CNI Sport News

၂၀၂၆ ခုနှစ်၊ မတ်လ ၂၈

အသက် ၄၀ နှစ်ပြည့်ခဲ့ပြီဖြစ်တဲ့ ဂျာမနီဂိုးသမားဟောင်း နူအာဟာ ကမ္ဘာ့အကောင်းဆုံး ကစားသမား ၂ ဦးဖြစ်တဲ့ မက်ဆီ၊ ရော်နယ်လ်ဒိုတို့နဲ့ တူညီတဲ့ အဆင့်မှာ ရှိတယ်လို့ ရှော်လ်ကေးအသင်းမှာ အတူလက်တွဲခဲ့ဖူးတဲ့ နည်း
ပြ ဟောင်း ဖီးလစ်မာဂတ်က ပြောခဲ့ပါတယ်။ 

ဖီးလစ်မာဂတ်က “နူအာရဲ့ စွမ်းဆောင်ရည်၊ ဘိုင်ယန်နဲ့ နိုင်ငံအသင်းအတွက် သူ့ရဲ့အရေးပါမှု၊ သူ့ရဲ့ အောင်မြင်မှု တွေက သူကစားတဲ့ နေရာမှာ မက်ဆီ၊ ရော်နယ်လ်ဒိုတို့နဲ့ တူညီတဲ့ အဆင့်မှာရှိတယ်လို့ ကျနော်မြင်ပါတယ်။ ဘိုင်ယန်ဟာ ကမ္ဘာ့အဆင့် ဂိုးသမားတစ်ဦးကို ၁၅ နှစ်ကြာ ပိုင်ဆိုင်ခဲ့ပါတယ်။ ဒီနေ့ခေတ် ဈေးကွက်မှာ နူအာရဲ့ ထိပ်တန်း စွမ်းဆောင်ရည်မျိုးနဲ့ဆိုရင် ယူရိုသန်း ၁၅၀ တန်ကြေးရှိမှာ သေချာတယ်”လို့ Bild ကို ပြောခဲ့ပါတယ်။ 

နူအာဟာ လက်ရှိအချိန်ထိ အကောင်းဆုံးပုံစံ ပြသနေဆဲဖြစ်သလို အသင်းဖော်တွေနဲ့ ကစားကွက် ချိတ်ဆက် ကစားတဲ့ ဂိုးသမား အခန်းကဏ္ဍမှာ ဘယ်ဂိုးသမားထက်မဆို ကောင်းမွန်မှုရှိနေတာပါ။

ဂိုးသမား နူအာကို တွေ့ရစဉ်

၂၀၁၁ ခုနှစ်မှာ ရှော်လ်ကေးအသင်းကနေ ရောက်လာခဲ့တဲ့ နူအာဟာ ဘိုင်ယန်မြူးနစ်အသင်းမှာရှိတာ ၁၅ နှစ် ကြာပြီဖြစ်ပြီး အသင်းအတွက် ပွဲပေါင်း ၅၉၀ ကစားထားတာ ဖြစ်ပါတယ်။ 

နူအာဟာ ဘိုင်ယန်မြူးနစ်အသင်းနဲ့ ဘွန်ဒက်လီဂါဖလား ၁၂ ကြိမ်၊ ချန်ပီယံလိဂ်ဖလား ၂ ကြိမ် အပါအဝင် ဆုဖလား ပေါင်း ၃၀ ခုအထိ ရယူနိုင်ခဲ့တာပါ။ 

ဒါ့အပြင် နူအာဟာ ဂျာမနီလက်ရွေးစင်အသင်းနဲ့ ၂၀၁၄ ဖီဖာကမ္ဘာ့ဖလား ရရှိထားတာ ဖြစ်ပါတယ်။

နူအာနဲ့ ဘိုင်ယန်မြူးနစ်အသင်းရဲ့ လက်ရှိစာချုပ်ဟာ ဒီရာသီ ကုန်ရင် ကုန်ဆုံးမှာဖြစ်လို့ ဝါရင့်ဂိုးသမား အနေနဲ့ နွေရာသီမှာ အနားယူဖို့ ဆုံးဖြတ်မလား ဒါမှမဟုတ် ဆက်ကစားဦးမလားဆိုတာ စောင့်ကြည့်နေကြတာပါ။ 

ဘိုင်ယန်မြူးနစ်အသင်း အားကစားဒါရိုက်တာက သူတို့ဟာ နူအာနဲ့ အဆတ်မပြတ် ဆွေးနွေးမှုတွေရှိနေပြီး သူရဲ့တွေးနေမှုနဲ့ ခံစားနေရတဲ့ အရာတွေကို သိတယ်လို့ ပြောခဲ့ပါတယ်။ 

နူအာဟာ လက်ရှိအချိန်မှာ ဒဏ်ရာကနေ အမြန်ဆုံး ပြန်ပြီးကောင်းမွန်လာဖို့ ကြိုးပမ်းနေပါတယ်။ 

Source: Goal

CNI Sport News

၂၀၂၆ ခုနှစ်၊ မတ်လ ၂၈

ဘာစီလိုနာအသင်း တောင်ပံကစားသမား ရာဖင်ညာဟာ တံကောက်ကြော ဒဏ်ရာကြောင့် ၅ ပတ်ကြာ အနားယူ ရမှာဖြစ်လို့ အက်သလက်တီကိုအသင်းနဲ့ ချန်ပီယံလိဂ်ပွဲ အပါအဝင် အသင်းရဲ့ပွဲတချို့ကို လွဲချော်မယ်လို့ ESPN က ဖော်ပြထားပါတယ်။ 

ပြင်သစ်အသင်းကို ၂ ဂိုး-၁ ဂိုးနဲ့ အရေးနိမ့်ခဲ့တဲ့ ခြေစမ်းပွဲမှာ ဘရာဇီးလ်အသင်းအတွက် ပါဝင်ကစားခဲ့တဲ့ ရာဖင်ညာ ဟာ ပထမပိုင်း ပွဲချိန်အတွင်း ဒဏ်ရာရရှိခဲ့တာပါ။ 

ရာဖင်ညာရဲ့ ဒဏ်ရာ အခြေအနေကို စစ်ဆေးမှုတွေ ပြုလုပ်အပြီးမှာ ညာဘက် တံကောက်ကြောဒဏ်ရာ ရခဲ့တယ်လို့ ဘရာဇီးလ်ဆေးအဖွဲ့က အတည်ပြုခဲ့ပါတယ်။ 

ရာဖင်ညာဟာ လက်ရှိအချိန်မှာ ကုသမှုခံယူဖို့ ဘာစီလိုနာထံ ပြန်သွားခဲ့ပေမယ့် မေလအထိ ပွဲတွေကစားနိုင်မှာ မဟုတ်တာကြောင့် ဘာစီလိုနာအသင်းရဲ့ ပွဲကြီးပွဲကောင်းတွေကို လွဲချော်တော့မှာပါ။ 

ရာဖင်ညာကို တွေ့ရစဉ်

လာလီဂါ အမှတ်ပေးဇယား ထိပ်ဆုံးနေရာမှာ ရီးရယ်လ်အသင်းကို ၄ မှတ်ဖြတ်ပြီး ဦးဆောင်နေတဲ့ ဘာစီလိုနာ အသင်းဟာ လာမယ့် ရက်သတ္တပတ်အတွင်း အက်သလက်တီကိုအသင်းနဲ့ ၃ ကြိမ်တွေ့ဆုံရမှာဖြစ်ပါတယ်။ 
နိုင်ငံတကာပွဲတွေပြီးနောက် ဧပြီလ ၄ ရက်မှာ ဘာစီလိုနာအသင်းဟာ အက်သလက်တီကိုအသင်း အိမ်ကွင်း သွားရောက်ကာ လာလီဂါပွဲစဉ် ယှဉ်ပြိုင်ရမှာပါ။

ဘာစီလိုနာအသင်းဟာ ဧပြီလ ၈ ရက်နဲ့ ၁၄ ရက်တွေမှာ အက်သလက်တီကိုအသင်းနဲ့ ချန်ပီယံလိဂ် ကွာတား ဖိုင်နယ်နှစ်ကျော့ ယှဉ်ပြိုင်ရမှာ ဖြစ်ပါတယ်။ 

ဒီရာသီမှာ ဘာစီလိုနာအသင်းအတွက် ၃၁ ပွဲ ကစားထားပြီး ၁၉ ဂိုး သွင်းယူထားတဲ့ ရာဖင်ညာဟာ တံကောက် ကြော ဒဏ်ရာတွေနဲ့ ရင်ဆိုင်နေရပြီး စက်တင်ဘာနဲ့ နိုဝင်ဘာလအတွင်းမှာ ကလပ်နဲ့နိုင်ငံအသင်းအတွက် ၁၃ ပွဲ လွဲချော်ခဲ့ပါတယ်။

ဒါ့အပြင် ရာဖင်ညာဟာ ဇန်နဝါရီနဲ့ ဖေဖော်ဝါရီအတွင်းမှာ ဘာစီလိုနာအသင်းအတွက် ၃ ပွဲ ပါဝင်ကစားနိုင်ခဲ့ခြင်း မရှိပါဘူး။ 

ဘာစီလိုနာအသင်းဟာ ရာဖင်ညာ မပါဝင်နိုင်တဲ့ပွဲတွေမှာ ရက်ရှ်ဖို့ဒ်ကို ပွဲထွက် လူစာရင်းထဲ အသုံးပြုဖို့ရှိနေပြီး အခြား ရွေးချယ်စရာတွေအဖြစ် အော်လ်မိုနဲ့ဖာမင်လိုပက်ဇ်တို့ကိုလည်း အသုံးပြုလို့ရတာ ဖြစ်ပါတယ်။ 

Source: ESPN

CNI Sport News

၂၀၂၆ ခုနှစ်၊ မတ်လ ၂၈

အင်္ဂလန်နဲ့ဥရုဂွေးအသင်း ၁ ဂိုးစီ သရေကျခဲ့တဲ့ ခြေစမ်းပွဲမှာ နောက်ခံလူ ဘင်ဝှိုက်ကို အင်္ဂလန်ပရိသတ်တွေ လှောင်ပြောင်မှု ပြုလုပ်ခဲ့တဲ့အပေါ် စိတ်ပျက်မိကြောင်း နည်းပြတူချယ်လ်က ပြောခဲ့ပါတယ်။ 

တူချယ်လ်က “ကျနော်ဟာ အပြောင်းအလဲတွေနဲ့ ညွှန်ကြားမှုတွေကို ပြုလုပ်နေရလို့ လှောင်ပြောင်မှုတွေကို မကြားခဲ့ရပါဘူး။ ဒါပေမယ့် ကျနော်တို့ရဲ့ ကစားသမားတွေကို ကာကွယ်ရမှာ ဖြစ်တဲ့အတွက် ဒါက စိတ်ပျက်ဖို့ ကောင်းပါတယ်။ သူဟာ ပါဝင်ကစားဖို့ ထိုက်တန်သလို ကျနော်တို့ အနိုင်ရအောင် နီးပါးအထိ လုပ်ပေးခဲ့ပါတယ်။ ကျနော်တို့သူ့ကို အမြဲတမ်း ကာကွယ်သွားမှာဖြစ်ပြီး သူ့ကိုအခွင့်အရေးပေးဖို့ အသင့်ဖြစ်နေလို့ အားလုံး လက်ခံနိုင် ဖို့ မျှော်လင့်ကြောင်း” ပြောခဲ့တာပါ။ 

ဒီပွဲစဉ်ရဲ့ ဒုတိယပိုင်းမှာ လူစားလဲ ဝင်ရောက်လာပြီး ၄ နှစ်အကြာမှ အင်္ဂလန်အသင်းအတွက် ပထမဆုံး ပွဲပြန် ကစားနိုင်ခဲ့တဲ့ ဘင်ဝှိုက်ဟာ ပရိသတ်တွေရဲ့ လှောင်ပြောင်မှုတွေကို ခံခဲ့ရတာဖြစ်ပါတယ်။ 

ဘင်ဝှိုက် တားဆီးနေစဉ်

ဘင်ဝှိုက်ဟာ ဒီပွဲမှာ အင်္ဂလန်အသင်း ကစားသမားဘဝ ပထမဆုံး သွင်းဂိုးသွင်းယူနိုင်ခဲ့ပေမယ့် ထပ်ဆောင်း အချိန်ပိုမှာ ပြစ်ဒဏ်ကျူးလွန်ခဲ့လို့ ဥရုဂွေးအသင်းကို ပယ်နယ်တီ ပေးခဲ့ရတာပါ။ 

ဥရုဂွေးအသင်းဟာ ဒီပယ်နယ်တီကနေ ချေပဂိုး သွင်းယူနိုင်ခဲ့တာ ဖြစ်ပါတယ်။ 

အာဆင်နယ်အသင်း နောက်ခံလူ ဘင်ဝှိုက်ဟာ ၂၀၂၂ ကမ္ဘာ့ဖလားပြိုင်ပွဲမှာ အင်္ဂလန်အသင်းအတွက် ပါဝင်ခဲ့ ပေမယ့် ပုဂ္ဂိုလ်ရေးဆိုင်ရာ အကြောင်းပြချက်နဲ့ ပြိုင်ပွဲကနေ စောစီးစွာ အိမ်ပြန်သွားခဲ့တာပါ။ 

သတင်းတွေမှာတော့ ဘင်ဝှိုက်ဟာ အင်္ဂလန်အသင်း နည်းပြဟောင်း ဆောက်ဂိတ်ရဲ့ နည်းပြအဖွဲ့ဝင်တွေနဲ့ သဘောထား ကွဲလွဲမှုဖြစ်ခဲ့တယ်လို့ ဖော်ပြခဲ့ပါတယ်။ 

ဒီနောက်ပိုင်းမှာ အင်္ဂလန်အသင်းရဲ့ ခေါ်ယူမှုတွေကို ငြင်းဆန်ခဲ့တဲ့ ဘင်ဝှိုက်ဟာ နည်းပြတူချယ်လ်က လေဗာကူဆင်အသင်း နောက်ခံလူ ကွမ်ဆာ ဒဏ်ရာကြောင့် ထွက်ခွာသွားခဲ့တဲ့အတွက် သူ့ကို ခေါ်ယူမှု ပြုလုပ်လာခဲ့တာပါ။

ဥရုဂွေးအသင်းနဲ့ပွဲမှာ အင်္ဂလန်အသင်းရဲ့ ကစားသမား ၂ ဦးဖြစ်တဲ့ မာဒူအက်ကေးနဲ့ ဖိုဒန်တို့ ဒဏ်ရာရရခဲ့ပြီး ဒီပွဲကို ကိုင်တွယ်ခဲ့တဲ့ ကွင်းလယ်ဒိုင်လူကြီးရဲ့ စွမ်းဆောင်ရည်က ကောင်းမွန်ခဲ့ခြင်း မရှိဘူးလို့ နည်းပြတူချယ်လ်က ပြောခဲ့ပါတယ်။ 

Source: ESPN

CNI Sport News

၂၀၂၆ ခုနှစ်၊ မတ်လ ၂၆

ဘရာဇီးလ်တောင်ပံ ကစားသမား ဗီနီစီးယက်စ်က ရီးရယ်လ်အသင်းမှာ အချိန်အကြာကြီး ဆက်နေဖို့ အစီအစဉ် ရှိကြောင်း ဖွင့်ဟခဲ့ပါတယ်။ 

ဗီနီစီးယက်စ်က “ကျနော်ဟာ ရီးရယ်လ်အသင်း အကြောင်းပဲတွေးပြီး အဲ့ဒီမှာ အချိန်အကြာကြီး ကစားဖို့ စီစဉ်ထား ပါတယ်။ ကျနော့်ရဲ့ အကောင်းဆုံး အခိုက်အတန့်ကို ဖြတ်သန်းနေပြီး ရီးရယ်လ်အသင်းမှာ လုပ်ခဲ့တဲ့အရာတွေ အားလုံးကို နိုင်ငံအသင်းမှာလည်း လုပ်နိုင်ဖို့ မျှော်လင့်ထားပါတယ်”လို့ ပြောခဲ့ပါတယ်။ 

ဗီနီစီးယက်စ်ဟာ နည်းပြဟောင်း ဇာဘီအလွန်ဆို လက်ထက်မှာ အဆင်မပြေမှုတွေကြောင့် ရီးရယ်လ်အသင်း ကနေ ထွက်ခွာဖွယ် ရှိတယ်လို့ သတင်းတွေ ထွက်ခဲ့ပေမယ့် လက်ရှိနည်းပြ အာဘီလိုအာ လက်ထက်မှာ အကောင်းဆုံး ပုံစံတွေ ပြန်ရနေပြီ ဖြစ်ပါတယ်။

ဗီနီစီးယက်စ်ဟာ ဒီရာသီမှာ ရီးရယ်လ်အသင်းအတွက် ၄၃ ပွဲ ကစားထားပြီး ၁၇ ဂိုးသွင်းယူကာ ဂိုးဖန်တီးမှု ၁၃ ကြိမ် ပြုလုပ်ထားတာပါ။ 

ဗီနီစီးယက်စ်ကို တွေ့ရစဉ်

ဗီနီစီးယက်စ်နဲ့ ရီးရယ်လ်အသင်း စာချုပ်ဟာ ၂၀၂၇ ခုနှစ် ရာသီကုန်ရင် ကုန်ဆုံးမှာဖြစ်ပြီး အသင်းက သူ့ကို စာချုပ် သစ် ချုပ်ဆိုနိုင်ဖို့ ကြိုးပမ်းနေတာ ဖြစ်ပါတယ်။ 

အခုအချိန်မှာ ဗီနီစီးယက်စ်ဟာ အသင်းမှာ အချိန်အကြာကြီး ဆက်နေဖို့ အစီအစဉ်ရှိတယ်လို့ ပြောခဲ့တာကြောင့် မကြာမီမှာ ရီးရယ်လ်အသင်းနဲ့ စာချုပ်သစ် ချုပ်နိုင်တာပါ။ 

ရီးရယ်လ်အသင်းမှာရှိတာ ၈ ရာသီကြာဖြစ်တဲ့ ဗီနီစီးယက်စ်ဟာ အသင်းအတွက် ပွဲပေါင်း ၃၆၆ ပွဲ ကစားထားပြီး ၁၂၃ ဂိုးသွင်းယူကာ လာလီဂါဖလား ၃ ကြိမ်၊ ချန်ပီယံလိဂ်ဖလား ၂ ကြိမ် အပါအဝင် ဆုဖလား အများအပြား ရယူနိုင်ခဲ့ပါတယ်။ 

Source: besoccer

CNI Sport News

၂၀၂၆ ခုနှစ်၊ မတ်လ ၂၆

မေဂျာလိဂ်ကလပ် အင်တာမိုင်ယာမီနဲ့ အယ်လ်အေဂလက်ဇီ၊ ဆော်ဒီပရိုလိဂ်ကလပ် အယ်လ်အစ်တီဟတ် အသင်းတို့ဟာ ယူနိုက်တက်အသင်း ကွင်းလယ်လူ ကတ်စီမီရိုကို နွေရာသီမှာ အလွတ်ပြောင်းရွှေ့ကြေးနဲ့ ခေါ်ယူဖို့ စိတ်ဝင်စားနေပါတယ်။ 

ဘရာဇီးလ်ကွင်းလယ်လူ ကတ်စီမီရိုဟာ ယူနိုက်တက်အသင်းနဲ့ စာချုပ်ကုန်ဆုံးမယ့် ဇွန်လ ၃၀ ရက်ကျရင် အသင်း ကနေ ထွက်ခွာမယ်လို့ ဇန်နဝါရီလက ကြေညာခဲ့တာပါ။ 

အသက် ၃၄ နှစ်အရွယ်ရှိ ကတ်စီမီရိုဟာ ဥရောပထိပ်တန်းလိဂ်တစ်ခုမှာ ဆက်ပြီး ကစားနိုင်သေးတယ်လို့ ခံစားနေရတာ ဖြစ်ပါတယ်။ 

အင်တာမိုင်ယာမီနဲ့ အယ်လ်အေဂလက်ဇီအသင်းတို့ဟာ မကြာသေးမီက ကတ်စီမီရိုကို ဆက်သွယ်ခဲ့တဲ့ အသင်း တွေထဲမှာ ပါဝင်ပေမယ့် တရားဝင် ကမ်းလှမ်းမှုတော့ ပြုလုပ်ရခြင်း မရှိသေးပါဘူး။

အယ်လ်အစ်တီဟတ်အသင်းကလည်း လက်ရှိအချိန်မှာ ကတ်စီမီရိုရဲ့ အခြေအနေကို အနီးကပ် စောင့်ကြည့်မှုတွေ ပြုလုပ်နေတာပါ။

ကတ်စီမီရိုကို တွေ့ရစဉ် 

ပြီးခဲ့တဲ့ရာသီက ဆော်ဒီပရိုလိဂ်ပြိုင်ပွဲမှာ ချန်ပီယံဆုကို ရယူနိုင်ခဲ့တဲ့ အယ်လ်အစ်တီဟတ်အသင်းဟာ ဒီရာသီ လိဂ်ပြိုင်ပွဲမှာ အဆင့် ၆ နေရာ ရပ်တည်နေတာ ဖြစ်ပါတယ်။ 

အယ်လ်အစ်တီဟတ်အသင်းဟာ ပြီးခဲ့တဲ့ ဇန်နဝါရီ အပြောင်းအရွှေ့မှာ အဓိက ကစားသမားတွေဖြစ်တဲ့ ဘန်ဇီမာနဲ့ ကန်တီတို့ကို ဆုံးရှုံးပြီးနောက် ဥရောပနာမည်ကြီး ကစားသမားတွေကို ရှာဖွေမှုတွေ ပြုလုပ်နေတာပါ။ 

ESPN က ကတ်စီမီရိုကို ခေါ်ယူနိုင်မယ့် အခြေအနေဟာ ဖာဘင်ဟိုရဲ့ အနာဂတ်နဲ့ ဆက်စပ်နေတယ်လို့ ဖော်ပြ ထားပါတယ်။

၂၀၂၃ ခုနှစ်မှာ အယ်လ်အစ်တီဟတ်အသင်းထံ ပြောင်းရွှေ့ခဲ့တဲ့ ဖာဘင်ဟိုဟာ ဒီနွေရာသီမှာ အသင်းနဲ့စာချုပ် ကုန်ဆုံးမှာဖြစ်ပြီး စာချုပ်သက်တမ်းတိုးမလား ဒါမှမဟုတ် အလွတ်နဲ့ထွက်ခွာမလားဆိုတာ စောင့်ကြည့်ရဦးမှာပါ။ 

ကတ်စီမီရိုဟာ ယာယီနည်းပြ ကာရစ် လက်ထက်မှာ ယူနိုက်တက်အသင်းအတွက် ခြေစွမ်းပြသနေတာကြောင့် သူ့ကိုနောက်ထပ် တစ်နှစ်အသင်းမှာ ဆက်ထိန်းသိမ်းဖို့ တောင်းဆိုမှုတွေ ရှိနေကြပါတယ်။ 

ယူနိုက်တက်အသင်းကတော့ ကတ်စီမီရိုနဲ့ ပတ်သက်တဲ့ ဆုံးဖြတ်ချက်ကို ပြန်ပြောင်းလဲဖို့ အစီအစဉ်မရှိကြောင်း ဆုံးဖြတ်ထားပါတယ်။ 

Source: ESPN

CNI Sport News

၂၀၂၆ ခုနှစ်၊ မတ်လ ၂၆

ဘိုင်ယန်မြူးနစ်အသင်းဟာ ပြင်သစ်ကြယ်ပွင့် အိုလီဆီကို ရောင်းချမှာ မဟုတ်ဘူးလို့ ပြောထားတာကြောင့် လီဗာပူးလ်အသင်းဟာ သူတို့ပစ်မှတ်ကို ခေါ်ယူနိုင်ဖို့ ခက်ခဲတဲ့ ပြိုင်ဆိုင်မှုနဲ့ ရင်ဆိုင်ရဖို့ ရှိနေပါတယ်။ 

လီဗာပူးလ်အသင်းဟာ ဒီရာသီကုန်ရင် အသင်းကနေ ထွက်ခွာတော့မယ့် ဆာလက်ရဲ့ နေရာမှာ အစားထိုးဖို့ အိုလီဆီကို အဓိက ပစ်မှတ်အဖြစ် သတ်မှတ်ထားတာပါ။ 

ဂျာမနီကလာတဲ့ သတင်းတွေမှာ လီဗာပူးလ်အသင်းဟာ အိုလီဆီအတွက် ပေါင် ၁၇၃ သန်းနဲ့ ကမ်းလှမ်းဖို့ ဆန္ဒရှိ နေပြီး ရီးရယ်လ်အသင်းကလည်း တိုက်စစ်ပိုင်း အားဖြည့်ဖို့ သူ့ကို ပေါင် ၁၄၃ သန်းနဲ့ ကမ်းလှမ်းဖို့ အဆင်သင့် ဖြစ်နေတယ်လို့ ဖော်ပြထားပါတယ်။ 

ဒါပေမယ့် ဘိုင်ယန်မြူးနစ်အသင်း အားကစားဒါရိုက်တာ မတ်ဇ်အီဘာလ်က သူတို့ဟာ အိုလီဆီ ထွက်ခွာမယ့် အကြောင်းကို စဉ်းစားခြင်း မရှိဘူးလို့ ဂျာမန်သတင်းစာ Bild ကိုပြောခဲ့ပြီး အသင်း CEO ဒရီးဆန်ကလည်း ဘယ်ကလပ်ကပဲ သူ့ကိုခေါ်ယူနိုင်အောင် ဆွဲဆောင်ဖို့ ကြိုးစားပါစေ၊ အသင်းမှာ ကစားတဲ့သူတိုင်းက သူတို့မှာ ဘာတွေရှိလဲဆိုတာ သိတယ်လို့ ပြောခဲ့ပါတယ်။

အိုလီဆီကို တွေ့ရစဉ်

ဘိုင်ယန်မြူးနစ်အသင်းနဲ့ အိုလီဆီရဲ့စာချုပ်ဟာ နောက်ထပ် ၃ နှစ် ကျန်ရှိနေသေးတာပါ။ 

ဥရောပထိပ်သီး ကလပ်တွေရဲ့ ပစ်မှတ်ဖြစ်နေတဲ့ အိုလီဆီဟာ ခရစ္စတယ်ပဲလေ့စ်အသင်းကနေ ပြောင်းရွှေ့ လာပြီး ကတည်းက ဘိုင်ယန်မြူးနစ်အသင်းမှာ ပြသနေတဲ့ စွမ်းဆောင်ရည်တွေကြောင့် ကမ္ဘာ့ဘောလုံးလောကရဲ့ တန်ဖိုး အရှိဆုံး ကစားသမားတွေထဲက တစ်ဦးအဖြစ် သတ်မှတ်ခံထားရပါတယ်။ 

ဘိုင်ယန်မြူးနစ်အသင်းမှာ ပျော်ရွှင်နေတဲ့ အိုလီဆီဟာ ဒီရာသီအသင်းအတွက် ၃၉ ပွဲ ကစားထားတာမှာ ၁၆ ဂိုး သွင်းပြီး ဂိုးဖန်တီးမှု ၂၇ ကြိမ် ပြုလုပ်ထားတာပါ။ 

အိုလီဆီဟာ လက်ရှိအချိန်မှာ ပြင်သစ်လက်ရွေးစင်အသင်းနဲ့ ပူးပေါင်းနေပြီး ပြင်သစ်အသင်းဟာ ဘရာဇီးလ်၊ ကိုလံဘီယာအသင်းတို့နဲ့ ခြေစမ်းပွဲ ကစားသွားမှာ ဖြစ်ပါတယ်။ 

Source: Dailymail

CNI Sport News

၂၀၂၆ ခုနှစ်၊ မတ်လ ၂၆

၂၀၂၅ အာဖရိကဖလား ချန်ပီယံဆု ရုပ်သိမ်းခံရပြီးနောက် ဆီနီဂေါအသင်းရဲ့ အယူခံဝင်မှုကို ဖြစ်နိုင်သမျှ အမြန်ဆုံး ဆုံးဖြတ်ပေးမယ်လို့ အားကစားဆိုင်ရာခုံရုံး(CAS)က ပြောခဲ့ပါတယ်။ 

ဆီနီဂေါအသင်းဟာ ဇန်နဝါရီ ၁၈ ရက်က ကျင်းပခဲ့တဲ့ ဗိုလ်လုပွဲမှာ အိမ်ရှင်မော်ရိုကို အသင်းကို ၁ ဂိုး-ဂိုးမရှိနဲ့ အနိုင်ရပြီး ချန်ပီယံဆုကို ရယူနိုင်ခဲ့တာပါ။ 

ဒီပွဲရဲ့မိနစ် ၉၀ ပြည့်ပြီး ထပ်ဆောင်းအချိန်ပိုမှာ ကွင်းလယ်ဒိုင်လူကြီးက အိမ်ရှင် မော်ရိုကိုအသင်းဘက်ကို ပယ်နယ်တီ ပေးခဲ့တဲ့အပေါ် ကန့်ကွက်တဲ့ အနေနဲ့ ဆီနီဂေါအသင်း ကစားသမား အများအပြားဟာ ကွင်းထဲကနေ ထွက်ခွာခဲ့ကြတာ ဖြစ်ပါတယ်။ 

နောက်ပိုင်းမှာ အယ်လ်နာဆာအသင်း ကြယ်ပွင့် မာနေးရဲ့ စည်းရုံးမှုတွေကြောင့် ဆီနီဂေါအသင်း ကစားသမားတွေ ကွင်းထဲပြန်ဝင်လာပြီး ပွဲပြန်စတင်နိုင်ခဲ့တာပါ။ 

မော်ရိုကိုအသင်းရဲ့ ပယ်နယ်တီ ကန်သွင်းမှုကို ဆီနီဂေါအသင်း ဂိုးသမား ကာကွယ်နိုင်ခဲ့ပြီးနောက် အချိန်ပိုကစား ခဲ့တာမှာ ဆီနီဂေါအသင်းက အနိုင်ဂိုးသွင်းပြီး ချန်ပီယံဆုရရှိခဲ့တာ ဖြစ်ပါတယ်။ 

ဒါပေမယ့် ဆီနီဂေါ ကစားသမားတွေ ကွင်းထဲကနေ ထွက်ခွာခဲ့တဲ့ဖြစ်ရပ်ကို မော်ရိုကိုဘောလုံးအဖွဲ့ချုပ်က အယူခံဝင်ခဲ့တာပါ။

ဆီနီဂေါအသင်းကို တွေ့ရစဉ် 

အဲ့ဒါကြောင့် ဗိုလ်လုပွဲအပြီး ရက်ပေါင်း ၅၈ ရက်အကြာမှာ မကြုံစဖူး ဆုံးဖြတ်ချက်အဖြစ် အာဖရိကဘောလုံးအဖွဲ့ ချုပ်(CAF)က မော်ရိုကိုအသင်းကို ချန်ပီယံအသင်းအဖြစ် ကြေညာကာ ၃ ဂိုး-ဂိုးမရှိနဲ့ အနိုင်ရလဒ် ပေးခဲ့တာဖြစ်ပါ တယ်။ 

အခုအချိန်မှာတော့ ဆီနီဂေါဘောလုံးအဖွဲ့ချုပ်ဟာ အားကစားခုံရုံးထံ အယူခံဝင်ခဲ့ပြီး သူတို့ချန်ပီယံဆုကို ပြန်လည် ရယူနိုင်ဖို့ မျှော်လင့်နေတာပါ။ 

CAS ရဲ့ အထွေထွေဒါရိုက်တာက အသင်းတွေနဲ့ ပရိသတ်တွေဟာ နောက်ဆုံး ဆုံးဖြတ်ချက်ကို သိရှိချင်နေတာကို သူတို့နားလည်တဲ့အတွက် အမြန်ဆုံး ဆုံးဖြတ်ပေးသွားမယ်လို့ ပြောခဲ့ပါတယ်။

ဒါပေမယ့် ဒီဆုံးဖြတ်ချက်ကို ဘယ်အချိန်မှာ ချမှတ်မလဲဆိုတဲ့ အချိန်အတိအကျတော့ မရှိသေးတာ ဖြစ်ပါတယ်။ 

Source: BBC

CNI Sport News

၂၀၂၆ ခုနှစ်၊ မတ်လ ၂၅

ဟာကီမီဟာ သူ့ရဲ့ကစားသမားဘဝမှာ ချန်ပီယံလိဂ်ဖလားကို ဒုတိယအကြိမ်မြောက် ရယူနိုင်ဖို့ ရည်ရွယ်ထားတာ ကြောင့် PSG အသင်းအတွက်  အပြည့်အဝ ကတိကဝတ် ပြုထားဆဲ ဖြစ်တယ်လို့ အေးဂျင့်ဖြစ်သူက ပြောခဲ့ပါ တယ်။ 

အေးဂျင့် ကာမာနိုက “ဟာကီမီဟာ PSG မှာ အလွန်ပျော်ရွှင်နေပါတယ်။ သူဟာ ဒီမှာ အလွန်ကောင်းမွန်တယ်လို့ ခံစားနေရပြီး ချန်ပီယံလိဂ်ဖလားကို ဒုတိယအကြိမ်မြောက် ရယူချင်နေပါတယ်။ သူဟာ အသင်းကို ဖြစ်နိုင်သမျှ ဦးဆောင်ချင်ပါတယ်”လို့ ပြောခဲ့တာပါ။ 

မော်ရိုကိုနောက်ခံလူ ဟာကီမီဟာ အသင်းဟောင်း ရီးရယ်လ်အသင်းထံ ပြန်သွားဖို့ ချိတ်ဆက်မှုတွေ ခံနေရချိန်မှာ အေးဂျင့်ဖြစ်သူက သူ့ရဲ့ကစားသမား အနာဂတ်နဲ့ ပတ်သက်ပြီး ရှင်းလင်းမှု ပြုလုပ်လာခဲ့တာ ဖြစ်ပါတယ်။ 

၂၀၂၁ ခုနှစ်မှာ အင်တာမီလန်အသင်းကနေ ရောက်ရှိလာပြီးကတည်းက PSG အသင်းမှာ အဓိက ကစားသမား တစ်ဦးအဖြစ် ခြေစွမ်းပြသနေတဲ့ ဟာကီမီနဲ့ PSG အသင်းတို့ စာချုပ်ဟာ ၂၀၂၉ ခုနှစ်အထိ သက်တမ်းရှိနေတာပါ။ 

ရီးရယ်လ်အသင်း လူငယ်စီမံကိန်းကနေ ထွက်ပေါ်လာခဲ့တဲ့ ဟာကီမီဟာ အသင်းဟောင်းထံ ပြန်လာဖို့ အလား အလာ ရှိတယ်လို့ စပိန်သတင်းစာ မာကာက ဖော်ပြခဲ့ပါတယ်။ 

ဟာကီမီကို တွေ့ရစဉ်

အေးဂျင့် ကာမာနိုကတော့ ဟာကီမီဟာ ရီးရယ်လ်အသင်းထံ ပြန်သွားဖို့ ဘယ်တုန်းကမှ ဆွေးနွေးမှုတွေ မရှိခဲ့ဘူး လို့ တုန့်ပြန်ထားပါတယ်။

ဒါ့အပြင် ကာမာနိုက ဟာကီမီဟာ PSG အသင်း အကြောင်းပဲ စဉ်းစားနေပြီး သူထွက်ခွာမှာကို မေးခွန်းထုတ်စရာ မရှိဘူးလို့ ပြောခဲ့တာပါ။ 

ဟာကီမီဟာ ၂၀၁၇ ခုနှစ်မှာ ရီးရယ်လ်အသင်းအတွက် ပွဲထွက်ခွင့် ရခဲ့ပေမယ့် အသင်းမှာ တစ်ရာသီကြာသာ ကစားကာ ဒေါ့မွန်အသင်းထံ ၂ ရာသီ အငှားစာချုပ်နဲ့ ပြောင်းရွှေ့ခဲ့ပါတယ်။ 

ဒီနောက်မှာ ဟာကီမီဟာ အင်တာမီလန်အသင်းထံ ပြောင်းရွှေ့ခဲ့ပြီး တစ်ရာသီကြာသာ ကစားကာ PSG အသင်းထံ ပြောင်းရွှေ့ခဲ့တာပါ။

ဟာကီမီဟာ PSG အသင်းအတွက် ၁၉၉ ပွဲ ကစားထားပြီး ချန်ပီယံလိဂ် အပါအဝင် ပြည်တွင်းဖလား အားလုံးကို ရယူနိုင်ခဲ့ပါတယ်။ 

Source: Goal

CNI Sport News

၂၀၂၆ ခုနှစ်၊ မတ်လ ၂၅

မေဂျာလိဂ်ကလပ် အော်လန်ဒိုစီးတီးအသင်းဟာ အက်သလက်တီကိုအသင်း ကွင်းလယ် တိုက်စစ်ကစားသမား ဂရစ်ဇ်မန်းကို ခေါ်ယူနိုင်ပြီဖြစ်ကြောင်း ကြေညာခဲ့ပါတယ်။ 

ဂရစ်ဇ်မန်းဟာ ဖလော်ရီဒါ အခြေစိုက် ကလပ်ထံ ပြောင်းရွှေ့ဖို့ ရက်သတ္တပတ်ပေါင်းများစွာ ချိတ်ဆက်ခံ ခဲ့ရပြီးနောက် အမေရိကန်နိုင်ငံထံ သွားရောက်ကာ အပြောင်းအရွှေ့ကို အပြီးသတ်နိုင်ခဲ့ပါတယ်။

ဂရစ်ဇ်မန်းဟာ အော်လန်ဒိုစီးတီးအသင်းနဲ့ ၂ နှစ် စာချုပ်ချုပ်ဆိုခဲ့တာပါ။ 

ဂရစ်ဇ်မန်းဟာ အစောပိုင်းက ဖေဖော်ဝါရီလကုန်ပိုင်းမှာ အော်လန်ဒိုစီးတီးအသင်းထံ ပြောင်းရွှေ့ဖို့ စဉ်းစားခဲ့ ပေမယ့် အက်သလက်တီကိုအသင်း ကိုပါဒယ်ရေးဖလား ဗိုလ်လုပွဲ တက်နိုင်ခဲ့တာကြောင့် ဒီအပြောင်းအရွှေ့ကို ရပ်တန့်ခဲ့တာ ဖြစ်ပါတယ်။

ပြင်သစ် ကစားသမားဟောင်းဟာ ဆုဖလားရယူပြီး အက်သလက်တီကိုအသင်း ကစားသမားဘဝကို အဆုံးသတ်ဖို့ စိတ်အားထက်သန်နေတာပါ။ 

ဂရစ်ဇ်မန်းကို တွေ့ရစဉ် 

ဂရစ်ဇ်မန်းဟာ ဒီရာသီကုန်တဲ့အထိ အက်သလက်တီကိုအသင်းမှာ ဆက်ရှိပြီး ဇူလိုင်လမှာ အော်လန်ဒိုစီးတီး အသင်းထံ တရားဝင်ပြောင်းရွှေ့မှာ ဖြစ်ပါတယ်။ 

ဂရစ်ဇ်မန်းက အော်လန်ဒိုစီးတီးအသင်းနဲ့အတူ သူ့ကစားသမားဘဝရဲ့ နောက်ထပ် အခန်းကဏ္ဍတစ်ခုကို စတင်ဖို့ အလွန်စိတ်လှုပ်ရှားနေသလို အသင်းကို အောင်မြင်မှုရရှိအောင် ကူညီပေးဖို့ အစွမ်းကုန် ပေးဆပ်သွားမယ်လို့ ပြောခဲ့ပါတယ်။ 

ဒါ့အပြင် ဂရစ်ဇ်မန်းက အက်သလက်တီကိုအသင်းထံ ရေးခဲ့တဲ့ နှုတ်ဆက်စာမှာ အသင်းအတွက် ကစားပေးဖို့ ကျန်ရှိတဲ့ မိနစ်တိုင်းကို အကောင်းဆုံး ကြိုးစားသွားပြီး ၂၀၂၆ ရာသီရဲ့ နောက်ဆုံး ထွက်သက်အထိ အနီနဲ့အဖြူ အတိုင်း ရှိနေမှာပါလို့ ဖော်ပြခဲ့ပါတယ်။ 

ဂရစ်ဇ်မန်းဟာ အက်သလက်တီကိုအသင်းအတွက် ပွဲပေါင်း ၄၅၀ ကျော် ကစားထားပြီး အသင်းရဲ့ ဂိုးသွင်း အများဆုံး ကစားသမားအဖြစ် ရပ်တည်နေပါတယ်။ 

Source: Goal