- By CNI
- Category: အားကစား
- Hits: 978
CNI Sport News
၂၀၂၄ ခုနှစ်၊ မေလ ၂၁
လီဗာပူးလ်အသင်း နည်းပြသစ်ဖြစ်လာတဲ့ အာနီဆလော့က ကမ္ဘာပေါ်မှာ အကြီးမားဆုံး ကလပ်အသင်းတွေထဲက တစ်သင်းမှာ အလုပ်လုပ်ခွင့်ရမယ့် အခွင့်အရေးကို လျစ်လျူရှုဖို့ ခက်ခဲတယ်လို့ ပြောပါတယ်။
အာနီဆလော့က “အလွန်ကောင်းမွန်တဲ့ အခိုက်အတန့်တွေကို ခံစားခဲ့ရပြီး အံ့သြစရာကောင်းတဲ့ လူအများအပြား နဲ့ အောင်မြင်စွာ လုပ်နိုင်ခဲ့တဲ့ ကလပ်ကနေ ထွက်ခွာရတာဟာ မလွယ်ကူပါဘူး။ ဒါပေမယ့် ကမ္ဘာ့အကြီးမားဆုံး ကလပ်အသင်းတွေထဲက တစ်သင်းနဲ့ ပရီးမီးယားလိဂ်မှာ နည်းပြဖြစ်မယ့် အခွင့်အရေးကို လျစ်လျူရှုဖို့က ခက်ခဲ တယ်လို့”ဖီယင်နုအသင်းရဲ့ ဝက်ဘ်ဆိုက်ကို ပြောပါတယ်။
လီဗာပူးလ်အသင်းဟာ အာနီဆလော့ကို နည်းပြသစ်အဖြစ် ခန့်အပ်ဖို့ ဖီယင်နုအသင်းကို လျော်ကြေး ပေါင် ၉.၄ သန်း ပေးချေခဲ့ရတာ ဖြစ်ပါတယ်။
ဂျာမနီလူမျိုးနည်းပြ ကလော့ပ်ဟာ ပြီးခဲ့တဲ့ ဝုလ်ဗ်စ်အသင်းနဲ့ပွဲစဉ်မှာ လီဗာပူးလ်အသင်းကို သူ့ရဲ့ နောက်ဆုံး ပွဲစဉ်အဖြစ် ကိုင်တွယ်သွားခဲ့ပြီး ပွဲအပြီးမှာ နည်းပြသစ် အာနီဆလော့ရဲ့ နာမည်ကို သီဆိုခဲ့တာဖြစ်ပါတယ်။
လီဗာပူးလ်အသင်းတိုက်စစ်မှူး ဆာလက်စ်ကိုတွေ့ရစဉ်
လီဗာပူးလ်အသင်းဟာ အာနီဆလော့ကို ၃ နှစ် စာချုပ်ချုပ်ဆိုခဲ့ပြီး ဇွန်လ ၁ ရက်မှာ နည်းပြသစ်အဖြစ် စတင် တာဝန်ယူတော့မှာပါ။
အာနီဆလော့ဟာ ဖီယင်နုအသင်းကို ကိုင်တွယ်ခဲ့တဲ့ ၃ ရာသီမှာ ဒတ်ချ်အမှတ်ပေးဖလားနဲ့ ဒတ်ချ်ဖလားတို့ကို ရယူပေးနိုင်ခဲ့တာ ဖြစ်ပါတယ်။
ဒတ်ချ်လူမျိုးနည်းပြဟာ ပြီးခဲ့တဲ့ နွေရာသီက စပါးအသင်းရဲ့ ချိတ်ဆက်မှု ခံခဲ့ရပေမယ့် ဖီယင်နုအသင်းမှာပဲ ဆက်ရှိခဲ့တာဖြစ်ပြီး အခု လီဗာပူးလ်အသင်းရဲ့ ကမ်းလှမ်းမှုကိုတော့ ငြင်းဆန်ခဲ့ခြင်းမရှိတာပါ။
လီဗာပူးလ်အသင်းဟာ အာနီဆလော့ကို နည်းပြသစ်အဖြစ် ခန့်အပ်ကြောင်း ကြေညာပြီးနောက်မှာ တိုက်စစ်မှူး ဆာလက်ဟာ လာမယ့်ရာသီ အသင်းမှာ ဆက်ရှိနိုင်ကြောင်း ပြောခဲ့ပါတယ်။
ပြီးခဲ့တဲ့ နွေရာသီက ဆော်ဒီကလပ် အယ်လ်အစ်တီဟတ်အသင်းဟာ ဆာလက်ကို ခေါ်ယူဖို့ ပေါင်သန်း ၁၅၀ နဲ့ ကမ်းလှမ်းခဲ့တာကို လီဗာပူးလ်အသင်းက ပယ်ချခဲ့ပေမယ့် ဒီနွေရာသီမှာ ထပ်ပြီးကမ်းလှမ်းလာဖို့ ရှိနေတာပါ။
ဆာလက်နဲ့ လီဗာပူးလ်အသင်းတို့ ချုပ်ဆိုထားတဲ့ စာချုပ်ဟာ ၂၀၂၅ ခုနှစ်၊ ဇွန်လ ၃၀ ရက်မှာ ကုန်ဆုံးမှာလည်း ဖြစ်ပါတယ်။
Source: BBC
- By CNI
- Category: အားကစား
- Hits: 939
CNI Sport News
၂၀၂၄ ခုနှစ်၊ မေလ ၂၀
ယူနိုက်တက်အသင်းဟာ ပရီးမီးယားလိဂ်မှာ အောင်မြင်ခဲ့ခြင်း မရှိတာကြောင့် FA ဖလား ချန်ပီယံဆုရယူနိုင်ဖို့ အရာအားလုံး လုပ်ရမယ်လို့ နည်းပြ အဲရစ်တန်ဟတ်က ပြောခဲ့ပါတယ်။
အဲရစ်တန်ဟတ်က “ကျနော်တို့ဟာ ကမ္ဘာပေါ်မှာ အကောင်းဆုံး ပရိသတ်တွေကို ပိုင်ဆိုင်ထားပါတယ်။ ဒီရာသီမှာ ကျနော်တို့ဟာ လုံလောက်မှု မရှိခဲ့ပေမယ့် ပရိသတ်တွေဟာ ကျနော်တို့နဲ့အတူ ရှိနေပါတယ်။ သူတို့ဟာ ဆိုးရွားတဲ့ ရာသီနဲ့ အဆိုးဆုံး အချိန်တွေမှာလည်း အတူရှိနေခဲ့ပါတယ်။ အဲဒါကြောင့် ကျနော်တို့ သူတို့ကို ပြန်ပေးဆပ်ရမှာ ဖြစ်ပြီး လာမယ့်အပတ်မှာ ဆုဖလားရယူနိုင်ဖို့ အရာအားလုံးလုပ်သွားမှာပါ”လို့ ပြောခဲ့ပါတယ်။
ယူနိုက်တက်အသင်းဟာ ဒီရာသီ ပရီးမီးယားလိဂ် နောက်ဆုံးပွဲစဉ်မှာ ဘရိုက်တန်အသင်းကို ၂ ဂိုး- ဂိုးမရှိနဲ့ အနိုင် ရရှိခဲ့တာ ဖြစ်ပါတယ်။
ဒါပေမယ့် ယူနိုက်တက်အသင်းဟာ ပရီးမီးယားလိဂ်ပြိုင်ပွဲမှာ အဆင့် ၈ နဲ့ ရာသီအဆုံးသတ်ခဲ့ပြီး အဆိုးရွားဆုံး အဆင့် ရပ်တည်မှုလည်း ဖြစ်ခဲ့တာပါ။
ယူနိုက်တက်အသင်းကို တွေ့ရစဉ်
ယူနိုက်တက်အသင်းဟာ ဒီရပ်တည်မှုကြောင့် လာမယ့်ရာသီ ဥရောပပြိုင်ပွဲ ယှဉ်ပြိုင်ခွင့် ရရှိချင်ရင် FA ဖလား ပြိုင်ပွဲမှာ ချန်ပီယံဆုကို ရယူနိုင်ဖို့ လိုအပ်နေတာ ဖြစ်ပါတယ်။
FA ဖလားဗိုလ်လုပွဲ ရလဒ်ဟာ နည်းပြ အဲရစ်တန်ဟတ်ရဲ့ ယူနိုက်တက်အသင်း အနာဂတ်အပေါ်မှာလည်း အများကြီး သက်ရောက်မှုရှိနေတာပါ။
ဒတ်ချ်လူမျိုးနည်းပြ အဲရစ်တန်ဟတ်ကတော့ ယူနိုက်တက်အသင်း ရလဒ်တွေဆိုးချိန်မှာ အားပေးထောက်ခံခဲ့တဲ့ အသင်းပရိသတ်တွေကို ကျေးဇူးတင်တဲ့အတွက် FA ဖလားကို ရယူပေးသွားမယ်လို့ ပြောခဲ့ပါတယ်။
ယူနိုက်တက်အသင်းဟာ FA ဖလားဗိုလ်လုပွဲအဖြစ် မြို့ခံပြိုင်ဘက် မန်စီးတီးအသင်းနဲ့ မေလ ၂၅ ရက် ဝင်ဘာလေ ကွင်းမှာ ယှဉ်ပြိုင်သွားမှာ ဖြစ်ပါတယ်။
Source: besoccer
- By CNI
- Category: အားကစား
- Hits: 1074
CNI Sport News
၂၀၂၄ ခုနှစ်၊ မေလ ၂၀
မန်စီးတီးအသင်းဂိုးသမား အီဒါဆန်ဟာ ဒဏ်ရာကြောင့် ကိုပါအမေရိကဖလား ပြိုင်ပွဲယှဉ်ပြိုင်မယ့် ဘရာဇီးလ် အသင်း လူစာရင်းကနေ နုတ်ထွက်လိုက်ပါတယ်။
အဲဒါကြောင့် ဘရာဇီးလ်အသင်းဟာ အီဒါဆန်ရဲ့ နေရာမှာ ဂိုးသမားတစ်ဦးကို အစားထိုးခေါ်ယူခဲ့သလို နောက်ထပ် ကစားသမား ၃ ဦးကိုလည်း လူစာရင်းထဲ ထည့်ပြီးပေါင်းထည့်ခဲ့တာပါ။
အီဒါဆန်ဟာ မန်စီးတီးအသင်းက စပါးအသင်းကို ၂ ဂိုး- ဂိုးမရှိနဲ့ အနိုင်ရခဲ့တဲ့ ပရီးမီးယားလိဂ်ပွဲစဉ်မှာ စပါးအသင်း နောက်ခံလူ ရိုမဲရိုးနဲ့ ထိခိုက်မိပြီး မျက်လုံးဒဏ်ရာ ရရှိသွားခဲ့တာ ဖြစ်ပါတယ်။
အဲဒါကြောင့် အီဒါဆန်ဟာ ဝက်စ်ဟမ်းအသင်းကို အနိုင်ရခဲ့တဲ့ပွဲစဉ်မှာ မန်စီးတီးအသင်းအတွက် ပါဝင်နိုင်ခဲ့ခြင်း မရှိပါဘူး။
ဒါပေမယ့် အီဒါဆန်ဟာ မန်စီးတီးအသင်းရဲ့ ပရီးမီးယားလိဂ်ဆုဖလား အောင်ပွဲခံ အခမ်းအနားမှာ အသင်းဖော် တွေနဲ့အတူ အောင်ပွဲခံခဲ့တာပါ။
မန်စီးတီးအသင်းကို တွေ့ရစဉ်
ဘရာဇီးလ်အသင်းဟာ အခုလအစောပိုင်းက ကိုပါအမေရိကဖလား ပြိုင်ပွဲအတွက် ကစားသမား ၂၃ ဦးစာရင်း ထုတ်ပြန်ခဲ့ပြီး ကွင်းလယ်လူ ကတ်စမဲရိုး၊ တိုက်စစ်မှူးတွေဖြစ်တဲ့ ရစ်ချာလီဆန်နဲ့ ဂျီးဆပ်စ်တို့ ပါဝင်ခဲ့ခြင်း မရှိတာ ဖြစ်ပါတယ်။
ဘရာဇီးလ်အသင်းဟာ ဂိုးသမား အီဒါဆန်ရဲ့ နေရာအတွက် ဆော်ပေါ်လို ဂိုးသမား ရာဖေးလ်ကို ခေါ်ယူခဲ့ပြီး နောက်ထပ် ခေါ်ယူခဲ့တဲ့ ကစားသမား ၃ ဦးကတော့ ဂျူဗင်တပ်စ်အသင်း နောက်ခံလူ ဘရီမာ၊ အတ္တလန်တာ အသင်း ကွင်းလယ်လူ အီဒါဆန်နဲ့ ပေါ်တိုအသင်း တိုက်စစ်မှူး ပီပီတို့ ဖြစ်ပါတယ်။
ကိုပါအမေရိကဖလား ချန်ပီယံဆုကို ၉ ကြိမ် ရရှိထားတဲ့ ဘရာဇီးလ်အသင်းဟာ ၂၀၂၄ ခုနှစ်အတွက် ကျင်းပမယ့် ပြိုင်ပွဲရဲ့ အုပ်စု D မှာ ကိုလံဘီယာ၊ ပါရာဂွေး၊ ကော်စတာရီကာ အသင်းတို့နဲ့ တစ်အုပ်စုတည်း ကျရောက်နေတာ ဖြစ်ပါတယ်။
ဇွန်လ ၂၀ ရက်ကနေ ဇူလိုင် ၁၄ ရက်အထိ ကျင်းပမယ့် ကိုပါအမေရိကဖလား ပြိုင်ပွဲမှာ ဘရာဇီးလ်အသင်းဟာ အုပ်စုအဖွင့်ပွဲစဉ်အဖြစ် ကော်စတာရီကာအသင်းနဲ့ ယှဉ်ပြိုင်ရမှာပါ။
ဘရာဇီးလ်အသင်းဟာ ဒီပြိုင်ပွဲမတိုင်ခင်မှာ မက္ကဆီကို၊ အမေရိကန်အသင်းတို့နဲ့ ခြေစမ်းပွဲယှဉ်ပြိုင်သွားမှာလည်း ဖြစ်ပါတယ်။
Source: CNA
- By CNI
- Category: အားကစား
- Hits: 1001
CNI Sport News
၂၀၂၄ ခုနှစ်၊ မေလ ၂၀
လီဗာပူးလ်အသင်းနည်းပြ ကလော့ပ်ဟာ ကလပ်အသင်း ပရိသတ်တွေရှေ့မှာ သူ့နေရာကို ဆက်ခံမယ့် နည်းပြသစ် အာနီဆလော့ရဲ့ နာမည်ကို သီဆိုပြီး အသင်းကို နှုတ်ဆက်မှု ပြုလုပ်ခဲ့ပါတယ်။
ကလော့ပ်က “နည်းပြသစ် အာနီဆလော့ရဲ့ နာမည်ကို သီဆိုစေချင်ပါတယ်။ လာမယ့်ရာသီသစ်ကို နည်းပြသစ်နဲ့ အပြည့်အဝ စတင်လိုက်ပါ။ အစပိုင်းမှာတင် ယုံကြည်မှုကို ဆက်ထိန်းသိမ်းရမှာဖြစ်ပြီး ယုံကြည်မှုကို မရပ်တန့် လိုက်ပါနဲ့။ လူအများအပြား ငိုနေတာတွေ့တော့ ကျနော်လည်း ငိုချင်ပါတယ်။ ဒါပေမယ့် အပြောင်းအလဲက ကောင်းပါတယ်။ ကလပ်ရဲ့သမိုင်းမှာ အစိတ်အပိုင်း ဖြစ်ခွင့်ရခဲ့လို့ အလွန်ဝမ်းသာမိပါတယ်”လို့ ပြောပါတယ်။
လီဗာပူးလ်အသင်းက ဝုလ်ဗ်စ်အသင်းကို ၂ ဂိုး- ဂိုးမရှိနဲ့ အနိုင်ရခဲ့တဲ့ပွဲဟာ နည်းပြ ကလော့ပ်ရဲ့ လီဗာပူးလ်အသင်း နည်းပြဘဝ နောက်ဆုံးပွဲစဉ်ဖြစ်ပါတယ်။
ပွဲအပြီးမှာ ကလော့ပ်ဟာ လီဗာပူးလ်အသင်း ပရိသတ်တွေကို နှုတ်ဆက်မှု ပြုလုပ်ခဲ့တာမှာ နည်းပြသစ်ဖြစ်လာ မယ့် အာနီဆလော့ရဲ့ နာမည်ကို သီဆိုစေခဲ့တာပါ။
လီဗာပူးလ်အသင်းဟာ နည်းပြ ကလော့ပ် လက်ထက်မှာ ယူရိုပါလိဂ်ဖလားကလွဲပြီး ယှဉ်ပြိုင်ခဲ့တဲ့ ပြိုင်ပွဲတိုင်းမှာ ချန်ပီယံဆုကို ရယူနိုင်ခဲ့တာဖြစ်ပါတယ်။
အာနီဆလော့ကို တွေ့ရစဉ်
၂၀၁၅ ခုနှစ်၊ အောက်တိုဘာလက လီဗာပူးလ်အသင်းကို စတင်ကိုင်တွယ်ခဲ့တဲ့ ကလော့ပ်ဟာ ပွဲပေါင်း ၄၉၁ ပွဲ ကိုင်တွယ်ခဲ့တာမှာ နိုင်ပွဲ ၂၉၉ ပွဲ ရယူခဲ့ပြီး အနိုင်ရာခိုင်နှုန်း ၆၀.၉ အထိ ရှိခဲ့တာပါ။
လီဗာပူးလ်အသင်းဟာ နည်းပြသစ်အဖြစ် အာနီဆလော့ကို ခန့်အပ်ကြောင်း မကြာခင်မှာ တရားဝင် ကြေညာသွား ဖွယ်ရှိနေပါတယ်။
ဒတ်ချ်လူမျိုးနည်းပြ ကိုယ်တိုင်က သူဟာ လာမယ့်ရာသီ လီဗာပူးလ်အသင်းကို ကိုင်တွယ်မယ်လို့ အတည်ပြုခဲ့ပြီး ဖီယင်နုအသင်း ပရိသတ်တွေကို နှုတ်ဆက်မှု ပြုလုပ်ခဲ့ပါတယ်။
အာနီဆလော့ဟာ ဖီယင်နုအသင်းကို ကိုင်တွယ်ခဲ့တဲ့ ၃ ရာသီမှာ ဒတ်ချ်အမှတ်ပေးလိဂ်နဲ့ ဒတ်ချ်ဖလားတို့ကို ၁ ကြိမ်စီ ရယူပေးနိုင်ခဲ့တာ ဖြစ်ပါတယ်။
Source: ESPN
- By CNI
- Category: အားကစား
- Hits: 1202
CNI Sport News
၂၀၂၄ ခုနှစ်၊ မေလ ၂၀
စပိန်လူမျိုးနည်းပြ ဂွာဒီယိုလာက လာမယ့်ရာသီဟာ သူ့ရဲ့ မန်စီးတီးအသင်း နည်းပြဘဝ နောက်ဆုံးရာသီ ဖြစ်နိုင်တယ်လို့ ဒီရာသီ ပရီးမီးယားလိဂ် ဆုဖလားကို ရယူအပြီးမှာ ပြောခဲ့ပါတယ်။
ဂွာဒီယိုလာက “ကျနော်ဟာ ဆက်ရှိဖို့ထက် ထွက်ခွာဖို့ ပိုပြီးနီးစပ်နေပါပြီ။ ကျနော်ကလပ်နဲ့ စကားပြောခဲ့ပြီးပြီ ဖြစ်ပြီး ကျနော့်ခံစားချက်က အခုဆက်ပြီးရှိချင်ပါတယ်။ လာမယ့်ရာသီ ဆက်ရှိမှာဖြစ်ပြီး ဒီရာသီအတွင်းမှာလည်း ကျနော်တို့ စကားပြောဆိုမှုတွေ ပြုလုပ်သွားဦးမှာပါ”လို့ ပြောပါတယ်။
ဂွာဒီယိုလာဟာ မန်စီးတီးအသင်းကို ပရီးမီးယားလိဂ်ပြိုင်ပွဲမှာ စံချိန်တင် ၄ နှစ်ဆက်တိုက် ချန်ပီယံဆု ရရှိအောင် ကိုင်တွယ်ပေးနိုင်ခဲ့တာ ဖြစ်ပါတယ်။
မန်စီးတီးအသင်းနဲ့ ဂွာဒီယိုလာတို့ ချုပ်ဆိုထားတဲ့ စာချုပ်ဟာ ၂၀၂၅ ခုနှစ် ဘောလုံးရာသီ အကုန်ကျရင် ကုန်ဆုံးမှာ ဖြစ်ပြီး စပိန်လူမျိုးနည်းပြကတော့ စာချုပ်သစ် ထပ်မချုပ်ဘဲ ထွက်ခွာနိုင်တယ်လို့ ပြောခဲ့ပါတယ်။
ဂွာဒီယိုလာဟာ မန်စီးတီးအသင်းကို ကိုင်တွယ်ခဲ့တဲ့ ၈ နှစ်အတွင်းမှာ ဆုဖလားပေါင်း ၁၅ ခုအထိ ရယူပေးနိုင်ခဲ့ တာဖြစ်ပြီး FA ဖလားပြိုင်ပွဲမှာ ချန်ပီယံဆုကို ရယူနိုင်ခဲ့ရင် ၁၆ ခုမြောက် ဆုဖလားကို ရရှိမှာဖြစ်ပါတယ်။
မန်စီးတီးအသင်း နည်းပြ ဂွာဒီယိုလာကို တွေ့ရစဉ်
ဒီရာသီ ပရီးမီးယားလိဂ်ပြိုင်ပွဲမှာ မန်စီးတီးအသင်းကို ရာသီရဲ့ နောက်ဆုံးနေ့အထိ ချန်ပီယံဆုအတွက် တွန်းအား ပေးနိုင်ခဲ့တဲ့ အာဆင်နယ်အသင်းကို ဂွာဒီယိုလာက ချီးကျူးခဲ့ပါတယ်။
အာဆင်နယ်အသင်းဟာ ပရီးမီးယားလိဂ်ပြိုင်ပွဲမှာ ၂ ရာသီဆက်တိုက် မန်စီးတီးအသင်းရဲ့နောက် ဒုတိယနေရာမှာ ရပ်တည်နိုင်ခဲ့တာပါ။
ဂွာဒီယိုလာက “အရင်က လီဗာပူးလ်က ကျနော်တို့ကို တွန်းအားပေးခဲ့ပြီး အခု အာဆင်နယ်က တွန်းအားပေးနေ ပါပြီ။ အာတီတာ၊ သူ့ရဲ့ဝန်ထမ်းတွေနဲ့ ကစားသမားတွေကို ချီးကျူးဂုဏ်ပြုချင်ပါတယ်။ သူတို့ဟာ မယုံနိုင်လောက် စရာ ရာသီရှိခဲ့ပါတယ်။ အာဆင်နယ်အသင်းဟာ ဒီလိုအဆင့်မျိုးမှာ ရပ်တည်နေတာကြောင့် ကျနော်တို့ဟာ လာမယ့်နှစ်မှာ မှန်ကန်တဲ့ ဆုံးဖြတ်ချက်ကို ချရမယ်”လို့ ပြောခဲ့ပါတယ်။
မန်စီးတီးအသင်းဟာ မေ ၂၅ ရက်မှာ FA ဖလားဗိုလ်လုပွဲအဖြစ် ယူနိုက်တက်အသင်းနဲ့ ယှဉ်ပြိုင်ရမှာဖြစ်ပါတယ်။
Source: ESPN
- By CNI
- Category: အားကစား
- Hits: 1130
CNI Sport News
၂၀၂၄ ခုနှစ်၊ မေလ ၁၉
အာဆင်နယ်အသင်းနည်းပြ အာတီတာက ပရီးမီးယားလိဂ်ရာသီ အဆုံးအဖြတ် နောက်ဆုံးပွဲစဉ်တွေ မယှဉ်ပြိုင် ခင်မှာ အသင်းရဲ့ ဆုဖလား အိပ်မက်က ရှင်သန်နေဆဲ ဖြစ်တယ်လို့ ပြောခဲ့ပါတယ်။
အာတီတာက “ကျနော် ယုံကြည်ပြီး ဒီနေရာကို ရယူချင်ပါတယ်။ ဆုဖလားကိုင်မြှောက်နိုင်ဖို့ ကြီးမားတဲ့ အခွင့်အရေးနဲ့ ကျနော်တို့ ပရိသတ်ရှေ့မှာ သာယာလှပတဲ့ နေ့တစ်နေ့ကို ပိုင်ဆိုင်ဖို့ရှိပါတယ်။ အိပ်မက်တွေ ရှင်သန်နေပြီး ဘောလုံးမှာ ဘာမဆိုဖြစ်နိုင်တဲ့အတွက် ဒီအခိုက်အတန့်တွေကို ကျနော်တို့ ရှင်သန်ရပါမယ် “လို့ ပြောပါတယ်။
အာဆင်နယ်အသင်းဟာ ပရီးမီးယားလိဂ် အမှတ်ပေးဇယားမှာ အဆင့် ၁ နေရာက မန်စီးတီးအသင်းနဲ့ ၂ မှတ် အကွာ အဆင့် ၂ နေရာမှာ ရပ်တည်နေတာ ဖြစ်ပါတယ်။
နောက်ဆုံးပွဲစဉ်တွေအဖြစ် အာဆင်နယ်အသင်းက အဲဗာတန်အသင်း၊ မန်စီးတီးအသင်းက ဝက်စ်ဟမ်းအသင်းနဲ့ ယှဉ်ပြိုင်ရမှာပါ။
အာဆင်နယ်အသင်းဟာ ပရီးမီးယားလိဂ် ချန်ပီယံဆုကို ရယူနိုင်ဖို့ဆိုရင် ဝက်စ်ဟမ်းအသင်းနဲ့ပွဲစဉ်မှာ မန်စီးတီး အသင်း အမှတ်လျော့ဖို့ လိုအပ်နေတာ ဖြစ်ပါတယ်။
အာဆင်နယ်အသင်းဟာ ပရီးမီးယားလိဂ်ဖလားကို ၂၀၀၃-၀၄ ရာသီက နောက်ဆုံး ရယူနိုင်ခဲ့တာကြောင့် အမှတ်ပေးဖလားနဲ့ ဝေးကွာနေတာ နှစ်ပေါင်းကြာမြင့်ပြီ ဖြစ်တာပါ။
အဲဒါကြောင့် အာဆင်နယ်အသင်းဟာ ဒီရာသီမှာ ပရီးမီးယားလိဂ်ဖလားကို အရယူပြီး ဒီမှတ်တမ်းဆိုးကို အဆုံးသတ်ဖို့ မျှော်လင့်နေတာ ဖြစ်ပါတယ်။
မန်စီးတီးအသင်းကတော့ ဝက်စ်ဟမ်းအသင်းနဲ့ပွဲစဉ်မှာ နိုင်ပွဲရယူနိုင်ခဲ့ရင် ပရီးမီးယားလိဂ်ဖလားကို စံချိန်တင် ၄ နှစ်ဆက်တိုက် ရယူနိုင်တော့မှာပါ။
မန်စီးတီးအသင်းဟာ ပရီးမီးယားလိဂ်မှာ ဘယ်အသင်းမှ မရယူဖူးသေးတဲ့ ဒီစံချိန်မှတ်တမ်းကို ရယူနိုင်ဖို့ ပစ်မှတ်ထားနေတာ ဖြစ်ပါတယ်။
အာတီတာဟာ အာဆင်နယ်အသင်းကို နည်းပြအဖြစ် မကိုင်တွယ်ခင် မန်စီးတီးအသင်းမှာ ဂွာဒီယိုလာရဲ့ လက်ထောက်နည်းပြအဖြစ် ဆောင်ရွက်ခဲ့ပြီး ၂၀၁၉ ခုနှစ်၊ ဒီဇင်ဘာမှာ လန်ဒန်ကလပ်ထံ ရောက်ရှိလာခဲ့တာပါ။
အာတီတာဟာ အာဆင်နယ်အသင်းကို ကွန်မြူနတီဒိုင်း ၂ ကြိမ်နဲ့ FA ဖလား ၁ ကြိမ် ရယူပေးထားတာ ဖြစ်ပါတယ်။
Source: BBC
- By CNI
- Category: အားကစား
- Hits: 946
CNI Sport News
၂၀၂၄ ခုနှစ်၊ မေလ ၁၉
ယူနိုက်တက်အသင်း တိုက်စစ်မှူးဟောင်း ဗန်ပါစီဟာ သူ့ရဲ့ပထမဆုံး အသင်းကြီးနည်းပြ အလုပ်အကိုင်အဖြစ် ဟီရန်ဗင်းအသင်း နည်းပြရာထူး ခန့်အပ်ခံခဲ့ရပါတယ်။
ဖီယင်နုအသင်းကြီးမှာ လက်ထောက်နည်းပြနဲ့ လူငယ်အသင်းတွေမှာ နည်းပြအဖြစ် တာဝန်ယူခဲ့တဲ့ ဗန်ပါစီဟာ ဟီရန်ဗင်းအသင်းနဲ့ ၂ နှစ် စာချုပ်ချုပ်ဆိုခဲ့တာပါ။
ဗန်ပါစီဟာ ဖီယင်နုအသင်းမှာ ကစားသမားဘဝက အနားယူခဲ့တဲ့ ၂၀၁၉ ခုနှစ်ကတည်းက နည်းပြလောကထဲကို ဝင်ရောက်ဖို့ လုပ်ဆောင်ခဲ့တာ ဖြစ်ပါတယ်။
ဒတ်ချ်တိုက်စစ်မှူးဟောင်း ဗန်ပါစီက ဟီရန်ဗင်းအသင်းက နည်းပြရာထူးအတွက် ကမ်းလှမ်းပြီး အခွင့်အရေးပေး ခဲ့တဲ့အတွက် ကျေနပ်တယ်လို့ ပြောခဲ့ပါတယ်။
ဗန်ပါစီက “ဟီရန်ဗင်းဟာ ကြွယ်ဝတဲ့ အစဉ်အလာ၊ သစ္စာရှိတဲ့ အားပေးသူတွေနဲ့အတူ အလွန်ကောင်းမွန်တဲ့ ဒတ်ချ်ကလပ် ဖြစ်ပါတယ်။ နည်းပြအဖြစ် ကလပ်ရဲ့ အားကစား ရည်မှန်းချက်တွေနဲ့ ဖွံ့ဖြိုးတိုးတက်မှုတွေမှာ ပါဝင်ကူညီရမှာက အံ့သြစရာကောင်းတဲ့ စိန်ခေါ်မှုပါပဲ “လို့ ပြောပါတယ်။
ဗန်ပါစီဟာ ၂၀၂၂ ခုနှစ်က ယူနိုက်တက်အသင်းနည်းပြ အဲရစ်တန်ဟတ်ရဲ့ နည်းပြအဖွဲ့ဝင်ထဲမှာ ပါဝင်ဖို့ ချဉ်းကပ်ခံခဲ့ရပေမယ့် သူက မိသားစု အကြောင်းပြချက်တွေနဲ့ ပယ်ချခဲ့တာ ဖြစ်ပါတယ်။
ဟီရန်ဗင်းအသင်းကို လက်ရှိကိုင်တွယ်နေတဲ့ နည်းပြ ဗန်ဝန်ဒီရန်ဟာ စာချုပ်ကုန်ဆုံးမယ့် ဒီရာသီအကုန်မှာ ထွက်ခွာတော့မှာပါ။
အဲဒါကြောင့် ဗန်ပါစီဟာ လာမယ့် နွေရာသီက စတင်ပြီး ဟီရန်ဗင်းအသင်း နည်းပြသစ်အဖြစ် တာဝန်ယူရတော့ မှာ ဖြစ်ပါတယ်။
ဟီရန်ဗင်းအသင်းဟာ ဒီရာသီ ဒတ်ချ်လိဂ်အဆင့် ၁၀ နေရာမှာ ရပ်တည်ခဲ့ပြီး လာမယ့်ရာသီ ဥရောပဝင်ခွင့် မျှော်လင့်ချက်နဲ့ ဝေးကွာခဲ့တာ ဖြစ်ပါတယ်။
Source: Metro
- By CNI
- Category: အားကစား
- Hits: 1046
CNI Sport News
၂၀၂၄ ခုနှစ်၊ မေလ ၁၈
ဆောက်သမ်တန်အသင်းဟာ ဝက်စ်ဘရွန်းအသင်းနဲ့ ကစားခဲ့တဲ့ ချန်ပီယံရှစ်ပလေးအော့ဖ် ဆီမီးဖိုင်နယ် ဒုတိယ အကျော့ပွဲစဉ်မှာ အနိုင်ရခဲ့တာကြောင့် ဗိုလ်လုပွဲအဖြစ် လိဒ်စ်အသင်းနဲ့ ယှဉ်ပြိုင်ရမှာဖြစ်ပါတယ်။
ဆောက်သမ်တန်အသင်းဟာ ဒုတိယအကျော့ပွဲစဉ်မှာ ဝက်စ်ဘရွန်းအသင်းကို ၃ ဂိုး-၁ ဂိုးနဲ့ အနိုင်ရရှိခဲ့တာပါ။
ဆောက်သမ်တန်အသင်းအတွက် ဂိုးတွေကို အမ်းစထရောင်းက ၂ ဂိုးနဲ့ စမောလ်ဘုန်းက ၁ ဂိုး သွင်းယူခဲ့ပြီး ဝက်စ်ဘရွန်းအသင်းအတွက် ချေပဂိုးကို ကီပရီက သွင်းယူခဲ့တာ ဖြစ်ပါတယ်။
ဒီ ၂ သင်းရဲ့ ပထမအကျော့ပွဲစဉ်ဟာ ဂိုးမရှိ သရေကျခဲ့တာကြောင့် နှစ်ကျော့ပေါင်းရလဒ် ၃ ဂိုး-၁ ဂိုးနဲ့ ဆောက်သမ်တန်အသင်း အနိုင်ရပြီး ပလေးအော့ဖ်ဗိုလ်လုပွဲ တက်နိုင်ခဲ့တာပါ။
လိဒ်စ်နဲ့ဆောက်သမ်တန်အသင်း ယှဉ်ပြိုင်နေစဉ်
ဆောက်သမ်တန်အသင်းနည်းပြ မာတင်က “ပရိသတ်တွေရဲ့ အားပေးမှုက အကောင်းဆုံးဖြစ်ခဲ့ပြီး ဒါက ရလဒ်မှာ ကြီးမားတဲ့ အခန်းကဏ္ဍကနေ ပါဝင်ခဲ့ပါတယ်။ အသင်းအတွက် ကျနော် အလွန်ကျေနပ်မိပြီး အံ့သြစရာကောင်းတဲ့ စွမ်းဆောင်ရည်တွေလည်း ရှိခဲ့ပါတယ်။ ကျနော်တို့အနိုင်ရဖို့ ထိုက်တန်ခဲ့ပြီး ပိုမိုကောင်းမွန်တဲ့ပုံစံနဲ့ ဗိုလ်လုပွဲကို သွားမယ်”လို့ ပြောခဲ့ပါတယ်။
ဒီရာသီ ချန်ပီယံရှစ်ကနေ ပရီးမီးယားလိဂ်ကို လက်စတာအသင်းနဲ့ အစ်စဝှချ်အသင်းတို့ တိုက်ရိုက်တန်းတက်ခဲ့ပြီး လက်ကျန်တစ်နေရာအတွက် ပလေးအော့ဖ် ဗိုလ်လုပွဲအဖြစ် လိဒ်စ်အသင်းနဲ့ ဆောက်သမ်တန်အသင်းတို့ ယှဉ်ပြိုင် ရမှာပါ။
ဗိုလ်လုပွဲကို မေလ ၂၆ ရက် ဝင်ဘာလေကွင်းမှာ ကျင်းပသွားမှာ ဖြစ်ပါတယ်။
Source: BBC
- By CNI
- Category: အားကစား
- Hits: 1208
CNI Sport News
၂၀၂၄ ခုနှစ်၊ မေလ ၁၈
ချယ်လ်ဆီးအသင်း ကြယ်ပွင့်ကစားသမား ကိုးလ်ပါလ်မာဟာ ၂၀၂၃-၂၄ ရာသီအတွက် ပရီးမီးယားလိဂ် တစ်နှစ်တာ အကောင်းဆုံး လူငယ်ကစားသမားဆုကို ရရှိသွားခဲ့ပါတယ်။
ပြီးခဲ့တဲ့နွေရာသီက မန်စီးတီးအသင်းကနေ ရောက်ရှိလာခဲ့တဲ့ ကိုးလ်ပါလ်မာဟာ ချယ်လ်ဆီးအသင်းအတွက် ပါဝင် ကစားထားတဲ့ ပရီးမီးယားလိဂ် ၃၃ ပွဲမှာ ၂၂ ဂိုးသွင်းပြီး ၁၀ ဂိုးဖန်တီးထားတာပါ။
အဲဒါကြောင့် ကိုးလ်ပါလ်မာဟာ ပရီးမီးယားလိဂ် တစ်နှစ်တာ အကောင်းဆုံး လူငယ်ကစားသမားဆုကို ဟာလန်း၊ ဖိုဒန်၊ ဆာကာ၊ ဆာလီဘာ၊ အိုင်ဆက်ခ်၊ မိုင်နူးနဲ့ အူဒိုဂီတို့ကို အသာရပြီး ရရှိသွားခဲ့တာ ဖြစ်ပါတယ်။
အင်္ဂလန်ကစားသမားဟာ ပရီးမီးယားလိဂ် တစ်နှစ်တာ အကောင်းဆုံး လူငယ်ကစားသမားဆုကို ရရှိတဲ့ ပထမဆုံး ချယ်လ်ဆီးကစားသမားလည်း ဖြစ်ခဲ့တာပါ။
ကိုးလ်ပါလ်မာဟာ ပရီးမီးယားလိဂ် တစ်နှစ်တာ အကောင်းဆုံး ကစားသမားဆုအတွက် ဆန်ခါတင်စာရင်းမှာ လည်း ပါဝင်နေတာ ဖြစ်ပါတယ်။
ကိုးလ်ပါလ်မာကို တွေ့ရစဉ်
အသက် ၂၂ နှစ်အရွယ်ရှိ ကစားသမားဟာ ဒီရာသီမှာ အကောင်းဆုံး ခြေစွမ်းတွေ ပြသနေတာကြောင့် မကြာသေး ခင်က ပြုလုပ်ခဲ့တဲ့ ချယ်လ်ဆီးအသင်းရဲ့ တစ်နှစ်တာ အကောင်းဆုံးဆုပေးပွဲမှာ အကောင်းဆုံး ကစားသမားဆုနဲ့ အသင်းဖော်တွေကပေးတဲ့ အကောင်းဆုံး ကစားသမားဆုတို့ကို ရရှိခဲ့တာပါ။
ကိုးလ်ပါလ်မာဟာ ဒီရာသီ ပရီးမီးယားလိဂ်ပြိုင်ပွဲမှာ ချယ်လ်ဆီးအသင်းအတွက် ၂၂ ဂိုးအထိ သွင်းယူပေးထား တာကြောင့် ဂိုးသွင်း အများဆုံး ကစားသမားစာရင်းမှာ မန်စီးတီးအသင်းဖော်ဟောင်း ဟာလန်းရဲ့နောက် ဒုတိယနေရာမှာ ရပ်တည်နေတာ ဖြစ်ပါတယ်။
ချယ်လ်ဆီးအသင်းဟာ ကိုးလ်ပါလ်မာရဲ့ ခြေစွမ်းပြသမှုတွေနဲ့ နောက်ပိုင်းပွဲတွေမှာ နိုင်ပွဲဆက်နေပြီး ပရီးမီးယားလိဂ်အဆင့် ၆ နေရာမှာ ရပ်တည်နေတာပါ။
ချယ်လ်ဆီးအသင်းဟာ ပရီးမီးယားလိဂ် နောက်ဆုံးပွဲစဉ်အဖြစ် ဘုန်းမောက်အသင်းနဲ့ ယှဉ်ပြိုင်ရမှာဖြစ်ပြီး သရေ ၁ မှတ် ရယူနိုင်တာနဲ့ လာမယ့်ရာသီ ဥရောပပြိုင်ပွဲကို ယှဉ်ပြိုင်ခွင့်ရရှိမှာဖြစ်ပါတယ်။
Source: Dailymail
- By CNI
- Category: အားကစား
- Hits: 1274
CNI Sport News
၂၀၂၄ ခုနှစ်၊ မေလ ၁၇
ဘရာဇီးလ်နိုင်ငံဟာ ပူးတွဲအိမ်ရှင်အဖြစ်ပြုလုပ်မယ့် နယ်သာလန်၊ဘယ်လ်ဂျီယံနဲ့ ဂျာမနီနိုင်ငံတို့ကို မဲအသာရပြီး ၂၀၂၇ အမျိုးသမီးကမ္ဘာ့ဖလားပြိုင်ပွဲကို အိမ်ရှင်အဖြစ်ကျင်းပခွင့်ရရှိသွားပြီဖြစ်ပါတယ်။
မေ ၁၇ ရက်က ဘန်ကောက်မှာကျင်းပခဲ့တဲ့ ဖီဖာကွန်ဂရက်မှာ အဖွဲ့ဝင်တွေဟာ ၂၀၂၇ အမျိုးသမီး ကမ္ဘာ့ဖလား ပြိုင်ပွဲ အိမ်ရှင်အတွက် မဲပေးမှုပြုလုပ်ခဲ့တာမှာ ဘရာဇီးလ်နိုင်ငံက ၁၁၉ မဲရရှိခဲ့ပြီး နယ်သာလန်၊ဘယ်လ်ဂျီယံနဲ့ ဂျာမနီနိုင်ငံတို့က ၇၈ မဲရရှိခဲ့တာပါ။
အဲဒါကြောင့် ဘရာဇီးလ်နိုင်ငံဟာ ဒီပြိုင်ပွဲကို အိမ်ရှင်အဖြစ် ကျင်းပခွင့် ရရှိ သွားခဲ့တာဖြစ်ပါတယ်။
အမျိုးသမီးကမ္ဘာ့ဖလားပြိုင်ပွဲကို တောင်အမေရိကနိုင်ငံတစ်ခုက ပထမဆုံးအကြိမ် အိမ်ရှင် အဖြစ်လက်ခံကျင်းပမှာပါ။
ဖီဖာဥက္ကဋ္ဌ အင်ဖန်တီနိုက “ဘရာဇီးလ်အတွက် ဂုဏ်ယူပါတယ်။ ကျနော်တို့ဟာ ဘရာဇီးလ်မှာ အကောင်းဆုံး ကမ္ဘာ့ဖလားပြိုင်ပွဲကို ကျင်းပသွားမှာဖြစ်ပြီး ဘယ်လ်ဂျီယံ၊နယ်သာလန်နဲ့ ဂျာမနီတို့ရဲ့ အိမ်ရှင်အဖြစ် ယှဉ်ပြိုင်မှု ကိုလည်း အများကြီးကျေးဇူးတင်ပါတယ်”လို့ ပြောခဲ့ပါတယ်။
အိမ်ရှင်အဖြစ်လျှောက်ထားခဲ့တဲ့ ဘရာဇီးလ်နဲ့ BNG အဖွဲ့တို့ဟာ အိမ်ရှင်သတ်မှတ်ချက်တွေနဲ့ ကိုက်ညီမှုရှိပေမယ့် ဖီဖာရဲ့ အကဲဖြတ်မှုစာရင်းမှာ ဘရာဇီးလ်နိုင်ငံဟာ အားကစားကွင်း၊နေရာထိုင်ခင်း၊ပရိသတ်ဇုန်နဲ့ သယ်ယူ ပို့ဆောင်ရေးလို နယ်ပယ်တွေမှာ ရမှတ်ပိုပြီးရရှိခဲ့တာပါ။ ၂၀၂၇ အမျိုးသမီးကမ္ဘာ့ဖလားပြိုင်ပွဲအတွက် အမေရိကန် နဲ့ မက္ကဆီကိုနိုင်ငံတို့ဟာ ပူးတွဲအိမ်ရှင်အဖြစ်လျှောက်ခဲ့ပေမယ့် ၂၀၃၁ ပြိုင်ပွဲကို ပိုပြီးအာရုံစိုက်ချင်တာကြောင့် နုတ်ထွက်ခဲ့ပါတယ်။
၂၀၂၇ အမျိုးသမီးကမ္ဘာ့ဖလားပြိုင်ပွဲကို ပြီးခဲ့တဲ့ ၂၀၂၃ ပြိုင်ပွဲကလိုပဲ ၃၂ သင်းနဲ့ ကျင်းပသွားမှာဖြစ်ပြီး လက်ရှိ ချန်ပီယံကတော့ စပိန်အသင်းဖြစ်ပါတယ်။
Source:BBC
Page 63 of 306
Latest News
Connect with us
