CNI Sport News

၂၀၂၅ ခုနှစ်၊ ဇွန်လ ၂၅

ဘရာဇီးလ် ကြယ်ပွင့်နေမာဟာ ငယ်ဘဝကလပ် ဆန်းတို့စ်အသင်းနဲ့ ၂၀၂၅ ခုနှစ်၊ ဒီဇင်ဘာလ ကုန်အထိ စာချုပ် သက်တမ်းတိုးခဲ့ပါတယ်။ 

အသက် ၃၃ နှစ် အရွယ်ရှိ နေမာဟာ ဆော်ဒီပရိုလိဂ်ကလပ် အယ်လ်ဟီလယ်အသင်းနဲ့ စာချုပ်ဖျက်သိမ်း ခဲ့ပြီးနောက် ဇန်နဝါရီက ဆန်းတို့စ်အသင်းထံ ပြောင်းရွှေ့လာခဲ့တာပါ။ 

နေမာနဲ့ ဆန်းတို့စ်အသင်းရဲ့ စာချုပ်ဟာ ဒီလကုန်ရင် ကုန်ဆုံးမှာဖြစ်တဲ့အတွက် သူ့ရဲ့ အနာဂတ်နဲ့ပတ်သက်ပြီး သတင်းတွေ အများအပြား ထွက်ပေါ်ခဲ့ပါတယ်။ 

ဒါပေမယ့် နေမာဟာ ဆန်းတို့စ်အသင်းနဲ့ စာချုပ်သစ် ချုပ်ဆိုခဲ့ပြီး ဒီစာချုပ်ထဲ မှာ ၂၀၂၆ ကမ္ဘာ့ဖလားပြိုင်ပွဲအထိ သက်တမ်းတိုးဖို့ ရွေးချယ်ခွင့် ပါဝင်တယ်လို့ သိရပါတယ်။

နေမာက “ကျနော် ဆုံးဖြတ်ချက်ချခဲ့ပြီး ကျနော့်ရဲ့ နှလုံးသားကို နားထောင်ခဲ့ပါတယ်။ ဆန်းတို့စ်အသင်းက ကျနော့် အတွက် အသင်းတစ်သင်းတင် မဟုတ်ဘဲ ကျနော့်ရဲ့ အိမ်၊ ကျနော့်ရဲ့သမိုင်းနဲ့ ကျနော့်ရဲ့ဘဝပါ။ ကျနော် ဒီမှာ အလွန်ပျော်ရွှင်ပါတယ်။ ဒီနေရာမှာ ကျနော့်ရဲ့ ကစားသမားဘဝထဲ ပျောက်ဆုံးနေတဲ့ အိပ်မက်တွေကို ဖြည့်ဆည်းချင်ပါတယ်”လို့ ပြောခဲ့တာပါ။ 

ဆန်းတို့စ်အသင်း အကြီးအကဲ တိုင်ဇီရာက နေမာကို စာချုပ်သက်တမ်း တိုးနိုင်ခဲ့တာက ဘရာဇီးလ် ဘောလုံး လောကအတွက် သမိုင်းဝင်ပြီး ထူးခြားတဲ့နေ့ဖြစ်သလို ဆန်းတို့စ်အသင်း ပရိသတ်တွေအတွက် လက်ဆောင် ဖြစ်တယ်လို့ ပြောခဲ့ပါတယ်။

နေမာကို တွေ့ရစဉ် 

နေမာဟာ ပြီးခဲ့တဲ့နှစ်တွေအတွင်းမှာ ဒဏ်ရာတွေနဲ့ ရုန်းကန်ခဲ့ရပေမယ့် ဆန်းတို့စ်အသင်းမှာ ပါဝင်ကစားပြီး ခြေစွမ်းပြန်ပြသ နိုင်ခဲ့တာကြောင့် ပြီးခဲ့တဲ့ မတ်လက ၁၇ လကြာ ဝေးကွာနေတဲ့ ဘရာဇီးလ်အသင်း လူစာရင်းမှာ ပြန်လည်ရွေးချယ်ခံခဲ့ရပါတယ်။ 

ဒါပေမယ့် နေမာဟာ ဒဏ်ရာကြောင့် ဘရာဇီးလ်အသင်းအတွက် ပါဝင်နိုင်ခဲ့ခြင်းမရှိပါဘူး။ 

နေမာဟာ ဆန်းတို့စ် အသင်းအတွက် ၁၂ ပွဲ ပါဝင်ကစားထားပြီး ၃ ဂိုးသွင်းယူကာ ဂိုးဖန်တီးမှု ၃ ကြိမ် ပြုလုပ်ထား တာပါ။ 

ဆန်းတို့စ်အသင်းဟာ ဘရာဇီးလ် စီးရီးအေပြိုင်ပွဲမှာ ၁၂ ပွဲ ကစားထားပြီး ရမှတ် ၁၁ မှတ်နဲ့ အဆင့် ၁၅ နေရာ ရပ်တည်နေတာကြောင့် နေမာအနေနဲ့ အသင်းကို ရလဒ်ကောင်းတွေရရှိအောင် ကူညီပေးရမှာဖြစ်ပါတယ်။ 

Source: BBC

CNI Sport News

၂၀၂၅ ခုနှစ်၊ ဇွန်လ ၂၄

ဂျာမန်ဂန္ထဝင် လိုသာမာသီးယက်စ်က ဘာစီလိုနာအသင်းမှာ အနာဂတ် မရေမရာဖြစ်နေတဲ့ ဂိုးသမားစတီဂန်ကို ခေါ်ယူဖို့ မန်စီးတီးအသင်းကို တိုက်တွန်းမှုပြုလုပ်ခဲ့ပါတယ်။

လိုသာမာသီးယက်စ်က "မန်စီးတီးရဲ့ အစီအစဉ်ကို မသိပေမယ့် သူတို့ဟာ အီဒါဆန်နဲ့ ပတ်သက်ပြီး မပျော်ရွှင် ဘူးလို့ ကျနော်ထင်ပါတယ်။ စတီဂန်ဟာ လာမယ့် ၃ နှစ်၊ ၄ နှစ်တွေမှာ မန်စီးတီးအသင်းရဲ့ ဂိုးသမားဖြစ်နိုင်တယ် လို့ ကျနော်ထင်ပါတယ်။ စတီဂန်အနေနဲ့ ဘာစီလိုနာမှာ အရန်ခုံ ထိုင်ရမယ်ဆိုရင် ဂျာမနီမှာ ပွဲထွက်ခွင့်ရမှာ မဟုတ်ပါဘူး။ ကျနော်ကတော့ ဘာစီလိုနာကနေ စတီဂန်ထွက်ခွာဖို့ မျှော်လင့်တယ်"လို့ Sky Sports Germany မှာ ရေးသားခဲ့တာပါ။

ဘာစီလိုနာအသင်းဟာ မြို့ခံပြိုင်ဘက် အက်စ်ပန်ညိုအသင်းကနေ ဂိုးသမားဂါစီယာကို ခေါ်ယူခဲ့တာကြောင့် ပြီးခဲ့တဲ့ရာသီ ကုန်ခါနီးမှာ အသင်းအတွက် ပွဲတွေပြန်ကစားနိုင်ခဲ့တဲ့ ဂိုးသမားစတီဂန်ရဲ့ အနာဂတ်ဟာ သံသယ ဖြစ်လာခဲ့ပါတယ်။ 

အဲဒါကြောင့်လည်း လိုသာမာသီးယက်စ်က မန်စီးတီးအသင်းအနေနဲ့ အီဒါဆန်ရဲ့ နေရာမှာ အစားထိုးဖို့ စတီဂန်ကို ခေါ်ယူသင့်တယ်လို့ ပြောခဲ့တာပါ။ 

စတီဂန်ကို တွေ့ရစဉ်

ဘာစီလိုနာအသင်းဟာ ပြီးခဲ့တဲ့ရာသီက စတီဂန် ဒဏ်ရာရချိန်မှာ အရေးပေါ် ခေါ်ယူခဲ့တဲ့ ဂိုးသမား ဆက်ဇနီ ကိုလည်း ၂ နှစ်စာချုပ် သက်တမ်းတိုးဖို့ ရှိနေပါတယ်။ 

စတီဂန်အနေနဲ့ ဘာစီလိုနာအသင်းမှာ ဆက်ရှိချင်တယ်ဆိုရင် အသင်းရဲ့နံပါတ်တစ် ဂိုးသမားနေရာအတွက် ဆက်ဇနီ၊ ဂါစီယာတို့နဲ့ ယှဉ်ပြိုင်ရမှာပါ။ 

မန်စီးတီးအသင်းဟာ နည်းပြဂွာဒီယိုလာ အသင်းကို စတင်ကိုင်တွယ်ခဲ့တဲ့ ပထမရာသီမှာ စတီဂန်ကို ခေါ်ယူဖို့ ကြိုးစားခဲ့ပေမယ့် ဘာစီလိုနာအသင်းက သူ့ကို ရောင်းချဖို့ ငြင်းဆန်ပြီး သူ့အစား ဘရာဗိုကို ရောင်းချခဲ့တာ ဖြစ်ပါတယ်။ 

မန်စီးတီးအသင်းရဲ့ ဘရာဇီးလ်ဂိုးသမား အီဒါဆန်ဟာ အသင်းနဲ့ စာချုပ်တစ်နှစ်သာ ကျန်ရှိတော့ပြီး မနှစ်က ရာသီမှာ အမှားအယွင်း အများအပြား ပြုလုပ်ခဲ့တာပါ။

မန်စီးတီးအသင်းဟာ အီဒါဆန်ရဲ့ နေရာမှာ အစားထိုးဖို့ ဂိုးသမားအချို့ကို ပစ်မှတ်ထား စောင့်ကြည့်မှုတွေ ပြုလုပ်နေပါတယ်။ 

စတီဂန်ဟာ သူ့ရဲ့ ဘာစီလိုနာအသင်း အနာဂတ်နဲ့ပတ်သက်ပြီး နည်းပြ ဟန်ဆီဖလစ်နဲ့ ဆွေးနွေးမှုပြုလုပ်ဖို့ စီစဉ်ထားတယ်လို့ သိရပါတယ်။ 

Source: Goal

CNI Sport News

၂၀၂၅ ခုနှစ်၊ ဇွန်လ ၂၄

အင်တာမိုင်ယာမီအသင်းဟာ ဖီဖာကလပ်ကမ္ဘာ့ဖလား အုပ်စုနောက်ဆုံးပွဲစဉ်မှာ ပါလ်မီးရပ်စ်အသင်းနဲ့ ၂ ဂိုးစီ သရေကျခဲ့ပြီးနောက် ၁၆ သင်းအဆင့်မှာ ဥရောပချန်ပီယံ PSG အသင်းနဲ့ တွေ့ဆုံရမှာ ဖြစ်ပါတယ်။ 

အင်တာမိုင်ယာမီအသင်းဟာ ဒီပွဲမှာ ပါလ်မီးရပ်စ်အသင်းကို ဦးဆောင်ဂိုး ၂ ဂိုး သွင်းယူနိုင်ခဲ့ပေမယ့် ပွဲပြီးခါနီးမှာ ချေပဂိုးတွေ ပြန်ပေးခဲ့ရတာကြောင့် သရေရလဒ်နဲ့ ပွဲပြီးဆုံးခဲ့တာပါ။ 

အင်တာမိုင်ယာမီနဲ့ ပါလ်မီးရပ်စ်အသင်းတို့ဟာ သရေ ရလဒ်ကြောင့် ၂ သင်းစလုံး ကလပ်ကမ္ဘာ့ဖလားပြိုင်ပွဲ ၁၆ သင်းအဆင့်ကို တက်နိုင်ခဲ့တာ ဖြစ်ပါတယ်။ 

ပါလ်မီးရပ်စ်နဲ့ အင်တာမိုင်ယာမီအသင်းတို့ဟာ အုပ်စုပွဲစဉ် ၃ ပွဲ ကစားအပြီးမှာ ရမှတ် ၅ မှတ်စီ တူညီနေပေမယ့် ဂိုးကွာခြားချက်ကြောင့် ပါလ်မီးရပ်စ်က အုပ်စုပထမ၊ အင်တာမိုင်ယာမီက အုပ်စုဒုတိယ ရရှိခဲ့တာပါ။ 

အင်တာမိုင်ယာမီအသင်းနဲ့ PSG ယှဉ်ပြိုင်နေစဉ်

အဲဒါကြောင့် ပါလ်မီးရပ်စ်အသင်းဟာ ၁၆ သင်းအဆင့်မှာ ဘရာဇီးလ်ပြိုင်ဘက် ဘိုတာဖိုဂိုအသင်းနဲ့ ယှဉ်ပြိုင်ရမှာ ဖြစ်ပြီး အင်တာမိုင်ယာမီအသင်းက PSG အသင်းနဲ့ တွေ့ဆုံရမှာဖြစ်ပါတယ်။ 

အင်တာမိုင်ယာမီအသင်းဟာ ဖီဖာကလပ်ကမ္ဘာ့ဖလား ၁၆ သင်းအဆင့်ကို တက်ရောက်နိုင်တဲ့ တစ်သင်းတည်း သော မေဂျာလိဂ်ကလပ်လည်း ဖြစ်ခဲ့တာပါ။ 

အင်တာမိုင်ယာမီအသင်းနည်းပြ မာရှေယာနိုက “ကျနော်တို့အတွက် အလွန်ကောင်းမွန်တဲ့ပွဲဖြစ်ပြီး တောင်အမေရိ ကရဲ့ အကောင်းဆုံး အသင်းတွေထဲက တစ်သင်းနဲ့ ကစားရတာဟာ ခက်ခဲပါတယ်။  နောက်တဆင့် တက်နိုင်ခဲ့ တာက မေဂျာလိဂ် ဘောလုံးအတွက် သမိုင်းဝင်ညပါ”လို့ ပွဲအပြီးမှာ ပြောခဲ့ပါတယ်။

အင်တာမိုင်ယာမီအသင်းနဲ့ PSG အသင်းတို့ရဲ့ ဖီဖာကလပ်ကမ္ဘာ့ဖလား ၁၆ သင်းအဆင့် ပွဲစဉ်ကို ဇွန်လ ၂၉ ရက်မှာ ယှဉ်ပြိုင်သွားမှာ ဖြစ်ပါတယ်။  

Source: ESPN

CNI Sport News

၂၀၂၅ ခုနှစ်၊ ဇွန်လ ၂၄

ယူနိုက်တက်အသင်းဟာ ကင်မရွန်းတိုက်စစ်မှူး အမ်ဘူမိုကို ခေါ်ယူနိုင်ဖို့အတွက် ဘရန်ဖို့ဒ်အသင်းကို ပေါင်သန်း ၆၀ ကျော်နဲ့ ဒုတိယအကြိမ်မြောက် ကမ်းလှမ်းမှု ပြုလုပ်ခဲ့ပါတယ်။

ယူနိုက်တက်အသင်းဟာ အမ်ဘူမိုအတွက် ပေါင် ၄၅ သန်း၊ add-ons ပေါင် ၁၀ သန်းနဲ့ အခုလ အစောပိုင်းက ပထမဆုံးအကြိမ် ကမ်းလှမ်းမှု ပြုလုပ်ခဲ့တာကို ဘရန်ဖို့ဒ်အသင်းက ပယ်ချခဲ့တာပါ။ 

အဲဒါကြောင့် ယူနိုက်တက်အသင်းဟာ ပြောင်းရွှေ့ကြေး တိုးပြီး ထပ်ကမ်းလှမ်းမှု ပြုလုပ်လာခဲ့တာ ဖြစ်ပါတယ်။ 

ယူနိုက်တက်အသင်းရဲ့ ဒုတိယအကြိမ်မြောက် ကမ်းလှမ်းမှုဟာ အမ်ဘူမိုအတွက် ဘရန်ဖို့ဒ်အသင်း လိုချင်နေတဲ့ ပေါင် ၆၅ သန်းနဲ့ နီးစပ်မှုရှိလာခဲ့တာပါ။ 

ယူနိုက်တက်နဲ့ ဘရန်ဖို့ဒ်အသင်းတို့ဟာ အမ်ဘူမိုအတွက် ဆွေးနွေးမှုတွေကို ရက်သတ္တပတ် ကြာမြင့်စွာ ပြုလုပ်နေခဲ့တာဖြစ်ပြီး ဒီအပတ်ထဲမှာလည်း ဆက်ပြီးဆွေးနွေးသွားဖို့ ရှိနေပါတယ်။ 

ယူနိုက်တက်အသင်းကတော့ အမ်ဘူမိုကို ရာသီကြို လေ့ကျင့်မှုတွေ စတင်မယ့်အချိန်မှာ အသင်းနဲ့အတူ ပူးပေါင်းပြီး လေ့ကျင့်မှုတွေ ပြုလုပ်နိုင်ဖို့ မျှော်လင့်နေတာပါ။ 

အမ်ဘူမိုကို တွေ့ရစဉ်

ယူနိုက်တက်အသင်းဟာ ဇူလိုင် ၇ ရက်မှာ လေ့ကျင့်မှုတွေ ပြန်လည်စတင်တော့မှာ ဖြစ်ပါတယ်။ 

အမ်ဘူမိုကို ခေါ်ယူဖို့ ဘရန်ဖို့ဒ်အသင်း နည်းပြဟောင်း သောမတ်စ်ဖရန့်ခ် ကိုင်တွယ်နေတဲ့ စပါးအသင်းကလည်း စိတ်ဝင်စားနေတာပါ။

ဒါပေမယ့် အမ်ဘူမိုဟာ ယူနိုက်တက်အသင်းကို ပြောင်းရွှေ့ဖို့ စိတ်အားထက်သန်နေတာ ဖြစ်ပါတယ်။ 

အသက် ၂၅ နှစ်အရွယ်ရှိ အမ်ဘူမိုဟာ ပြီးခဲ့တဲ့ရာသီက ပရီးမီးယားလိဂ်ပြိုင်ပွဲမှာ သွင်းဂိုး ၂၀ အထိ သွင်းယူနိုင်ခဲ့ တာကြောင့် တိုက်စစ်ပိုင်း အခက်အခဲဖြစ်နေတဲ့ ယူနိုက်တက်အသင်းဟာ သူ့ကို အဓိကပစ်မှတ်အဖြစ် သတ်မှတ် ခဲ့တာပါ။ 

ယူနိုက်တက်အသင်းဟာ ဒီနွေရာသီ အပြောင်းအရွှေ့မှာ ဝုလ်ဗ်စ်အသင်းက ကွန်ညာ တစ်ဦးတည်းကိုသာ ခေါ်ယူထားပြီး နောက်ထပ် အပြောင်းအရွှေ့ ပစ်မှတ်တွေကို စောင့်ကြည့်မှုတွေ ပြုလုပ်နေတာဖြစ်ပါတယ်။

Source: BBC

CNI Sport News

၂၀၂၅ ခုနှစ်၊ ဇွန်လ ၂၄

အသလက်တီကိုအသင်းဟာ ဖီဖာကလပ် ကမ္ဘာ့ဖလားအုပ်စု နောက်ဆုံးပွဲစဉ်မှာ ဘိုတာဖိုဂိုအသင်းကို ၁ ဂိုး-ဂိုးမရှိနဲ့ အနိုင်ရခဲ့ပေမယ့် အုပ်စုက ထွက်ခွာခဲ့ရပြီးနောက် နည်းပြဆီမြွန်နီက သူတို့ရဲ့ပွဲစဉ်တွေကို ကိုင်တွယ်ခဲ့တဲ့ ဒိုင်လူကြီးတွေကို ဝေဖန်မှုပြုလုပ်ခဲ့ပါတယ်။ 

ဆီမြွန်နီက “ကစားသမားတွေရဲ့ ကြိုးစားအားထုတ်မှုကို ဂုဏ်ယူပြီး အရာအားလုံးပေးခဲ့ကြပါတယ်။ ၃ ပွဲမှာ ၂ ပွဲ အနိုင်ရခဲ့ပေမယ့် ဝမ်းနည်းစရာကောင်းတာက ကျနော်တို့ ထွက်ခွာခဲ့ရပါပြီ။ ၆ မှတ် ရယူနိုင်ခဲ့လို့ မဆိုးပေမယ့် ဒိုင်လူကြီးတွေရဲ့ ဆုံးဖြတ်ချက်တိုင်းက အမြဲတမ်း ကျနော်တို့ကို ဆန့်ကျင်ခဲ့ပါတယ်။ ဒီပွဲမှာလည်း VAR ပြန်လည် သုံးသပ်ပြီးနောက် ပင်နယ်တီကို ကျနော်တို့မရခဲ့ပါဘူး။ တိုးတက်ဖို့ဘာတွေလိုလဲဆိုတာ ကျနော်တို့သိထားပြီး ဒါက ကျနော်တို့ကို ရှေ့ဆက်ဖို့ ကူညီပေးနိုင်ပါလိမ့်မယ်”လို့ ပြောခဲ့တာပါ။ 

အသလက်တီကိုအသင်းဟာ ကျင်းပနေတဲ့ ဖီဖာကလပ် ကမ္ဘာ့ဖလားပြိုင်ပွဲမှာ ဘရာဇီးလ်ကလပ်အသင်းကို အနိုင်ရတဲ့ ပထမဆုံးအသင်း ဖြစ်ခဲ့ပေမယ့် ပြိုင်ပွဲကနေ ထွက်ခွာခဲ့ရတာပါ။ 

စပိန်ကလပ်ဟာ အုပ်စုအဖွင့်ပွဲစဉ်မှာ PSG အသင်းကို ၄ ဂိုး-ဂိုးမရှိနဲ့ ဂိုးပြတ် အရေးနိမ့်တာက သူတို့ကို ပြိုင်ပွဲကနေ ထွက်ခွာစေဖို့ အဓိကအချက် ဖြစ်ခဲ့ပါတယ်။ 

အသလက်တီကိုအသင်းကို တွေ့ရစဉ်

အုပ်စု B မှာ PSG ၊ ဘိုတာဖိုဂိုနဲ့ အသလက်တီကိုအသင်းတို့ဟာ အုပ်စုပွဲစဉ် ၃ ပွဲစလုံး ကစားပြီးချိန်မှာ ရမှတ် ၆ မှတ်စီ တူညီနေခဲ့ပေမယ့် အသလက်တီကိုအသင်းဟာ ထိပ်တိုက်တွေ့ဆုံမှု ဂိုးကွာခြားချက်ကြောင့် ထွက်ခွာခဲ့ ရတာပါ။

PSG အသင်းက အုပ်စုပထမ၊ ဘိုတာဖိုဂိုအသင်းက အုပ်စုဒုတိယနဲ့ ၁၆ သင်းအဆင့်ကို တက်ရောက်ခဲ့ကြပါတ

အသလက်တီကိုအသင်း နည်းပြဆီမြွန်နီက ဒီပြိုင်ပွဲမှာ သူ့ကစားသမားတွေရဲ့ ကြိုးစားအားထုတ်မှုကို ဂုဏ်ပြုခဲ့ပြီး ဒိုင်လူကြီးတွေရဲ့ စွမ်းဆောင်ရည်ကို ဝေဖန်ခဲ့တာပါ။ 

အသလက်တီကိုအသင်း ကစားသမား ဂရစ်ဇ်မန်းကတော့ သူတို့ဟာ ဒိုင်လူကြီးကို အာရုံစိုက်လို့မရဘဲ အကောင်းဆုံး မဖြစ်ခဲ့တဲ့အရာတွေအတွက် ဖြေရှင်းရမယ်လို့ ပြောခဲ့ပါတယ်။

အသလက်တီကိုအသင်းဟာ ကလပ်ကမ္ဘာ့ဖလားပြိုင်ပွဲ အပါအဝင် ပြီးခဲ့တဲ့ရာသီမှာ အောင်မြင်မှု မရခဲ့တာကြောင့် ရာသီသစ်အတွက် အကောင်းဆုံး ပြင်ဆင်မှုတွေပြုလုပ်ပြီး အောင်မြင်မှုတွေ ရယူနိုင်ဖို့ ပစ်မှတ်ထားနေပါတယ်။ 

Source: ESPN

CNI Sport News

၂၀၂၅ ခုနှစ်၊ ဇွန်လ ၂၃

ပရီးမီးယားလိဂ်ကို တန်းပြန်တက်လာတဲ့ လိဒ်စ်ယူနိုက်တက်အသင်းဟာ အာဆင်နယ်အသင်း ဂိုးသမားဟောင်း ဖြစ်တဲ့ ရမ်စဒေးလ်ကို ဆောက်သမ်တန်အသင်းကနေ ခေါ်ယူဖို့ စိတ်ဝင်စားနေပါတယ်။ 

ဆောက်သမ်တန်အသင်းနဲ့ စာချုပ်ထဲမှာ စာချုပ်ဖျက်သိမ်းကြေး ပေါင်သန်း ၂၀ ရှိနေတဲ့ ရမ်စဒေးလ်ကို ခေါ်ယူဖို့ ချန်ပီယံလိဂ် ဝင်ခွင့်ရအသင်းနဲ့ အသင်းကြီးအချို့ကလည်း စိတ်ဝင်စားနေကြတာပါ။ 

ရမ်စဒေးလ်ဟာ ပြီးခဲ့တဲ့ရာသီက ဆောက်သမ်တန်အသင်းနဲ့အတူ ပရီးမီးယားလိဂ်ကနေ တန်းဆင်းခဲ့ရပေမယ့် သူ့ရဲ့အဆင့် သတ်မှတ်ချက်ဟာ မြင့်မားနေဆဲဖြစ်ပါတယ်။

လိဒ်စ်အသင်းဟာ ပရီးမီးယားလိဂ်ကို တန်းပြန်တက်လာပြီးနောက် အသင်းရဲ့ လူစာရင်းအင်အားကို တောင့်တင်း အောင်ပြုလုပ်ဖို့ ကြိုးပမ်းနေပြီး ဝုလ်ဖ်ဘတ်အသင်း တိုက်စစ်မှူးအန်မီချာကို ခေါ်ယူထားတာပါ။ 

ရမ်စဒေးလ်ကို တွေ့ရစဉ်

The Times က လိဒ်စ်အသင်းဟာ ရမ်စဒေးလ်ကို ခေါ်ယူဖို့ ပစ်မှတ်ထားနေတယ်လို့ ဖော်ပြထားပါတယ်။ 

လိဒ်စ်အသင်းအနေနဲ့ ရမ်စဒေးလ်ကို ခေါ်ယူချင်တယ်ဆိုရင် တူရကီကလပ် ဂါလာတာစာရေးအသင်းနဲ့ ယှဉ်ပြိုင် ရဖို့ရှိနေတာပါ။ 

ဂါလာတာစာရေးအသင်းဟာ လာမယ့်ရာသီ ချန်ပီယံလိဂ်ပြိုင် ပွဲယှဉ်ပြိုင်ခွင့် ရရှိထားတာကြောင့် ရမ်စဒေးလ် အတွက် ရွေးချယ်စရာတစ်ခု ဖြစ်လာနိုင်ပါတယ်။ 

ဂါလာတာစာရေးအသင်းရဲ့ ဝါရင့်ဂိုးသမား မူစလီယာဟာ နွေရာသီမှာ အသင်းကနေ ထွက်ခွာမှာဖြစ်လို့ ရမ်စဒေးလ်ဟာ သူ့ရဲ့နေရာမှာ အစားထိုးဖို့ တူရကီကလပ်ရဲ့ ပစ်မှတ်စာရင်းထဲမှာ ပါဝင်နေတာပါ။ 

လိဒ်စ်အသင်းကလည်း ဂိုးသမားဖြစ်သူ မတ်စ်လီယာအသင်းကနေ ထွက်ခွာဖွယ်ရှိနေတာကြောင့် ရမ်စဒေးလ်ကို ခေါ်ယူချင်နေတာ ဖြစ်ပါတယ်။ 

ရမ်စဒေးလ်ဟာ အာဆင်နယ်အသင်းထံ မပြောင်းရွှေ့မီ ရှက်ဖီးယူနိုက်တက်နဲ့ ဘုန်းမောက်အသင်းတွေမှာ ကစားခဲ့ပြီး ဒီအသင်းတွေနဲ့လည်း ပရီးမီးယားလိဂ်ကနေ တန်းဆင်းခဲ့ဖူးတာပါ။ 

ရမ်စဒေးလ်ဟာ အင်္ဂလန်အသင်းအတွက် ၅ ပွဲ ပါဝင်ကစားထားပြီး နောက်ဆုံးကစားခဲ့တဲ့ နိုင်ငံတကာပွဲတွေမှာ အင်္ဂလန်အသင်း လူစာရင်းထဲ ပါဝင်ခဲ့ခြင်းမရှိတာဖြစ်ပါတယ်။ 

Source: Dailymail

CNI Sport News

၂၀၂၅ ခုနှစ်၊ ဇွန်လ ၂၃

အီတလီချန်ပီယံ နာပိုလီအသင်းဟာ ပွဲဦးထွက်ရာသီမှာ ခြေစွမ်းပြသနိုင်ခဲ့တဲ့ တော်မီနေးကို ခေါ်ယူဖို့ အပြောင်းအရွှေ့ ကမ်းလှမ်းမှုတွေ ရှိနေတဲ့အတွက် ရောင်းမှာမဟုတ်ဘူးလို့ တုံ့ပြန်ခဲ့ပါတယ်။

ပြီးခဲ့တဲ့နွေရာသီက ယူနိုက်တက်အသင်းကနေ ရောက်ရှိလာခဲ့တဲ့ တော်မီနေးဟာ နာပိုလီအသင်းကို စီးရီးအေ ပြိုင်ပွဲမှာ ချန်ပီယံဖြစ်အောင် ကူညီပေးနိုင်ခဲ့ပြီး အသင်းပရိသတ်တွေရဲ့ အချစ်တော် ကစားသမားဖြစ်ခဲ့သလို ပြီးခဲ့တဲ့ရာသီ စီးရီးအေပြိုင်ပွဲရဲ့ အကောင်းဆုံး ကစားသမားဆုကိုလည်း ရရှိခဲ့တာပါ။ 

တော်မီနေးဟာ ပြီးခဲ့တဲ့ရာသီက နာပိုလီအသင်းအတွက် စီးရီးအေပွဲပေါင်း ၃၄ ပွဲ ပါဝင်ကစားခဲ့ပြီး ၁၂ ဂိုး သွင်းယူကာ ဂိုးဖန်တီးမှု ၆ ကြိမ် ပြုလုပ်နိုင်ခဲ့ပါတယ်။ 

နာပိုလီအသင်းအတွက် ခြေစွမ်းပြသနိုင်ခဲ့တဲ့ တော်မီနေးကို ခေါ်ယူဖို့ ဆော်ဒီပရိုလိဂ်ကလပ် အယ်လ်ဟီလယ် အသင်းက ချဉ်းကပ်မှုတွေ ပြုလုပ်လာခဲ့တာပါ။

နာပိုလီအသင်းကတော့ အသင်းနဲ့ ၂၀၂၈ ခုနှစ်၊ ဇွန်လအထိ စာချုပ်ရှိနေတဲ့ တော်မီနေးကို ဘယ်လိုဈေးနှုန်းနဲ့မှ ရောင်းချမှာ မဟုတ်ဘူးလို့ အယ်လ်ဟီလယ်အသင်းရဲ့ ချဉ်းကပ်မှုကို တုံ့ပြန်ခဲ့တာ ဖြစ်ပါတယ်။ 

တော်မီနေးကို တွေ့ရစဉ်

တော်မီနေးကလည်း နာပိုလီအသင်းမှာ ပျော်ရွှင်နေတာကြောင့် အသင်းကနေ ထွက်ခွာဖို့ စဉ်းစားထားခြင်း မရှိတာပါ။ 

လီဗာပူးလ်နဲ့ စကော့တလန် နောက်ခံလူ ရော်ဘတ်ဆန်က တော်မီနေးကို နာပိုလီအသင်းထံ ရောင်းချခဲ့တဲ့ အပြောင်းအရွှေ့ မှားယွင်းမှုအတွက် ယူနိုက်တက်အသင်းကို ဝေဖန်မှုပြုလုပ်ခဲ့သလို သူဟာ မန်ချက်စတာ ကလပ်မှာ သူနဲ့ထိုက်တန်တဲ့ လေးစားမှုကို မရရှိခဲ့ဘူးလို့ ပြောခဲ့ပါတယ်။ 

နာပိုလီအသင်းနည်းပြ ကွန်တီက တော်မီနေး အသင်းထံ လာရောက်မယ်ဆိုတာ မယုံကြည်ခဲ့ဘူးလို့ ဒီရက်သတ္တပတ်ထဲ Sky Sports Italy နဲ့ ပြုလုပ်ခဲ့တဲ့ အင်တာဗျူးမှာ ပြောခဲ့တာပါ။

နာပိုလီအသင်းဟာ လာမယ့်ရာသီမှာ စီးရီးအေ ချန်ပီယံဆု ဆက်ထိန်းနိုင်ဖို့နဲ့ ချန်ပီယံလိဂ်ပြိုင်ပွဲမှာ အောင်မြင်မှု ရရှိနိုင်ဖို့အတွက် မန်စီးတီးအသင်းက ဒီဘရိုင်းကို ခေါ်ယူထားသလို မန်စီးတီးအသင်းက ဂရီလစ်ရှ်၊ ယူနိုက်တက် အသင်းက ဆန်ချိုတို့နဲ့လည်း ချိတ်ဆက်မှုတွေ ပြုလုပ်နေတာဖြစ်ပါတယ်။ 

Source: metro

CNI Sport News

၂၀၂၅ ခုနှစ်၊ ဇွန်လ ၂၃

ယူနိုက်တက်အသင်းကြယ်ပွင့် ဂါနာချိုဟာ အားလပ်ရက်အတွင်းမှာ အသင်းဖော် ရက်ရှ်ဖို့ဒ်ရဲ့ အက်စတွန်ဗီလာ အသင်းအင်္ကျီကို ဝတ်ဆင်ပြီး သူ့ရဲ့ဆိုရှယ်မီဒီယာမှာ ပို့စ်တင်ခဲ့ပါတယ်။ 

ရက်ရှ်ဖို့ဒ်ဟာ နည်းပြအာမိုရင်နဲ့ အဆင်မပြေမှုတွေ ရှိခဲ့တာကြောင့် ပြီးခဲ့တဲ့ဇန်နဝါရီက အက်စတွန်ဗီလာအသင်း မှာ အငှားသွားရောက် ကစားခဲ့ပြီး ယူနိုက်တက်အသင်းမှာ အနာဂတ် ရေရာမှုမရှိတော့တာပါ။

ဂါနာချိုကလည်း ပြီးခဲ့တဲ့ ယူရိုပါလိဂ်ဗိုလ်လုပွဲမှာ ယူနိုက်တက်အသင်းရဲ့ ပွဲထွက်လူစာရင်းမှာ ချန်လှပ်ခံရပြီး နောက် နည်းပြအာမိုရင်ကို ဝေဖန်မှုပြုလုပ်ခဲ့ပါတယ်။

အဲဒါကြောင့် ဂါနာချိုဟာ အသင်းသစ်ရှာဖွေဖို့ နည်းပြအာမိုရင်ရဲ့ ပြောဆိုမှုကို ခံထားရတာပါ။ 

နွေရာသီမှာ ယူနိုက်တက်အသင်းကနေ ထွက်ခွာဖွယ်ရှိနေတဲ့ ဂါနာချိုဟာ ရက်ရှ်ဖို့ဒ်ရဲ့ အက်စတွန်ဗီလာအသင်း အင်္ကျီကို ဝတ်ဆင်ပြီး ပို့စ်တင်ခဲ့တာကြောင့် ယူနိုက်တက်အသင်း ပရိသတ်အချို့ဟာ သူ့ကို ဒေါသထွက်ပြီး ဆိုရှယ်မီဒီယာပေါ်မှာ ဝေဖန်ရေးသားမှုတွေ ပြုလုပ်ခဲ့ကြပါတယ်။ 

ရက်ရှ်ဖို့ဒ်ကို တွေ့ရစဉ် 

ရက်ရှ်ဖို့ဒ်ဟာ ဂါနာချို တင်ထားတဲ့ပို့စ်အောက်မှာ နှလုံးအီမိုဂျီနဲ့အတူ ငါ့ရဲ့ညီဆိုပြီး မှတ်ချက်ရေးသားသွားခဲ့တာပါ။ 

ဂါနာချိုရဲ့ပို့စ်ဟာ သူ့ရဲ့အသင်းဖော်ကို အားပေးမှု ပြုလုပ်ခြင်းသာဖြစ်တယ်လို့ သတင်းရင်းမြစ်တွေက BBC Sport ကို ပြောခဲ့ပါတယ်။

ရက်ရှ်ဖို့ဒ်ဟာ ပြီးခဲ့တဲ့ရက်ပိုင်းက ပြုလုပ်ခဲ့တဲ့ အင်တာဗျူးတစ်ခုမှာ ယာမဲလ်နဲ့အတူ ဘာစီလိုနာအသင်းမှာ အတူတွဲကစားချင်တဲ့ သူ့ရဲ့ဆန္ဒကို ထုတ်ဖော်ခဲ့တာပါ။

ရက်ရှ်ဖို့ဒ်ဟာ ဘာစီလိုနာအသင်း အပါအဝင် အသင်းအချို့ရဲ့ ချိတ်ဆက်မှုတွေ ရရှိနေပြီး သူကတော့ ဘာစီလိုနာ အသင်းကို ပြောင်းရွှေ့ဖို့ အိပ်မက်မက်နေတာ ဖြစ်ပါတယ်။ 

ဂါနာချိုကို ခေါ်ယူဖို့ ချယ်လ်ဆီးနဲ့ နာပိုလီအသင်းတို့က စိတ်ဝင်စားနေတာပါ။ 

ဇူလိုင်မှာ ရာသီကြို ခြေစမ်းပွဲတွေ ယှဉ်ပြိုင်ဖို့ အမေရိကန်နိုင်ငံကို ထွက်ခွာမယ့် ယူနိုက်တက်အသင်းဟာ အသင်းရဲ့ လူစာရင်းထဲမှာ ရက်ရှ်ဖို့ဒ်၊ အန်တိုနီ၊ ဆန်ချိုနဲ့ ဂါနာချိုတို့ကို ချန်လှပ်သွားမယ်လို့ သတင်းတွေ ထွက်နေတာ ဖြစ်ပါတယ်။ 

Source: BBC

CNI Sport News

၂၀၂၅ ခုနှစ်၊ ဇွန်လ ၂၃

ရီးရယ်လ်အသင်းဟာ ပါချူကာအသင်းနဲ့ ဖီဖာကလပ်ကမ္ဘာ့ဖလား အုပ်စုဒုတိယပွဲစဉ်မှာ ပွဲချိန် ၇ မိနစ်ကတည်းက ကစားသမားတစ်ဦးလျော့နဲ့ ကစားခဲ့ရပေမယ့် ၃ ဂိုး-၁ ဂိုးနဲ့ အနိုင်ရခဲ့ပြီးနောက် ကွင်းလယ်လူ ဘယ်လင်ဂမ်က နည်းပြဇာဘီအလွန်ဆိုကို ချီးကျူးမှုပြုလုပ်ခဲ့ပါတယ်။ 

ဘယ်လင်ဂမ်က “အဆန်စီယို ထုတ်ခံရပြီးနောက် ခက်ခဲခဲ့ပါတယ်။ နည်းပြ အလွန်ဆိုက ပုံစံကိုပြောင်းဖို့ ဆုံးဖြတ် ခဲ့ပြီး ကျနော်တို့ အားလုံးကလည်း ဒီတာဝန်ကို ကောင်းမွန်စွာ ယူနိုင်ခဲ့ပါတယ်။ ရာသီဥတုဒဏ်ရော၊ ပါချူကာ အသင်းရဲ့ ကန်ချက် အများအပြားကိုလည်း ခံခဲ့ရပါတယ်။ ကော့တွိုက်စ်က အလွန်ကောင်းပါတယ်။ ကောင်းမွန်တဲ့ နိုင်ပွဲဖြစ်ခဲ့ပေမယ့် ပြီးပြည့်စုံမှုတော့ မရှိပါဘူး။ နည်းပြရဲ့ စိတ်ကူးကတော့ အံ့သြစရာကောင်းခဲ့ပြီး ကျနော်တို့ ဆက်သွားရမှာပါ”လို့ ပြောခဲ့တာပါ။ 

ရီးရယ်လ်အသင်းဟာ နည်းပြ ဇာဘီအလွန်ဆို စတင်ကိုင်တွယ်တဲ့ ပထမဆုံးပွဲစဉ်မှာ အယ်လ်ဟီလယ်အသင်းနဲ့ ၁ ဂိုးစီ သရေကျခဲ့ပြီး ဒုတိယပွဲစဉ်ဖြစ်တဲ့ ပါချူကာအသင်းနဲ့ပွဲစဉ်မှာ ကစားသမားတစ်ဦး စောစီးစွာ ထုတ်ပယ်ခံခဲ့ ရတာကြောင့် ခက်ခဲမှုတွေနဲ့ ရင်ဆိုင်ခဲ့ရပါတယ်။ 

ဒါပေမယ့် ရီးရယ်လ်အသင်းဟာ အကောင်းဆုံး ရင်ဆိုင်နိုင်ခဲ့ပြီး ဘယ်လင်ဂမ်၊ ဂူလာနဲ့ ဗယ်လ်ဗာဒီတို့က ၁ ဂိုးစီ သွင်းယူကာ ပါချုကာအသင်းကို ဦးဆောင်နိုင်ခဲ့တာပါ။ 

ပါချူကာအသင်းအတွက် ချေပဂိုးကို မွန်တီရယ်လ်က သွင်းယူခဲ့တာဖြစ်ပါတယ်။ 

နည်းပြ အလွန်ဆိုကို တွေ့ရစဉ်

ဘယ်လင်ဂမ်ဟာ ဒီပွဲမှာ သွင်းဂိုးလည်း သွင်းယူနိုင်ခဲ့သလို ခြေစွမ်းလည်း ပြသနိုင်ခဲ့တာကြောင့် အကောင်းဆုံး ကစားသမားဆုကို ရရှိခဲ့ပါတယ်။

အင်္ဂလန်ကွင်းလယ်လူ ဘယ်လင်ဂမ်ဟာ ကာလရှည်ကြာ ခံစားနေရတဲ့ ပခုံးနာကျင်မှုကို ဖီဖာကလပ်ကမ္ဘာ့ဖလား ပြိုင်ပွဲအပြီးမှာ ခွဲစိတ်မှုခံယူမယ်လို့လည်း အတည်ပြုခဲ့တာပါ။

ဒီပွဲအပြီးမှာ ရီးရယ်လ်အသင်း နောက်ခံလူ ရူဒီဂါဟာ လူမျိုးရေး ခွဲခြားခံခဲ့ရတယ်လို့ ပြောခဲ့ပြီး နည်းပြ ဇာဘီအလွန်ဆိုက ဒီဖြစ်ရပ်ကို ဖီဖာက စုံစမ်းစစ်ဆေးနေတယ်လို့ ပြောခဲ့ပါတယ်။ 

ရီးရယ်လ်အသင်းဟာ ပါချူကာအသင်းကို အနိုင်ရခဲ့ပြီးနောက် အုပ်စုပွဲစဉ် ၂ ပွဲ ကစားအပြီးမှာ ရမှတ် ၄ မှတ် ရရှိထားကာ အုပ်စုနောက်ဆုံးပွဲစဉ်အဖြစ် ဆဲလ်ဘတ်အသင်းနဲ့ ယှဉ်ပြိုင်ရမှာဖြစ်ပါတယ်။ 

Source: ESPN