CNI News
၂၀၂၅ ခုနှစ်၊ ဩဂုတ် ၃၁

ရှန်ဟိုင်းပူးပေါင်းဆောင်ရွက်မှုအဖွဲ့ ထိပ်သီးအစည်းအဝေး-၂၀၂၅ (Shanghai Cooperation Organisation - SCO SUMMIT 2025)ကို တက်ရောက်ကြမည့် နိုင်ငံတကာမှ ခေါင်းဆောင်များအား တရုတ်သမ္မတ ရှီကျင့်ဖျင်က တည်ခင်းဧည့်ခံသည့် ကြိုဆိုဂုဏ်ပြု ညစာစားပွဲအခမ်းအနားသို့ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် တက်ရောက်ခဲ့သည်။

အဆိုပါ ဂုဏ်ပြု ညစာစားပွဲကို ၂၀၂၅ ခုနှစ်၊ ဩဂုတ် ၃၁ ရက်က Tianjin Meijiang Covention Center မှာ ကျင်းပခဲ့ခြင်း ဖြစ်သည်။ 

တရုတ်နိုင်ငံသည် ရှန်ဟိုင်းပူးပေါင်းဆောင်ရွက်မှုအဖွဲ ထိပ်သီးအစည်းအဝေး (Shanghai Cooperation Organisation - SCO SUMMIT 2025)ကို ထျန်းကျင်းမြို့မှာ ကျင်းပမည်ဖြစ်ပြီး နိုင်ငံပေါင်း ၂၀ မှ ခေါင်းဆောင် များ တက်ရောက်ကြမည်ဖြစ်သည်။ 

ထိုအစည်းအဝေးသို့ မြန်မာနိုင်ငံ ကိုယ်စားပြုအနေဖြင့် ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် တက်ရောက်မည်ဖြစ်ပြီး တရုတ်နိုင်ငံသို့ ၂၀၂၅ ခုနှစ်၊ ဩဂုတ် ၃၀ ရက်က ရောက်ရှိခဲ့သည်။

ထို့နောက် တရုတ်သမ္မတရှီကျင့်ဖျင်နှင့်လည်းကောင်း၊ တရုတ်-မြန်မာ စီးပွားရေးလုပ်ငန်းရှင်များနှင့်လည်းကောင်း တွေ့ဆုံ ဆွေးနွေးခဲ့သည်။ ဩဂုတ် ၃၁ ရက်နေ့မှာတော့ အိန္ဒိယဝန်ကြီးချုပ် မိုဒီနှင့် တွေ့ဆုံ ဆွေးနွေးခဲ့သည်။ 

ထို့နောက် ဗိုလ်ချုပ်မှူးကြီးမင်းအောင်လှိုင်သည် စက်တင်ဘာ ၃ ရက်တွင် ကျင်းပမည့် တရုတ်ပြည်သူများ၏ ဂျပန်ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ် ဆန့်ကျင်ရေးစစ်ပွဲ အောင်နိုင်ခြင်းနှစ် (၈၀) ပြည့် အထိမ်းအမှတ် စစ်ရေးပြ အခမ်းအနားကိုလည်း တက်ရောက်မည်ဖြစ်သည်။