CNI Sport News

၂၀၂၅ ခုနှစ်၊ ဩဂုတ် ၂၂

နယ်သာလန် ညာတောင်ပံနောက်ခံလူ ဖရင်ပေါင်ဟာ ပရီးမီးယားလိဂ် အဖွင့်ပွဲစဉ်ဖြစ်တဲ့ ဘုန်းမောက် အသင်းနဲ့ ပွဲစဉ်မှာ တံကောက်ကြောဒဏ်ရာ ရရှိခဲ့တာကြောင့် လီဗာပူးလ် အသင်းရဲ့လာမယ့် ပရီးမီးယားလိဂ် ပွဲစဉ်တွေဖြစ် တဲ့ နယူးကာဆယ်နဲ့ အာဆင်နယ်အသင်း ပွဲတွေကို လွဲချော်မှာဖြစ်ပါတယ်။

နွေရာသီအစောပိုင်းက လေဗာကူဆင် အသင်းကနေ ရောက်ရှိလာခဲ့တဲ့ ဖရင်ပေါင်ဟာ နိုင်ငံတကာပွဲစဉ်တွေ မတိုင်မီ ဒဏ်ရာခံစားခဲ့ရတာကြောင့် လီဗာပူးလ်အသင်းရဲ့ ပရီးမီးယားလိဂ် အရေးကြီးပွဲစဉ် ၂ ပွဲကို လွဲချော်တော့ မှာပါ။ 

ဖရင်ပေါင်ရဲ့ ဒဏ်ရာဟာ လီဗာပူးလ်အသင်းအတွက် သတင်းဆိုးဖြစ်ခဲ့ပြီး စက်တင်ဘာ နိုင်ငံတကာပွဲစဉ်တွေ အပြီးမှသာ အသင်းအတွက် ပြန်ပါဝင်နိုင်ဖို့ မျှော်လင့်တယ်လို့ နည်းပြအာနီဆလော့က ပြောခဲ့ပါတယ်။ 

လီဗာပူးလ်အသင်းနည်းပြ အာနီဆလော့က “ဆေးအဖွဲ့က ဖရင်ပေါင်နဲ့ ပတ်သက်ပြီး လူစားလဲဖို့ ကျနော့်ကို ပြောခဲ့တာက လုံးဝမှန်ကန်ပါတယ်။ ဘာလို့လဲဆိုရင် ဖရင်ပေါင်ဟာ ပွဲအတွင်းမှာဖြစ်ခဲ့တဲ့ အဖြစ်အပျက်ကြောင့် လာမယ့် နိုင်ငံတကာပွဲစဉ်တွေ ပြီးဆုံးတဲ့ အချိန်အထိ အနားယူရတော့မှာပါ။ ဒီပွဲတွေအပြီးမှာ သူပြန်လာနိုင်ဖို့ ကျနော်တို့ မျှော်လင့်တယ်”လို့ ပြောခဲ့တာပါ။ 

လီဗာပူးလ်အသင်း ကစားသမား ဖရင်ပေါင်ကို တွေ့ရစဉ်  

ဖရင်ပေါင် မပါဝင်နိုင်ချိန်မှာ လီဗာပူးလ်အသင်းဟာ ညာနောက်ခံလူ တစ်ဦးဖြစ်တဲ့ ကော်နာဘရက်ဒလေကို အသုံးပြုလို့ရပေမယ့် သူကလည်း ပြီးခဲ့တဲ့ရက်ပိုင်းကမှ အသင်းနဲ့ လေ့ကျင့်မှုတွေပြန်ပြီး ပြုလုပ်နိုင်ခဲ့တာ ဖြစ်ပါတယ်။ 

အဲဒါကြောင့် လီဗာပူးလ်အသင်းနည်းပြ အာနီဆလော့က နယူးကာဆယ်အသင်းနဲ့ပွဲစဉ်မှာ ကွင်းလယ် ကစားသမား တွေဖြစ်တဲ့ အန်ဒိုနဲ့ ဆိုဘော့ဆလိုင်းတို့ ၂ ဦးထဲက တစ်ဦးကို ညာနောက်ခံလူ နေရာမှာ အသုံးပြုသွားဖို့ ရှိနေတာ ပါ။ 

လီဗာပူးလ်အသင်းဟာ ပရီးမီးယားလိဂ် ရာသီသစ် အဖွင့်ပွဲစဉ်မှာ ဘုန်းမောက်အသင်းကို နောက်ကျ သွင်းဂိုးတွေ ကြောင့် ၄ ဂိုး-၂ ဂိုးနဲ့ အနိုင်ရခဲ့ပြီး ချန်ပီယံဆု ဆက်ထိန်းသိမ်းဖို့ အနိုင်ရလဒ်နဲ့ စတင်နိုင်ခဲ့တာဖြစ်ပါတယ်။ 

Source: Goal