- By CNI
- Category: အားကစား
- Hits: 148
CNI Sport News
၂၀၂၆ ခုနှစ်၊ မေလ ၁၂
စပါးအသင်းဟာ လိဒ်စ်အသင်းနဲ့ပွဲမှာ ၁ ဂိုးစီ သရေကျကာ တန်းဆင်းဇုန်ထဲက အသင်းကို အမှတ် ဖြတ်နိုင်မယ့် အခွင့်အရေး လက်လွှတ်ခဲ့ရပြီးနောက် နည်းပြဒီဇာဘီက အသင်းဟာ အမှားတွေ များလွန်းခဲ့တယ်လို့ ပြောခဲ့ပါ တယ်။
ဒီဇာဘီက “ကျနော်တို့ အမှားတွေ အများကြီး လုပ်ခဲ့ကြပြီး အနိုင်ရချင်ရင် အမှားတွေကို လျှော့ချရမှာပါ။ အနိုင် ရသင့်တယ်လို့ ထင်ခဲ့ပေမယ့် ဖိအားတွေ၊ အရေးကြီးတဲ့ပွဲ၊ ရာသီရဲ့ အရေးကြီးတဲ့ အပိုင်းတွေမှာ ကျနော်တို့ အများကြီး ခံစားခဲ့ရပါတယ်။ ဒီပွဲမတိုင်ခင်ကတည်းက ရာသီကုန်အထိ၊ နောက်ဆုံးပွဲတွေအထိ ခက်ခဲမယ်ဆိုတာ ကျနော်တို့ သိခဲ့ပါတယ်”လို့ Match of the Day ကို ပြောခဲ့တာပါ။
စပါးအသင်းဟာ ဒီပွဲမှာ မာသီးစ်တဲလ်ရဲ့ သွင်းဂိုးနဲ့ ဦးဆောင်နိုင်ခဲ့ပေမယ့် ဂိုးဧရိယာအတွင်းမှာ သူ့ရဲ့ဘောလုံးရှင်း ထုတ်မှုကြောင့် လိဒ်စ်အသင်းကို ပယ်နယ်တီ ပေးရပြီး ချေပဂိုး ခွင့်ပြုခဲ့ရပါတယ်။
စပါးအသင်း ယှဉ်ပြိုင်နေစဉ်
စပါးအသင်းဟာ ဒီပွဲရဲ့မိနစ် ၉၀ ပြည့်ပြီး ထပ်ဆောင်း အချိန်ပိုမှာ ပယ်နယ်တီ ရနိုင်မယ့် အခြေအနေ ရှိခဲ့ပေမယ့် ကွင်းလယ်ဒိုင်လူကြီးက ခွင့်မပြုခဲ့တာကြောင့် နစ်နာခဲ့ရပါတယ်။
စပါးအသင်းနည်းပြ ဒီဇာဘီက ဝက်စ်ဟမ်းနဲ့ အာဆင်နယ်အသင်းပွဲမှာ ဖြစ်ခဲ့တဲ့အရာတွေကြောင့် ဒိုင်လူကြီးတွေ ဟာ ဖိအားတွေကို ခံစားနေရတဲ့အတွက် တည်ငြိမ်မှု မရှိဘူးလို့ထင်ကြောင်း ပြောခဲ့သလို မာသီးတဲလ်စ်ဟာ သူ့ရဲ့ အမှားအတွက် တောင်းပန်ခဲ့တယ်လို့လည်း ပြောခဲ့တာပါ။
စပါးအသင်းဟာ ဒီပွဲရလဒ်ကြောင့် တန်းဆင်းဇုန်ထဲက ဝက်စ်ဟမ်းအသင်းကို ၂ မှတ်အသာနဲ့ အဆင့် ၁၇ နေရာမှာ ရပ်တည်နေပါတယ်။
စပါးအသင်းဟာ ပရီးမီးယားလိဂ် လက်ကျန် ၂ ပွဲအဖြစ် ချယ်လ်ဆီး၊ အဲဗာတန်အသင်းတို့နဲ့ ယှဉ်ပြိုင်ရမှာဖြစ်ပြီး ဝက်စ်ဟမ်းအသင်းက နယူးကာဆယ်၊ လိဒ်စ်အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: CNA
- By CNI
- Category: အားကစား
- Hits: 171
CNI Sport News
၂၀၂၆ ခုနှစ်၊ မေလ ၁၁
ဘာစီလိုနာအသင်း လာလီဂါဖလား ရယူနိုင်ခဲ့တဲ့ ရီးရယ်လ်အသင်းနဲ့ပွဲမှာ ခြေစွမ်းပြသပြီး ဂိုးသွင်းခဲ့တဲ့ ရက်ရှ်ဖို့ဒ်က သူသာမှော်ဆရာဖြစ်ရင် ဘာစီလိုနာအသင်းမှာပဲ ဆက်နေမယ်လို့ ပြောခဲ့ပါတယ်။
ရက်ရှ်ဖို့ဒ်က “လာမယ့်ရာသီ ဘာစီလိုနာ ကစားသမားအဖြစ် ဆက်ရှိမလားဆိုတာ ကျနော် မသိပါဘူး။ ကျနော်က မှော်ဆရာ မဟုတ်ပေမယ့် မှော်ဆရာဖြစ်ခဲ့ရင် ဆက်နေမှာပါ။ ကျနော်တို့ စောင့်ကြည့်ရမှာပါ။ ကျနော်ဟာ အနိုင်ရ ယူဖို့ ဒီကို ရောက်လာခဲ့တာဖြစ်ပြီး ဒီအသင်းရဲ့ အစိတ်အပိုင်း ဖြစ်ရတာ အလွန်ထူးခြားပါတယ်။ ဘာစီလိုနာ အသင်းဟာ အနာဂတ်မှာ အောင်မြင်မှုတွေ အများကြီး ရယူနိုင်တော့မှာပါ”လို့ ပြောခဲ့တာပါ။
ယူနိုက်တက်အသင်းကနေ အငှားနဲ့ ရောက်လာခဲ့တဲ့ ရက်ရှ်ဖို့ဒ်ရဲ့ အငှားစာချုပ်ဟာ လာမယ့်လဆိုရင် ကုန်ဆုံး တော့မှာ ဖြစ်ပါတယ်။
ရက်ရှ်ဖို့ဒ်ကို တွေ့ရစဉ်
ဘာစီလိုနာအသင်းဟာ ရက်ရှ်ဖို့ဒ်ကို ယူရိုသန်း ၃၀ နဲ့ အပြီးသတ် ဝယ်ယူဖို့ ရွေးချယ်ခွင့် ရှိပေမယ့် အငှားစာချုပ်ကို နောက်ထပ် တစ်ရာသီ သက်တမ်းတိုး ချင်နေတယ်လို့ သတင်းတွေမှာ ဖော်ပြထားတာပါ။
ရက်ရှ်ဖို့ဒ်ဟာ ဘာစီလိုနာအသင်းမှာ ဆက်နေချင်သလို ယူနိုက်တက်အသင်းကလည်း သူ့ကို အပြီးသတ် ရောင်းချ ချင်နေတာ ဖြစ်ပါတယ်။
ဘာစီလိုနာအသင်းဟာ ဒီရာသီပြီးရင် ရက်ရှ်ဖို့ဒ်ရဲ့ အနာဂတ်ကို ဆုံးဖြတ်မှာဖြစ်ပြီး ယူနိုက်တက်အသင်းနဲ့ ဆွေးနွေးမှုတွေ ပြုလုပ်ဖို့ရှိ နေတာပါ။
လက်ရှိအချိန်မှာ ရက်ရှ်ဖို့ဒ်ကို ခေါ်ယူဖို့ အသင်းတချို့က စောင့်ကြည့်မှုတွေ ပြုလုပ်နေကြပါတယ်။
ရက်ရှ်ဖို့ဒ်ဟာ ဒီရာသီမှာ ဘာစီလိုနာအသင်းအတွက် ပြိုင်ပွဲစုံ ၄၇ ပွဲ ကစားထားပြီး ၁၄ ဂိုး သွင်းယူကာ ဂိုးဖန်တီးမှု ၁၄ ကြိမ် ပြုလုပ်ထားတာ ဖြစ်ပါတယ်။
Source: ESPN
- By CNI
- Category: အားကစား
- Hits: 208
CNI Sport News
၂၀၂၆ ခုနှစ်၊ မေလ ၁၁
ခယ်လ်ဆီးအသင်း ယာယီနည်းပြ မက်ဖာလိန်းက မန်စီးတီးအသင်းနဲ့ ယှဉ်ပြိုင်ရမယ့် FA ဖလားဗိုလ်လုပွဲမှာ နက်တိုနဲ့ ဂါနာချိုတို့ ဒဏ်ရာကနေ ပြန်ကောင်းလာပြီး ပါဝင်နိုင်ဖို့ မျှော်လင့်နေပါတယ်။
နက်တိုနဲ့ဂါနာချိုတို့ဟာ လီဗာပူးလ်အသင်းနဲ့ ၁ ဂိုးစီ သရေကျပြီး ပရီးမီးယားလိဂ်မှာ ချယ်လ်ဆီးအသင်း ၆ ပွဲဆက် အရေးနိမ့်မှုကို ရပ်တန့်နိုင်ခဲ့တဲ့ပွဲမှာ ပါဝင်နိုင်ခဲ့ခြင်း မရှိပါဘူး။
ချယ်လ်ဆီးအသင်းရဲ့ တောင်ပံကစားသမားတွေဖြစ်တဲ့ အက်စ်တီဗာအို၊ ဂစ်တန်စ်နဲ့ ဒယ်ရီတို့ကလည်း ဒဏ်ရာ ရနေတာကြောင့် အသင်းဟာ တောင်ပံနေရာအတွက် ရွေးချယ်စရာမရှိဘူး ဖြစ်နေပါတယ်။
အဲ့ဒါကြောင့် မက်ဖာလိန်းက FA ဖလား ဗိုလ်လုပွဲမှာ နက်တိုနဲ့ ဂါနာချိုတို့ ၂ ဦးစလုံး ပါဝင်နိုင်ဖို့ မျှော်လင့်နေတာ ပါ။
နက်တိုကို တွေ့ရစဉ်
မက်ဖာလိန်းက သူတို့တွေဟာ လေ့ကျင့်ခန်း ပြန်ဆင်းမှာဖြစ်လို့ အခြေအနေကို စောင့်ကြည့်ရဦးမှာ ဖြစ်ပေမယ့် အသုံးပြုနိုင်ဖို့ မျှော်လင့်နေတာ ဖြစ်ပါတယ်။
နက်တိုဟာ ချယ်လ်ဆီးအသင်း FA ဖလား ဗိုလ်လုပွဲတက်တဲ့ လမ်းကြောင်းမှာ အရေးပါတဲ့ ကစားသမားဖြစ်ပြီး ၅ ပွဲမှာ ၄ ဂိုးသွင်းယူကာ ဂိုးဖန်တီးမှု ၂ ကြိမ် ပြုလုပ်နိုင်ခဲ့တာပါ။
နက်တိုဟာ ချယ်လ်ဆီးအသင်းက လိဒ်စ်အသင်းကို ၁ ဂိုး-ဂိုးမရှိနဲ့ အနိုင်ရခဲ့တဲ့ ဆီမီးဖိုင်နယ်ပွဲမှာ အန်ဇိုဖာနန်ဒက်ဇ် ရဲ့ သွင်းဂိုးကို ဖန်တီးပေးခဲ့တာ ဖြစ်ပါတယ်။
ဂါနာချိုကတော့ ရက်စ်ဟမ်း၊ ပေါ့ဗေးလ်အသင်းတို့ကို အနိုင်ရခဲ့တဲ့ FA ဖလားပွဲတွေမှာ ချယ်လ်ဆီးအသင်းအတွက် ဂိုးသွင်းယူနိုင်ခဲ့ပါတယ်။
ချယ်လ်ဆီးအသင်းဟာ ပရီးမီးယားလိဂ်မှာ ရလဒ်တွေ မကောင်းတာကြောင့် FA ဖလားကို ရယူပြီး လာမယ့်ရာသီ ဥရောပပြိုင်ပွဲ ယှဉ်ပြိုင်ခွင့်ရနိုင်ဖို့ ပစ်မှတ်ထားနေပါတယ်။
Source: Sportsmole
- By CNI
- Category: အားကစား
- Hits: 176
CNI Sport News
၂၀၂၆ ခုနှစ်၊ မေလ ၁၁
ဘာစီလိုနာအသင်းဟာ ရီးရယ်လ်အသင်းကို ၂ ဂိုး-ဂိုးမရှိနဲ့ အနိုင်ရပြီးနောက် ဒီရာသီလိဂ်ပွဲတွေ ကစားဖို့ ၃ ပွဲ ကျန်ရှိသေးချိန်မှာ သူတို့ရဲ့ ၂၉ ကြိမ်မြောက် လာလီဂါဖလားကို ရရှိခဲ့ပါတယ်။
ဒီပွဲမှာ ဘာစီလိုနာအသင်းအတွက် ဂိုးတွေကို ရက်ရှ်ဖို့ဒ်နဲ့ ဖယ်ရန်တောရက်စ်တို့က သွင်းယူခဲ့တာပါ။
ဘာစီလိုနာအသင်းဟာ ဒီနိုင်ပွဲကြောင့် အဆင့် ၂ နေရာက ရီးရယ်လ်အသင်းကို ၁၄ မှတ် ဖြတ်နိုင်ခဲ့တဲ့အတွက် လာလီဂါဖလားကို ၂ ရာသီဆက်တိုက် ရယူနိုင်ခဲ့တာဖြစ်ပါတယ်။
ဘာစီလိုနာအသင်းနည်းပြ ဟန်ဆီဖလစ်ဟာ ဒီပွဲမတိုင်မီမှာ သူ့ရဲ့ဖခင် ကွယ်လွန်သွားခဲ့ပေမယ့် အသင်းကို ကိုင်တွယ်ပြီး လာလီဂါဖလား ရရှိအောင် စွမ်းဆောင်ပေးနိုင်ခဲ့ပါတယ်။
ဘာစီလိုနာအသင်းကစားသမားတွေဟာ သွင်းဂိုးတွေ သွင်းယူအပြီးမှာ နည်းပြ ဟန်ဆီဖလစ်နဲ့အတူ အောင်ပွဲခံခဲ့ ပြီး ပွဲအပြီးမှာ နည်းပြကို လေပေါ်မြှောက်ကာ အောင်ပွဲခံခဲ့ကြပါတယ်။
ဘာစီလိုနာနဲ့ ရီးရယ်လ်အသင်း ယှဉ်ပြိုင်နေစဉ်
ဟန်ဆီဖလစ်က “ခက်ခဲတဲ့ နေ့တစ်နေ့ဖြစ်ပြီး ဒီနေ့ကို ဘယ်တော့မှမေ့နိုင်မှာ မဟုတ်ပါဘူး။ လူတိုင်းကို ကျေးဇူး တင်ပြီး၊ အရာအားလုံးအတွက် ကျေးဇူးတင်သလို အမှန်တကယ်ကို တိုက်ပွဲဝင်ပေးတဲ့ အတွက်လည်း ကျေးဇူးတင် ပါတယ်။ အရာအားလုံးကို နှစ်သက်ပြီး ဒါက မိသားစုတစ်စုလိုပါပဲ”လို့ ပြောခဲ့ပါတယ်။
ဒါ့အပြင် ဟန်ဆီဖလစ်က ချန်ပီယံလိဂ်ဖလား ရယူချင်တဲ့အသင်း ရည်မှန်းချက်ဟာ အောင်မြင်နိုင်မှာဖြစ်ပြီး အိပ်မက်တွေ ပိုများလာတာက လာမယ့်ရာသီအတွက် ကောင်းမွန်တယ်လို့ ပြောခဲ့တာပါ။
ဘာစီလိုနာအသင်းဟာ ဒီရာသီ လာလီဂါပြိုင်ပွဲမှာ ရမှတ် ၁၀၀ ရယူပြီး အဆုံးသတ်ဖို့က နောက်ထပ် ရည်မှန်းချက် ဖြစ်တယ်လို့လည်း နည်းပြဟန်ဆီဖလစ်က ပြောခဲ့ပါတယ်။
ဘာစီလိုနာအသင်းဟာ လာလီဂါပွဲစဉ် ၃၅ ပွဲကစားအပြီးမှာ ၉၁ မှတ် ရရှိထားပြီး လက်ကျန် ၃ ပွဲစလုံးကို နိုင်ပွဲရယူ နိုင်ခဲ့ရင် ရမှတ် ၁၀၀ နဲ့အဆုံးသတ်နိုင်မှာ ဖြစ်ပါတယ်။
Source: BBC
- By CNI
- Category: အားကစား
- Hits: 186
CNI Sport News
၂၀၂၆ ခုနှစ်၊ မေလ ၁၁
အာဆင်နယ်အသင်းနည်းပြ အာတီတာက ပွဲချိန် ၉၄ မိနစ်မှာ သွင်းယူခဲ့တဲ့ ဝက်စ်ဟမ်းအသင်းရဲ့ ချေပဂိုးကို ခွင့်မပြုခဲ့တဲ့ ဒိုင်လူကြီးတွေကို ချီးကျူး ဂုဏ်ပြုခဲ့ပြီး ဒါဟာ ရဲရင့်တဲ့ ဆုံးဖြတ်ချက်လို့ ပြောခဲ့ပါတယ်။
အာတီတာက “ဒိုင်လူကြီးတွေရဲ့ ဆုံးဖြတ်ချက်က အလွန်ရဲရင့်တယ်လို့ ကျနော်ထင်ပါတယ်။ ကျနော်ဟာ ဝေဖန် မှုတွေ ရှိနေတဲ့အချိန်မှာ ဝေဖန်ခဲ့ပေမယ့် ဒီပွဲမှာ အနည်းဆုံးတော့ ဒိုင်လူကြီးကို ရွေးချယ်ခွင့်ပေးတဲ့အတွက် သူတို့ကို ချီးကျူးရမှာပါ။ ဒါဟာ ပြစ်ဒဏ်ဘောဖြစ်ပြီး သွင်းဂိုးကို ခွင့်မပြုသင့်ပါဘူး။ ဒါကြောင့် ခက်ခဲတဲ့ အခြေ အနေမှာ ကြီးမားတဲ့ ဆုံးဖြတ်ချက်ကို ချခဲ့လို့ သူတို့ကို ဂုဏ်ပြုရမှာပါ”လို့ ပြောခဲ့တာပါ။
အာဆင်နယ်အသင်းဟာ ပွဲချိန် ၈၃ မိနစ်မှာ သွင်းယူခဲ့တဲ့ ထရော့ဆာ့ဒ်ရဲ့ သွင်းဂိုးကြောင့် ဝက်စ်ဟမ်းအသင်းကို ၁ ဂိုး-ဂိုးမရှိနဲ့ အနိုင်ရခဲ့ပြီး အဆင့် ၂ နေရာက မန်စီးတီးအသင်းကို ရမှတ် ၅ မှတ်ဖြတ်ကာ ထိပ်ဆုံးနေရာမှာ ဦးဆောင်နေတာ ဖြစ်ပါတယ်။
ဒီပွဲရဲ့မိနစ် ၉၀ ပြည့်ပြီး ထပ်ဆောင်း အချိန်ပိုမှာ ဝီလ်ဆင်က တန်းဆင်းဇုန်ကနေ လွတ်မြောက်ဖို့ ရုန်းကန်နေတဲ့ ဝက်စ်ဟမ်းအသင်းအတွက် ချေပဂိုး သွင်းယူနိုင်ခဲ့တာပါ။
ဝက်စ်ဟမ်းအသင်းနဲ့ အာဆင်နယ်အသင်း ယှဉ်ပြိုင်နေစဉ်
ဒါပေမယ့် ဝက်စ်ဟမ်းအသင်း ချေပဂိုးသွင်းယူချိန်မှာ အာဆင်နယ်အသင်း ဂိုးသမား ဒေးဗစ်ရေယာကို ပြစ်ဒဏ် ကျူးလွန်ခဲ့တာကြောင့် VAR ဒိုင်လူကြီးက ကွင်းလယ်ဒိုင်လူကြီးကို မော်နီတာကြည့်ပြီး ဆုံးဖြတ်စေခဲ့ပါတယ်။
ကွင်းလယ် ဒိုင်လူကြီးဟာ ဒီဖြစ်ရပ်ကို ကြည့်ရှုပြီးနောက် ဝက်စ်ဟမ်းအသင်းရဲ့ သွင်းဂိုးကို ပယ်ဖျက်ခဲ့တာပါ။
အဲ့ဒါကြောင့် အာဆင်နယ်အသင်း နည်းပြ အာတီတာက ဒိုင်လူကြီးတွေရဲ့ ဆုံးဖြတ်ချက်ကို ရဲရင့်တဲ့ဆုံးဖြတ်ချက် လို့ ပြောပြီး ချီးကျူးဂုဏ်ပြုခဲ့တာ ဖြစ်ပါတယ်။
ဝက်စ်ဟမ်းအသင်း ခေါင်းဆောင်ဘိုဝင်က သူတို့ရဲ့သွင်းဂိုးကို ခွင့်မပြုခဲ့တဲ့ ဆုံးဖြတ်ချက်ကို ဝေဖန်ခဲ့ပြီး ထောင့်ကန် ဘောတွေ ကန်တဲ့အချိန်မှာ ထိတွေ့မှုတော့ ရှိနေမှာပဲလို့ ပြောခဲ့ပါတယ်။
အာဆင်နယ်အသင်းဟာ ဒီနိုင်ပွဲကြောင့် လက်ကျန် ၂ ပွဲဖြစ်တဲ့ ဘန်လေနဲ့ ခရစ္စတယ်ပဲလေ့စ်အသင်းတို့ကို အနိုင်ရ တာနဲ့ ပရီးမီးယားလိဂ်ဖလားကို ရယူနိုင်တော့မှာဖြစ်ပြီး ဝက်စ်ဟမ်းအသင်းကတော့ တန်းဆင်းရမယ့် အန္တရာယ်နဲ့ ရင်ဆိုင်နေရပြီ ဖြစ်ပါတယ်။
Source: ESPN
- By CNI
- Category: အားကစား
- Hits: 124
CNI Sport News
၂၀၂၆ ခုနှစ်၊ မေလ ၉
အာဂျင်တီးနားအသင်းခေါင်းဆောင် မက်ဆီက အသင်းဖော်ဟောင်း နေမာဟာ ကမ္ဘာ့အကောင်းဆုံး ကစားသမား တွေထဲက တစ်ဦးဖြစ်တဲ့အတွက် ၂၀၂၆ ကမ္ဘာ့ဖလားပြိုင်ပွဲမှာ ရှိနေနိုင်ဖို့ မျှော်လင့်နေပါတယ်။
မက်ဆီက “ကျနော်တို့ဟာ အကောင်းဆုံး ကစားသမားတွေကို ကမ္ဘာ့ဖလားပြိုင်ပွဲမှာ ရှိစေချင်ပြီး နေမာက သူ့ရဲ့ ပုံစံ ဘယ်လိုပဲဖြစ်ဖြစ် သူတို့တွေထဲက တစ်ဦးအဖြစ် အမြဲတမ်းရှိနေမှာပါ။ သူက ဘရာဇီးလ်နဲ့ ဘောလုံးအတွက် အဓိပွာယ်ရှိတာကြောင့် ကမ္ဘာ့ဖလားမှာ သူ့ကိုမြင်ရတာက အလွန်ကောင်းမှာပါ။ ကမ္ဘာ့ဖလားမှာ သူ့ကို ရှိစေချင် သလို ရှိနေနိုင်ဖို့လည်း ကျနော်မျှော်လင့်တယ်”လို့ ပြောခဲ့တာပါ။
မက်ဆီနဲ့နေမာတို့ဟာ ဘာစီလိုနာအသင်းမှာ ၄ ရာသီကြာ အတူတွဲကစားပြီးနောက် သူငယ်ချင်းကောင်းတွေ အဖြစ် ရှိခဲ့ကြပြီး PSG အသင်းမှာ ၂ ရာသီကြာ အတူတွဲ ကစားခဲ့ပါတယ်။
နေမာနဲ့မက်ဆီကိုတွေ့ရစဉ်
၂ ဦးစလုံးဟာ ၂၀၂၃ ခုနှစ်မှာ PSG အသင်းကနေ ထွက်ခွာခဲ့ပြီး မက်ဆီက အင်တာမိုင်ယာမီအသင်းထံ ပြောင်းရွှေ့ ကာ နေမာက အယ်လ်ဟီလယ်အသင်းထံ ပြောင်းရွှေ့ခဲ့တာပါ။
နေမာဟာ ပြီးခဲ့တဲ့နှစ်မှာ ငယ်ဘဝကလပ် ဆန်းတို့စ်အသင်းထံ ပြန်လာခဲ့ပြီး ဘရာဇီးလ်အသင်းနဲ့အတူ စတုတ္ထ အကြိမ်မြောက် ကမ္ဘာ့ဖလားပြိုင်ပွဲမှာ ပါဝင်ကစားနိုင်ဖို့ မျှော်လင့်ခဲ့ပါတယ်။
ဒါပေမယ့် နေမာဟာ ၂၀၂၃ ခုနှစ်၊ အောက်တိုဘာလ နောက်ပိုင်း ဘရာဇီးလ်အသင်းအတွက် ပါဝင်ကစားခွင့် မရရှိသေးပါဘူး။
နေမာဟာ နည်းပြ အန်ဆယ်လော့တီရဲ့ ဘရာဇီးလ်အသင်း လူစာရင်းမှာ ချန်လှပ်ခြင်း ခံနေရပြီး အန်ဆယ် လော့တီ ကတော့ သူ ၁၀၀ ရာခိုင်နှုန်းကြံ့ခိုင်မှု ပြည့်ဝရင် လူစာရင်းထဲမှာ ပါဝင်နိုင်တယ်လို့ ပြောခဲ့ပါတယ်။
Source: ESPN
- By CNI
- Category: အားကစား
- Hits: 119
CNI Sport News
၂၀၂၆ ခုနှစ်၊ မေလ ၉
စပါးအသင်းနည်းပြ ဒီဇာဘီဟာ ဘိုင်ယန်မြူးနစ်အသင်းကနေ အငှားနဲ့ ခေါ်ယူထားတဲ့ ပေါ်တူဂီကွင်းလယ်လူ ပယ်လ်ဟင်ညာကို ရာသီကုန်ချိန်မှာ အသင်း အပြီးသတ် ခေါ်ယူစေဖို့ ဆန္ဒရှိနေပါတယ်။
စပါးအသင်းဟာ ပယ်လ်ဟင်ညာကို နွေရာသီမှာ ပေါင် ၂၇ သန်းနဲ့ အပြီးသတ် ဝယ်ယူဖို့ ရွေးချယ်ခွင့်ရှိနေတာပါ။
ပယ်လ်ဟင်ညာဟာ အက်စတွန်ဗီလာအသင်းကို အနိုင်ရခဲ့တဲ့ပွဲမှာ နည်းပြ ဒီဇာဘီ လက်ထက် ပထမဆုံးအကြိမ် အဖြစ် စပါးအသင်းရဲ့ ပွဲထွက်လူစာရင်းမှာ ပါဝင်ခဲ့တာဖြစ်ပါတယ်။
ပယ်လ်ဟင်ညာဟာ စပါးအသင်းက အက်စတွန်ဗီလာအသင်းကို ၂ ဂိုး-၁ ဂိုးနဲ့ အနိုင်ရပြီး တန်းဆင်းဇုန်အပြင်ကို ထွက်ခွာနိုင်ခဲ့တဲ့ပွဲမှာ ခြေစွမ်းပြသနိုင်ခဲ့တာပါ။
စပါးအသင်းနည်းပြ ဒီဇာဘီက ပယ်လ်ဟင်ညာကို လာမယ့်ရာသီ အသင်းမှာ ဆက်ရှိစေချင်ပြီး သူဟာ ကစားသမား တစ်ဦးအနေနဲ့ အကောင်းဆုံးဖြစ်သလို သူ့ကိုပိုင်ဆိုင်ထားရတာ ကံကောင်းတယ်လို့ ပြောခဲ့ပါတယ်။
ပယ်လ်ဟင်ညာနဲ့ ဒီဇာဘီကို တွေ့ရစဉ်
ပြီးခဲ့တဲ့နွေရာသီမှာ စပါးအသင်းကို ရောက်လာပြီး နည်းပြ ၃ ဦးနဲ့ လက်တွဲခဲ့ရတဲ့ ပယ်လ်ဟင်ညာဟာ ပရီးမီးယား လိဂ်မှာ ၁၅ ပွဲဆက် အသင်း နိုင်ပွဲပျောက်နေတာကို ဝုလ်ဗ်စ်အသင်းနဲ့ပွဲမှာ အနိုင်ဂိုးသွင်းပြီး အဆုံးသတ်ပေးခဲ့ တာပါ။
ပယ်လ်ဟင်ညာဟာ စပါးအသင်းအတွက် ၄၂ ပွဲ ပါဝင်ကစားထားပြီး ၆ ဂိုးသွင်းယူကာ ဂိုးဖန်တီးမှု ၃ ကြိမ် ပြုလုပ် ထားပါတယ်။
လိဒ်စ်အသင်းနဲ့ ယှဉ်ပြိုင်ရမယ့် ပရီးမီးယားလိဂ်ပွဲမှာ စပါးအသင်းရဲ့ အဓိက ကစားသမားတွေဖြစ်တဲ့ တိုက်စစ်မှူး ဆိုလန်ကီနဲ့ ဂိုးသမား ဗီကာရီယိုတို့ လွဲချော်မယ်လို့ သိရပါတယ်။
Source: Dailymail
- By CNI
- Category: အားကစား
- Hits: 189
CNI Sport News
၂၀၂၆ ခုနှစ်၊ မေလ ၉
ရီးရယ်လ်အသင်းဟာ ၂ ရက်ဆက်တိုက် ရန်ပွဲဖြစ်ခဲ့တဲ့ ကွင်းလယ်လူ ဗယ်လ်ဗာဒီနဲ့ ချူအာမန်နီတို့ကို ယူရို ၅ သိန်း စီ ဒဏ်ကြေးငွေ ချမှတ်ခဲ့ပါတယ်။
ဒီရန်ပွဲကြောင့် ဗယ်လ်ဗာဒီဟာ ဦးခေါင်းမှာ ဒဏ်ရာရခဲ့တဲ့အတွက် ဆေးရုံထံပို့ဆောင်ခဲ့ရပြီး ဘာစီလိုနာအသင်းနဲ့ လာလီဂါပွဲကို ပါဝင်နိုင်တော့မှာ မဟုတ်ပါဘူး။
ရီးရယ်လ်အသင်းဟာ သူတို့နှစ်ဦး ရန်ပွဲဖြစ်ပွားအပြီး နောက်တစ်ရက်အကြာမှာ စည်းကမ်းပိုင်းဆိုင်ရာ အရေးယူ သွားမယ်လို့ ကြေညာခဲ့ပါတယ်။
သောကြာနေ့က ထုတ်ပြန်ခဲ့တဲ့ ရီးရယ်လ်အသင်းရဲ့ ကြေညာချက်မှာ ကစားသမား ၂ ဦးဟာ ဖြစ်ပျက်ခဲ့တဲ့အတွက် အရာအတွက် အလွန်နောင်တရနေပြီး အပြန်အလှန် တောင်းပန်ခဲ့ကြတယ်လို့ ဖော်ပြခဲ့ပါတယ်။
ဒါ့အပြင် သူတို့ ၂ ဦးဟာ ကလပ်၊ အသင်းဖော်တွေနဲ့ နည်းပြအဖွဲ့ဝင်တွေကိုလည်း တောင်းပန်ခဲ့ကြပြီး အသင်းက သူတို့ကို ယူရို ၅ သိန်းစီ ဒဏ်ကြေးငွေ ချမှတ်ဖို့ဆုံးဖြတ်ခဲ့တာ ဖြစ်ပါတယ်။
ဗယ်လ်ဗာဒီနဲ့ ချူအာမန်နီကို တွေ့ရစဉ်
ချူအာမန်နီဟာ ရီးရယ်လ်အသင်းရဲ့ လေ့ကျင့်ခန်း အစီအစဉ်မှာ ပြန်ပါဝင်ခဲ့ပေမယ့် ဗယ်လ်ဗာဒီကတော့ ဒဏ်ရာ ကြောင့် အနားယူနေရတာပါ။
ဒီရာသီကို ဆုဖလားလက်မဲ့နဲ့ အဆုံးသတ်ရမယ့် ရီးရယ်လ်အသင်းရဲ့ အဝတ်လဲခန်းဟာ တင်းမာမှုတွေရှိနေပြီး မကြာသေးခင်က နောက်ခံလူတွေဖြစ်တဲ့ ရူဒီဂါနဲ့ ကာရီရက်စ်တို့ ရန်ပွဲဖြစ်ပွားခဲ့ကြပါတယ်။
ဒါ့အပြင် နည်းပြအာဘီလိုအာနဲ့ အသင်းခေါင်းဆောင် ကာဗာဟယ်လ်၊ အဆန်စီယို၊ ဆီဘယ်လော့စ်တို့အကြားမှာ အငြင်းပွားမှုတွေ ရှိနေတာပါ။
ရီးရယ်လ်အသင်းဟာ ဘာစီလိုနာအသင်းနဲ့ လာလီဂါပွဲမှာ အနိုင်ရလဒ် မရယူနိုင်ရင် ဘာစီလိုနာအသင်းကို ၂ ရာသီ ဆက်တိုက် ချန်ပီယံအဖြစ် အောင်ပွဲခံခွင့်ပေးရမှာ ဖြစ်ပါတယ်။
Source: ESPN
- By CNI
- Category: အားကစား
- Hits: 141
CNI Sport News
၂၀၂၆ ခုနှစ်၊ မေလ ၉
ယူနိုက်တက်အသင်း ခေါင်းဆောင် ဘရူနိုဖာနန်ဒက်စ်ဟာ ဘောလုံးအားကစား ကလောင်ရှင်များအဖွဲ့ (FWA)ရဲ့ တစ်နှစ်တာ အကောင်းဆုံး အမျိုးသားဘောလုံးသမားဆုကို ရရှိခဲ့ပါတယ်။
ဘရူနိုဖာနန်ဒက်စ်ဟာ ဒီရာသီမှာ ယူနိုက်တက်အသင်းအတွက် ပြိုင်ပွဲစုံ ၃၄ ပွဲ ကစားထားပြီး ၈ ဂိုးသွင်းယူကာ ဂိုးဖန်တီးမှု အကြိမ် ၂၀ ပြုလုပ်ထားတာပါ။
ပေါ်တူဂီ ကွင်းလယ်လူဟာ FWA အဖွဲ့ဝင် ၉၀၀ ကျော်ရဲ့ မဲ ၄၅ ရာခိုင်နှုန်းရရှိပြီး ထိပ်ဆုံးနေရာမှာ ရပ်တည်ခဲ့တာ ဖြစ်ပါတယ်။
အာဆင်နယ်အသင်း ကွင်းလယ်လူ ဒီကလန်ရိုက်စ်က ဒုတိယနဲ့ မန်စီးတီးအသင်း တိုက်စစ်မှူး ဟာလန်းက တတိယရခဲ့ပါတယ်။
ဘရူနိုဖာနန်ဒက်စ်ကို တွေ့ရစဉ်
ဘရူနိုဖာနန်ဒက်စ်ဟာ နည်းပြ ကာရစ် လက်ထက်မှာ ယူနိုက်တက်အသင်း ရလဒ်ကောင်းတွေ ရရှိအောင် အဓိက အခန်းကဏ္ဍကနေ ပါဝင်ခဲ့တာဖြစ်ပါတယ်။
ယူနိုက်တက်အသင်းဟာ ၂ ရာသီ ဆက်တိုက် ဆုဖလားလက်မဲ့နဲ့ ရာသီ အဆုံးသတ်ရမှာ ဖြစ်ပေမယ့် လာမယ့်ရာသီ ချန်ပီယံလိဂ်ပြိုင်ပွဲ ပြန်လည် ယှဉ်ပြိုင်ခွင့် ရရှိခဲ့တာပါ။
ဘရူနိုဖာနန်ဒက်စ်ဟာ ၂၀၁၀ ခုနှစ်က ဝိန်းရွန်နီ နောက်ပိုင်း FWA အမျိုးသားဆုကို ရရှိတဲ့ ပထမဆုံး ယူနိုက်တက် အသင်း ကစားသမား ဖြစ်ခဲ့ပါတယ်။
၂၀၂၀ ခုနှစ်၊ ဇန်နဝါရီလမှာ စပို့တင်းလစ္စဘွန်းအသင်းကနေ ရောက်လာခဲ့တဲ့ ဘရူနိုဖာနန်ဒက်စ်ဟာ ယူနိုက်တက် အသင်းအတွက် ၃၂၄ ပွဲ ကစားထားပြီး ၁၀၆ ဂိုး သွင်းယူထားတာပါ။
FWA တစ်နှစ်တာ အကောင်းဆုံး အမျိုးသမီး ဘောလုံးသမားဆုကို မန်စီးတီးအသင်း တိုက်စစ်မှူး ဘန်နီရှောက ရရှိခဲ့ပါတယ်။
Source: BBC
- By CNI
- Category: အားကစား
- Hits: 188
CNI Sport News
၂၀၂၆ ခုနှစ်၊ မေ ၈
ရီးရယ်လ်အသင်းကွင်းလယ်လူဗယ်လ်ဗာဒီဟာ အသင်းဖော်ချူအာမန်နီနဲ့ ရန်ပွဲဖြစ်ပွားပြီးနောက် ဦးခေါင်းဒဏ်ရာ ရခဲ့တဲ့အတွက် ဘာစီလိုနာအသင်းနဲ့ပွဲကို လွဲချော်မယ်လို့ ESPN သတင်းမှာ ဖော်ပြထားပါတယ်။
ရီးရယ်လ်အသင်းက ဗယ်လ်ဗာဒီဟာ ကောင်းမွန်တဲ့အခြေအနေနဲ့ အိမ်မှာရှိနေပြီး ဆေးဘက်ဆိုင်ရာ လုပ်ထုံး လုပ်နည်းတွေအရ ၁၀ ရက်ကနေ ၁၄ ရက်အထိ အနားယူဖို့လိုအပ်မယ်လို့ ထုတ်ပြန်ခဲ့တဲ့ ကြေညာချက်ထဲမှာ ဖော်ပြထားတာပါ။
ချူအာမန်နီကတော့ ဒီရန်ပွဲမှာ ဒဏ်ရာရခဲ့ခြင်းမရှိဘူးလို့ သိရပါတယ်။
ဗယ်လ်ဗာဒီနဲ့ ချူအာမန်နီတို့ဟာ ၂ ရက်ဆက်တိုက်ရန်ပွဲဖြစ်ခဲ့တာဖြစ်ပြီး ဗယ်လ်ဗာဒီဟာ ဦးခေါင်းဒဏ်ရာကြောင့် ဆေးရုံပို့ဆောင်ခဲ့ရတာပါ။
ရီးရယ်လ်အသင်းဟာ သူတို့နှစ်ဦးစလုံးကို စည်းကမ်းပိုင်းဆိုင်ရာအရေးယူမှုတွေ ပြုလုပ် သွားမယ်လို့ ကြေညာထားပါတယ်။
ဗယ်လ်ဗာဒီက လေ့ကျင့်ခန်းအစီအစဉ်မှာ အသင်းဖော်နဲ့ရန်ဖြစ်ခဲ့ရင်း စားပွဲကို မတော်တဆတိုက်မိခဲ့တဲအတွက် ဒဏ်ရာရပြီး ဆေးရုံကို သွားခဲ့ရကြောင်းနဲ့ အသင်းဖော်ချူအာမန်နီက ထိုးခဲ့ခြင်းမရှိသလို သူကလည်း ထိုးခဲ့ခြင်း မရှိဘူးလို့ ပြောခဲ့တာပါ။
မကြာသေးခင်ကလည်း ရီးရယ်လ်အသင်းနောက်ခံလူ ရူဒီဂါနဲ့ အသင်းဖော်ကာရီရက်စ်တို့ ရန်ပွဲဖြစ်ခဲ့ကြသလို နည်းပြအာဘီလိုအာနဲ့ ကစားသမားတချို့အကြားမှာ တင်းမာမှုတွေရှိနေတယ်လို့ သတင်းတွေ ထွက်ခဲ့ပါတယ်။
ရီးရယ်လ်နဲ့ ဘာစီလိုနာအသင်းပွဲမှာ ဘာစီလိုနာအသင်းဟာ မရှုံးနိမ့်ဘူးဆိုရင် လာလီဂါဖလားကို ၂ ရာသီ ဆက်တိုက် ရရှိသွားမှာ ဖြစ်ပါတယ်။
Source: ESPN
Page 6 of 476
Connect with us
