိသတ်အများအပြားက မေးခွန်းတွေ ထုတ်ခဲ့ကြတာ ဖြစ်ပါတယ်။ 

ဂျူဗင်တပ်စ်အသင်းကို ကိုင်တွယ်နေတဲ့ နည်းပြ သီယာဂိုမော့တာဟာ ဇက်ခ်ဇီနဲ့ ဘိုလော့ဂ်နာအသင်းမှာ အတူလက်တွဲခဲ့တာကြောင့် ဇက်ခ်ဇီရဲ့ အကောင်းဆုံးပုံစံတွေကို သူရယူနိုင်မယ်လို့ ယုံကြည်နေတာပါ။ 

ယူနိုက်တက်အသင်းကတော့ တိုက်စစ်မှူး ရက်ရှ်ဖို့ဒ်ကို ရောင်းချဖို့ စီစဉ်နေပြီး ပေါင်သန်း ၄၀ နဲ့ ကမ်းလှမ်းလာ မယ့် ကမ်းလှမ်းမှုတွေကို နားထောင်သွားဖို့ အသင့်ရှိနေပါတယ်။ 

ရက်ရှ်ဖို့ဒ်ဟာ ဒီရာသီမှာ ယူနိုက်တက်အသင်းအတွက် ၂၄ ပွဲ ကစားထားပြီး ၇ ဂိုး သွင်းယူထားတာ ဖြစ်ပါတယ်။ 

Source: Dailymail

CNI Sport News

၂၀၂၄ ခုနှစ်၊ ဒီဇင်ဘာ ၂၈

Ballon d'Or ဆုကို ၅ ကြိမ် ရရှိထားတဲ့ ရော်နယ်ဒိုဟာ ကစားသမားဘဝကနေ အနားယူပြီးနောက်မှာ ဘောလုံးအသင်း တစ်သင်းကို ဝယ်ယူကာ ပိုင်ရှင်အဖြစ်ပြုလုပ်ဖို့ အစီအစဉ်ရှိတယ်လို့ ထုတ်ပြောခဲ့ပါတယ်။ 

ရော်နယ်ဒိုက “ကျနော်ဟာ နည်းပြအဖြစ် ပြုလုပ်မှာ မဟုတ်သလို ဘယ်တော့မှလည်း နည်းပြဖြစ်လာမှာ မဟုတ်ပါဘူး။ ကလပ်အသင်းဥက္ကဋ္ဌလည်း လုပ်မှာမဟုတ်ပါဘူး။ အသင်းပိုင်ရှင်တော့ ဖြစ်နိုင်ပါတယ်။ အသင်း ပိုင်ရှင်အဖြစ်နဲ့ မြင်တွေ့ရနိုင်ပေမယ့် မှန်ကန်တဲ့ အခွင့်အလမ်း အခိုက်အတန့်အပေါ် မူတည်ပါလိမ့်မယ်”လို့ Globe Soccer Awards ဆုပေးပွဲမှာ ပြောခဲ့တာပါ။ 

ရော်နယ်ဒိုဟာ ကစားသမားဘဝကနေ အနားယူဖို့ နီးကပ်လာပြီဖြစ်တဲ့အတွက် သူ့ရဲ့အနာဂတ်နဲ့ ပတ်သက်ပြီး မေးခွန်းတွေ အများအပြား ထွက်ပေါ်နေတာ ဖြစ်ပါတယ်။ 

ရော်နယ်ဒိုကိုတွေ့ရစဉ်

ရော်နယ်ဒိုဟာ အနားယူပြီးနောက်မှာ ကစားသမားဟောင်းတွေ အများအပြား ပြုလုပ်တဲ့ နည်းပြအဖြစ် ပြုလုပ်ဖို့ အစီအစဉ်မရှိဘဲ ကလပ်အသင်း ပိုင်ရှင်ဖြစ်ချင်တယ်လို့ ထွက်ပေါ်နေတဲ့ မေးခွန်းတွေအပေါ် တုန့်ပြန်ခဲ့တာပါ။ 

ဆော်ဒီနိုင်ငံရဲ့ PIF ဟာ ရော်နယ်ဒိုကို နိုင်ငံအတွင်းမှာပဲ ဆက်ထားချင်နေတာကြောင့် ရော်နယ်ဒိုဟာ ဆော်ဒီ ပရိုလိဂ်မှာ အသင်းတစ်သင်းကို ဝယ်ယူနိုင်မယ့် အခွင့်အရေး ရနိုင်တယ်လို့လည်း သိရပါတယ်။

ရော်နယ်ဒိုဟာ လက်ရှိအချိန်မှာ ကစားသမားဘဝကနေ အနားယူဖို့ အစီအစဉ် မရှိသေးဘဲ ၂၀၂၆ ကမ္ဘာ့ဖလား ပြိုင်ပွဲမှာ ပေါ်တူဂီအသင်းနဲ့အတူ ပါဝင်ကစားနိုင်ဖို့ ရည်မှန်းထားတာဖြစ်ပါတယ်။ 

Source: Goal

CNI Sport News

၂၀၂၄ ခုနှစ်၊ ဒီဇင်ဘာ ၂၈

အာဆင်နယ်အသင်း တောင်ပံကစားသမား ဆာကာဟာ တံကောက်ကြောဒဏ်ရာကို ခွဲစိတ်မှုခံယူပြီးနောက် ၂ လကျော်ကြာ အနားယူရမယ်လို့ နည်းပြအာတီတာက ပြောခဲ့ပါတယ်။ 

အာတီတာက “အရာအားလုံး အဆင်ပြေခဲ့ပေမယ့် ကံဆိုးစွာနဲ့ ဆာကာဟာ ရက်သတ္တပတ် ပေါင်းများစွာကြာ အနားယူရတော့မှာပါ။ ၂ လကျော်လောက်တော့ သူ အနားယူရမယ်လို့ထင်ပြီး ဘယ်လောက်ကြာမလဲဆိုတာတော့ အတိအကျမသိပါဘူး”လို့ ပြောခဲ့တာပါ။ 

ဆာကာဟာ အာဆင်နယ်အသင်းက ပဲလေ့စ်အသင်းကို ၅ ဂိုး-၁ ဂိုးနဲ့ အနိုင်ရခဲ့တဲ့ ဒီဇင်ဘာ ၂၁ ရက်ကပွဲစဉ်ရဲ့ ပထမပိုင်းမှာ ဒဏ်ရာရရှိခဲ့တာကြောင့် ပွဲအပြီးမှာ ချိုင်းထောက်နဲ့ ကွင်းထဲကနေ ထွက်ခဲ့ရတာဖြစ်ပါတယ်။ 

အာဆင်နယ်အသင်း ယှဉ်ပြိုင်နေစဉ်

အသက် ၂၃ နှစ်အရွယ်ရှိ ဆာကာဟာ ဒီရာသီမှာ အာဆင်နယ်အသင်းအတွက် ပြိုင်ပွဲစုံ ၂၄ ပွဲ ပါဝင် ကစားထားတာမှာ ၉ ဂိုးသွင်းပြီး ဂိုးဖန်တီးမှု ၁၃ ကြိမ် ပြုလုပ်ထားတာပါ။

အဲဒါကြောင့် ဆာကာကို ကာလရှည်ကြာ ဆုံးရှုံးရမှာက အာဆင်နယ်အသင်းအတွက် ထိုးနှက်ချက်လို ဖြစ်ခဲ့ပါ တယ်။ 

အာဆင်နယ်အသင်းဟာ ဆာကာ ဒဏ်ရာရရှိပြီးနောက် ပထမဆုံး ကစားခဲ့တဲ့ ပွဲစဉ်မှာ အစ်စဝှစ်ချ်အသင်းကို ၁ ဂိုး-ဂိုးမရှိနဲ့ အနိုင်ရရှိခဲ့တာပါ။ 

အာဆင်နယ်အသင်းဟာ ဒီနိုင်ပွဲကြောင့် ပရီးမီးယားလိဂ် အမှတ်ပေးဇယား အဆင့် ၂ နေရာကို တက်လာနိုင် ခဲ့ပါတယ်။ 

ထိပ်ဆုံးနေရာက လီဗာပူးလ်အသင်းထက် ၁ ပွဲပို ကစားထားပြီး ရမှတ် ၆ မှတ် ကွာဟနေတဲ့ အာဆင်နယ်အသင်း ဟာ လာမယ့် ပရီးမီးယားလိဂ် ပွဲစဉ်အဖြစ် ဇန်နဝါရီ ၁ ရက်မှာ ဘရန်ဖို့ဒ် အသင်းအိမ်ကွင်း သွားရောက် ယှဉ်ပြိုင်ရမှာ ဖြစ်ပါတယ်။ 

Source: BBC

CNI Sport News

၂၀၂၄ ခုနှစ်၊ ဒီဇင်ဘာ ၂၈

ပေါ်တူဂီအသင်းခေါင်းဆောင် ရော်နယ်ဒိုက ရီးရယ်လ်အသင်း တောင်ပံကစားသမား ဗီနီစီးယက်စ်ဟာ မန်စီးတီး အသင်း ကွင်းလယ်လူ ရိုဒရီထက် Ballon d'Or ဆုရရှိဖို့ ထိုက်တန်တယ်လို့ Globe Soccer Award ဆုပေးပွဲမှာ ပြောခဲ့ပါတယ်။

ရော်နယ်ဒိုက “ကျနော့် အမြင်အရဆိုရင် ဗီနီစီးယက်စ်က ရွှေဘောလုံးရရှိဖို့ ထိုက်တန်ပါတယ်။ ဒါက မျှတမှု မရှိဘူးလို့လည်း ထင်ပါတယ်။ ဒါကို လူတိုင်းရှေ့မှာ ကျနော်ပြောနေတာပါ။ သူတို့ကတော့ ရိုဒရီကိုပေးခဲ့ပြီး ရိုဒရီကလည်း ရရှိဖို့ ထိုက်တန်တဲ့သူပါ။ ဒါပေမယ့် သူတို့ဟာ ဗီနီစီးယက်စ်ကို Ballon d'Or ပေးသင့်တာပါ။ ဘာကြောင့်လဲဆိုရင် သူဟာ ချန်ပီယံလိဂ်ဖလားကို ရယူနိုင်ခဲ့ပြီး ဗိုလ်လုပွဲမှာလည်း ဂိုးသွင်းနိုင်ခဲ့ပါတယ်”လို့ ပြောခဲ့တာပါ။ 

ဗီနီစီးယက်စ်ဟာ Ballon d'Or ဆုကို မရခဲ့ပေမယ့် မကြာသေးခင်က ချီးမြှင့်ခဲ့တဲ့ FIFA The Best ဆုပေးပွဲမှာ တစ်နှစ်တာ အကောင်းဆုံး အမျိုးသားကစားသမားဆုကို ရရှိခဲ့သလို Globe Soccer Award ဆုပေးပွဲမှာလည်း အကောင်းဆုံး အမျိုးသားကစားသမားဆုကို ရရှိခဲ့တာဖြစ်ပါတယ်။ 

ရော်နယ်ဒိုကို တွေ့ရစဉ်

ရော်နယ်ဒိုဟာ Ballon d'Or ဆုကို ၅ ကြိမ် ရရှိခဲ့ပေမယ့် ဒီနှစ်အတွက် ချီးမြှင့်ခဲ့တဲ့ ဆုပေးပွဲမှာ ဆန်ခါတင် စာရင်းထဲ ပါဝင်ခဲ့ခြင်းမရှိပါဘူး။ 

ရော်နယ်ဒိုဟာ Globe Soccer Award ဆုပေးပွဲမှာ ၂၀၂၄ ခုနှစ်ရဲ့ အကောင်းဆုံး အရှေ့အလယ်ပိုင်း ကစားသမား ဆုကို ရရှိခဲ့ပါတယ်။ 

ရော်နယ်ဒိုဟာ ဒီဆုပေးပွဲမှာ အသင်းဟောင်း ယူနိုက်တက်အသင်း ဖြစ်ပျက်နေတဲ့ ပြဿနာတွေက အမြဲတမ်း နည်းပြကြောင့် မဟုတ်ဘဲ ဒီထက် အများကြီး ပိုတယ်လို့လည်း ပြောခဲ့တာပါ။ 

ယူနိုက်တက်အသင်းဟာ နည်းပြတွေ ပြောင်းလဲနေပေမယ့် လက်ရှိအချိန်ထိ ရလဒ်တွေက ဆိုးရွားနေတာ ဖြစ်ပါတယ်။

အသက် ၃၉ နှစ်အရွယ်ရှိ ရော်နယ်ဒိုဟာ ဒီရာသီမှာ အယ်လ်နာဆာအသင်းအတွက် ၁၉ ပွဲ ပါဝင်ကစားတာမှာ ၁၆ ဂိုးသွင်းယူထားတာ ဖြစ်ပါတယ်။ 

Source: ESPN

CNI Sport News

၂၀၂၄ ခုနှစ်၊ ဒီဇင်ဘာ ၂၇

ယူနိုက်တက်အသင်းမှာ နေရာရဖို့ ရုန်းကန်နေရတဲ့ တောင်ပံကစားသမား အန်တိုနီကို ခေါ်ယူဖို့ ကလပ် အများအပြားက စိတ်ဝင်စားနေတယ်လို့ အေးဂျင့်ဖြစ်သူက အတည်ပြုခဲ့ပါတယ်။ 

ပက်ဒရိုဆိုက “ဇန်နဝါရီမှာ အန်တိုနီရဲ့ အပြောင်းအရွှေ့အတွက် ကလပ်အများအပြားက ကျနော်တို့ကို ချဉ်းကပ် ခဲ့ပါတယ်။ ဒီကလပ်တွေက အန်တိုနီရဲ့ အခြေအနေကို နားလည်ချင်နေကြပါတယ်။ ဒါကြောင့် သူတို့တွေဟာ အန်တိုနီကို ခိုင်မာတဲ့ စိတ်ဝင်စားမှု ရှိတယ်ဆိုတာကို ကျနော် အတည်ပြုနိုင်ပါတယ်။ ယူနိုက်တက်အသင်းဘက် ကတော့ အန်တိုနီကို ရောင်းချဖို့ ဒါမှမဟုတ် အငှားချဖို့ ဘယ်လိုစိတ်ဝင်စားမှုကိုမှ ပြခဲ့ခြင်းမရှိဘူး”လို့ GiveMe Sport ကိုပြောခဲ့တာပါ။ 

၂၀၂၂ ခုနှစ် နွေရာသီ အပြောင်းအရွှေ့က အေဂျက်စ်အသင်းကနေ ပေါင် ၈၂ သန်းနဲ့ ရောက်ရှိလာခဲ့တဲ့ အန်တိုနီဟာ ယူနိုက်တက်အသင်းမှာ ၂ ရာသီခွဲအတွင်း ပရီးမီးယားလိဂ် သွင်းဂိုး ၅ ဂိုးသာ သွင်းယူနိုင်ခဲ့တာ ဖြစ်ပါတယ်။ 

အန်တိုနီဟာ နည်းပြသစ် အာမိုရင် လက်ထက်မှာ ယူနိုက်တက်အသင်းရဲ့ ပွဲထွက်လူစာရင်းထဲ ပါဝင်ခွင့်ရရှိဖို့ ရုန်းကန်နေရတာကြောင့် ဇန်နဝါရီအပြောင်းအရွှေ့မှာ ထွက်ခွာဖွယ်ရှိတယ်လို့ သတင်းတွေ ထွက်ပေါ်နေတာပါ။ 

ဒီအချိန်မှာ အန်တိုနီရဲ့အေးဂျင့်က သူ့ရဲ့ကစားသမားကို ခေါ်ယူဖို့ ကလပ်အသင်း အများအပြားက စိတ်ဝင်စား နေကြတယ်လို့ ပြောခဲ့တာဖြစ်ပါတယ်။ 

အန်တိုနီကို တွေ့ရစဉ်

ဒါပေမယ့် ယူနိုက်တက်အသင်းဟာ အန်တိုနီကို ဇန်နဝါရီ အပြောင်းအရွှေ့မှာ ထွက်ခွာခွင့်ပေးဖို့ ရည်ရွယ်ထားခြင်း မရှိဘူးလို့ သိရပါတယ်။ 

အန်တိုနီရဲ့အေးဂျင့်ကတော့ ကစားသမားဟာ လာမယ့် အပြောင်းအရွှေ့မှာ အငှားနဲ့ ထွက်ခွာဖွယ်ရှိနိုင်တယ်လို့ အရိပ်အမြွက်ပြောထားတာပါ။

ပရီးမီးယားလိဂ် တိုက်စစ်မှူးဟောင်း တစ်ဦးဖြစ်တဲ့ ဒီနေးက ယူနိုက်တက်အသင်း အနေနဲ့ အန်တိုနီကို ထွက်ခွာခွင့် ပေးသင့်တယ်လို့ စပါးအသင်းနဲ့ ကာရာဘောင်းဖလား ပွဲစဉ်က စွမ်းဆောင်ရည်အပေါ် သုံးသပ်ထားပါတယ်။ 

အန်တိုနီဟာ ယူနိုက်တက်အသင်းကို ရောက်ရှိလာပြီး ကတည်းက ပွဲပေါင်း ၉၃ ပွဲကစားထားပြီး ၁၂ ဂိုး သွင်းယူထားတာ ဖြစ်ပါတယ်။ 

Source: Metro