- By CNI
- Category: နိုင်ငံရေး
- Hits: 1009
CNI News
၂၀၂၅ ခုနှစ်၊ ဇူလိုင် ၃၁
မြန်မာနိုင်ငံ တစ်ဝန်း ကြေညာထားသော အရေးပေါ် အခြေအနေကို ရုပ်သိမ်းလိုက်ကြောင်း ၂၀၂၅ ခုနှစ်၊ ဇူလိုင် ၃၁ ရက်တွင် ကျင်းပခဲ့သော အမျိုးသားကာကွယ်ရေးနှင့်လုံခြုံရေးကောင်စီမှ ဆုံးဖြတ် ကြေညာခဲ့သည်။
မြန်မာနိုင်ငံကို ၂၀၂၁ ခုနှစ်၊ ဖေဖော်ဝါရီ ၁ ရက်က အမိန့်အမှတ် ၁/၂၀၂၁ ဖြင့် နိုင်ငံတော်အား အရေးပေါ် အခြေအနေ ကြေညာ၍ တပ်မတော်ကာကွယ်ဦးစီးချုပ် ဗိုလ်ချုပ်မှူးကြီးမင်းအောင်လှိုင်က အုပ်ချုပ်ခဲ့သည်။
ထို့နောက် ၂၀၂၅ ခုနှစ်၊ ဇူလိုင် ၃၁ ရက်တွင် ကာ/လုံ အစည်းအဝေး ကျင်းပ၍ တပ်မတော်ကာကွယ်ရေးဦးစီးချုပ် အား နိုင်ငံတော်အာဏာလွှဲအပ်ထားခြင်းကို ရုပ်သိမ်းပယ်ဖျက်လိုက်ကြောင်း ၂၀၂၅ ခုနှစ်၊ ဇူလိုင် ၃၁ ရက်တွင် ထုတ်ပြန် ကြေညာခဲ့သည်။
ဗိုလ်ချုပ်ဇော်မင်းထွန်းက " အရေးပေါ် အခြေအနေ ကြေညာခြင်းမှာ ပါရှိတဲ့ လုပ်ငန်းများ ပြီးပျက်အောင် ဆောင် ရွက်နိုင်ခဲ့ခြင်းကြောင့်လည်း ကောင်း၊ နိုင်ငံတော် ပါတီစုံဒီမိုကရေစီစနစ် လျှောက်လှမ်းနိုင်ရေးအတွက် ရွေးကောက်ပွဲတစ်ရပ် ကျင်းပရန် လိုအပ်တဲ့အတွက် အရေးပေါ် အခြေအနေ ကြေညာခြင်းကို ဒီနေ့ ရုပ်သိမ်း ကြောင်း ကြေညာခဲ့ပါတယ်။ ဖွဲ့စည်းပုံအခြေခံဥပဒေ(၂၀၀၈)အရ ပုဒ်မ ၄၂၆ အရ ဒီအရေးပေါ် အခြေအနေ အမိန့် ပယ်ဖျက်ကြောင်း ကြေညာပြီးတဲ့နောက်မှာ ပုဒ်မ ၄၂၇(က)အရ အာဏာသုံးရပ်လုံးကို အမျိုးသား ကာကွယ်ရေးနဲ့ လုံခြုံရေးကောင်စီက ကျင့်သုံးမှာဖြစ်ပါတယ်"ဟု ပြောသည်။
မြန်မာနိုင်ငံတွင် ရွေးကောက်ပွဲကို ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလများတွင် ကျင်းပသွားမည် ဖြစ်သည်။
အဆိုပါ ရွေးကောက်ပွဲတွင် အနိုင်ရရှိသည့် နိုင်ငံရေးပါတီအား နိုင်ငံတော်အာဏာ လွှဲပြောင်းပေးသွားမည်ဟု ဗိုလ်ချုပ်မှူးကြီးမင်းအောင်လှိုင်က ပြောထားသည်။
- By CNI
- Category: နိုင်ငံရေး
- Hits: 349
CNI News
၂၀၂၅ ခုနှစ်၊ ဇူလိုင် ၃၁
အမျိုးသားကာကွယ်ရေးနှင့်လုံခြုံရေးကောင်စီသည် ကာ/လုံ၏ ဦးတည်ချက် ၄ ရပ်ကို ၂၀၂၅ ခုနှစ်၊ ဇူလိုင် ၃၁ ရက်တွင် ထုတ်ပြန် ကြေညာခဲ့သည်။
အဆိုပါ ၄ ရပ်မှာ (၁) နိုင်ငံတော်၏ အမျိုးသားအကျိုးစီးပွားကို အလေးထား၍ စစ်မှန်စည်းကမ်းပြည့်ဝသော ပါတီစုံဒီမိုကရေစီစနစ်ကို အကောင်အထည်ဖော်နိုင်မည့် နိုင်ငံရေးအင်အားစုများ၊ ပြည်သူ့ ကိုယ်စားလှယ်များ ဖြစ်ပေါ်လာစေရန် အစဉ်တစိုက် ဆောင်ရွက်ရေး၊ (၂) နိုင်ငံ့စီးပွားရေး ဖွံ့ဖြိုးတိုးတက်ရေး၌ အဓိကနှင့် အခြေခံ အုတ်မြစ်ဖြစ်သည့် စိုက်ပျိုးရေးကဏ္ဍ စဉ်ဆက်မပြတ်တိုးတက်၍ စိုက်ပျိုးမွေးမြူရေးကို အခြေခံသည့် စက်မှုကဏ္ဍ (Agro-based industries)ဖွံ့ဖြိုးတိုးတက်မှုမှသည် ပြည်သူတို့၏ လူမှုစီးပွားဘဝကို စဉ်ဆက်မပြတ် မြှင့်တင်ရေး တို့ ပါဝင်သည်။
ထို့နောက် (၃) နိုင်ငံတော် စဉ်ဆက်မပြတ် ဖွံ့ဖြိုးတိုးတက်ခိုင်မာစေရေးအတွက် အမျိုးသားပညာရေးကဏ္ဍ၊ ကျန်းမာရေးကဏ္ဍတို့ကို အလေးထားမြှင့်တင်ရေး၊ (၄) ပါတီစုံဒီမိုကရေစီ အထွေထွေရွေးကောက်ပွဲ လုပ်ငန်းစဉ် များ အောင်မြင်ပြီး ပြည်သူလူထုတစ်ရပ်လုံး လိုလားတောင့်တသည့် ပါတီစုံဒီမိုကရေစီစနစ်ကို အောင်မြင်စွာ လျှောက်လှမ်းနိုင်ရေး ပြည်သူလူထု၏ ပူးပေါင်းပါဝင်မှုဖြင့် အကောင်အထည်ဖော်ဆောင်ရွက်ရေး တို့ဖြစ်သည်။
ထိုဦးတည်ချက် ၄ ရပ်ကို ကာ/လုံက ထုတ်ပြန်ခဲ့ခြင်း အပြင် နစကကို ဖျက်သိမ်း၍ တပ်မတော်ကာကွယ်ရေးဦးစီး ချုပ်အား နိုင်ငံတော်အာဏာလွှဲအပ်ထားမှုကိုလည်း ပြန်လည် ပယ်ဖျက်လိုက်ခြင်းတို့ကြောင့် မြန်မာနိုင်ငံတော် အား ၂၀၂၁ ခုနှစ်၊ ဖေဖော်ဝါရီ ၁ ရက် စတင်ကာ နိုင်ငံတော်အား အရေးပေါ် အခြေအနေ ကြေညာထားမှုလည်း ပျက်ပြယ်သွားပြီးလား မေးခွန်းထုတ်မှုများ ရှိနေသည်။
အဆိုပါ အခြေအနေနှင့်ပတ်သက်ပြီး သတင်းထုတ်ပြန်ရေးအဖွဲ့က ပြန်လည် ဖြေကြားထားခြင်း မရှိသေးပေ။
- By CNI
- Category: နိုင်ငံရေး
- Hits: 759
CNI News
၂၀၂၅ ခုနှစ်၊ ဇူလိုင် ၃၁
နိုင်ငံတော်စီမံအုပ်ချုပ်ရေးကောင်စီ(နစက)ကို ဖျက်သိမ်းပြီး ပြင်ဆင်ဖွဲ့စည်းမှု အသစ်များကို အမျိုးသားကာကွယ် ရေးနှင့်လုံခြုံရေးကောင်စီက ပြုလုပ်ခဲ့ရာမှာ မည်သည့် ဗိုလ်ချုပ်ကြီးများအား အရပ်ဖက်ကို ပို့ဆောင်ခဲ့သလဲဆို သည့်အပေါ် ထုတ်ပြန်ချက်များအား လေ့လာတွေ့ရှိရနိုင်ပါသည်။
အရပ်ဖက်သို့ ရောက်ရှိသွားသော ဗိုလ်ချုပ်ကြီးများမှာ (၁) ဦးညိုစော၊ (၂) ဦးတင်အောင်စန်း၊ (၃) ဦးမြထွန်းဦး၊ (၄) ဦးအောင်လင်းဒွေးတို့ဖြစ်သည်။
အဆိုပါ ပုဂ္ဂိုလ် ၄ ဦးတွင် ဦးညိုစောသည် ပြည်ထောင်စုအစိုးရအဖွဲ့၏ ဝန်ကြီးချုပ်နှင့် အမျိုးသားစီမံကိန်းဝန်ကြီး အဖြစ် ပူးတွဲ တာဝန်ယူမည်ဖြစ်ပြီး ဦးတင်အောင်စန်းကတော့ သမ္မတရုံးဝန်ကြီးဌာန(၁) ဝန်ကြီးအဖြစ် တာဝန် ယူမည်ဖြစ်သည်။
ထို့နောက် ဦးမြထွန်းဦးသည် ပြည်ထောင်စုအစိုးရအဖွဲ့၏ ပို့ဆောင်ရေးနှင့်ဆက်သွယ်ရေးဝန်ကြီးအဖြစ် တာဝန်ယူ မည်ဖြစ်ပြီး ဦးအောင်လင်းဒွေးကတော့ အမျိုးသားကာကွယ်ရေးနှင့်လုံခြုံရေးကောင်စီရုံး၏ အမှုဆောင်ချုပ်အဖြစ် တာဝန်ယူသွားမည်ဖြစ်သည်။
- By CNI
- Category: နိုင်ငံရေး
- Hits: 455
CNI New
၂၀၂၅ ခုနှစ်၊ ဇူလိုင် ၃၁
မြန်မာနိုင်ငံတွင် မကြာခင် ကျင်းပရန် ပြင်ဆင်နေသော ရွေးကောက်ပွဲသည် အန္တရာယ်ကြီးသည်ဟု တိုင်းလိုင် (ရှမ်းနီ) အမျိုးသားဖွံ့ဖြိုးတိုးတက်ရေးပါတီဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။
မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလများ၌ မြို့နယ်ပေါင်း ၂၆၇ မြို့နယ်မှာ ရွေးကောက်ပွဲ ကျင်းပသွားမည်ဟု ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်ထားသည်။
အဆိုပါ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD)၊ ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD)၊ ရခိုင်အမျိုးသားပါတီ(ANP) စသည့် လူထု ထောက်ခံမှု အားကောင်းသော နိုင်ငံရေးပါတီများ ဝင်ရောက် ယှဉ်ပြိုင် မရှိပေ။
လာမည့် ရွေးကောက်ပွဲတွင် NLD မပါတော့ကြောင်း၊ ထို့ကြောင့် လာမည့် ရွေးကောက်ပွဲသည် အင်မတန် အန္တရာယ်ကြီးကြောင်း တိုင်းလိုင်(ရှမ်းနီ) အမျိုးသားဖွံ့ဖြိုးတိုးတက်ရေးပါတီဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။
ရွေးကောက်ပွဲ ကာကွယ်ပေးရေးဥပဒေကို တွေ့ရစဉ်
၎င်းက “ရွေးကောက်ပွဲအာဏာ နောက်တစ်ခုက ရွေးကောက်ပွဲကို ကာကွယ်စောင့်ရှာက်တဲ့ ဥပဒေလည်း ပါလာတဲ့ အခါကျတော့ ကောင်းပါတယ်၊ နိုင်ငံရေးလုပ်တယ်ဆိုတာက လက်နက်မဲ့ နိုင်ငံရေး ပြည်သူကို ဒါစည်းရုံးမယ် ငါတို့ ဘာလုပ်မယ် ပြောဆိုပြီးမှ ကတိတွေ ပေးပြီးမှ လုပ်ဆောင်ရတဲ့ နိုင်ငံရေးပါ။ အဲတာကို အကြမ်းဖက်ပြီးမှ လက်နက်နဲ့ သတ်ပစ်တာတို့ ဘာတို့ဖြစ်လာရင်တော့ ဒီဥပဒေအရ အရေးယူမယ်ဆိုတဲ့ အကြောင်းကို ရေးထား တာပါ။ ဒါတော်တော်လေး ကောင်းပါတယ်၊ ဘာလို့လဲဆိုတော့ နိုင်ငံရေးပါတီလည်း ပြန်လည်မှတ်ပုံတင်ဖို့လည်း NLD အနေနဲ့ကြတော့ ပြန်လည်မှတ်ပုံတင်းခြင်း မခံရတဲ့အခါကြတော့ ဖျက်သိမ်းလိုက်တယ်ပေါ့။ ဒီနှစ် ရွေးကောက်ပွဲ ယှဥ်ပြိုင်တဲ့ထဲ NLD မပါတော့ပါဘူး။ တကယ်ဖြတ်သန်းရမဲ့ ရွေးကောက်ပွဲ အင်မတန်မှ အန္တရာယ် ကြီးပါတယ်”ဟု ပြောသည်။
၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလတွင် ကျင်းပမည့် ရွေးကောက်ပွဲအား မပျက် ပျက်အောင် ဖျက်မည်ဟု တိုင်းရင်းသားလက်နက်ကိုင်အဖွဲ့အစည်း(EAO)တချို့၊ ပြည်သူ့ကာကွယ်ရေးတပ်ဖွဲ့(PDF)၊ အမျိုးသား ညီညွတ်ရေးအစိုးရအဖွဲ့(NUG)၊ နွေဦးတော်လှန်ရေး အင်အားစုများက ထုတ်ပြန် ကြေညာထားသည်။
ထို့နောက် နစက,က ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တား ဖျက်ဆီးခြင်းမှ ကာကွယ်ပေးရေးဥပဒေကို ၂၀၂၅ ခုနှစ်၊ ဇူလိုင် ၂၉ ရက်တွင် ထုတ်ပြန်ခဲ့သည်။
ထိုဥပဒေအရ ရွေးကောက်ပွဲအား နှောင့်ယှက်ခြင်း၊ ပျက်အောင် ဖျက်ခြင်း၊ လူသေဆုံးအောင် လုပ်ဆောင်ခြင်း၊ လူသေဆုံးခြင်း စသည့် ပြစ်မှုတစ်ရပ်ရပ်ကို ကျူးလွန်ပါက ထောင်ဒဏ် အနည်းဆုံး ၁၀ နှစ်မှ အများဆုံး တစ်သက် ချမှတ်နိုင်သလို သေဒဏ်ထိ ချမှတ်နိုင်ကြောင်း ပြဋ္ဌာန်းထားသည်။
- By CNI
- Category: နိုင်ငံရေး
- Hits: 454
CNI News
၂၀၂၅ ခုနှစ်၊ ဇူလိုင် ၃၁
ပြည်ထောင်အစိုးရအဖွဲ့ကို ပြင်ဆင်ဖွဲ့စည်းခဲ့ပြီးနောက် နိုင်ငံတော်ဝန်ကြီးချုပ်အဖြစ် ဗိုလ်ချုပ်ကြီးညိုစောကို တာဝန်ပေးလိုက်ကြောင်း အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေးမှ ၂၀၂၅ ခုနှစ်၊ ဇူလိုင် ၃၁ ရက်တွင် ထုတ်ပြန်ကြေညာခဲ့သည်။
ဗိုလ်ချုပ်ကြီးညိုစောကို အငြိမ်းစားပေး၍ အရပ်ဖက်တွင် ဝန်ကြီးချုပ် တာဝန်ကို ပေးအပ်ခဲ့ကြောင်း သိရသည်။
အသစ်ပြင်ဆင် ဖွဲ့စည်းလိုက်သော ပြည်ထောင်စုအစိုးရအဖွဲ့တွင် ဦးညိုစော၊ ဦးတင်အောင်စန်း၊ ဦးကိုကိုလှိုင်၊ ဦးမောင်မောင် တင်၊ ဦးထွန်းအုံ၊ ဦးမြထွန်းဦး၊ ဗိုလ်ချုပ်ကြီး မောင်မောင်အေး၊ ဒေါက်တာကံဇော်၊ ဦးသန်းဆွေ၊ ဒုတိယဗိုလ်ချုပ်ကြီး ထွန်းထွန်းနောင်၊ ဒုတိယဗိုလ်ချုပ်ကြီးရာပြည့်၊ ဒေါက်တာဝါဝါမောင်၊ ဒေါက်တာသီတာဦး၊ ဦးမောင်မောင်အုန်း၊ ဦးတင်ဦးလွင်၊ ဦးမင်းနောင်၊ ဦးလှမိုး တို့ပါဝင်သည်။
ထို့ပြင် ဦးခင်မောင်ရီ၊ ဦးဥာဏ်ထွန်း၊ ဦးကိုကိုလွင်၊ ဒေါက်တာချာလီသန်း၊ ဦးမြင့်ကြိုင်၊ ဦးအောင်ကျော်ဟိုး၊ ဦးချစ်ဆွေ၊ ဒေါက်တာမျိုးသိန်းကျော်၊ ဒေါက်တာသက်ခိုင်ဝင်း၊ Jeng Phang နော်တောင်၊ ဦးမျိုးသန့်၊ ဒေါက်တာ စိုးဝင်း၊ ဦးနေလင်းတို့လည်း ပါဝင်ကြသည်။
- By CNI
- Category: နိုင်ငံရေး
- Hits: 183
CNI News
၂၀၂၅ ခုနှစ်၊ ဇူလိုင် ၃၁
တစ်နိုင်ငံလုံးအတိုင်းအတာဖြင့် ဝင်ရောက်ယှဉ်ပြိုင်ကြမည့် ပြည်မပါတီအောက်ကနေ တိုင်းရင်းသားရေးရာဝန်ကြီး နေရာ ဝင်ရောက်ယှဉ်ပြိုင်ပါက တိုင်းရင်းသားအရေးကို လွတ်လပ်စွာ ဆွေးနွေးတင်ပြခွင့် မရှိနိုင်ဘူးဟု လီဆူ အမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ) မှ ဥက္ကဋ္ဌ ဦးလီပေါ်ရဲ့က CNI သတင်းဌာနသို့ ပြောသည်။
တိုင်းရင်းသားပါတီများအနေဖြင့် တိုင်းရင်းသားရေးရာဝန်ကြီးနေရာအတွက် ဝင်ရောက်ယှဉ်ပြိုင်လိုပါက ပြည်သူ့ ရှေ့ဆောင်ပါတီ(PPP) ကို အသုံးချ၍ ဝင်ရောက်ယှဉ်ပြိုင်ကြရန် ပါတီဥက္ကဋ္ဌ ဒေါက်တာသက်သက်ခိုင်က ဇူလိုင် ၂၇ ရက်က ပြုလုပ်သည့် သတင်းစာရှင်းလင်းပွဲတွင် ပြောဆိုခဲ့သည်။
“ပါတီတွေရဲ့ သူတို့ရဲ့လုပ်ပိုင်ခွင့်ပဲလေ။ သူတို့ကလည်းတစ်နိုင်ငံလုံး ယှဉ်ပြိုင်နိုင်တဲ့ပါတီဆိုတော့ တိုင်းရင်းသား ရေးရာကိုယ်စားလှယ်နေရာတွေတော့ နေရာလပ်တွေအများကြီးရှိနိုင်တယ်။ ကချင်ပြည်နယ်ရှိမယ်၊ စစ်ကိုင်း တိုင်းရှိမယ်၊ ရှမ်းပြည်ရှိမယ်၊ ရခိုင်တို့၊ မွန်တို့ ၊ ကရင်တို့လည်းရှိမယ်။ သူတို့လိုတာတော့ အများကြီးလိုအပ်နေမှာ ပေါ့ တိုင်းရင်းသားလွှတ်တော်ကိုယ်စားလှယ်တွေ ယှဉ်ပြိုင်ဖို့။ ကျနော်တို့ကတော့ ဒါကတော့ ပြောစရာ သိပ် မရှိပါဘူး။ ဘာလို့ဆို သူတို့ပါတီမှာလည်း သူတို့လုပ်ပိုင်ခွင့်ရှိတယ်လေ။ သူတို့အနေနဲ့ ကျနော်တို့ကတော့ တိုင်းရင်းသားရေးရာကိုယ်စားလှယ်နေရာမှာ ကျနော်တို့ မထည့်တော့ပါဘူး။ ကျနော်တို့ သက်ဆိုင်ရာကို မဟာမိတ်တိုင်းရင်းသားပါတီထဲကပဲ ထည့်ပါဆိုရင်တော့ တစ်မျိုးပေါ့။ တိုင်းရင်းသားနေရာအတွက်ကြတော့ တိုင်းရင်းသားပါတီတွေရှိတဲ့နေရာတွေမှာ သူတို့ဝင်ပြိုင်တာတို့ ဘာတို့ဆိုတော့ သိပ်တော့အဆင်မပြေလောက် ဘူး။ ပြည်မပါတီပဲပြောရမှာပေါ့။ ပြည်မပါတီကနေ တိုင်းရင်းသားရေးရာကိုယ်စားလှယ်ရမယ်ဆိုရင် ပါတီကြီး တစ်ခုရဲ့ ဩဇာအောက်မှာရှိတယ်ဆိုတော့ တိုင်းရင်းသားအရေးအတွက်တော့ လွတ်လွတ်လပ်လပ် ပြောဆို တင်ပြပိုင်ခွင့်တွေကတော့ ရှိချင်မှရှိမယ်” ဟု ဒူးလေးပါတီ ဥက္ကဋ္ဌ ဦးလီပေါ်ရဲ့က ပြောသည်။
PPP ပါတီ ဉက္ကဋ္ဌ ဒေါက်တာသက်သက်ခိုင် ကိုတွေ့ရစဉ်
ပြည်သူ့ရှေ့ဆောင်ပါတီသည် တစ်နိုင်ငံလုံးဝင်ရောက်ယှဉ်ပြိုင်မည့် ပါတီဖြစ်သည့်အလျောက် တိုင်းရင်းသား ရေးရာဝန်ကြီးကိုယ်စားလှယ်နေရာအတွက် နေရာလိုအပ်ချက်များကြောင့် ယခုကဲ့သို့ ဖိတ်ခေါ်ခြင်းဖြစ်နိုင် ကြောင်းလည်း ၎င်းက ဆိုသည်။
ပြည်သူ့ရှေ့ဆောင်ပါတီအနေဖြင့် တိုင်းရင်းသားပါတီပေါင်းစုံကို မိမိတို့ ပါတီပလပ်ဖောင်းအား အသုံးချပြီးတော့မှ တိုင်းရင်းသားရေးရာဝန်ကြီးအနေဖြင့် ဝင်ရောက်ယှဉ်ပြိုင်ကြဖို့ ယခုလို ဖိတ်ခေါ်ခဲ့ခြင်းဖြစ်သည်။
“ကရင်ပြည်နယ်မှာ ကရင်ပါတီ နှစ်ပါတီရှိတယ်။ ဧရာဝတီမှာ တစ်ပါတီရှိပါတယ်။ ကရင်တိုင်းရင်းသား ဝန်ကြီး နေရာလို့ပြောမယ်ဆိုရင် ကရင်လူမျိုးတွေ များတဲ့နေရာပေါ့နော်။ ဥပမာ ရန်ကုန်ရှိမယ်၊ ပဲခူးရှိမယ်၊ တနင်္သာရီ ရှိမယ်၊ မွန်-ကရင်ရှိမယ်၊ ဧရာဝတီရှိမယ်။ ကရင်ပြည်နယ်က ၆ နေရာရှိတယ်။ ၆ နေရာတိုင်းမှာ ကရင်ပြည်နယ် ကလွဲပြီး ကျန်တဲ့နေရာတွေမှာ ဝင်ရောက်ယှဉ်ပြိုင်ဖို့ဆိုရင် ပါတီအနေနဲ့ မှတ်ပုံတင်ထားတာကကြတော့ ကရင်ပြည်နဲ့ ဧရာဝတီမှာပဲ မှတ်ပုံတင်ထားတာဖြစ်တဲ့အခါကြတော့ ဘာဖြစ်လဲဆိုရင် သူတို့တွေ မှတ်ပုံတင်ထား တာရဲ့ ပြင်ပနယ်ပယ်မှာ ပြင်ပမဲဆန္ဒနယ်မှာထွက်ပြီးတော့ ကရင်တိုင်းရင်းသားရေးရာ ဝန်ကြီးနေရာ ယှဉ်ပြိုင်မယ် ဆိုရင် အခက်အခဲရှိနိုင်တယ်လို့ သုံးသပ်တဲ့အတွက်ကြောင့်မို့လို့ ကျမတို့ပါတီအနေနဲ့ တိုင်းရင်းသားပါတီပေါင်းစုံ ကို ကျမတို့ပါတီမှာ လာပြီးမှ ကျမတို့ ပါတီပလပ်ဖောင်းကို အသုံးချပြီးတော့မှ တိုင်းရင်းသားရေးရာဝန်ကြီး အနေနဲ့ ဝင်ရောက်ယှဉ်ပြိုင်ကြပါလို့ ကျမတို့ဖိတ်ခေါ်ထားတာဖြစ်ပါတယ်” ဟု PPP ပါတီဥက္ကဋ္ဌ ဒေါက်တာ သက်သက်ခိုင်က ပြောသည်။
ပြည်သူ့ပါတီ ဉက္ကဋ္ဌ ဦးကိုကိုကြီး စကားပြောနေစဉ်
ရွေးကောက်ပွဲကို လာမည့် ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလတို့တွင် အပိုင်းလိုက်ခွဲကာ ကျင်းပ သွားမည်ဟု နစက ဥက္ကဋ္ဌနှင့် ပြည်ထောင်စုရွေးကောက်ပွဲကော်မရှင် (UEC) တို့က ထုတ်ဖော်ပြောဆိုထားသည်။
သို့သော်လည်း လုံခြုံရေးအခြေအနေများကြောင့် ရွေးကောက်ပွဲ ဝင်ရောက်ယှဉ်ပြိုင်မည့် နိုင်ငံရေးပါတီများတွင် ပါတီခေါင်းဆောင်များမှလွဲ၍ ရွေးကောက်ခံမည့် ကိုယ်စားလှယ်လောင်းများမှာ အင်မတန်နည်းပါးနေကြောင်း နိုင်ငံရေးအကဲခတ်များက ထောက်ပြကြသည်။
ထို့ကြောင့် မြေပြင်တွင် ရပ်ကွက်၊ ကျေးရွာများထဲ၌ ရွေးကောက်ပွဲ ဝင်ရောက်ယှဉ်ပြိုင်ရန် လိုက်လံမဲဆွယ်နေမှု များလည်းရှိကြောင်း သတင်းများ ထွက်ပေါ်နေသည်။
လက်ရှိတွင် နစကမှ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး (သို့မဟုတ်) ပြည်နယ် လွှတ်တော်များအတွက် ရွေးကောက်ပွဲဥပဒေကို ဆဋ္ဌမအကြိမ်ပြင်ဆင်သည့် ဥပဒေအား ၂၀၂၅ ခုနှစ်၊ ဇူလိုင် ၂၉ ရက်က ထုတ်ပြန်ခဲ့သည်။
တိုင်းရင်းသားပါတီဝင်များအားတွေ့ရစဉ်
ထိုထဲတွင် အမျိုးသားလွှတ်တော်ကို မဲအများဆုံးရသူအနိုင်ယူစနစ်ဖြင့် ရွေးကောက်တင်မြှောက်ရန်ပါရှိပြီး တိုင်း ဒေသကြီး (သို့မဟုတ်) ပြည်နယ်လွှတ်တော်အတွက် အချိုးကျကိုယ်စားပြုစနစ်ဖြင့် ရွေးကောက် တင်မြှောက် နိုင်ရန်ဟူ၍ ပါရှိသည်။
ပြည်သူ့လွှတ်တော်နေရာအတွက်ကိုမူ မည်သည့်စနစ်ဖြင့် ရွေးကောက်တင်မြှောက်မည်ဆိုသည့်အချက် မပါရှိပေ။
ပြည်ထောင်စုရွေးကောက်ပွဲ ကော်မရှင်အနေဖြင့် ရွေးကောက်ပွဲကို မြို့နယ်ပေါင်း ၂၆၇ မြို့နယ်တွင် အပိုင်းလိုက် ခွဲကာ ကျင်းပသွားမည်ဟု ပြောဆိုထားသော်လည်း ထိုမြို့နယ်များအားလုံးတွင် ရွေးကောက်ပွဲ ကျင်းပနိုင်ရေးမှာ မဖြစ်နိုင်ကြောင်း စစ်ရေးနှင့် နိုင်ငံရေးအကဲခတ်များက ထောက်ပြကြသည်။
- By CNI
- Category: နိုင်ငံရေး
- Hits: 262
CNI News
၂၀၂၅ ခုနှစ်၊ ဇူလိုင် ၃၁
အမျိုးသားကာကွယ်ရေးနှင့်လုံခြုံရေးကောင်စီသည် ကာ/လုံရုံး၏ အမှုဆောင်ချုပ်အဖြစ် ဦးအောင်လင်းဒွေးကို ခန့်အပ်ခဲ့ပြီး တွဲဖက်အမှုဆောင်ချုပ်အဖြစ် ဗိုလ်ချုပ်ကြီးရဲဝင်းဦးအား ခန့်အပ်လိုက်ကြောင်း ၂၀၂၅ ခုနှစ်၊ ဇူလိုင် ၃၁ ရက် ထုတ်ပြန်ကြေညာခဲ့သည်။
- By CNI
- Category: နိုင်ငံရေး
- Hits: 367
CNI News
၂၀၂၅ ခုနှစ်၊ ဇူလိုင် ၃၁
ဗိုလ်ချုပ်မှူးကြီးမင်းအောင်လှိုင် ဦးဆောင်သည့် နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ကို ၂၀၂၅ ခုနှစ်၊ ဇူလိုင် ၃၁ ရက်မှာ ဖွဲ့စည်းကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးမှ ထုတ်ပြန် ကြေညာခဲ့သည်။
- By CNI
- Category: နိုင်ငံရေး
- Hits: 316
CNI News
၂၀၂၅ ခုနှစ်၊ ဇူလိုင် ၃၀
နိုင်ငံရေးအရဖြစ်စေ၊ စစ်ရေးအရဖြစ်စေ တစ်ဖွဲ့တစ်စည်းတည်းအတွက် လူမျိုးတစ်မျိုးတည်းအတွက် ကွက်ကြည့် ရေးဝါဒကိုသာ ဆုပ်ကိုင်ရွက်သည်ကို ရှောင်ကြဉ်မည်ဟု ရှမ်းပြည်တိုးတက်ရေးပါတီ(SSPP/SSA)က ၂၀၂၅ ခုနှစ်၊ ဇူလိုင် ၂၈ ရက်တွင် ထုတ်ပြန်ခဲ့သည်။
SSPP/SSA သည် ဗဟိုကော်မတီ၏ ၂၀၂၅ ခုနှစ်၊ ပထမ ၆ လပတ် အစည်းအဝေးကို ဇူလိုင် ၂၃ ရက်မှ ၂၈ ရက်ထိ ဗဟိုဌာနချုပ် ဝမ်ဟိုင်းတွင် ကျင်းပခဲ့ပြီးနောက် အထက်ပါအတိုင်း ထုတ်ပြန်ခဲ့သည်။
တိုင်းရင်းသား စည်းလုံးညီညွတ်မှု တည်ဆောက်ရေးတွင် ငြိမ်းချမ်းစွာ အတူယှဉ်တွဲနေထိုင်ရေးမူကို စွဲကိုင်ကာ အပြန်အလှန် လေးစားတန်ဖိုးထား အသိအမှတ်ပြုမှု၊ အပြန်အလှန် ရိုင်းပင်း ကူညီဖေးမမှုဖြင့် ကြိုးစား ဆောင်ရွက် သွားမည်ဟု SSPP/SSA က ပြောသည်။
SSPP ၏ ထုတ်ပြန်ချက်ကို တွေ့ရစဉ်
၎င်းက “ နိုင်ငံရေးအရဖြစ်စေ၊ စစ်ရေးအရဖြစ်စေ တစ်ဖွဲ့တစ်စည်းတည်းအတွက်၊ လူမျိုးတစ်မျိုးတည်းအတွက်၊ ဒေသတခုတည်းအတွက် ကွက်ကြည့်ရေးဝါဒကိုသာ ဆုပ်ကိုင်ရွက်သည်ကို ရှောင်ကြဉ်ပြီး လူမျိုးစုများအားလုံး၊ ဒေသ အားလုံးကို လွမ်းခြုံသည့် ဆောင်ရွက်ချက်ဖြင့်သာ ရေရှည်စုပေါင်း နေထိုင်နိုင်ကြမည်ဖြစ်သည်”ဟု ပြော သည်။
ထို့နောက် ဒေသဖွံ့ဖြိုးရေးနှင့် ဆင်းရဲမွဲတွေမှု ပပျောက်ရေးနှင့် ပတ်သက်၍ ကိုဗစ်-၁၉ ကာလရောဂါ ဘယဒဏ်၊ ပြည်တွင်းစစ်ပွဲဒဏ်နှင့် သဘာဝဘေးဒဏ် စသည်တို့ကို အလူးအလိမ့်ခံစားကြရသော ပြည်သူလူထုများ၏ လူနေမှု ဘဝ ပြန်လည်မြှင့်တင်နိုင်ရေး အလေးထားကြိုးစားဆောင်ရွက်သွားမည်ဟု SSPP က ထုတ်ပြန်ခဲ့သည်။
SSPP/SSA သည် ရှမ်းပြည်နယ်မြောက်ပိုင်းတွင် အဓိက အခြေစိုက်သော ရှမ်းလက်နက်ကိုင်ဖြစ်ပြီး “ဝ”တပ်ဖွဲ့ (UWSA)ဦးဆောင်သည့် ပြည်ထောင်စု နိုင်ငံရေးဆွေးနွေး ညှိနှိုင်းရေးကော်မတီ(FPNCC)အဖွဲ့ဝင်ဖြစ်သည်။
လက်ရှိတွင် SSPP နှင့် TNLA ကြား နယ်မြေ အငြင်းပွားကာ စစ်ရေးပွတ်တိုက်မှုများ ရှိနေသည်။
Page 11 of 262
Connect with us
