CNI News
၂၀၂၅ ခုနှစ်၊ ဩဂုတ် ၃၀
တရုတ်ခရီးစဉ်အဖြစ် ယနေ့ (ဩဂုတ် ၃၀ ရက်)က နေပြည်တော်ကနေ ထွက်ခွာသွားသော နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို တရုတ်နိုင်ငံမှ ဂုဏ်ပြုတပ်ဖွဲ့ဖြင့် ကြိုဆို ခဲ့ကြောင်း သိရသည်။
ဗိုလ်ချုပ်မှူးကြီးမင်းအောင်လှိုင်သည် တရုတ်သမ္မတ ရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ အလုပ်သဘောဖြင့် ဩဂုတ် ၃၀ ရက်က ထွက်ခွာ သွားခဲ့ခြင်းဖြစ်သည်။
ထို့နောက် တရုတ်သမ္မတ ရှီကျင့်ဖျင်၊ တရုတ်အစိုးရအဖွဲ့တာဝန်ရှိသူများ အပါအဝင် ကမ္ဘာ့နိုင်ငံများမှ ခေါင်းဆောင် များဖြင့် သီးခြားစီ တွေ့ဆုံ ဆွေးနွေးမှုများ ပြုလုပ်သွားရန် ရှိကြောင်း နေပြည်တော်နှင့်နီးစပ်သူများက ပြောသည်။
ဗိုလ်ချုပ်မှူးကြီးမင်းအောင်လှိုင်သည် တရုတ်နိုင်ငံ၊ ထျန်းကျင်းမြို့မှာ ကျင်းပမည့် ရှန်ဟိုင်းပူးပေါင်းဆောင်ရွက်မှု အဖွဲ့ ထိပ်သီးအစည်းအဝေး (Shanghai Cooperation Organisation – SCO SUMMIT 2025) ကို တက်ရောက် မည်ဖြစ်သလို ဘေဂျင်းမြို့မှာ ကျင်းပမည့် တရုတ်ပြည်သူများ၏ ဂျပန်ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ် ဆန့်ကျင်ရေးစစ်ပွဲ အောင်နိုင်ခြင်းနှစ် (၈၀) ပြည့် အထိမ်းအမှတ် စစ်ရေးပြ အခမ်းအနားကိုလည်း တက်ရောက် မည် ဖြစ်သည်။
