- By CNI
- Category: နိုင်ငံရေး
- Hits: 358
CNI News
၂၀၂၅ ခုနှစ်၊ ဒီဇင်ဘာ ၂၈
မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာ ၂၈ ရက်က ရွေးကောက်ပွဲအပိုင်း(၁)ကို ကျင်းပနေရာ ကရင်ပြည်နယ်၊ မြဝတီမြို့ပေါ်၌ ဒရုန်း တိုက်ခိုက်မှုကြောင့် ပေါက်ကွဲမှုများ ဖြစ်ပေါ်ခဲ့သော်လည်း ပြည်သူလူထုသည် ရွေးကောက်ပွဲ နေ့မှာ မဲလာရောက် ပေးခဲ့ကြသည်။
ဒီဇင်ဘာ ၂၇ ရက်က ရွေးကောက်ပွဲ ဆန့်ကျင်သည့်အနေဖြင့် မြဝတီမြို့ပေါ်ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) ရုံး အပါအဝင် အနီးအနားရှိ အဆောက်အအုံများ ဒရုန်းဗုံးချ တိုက်ခိုက်ခံခဲ့ရသည်။
အဆိုပါ တိုက်ခိုက်မှုကို မည်သည့် လူပုဂ္ဂိုလ် သို့မဟုတ် အဖွဲ့အစည်းက လုပ်ဆောင်သည်ကိုတော့ မသိရသေးပေ။
- By CNI
- Category: နိုင်ငံရေး
- Hits: 482
CNI News
၂၀၂၅ ခုနှစ်၊ ဒီဇင်ဘာ ၂၈
ယနေ့ (ဒီဇင်ဘာ ၂၈ ရက်) ကျင်းပသည့် ရွေးကောက်ပွဲအပိုင်း(၁)တွင် ရန်ကုန်တိုင်းဒေသကြီး၊ ကမာရွတ်မြို့နယ် အမှတ်(၃)ရပ်ကွက်ရှိ မဲရုံအမှတ် ၄ တွင် မဲပေးပိုင်ခွင့်ရှိသူ ၂၀၇၁ ဦးအနက် ညနေ ၃ နာရီကျော်၌ ၄၅၀ ဝန်းကျင် မဲ လာပေးခဲ့ကြောင်း သိရသည်။
- By CNI
- Category: နိုင်ငံရေး
- Hits: 375
CNI News
၂၀၂၅ ခုနှစ်၊ ဒီဇင်ဘာ ၂၈
ရန်ကုန်တိုင်းဒေသကြီး ကမာရွတ်မြို့နယ်၊ အမှတ် (၃) ရပ်ကွက်၊ အ.ထ.က (၅) ကမာရွတ် မဲရုံအမှတ် (၁) တွင် မဲပေးပိုင်ခွင့်ရှိသူ ၁၂၆၆ ဦးအနက် ၁၀၀ ကျော် လာရောက် မဲပေးထားသည်ဟု သိရသည်။
၂၀၂၅ ခုနှစ်၊ ဒီဇင်ဘာ ၂၈ ရက်တွင် ရွေးကောက်ပွဲအပိုင်း (၁) ကို စတင် ကျင်းပနေခြင်းဖြစ်သည်။
- By CNI
- Category: နိုင်ငံရေး
- Hits: 307
CNI News
၂၀၂၅ ခုနှစ်၊ ဒီဇင်ဘာ ၂၈
မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာ ၂၈ ရက်က စတင် ကျင်းပခဲ့သည့် ရွေးကောက်ပွဲအပိုင်း(၁)ကို နိုင်ငံတကာ သံတမန် ၁၃၉ ဦး လာရောက်စောင့်ကြည့် လေ့လာနေသည်ဟု နိုင်ငံတော်ကာကွယ်ရေးနှင့်လုံခြုံရေးကောင်စီ၏ သတင်းထုတ်ပြန်ရေးအဖွဲ့မှ ထုတ်ပြန်ခဲ့သည်။
မြန်မာနိုင်ငံတွင် ကျင်းပနေသည့် ရွေးကောက်ပွဲကို တရုတ်၊ အိန္ဒိယ၊ ရုရှား၊ ဗီယက်နမ်၊ ကမ္ဘောဒီးယား၊ ဘယ်လာရုစ် အပါအဝင် နိုင်ငံတကာမှ သံတမန်များ လာရောက်စောင့်ကြည့် လေ့လာနေကြသည်။
- By CNI
- Category: နိုင်ငံရေး
- Hits: 233
CNI News
၂၀၂၅ ခုနှစ်၊ ဒီဇင်ဘာ ၂၈
မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာ ၂၈ ရက်က စတင် ကျင်းပနေသည့် ရွေးကောက်ပွဲ အပိုင်း(၁)၌ ရန်ကုန်တိုင်း ဒေသကြီး၊ သင်္ဃန်းကျွန်းမြို့နယ်၊ သင်္ဃန်းကျွန်းရပ်ကွက် (အခြေခံပညာ အလယ်တန်းကျောင်း အမှတ်-၆) သံသုမာ လမ်းရှိ မဲရုံအမှတ် ၁-၂ တွင် မဲလာပေးသူ ၅၄၀ ဦး ရှိကြောင်း သိရသည်။
အဆိုပါ မဲရုံများတွင် မဲပေးခွင့်ရှိသူ ၂၂၀၀ ဦးရှိပြီး နေ့လယ် ၁ နာရီဝန်းကျင်အထိ ၅၄၀ ဦး မဲလာပေးထားကြောင်း သိရသည်။
- By CNI
- Category: နိုင်ငံရေး
- Hits: 250
CNI News
၂၀၂၅ ခုနှစ်၊ ဒီဇင်ဘာ ၂၈
မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာ ၂၈ ရက်၌ စတင် ကျင်းပနေသည့် ရွေးကောက်ပွဲ အပိုင်း(၁)မှာ ပြည်သူလူထု မဲလာရောက် ပေးသည့် အခြေအနေများကို ယာယီသမ္မတ ဗိုလ်ချုပ်မှူးကြီးမင်းအောင်လှိုင် လိုက်လံကြည့်ရှု၍ ပြည်သူ့အသံကို နားထောင်ခဲ့သည်။
ဗိုလ်ချုပ်မှူးကြီးမင်းအောင်လှိုင်သည် နေပြည်တော်ကောင်စီ နယ်မြေအတွင်း ယနေ့ (ဒီဇင်ဘာ၂၈ ရက်) နံနက် ပိုင်းတွင် လှည့်လည်၍ မဲရုံများ၌ မဲဆန္ဒရှင်ပြည်သူများ ဆန္ဒမဲပေးနေမှုများကို ကြည့်ရှုခဲ့သည်။
အလားတူ မြန်မာနိုင်ငံ၏ ရွေးကောက်ပွဲကို လေ့လာစောင့်ကြည့်ရန် ရောက်ရှိနေသော တရုတ်၊ အိန္ဒိယ၊ ရုရှား၊ ဗီယက်နမ်၊ ကမ္ဘောဒီးယားမှ နိုင်ငံတကာ သံတမန်များလည်း ၎င်းနှင့်အတူ ပါဝင်ခဲ့ကြသည်။
- By CNI
- Category: နိုင်ငံရေး
- Hits: 256
CNI News
၂၀၂၅ ခုနှစ်၊ ဒီဇင်ဘာ ၂၈
ရန်ကုန်တိုင်းဒေသကြီး၊ သင်္ဃန်းကျွန်းမြို့နယ် အထက သုဝဏ္ဏ (၂၅) ရပ်ကွက်ရှိ မဲရုံအမှတ် ၁ တွင် ရွေးကောက်ပွဲ နှင့် ပတ်သက်ပြီး မီဒီယာများ သတင်းရယူရန် ကြိုးပမ်းသော်လည်း သတင်းဓာတ်ပုံများ ရိုက်ခွင့်မပေးဘဲ မီဒီယာ ကဒ်များကို ဓာတ်ပုံရိုက် မှတ်တမ်းပြန်ယူလျက်ရှိသည်။
၂၀၂၅ ခုနှစ်၊ ဒီဇင်ဘာ ၂၈ ရက်တွင် မြန်မာနိုင်ငံ၌ ရွေးကောက်ပွဲ အပိုင်း(၁)ကို ကျင်းပလျက်ရှိသည်။
အဆိုပါ ရွေးကောက်ပွဲကို ယာယီသမ္မတ ဗိုလ်ချုပ်မှူးကြီးမင်းအောင်လှိုင်နှင့် တပ်မတော် ခေါင်းဆောင်များ မဲလာ ပေးသည့် မှတ်တမ်း ဓာတ်ပုံများ ရိုက်ကူးခွင့် ရနေသည့်တိုင် သင်္ဃန်းကျွန်းမြို့နယ် သုဝဏ္ဏဘက်ရှိ မဲရုံအမှတ် ၁ တွင် မီဒီယာများကို သတင်းရယူခွင့်နှင့် မှတ်တမ်းဓာတ်ပုံရိုက်ယူခွင့်များကို ပိတ်ပင်လျက်ရှိနေသည်။
- By CNI
- Category: နိုင်ငံရေး
- Hits: 248
CNI News
၂၀၂၅ ခုနှစ်၊ ဒီဇင်ဘာ ၂၈
၂၀၂၅ ခုနှစ်၊ ဒီဇင်ဘာ ၂၈ ရက်တွင် စတင် ကျင်းပနေသည့် ရွေးကောက်ပွဲ အပိုင်း(၁)၌ သက်ကြီးရွယ်အိုများ မဲလာပေးသည်ကို တွေ့ရသည်။
အဆိုပါ သက်ကြီးရွယ်အိုများသည် ကျောက်တံတားမြို့နယ် မဲရုံများတွင် လာရောက် မဲပေးကြခြင်းဖြစ်သည်။
- By CNI
- Category: နိုင်ငံရေး
- Hits: 295
CNI News
၂၀၂၅ ခုနှစ်၊ ဒီဇင်ဘာ ၂၈
ရန်ကုန်တိုင်းဒေသကြီး၊ ကျောက်တံတားမြို့နယ်၊ မဟာဗန္ဓုလပန်းခြံလမ်း(အထက်ဘလောက်)၊ အမှတ် ၂၈၁/၂၈၃၊ အောင်ဆွမ်းလောင်းရုံရှိ မဲရုံအမှတ် ၂ တွင် နံနက် ၁၀ နာရီက မဲလာရောက်ပေးသူ ၂၀၀ ဝန်းကျင် ရှိကြောင်း သိရသည်။
၂၀၂၅ ခုနှစ်၊ ဒီဇင်ဘာ ၂၈ ရက်တွင် ရွေးကောက်ပွဲအပိုင်း (၁) ကို စတင် ကျင်းပနေခြင်းဖြစ်ပြီး ထိုမဲရုံ၌ မဲပေးခွင့်ရှိသူ ၁၀၂၇ ဦး ရှိသည့်အနက် နံနက် ၁၀ နာရီမှာတော့ မဲလာပေးသူ ၂၀၀ ဝန်းကျင်ရှိပြီဖြစ်သည်။
Page 16 of 314
Connect with us
