CNI News

၂၀၂၄ ခုနှစ်၊ ဩဂုတ် ၁၄

တရုတ်သည် ၎င်းတို့၏ ရင်းနှီးမြှုပ်နှံမှု အများအပြားရှိနေသည့် မြန်မာပြည်ကို စိတ်ကြိုက်ခြယ်လှယ်ရန် ကြိုးပမ်း နေကြောင်း တွေ့ရသည်ဟု တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) မှ ဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

ယခင်အစိုးရ အဆက်ဆက်ကတည်းက တရုတ်အနေဖြင့် မြန်မာနှင့် စီမံကိန်းများ လုပ်ဆောင်ခဲ့ကြောင်း၊ ထို့အတူ မြန်မာပြည်ကို ဖိအားပေးသည့် အနေဖြင့် တိုက်ပွဲများ ဖန်းတီနေသည်ဟု မြင်မိကြောင်း ၎င်းက ပြောသည်။

စိုင်းဋ္ဌေးအောင်က “ဘယ်လို သဘောထားရှိသလဲဆိုတာ အခု ပင်လယ်ထွက်ပေါက်ကို ဟိုခေတ်တုန်းကြီးကနဲ့ သူ (တရုတ်) ရချင်နေတာလေ၊ အတိုဆုံး ပင်လယ်ထွက်ပေါက်ပေါ့၊ နောက်ကျနော်တို့ မြန်မာပြည်က ယူနန်ပြည်နယ် ကုန်းတွင်းပိတ်ကနေပြီးတော့ အနောက်ကနေပြီးမှ တောက်လျှောက် ထွက်လို့ရတာပေါ့၊ အဲဒီအတွက်ကြောင့်မို့လို့ မြန်မာပြည်ကို သူတော်တော်ရချင်နေတာ သူကြိုးစားခဲ့တဲ့ အဆက်ဆက်ကို ပြန်ကြည့်ရင်ပေါ့လေ၊ ဒါကြောင့်မို့ လူထုထောက်ခံတဲ့ ဒေါ်အောင်ဆန်းစုကြည် တက်လာတော့လည်း သူက စာချုပ်တွေ အလီလီလုပ်တယ်၊ လုပ်ပြီးမှ ကျနော်တို့ မြန်မာပြည်နဲ့ အကျိုးတူ ပူးပေါင်းမယ်ဆိုတဲ့ ကဏ္ဍမျိုးတွေပေါ့နော်၊ စီစဉ်ခဲ့တာတွေ ရှိတာပေါ့၊ အချက် ၃ ချက် လက်မှတ်ထိုးတာတို့ ဘာတို့ပေါ့နော်၊ အခု ဒီနစက အစိုးရ တက်လာတဲ့အခါကြတော့ နစကဥက္ကဋ္ဌက ရုရှားကို သွားလိုက်တယ်၊ ရုရှားသွားတဲ့အခါ သူသိပ်မကြိုက်တဲ့ သဘောတွေ တွေ့နေရတာပေါ့၊ အခုတရုတ်က မြန်မာပြည်ရဲ့ သူက အကျိုးစီးပွားတွေ မြန်မာပြည်ကို ဝါးမြိုထားသလို ဖြစ်နေတာ၊ ဖြစ်တဲ့အခါကြတော့ ကျနော် တို့ မြန်မာပြည်ကို သူ့လက်အောက်မှာ သူကြိုက်သလို ခြယ်လှယ်နိုင်တဲ့သူ ဖြစ်ချင်တာပေါ့လေ၊အခု ဘင်္ဂလားဒေ့ရှ် ဟာစီနာ အခုပြုတ်ကျသွားပါပြီ။ အဲဒီပုံစံနဲ့ သူကစားချင်နေတာ၊ ဒါပေမဲ့ မြန်မာပြည်က သူ(တရုတ်) ကစားတဲ့ ကစားကွက်ထဲမှာ ကစားမခံဘဲနဲ့ ရုန်းနေတာ ရှိတဲ့အခါကြတော့ သူပီပြင်အောင်ဆိုပြီးမှ သူ့ရဲ့ လူတွေ ကျနော်တို့ မြန်မာပြည်ကို ဖိအားပေးတဲ့အနေနဲ့ စစ်ပွဲတွေ ဖန်တီးတယ်လို့ ကျနော်အနေနဲ့ မြင်တာပေါ့” ဟု CNI သတင်းဌာန သို့ ပြောသည်။

MNDAA ကို တွေ့ရစဉ် 

လက်ရှိ ရှမ်းပြည်နယ်မြောက်ပိုင်းအတွင်း မြန်မာ့တပ်မတော်နှင့် ညီနောင်မဟာမိတ် ၃ ဖွဲ့(TNLA-MNDAA-AA)တို့ ကြား ဖြစ်ပွားသော တိုက်ပွဲအတွင်း ညီနောင်မဟာမိတ်တပ်ဖွဲ့ကို တရုတ်က စစ်လက်နက်ခဲယမ်းများ၊ ဒရုန်း အပါအဝင် နည်းပညာများကို ကူညီနေကြောင်း နိုင်ငံရေးနှင့်စစ်ရေး အကဲခတ်များက သုံးသပ်လျက်ရှိနေသည်။

ထို့နောက် တရုတ်-မြန်မာ နယ်စပ်တစ်လျှောက် ဖြစ်ပွားနေသည့် လက်နက်ကိုင်ပဋိပက္ခမှာ တရုတ်ကိုလည်း ထိခိုက်သည့်အတွက် မြန်မာပြည်တည်ငြိမ်အေးချမ်းမှုကို လိုလားကြောင်း၊ ညီနောင်မဟာမိတ် ၃ ဖွဲ့နှင့် နောက်ကွယ်တွင် ပါဝင်ပတ်သက်သည်ဟု ပြောဆိုမှုမှာ မမှန်ကန်ကြောင်း ပြီးခဲ့သည့် ဇူလိုင်လအတွင်း နိုင်ငံရေး ပါတီများနှင့် တွေ့ဆုံစဉ် တရုတ်ဘက်က ပြောကြားခဲ့သည်။

သို့သော် တရုတ်သည် မြန်မာနိုင်ငံရေး အကျပ်အတည်းတွင် ဦးသိန်းစိန်ကို နေရာပေးကာ ကစားပွဲတစ်ခုကို ဖန်တီး နိုင်ရေး ကြိုးပမ်းနေသည်ဟု နိုင်ငံရေးအသိုင်းအဝိုင်းကြား ထောက်ပြလျက်ရှိနေသည်။

မြန်မာနိုင်ငံ၏ အနာဂတ်အတွက် အဆုံးအဖြတ်ပေးရာတွင် လူထုမှာ အဓိကဖြစ်ကြောင်း၊ တရုတ်ကြားဝင်လည်း လက်ခံမှာမဟုတ်ကြောင်း မြန်မာ့နိုင်ငံရေး လေ့လာသုံးသပ်သူ ဒေါက်တာလှကျော်ဇောက CNI သတင်းဌာနသို့ ပြောသည်။

ကုန်သွယ်မှုကိုတွေ့ရစဉ်

၎င်းက “ကျမပြောချင်တာ ဒီလိုဗျ၊ တရုတ်ပဲဖြစ်ဖြစ်၊ ရုရှားပဲဖြစ်ဖြစ် ဘာလေးပဲ လာပြောပြော ကျမတို့ ဗမာပြည်ရဲ့ အနာဂတ်ကို အဆုံးအဖြတ်ပေးမှာ ကျမတို့ ပြည်သူတွေပဲ၊ ကျမတို့ ဗမာပြည်သူတွေပဲ၊ ကျမတို့က ဒီစစ်အာဏာရှင် စနစ်ကို မလိုချင်ပါဘူးဆိုတာ ၁၉၆၂ ဇူလိုင် ၇ ထဲက ပြသခဲ့ပြီ။ တောက်လျှောက်လည်း နည်းတဲ့စစ်ပွဲတွေ မဟုတ် ဘူး။ ဆင်နွှဲလာတာ အကြိမ်ကြိမ် ရှုံးနိမ့်လိုက် ပြန်ပြီးတိုက်လိုက် အကြိမ်ကြိမ် ရှုံးနိမ့်လိုက် ပြန်ပြီးတိုက်လိုက် ဆက်လက်ပြီးတော့လည်း ကျမတို့က ပြည်သူတွေက ပြတ်သားနေပြီး ဒီစစ်တပ်ကိုတော့ အပြတ်ဖြတ်မှ ဖြစ်တော့ မယ်ဆိုတာ ပြတ်သားနေပြီ။ ဒီလမ်းပဲ ကျမတို့ ဆက်လျှောက်စရာ ရှိတော့တယ်၊ ဒီလမ်းကလည်း ခါတိုင်း တော်လှန်ရေးတွေနဲ့စာရင် ခါတိုင်း လှုပ်ရှားမှုတွေနဲ့စာရင် ဒီတစ်ခါမျှော်လင့်ချက် အပြည့်ဝဆုံး အကောင်းဆုံး အချိန်ပါ၊ အဲဒီတော့ ကျမတို့က လုပ်စရာရှိတာ ဆက်လုပ်မှာပဲ၊ တရုတ်က ဝင်ပြောပြော၊ ရုရှားက ဝင်ပြောပြော၊ ကျမတို့ နားထောင်ချင်မှ နားထောင်မယ်၊ ဒီစစ်အာဏာရှင်စနစ်ကြီး ကျမတို့ ပြည်သူတွေက ဆက်တိုက် သွားမှာ ပါပဲ” ဟု ပြောသည်။

တရုတ်သည် တိုင်းရင်းသား လက်နက်ကိုင် အဖွဲ့အစည်းအချို့အပေါ်၌ ဩဇာလွှမ်းမိုးမှု ရှိနေသလို လက်ရှိ နစက အပေါ်တွင်လည်း လွှမ်းမိုးမှု ရှိနိုင်ရန် ကြိုးပမ်းနေကြောင်း နိုင်ငံရေး အသိုင်းအဝိုင်းအကြား သုံးသပ်လျက်ရှိနေ သည်။

မြန်မာနိုင်ငံမှာ တရုတ်ရင်းနှီးမြှုပ်နှံမှု စီမံကိန်းများအနေဖြင့် မြစ်ဆုံစီမံကိန်း၊ ကျောက်ဖြူရေနက်ဆိပ်ကမ်းနှင့် အထူးစီးပွားရေးဇုန် စသဖြင့် ရင်းနှီးမြှုပ်နှံမှု အများအပြား ရှိနေသည်။

CNI News

၂၀၂၄ ခုနှစ်၊ သြဂုတ် ၁၄

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို နစကအတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးက ဖမ်းဆီးချုပ်နှောင်ပြီး အာဏာသိမ်းဆိုသော သတင်းသည် လုပ်ကြံသတင်းဖြစ်သည်ဟု နစကသတင်းထုတ်ပြန် ရေးအဖွဲ့က သြဂုတ် ၁၄ ရက်တွင် သတင်းထုတ်ပြန်ခဲ့သည်။

သြဂုတ် ၁၃ ရက်နေ့ ညပိုင်းက ဝီလပ်ဇင်ယော်ဆိုသော ဖေ့စ်ဘွတ်ခ်အကောင့်ကနေ အောင်လင်းဒွေး(DSA 27) မှ ဗိုလ်ချုပ်မှူးကြီးမင်းအောင်လှိုင် (မူရင်း-မအလ) အားထိန်းသိမ်းဆိုပြီး ရေးသားဖြန့်ဝေခဲ့သည်။

နစက-က “ တိုင်းပြည်တည်ငြိမ်အေးချမ်းရေးကို ပျက်ပြားစေရန် ရည်ရွယ်ချက်ဖြင့် မဟုတ်မမှန် ကောလာဟလ များကို အကောင့်တုများ၊ ပြည်ဖျက်မီဒီယာများနှင့်ပေါင်းကာ ဝါဒဖြန့်ထုတ်လွှင့်ခြင်းသာဖြစ်ပါသည်။ လက်ရှိ လူမှု ကွန်ရက်ပေါ်တွင် ထွက်ပေါ်နေသည့် သတင်းများနှင့်ပတ်သက်၍ Captain Seagull Facebook အကောင့်က စပြီး သြဂုတ် ၁၂ ရက်နေ့ ည ၈ နာရီခွဲဝန်းကျင်ကတည်းက စတင်ဖြန့်ဝေခဲ့တာ တွေ့ရပါတယ်။ အဲဒီကနေတစ် ဆင့် ပြည်တွင်း/ပြည်ပ လောက်ကောင်များရဲ့ Facebook အကောင့်အတုတွေအပြင် ပြည်ဖျက်မီဒီယာအချို့က နေ ပြည်သူလူထုစိုးရိမ်မှုရှိအောင် အင်တိုက်အားတိုက် ဖြန့်ဝေခဲ့ကြပါတယ်။ နိုင်ငံတော်အကြီးအကဲနှင့် တာဝန်ရှိ သူများအနေဖြင့် နိုင်ငံ့တာဝန်များကို တက်ညီလက်ညီ ကျေပွန်စွာထမ်းဆောင်လျက်ရှိပါကြောင်း အသိပေးပြော ကြားလိုပါတယ်” ဟု ထုတ်ပြန် ပြောကြားခဲ့သည်။

အဆိုပါ အာဏာသိမ်းမှု သတင်းအမှားများကြောင့် ရွှေဈေး ၁ သိန်းကျော် တက်သွားသည်။ 

ထို့အပြင် တရုတ်နိုင်ငံခြားရေးဝန်ကြီး မစ္စတာဝမ်ယိ မြန်မာနိုင်ငံသို့ သြဂုတ် ၁၄ ရက်နေ့ ရောက်ရှိပြီး နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံမည့် ခရီးစဉ်နှင့်လည်း တိုက်ဆိုင်နေသည်။

CNI News
၂၀၂၄ ခုနှစ်၊ သြဂုတ် ၁၃

တရုတ်နိုင်ငံခြားရေးဝန်ကြီး မစ္စတာဝမ်ယိသည် မြန်မာနိုင်ငံသို့ လာရောက်မည့် ခရီးစဉ်အတွင်း နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံဆွေးနွေးမည်ဖြစ်သည်။

သို့သော် ဒေါ်အောင်ဆန်းစုကြည်နှင့်တွေ့ဆုံသွားရန် မရှိကြောင်း သိရသည်။

မစ္စတာဝမ်ယိသည် မြန်မာနိုင်ငံသို့ သြဂုတ် ၁၄ ရက်နေ့တွင် ရောက်ရှိမည်ဖြစ်ပြီး နေပြည်တော်မှာ နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့်တွေ့ဆုံမည်ဖြစ်ကြောင်း၊ ထို့နောက် သြဂုတ် ၁၅ ရက်နေ့တွင် ပြန်လည်ထွက် ခွာမည်ဖြစ်သည်။

မစ္စတာဝမ်ယိ၏ မြန်မာပြည်ခရီးစဉ်အတွင်း ဒေါ်အောင်ဆန်းစုကြည်နှင့် တွေ့ဆုံပေးရန် နစကဘက်က စီစဉ် နေကြောင်း သတင်းများ ထွက်ပေါ်နေသော်လည်း တွေ့ဆုံကြမည်မဟုတ်ကြောင်း နစကနှင့်တရုတ်သံရုံးများဖြင့် နီးစပ်သူများက ပြောသည်။

မြန်မာပြည်သို့ လာရောက်မည့် မစ္စတာဝမ်ယိ၏ ခရီးစဉ်အတွင်း မြန်မာနိုင်ငံ တည်ငြိမ်အေးချမ်းမှု ထိန်းသိမ်းရေး ကို ဆွေးနွေးသွားမည်ဟု မြန်မာနိုင်ငံဆိုင်ရာ တရုတ်သံရုံးက တရားဝင်ထုတ်ပြန် အသိပေးထားသည်။

တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က "တရုတ်နိုင်ငံခြားရေးဝန်ကြီး Mr. Wang Yi ၏ ယခုအကြိမ် ခရီးစဉ်သည် တရုတ်-မြန်မာ ကဏ္ဍအသီးသီးတွင် အကျိုးတူပူးပေါင်းဆောင်ရွက်မှုကို နက်ရှိုင်းစေပြီး နှစ်နိုင်ငံ ပြည်သူများ၏ ချစ်ကြည်ရင်းနှီးသောသံယောဇဉ်ကို ခိုင်ခံ့စေကာ တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှု နက်ရှိုင်းခိုင်မာစေရေးကို မြှင့်တင်ရန်ဖြစ်သည်။ ချစ်ကြည်ရင်းနှီးသော အိမ်နီးချင်းနိုင်ငံအနေဖြင့် တရုတ်နိုင်ငံသည် ပြည်တွင်းရေးကို ဝင်ရောက်စွက်ဖက်ခြင်း မပြုသည့် အခြေခံမူကို အမြဲတစေလိုက်နာကာ မြန်မာနိုင်ငံ တည်ငြိမ်အေးချမ်းမှု ထိန်းသိမ်းရေး၊ စီးပွားရေးဖွံ့ဖြိုးတိုးတက်ရေး၊ ပြည်သူ့အကျိုးပြုလုပ်ငန်းများ အာမခံရေးတို့ကို အစဉ်အမြဲထောက်ခံသွား၍ မြန်မာနိုင်ငံဘက်အသီးသီးက အခြေခံဥပဒေနှင့် တရားဥပဒေ မူဘောင်အတွင်း၌ နိုင်ငံရေးဆွေးနွေးခြင်းဖြင့် သဘောထားကွဲလွဲမှုများကို ကောင်းမွန်စွာဖြေရှင်းရေးအတွက် အပြုသဘောဆောင်သော ကူညီမှုများ ပေးအပ်သွားမည်ဖြစ်သည်"ဟု ပြောကြားခဲ့ကြောင်း တရုတ်သံရုံးမှ ထုတ်ပြန်ခဲ့သည်။

မစ္စတာဝမ်ယိသည် ထိုင်းနိုင်ငံ၊ ချင်းမိုင်မြို့မှာ သြဂုတ် ၁၄ ရက်မှ ၁၇ ရက်ထိ ကျင်းပရန်ရှိသည့် ၉ ကြိမ်မြောက် လန်ချန်း-မဲခေါင် ပူးပေါင်း ဆောင်ရွက်မှု အစည်းအဝေး တက်ရောက်ရန်ရှိပြီး ထိုအစည်းအဝေး ခရီးစဉ်အ တွင်းမှာ မြန်မာနိုင်ငံသို့ လာရောက်မည်ဖြစ်သည်။

ပြီးခဲ့သည့် ရက်ပိုင်းကလည်း တရုတ်အထူးကိုယ်စားလှယ် မစ္စတာတိန့်ရှီးကျွင်းသည် မြန်မာနိုင်ငံသို့ လာရောက် ခဲ့ပြီး နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံ၍ ရွေးကောက်ပွဲကိစ္စ၊ နယ်စပ်ဒေသတည်ငြိမ် အေးချမ်းရေးကိစ္စများကို ဆွေးနွေးခဲ့သည်။

လက်ရှိ မြန်မာနိုင်ငံ၊ ရှမ်းပြည်နယ်မြောက်ပိုင်းဒေသနှင့် မန္တလေးတိုင်းဒေသကြီးအတွင်းမှာ တရုတ်၏ သြဇာ သက်ရောက်မှုရှိသော လက်နက်ကိုင်များ(MNDAA-TNLA)နှင့် မြန်မာ့တပ်မတော်ကြား တိုက်ပွဲများ အပြင်း အထန် ဖြစ်ပွားနေသည်။

CNI News

၂၀၂၄ ခုနှစ်၊ သြဂုတ် ၁၃ 

တရုတ်နိုင်ငံခြားရေးဝန်ကြီး မစ္စတာဝမ်ယီသည် မြန်မာနိုင်ငံသို့ လာရောက်ရန် စီစဉ်ထားကြောင်း တရုတ်နိုင်ငံ ခြားရေးဝန်ကြီးဌာနက ထုတ်ပြန် ပြောကြားခဲ့သည်။

မစ္စတာဝမ်ယိသည် လာမည့် ရက်ပိုင်းအတွင်း မြန်မာနိုင်ငံသို့ လာရောက်မည်ဖြစ်ပြီး နစကဥက္ကဋ္ဌ ဗိုလ်ချုပ်မှူး ကြီး မင်းအောင်လှိုင်နှင့် တွေ့ဆုံဆွေးနွေးနိုင်ခြေ ရှိသည်ဟု တရုတ်သံရုံးနှင့်နီးစပ်သူများက ပြောသည်။

တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က "တရုတ်နိုင်ငံခြားရေးဝန်ကြီး Mr. Wang Yi ၏ ယခုအကြိမ်ခရီးစဉ်သည် တရုတ်-မြန်မာ ကဏ္ဍအသီးသီးတွင် အကျိုးတူပူးပေါင်းဆောင်ရွက်မှုကို နက်ရှိုင်းစေပြီး နှစ်နိုင်ငံပြည်သူများ၏ ချစ်ကြည်ရင်းနှီးသောသံယောဇဉ်ကို ခိုင်ခံ့စေကာ တရုတ်-မြန်မာ အေးအတူပူအမျှအသိုက်အဝန်း တည်ဆောက်မှု နက်ရှိုင်းခိုင်မာစေရေးကို မြှင့်တင်ရန်ဖြစ်သည်။ ချစ်ကြည်ရင်းနှီးသော အိမ်နီးချင်းနိုင်ငံအနေဖြင့် တရုတ်နိုင်ငံသည် ပြည်တွင်းရေးကို ဝင်ရောက်စွက်ဖက်ခြင်း မပြုသည့် အခြေခံမူကို အမြဲတစေလိုက်နာကာ မြန်မာနိုင်ငံ တည်ငြိမ်အေးချမ်းမှု ထိန်းသိမ်းရေး၊ စီးပွားရေးဖွံ့ဖြိုးတိုးတက်ရေး၊ ပြည်သူ့အကျိုးပြုလုပ်ငန်းများ အာမခံရေးတို့ကို အစဉ်အမြဲထောက်ခံသွား၍ မြန်မာနိုင်ငံဘက်အသီးသီးက အခြေခံဥပဒေနှင့် တရားဥပဒေမူဘောင်အတွင်း၌ နိုင်ငံရေးဆွေးနွေးခြင်းဖြင့် သဘောထားကွဲလွဲမှုများကို ကောင်းမွန်စွာဖြေရှင်းရေးအတွက် အပြုသဘောဆောင်သော ကူညီမှုများ ပေးအပ်သွားမည်ဖြစ်သည်"ဟု ပြောကြားခဲ့ကြောင်း တရုတ်သံရုံးမှ ထုတ်ပြန်ခဲ့သည်။

မစ္စတာဝမ်ယိသည် ထိုင်းနိုင်ငံ၊ ချင်းမိုင်မြို့မှာ ကျင်းပရန်ရှိသည့် ၉ ကြိမ်မြောက် လန်ချန်း-မဲခေါင် ပူးပေါင်း ဆောင်ရွက်မှု အစည်းအဝေး တက်ရောက်ရန်ရှိပြီး ထိုအစည်းအဝေး ခရီးစဉ်အတွင်းမှာ မြန်မာနိုင်ငံသို့ လာ ရောက်ရန် စီစဉ်ထားကြောင်း သိရသည်။

ပြီးခဲ့သည့် ရက်ပိုင်းကလည်း တရုတ်အထူးကိုယ်စားလှယ် မစ္စတာတိန့်ရှီးကျွင်းသည် မြန်မာနိုင်ငံသို့ လာရောက် ခဲ့ပြီး နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံ၍ ရွေးကောက်ပွဲကိစ္စ၊ နယ်စပ်ဒေသတည်ငြိမ် အေးချမ်းရေးကိစ္စများကို ဆွေးနွေးခဲ့သည်။

လက်ရှိ မြန်မာနိုင်ငံ၊ ရှမ်းပြည်နယ်မြောက်ပိုင်းဒေသနှင့် မန္တလေးတိုင်းဒေသကြီးအတွင်းမှာ တရုတ်၏ သြဇာ သက်ရောက်မှုရှိသော လက်နက်ကိုင်များ(MNDAA-TNLA)နှင့် မြန်မာ့တပ်မတော်ကြား တိုက်ပွဲများ အပြင်း အထန် ဖြစ်ပွားနေသည်။

CNI News

၂၀၂၄ ခုနှစ်၊ ဩဂုတ် ၁၃

ပလက်ဝဒေသ အပါအဝင် ချင်းပြည်နယ်နေရာအနှံ့တွင် ရခိုင်လက်နက်ကိုင်နှင့် ချင်းလက်နက်ကိုင်များကြား နယ်မြေအငြင်းပွားမှုများ ဖြစ်ပွားနေခြင်းအပေါ် မည်သည့်နည်းလမ်းဖြင့် ဖြေရှင်းကြမလဲ ပြည်တွင်းရှိ နိုင်ငံရေးနှင့် စစ်ရေးအကဲခတ်များကြား မေးခွန်းထုတ်လျက်ရှိနေသည်။

ချင်းပြည်နယ်၊ ပလက်ဝမြို့နယ်ကို ပြီးခဲ့သည့် ၂၀၂၄ ခုနှစ်၊ ဇန်နဝါရီလအတွင်း အာရက္ခတပ်တော် (AA)က သိမ်းပိုက်ပြီးနောက် နယ်မြေအငြင်းပွားမှုမှာ ပိုမိုငြင်းငုံလာကြသည်ကို တွေ့ရသည်။

အဆိုပါ နယ်မြေအငြင်းပွားမှု ပြဿနာမှာ ကြာပြီဖြစ်ကြောင်း၊ လက်နက်ဖြင့် ဖြေရှင်းပါက ပြေလည်မှာ မဟုတ်ကြောင်း မြန်မာ့နိုင်ငံရေးလေ့လာသုံးသပ်သူ ဦးကြီးမြင့်က CNI သတင်းဌာနသို့ ပြောသည်။

၎င်းက “အဲဒီကိစ္စက ကြာပြီဗျ၊ အစတုန်းက ပလက်ဝက ဟိုတုန်းက ရခိုင်ဖက်က ပိုင်တာ၊ ရခိုင်ကပိုင်တာ၊ သို့သော်လည်း နောက်ပိုင်းကြတော့ လွတ်လပ်ရေးရပြီးခါကြတော့ ခွဲလိုက်တဲ့အခါကြတော့ ရခိုင်ဖက်က နယ်က ချင်းဖက် ပါသွားတာပေါ့၊ အဲဒီသဘောရှိတယ်၊ အဲဒီမှာ နောက်တစ်ခါ စစ်အစိုးရတွေက သွေးခွဲတာတွေ ပါတာပေါ့၊ အဲဒါတွေက ရှင်းရှင်းပြောရရင် အပ်နဲ့ ထွင်းရမယ့်ဟာ ပေါက်ဆိန်နဲ့ ပေါက်နေရတာပေါ့၊ ကျနော်တို့က ပြည်ထောင် စု စည်းလုံးညီညွတ်ရေးကို စည်းလုံးညီညွတ်ရေး ရှုထောင့်က မတည်ဆောက်ဘဲနဲ့ သွေးခွဲရေး ရှုထောင့်က တည်ဆောက်ခဲ့တဲ့ အခါကြတော့ သွေးကွဲကုန်တာ မဆန်းဘူးပေါ့၊ သွေးခွဲတဲ့သူတွေ မရှိတော့ဘူးဆိုတဲ့ အချိန်ကြ ရင်တော့ ကိုယ့်အချင်းချင်းတွေ စေ့စပ်ညှိနှိုင်းပြီးတော့ ပြေလည်အောင် လုပ်ရမှာပဲ၊ ဥပမာ ကချင်ပြည်နယ်မှာ ဆိုရင် ရှမ်းနီနဲ့ ကချင်နဲ့ ဟိုဖက်က ရဝမ်တွေနဲ့ အများကြီးပဲ သွေးကွဲနေကြတာ၊ ခွဲထားတာလည်း ပါတယ်။ နောက် တစ်ခါ ကွဲအောင်ဖြစ်တဲ့ သမိုင်းနောက်ခံ အကြောင်းတွေလည်းပါတယ်။ ကျနော်လည်း ကချင်ပြည်နယ်မှာ နေခဲ့ တာပဲ၊ သေချာသိတာပေါ့၊ အဲဒီလိုပဲ အဲဒီလိုဟာမျိုးတွေတော့ သွေးခွဲမယ့် လူမရှိမယ့်အချိန်မှာ ကိုယ့်အချင်းချင်း စားပွဲဝိုင်းမှာ ညှိနှိုင်းဆွေးနွေးကြရမှာ လက်နက်နဲ့ ဖြေရှင်းကြရမယ်ဆိုရင် ပြည်တွင်းစစ် သံသရာ ဆုံးတော့မှာ မဟုတ်ဘူး။ ဒါပေမဲ့ အခုနောက်တက်လာမယ့် ခေါင်းဆောင်တွေက တော်ကြပါတယ်။ လူငယ်တွေပဲ အဖိုးကြီးတွေ မပါဘူး။ ရှေးရိုးသိပ်စွဲနေတဲ့ အစွဲကြီးတဲ့ လူတွေ မဟုတ်ဘူး။ အဲဒါတွေ ဖြေရှင်းနိုင်မယ်လို့ ကျနော်ယုံကြည်ပါ တယ်” ဟု ပြောသည်။

ချင်းပြည်နယ်၊ ပလက်၀မြို့ကိုတွေ့ရစဉ်

ချင်းပြည်နယ်ဒေသတွင်း လက်နက်ကိုင်အဖွဲ့အစည်းများဖြင့် ဖွဲ့စည်းထားသော ချင်းညီနောင်ကို AA က စစ်ရေး အကူအညီများ ပေးနေသလို ချင်းပြည်နယ်အတွင်းမှာ AA နှင့် ချင်းညီနောင်တို့ ပူးတွဲစစ်ရေး ဖော်ဆောင်မှုများ ရှိခဲ့ သည်။

ထို့နောက် AA၊ ချင်းညီနောင်ပူးပေါင်းအဖွဲ့နှင့် ချင်းအမျိုးသားတပ်ဦး (CNF/CNA) တို့အကြား ထိတွေ့ တိုက်ပွဲများ ဖြစ်ပွားခဲ့သည်။

ထို့နောက် မတူပီမြို့တိုက်ပွဲအပြီး ဒဏ်ရာရ ရဲဘော်စာရင်း ကောက်ယူရန်အတွက် စစ်ရေးတာဝန်များ ထမ်းဆောင် နေသည့် AA တပ်ဖွဲ့ဝင် ၂ ဦးကို CNF က ဖမ်းဆီးပြီး မူးယစ်ဆေးဝါးနှင့် လုံခြုံရေးဆိုင်ရာ ကိစ္စရပ်များကို လိမ်လည် ထွက်ဆိုခိုင်းစေသည်ဟု ချင်းညီနောင်က ယခုလ ဩဂုတ် ၃ ရက်မှာ ထုတ်ပြန်ခဲ့သည်။

AA နှင့် ချင်းညီနောင်တို့ ပူးပေါင်းပြီး တိုက်ပွဲဖော်ဆောင်လာသည့် အချိန်တွင် CNF က လူမျိုးရေး စောင်းပေးပြီး တိုက်ခိုက်လာကြောင်း စည်းလုံးညီညွတ်သော တိုင်ရင်းသားလူမျိုးများ မဟာမိတ် (UNA) မှ ပြောရေးဆိုခွင့်ရှိသူ ဦးမျိုးကျော်က CNI သတင်းဌာနသို့ ပြောသည်။

ချင်းပြည်နယ် ဟားခါးမြို့ကိုတွေ့ရစဉ်

၎င်းက “တချို့ ကိစ္စရပ်တွေက ဘယ်လိုခေါ်မလဲ သူတို့သည် တော်လှန်ရေးအဖွဲ့အစည်းဖက်မှာ ရှိတယ်ဆိုပေမယ့် တကယ်ရော စစ်အာဏာရှင် အမြစ်ဖြတ်ရေးအတွက် တကယ်လိုလားလားဆိုတဲ့ဟာမျိုး မေးခွန်းတွေ မေးစရာ ရှိလာလိမ့်မယ်လို့ ထင်ပါတယ်။ ဘာလို့လဲဆိုတော့ CNF တို့ ဘာတို့ ဆိုတာလည်း ချင်းထဲမှာ တော်လှန်ရေးထဲမှာ တော့ ဒီအဖွဲ့ကတော့ သက်တမ်းရှည်ကြာနေတဲ့ အဖွဲ့အစည်း တစ်ခုအနေနဲ့ ကျနော်တို့ကတော့ သိပါတယ်။ ကျနော့်အနေနဲ့ သိတယ်။ တစ်ဖက်မှာလည်း သူတို့သည် ငြိမ်းချမ်းရေး ထိုးတဲ့အထဲမှာလည်း သူတို့ ပါခဲ့တယ်။ အခု တစ်ခါ ဒီဖက်မှာ တော်လှန်ရေးအဖွဲ့ခေါ်တဲ့ NUG အစိုးရထဲမှာလည်း သူတို့ ပါနေတယ်။ ဆိုတော့ သူက ဘက်ပေါင်းစုံ ကနေပြီးတော့ ပူးပေါင်းပါဝင်တာ အဲဒီလို ဖြစ်နေတယ်။ အခု ULA/AA နဲ့ လူငယ် PDF ချင်းညီနောင် အဖွဲ့တွေနဲ့ တွဲလာတဲ့ အခါမှာ သူတို့က လူမျိုးရေးကို အထူးသဖြင့် လူမျိုးရေးကို စောင်းပေးပြီးတော့ တိုက်ခိုက်လာ တဲ့ သဘောမျိုးလို့ ကျနော်တို့ကတော့ အဲဒီလို မြင်မိပါတယ်” ဟု ပြောသည်။

နိုင်ငံတစ်ဝှမ်း လက်နက်ကိုင်ပဋိပက္ခ ပြင်းထန်လာမှုနှင့်အတူ တိုင်းရင်းသား လက်နက်ကိုင်အဖွဲ့အစည်း အချင်း ချင်း၊ နယ်မြေအငြင်းပွားမှု၊ အုပ်ချုပ်ရေး ယန္တရားအားပြိုင်မှု ပိုမိုဖြစ်ပေါ်လာခဲ့သည်။

အဆိုပါ နယ်မြေအငြင်းပွားမှု၊ အုပ်ချုပ်ရေး အားပြိုင်မှုမှတဆင့် ဖြစ်ပေါ်လာသော ပြဿနာများကို တွေ့ဆုံ ဆွေးနွေးခြင်းဖြစ် ဖြေရှင်းရန် တိုက်တွန်းမှုများ ရှိနေသည်။

CNI News

၂၀၂၄ ခုနှစ်၊ ဩဂုတ် ၁၂

တိုင်းရင်းသား နိုင်ငံရေးပါတီများကို ပြည်ထောင်စု ရွေးကောက်ပွဲကော်မရှင် (UEC) က မည်သည့် အတွက်ကြောင့် ပါတီတည်ထောင်ခွင့် ငြင်းပယ်ရသလဲဆိုသည့်အပေါ် နိုင်ငံရေးအသိုင်းအဝိုင်းကြား ထောက်ပြဆွေးနွေး ငြင်းခုံ လျက်ရှိနေသည်။

UEC က နိုင်ငံရေးပါတီများ ပြန်လည်မှတ်ပုံတင်ခြင်း ဥပဒေနှင့် နည်းဥပဒေများကို ၂၀၂၃ ခုနှစ်၊ ဇန်နဝါရီ ၃၁ ရက် တွင် ထုတ်ပြန်ခဲ့ပြီး ရက်ပေါင်း ၆၀ အတွင်း နိုင်ငံရေးပါတီများကို ပြန်လည်၍ မှတ်ပုံတင်စေခဲ့သည်။

ထို့နောက် နိုင်ငံရေးပါတီ အများအပြား မှတ်ပုံတင်ခဲ့ပြီး ပြန်လည်၍ မှတ်ပုံတင်ခဲ့သည့် တိုင်းရင်းသားပါတီများ ဖြစ်သော ရခိုင်အမျိုးသားပါတီ (ANP)၊ ကချင်အမျိုးသားကွန်ကရက်ပါတီ (KNC) နှင့် ဇိုမီးဒီမိုကရေစီအဖွဲ့ချုပ် (ZCD) တို့ကို ပါတီတည်ထောင်ခွင့် UEC က ငြင်းပယ်ခဲ့သည်။

နိုင်ငံရေးဘောင်ကျယ်လာရန် နိုင်ငံတော်အနေဖြင့် အားပေးရမှာဖြစ်ကြောင်း၊ လက်ရှိ ငြင်းပယ်ထားသည့် နိုင်ငံရေး ပါတီများကိုလည်း ပြန်လည်စဉ်းစားစေလိုကြောင်း တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) မှ ဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

၎င်းက “ဒီကိစ္စက ကျနော် အစည်းအဝေးမှာလည်း‌ ပြောပါတယ်။ တိုင်းရင်းသားပါတီတွေပဲ ဖြစ်ဖြစ်၊ မှတ်ပုံတင်တဲ့ ဟာတွေကို သေချာချပေးသင့်တယ်ဆိုပြီးမှ ကျနော်တို့က တင်ပြကြတာပေါ့၊ တင်ပြတဲ့အခါ အခု ငြင်းပယ်တာ ခံလိုက်ရတာ စိတ်မကောင်းဘူး။ ဘာကြောင့် စိတ်မကောင်းသလဲဆိုတဲ့ အခါကြတော့ ကျနော်တို့ ၂၀၀၈ အခြေခံ ဥပဒေ အတည်ဖြစ်ပြီးတဲ့ နောက်ပိုင်းမှာ သူတို့ရဲ့ ဖိတ်ခေါ်မှုတွေက တိုင်းရင်းသား လက်နက်ကိုင် အဖွဲ့အစည်း တွေကို လက်နက်အပ် နိုင်ငံရေးပါတီထောင်၊ ပါတီထောင်ပြီးမှ ရွေးကောက်ပွဲဝင်ပြီး လွှတ်တော်ထဲမှာ နေကျဆိုပြီး မှ သူတို့ စည်းရုံးရေးတွေ ဆင်းခဲ့ကြတယ်။ အဲဒီအချိန်တုန်းက တချို့တိုင်းရင်းသားတွေက မယုံကြည်လို့ လက်နက် မအပ်ခဲ့ကြတာတွေပေါ့နော်၊ အဲဒီမှာပလောင်အဖွဲ့ တစ်ဖွဲ့ ဦးအိုက်မုန်းတို့က လက်နက်အပ်ပြီးမှ ပါတီထောင်လိုက် တယ်၊ ပါတီထောင်ပြီးတော့ အခုတော့ ပြန်ပြီး မှတ်ပုံမတင်တော့ဘူးပေါ့နော်။ အဲဒီလိုမျိုးတွေ ဖြစ်လာပြီဆိုရင် တော့ နိုင်ငံတော်အနေနဲ့ ကူညီပံ့ပိုးပေးရပါမယ်၊ ဘာကြောင့်လဲဆို နိုင်ငံရေးဘောင်ကျယ်လာအောင် နိုင်ငံတော်က ပံ့ပိုးပေးရမယ်၊ အခု လက်နက်ကိုင် အဖွဲ့အစည်းတွေကိုသာ ပံ့ပိုးနေတော့ လက်နက်ကိုင်အဖွဲ့အစည်းတွေ အင်အားကြီးလာတာပေါ့၊ ဒါကြောင့်မို့လို့ အခု ဖြုတ်ချလိုက်တဲ့ ပါတီတွေကိုလည်း ပြန်လည်စဉ်းစားပေးစေချင် တယ်။ ဟိုတုန်းက သူပုန်တွေလို့ ၁၇ (၁) နဲ့ ညှိထားတဲ့သူတွေတောင်မှ ပါတီထောင်ပါလို့ သူတို့ ဖိတ်ခေါ်ခဲ့ကြတာ ဒီနေ့ အချိန်မှာ မြေပေါ်မှာ ရောက်နေတဲ့သူတွေ စုပေါင်းပြီး ပါတီထောင်ကြတဲ့ ကိစ္စလေးကိုတော့ ချပေးသင့်တာ ပေါ့” ဟု ပြောသည်။

 ရခိုင်အမျိုးသားပါတီ(ANP) မဲဆွယ်စည်းရုံးရေးလုပ်နေစဉ်

ယခုနှစ် မကုန်ခင် သန်းခေါင်စာရင်းနှင့် လူဦးရေး အပြီးသတ် ကောက်ယူမည်ဖြစ်ကြောင်း၊ လာမည့် ၂၀၂၅ တွင် ရွေးကောက်ပွဲ ကျင်းပနိုင်ရန် လုပ်ဆောင်နေကြောင်း နစကဥက္ကဋ္ဌက ပြောကြားထားသည်။

မိမိတို့ပါတီကို လိုအပ်ချက်များ ပြန်လည်ပြင်ဆင်နိုင်ရန် အကြောင်းကြားခြင်း မရှိဘဲ မှတ်ပုံတင်ခွင့် လျှောက်ထား ပြီး တစ်နှစ်ကျော်အကြာတွင် ငြင်းပယ်ခဲ့ကြောင်း ANP မှ မူဝါဒရေးရာ ဦးဆောင်ကော်မတီဝင် ဦးထွန်းအောင်ကျော်က CNI သတင်းဌာနသို့ ပြောသည်။

၎င်းက “ကျနော်တို့ ပါတီအနေနဲ့ပေါ့၊ အထူးသဖြင့် ဥပမာပြရလို့ရှိရင် ခင်ဗျားတို့မှာ ဒါတွေဒါတွေက လိုအပ်နေ တယ်၊ ခင်ဗျားတို့က လိုက်နာနိုင်သလား၊ ပြင်ဆင်နိုင်သလား၊ သဘောတစ်ခုက ဒါတွေဒါတွေက ပြင်ပါဆိုပြီးတော့ ညှိနှိုင်းဆွေးနွေးခဲ့သင့်တယ်လို့ ကျနော်တို့က ယူဆတယ်၊ တခြားပါတီမှာလည်း လိုအပ်ချက်တွေ ရှိရင်ရှိမှာပေါ့၊ လုံးဝပြုပြင်လို့ မရနိုင်ဘူးဆိုတာက တစ်ပိုင်း၊ ပြုပြင်နိုင်တယ်၊ နိုင်ငံတော်ရဲ့ အကျိုး၊ အများပြည်သူရဲ့ အကျိုးနဲ့ မိမိတို့အခြေခံတဲ့ ကိုယ့်ပြည်နယ်၊ ကိုယ့်လူမျိုး အကျိုးအတွက် ရှေးရှု့ပြီးမှ ပြင်သင့်ပြင်ထိုက်တယ်၊ ပြင်နိုင်တယ်ဆို လို့ရှိရင်ကတော့ ဒါအဖြေတစ်ခု ပြောင်းလဲနိုင်တယ်၊ အခုက ဘာမှ ဆွေးနွေးမှု မရှိတဲ့အတွက် ကျနော်တို့ကတော့ မိမိတို့ လုပ်သင့်တာ လုပ်ခဲ့ပြီလို့ ခံယူပါတယ်” ဟု ပြောသည်။

 UEC နဲ့ နိုင်ငံရေးပါတီများ တွေ့ဆုံစဉ်

UEC အနေဖြင့် ရန်သူပွားအောင် လုပ်နေကြောင်း၊ ပါတီမှတ်ပုံတင်ခွင့် မပေးခြင်းက မှားယွင်းချွတ်ချော်မှုဟု မြင်မိ ကြောင်း ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၏ ရှေ့ဆောင်နာယက ဗိုလ်မှူးကြီးခွန်ဥက္ကာက CNI သတင်းဌာနသို့ ပြောသည်။

၎င်းက “ရန်သူပွားအောင်လုပ်တာပါ၊ သက်သက် ရန်ရှာတာ၊ ဘာကြောင့်လဲဆိုတော့ ပါတီစုံဒီမိုကရေစီကိုလည်း ထွန်းကား စေချင်တယ်။ နောက်ပြီးတော့ ရွေးကောက်ပွဲကလည်း လုပ်ချင်တယ်။ ရွေးကောက်ပွဲကို ထောက်ခံတဲ့ ပါတီစုံကို စနစ်ကို လက်ခံတဲ့ နိုင်ငံရေးပါတီတွေကို သူက အားပေးရမှာပေါ့၊ ဒါပေမဲ့ အားမပေးဘဲနဲ့ ထပ်ပြီးတော့ ရန်ရှာနေတော့ မိတ်ဆွေနည်းပြီးတော့ ရန်သူများလာတဲ့ သဘောပေါ့ဗျာ၊ ဒါကြောင့် ကမောက်ကမတွေတော့ ဖြစ်နေတာပဲ ကြည့်ရတာက ပေါ်လစီတွေက ကျနော်တို့ ခန့်မှန်းလို့တော့ မတတ်တော့ဘူး။ အဲဒါတွေတော့ ကျနော်ထင်တာတော့ ပါတီတွေကို မှတ်ပုံတင်ခွင့် မပေးဘူးဆိုတာက ကျနော်ထင်တာ မှားယွင်းချွတ်ချော်မှု တစ်ခုလို့ပဲ မြင်ပါတယ်” ဟု ပြောသည်။

လက်ရှိတွင် နိုင်ငံတစ်ဝှမ်း လက်နက်ကိုင်ပဋိပက္ခများ ဖြစ်ပွားနေပြီး စစ်ဘောင်ကျယ်ပြန့်ကာ နိုင်ငံရေးဘောင် ကျဉ်းနေကြောင်း နိုင်ငံရေးအသိုင်းအဝိုင်းကြား ပြောကြားလျက်ရှိနေသည်။

ပြည်ထောင်စုရွေးကောက်ပွဲကော်မရှင်(UEC)ထံသို့ နိုင်ငံရေးပါတီ ၅၀ ကျော်က ပါတီမှတ်ပုံတင်ထားရာမှာ ပါတီ ၅၀ ကို နိုင်ငံရေးပါတီအဖြစ် မှတ်ပုံတင်ခွင့်ပြုထားသည်။

CNI News

၂၀၂၄ ခုနှစ်၊ သြဂုတ် ၁၂

မြန်မာနိုင်ငံတွင် စစ်ပွဲဖြစ်ပွားသည်ကို မိမိတို့မတွေ့မြင်လိုပါကြောင်းနှင့် ပြန်လည် တည်ငြိမ်လာစေရန် မျှော်လင့် ကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မစ္စမောင်းနင်(Mr.Mao Ning)က ပြောသည်။

သြဂုတ် ၉ ရက်နေ့က ကျင်းပခဲ့သော တရုတ်နိုင်ငံခြားရေးဝန်ကြီးဌာန၏ ပုံမှန်သတင်းစာ ရှင်းလင်းပွဲမှာ ၎င်းက အထက်ပါအတိုင်း ပြောကြားခဲ့ခြင်း ဖြစ်သည်ဟု မြန်မာနိုင်ငံဆိုင်ရာ တရုတ်သံရုံးက ထုတ်ပြန်ခဲ့သည်။

AFP သတင်းဌာနက တရုတ်နိုင်ငံ၏ မြန်မာ့ငြိမ်းချမ်းရေး လုပ်ငန်းစဉ်မှာ ပါဝင်ဆောင်ရွက်ပေးနေမှုနှင့် ရှမ်းပြည် နယ်မြောက်ပိုင်းက စစ်ပွဲများအရေးကို မေးမြန်းစဉ် မစ္စမောင်းနင်က မြန်မာနိုင်ငံ ငြိမ်းချမ်းရေးလုပ်ငန်းစဉ် အတွက် တတ်စွမ်းသမျှပံ့ပိုးကူညီမှုများ လုပ်ဆောင်သွားမည်ဟု ပြန်လည် ဖြေကြားခဲ့သည်။

မစ္စမောင်းနင်က “တရုတ်နိုင်ငံသည် မြန်မာနိုင်ငံ၏ ချစ်ကြင်ရင်းနှီးသော အိမ်နီးချင်း နိုင်ငံအနေဖြင့် မြန်မာနိုင်ငံ နှင့် မြန်မာနိုင်ငံ မြောက်ပိုင်းဒေသအခြေအနေ ပြောင်းလဲလာမှုကို အမြဲတစေ များစွာဂရုပြုလျက်ရှိကြောင်း၊ မြန်မာနိုင်ငံ၌ စစ်ပွဲဖြစ်ပွားသည်ကို မိမိတို့ မတွေ့မြင်လိုပါကြောင်း၊ မြန်မာနိုင်ငံနှင့် မြန်မာနိုင်ငံမြောက်ပိုင်းဒေသ အခြေအနေ ဆောလျင်စွာ ပြန်လည်တည်ငြိမ်လာစေရန် မျှော်လင့်ပါကြောင်း၊ မိမိတို့သည် အမြဲတစေ မိမိတို့၏ နည်းလမ်းဖြင့် မြန်မာနိုင်ငံဘက် အသီးသီးက အပစ်အခတ်ရပ်စဲရန် ဦးဆောင် ဖြောင်းဖျလျက်ရှိပြီး ဆွေးနွေးညှိ နှိုင်းမှုဖြင့် ပြဿနာကို ဖြေရှင်းကာ အမျိုးသားစည်းလုံးညီညွတ်ရေးနှင့် နိုင်ငံတော် တည်ငြိမ်မှု၊ ဖွံ့ဖြိုးတိုးတက်မှု ကို ဆောလျင်စွာ ဖော်ဆောင်ရန် လုပ်ဆောင်လျက်ရှိကြောင်း၊ တရုတ်နိုင်ငံသည် ငြိမ်းချမ်းစွာ ဆွေးနွေးရန် ဆက်လက် တက်တက်ကြွကြွ တိုက်တွန်းသွားမည်ဖြစ်ပြီး မြန်မာနိုင်ငံ ငြိမ်းချမ်းရေးလုပ်ငန်းစဉ်အတွက် တတ် စွမ်းသမျှ ပံ့ပိုးကူညီမှုများ လုပ်ဆောင်သွားမည်”ဟု ပြောသည်။

တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မစ္စမောင်းနင်ကို တွေ့ရစဉ်

တရုတ်နိုင်ငံသည် မြန်မာနိုင်ငံအတွင်းမှာ ရေနံ့နှင့် သဘာဝ ဓာတ်ငွေ့ စီမံကိန်းများ၊ ကျောက်ဖြူရေနက်ဆိပ်ကမ်း စီမံကိန်းများ၊ ကြေးနီထုတ်လုပ်ခြင်း၊ သစ်ထုတ်လုပ်ခြင်း၊ မြေရှားသတ္တူထုတ်လုပ်ခြင်း၊ ကျောက်စိမ်းများတူးဖော် ထုတ်လုပ်ခြင်း စသည့် စီးပွားရေး ရင်းနှီးမြှုပ်နှံမှုများ ပြုလုပ်ထားသည်။

အလားတူ အထည်ချုပ်လုပ်ငန်းများနှင့် ဘိလပ်မြေစက်ရုံများ၊ နီကယ်ထုတ်လုပ်သည့် စက်ရုံများ၊ အိမ်ဆောက် ပစ္စည်း- လျှပ်စစ်ပစ္စည်း- လူသုံးကုန် များကို တင်သွင်းလျက်ရှိသလို BRI စီမံကိန်းကိုလည်း အကောင်အထည် ဖော်လျှက်ရှိနေသည်။

အဆိုပါ တရုတ်၏ စီမံကိန်းများနှင့် ရင်းနှီးမြှုပ်နှံမှုများ တည်ရှိသော တိုင်းဒေသကြီးနှင့်ပြည်နယ်များအတွင်းမှာ မြန်မာ့တပ်မတော်နှင့် အတိုက်အခံ လက်နက်ကိုင်အင်အားစုများကြား တိုက်ပွဲများ အပြင်းအထန်ဖြစ်ပွားနေ သည်။

တအာင်းအမျိုးသားလွတ်မြောက်ရေးတပ်မတော်(TNLA)၊ မြန်မာအမျိုးသားဒီမိုကရက်တစ်မဟာမိတ်တပ်မ တော်(MNDAA)၊ အာရက္ခတပ်တော်(AA)၊ ဗမာပြည်လွတ်မြောက်ရေးတပ်တော်(BPLA)၊ မန္တလေးပြည်သူ့ ကာကွယ်ရေးတပ်ဖွဲ့(MDY-PDF)၊ ပြည်သူ့လွှတ်မြောက်ရေးတပ်မတော်(PLA)၊ ကရင်နီအမျိုးသားကာကွယ် ရေးတပ်ဖွဲ့(KNDF)၊ ဒေသခံကာကွယ်ရေးတပ်ဖွဲ့များ(LPDFs) ပူးပေါင်း၍ မြန်မာနိုင်ငံမြောက်ပိုင်း (ရှမ်းပြည်နယ် မြောက်ပိုင်း)တွင် ၂၀၂၃ ခုနှစ်၊ အောက်တိုဘာ ၂၇ ရက်နေ့က ၁၀၂၇ စစ်ဆင်ရေး ပထမပိုင်းကို ဖော်ဆောင်ခဲ့ သည်။

ထို့နောက် ၂၀၂၄ ခုနှစ်၊ ဇွန်လ ၂၅ ရက်နေ့တွင် ၁၀၂၇ စစ်ဆင်ရေး ဒုတိယပိုင်းကို ယနေ့အချိန်ထိ ဖော်ဆောင် လျက်ရှိနေသည်။

လားရှိုးမြို့ကို သိမ်းထားပြီး ကိုးကန့်အလံကို လွှင့်ထူထားတဲ့ MNDAA ကို တွေ့ရစဉ်

အလားတူ မန္တလေးတိုင်းဒေသကြီးအတွင်းမှာလည်း ၁၀၂၇ စစ်ဆင်ရေး ဒုတိယပိုင်းနှင့်အတူ ရှမ်း-မန်း စစ်ဆင် ရေးကို ဖော်ဆောင်နေပြီး မတ္တရာ၊ စဉ့်ကိုင်၊ မိုးကုတ်၊ မိုးမိတ်၊ သပိတ်ကျင်း စသည့် မြို့များကို အတိုက်အခံ လက်နက်ကိုင်များက သိမ်းပိုက်ထားပြီး မန္တလေးမြို့နှင့် ပြင်ဦးလွင်မြို့တို့ကို တိုက်ခိုက်ရန် လက်နက်ကိုင်များက အင်အားစုဖွဲ့ ပြင်ဆင်နေကြောင်း သတင်းများလည်း ထုတ်ဖော်နေသည်။

အဆိုပါ စစ်ဆင်ရေးများ၏ နောက်ကွယ်တွင် တရုတ်ရှိနေကြောင်း၊ တရုတ်၏ ထောက်ပံ့ကူညီမှု မရှိဘဲ အတိုက် အခံ လက်နက်ကိုင်များသည် ရှမ်းပြည်နယ်မြောက်ပိုင်း၊ လားရှိုးမြို့ရှိ အရှေ့မြောက်ပိုင်းတိုင်းစစ်ဌာနချုပ်(ရမခ) အပါအဝင် မန္တလေးတိုင်းဒေသကြီးအတွင်းက မြို့များကို တိုက်ခိုက်သိမ်းပိုက်ရန် မဖြစ်နိုင်ကြောင်း ပြည်တွင်းရှိ စစ်ရေးနှင့်နိုင်ငံရေးအကဲခတ်များက သုံးသပ်လျက်ရှိနေသည်။

သို့သော် တရုတ်အစိုးရဘက်ကတော့ အတိုက်အခံ လက်နက်ကိုင်များ၏ စစ်ဆင်ရေးနောက်ကွယ်တွင် မိမိတို့ ပါဝင်ခြင်းမရှိသလို ထောက်ပံ့ကူညီမှုလည်း မပေးကြောင်း ငြင်းဆိုထားသည်။

CNI News

၂၀၂၄ ခုနှစ်၊ ဩဂုတ် ၉

ဟိုင်ဂင်ဆွေးနွေးပွဲ ပျက်ပြီးနောက် တရုတ်အထူးကိုယ်စားလှယ် မစ္စတာ တိန့်ရှီးကျွင်း မြန်မာပြည်ကို လာရောက်ခြင်းက ဘာကို ဦးတည်နေသလဲဆိုသည့်အပေါ် နိုင်ငံရေးအသိုင်းအဝိုင်းကြား သုံးသပ်ဆွေးနွေး လျက်ရှိနေသည်။

ရှမ်းပြည်နယ်မြောက်ပိုင်းနှင့် မန္တလေးတိုင်းဒေသကြီး မြို့နယ်အချို့တွင် မြန်မာ့တပ်မတော်နှင့် ညီနောင်မဟာမိတ် ပူးပေါင်းတပ်ဖွဲ့တို့အကြား တိုက်ပွဲများ အပြင်းအထန် ဖြစ်ပွားလျက်ရှိသည်။

ထို့နောက် ယခုလ ဩဂုတ် ၈ ရက်နေ့တွင် တရုတ်နိုင်ငံ၊ ကူမင်းမြို့တွင် ကျင်းပမည့် အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC)နှင့် ညီနောင်မဟာမိတ် ၃ ဖွဲ့တို့၏ ဟိုင်ဂင်ဆွေးနွေးပွဲမှာ ပျက်သွားခဲ့သည်။

ရှမ်းမြောက်နှင့် မန္တလေးတွင် တိုက်ပွဲပြင်းထန်နေချိန် ယခုကဲ့သို့ မြန်မာပြည်သို့ တရုတ်အထူးကိုယ်စားလှယ် လာရောက်ခြင်းက ၎င်းတို့၏ ရည်မှန်းချက်ကို အကောင်အထည်ဖော်ရန် လာရောက်ခြင်းဟု မြင်မိကြောင်း တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) မှ ဥက္ကဋ္ဌ စိုင်းဌေးအောင်က CNI သတင်းဌာနကို ပြောသည်။

 ရှေ့တန်းစစ်မြေပြင်တစ်ခု၌ TNLA တပ်သားများကိုတွေ့ရစဉ်

၎င်းက “သူတို့ ဆန္ဒအကောင်အထည်ဖော်ဖို့ ရောက်လာတာပေါ့၊ သူကတော့ (တရုတ်) ကျနော်အမြင်ပေါ့လေ၊ တိန့်ရှီးကျွင်းလာတဲ့ ကိစ္စက ဒီဖက် လကုန်မှာ ကျင်းပမယ့် ဆွေးနွေးပွဲတွေကိုလည်း သူတို့က ငြင်းလိုက်တယ်၊ ဒီ ၈ ရက်နေ့မှာဆိုရင်လည်း သူတို့ မသွားဘူးဆိုပြီးမှ ငြင်းလိုက်တယ်၊ မသွားဘူးဆိုတာ အကြောင်းပြချက်ကတော့ ရှမ်းမြောက်မှာ တည်ငြိမ်အေးချမ်းမှုတွေ မရှိလို့ အဲဒါကို အာရုံစိုက်နေရလို့ မသွားဘူးဆိုတာ ဗိုလ်ချုပ်ဇော်မင်းထွန်း လည်း ပြောလိုက်တာပေါ့နော်၊ တရုတ်က သူ့ရည်မှန်းချက်တွေ အကောင်အထည်ဖော်ဖို့အတွက်ကို ချက်ချင်း ရောက်လာတယ်လို့ ကျနော်က မြင်တာပေါ့၊ ကြိုတင်ပြင်ဆင်ထားတဲ့ ခရီးစဉ်မဟုတ်ဘူးလေ၊ အဲဒီနှစ်ခု ပျက်သွားတဲ့အခါကြတော့ နစကရဲ့ သဘောထားကို သိချင်လို့ တောက်လျှောက်လာခဲ့တယ်လို့ ကျနော်အနေနဲ့ မြင်တာပေါ့၊ ဒါပေမဲ့ နစကဖက်ကတော့ အခု သူတို့ ဘာဆွေးနွေးကြသလဲဆိုတာ သတင်းလည်း မထုတ်ပြန်ဘူး။ ထုတ်ပြန်ဖို့လည်း မသင့်တဲ့ အချိန်ဖြစ်နေတာပေါ့” ဟု‌ ပြောသည်။

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် တိန့်ရှီးကျွင်းတို့ တွေ့ဆုံမှုတွင် သံတမန်ဆက်ဆံရေး ဆိုင်ရာများ၊ မြန်မာနိုင်ငံ၏ ပြည်တွင်းရေးဆိုင်ရာ ကိစ္စရပ်များ၊ နယ်စပ်ဒေသ တည်ငြိမ်အေးချမ်းရေး ကိစ္စရပ်များ၊ အွန်လိုင်း လောင်းကစားနှင့် အခြား ငွေကြေးလိမ်လည်မှု ကိစ္စရပ်များကို ဆွေးနွေးခဲ့ကြသည်။

ထို့အတူ ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေး ကြိုတင်ပြင်ဆင် ဆောင်ရွက်မှုများလည်း ဆွေးနွေးခဲ့ကြကြောင်း နစကမှ ထုတ်ပြန်ခဲ့သည်။

တရုတ်နိုင်ငံအနေဖြင့် ၎င်းတို့၏ မူအတိုင်း ဆက်သွားနေကြောင်း၊ ကုလသမဂ္ဂ၏ ကြီး ၅ ကြီးတွင် ပါဝင်သည့် အတွက် ပဋိပက္ခဖြစ်နေသည့် အိမ်နီးချင်းနိုင်ငံတွင် အားလုံးပါဝင်၍ ညှိနှိုင်းဆွေးနွေးနိုင်သည့် အခင်းအကျင်းဖြစ်ရန် ကြိုးစားနေကြောင်း မြန်မာ့နိုင်ငံရေး လေ့လာသုံးသပ်သူ ဒေါက်တာ လှကျော်ဇောက CNI သတင်းဌာနကို ပြောသည်။

TNLA တပ်သားတစ်ဦး

၎င်းက “ဗမာပြည်ကြတော့ သူပိုပြီး ဂရုစိုက်မှာပေါ့၊ သူ့အိမ်နီးနားချင်းလည်း ဖြစ်တာကို သူလုပ်ပေးလိမ့်မယ် ထင်တယ်၊ လုပ်ဖို့ စဉ်းစားပုံရတယ်၊ အခု မြောက်ပိုင်းအဖွဲ့တွေနဲ့ အပစ်အခတ်ရပ်စဲပြီးကတည်းက အဲ့ကတည်းက တရုတ်ကတော့ ဒီလိုပြောထားတယ်၊ ဗမာပြည်ရဲ့ ပြည်တွင်းစစ်ကြီးကို လက်နက်နဲ့ပဲ အနိုင်တိုက်ဖို့ဆိုတာ မဖြစ်နိုင်ဘူးတဲ့ တောင်ပေါ်တွေမှာ တစ်နိုင်တစ်ပိုင်တိုက်နေတဲ့ လူမျိုးစုအဖွဲ့တွေလည်း တောင်အောက် ဆင်းပြီးတော့ တိုက်လို့မရဘူး၊ ထို့အတူပဲ စစ်တပ်ကလည်း လက်နက်ကြီး လက်နက်ငယ်တွေကို တောင်ပေါ် တင်ပြီးတော့ တိုက်လို့ မဖြစ်ဘူး။ အဲဒါကြောင့်မို့လို့ ဒီဟာတွေ အားလုံးကို နိုင်ငံရေးနည်းနဲ့ ဖြေရှင်းမှ ဖြစ်မယ် ဆိုပြီးမှ ပြောနေတာ အဲဒါကြောင့်မို့လို့ နိုင်ငံရေး စားပွဲပေါ်ရောက်အောင် နိုင်ငံရေး ဆွေးနွေးပွဲ စားပွဲပေါ် ရောက်အောင် အားလုံးကိုကြိုးစားပြီး စုစည်းနေတယ် ထင်တယ်၊ အဲဒီလမ်းစဉ်ပေါ်ကနေ ဒီခရီးစဉ်တွေ ပေါ်လာ တယ်ထင်တယ်” ဟု ပြောသည်။

ရှမ်းမြောက်တိုက်ပွဲအတွင်း မဟာမိတ်ပူးပေါင်းတပ်ဖွဲ့များ အသုံးပြုတိုက်ခိုက်နေသည့် လက်နက်ခဲယမ်းများ၊ နည်းပညာများကို အခြားသော အင်အားကြီးနိုင်ငံတစ်ခုက အထောက်အပံ့ ပေးနေသည်ဟု သုံးသပ်ပြောဆိုမှုများ လည်း ရှိနေသည်။

လက်ရှိတွင်လည်း ရှမ်းမြောက်နှင့် မန္တလေးတိုင်းအတွင်းရှိ ကျောက်မဲ၊ နောင်ချို၊ မိုးမိတ်၊ စဉ့်ကူး၊ မတ္တရာတို့တွင် မြန်မာ့တပ်မတော်နှင့် မဟာမိတ်ပူးပေါင်းတပ်ဖွဲ့တို့အကြား တိုက်ပွဲများ ဖြစ်ပွားလျက်ရှိနေသည်။

CNI News

၂၀၂၄ ခုနှစ်၊ သြဂုတ် ၉

မြန်မာနိုင်ငံ၏ ပြည်တွင်းငြိမ်းချမ်းရေးကိစ္စနှင့် နယ်စပ်ဒေသတည်ငြိမ်အေးချမ်းရေးကိစ္စများကို တရုတ်အထူး ကိုယ်စားလှယ် မစ္စတာတိန့်ရှီးကျွင်းနှင့် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်တို့ သြဂုတ် ၈ ရက်က နေပြည်တော်မှာ တွေ့ဆုံ ဆွေးနွေးခဲ့ကြသည်။

အဆိုပါ တွေ့ဆုံ ဆွေးနွေးမှုကို နစကဘက်က သတင်းထုတ်ပြန်ခဲ့ရာမှာ ယခင်က ရုပ်သံမှတ်တမ်းဖြင့် ထုတ်လွှင့် ခဲ့သော်လည်း ယခုအခါမှာတော့ ဓာတ်ပုံများကိုသာ အသုံးပြု ထုတ်လွှင့်ခဲ့ခြင်းကြောင့် နစကသည် တရုတ်ကို မလိုလားသော အသွင်သဏ္ဍာန်ကို ပြသခြင်းလားဟု နိုင်ငံရေးအကဲခတ်များက ထောက်ပြကြသည်။

သို့သော်လည်း နှစ်ဖက်တွေ့ဆုံစဉ် မြန်မာ့ငြိမ်းချမ်းရေးကိစ္စများ၊ နယ်စပ်ဒေသတည်ငြိမ် အေးချမ်းရေးကိစ္စများ၊ အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ အခြားငွေကြေးလိမ်လည်မှုနှင့် တရားမဝင် လုပ်ငန်း များ ပပျောက်စေရေး ပူးပေါင်းဆောင်ရွက်မှု အခြေအနေများကို ဆွေးနွေးခဲ့ကြသည်ဟု နစကဘက်က သတင်း ထုတ်ပြန်ခဲ့သည်။

MNDAA က ရမခတိုင်းစစ်ဌာနချုပ် သိမ်းပိုက်ခဲ့စဉ်

ထို့နောက် လွတ်လပ်ပြီး တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေး ကြိုတင် ပြင်ဆင် ဆောင်ရွက်နေမှုများကိုလည်း ဆွေးနွေးခဲ့ကြကြောင်းသိရသည်။

လက်ရှိ မြန်မာနိုင်ငံ၏ ရှမ်းပြည်နယ်မြောက်ပိုင်း၊ လားရှိုးမြို့ရှိ အရှေ့မြောက်ပိုင်းတိုင်းစစ်ဌာနချုပ်(ရမခ)နှင့် လားရှိုးမြို့ အပါအဝင် ကျောက်မဲမြို့၊ နောင်ချိုမြို့ အပါအဝင် မန္တလေးတိုင်းဒေသကြီးအတွင်းရှိ မတ္တရာမြို့၊ စဉ့်ကူးမြို့၊ မိုးမိတ်မြို့၊ မိုးကုတ်မြို့တို့ကို TNLA၊ MNDAA၊ BPLA၊ PLA၊ DPLA၊ Local PDFs များ ပူးပေါင်း၍ ၁၀၂၇ စစ်ဆင်ရေး ဒုတိယလှိုင်းဆိုကာ တိုက်ခိုက် သိမ်းပိုက်ထားသည်။

အဆိုပါ စစ်ဆင်ရေး၏ နောက်ကွယ်တွင် တရုတ်က ထောက်ပံ့ကူညီမှုပေးခြင်းဖြင့် ပတ်သက်မှုရှိနေသည်ဟု ပြည်တွင်းရှိ နိုင်ငံရေးနှင့်စစ်ရေးအကဲခတ်များက ယုံကြည်ထားကြသည်။

ထို့ကြောင့် တရုတ်နှင့်နစကကြား သံတမန်ဆက်ဆံရေးမှာ အကောင်းဘက်တွင် မရှိဘဲ အဖုအထစ်များ ဖြစ်ပေါ် နေသည်ဟု ထောက်ပြလာကြသည်။

 TNLA၊ MNDAA၊ MDY-PDF များက တိုက်ခိုက်မယ်ဆိုတဲ့သတင်းကြောင့် ပြင်ဦးလွင်မြို့ကနေ တိုက်ပွဲ ရှောင်လာကြသူများကို တွေ့ရစဉ်

TNLA၊ AA၊ MNDAA တို့နှင့် မြန်မာ့တပ်မတော်ကြား တိုက်ပွဲများ ရပ်တန့်ရေးအတွက် တရုတ်အစိုးရက ကြားဝင်စေ့စပ်ညှိနှိုင်းမှုဖြင့် ၅ ကြိမ်မြောက်အထိ ဆွေးနွေးလာခဲ့သော ဟိုင်ဂင်ဆွေးနွေးပွဲကို ဇူလိုင် ၃၁ ရက်နေ့တွင် ၆ ကြိမ်မြောက် ပြုလုပ်ရန် စီစဉ်ထားရာ မြန်မာ့တပ်မတော်ဘက်မှ မတက်ရောက်ကြောင်း အကြောင်းပြန်ခဲ့ခြင်းကြောင့် ဆွေးနွေးပွဲ ပျက်ပြယ်သွားခဲ့သည်။

ထိုဟိုင်ဂင် ၆ ကြိမ်မြောက် ဆွေးနွေးပွဲ ပျယ်ပြယ်သွားပြီးနောက် သြဂုတ် ၈ ရက်နေ့မှာ ပြန်လည် ပြုလုပ်ရန် စီစဉ်ထားရာမှာလည်း မြန်မာ့တပ်မတော်ဘက်က မတက်ရောက်နိုင်ကြောင်း အကြောင်းပြန်ခဲ့ပြီး ယနေ့အထိ ဆွေးနွေးပွဲမဖြစ်ဘဲ ရပ်တန့်နေသည်။

တခြားတစ်ဖက်မှာလည်း TNLA-MNDAA ဦးဆောင်ပြီး PDF များဖြင့် ပူးပေါင်း၍ ပြင်ဦးလွင်မြို့နှင့် မန္တလေးမြို့ ကို တိုက်ခိုက်ရန် စစ်ရေးပြင်ဆင် စုဖွဲ့နေကြောင်း သတင်းများ ထွက်ပေါ်နေသည်။

ထို့နောက် တရုတ်အထူးကိုယ်စားလှယ် မစ္စတာတိန့်ရှီးကျွင်းသည် မြန်မာနိုင်ငံသို့ ရုတ်တရက် ရောက်ရှိလာပြီး နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို လာရောက်တွေ့ဆုံ ဆွေးနွေးမှု ပေါ်ပေါက်လာခဲ့သည်။