- By CNI
- Category: အားကစား
- Hits: 398
CNI Sport News
၂၀၂၅ ခုနှစ်၊ ဩဂုတ် ၇
မန်စီးတီးအသင်းနဲ့ စာချုပ်ကုန်ဆုံးပြီး နာပိုလီအသင်းထံ အလွတ်ပြောင်းရွှေ့လာခဲ့တဲ့ ကွင်းလယ်လူ ဒီဘရိုင်းက မန်စီးတီးအသင်းနည်းပြ ဂွာဒီယိုလာနဲ့ နာပိုလီအသင်းနည်းပြ ကွန်တီတို့အကြား အဓိကကွာခြားမှု ၂ ခုကို ဖွင့်ဟ ခဲ့ပါတယ်။
ဒီဘရိုင်းက “သူတို့ရဲ့ မတူညီတဲ့ ကစားပုံစံကို ကျနော်ပြောချင်ပါတယ်။ ပပ်က ဘောလုံးကို ထိန်းချုပ်တာနဲ့ ပိုင်ဆိုင်မှု ရယူတာကို အနည်းငယ် ပိုပြီးအာရုံစိုက်ပါတယ်။ ကွန်တီကတော့ ပွဲအပေါ် တည်ဆောက်ပုံနဲ့ စိတ်ဓါတ် ပိုင်းကို ပိုပြီးအာရုံစိုက်ပါတယ်။ ပြီးတော့ ပပ်က ဇုန်ဧရိယာတွေမှာ ပိုပြီးအလုပ်လုပ်ပါတယ်။ မတူညီတဲ့အချက်တွေ ရှိပေမယ့် နည်းပြတိုင်းက သူတို့ရဲ့ကိုယ်ပိုင်မှုနဲ့ စရိုက်လက္ခဏာတွေရှိပါတယ်”လို့ Corriere dello Sport နဲ့ ပြုလုပ်ခဲ့တဲ့ အင်တာဗျူးမှာ ပြောခဲ့တာပါ။
မန်စီးတီးအသင်းမှာ ဆယ်စုနှစ် တစ်ခုကြာ ကစားပြီး ထွက်ခွာခဲ့တဲ့ ဒီဘရိုင်းဟာ နာပိုလီအသင်းနဲ့အတူ ရာသီကြို ခြေစမ်းပွဲတွေမှာ ပါဝင်ကစားနေပြီ ဖြစ်ပါတယ်။
ဂျန့်ခ်၊ ချယ်လ်ဆီး၊ ဝါဒါဘရီမင်၊ ဝုလ်ဖ်ဘတ်အသင်းတွေမှာလည်း ကစားခဲ့တဲ့ ဒီဘရိုင်းဟာ ဂွာဒီယိုလာနဲ့ အချိန် အကြာကြီး လက်မတွဲခင်က မော်ရင်ဟို၊ ပယ်လီဂရီနီ၊ ဟတ်ကင်းစတဲ့ နာမည်ကြီး နည်းပြတွေအောက်မှာ ကစားခဲ့ တာပါ။
ဒီဘရိုင်းကို တွေ့ရစဉ်
အသက် ၃၄ နှစ်အရွယ်ရှိ ဒီဘရိုင်းဟာ မန်စီးတီးအသင်းမှာ နည်းပြဂွာဒီယိုလာ လက်အောက် ၈ ရာသီကြာ ကစား ခဲ့ပြီး ချန်ပီယံလိဂ်ဖလား ၁ ကြိမ် အပါအဝင် ဆုဖလားအောင်မြင်မှု အများအပြား ရယူနိုင်ခဲ့တာဖြစ်ပါတယ်။
ဒီဘရိုင်းဟာ စီးရီးအေပြိုင်ပွဲထံ ရောက်ရှိလာချိန်မှာ ဘုရင်လို့ တံဆိပ်ကပ် ဖော်ပြခံနေရပြီး ဒီအပေါ်မှာ သူဟာ ဘုရင်မဟုတ်ဘဲ ဘောလုံးသမားသာ ဖြစ်တယ်လို့ ပြောခဲ့တာပါ။
စီးရီးအေ လက်ရှိ ချန်ပီယံနာပိုလီအသင်းဟာ ရာသီသစ် မတိုင်မီ ကစားနေတဲ့ ရာသီကြို ခြေစမ်းပွဲတွေမှာ ရလဒ်တွေ ကောင်းမွန်မှု မရှိသေးဘဲ ၄ ပွဲ ကစားထားတာမှာ ၁ ပွဲသာ အနိုင်ရရှိထားပါတယ်။
နာပိုလီအသင်းဟာ နောက်ထပ် ခြေစမ်းပွဲတွေအဖြစ် ဂျီရိုနာ၊ ဆိုရန်တို၊ အိုလံပီယာကို့စ်အသင်းတို့နဲ့ ယှဉ်ပြိုင်မှာ ဖြစ်ပြီး သြဂုတ် ၂၃ ရက်မှာ ဆက်ဆူအိုလိုအသင်းနဲ့ စီးရီးအေ အဖွင့်ပွဲစဉ် ယှဉ်ပြိုင်ရမှာဖြစ်ပါတယ်။
Source: Goal
- By CNI
- Category: အားကစား
- Hits: 354
CNI Sport News
၂၀၂၅ ခုနှစ်၊ ဩဂုတ် ၇
မေဂျာလိဂ် စံချိန်တင် ပြောင်းရွှေ့ကြေးနဲ့ စပါးအသင်းကနေ ရောက်ရှိလာခဲ့တဲ့ တောင်ကိုရီးယားအသင်း ခေါင်းဆောင် ဆွန်ဟောင်မင်က သူဟာဆုဖလားတွေ ရယူဖို့ LAFC အသင်းထံ ပြောင်းရွှေ့လာခဲ့တာလို့ ပြောခဲ့ပါတယ်။
ဆွန်ဟောင်မင်က “ကျနော် ဒီမှာရှိနေရတာ ပျော်ရွှင်နေပြီး အပြင်မှာ ကိုရီးယား ပရိသတ်တွေကို တွေ့ရတဲ့အတွက် အလွန်စိတ်လှုပ်ရှားနေပါတယ်။ ရိုးရိုးသားသားပြောရရင် LAFC က ကျနော့်ရဲ့ ဦးစားပေး မဟုတ်ပေမယ့် အသင်း အကြီးအကဲတွေနဲ့ စကားပြောအပြီးမှာ ကျနော့်ရဲ့ စိတ်၊ နှလုံးသားနဲ့ ဦးနှောက်က ပြောင်းလဲသွားခဲ့ပါတယ်။ မေဂျာလိဂ်မှာ စိန်ခေါ်မှုသစ်အတွက် စိတ်လှုပ်ရှားနေပြီး ဆုဖလားတွေ ကိုင်မြှောက်ကာ ဒီမြို့နဲ့ပရိသတ်တွေ အတွက် အရာအားလုံးပေးဖို့ LAFC အသင်းကိုလာခဲ့တာ”လို့ ပြောခဲ့တာပါ။
LAFC အသင်းဟာ ဆွန်ဟောင်မင်ကို ပေါင်သန်း ၂၀ ကျော်နဲ့ စပါးအသင်းကနေ ခေါ်ယူခဲ့တာဖြစ်ပြီး ၂၀၂၇ ခုနှစ် ရာသီကုန်အထိ စာချုပ်ချုပ်ခဲ့သလို နောက်ထပ် ၂ နှစ် သက်တမ်းတိုးခွင့်လည်း ရှိနေပါတယ်။
ဆွန်ဟောင်မင်ဟာ ၁၀ နှစ်ကြာ ကစားခဲ့တဲ့ စပါးအသင်းအတွက် ပြီးခဲ့တဲ့ နယူးကာဆယ်အသင်းနဲ့ပွဲစဉ်မှာ နောက်ဆုံး နှုတ်ဆက်ပွဲကစားခဲ့ပြီးနောက် LAFC အသင်းထံ အပြောင်းအရွှေ့ကို အမြန်ဆုံး အပြီးသတ်ခဲ့တာပါ။
ဆွန်ဟောင်မင်ကိုတွေ့ရစဉ်
ဆွန်ဟောင်မင်ဟာ စပါးအသင်းနဲ့အတူ ရာသီကြို လေ့ကျင့်မှုတွေ ပြုလုပ်ထားပြီး ဖြစ်တာကြောင့် LAFC အသင်း အတွက် ပွဲဦးထွက်ဖို့ အဆင်သင့် ဖြစ်နေပြီလို့လည်း ပြောခဲ့ပါတယ်။
ဆွန်ဟောင်မင်ဟာ LAFC အသင်းမှာ စပါးအသင်းဖော်ဟောင်းဖြစ်တဲ့ ပြင်သစ်ဂိုးသမား ဟူဂိုလိုရစ်နဲ့ ပြန်လည် အတူတွဲကစားရမှာပါ။
LAFC အသင်းဟာ မေဂျာလိဂ် အနောက်ပိုင်းဇုန် အမှတ်ပေးဇယားရဲ့ အဆင့် ၆ နေရာမှာ ရပ်တည်နေပြီး အဆင့် ၁ နေရာက ဆန်ဒီယေဂိုအသင်းထက် ၃ ပွဲလျော့ကစားကာ ၁၀ မှတ်ကွာဟနေပါတယ်။
LAFC အသင်းဟာ သြဂုတ် ၉ ရက်မှာ မေဂျာလိဂ် ပွဲစဉ်အဖြစ် ချီကာဂိုအသင်းနဲ့ ယှဉ်ပြိုင်ရမှာဖြစ်ပါတယ်။
Source: BBC
- By CNI
- Category: အားကစား
- Hits: 403
CNI Sport News
၂၀၂၅ ခုနှစ်၊ ဩဂုတ် ၇
အာဆင်နယ်အသင်းနည်းပြ အာတီတာက ဗီလာရီးရယ်လ်အသင်းနဲ့ ရာသီကြို ခြေစမ်းပွဲမှာ ပွဲထွက်လူစာရင်းထဲ ပါဝင်ခဲ့တဲ့ တိုက်စစ်မှူးသစ် ယိုကီရက်စ်ဟာ ပရီးမီးယားလိဂ် ရာသီသစ် စတင်ချိန်မှာ အလွန်ကောင်းမွန်တဲ့ အနေအထားမှာ ရှိနေလိမ့်မယ်လို့ ပြောခဲ့ပါတယ်။
အာတီတာက “ပွဲစတင်ပြီး ကစားခွင့်ရတဲ့ ခံစားချက်နဲ့ အသင်းနဲ့အတူ ချိတ်ဆက်ပြီး ကစားနိုင်ဖို့က သူ့အတွက် အလွန်အရေးကြီးတယ်လို့ ကျနော်ထင်ပါတယ်။ သူဟာ ကျနော်တို့နဲ့ တစ်ပတ်ပဲ ရှိသေးပေမယ့် သူ့ရဲ့တိုက်စစ်ဆင် ပုံတွေနဲ့ လုပ်ဆောင်နိုင်စွမ်းတွေကို မြင်တွေ့ခဲ့ရပါတယ်။ သူဟာ လေ့ကျင့်ရေးမှာလည်း ကောင်းမွန်တဲ့ ခံစားချက် တွေ ရနေပြီလို့ ထင်ပါတယ်။ လာမယ့် စနေနေ့မှာ သူဟာ နောက်ထပ် ခြေလှမ်းလှမ်းပြီး အခြေအနေတွေ ပိုပြီး ကောင်းလာမှာပါ”လို့ ပြောခဲ့တာပါ။
စပို့တင်းလစ္စဘွန်းအသင်းကနေ ပေါင် ၆၄ သန်းနဲ့ ပြောင်းရွှေ့လာခဲ့တဲ့ ဆွီဒင် တိုက်စစ်မှူး ယိုကီရက်စ်ဟာ ပြီးခဲ့တဲ့ စပါးအသင်းနဲ့ပွဲမှာ မိနစ်အနည်းငယ်ပဲ ပါဝင်ကစားခွင့် ရခဲ့ပေမယ့် ဗီလာရီးရယ်လ်အသင်းကို ၃ ဂိုး-၂ ဂိုးနဲ့ အရေး နိမ့်ခဲ့တဲ့ ရာသီကြိုခြေစမ်းပွဲမှာ အာဆင်နယ်အသင်းရဲ့ ပွဲထွက်လူစာရင်းထဲ ပါဝင်ခဲ့ရတာဖြစ်ပါတယ်။
ယိုကီရက်စ်ကို တွေ့ရစဉ်
ယိုကီရက်စ်ဟာ ဒီပွဲမှာ အာဆင်နယ်အသင်းအတွက် တစ်နာရီကျော်ကြာ ပါဝင်ကစားခဲ့ပေမယ့် ဂိုးသွင်းနိုင်မယ့် အခွင့်အရေး အနည်းငယ်သာ ရရှိခဲ့တာပါ။
ယိုကီရက်စ်ဟာ လူစားလဲ မခံရမီမှာ ဂိုးသွင်းနိုင်ဖို့ အကောင်းဆုံး အခွင့်အရေး ရခဲ့ပေမယ့် သူ့ရဲ့ အားပါတဲ့ ကန်သွင်းမှုကို ဗီလာရီးရယ်လ်အသင်း ဂိုးသမား ကာကွယ်သွားနိုင်ခဲ့တာ ဖြစ်ပါတယ်။
ယိုကီရက်စ်ဟာ အာဆင်နယ်အသင်းနဲ့ ပူးပေါင်းတာ တစ်ပတ်ကျော်သာ ရှိသေးသလို လေ့ကျင့်ခန်း အစီအစဉ် အနည်းငယ်သာ ပြုလုပ်သေးရတဲ့အတွက် ရာသီသစ်စတင်ချိန်မှာ သူ့ရဲ့အကောင်းဆုံးပုံစံကို မြင်တွေ့ရမယ်လို့ နည်းပြအာတီတာက ပြောခဲ့တာပါ။
ဒါအပြင် အာတီတာက ဗီလာရီးရယ်လ်အသင်းနဲ့ပွဲက ရလဒ်ဟာ နာကျင်ဖို့ကောင်းပြီး သူတို့ဟာ နေရာစုံမှာ ကောင်းမွန်စွာ မလုပ်နိုင်တဲ့အတွက် ရှုံးနိမ့်ခဲ့ရတာလို့ ပြောခဲ့ပါတယ်။
အာဆင်နယ်အသင်းဟာ ပရီးမီးယားလိဂ် ရာသီသစ် မစတင်မီ နောက်ဆုံးပွဲစဉ်အဖြစ် သြဂုတ် ၉ ရက်မှာ ဘီလ်ဘာအိုအသင်းနဲ့ အမ်းမရိတ်စ် ဖလားပွဲစဉ် ယှဉ်ပြိုင်သွားမှာဖြစ်ပါတယ်။
Source: Dailymail
- By CNI
- Category: အားကစား
- Hits: 371
CNI Sport News
၂၀၂၅ ခုနှစ်၊ ဩဂုတ် ၆
မာဆေးလ်အသင်း တိုက်စစ်မှူး ဂရင်းဝုဒ်ဟာ ဂျမေကာနိုင်ငံသားခံယူခွင့်နဲ့ ပတ်စပို့ ရရှိခဲ့ပြီးနောက် ဂျမေကာ လက်ရွေးစင်အသင်းအတွက် ပါဝင်ကစားဖို့ နီးစပ်လာခဲ့ပြီ ဖြစ်ပါတယ်။
ဂရင်းဝုဒ်ဟာ ၂၀၂၀ ခုနှစ်၊ စက်တင်ဘာက အိုက်စလန်အသင်းနဲ့ပွဲမှာ အင်္ဂလန်အသင်းအတွက် တစ်ပွဲသာ ပါဝင် ကစားခဲ့ပြီးကတည်းက နိုင်ငံအသင်းပွဲတွေနဲ့ ဝေးကွာနေတာပါ။
ဂရင်းဝုဒ်ဟာ ယူနိုက်တက်အသင်းမှာ ကစားနေချိန် မုဒိမ်းမှု အပါအဝင် စွဲချက် အများအပြားနဲ့ ရင်ဆိုင်ခဲ့ရပေမယ့် ၂၀၂၃ ခုနှစ်၊ ဖေဖော်ဝါရီမှာ ဒီစွဲချက်တွေကနေ လွတ်မြောက်ခဲ့တာ ဖြစ်ပါတယ်။
ဂရင်းဝုဒ်ဟာ ယူနိုက်တက်အသင်းကနေ ဂီတာဖေးအသင်းထံ အငှားသွားရောက် ကစားခဲ့ပြီး ခြေစွမ်းပြသနိုင်ခဲ့ သလို ပြီးခဲ့တဲ့နွေရာသီက မာဆေးလ်အသင်းထံ အပြီးသတ် ပြောင်းရွှေ့ခဲ့တာပါ။
ဂရင်းဝုဒ်ကို တွေ့ရစဉ်
ဂရင်းဝုဒ်ဟာ မာဆေးလ်အသင်းမှာ ဂိုးတွေသွင်းယူပြီး ခြေစွမ်းပြသခဲ့ပေမယ့် အင်္ဂလန်အသင်းဟာ သူ့ကို ရွေးချယ် ခြင်း မရှိခဲ့တာကြောင့် ဂျမေကာ လက်ရွေးစင်အသင်းအတွက် ပြောင်းလဲကစားဖို့ ကြိုးပမ်းခဲ့တာဖြစ်ပါတယ်။
အင်္ဂလန်ဘောလုံးအဖွဲ့ချုပ်(FA)က ဂရင်းဝုဒ်ဟာ ဂျမေကာ လက်ရွေးစင်အသင်းအတွက် ကစားမယ်လို့ အတည်ပြု ခဲ့သလို အခုအချိန်မှာ ဂျမေကာနိုင်ငံသားခံယူခွင့်နဲ့ ပတ်စပို့လည်း ရရှိခဲ့တာကြောင့် လာမယ့် နိုင်ငံတကာပွဲတွေမှာ ဂျမေကာအသင်းအတွက် ပါဝင်ကစားတော့မှာပါ။
ဂရင်းဝုဒ်ဟာ လာမယ့်လမှာ ယှဉ်ပြိုင်မယ့် ဘာမြူဒါ၊ ထရီနီဒတ်နှင့် တိုဘာဂို အသင်းတို့နဲ့ ၂၀၂၆ ကမ္ဘာ့ဖလား ခြေစစ်ပွဲမှာ ဂျမေကာအသင်းအတွက် ပါဝင်ဖို့ရှိနေပါတယ်။
အင်္ဂလန်အသင်း နည်းပြဟောင်း စတိဗ်မက္ကလာရင် ကိုင်တွယ်နေတဲ့ ဂျမေကာအသင်းဟာ သူတို့ရဲ့မိသားစု ဆက်စပ်မှုတွေနဲ့ ဗြိတိန်အခြေစိုက် ကစားသမားတွေကို နိုင်ငံအသင်းအတွက် ပါဝင်ကစားဖို့ လုပ်ဆောင်နေတာပါ။
ဂျမေကာအသင်းဟာ ဘရန်ဖို့ဒ်အသင်းက ရီကိုဟင်နရီနဲ့ စပါးအသင်းက ဟော်လ်တို့ကိုလည်း လူစာရင်းထဲ ထည့်သွင်းထားပါတယ်။
ဂျမေကာအသင်းဟာ ၁၉၉၈ ခုနှစ်နောက်ပိုင်း ဒုတိယအကြိမ်မြောက် ကမ္ဘာ့ဖလားပြိုင်ပွဲ ယှဉ်ပြိုင်ခွင့် ရရှိဖို့အတွက် ၂၀၂၆ ကမ္ဘာ့ဖလား ခြေစစ်ပွဲ အောင်မြင်ဖို့ ရည်မှန်းထားတာ ဖြစ်ပါတယ်။
Source: BBC
- By CNI
- Category: အားကစား
- Hits: 457
CNI Sport News
၂၀၂၅ ခုနှစ်၊ ဩဂုတ် ၈
အာဆင်နယ်အသင်း ကွင်းလယ်လူဟောင်း ဝီလ်ရှိုင်းယားဟာ လစ်လပ်နေတဲ့ အသင်းရဲ့ ယူ-၂၁ နည်းပြချုပ် ရာထူး ရယူပြီး ငယ်ဘဝကလပ်ထံ ပြန်လာဖွယ်ရှိနေပါတယ်။
အာဆင်နယ်အသင်းဟာ ဘရန်ဖို့ဒ်အသင်းမှာ အသင်းကြီး နည်းပြအဖွဲ့ဝင်အဖြစ် တာဝန်ထမ်းဆောင်ဖို့ ထွက်ခွာခဲ့ တဲ့ မီမတ်အလီရဲ့ နေရာမှာ ယူ-၂၁ နည်းပြချုပ်သစ် ခန့်အပ်ဖို့ ရှာဖွေနေတာပါ။
ဝီလ်ရှိုင်းယားဟာ ကစားသမားဘဝကနေ အနားယူပြီးနောက် အာဆင်နယ်အသင်းမှာ ယူ-၁၈ နည်းပြချုပ်အဖြစ် တာဝန်ယူခဲ့ပေမယ့် ချန်ပီယံရှစ်ကလပ် နော်ဝစ်ချ်အသင်းမှာ နည်းပြအဖွဲ့ဝင်အဖြစ် ဆောင်ရွက်ဖို့ ထွက်ခွာခဲ့တာ ဖြစ်ပါတယ်။
ဝီလ်ရှိုင်းယားဟာ ပြီးခဲ့တဲ့ ဧပြီက နော်ဝစ်ချ်အသင်းကို ယာယီနည်းပြအဖြစ် တာဝန်ယူခဲ့ပေမယ့် ကလပ်အသင်းက အမြဲတမ်း နည်းပြအဖြစ် လီယန်မန်နင်းကို ခန့်အပ်ခဲ့ပြီးနောက် ချန်ပီယံရှစ်ကလပ်ရဲ့ နည်းပြအဖွဲ့ထဲကနေ ထွက်ခွာခဲ့တာပါ။
ဝီလ်ရှိုင်းယားကို တွေ့ရစဉ်
အသက် ၃၃ နှစ်အရွယ်ရှိ ဝီလ်ရှိုင်းယားဟာ နောက်ထပ် အသင်းတစ်သင်းကို ကိုင်တွယ်ဖို့ အဆင်သင့် ဖြစ်နေချိန် မှာ အာဆင်နယ်အသင်းထံ ပြန်လာဖို့ အလားအလာ ရှိနေတာဖြစ်ပါတယ်။
ဝီလ်ရှိုင်းယားဟာ အာဆင်နယ် ယူ-၁၈ အသင်းကို ကိုင်တွယ်ခဲ့ချိန်က ၂၀၂၃ FA Youth Cup ဗိုလ်လုပွဲ ရောက်ရှိ အောင် ပို့ဆောင်ပေးနိုင်ခဲ့ပြီး အာဆင်နယ်အသင်းဟာ ယူ-၂၁ နည်းပြချုပ် ရာထူးအတွက် တိကျတဲ့ ဆုံးဖြတ်ချက် ချရခြင်း မရှိသေးပါဘူး။
ဝီလ်ရှိုင်းယားဟာ ပလိုင်မောက်အသင်းရဲ့ နည်းပြရာထူးအတွက် အင်တာဗျူး ဖြေခဲ့ပေမယ့် လိဂ်ဝမ်းကလပ်ဟာ ယူနိုက်တက်အသင်း ကွင်းလယ်လူဟောင်း ကလီဗာလေကို နည်းပြသစ်အဖြစ် ခန့်အပ်ခဲ့တာပါ။
ဝီလ်ရှိုင်းယားဟာ အသင်းကြီးတစ်သင်းကို အမြဲတမ်းနည်းပြအဖြစ် ကိုင်တွယ်ဖို့ ဆန္ဒရှိနေပေမယ့် အာဆင်နယ် အသင်းထံ ပြန်လာခွင့်ရမယ့် အခွင့်အရေးကိုလည်း လက်လွှတ် မခံချင်ဘူးလို့ သတင်းမှာ ဖော်ပြထားပါတယ်။
Source: Goal
- By CNI
- Category: အားကစား
- Hits: 336
CNI Sport News
၂၀၂၅ ခုနှစ်၊ ဩဂုတ် ၆
အင်္ဂလန်နောက်ခံလူ မက်ဂွဲယားဟာ ယူနိုက်တက်အသင်းနဲ့ စာချုပ်သက်တမ်းတိုးပြီး သူ့ရဲ့ကစားသမားဘဝကို အသင်းမှာ အဆုံးသတ်ဖို့ ဆန္ဒရှိနေတယ်လို့ ဗြိတိန်မီဒီယာတွေက ဖော်ပြထားပါတယ်။
ယူနိုက်တက်အသင်းဟာ ဒီနွေရာသီ အပြောင်းအရွှေ့မှာ မက်ဂွဲယားကို ခေါ်ယူဖို့ ပရီးမီးယားလိဂ်နဲ့ အီတလီကလပ် အသင်းတွေ အပါအဝင် အသင်းအချို့ရဲ့ ကမ်းလှမ်းမှုရရှိခဲ့တာကို ပယ်ချထားတာပါ။
ယူနိုက်တက်အသင်းမှာ တစ်ပတ်လုပ်ခ ပေါင် ၁၉၀,၀၀၀ ရရှိနေတဲ့ အသက် ၃၂ နှစ်အရွယ်ရှိ မက်ဂွဲယားရဲ့ စာချုပ် ဟာ လာမယ့်ရာသီကုန်ရင် ကုန်ဆုံးပြီ ဖြစ်ပါတယ်။
၂၀၁၉ ခုနှစ်က လက်စတာအသင်းကနေ ပေါင်သန်း ၈၀ နဲ့ ရောက်ရှိလာခဲ့တဲ့ မက်ဂွဲယားဟာ ယူနိုက်တက်အသင်း မှာ ဆက်ရှိဖို့ စိတ်အားထက်သန်နေတာပါ။
ယူနိုက်တက်အသင်းနဲ့ မက်ဂွဲယားတို့ဟာ စာချုပ်သက်တမ်းတိုးဖို့ ဆွေးနွေးမှုတွေ မပြုလုပ်ရသေးပေမယ့် ကလပ် အသင်းဘက်ကလည်း သူ့ကိုအသင်းမှာ ဆက်ပြီးထိန်းထားချင်တာကြောင့် ခေါ်ယူဖို့ စိတ်ဝင်စားနေတဲ့ အသင်းတွေ ရဲ့ ချဉ်းကပ်မှုတွေကို ပယ်ချခဲ့တာဖြစ်ပါတယ်။
မက်ဂွဲယားဟာ ယူနိုက်တက်အသင်းမှာ ဝေဖန်မှု အများအပြားခံခဲ့ရပြီး အသင်းခေါင်းဆောင် ရာထူးကနေ ဖယ်ရှား ခံခဲ့ရသလို အသင်းပြောင်းဖို့ နီးစပ်ခဲ့သေးတာပါ။ ၏
မက်ဂွဲယားကိုတွေ့ရစဉ်
ဒါပေမယ့် မက်ဂွဲယားဟာ နောက်ပိုင်းမှာ အကောင်းဆုံးပုံစံတွေ ပြသနိုင်ခဲ့ပြီး နည်းပြအာမိုရင်ရဲ့ အဓိက ကစားသမားအဖြစ် ရှိနေတာဖြစ်ပါတယ်။
မက်ဂွဲယားဟာ ရာသီသစ်မတိုင်မီ ယူနိုက်တက်အသင်းရဲ့ ခေါင်းဆောင် အစုအဖွဲ့ထဲမှာ ထည့်သွင်းခြင်း ခံထားရပြီး အသင်းခေါင်းဆောင် ဘရူနိုဖာနန်ဒက်စ် မပါဝင်နိုင်ချိန်မှာ အသင်းခေါင်းဆောင်အဖြစ် တာဝန်ယူရမှာပါ။
မက်ဂွဲယားဟာ ယူနိုက်တက်အသင်းအတွက် ၂၄၆ ပွဲ ပါဝင်ကစားထားပြီး ၁၅ ဂိုးသွင်းယူကာ အင်္ဂလန်လက်ရွေးစင် အသင်းအတွက် ၆၄ ပွဲ ကစားထားပြီး ၇ ဂိုးသွင်းယူထားပါတယ်။
ရာသီသစ်အတွက် ပြင်ဆင်နေတဲ့ ယူနိုက်တက်အသင်းဟာ ပရီးမီးယားလိဂ် အဖွင့်ပွဲစဉ် မတိုင်မီ နောက်ဆုံး ခြေစမ်းပွဲအဖြစ် သြဂုတ် ၉ ရက်မှာ ဖီအိုရင်တီးနားအသင်းနဲ့ ယှဉ်ပြိုင်မှာဖြစ်ပါတယ်။
Source: Goal
- By CNI
- Category: အားကစား
- Hits: 378
CNI Sport News
၂၀၂၅ ခုနှစ်၊ ဩဂုတ် ၆
ဘာစီလိုနာအသင်းဟာ ရာသီသစ် လာလီဂါပြိုင်ပွဲ မစတင်မီမှာ ရက်ရှ်ဖို့ဒ် အပါအဝင် ကစားသမား ၆ ဦးကို အသင်း လူစာရင်းထဲ စာရင်းသွင်းနိုင်မယ်လို့ ယုံကြည်မှုရှိနေပါတယ်။
ရက်ရှ်ဖို့ဒ်ဟာ ယူနိုက်တက်အသင်းကနေ ရာသီကုန်အထိ အငှားစာချုပ်နဲ့ ဘာစီလိုနာအသင်းထံ ပြောင်းရွှေ့ လာခဲ့ပြီး ဒေဂူးအသင်းနဲ့ အာရှရာသီကြို ခြေစမ်းပွဲမှာ ၁ ဂိုးသွင်းယူနိုင်ခဲ့တာပါ။
လာလီဂါပြိုင်ပွဲရဲ့ လက်ရှိ ချန်ပီယံ ဘာစီလိုနာအသင်းဟာ သူတို့ရဲ့ဘဏ္ဍာရေး အခြေအနေကြောင့် ရာသီတိုင်းမှာ ကစားသမားတွေကို လိဂ်ပြိုင်ပွဲ လူစာရင်းထဲ ထည့်သွင်းနိုင်ဖို့ အခက်အခဲတွေနဲ့ ရင်ဆိုင်နေရတာ ဖြစ်ပါတယ်။
ဘာစီလိုနာအသင်းဟာ ပြီးခဲ့တဲ့ရာသီက အော်လ်မိုနဲ့ ဗစ်တာတို့ကို စာရင်းသွင်းနိုင်ဖို့ ရုန်းကန်ခဲ့ရတာပါ။
သူတို့နှစ်ဦးဟာ ယာယီလိုင်စင်တွေနဲ့ ပြီးခဲ့တဲ့ ရာသီကုန်အထိ ဘာစီလိုနာအသင်းအတွက် ကစားခဲ့ရတာ ဖြစ်ပါတယ်။
ဘာစီလိုနာအသင်း ကစားသမားတွေကို တွေ့ရစဉ်
ဘာစီလိုနာအသင်းဟာ ၂၀၂၅-၂၆ ရာသီသစ် မစတင်မီမှာလည်း ဒီလို အခြေအနေတွေ ကြုံတွေ့နေရပေမယ့် အသင်းအကြီးအကဲ လာပေါ်တာကတော့ ကစားသမား ၆ ဦးကို လာလီဂါပြိုင်ပွဲအတွက် လူစာရင်းထဲ ထည့်သွင်း နိုင်မယ်လို့ ယုံကြည်နေတာပါ။
စပိန်သတင်းစာ SPORT က ဘာစီလိုနာအသင်းဟာ စပွန်ဆာ သဘောတူညီမှု အသစ်နဲ့ ရက်ရှ်ဖို့ဒ် အပါအဝင် ကစားသမား ၆ ဦးကို စာရင်းသွင်းနိုင်ဖို့ မျှော်လင့်ထားတယ်လို့ ဖော်ပြထားပါတယ်။
ဘာစီလိုနာအသင်းဟာ ရက်ရှ်ဖို့ဒ်၊ ဂိုးသမားသစ် ယိုအန်ဂါစီယာနဲ့ ဆက်ဇနီတို့ကို ရာသီသစ်အတွက် ဦးစားပေး စာရင်း သွင်းချင်နေတယ်လို့ သိရပါတယ်။
ပိုလန်ဂိုးသမားဆက်ဇနီနဲ့ ဘာစီလိုနာအသင်းရဲ့ ကာလတို စာချုပ်ဟာ ကုန်ဆုံးသွားခဲ့ပြီးနောက် စာချုပ်သစ် ချုပ်ဆိုခဲ့တဲ့အတွက် ပြန်လည် စာရင်းသွင်းဖို့ လိုအပ်တာပါ။
ဘာစီလိုနာအသင်းဟာ ကစားသမားသစ် ရွန်နီနဲ့အတူ နောက်ထပ်ကစားသမား ၃ ဦးကိုလည်း အသင်းကြီး လူစာရင်းထဲ ထည့်သွင်းနိုင်ဖို့ စီစဉ်ထားပါတယ်။
ဘာစီလိုနာအသင်းဟာ လာမယ့် ယိုအန်ဂန်ပါ ဖလားပွဲမတိုင်မီ လာလီဂါမှာ ကစားသမား စာရင်းသွင်းမှုကို အပြီးသတ်နိုင်ဖို့ လုပ်ဆောင်နေတာပါ။
ဘာစီလိုနာအသင်းဟာ လာလီဂါ အဖွင့်ပွဲစဉ်အဖြစ် သြဂုတ် ၁၆ ရက်မှာ မာယော့ကာအသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Dailymail
- By CNI
- Category: အားကစား
- Hits: 347
CNI Sport News
၂၀၂၅ ခုနှစ်၊ ဩဂုတ် ၅
ချယ်လ်ဆီးအသင်းဟာ အင်္ဂလန်တောင်ပံ ကစားသမား စတာလင် အပါအဝင် ကစားသမား ၉ ဦးကို အသင်း ဝက်ဘ်ဆိုက်ရဲ့ အသင်းကြီး လူစာရင်းမှာ ဖယ်ရှားခဲ့ပါတယ်။
ပြီးခဲ့တဲ့ရာသီက အာဆင်နယ်အသင်းမှာ အငှားကစားခဲ့တဲ့ စတာလင်ဟာ ချယ်လ်ဆီးအသင်းထံ ပြန်ရောက်နေ ပေမယ့် အသင်းကြီးနဲ့အဝေးမှာ သီးခြားလေ့ကျင့်မှုတွေ ပြုလုပ်နေရတာပါ။
ချယ်လ်ဆီးအသင်းဟာ လာမယ့် ၂၀၂၅-၂၆ ရာသီအတွက် အသင်းကြီး ကစားသမား ၃၁ ဦးစာရင်းကို သူတို့ရဲ့ တရားဝင် ဝက်ဘ်ဆိုက်မှာ ဖော်ပြထားတာ ဖြစ်ပါတယ်။
ဒီစာရင်းထဲမှာ ပြီးခဲ့တဲ့ရက်ပိုင်းကမှ အေဂျက်စ်အသင်းကနေ ခေါ်ယူခဲ့တဲ့ နောက်ခံလူ ဟာတို အပါအဝင် နွေရာသီမှာ ခေါ်ယူခဲ့တဲ့ ကစားသမားသစ်တွေ အားလုံးပါဝင်ခဲ့တာပါ။
စတာလင်၊ ဘန်ချီဝဲလ်၊ ဒီဆာဆီ၊ ဗီဂါ၊ ဂီလ်ခရစ်၊ ချူကွီမီကာ၊ အူဂိုချူကွီ၊ ဘရိုဂျာနဲ့ ဖိုဖာနာတို့ကတော့ ချယ်လ်ဆီးအသင်းကြီး လူစာရင်းထဲမှာ မပါဝင်ခဲ့တာ ဖြစ်ပါတယ်။
ချယ်လ်ဆီးကစားသမားတွေကို တွေ့ရစဉ်
အူဂိုချူကွီနဲ့ ဘရိုဂျာတို့ဟာ ဘန်လေအသင်းထံ ပြောင်းရွှေ့မှာဖြစ်ပြီး ချူကွီမီကာကတော့ ပြီးခဲ့တဲ့ရာသီက အငှားကစားခဲ့တဲ့ ဒေါ့မွန်အသင်းနဲ့ အပြောင်းအရွှေ့အတွက် ဆွေးနွေးမှုတွေ ပြုလုပ်နေတာပါ။
ချယ်လ်ဆီးအသင်းရဲ့ အစီအစဉ်မှာ မပါဝင်တော့တဲ့ စတာလင်ဟာ နာပိုလီ၊ ဖူလ်ဟမ်၊ လေဗာကူဆင်အသင်းတို့နဲ့ ချိတ်ဆက်မှုတွေ ခံနေရပါတယ်။
ဒီနွေရာသီ အပြောင်းအရွှေ့မှာ ချယ်လ်ဆီးအသင်းကနေ ထွက်ခွာဖွယ်ရှိတဲ့ ပြင်သစ်တိုက်စစ်မှူး အန်ကွန်ကူဟာ အသင်းကြီး လူစာရင်းထဲမှာ ပါဝင်ခဲ့ပါတယ်။
ချယ်လ်ဆီးအသင်းဟာ နွေရာသီ အပြောင်းအရွှေ့မပိတ်မီမှာ ကစားသမား အများအပြားကို ရောင်းချဖို့ လုပ်ဆောင် နေသလို ယူနိုက်တက်အသင်းက ဂါနာချိုနဲ့ လိုက်ပ်ဇစ်အသင်းက ဇာဗီဆိုင်မွန်တို့ကို ခေါ်ယူနိုင်ဖို့လည်း ကြိုးပမ်း နေပါတယ်။
ရာသီကြို လေ့ကျင့်မှုတွေ ပြန်လည် စတင်နေပြီဖြစ်တဲ့ ချယ်လ်ဆီးအသင်းဟာ လာမယ့်ရက်ပိုင်းအတွင်း လေဗာကူဆင်၊ အေစီမီလန်အသင်းတို့နဲ့ ခြေစမ်းပွဲယှဉ်ပြိုင်မှာ ဖြစ်ပါတယ်။
Source: Goal
- By CNI
- Category: အားကစား
- Hits: 332
CNI Sport News
၂၀၂၅ ခုနှစ်၊ ဩဂုတ် ၅
ပရီးမီးယားလိဂ် ထိပ်သီးကလပ်တွေရဲ့ ပစ်မှတ် ဘရာဇီးလ်ကြယ်ပွင့် ရိုဒရီဂိုဟာ ရီးရယ်လ်အသင်းမှာ ဆက်နေပြီး နည်းပြ ဇာဘီအလွန်ဆိုရဲ့ ယုံကြည်မှုကို ရယူဖို့ ဆုံးဖြတ်ခဲ့ပါတယ်။
ပြီးခဲ့တဲ့ရာသီတွေမှာ ရီးရယ်လ်အသင်းရဲ့ အဓိက ကစားသမားဖြစ်ခဲ့တဲ့ ရိုဒရီဂိုဟာ ဒီနွေရာသီမှာ အသင်းကနေ ထွက်ခွာဖို့ ချိတ်ဆက်ခံရမှုတွေနဲ့အတူ အနာဂတ် မရေမရာဖြစ်နေခဲ့တာပါ။
ရိုဒရီဂိုဟာ ရီးရယ်လ်အသင်းမှာ ပုံမှန်ပွဲထွက်ခွင့် ရရှိချင်တာကြောင့် သူ့ရဲ့နေရာအတွက် တိုက်ပွဲဝင်ဖို့ ဆန္ဒရှိနေ သလို အလုပ်ကို ကြိုးစားလုပ်ဆောင်သွားဖို့ ပြင်ဆင်နေတယ်လို့ AS သတင်းမှာဖော် ပြထားပါတယ်။
ပရီးမီးယားလိဂ် ကလပ်တွေရဲ့ စိတ်ဝင်စားမှုတွေ ရရှိထားတဲ့ ရိုဒရီဂို အတွက် ရီးရယ်လ်အသင်းဟာ မြင့်မားတဲ့ ပြောင်းရွှေ့ကြေးကို တောင်းဆိုထားတာပါ။
ရိုဒရီဂိုဟာ ပြီးခဲ့တဲ့ရာသီက ရီးရယ်လ်အသင်းအတွက် ၅၄ ပွဲ ပါဝင်ကစားခဲ့ပြီး ၁၄ ဂိုး သွင်းယူကာ ဂိုးဖန်တီးမှု ၁၀ ကြိမ် ပြုလုပ်နိုင်ခဲ့ပါတယ်။
ဒါပေမယ့် ရိုဒရီဂိုဟာ စပိန်လာလီဂါမှာ ပွဲကစားချိန် မိနစ်တွေ နည်းပါးသွားခဲ့သလို ဂိုးမိုးခေါင်မှုတွေ ကြုံတွေ့ ခဲ့ရတာပါ။
ရိုဒရီဂိုကို တွေ့ရစဉ်
ရိုဒရီဂိုဟာ ပြီးခဲ့တဲ့ ဖီဖာကလပ် ကမ္ဘာ့ဖလားပြိုင်ပွဲမှာ နည်းပြဇာဘီအလွန်ဆိုရဲ့ အထင်ကြီးမှုကို မရခဲ့ပေမယ့် သူဟာ စပိန်လူမျိုးနည်းပြ လက်ထက်မှာ သူ့ရဲ့ အကောင်းဆုံးပုံစံကို ပြသနိုင်ဖို့ ကတိပြုထားတာဖြစ်ပါတယ်။
ရီးရယ်လ်အသင်းဟာ ရိုဒရီဂိုအတွက် ယူရိုသန်း ၁၀၀ တန်ကြေး သတ်မှတ်ထားပြီး စပါးအသင်းက သူ့ကို ထွက်ခွာမယ့် ဆွန်ဟောင်မင်ရဲ့ နေရာမှာ အစားထိုးချင်နေတာပါ။
ရိုဒရီဂိုဟာ ရီးရယ်လ်အသင်းမှာ အာဒါဂူလာ၊ ဘရာဟင်ဒီယက်ဇ်၊ ကစားသမားသစ် မာစတန်တူအိုနိုတို့နဲ့ နေရာ အတွက် ပြိုင်ဆိုင်ရဖွယ် ရှိနေပါတယ်။
ရီးရယ်လ်အသင်းဟာ ၂၀၂၈ ခုနှစ် နွေရာသီအထိ စာချုပ်ရှိနေတဲ့ ရိုဒရီဂိုကို ရောင်းချဖို့ အလျင်စလို ပြုလုပ်သွားဖို့ မရှိဘူးလို့ သိရပါတယ်။
ရိုဒရီဂိုဟာ ရာသီကြို လေ့ကျင့်မှုတွေ ပြန်လည် စတင်နေပြီဖြစ်တဲ့ ရီးရယ်လ်အသင်းနဲ့ ပူးပေါင်းနေပြီး အိုဆာဆူနာ အသင်းနဲ့ လာလီဂါ အဖွင့်ပွဲစဉ်မှာ ပွဲထွက်လူစာရင်း ပါဝင်ချင်ရင် သူ့ရဲ့ အရည်အသွေးတွေကို နည်းပြ ဇာဘီအလွန်ဆို သဘောကျအောင် ပြသရမှာဖြစ်ပါတယ်။
Source: Goal
- By CNI
- Category: အားကစား
- Hits: 360
CNI Sport News
၂၀၂၅ ခုနှစ်၊ ဩဂုတ် ၅
အင်္ဂလန်ကြယ်ပွင့် ရက်ရှ်ဖို့ဒ်ဟာ ဘာစီလိုနာအသင်းက ဒေဂူးအသင်းကို ၅ ဂိုး-ဂိုးမရှိနဲ့ အနိုင်ရခဲ့တဲ့ အာရှရာသီကြို ခြေစမ်းခရီးစဉ်မှာ ဘာစီလိုနာအသင်းအတွက် ပထမဆုံးသွင်းဂိုးကို သွင်းယူနိုင်ခဲ့ပါတယ်။
ယူနိုက်တက်အသင်းကနေ ရာသီကုန်အထိ အငှားစာချုပ်နဲ့ ပြောင်းရွှေ့လာခဲ့တဲ့ ရက်ရှ်ဖို့ဒ်ဟာ ဘာစီလိုနာ အသင်းအတွက် ၃ ပွဲမြောက် ပါဝင်ကစားအပြီးမှာ သွင်းဂိုးသွင်းယူနိုင်ခဲ့တာပါ။
ရက်ရှ်ဖို့ဒ်ဟာ ဗစ်ဆဲလ်ကိုဘီအသင်းကို ၃ ဂိုး-၁ ဂိုးနဲ့ အနိုင်ရခဲ့တဲ့ပွဲမှာ ဘာစီလိုနာအသင်းအတွက် ပွဲဦးထွက် ပါဝင်ခဲ့ပြီး ဆိုးလ်အသင်းကို ၇ ဂိုး-၃ ဂိုးနဲ့ အနိုင်ရခဲ့တဲ့ပွဲမှာ ဂိုးဖန်တီးမှုတစ်ကြိမ် ပြုလုပ်နိုင်ခဲ့တာ ဖြစ်ပါတယ်။
ဒေဂူးအသင်းနဲ့ပွဲစဉ်မှာတော့ ရက်ရှ်ဖို့ဒ်ဟာ အဲရစ်ဂါစီယာရဲ့ ဖန်တီးပေးမှုကို အေးဆေးတည်ငြိမ်စွာ ကန်သွင်းပြီး သွင်းဂိုးရယူနိုင်ခဲ့တာပါ။
ဘာစီလိုနာအသင်းဟာ အာရှရာသီကြို ခြေစမ်းခရီးစဉ်မှာ ၃ ပွဲစလုံး အနိုင်ရခဲ့ပြီးနောက် နည်းပြဟန်ဆီဖလစ်က ရာသီကြိုခြေစမ်းပွဲရဲ့ အရေးကြီးဆုံးအဆင့်တွေထဲက တစ်ခုကို သူတို့ပြီးမြောက်ခဲ့ပြီလို့ ပွဲအပြီးမှာ ပြောခဲ့ပါတယ်။
ရက်ရှ်ဖို့ဒ်ကို တွေ့ရစဉ်
ဒါအပြင် ဟန်ဆီဖလစ်က ကောင်းမွန်စွာ လေ့ကျင့်မှုတွေ ပြုလုပ်နိုင်ခဲ့တာက သူတို့အတွက် အရေးကြီးဆုံး အရာ ဖြစ်ခဲ့ပြီး လိုချင်တဲ့အရာတွေ မြင်တွေ့ခဲ့ရသလို စမ်းသပ်မှုတွေ ကောင်းမွန်ခဲ့တယ်လို့ ပြောခဲ့ပါတယ်။
ဘာစီလိုနာအသင်းဟာ လာမယ့် သြဂုတ် ၁၀ ရက်မှာ နှစ်တိုင်း ကျင်းပနေကျဖြစ်တဲ့ ယိုအန်ဂန်ပါဆုဖလား ပွဲစဉ် အဖြစ် စီးရီးအေကလပ် ကိုမိုအသင်းနဲ့ ယှဉ်ပြိုင်မှာပါ။
ဘာစီလိုနာအသင်းဟာ ဒီဆုဖလားကို ၄၆ ကြိမ်အထိ ရရှိထားပြီး အအောင်မြင်ဆုံးအသင်းအဖြစ် ရပ်တည်နေပါတယ်။
လာလီဂါပြိုင်ပွဲရဲ့ လက်ရှိ ချန်ပီယံ ဘာစီလိုနာအသင်းဟာ ရာသီသစ်မှာ ပြည်တွင်းဆုဖလားတွေကို ကာကွယ်ဖို့နဲ့ ချန်ပီယံလိဂ်ဖလား ရယူနိုင်ဖို့ ပစ်မှတ်ထားနေပါတယ်။
ဘာစီလိုနာအသင်းဟာ ရာသီသစ် လာလီဂါ အဖွင့်ပွဲစဉ်အဖြစ် သြဂုတ် ၁၆ ရက်မှာ မာယော့ကာအသင်းနဲ့ အဝေးကွင်းပွဲစဉ် ယှဉ်ပြိုင်ရမှာဖြစ်ပါတယ်။
Source: Dailymail
Page 45 of 432
Connect with us
