CNI Sport News
၂၀၂၅ ခုနှစ်၊ ဩဂုတ် ၂၅
အဲဗာတန်အသင်းနည်းပြ ဒေးဗစ်မိုယက်စ်က တောင်ပံကစားသမား ဂရီလစ်ရှ်ဆီကနေ မန်စီးတီးအသင်း ဆုဖလား ၃ လုံး ရယူနိုင်ခဲ့ချိန်မှာ လုပ်ဆောင်ခဲ့တဲ့ပုံစံ ပြန်လည်ရယူနိုင်ဖို့ မျှော်လင့်တယ်လို့ ဘရိုက်တန်အသင်းကို ၂ ဂိုး-ဂိုး မရှိနဲ့ အနိုင်ရခဲ့တဲ့ ပွဲအပြီးမှာ ပြောခဲ့ပါတယ်။
ဒေးဗစ်မိုယက်စ်က “ကျနော်တို့ဟာ ကျနော်တို့ အားလုံးသိတဲ့ ဂရီလစ်ရှ်ကို လိုချင်ပြီး သူ့အနေနဲ့ ပိုပြီးလုပ်ပြနိုင်ဖို့ လိုအပ်ပါတယ်။ သူဟာ ဘောလုံးကို သယ်ဆောင်ပြီး ဂိုးဖန်တီးမှုတွေ ပြုလုပ်နိုင်သလို သူဖြစ်စေချင်တဲ့ ပုံစံမျိုး ကျနော် ဖြစ်စေချင်ပါတယ်။ မန်စီးတီးအသင်း ဆုဖလား ၃ လုံး ရယူနိုင်ခဲ့တဲ့နှစ်မှာ ဂရီလစ်ရှ်ဟာ အလွန်စိတ် လှုပ်ရှား စရာကောင်းတဲ့ ကစားသမားဖြစ်ခဲ့ပြီး သူ့ကို ဒီလိုပုံစံမျိုး ကျနော်တို့ပြန်ရဖို့ ကျနော်မျှော်လင့်ပါတယ်”လို့ ပြောခဲ့တာပါ။
ပြီးခဲ့တဲ့ရာသီက မန်စီးတီးအသင်းမှာ ပွဲကစားခွင့်ရဖို့ ရုန်းကန်ခဲ့ရတဲ့ ဂရီလစ်ရှ်ဟာ ဒီနွေရာသီ အပြောင်းအရွှေ့မှာ အဲဗာတန်အသင်းထံ ရာသီကုန်အထိ အငှားစာချုပ်နဲ့ ပြောင်းရွှေ့လာခဲ့တာ ဖြစ်ပါတယ်။
ဂရီလစ်ရှ်ဟာ ဘရိုက်တန်အသင်း နဲ့ပွဲစဉ်မှာ အဲဗာတန်အသင်းရဲ့ ပွဲထွက် လူစာရင်းထဲ ပါဝင်ခွင့်ရခဲ့ပြီး အသင်း ရရှိတဲ့ သွင်းဂိုး ၂ ဂိုးစလုံးကို ဖန်တီးပေးနိုင်ခဲ့တာပါ။
ဂရီလစ်ရှ်ကို တွေ့ရစဉ်
ဂရီလစ်ရှ်ဟာ အဲဗာတန်အသင်းမှာ အကောင်းဆုံး ခြေစွမ်းပြပြီး အင်္ဂလန်အသင်း လူစာရင်းထဲ ပြန်လည် ပါဝင်ရနိုင် ဖို့ ပစ်မှတ်ထားနေတာ ဖြစ်ပါတယ်။
အဲဗာတန်အသင်းနည်းပြ ဒေးဗစ်မိုယက်စ်ကလည်း ဂရီလစ်ရှ်ကို အများကြီး မျှော်လင့်ထားပြီး မန်စီးတီးအသင်း ဆုဖလား ၃ လုံး ရယူနိုင်ခဲ့တဲ့နှစ်မှာ လုပ်ပြခဲ့တဲ့ပုံစံမျိုး လိုချင်နေတာပါ။
ဂရီလစ်ရှ်က အဲဗာတန်အသင်းဟာ ဘောလုံးပွဲတွေမှာ သူ့ရဲ့ချစ်မြတ်နိုးမှုတွေကို ပြန်လည်ရှာဖွေတွေ့ရှိဖို့ ကူညီပေးခဲ့ပြီး ဖြစ်တယ်လို့ ဘရိုက်တန်အသင်းနဲ့ပွဲအပြီးမှာ ဝန်ခံခဲ့ပါတယ်။
အဲဗာတန်အသင်းဟာ ပရီးမီးယားလိဂ် အဖွင့်ပွဲစဉ်မှာ လိဒ်စ်အသင်းကို အရေးနိမ့်ထားတာကြောင့် ၂ ပွဲ ကစားအပြီးမှာ ၁ ပွဲနိုင်၊ ၁ ပွဲရှုံး ရမှတ် ၃ မှတ်ရရှိထားတာပါ။
အဲဗာတန်အသင်းဟာ ကြားရက်ထဲမှာ ကာရာဘောင်းလိဂ်ဖလား ဒုတိယအဆင့်ပွဲစဉ်အဖြစ် လိဂ်ဝမ်းကလပ် မန်စ်ဖီးလ်တောင်းအသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Goal
