CNI News

၂၀၂၃ ခုနှစ်၊ မေလ ၂၀

ရှမ်းပြည်နယ်(မြောက်ပိုင်း)၊ မူဆယ်၊ နမ့်ခမ်း၊ ကွတ်ခိုင် စသည့် မြို့နယ်များအတွင်းရှိ ကျေးရွာများနှင့် လမ်းမ ပေါ်များတွင် ဒေသခံများ လိုက်နာရမည့် စည်းကမ်းချက်များကို ရှမ်းပြည်တိုးတက်ရေးပါတီ(SSPP/SSA)က ဆိုင်းဘုတ်ထောင် ကပ်၍ ထုတ်ပြန်ကြေညာ ထားသည်ကို တွေ့ရသည်။

ယခုလို SSPP/SSA က ဒေသတွင်း လိုက်နာရမည့် စည်းကမ်းချက်များကို သတ်မှတ်ပြီး ဆိုင်းဘုတ်ထောင် ထုတ်ပြန်ထားခြင်းက သူ၏ အုပ်ချုပ်ရေးအာဏာ သက်ရောက်မှုကို ပြသလိုသည့် အနေအထားမျိုးလည်း ဖြစ်နေသည်ဟု တိုင်းရင်းသားအရေးလေ့လာသုံးသပ်သူတစ်ဦးက ပြောသည်။

SSPP/SSA မှ ထုတ်ပြန်ထားသည့် အချက်များမှာ (က) မူးယစ်ဆေးဝါးများ ရောင်းဝယ်ဖောက်ကားခြင်း၊ သုံးစွဲခြင်း မပြုလုပ်ရ၊ (ခ)သစ်တောများ မီးမရှို့ရ၊ အကယ်၍ မိမိတောင်ယာအား မီးရှို့ပါက မီးမငြိမ်းမချင်း စောင့်ကြည့်ရမည်၊ တခြားနေရာသို့ မီးမကူးစေရ၊ (ဂ)တရုတ်နိုင်ငံအတွင်းသို့ ခိုးမဝင်ရ။ တရုတ်နှင့် နယ်စပ် ခြံစည်းရိုးတိုင်များ မနုတ်ရ၊ (ဃ) မိမိမြေနေရာအား ရောင်းခြင်းအပြင် တခြားသူထံသို့ အငှားချခြင်း လုံးဝ(လုံးဝ) မပြုလုပ်ရ၊ (င)ပိုးသတ် ဆေးနှင့် ပေါင်းသတ်ဆေးများ အသုံးပြုပြီးပါက ဗူးခွံများအား စည်းကမ်းတကျ မီးရှို့ ဖျက်ဆီးပစ်ရမည်ဟု ပါရှိသည်။

အဆိုပါ စည်းကမ်းချက်များကို လိုက်နာရမည်၊ မလိုက်နာသည့် မည်သူမဆို အရေးယူ အပြစ်ပေးခြင်းခံရ မည်ဟု ဖော်ပြထားသည်။

ရှမ်းပြည်တိုးတက်ရေးပါတီ/ရှမ်းပြည်တပ်မတော်(SSPP/SSA)သည် ကျေးသီးမြို့နယ်၊ ဝမ်ဟိုင်းကျေးရွာတွင် ဗဟို ဌာနချုပ်ထား၍ ရှမ်းပြည်နယ်မြောက်ပိုင်းရှိ သီပေါ၊ ကွတ်ခိုင်၊ မူဆယ်၊ နမ့်ခမ်း၊ ကျောက်မဲ၊ လားရှိုး၊ သိန်းနီ၊ နောင် ချို၊ နမ္မတူ၊ တန့်ယန်းတို့ကို ၎င်း၏ အုပ်ချုပ်ရေးနယ်မြေအဖြစ် သတ်မှတ်ထားကြောင်း သိရသည်။

SSPP/SSA သည် ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ(FPNCC) အဖွဲ့ဝင်ဖြစ်သည်။

SSPP/SSA လှုပ်ရှားသည် ရှမ်းပြည်နယ်မြောက်ပိုင်းတွင် "ဝ"ပြည်သွေးစည်းညီညွတ်ရေးတပ်မတော်(UWSA)၊ ကချင်လွတ်လပ်ရေးတပ်မတော်(KIA)၊ တအာင်းအမျိုးသားလွတ်မြောက်ရေးတပ်မတော်(TNLA)၊ မြန်မာ အမျိုးသားဒီမိုကရက်တစ် မဟာမိတ် တပ်မတော်(MNDAA)၊ ပြည်သူ့စစ်၊ ရှမ်းပြည်ပြန်လည် ထူထောင်ရေး ကောင်စီ(RCSS)တို့ရှိသည်။

CNI News
၂၀၂၃ ခုနှစ်၊ မေလ ၂၀

ပြည်ထောင်စုရွေးကောက်ပွဲကော်မရှင်(UEC)၏ ဒုတိယညွှန်ကြားရေးမှူးချုပ် ဦးစိုင်းကျော်သူအား လုပ်ကြံ သတ်ဖြတ်သွားသည့်သူများကို ဖမ်းဆီးရမိခဲ့ဟု နစက-က မေလ ၂၀ ရက်တွင် ထုတ်ပြန်လာသည်။

၂၀၂၃ ခုနှစ်၊ ဧပြီ ၂၂ ရက်က ဦးစိုင်းကျော်သူသည် ဇနီးဖြစ်သူအား “အောင်ရတနာ” အထူးကု ဆေးရုံသို့ မော်တော်ယာဉ်ဖြင့် ပို့ဆောင်ပြီး ပြန်လာစဉ် သင်္ဃန်းကျွန်းမြို့နယ်၊ (၁၆/၂)ရပ်ကွက်၊ ဝေဇယန္တာလမ်း၊ အမှတ် (၁၆)လမ်းဆုံအနီးသို့ ရောက်ရှိစဉ်(စိစစ်ဆဲ) အမျိုးသား ၂ ဦး၏ ပစ္စတို ၂ လက်ဖြင့် လုပ်ကြံသတ်ဖြတ်ခြင်းကို ခံခဲ့ရသည်။

ထို့နောက် မေလ ၁၂ ရက် နံနက်ပိုင်းတွင် ဦးစိုင်းကျော်သူအား လုပ်ကြံသတ်ဖြတ်ရာတွင် စက်ဘီးဖြင့် အခြေ အနေ ကြည့်ရှုပေးသူ အာကာထက်ကျော်(ခ)အောင်သုခအား Glock ပစ္စတို ၁ လက်၊ ၉ မမ ကျည် ၂၀ တောင့် နှင့် အတူ ဖမ်းမိခဲ့ကြောင်း နစက၏ ထုတ်ပြန်ချက်တွင် ဖော်ပြထားသည်။

အာကာထက်ကျော်(ခ)အောင်သုခ၏ ထွက်ဆိုချက်အရ ပန်းအေး(ခ)ကိုမျိုး၊ လပြည့်အိမ်(ခ)ကိုရှိုင်း၊ ရဲကျော်ပိုင် (ခ)မောင်ကြီး၊ ငြိမ်းမောင်(ခ)ငြိမ်းချမ်းအောင်တို့ကို ဖမ်းမိခဲ့ကြောင်း၊ ငြိမ်းမောင်(ခ)ငြိမ်းချမ်းအောင်၏ ထွက်ဆို ချက်အရ ဇင်မျိုးဦး(ခ) Flash (ခ) သားငယ်၊ စိုးသူ(ခ)Red(ခ)ကောင်းဝေ၊ မင်းဆက်(ခ)အောင်သူဟန်တို့ကို ဖမ်းမိခဲ့ကြောင်း သိရသည်။

ထို့နောက် ဇင်မျိုးဦး(ခ) Flash (ခ) သားငယ်၏ ထွက်ဆိုချက်အရ ချစ်ကိုကို၊ ကျော်လွင်ဦးတို့ကို ဖမ်းဆီးရမိခဲ့ ကြောင်း၊ ၎င်းတို့သည် Yangon Revolution Force(YRF) အဖွဲ့ဝင်များဖြစ်ကြောင်း၊ YRF ကို ဥက္ကာလင်းယံနှင့် Jame တို့က ခေါင်းဆောင်ပြီး အဖွဲ့ဝင် ၂၂ ဦး ရှိကြောင်း နစက-က ထုတ်ပြန်သွားသည်။

ဦးစိုင်းကျော်သူအား လုပ်ကြံသတ်ဖြတ်ရန်အတွက် Jame က အချက်အလက်နှင့် ဓာတ်ပုံများ ပေးပို့ခဲ့သလို ပစ်ခတ် လုပ်ကြံသူအား ငွေကျပ် ၅ သိန်းနှင့် အခြေအနေ ကြည့်ရှုပေးသူကို ငွေကျပ် ၁ သိန်း ထောက်ပံ့ပေး ကြောင်း ဖမ်းဆီးရမိသူများက ထွက်ဆိုခဲ့သည်ဟု ထုတ်ပြန်ချက်တွင် ဖော်ပြထားသည်။

ဦးစိုင်းကျော်သူအား လုပ်ကြံသတ်ဖြတ်သူ ၁၀ ဦးထဲမှ ဇင်မျိုးဦး(ခ) Flash (ခ) သားငယ်သည် Mytel ရုံးချုပ်မှ အထွေထွေမန်နေဂျာ ဦးသိန်းအောင်နှင် ဇနီး ဒေါ်သိမ့်အောင်သူကို လည်းကောင်း၊ ဦးမင်းသိန်း (ခ) အရှည်ကြီး ကိုလည်းကောင်း၊ ဦးနေလင်းအောင်အား လည်းကောင်း၊ ဦးတင့်လွင်အား လည်းကောင်း၊ ဦးဝင်းနိုင်အားလည်း ကောင်း၊ ဦးစိုးစိုးအားလည်းကောင်း လုပ်ကြံသတ်ဖြတ်ခဲ့သူ ဖြစ်ကြောင်း သိရသည်။

အလားတူ အာကာထက်ကျော်(ခ)အောင်သုခ ဆိုသူမှာလည်း ဦးအောင်ညီထွန်း၊ ဦးအောင်မျိုးဆွေ၊ ဦးခင် မောင်သိန်းတို့ ၃ ဦးကို လုပ်ကြံသတ်ဖြတ်ခဲ့သူ ဖြစ်ကြောင်း နစက-က ထုတ်ပြန်ခဲ့သည်။

ဒီမော့ဆိုတွင် တိုက်ပွဲဆက်လက် ပြင်းထန်နေ၊ လေကြောင်းတိုက်ခိုက်မှု ပိုများလာ

CNI News

၂၀၂၃ ခုနှစ်၊ မေလ ၂၀

ကယား(ကရင်နီ)ပြည်နယ်၊ ဒီမော့ဆိုမြို့နယ်အတွင်းမှာ တိုက်ပွဲ ဆက်လက် ပြင်းထန်နေပြီး လေကြောင်းဖြင့် တိုက်ခိုက်မှု ပိုများလာကြောင်း ကရင်နီပြည်နယ် လူ့အခွင့်အရေးအဖွဲ့မှ ကိုဗညားက CNI သတင်းဌာနသို့ ပြော သည်။

ဒီမော့ဆို အရှေ့ဘက်ခြမ်းတွင် လက်နက်ကြီးများ၊ တိုက်လေယာဉ်များဖြင့် တိုက်ခိုက်မှု ရှိနေသလို ကရင်နီ တပ်မတော် (KA) ထိန်းချုပ်နယ်မြေနှင့် ထိုင်းနိုင်ငံနယ်စပ်တွင်လည်း တိုက်ခိုက်မှုများ ရှိနေကြောင်း ၎င်းက ပြောသည်။

ကိုဗညားက “ဒီရက်ပိုင်းတောင်မှ အရင်နှစ် ၂၀၂၁၊ ၂၀၂၂ တောင်မှ တော်တော်လေး ဗုံးကြဲတိုက်ခိုက်ခဲ့တယ်လို့ ပြောသည့်တိုင်အောင်မှ ဒီနှစ်ရဲ့ ၃ လပတ်ကိုတော့ မမှီပါဘူးခင်ဗျ၊ အခု နှစ်လ၊ သုံးလပတ်နဲ့ အခုဆို ၄ လ၊ ၅ လ ပတ်ထဲ ဝင်လာပြီပေါ့နော်၊ အနည်းဆုံး တစ်လမှာ တိုက်ပွဲဖြစ်တဲ့ ဧရိယာကိုတော့ ရာနဲ့ချီ တိုက်ခိုက်တာ ရှိသလို၊ လုံးဝ တိုက်ပွဲ ဧရိယာမဟုတ်ဘဲနဲ့ လူထုဖက် Target (ပစ်မှတ်)ကိုလည်း အခုတလော ပစ်ခတ်တိုက်ခိုက်မှုတွေ ပိုစိတ်လာတာကိုလည်း ကျူးကျော်မှုတွေက အနည်းဆုံး မရှိဘူးဆိုရင် တစ်လကို ၄၊ ၅ ခေါက်ပေါ့နော်၊ လူထု Target (ပစ်မှတ်)ကို ၄၊ ၅ ခေါက်ပုံစံမျိုးနဲ့ တိုက်ခိုက်တဲ့ဟာတွေ ရှိတဲ့အတွက်ကြောင့်မို့လို့ လူထုထိခိုက် သေဆုံး မှုတွေလည်း မြင့်တက်လာခဲ့တာ တွေ့ရှိရပါတယ်” ဟု CNI သတင်းဌာနသို့ ပြောသည်။

ဒီမော့ဆိုမြို့နယ်ကိုတွေ့ရစဉ် (KNDF)

ကယားပြည်နယ်အတွင်း ၂၀၂၁-၂၀၂၂ ခုနှစ်ကထက် ယခု ၂၀၂၃ ခုနှစ်အတွင်းမှာ လေကြောင်း တိုက်ခိုက်မှု ပိုမို များပြားသည်ဟု ဆိုသော်လည်း မည်သည့် အကြိမ်အရေအတွက် တိုက်ခိုက်ခဲ့၍ မည်မျှပိုမို များပြားခဲ့သည် ဆိုတာကိုတော့ အချက်အလက်ဖြင့် ထုတ်ပြန်ခြင်း မရှိပေ။

အလားတူ မေလ ၁၇ ရက်နေ့က ဘော်လခဲမြို့နယ် စောလုံကျေးရွာကို လေကြောင်းဖြင့် တိုက်ခိုက်မှုကြောင့် အသက် ၁၇ နှစ်အရွယ် အမျိုးသမီးငယ် တစ်ဦးသေဆုံးကာ အမျိုးသား ၄ ဦး ထိခိုက် ဒါဏ်ရာရရှိခဲ့သည်။

ထို့နောက် ထီးဖိုးကလိုးကျေးရွာ အုပ်စုအတွင်းက ရွာသုံးရွာကို လေကြောင်း တိုက်ခိုက်မှုကြောင့် လူနေအိမ် ၉ လုံး၊ ကျောင်းတစ်ကျောင်း၊ စပါးကျီ ၃ လုံးထက်မနည်း ပျက်စီးခဲ့ကြောင်း ကရင်နီလူ့အခွင့်အရေးအဖွဲ့၏ ထုတ်ပြန်ချက် အရ သိရသည်။

အဆိုပါ တိုက်ခိုက်မှုနောက်ပိုင်း ဘော်လခဲမြို့ပေါ်မှ ပြည်သူအများစု ဘေးလွတ်ရာ ထွက်ပြေးတိမ်းရှောင်ခဲ့ကြ ကြောင်း၊ ကယား (ကရင်နီ) ပြည်နယ်တွင် တိုက်ပွဲရှောင် ၂ သိန်းကျော်ရှိလာကြောင်း ကိုဗညားက ပြောသည်။

တိုးတက်လာသည့် အလျှောက် စစ်ဆင်ရေးများတွင်လည်း လေကြောင်းအသုံးပြုမှု စွမ်းရည်များ ရှိလာကြောင်း မြန်မာ့နိုင်ငံရေးလေ့လာသုံးသပ်သူ ဒေါက်တာ အောင်မျိုးက CNI သတင်းဌာနသို့ ပြောသည်။

KNDF ကို တပ်ဖွဲ့ကို တွေ့ရစဉ် (KNDF)

ဒေါက်တာအောင်မျိုးက “ဒါတော့ သိပ်‌တော့ မဆန်းပါဘူး။ မဆန်းပါဘူးဆိုတာ‌‌တော့ ကျနော်တို့ ငယ်ငယ်တုန်းက ဆိုရင်တော့ ဥပမာဆိုပါတော့ဗျာ၊ ကိုယ့်ကိုလာပြီး လုပ်သွားတယ်၊ ကိုယ်က လက်စားချေ တိုက်ကွက် ဖော်ဖို့ဆိုရင် ကျနော်တို့က စစ်ကြောင်းတွေ စုဖွဲ့ရတယ်၊ ရိက္ခာတွေ ထုပ်ရတယ်၊ အထမ်းသမားတွေ ကျ‌နော်တို့ စုရတယ်၊ ပြီးတော့မှ အဲဒီ ဧရိယာထဲ ဝင်တယ်၊ ရှင်းတယ်ပေါ့နော်၊ အဲလိုဟာမျိုးပေါ့၊ အခုကြတော့ လွယ်တယ်လေ၊ air superiority ပေါ့နော်၊ လေကြောင်းစိုးမိုးမှု ရတဲ့အခါကြတော့ စိုးမိုးမှုရသလို လျင်လျင်မြန်မြန် တုံ့ပြန်နိုင်တယ်ဗျာ၊ ဒီသ‌ဘောပါပဲ၊ ဖွံ့ဖြိုးတိုးတက်လာလို့ပေါ့နော်၊ ကျနော်တို့ ငယ်ငယ်တုန်းက အဲဒီလောက်အထိ ဆိုရှယ်လစ်ခေတ်ဆို တော့ တပ်မတော်မှာလည်း ဒီလို လေကြောင်း ပစ်ကူဆိုတာလည်း အင်မတန်မှကို ရှားပါးတာပေါ့နော်၊ ရှားပါး တော့ ၁၉၉၂ ခုနှစ်၊ မာနယ်ပလော်ကို ‌တောင်ဖက်ကနေတိုက်တဲ့ စစ်ဆင်ရေးပေါ့နော်၊ ကျ‌နော်တို့ ကိုယ်တိုင်ပါခဲ့ တာ အဲဒီမှာ‌‌တောင်မှ လေယာဉ်တွေ ဘာတွေ အသုံးချနိုင်မှု မရှိခဲ့ဘူးလေ၊ အခုကတော့ ရုပ်ဝတ္ထုပစ္စည်းတွေ ပေါတဲ့ အခါကြတော့ ဒီလိုပဲ လုပ်ကိုင်ကြတာပေါ့၊ ဒီလိုပဲပြောရမှာပေါ့၊ ပေါလာလို့ပေါ့နော်၊ အသုံးချနိုင်တဲ့ စွမ်းရည်ရှိလို့ သုံးတာ” ဟု ပြောသည်။

၂၀၂၃ ခုနှစ် ပထမ လေးလပတ် ကာလအတွင်း မြို့နယ် ၁၁၅ ခုတွင် တိုက်ပွဲ ၁၄၀၇ ကြိမ်ထက်မနည်း ရှိခဲ့ကြောင်း၊ မြို့နယ် ၅၆ မြို့ထက်မနည်း လေကြောင်း တိုက်ခိုက်ခံရမှု ၄၄၂ ကြိမ်ထက်မနည်းရှိခဲ့ကြောင်း ISP Myanmar ၏ ထုတ်ပြန်ချက်အရ သိရသည်။

CNI News

၂၀၂၃ ခုနှစ်၊ မေလ ၁၉

ထိုင်းနိုင်ငံတွင် လက်ရှိ အထွေထွေရွေးကောက်ပွဲပြီးနောက် ဖွဲ့စည်းမည့် အစိုးရသစ်အား မကြိုက်ပါက နိုင်ငံရေး၌ မြန်မာ အပါအဝင် နိုင်ငံခြားသား ရွှေ့ပြောင်းလုပ်သားများကို အသုံးချလာနိုင်ကြောင်း ထိုင်းရှိ မြန်မာရွှေ့ပြောင်း အလုပ်သမားအရေး ကူညီဆောင်ရွက်နေသူများက CNI သတင်းဌာနသို့ ပြောသည်။

ရွေးကောက်ပွဲ မကျင်းပခင် မေဒေးနေ့တွင် ထိုင်းဘုရင်စနစ်နှင့် ပတ်သက်၍ နိုင်ငံခြားသား ရွှေ့ပြောင်းလုပ်သား များအပေါ် ထင်ယောင်ထင်မှား ဖြစ်စေသည့် ကိစ္စရပ်များလည်း ဖြစ်ပွားခဲ့သည်။

ထို့ကြောင့် အစိုးရသစ် ဖွဲ့စည်းသည့်အခါတွင် မကြိုက်နှစ်သက်ပါက နိုင်ငံရေးသမားများအနေဖြင့် ရွှေ့ပြောင်း လုပ်သားများအား အခြား အသွင်သဏ္ဍာန်ဖြင့် အသုံးချကာ ထင်ယောင်ထင်မှား ဖြစ်စေနိုင်သည့် ကိစ္စရပ်များ ပြုလုပ်လာနိုင်ဖွယ်ရှိကြောင်း FED မှ အလုပ်သမားတာဝန်ခံ ဦးမင်းဦးက CNI သတင်းဌာနသို့ ပြောသည်။

ဦးမင်းဦးက “ရှိကောင်းရှိလာနိုင်တယ်။ ဒါကတော့ ပြောလို့မရဘူး။ ဒီမှာကလည်း ခုနကပြောတဲ့ အစိုးရတို့ ဘာတို့ ဆိုပေမယ့်လည်း အဲဒီအစိုးရတွေ ဒီနိုင်ငံကို ဦးစီး ဦးဆောင်လုပ်နေတဲ့ နိုင်ငံခေါင်းဆောင်တွေ ဘာတွေ အကုန်လုံး က စီးပွားရေး လုပ်ငန်းရှင်တွေနဲ့ သူတို့က အနည်းနဲ့အများ ပတ်သက်နေကြတယ်။ ပတ်သက်နေကြတဲ့ အခါကျ တော့ စီးပွားရေး လုပ်ငန်းရှင်တွေကနေ နိုင်ငံရေး အတိုက်အခံ သမားတွေကို အသုံးချတဲ့ဟာတွေ ရှိတာပေါ့။ အဲဒီ လို အသုံးချတဲ့ အခါကျ ဆင့်ကဲဆင့်ကဲတွေ ရွှေ့ပြောင်း အလုပ်သမားကတော့ ပါကောင်း ပါလာနိုင်တာပဲ။ ဒီမှာဆို ရင် ပါတီနှစ်ခုပဲ ပြောလို့ရတယ်”ဟု ပြောသည်။

ထိုင်းရွေးကောက်ပွဲတွင် ဖြူးထိုင်းပါတီက အခြေခံလစာ ၆၀၀ ရအောင်လုပ်ပေးမည်ဟု စည်းရုံးထားသလို အများ ဆုံးအနိုင်ရခဲ့သည့် Move Forward ပါတီကတော့ အခြေခံလစာ ၄၅၀ ဘတ် ရအောင်လုပ်ပေးမည်ဟု စည်းရုံးထားကြ သည့်အတွက် လုပ်ငန်းရှင်များနှင့် အဆင်မပြေမှုများ ဖြစ်လာနိုင်သည်ဟု သုံးသပ်မှုများရှိနေသည်။

 ဖြူးထိုင်းပါတီ ခေါင်းဆောင်များကို တွေ့ရစဉ်

ဦးမင်းဦးက “ အခုအနိုင်ရတဲ့ ထိပ်ဆုံးကဖြစ်တဲ့ ပါတီဆိုရင် သူက အခြေခံလစာကို ၄၅၀ သူ့ရဲ့ သတ်မှတ်တဲ့ ဟာပေါ့ ပြည့်အောင်လုပ်ပေးမယ် သူက ကြုံးဝါးပြီးတော့ ပြောတယ်။ အဲဒီလိုပဲ ဖြူးထိုင်းပါတီဆို လည်း ၆၀၀ လို့ပြောတယ်။ FTA ဆိုတာ ဗမာလိုဆို စက်မှုလက်မှု လုပ်ငန်းရှင်ကြီးများ အဲဒီလိုခေါ်တာပေါ့။ သူတို့ တွေက တခါတည်း အခုဆို ပြောနေပြီ ဒီပါတီနှစ်ရပ်က နိုင်တာဟုတ်တယ်။ ဒီပါတီနှစ်ရပ် ကြုံးဝါးလာတာက အခြေခံ လစာသည် ဒီလောက်ဖြစ်အောင် လုပ်ပေးမယ် ပြောထားတာရှိတယ်။ သူတို့က ထောက်ပြတာ အလုပ် သမား အရေးနဲ့ပတ်သက်တဲ့ မူဝါဒကို လုပ်ပြီဆိုရင် သတိထားပြီးလုပ်ဖို့။ အဲဒါကို လုပ်မယ်ဆိုရင် ဘာတွေဖြစ်သွား မလဲဆိုတော့ အသေးစား လုပ်ငန်းတွေ အဲဒီမှာ ပြဿနာတက်နိုင်တယ်။ အဲဒီမှာ အလုပ်အကိုင်တွေက လျော့နိုင် တယ်။ အဲဒီအခါကျရင် အလုပ်သမားတွေ လျော့တာဖြစ်မယ် အလုပ်ပြုတ်မယ်။ ရွှေ့ပြောင်း အလုပ်သမားတွေ ဆိုရင် တိုက်ရိုက်ကို ထိလာနိုင်တဲ့ သဘောရှိတာပဲ”ဟု CNI သတင်းဌာနသို့ ပြောသည်။

ထို့အပြင် Move Forward ပါတီ၏ ဘုရင်စနစ်အား စော်ကားခြင်းဆိုင်ရာ ဥပဒေအား ပြင်ဆင်ရန် အစီအစဉ်သည် ပါတီကြီးနှစ်ခုကြား သဘောထား ကွဲလွဲစရာ အကြောင်းပြချက် တစ်ခု ဖြစ်လာနိုင်ကြောင်းလည်း ဖြူးထိုင်းပါတီ ခေါင်းဆောင် ချိုနန် သီရိကောက သတင်းစာ ရှင်းလင်းပွဲတစ်ခု၌ ပြောထားသည်။

ထို့ကြောင့် အစိုးရသစ်ဖွဲ့စည်းမှု၌ နိုင်ငံရေးသမားများကြားထဲတွင် မတည်မငြိမ်ဖြစ်စေရန် ရည်ရွယ်ကာ ဆန္ဒပြမှု များဖြစ်လာနိုင်ကြောင်း သုံးသပ်မှုများရှိနေသည်။

မြန်မာရွှေ့ပြောင်း လုပ်သားများအနေဖြင့် ၎င်းတို့၏ မည်သည့် နိုင်ငံရေး ကိစ္စတွင်မဆို ပါဝင် ပတ်သက်ခြင်း မပြုလုပ်ကြရန် မြန်မာရွှေ့ပြောင်း အလုပ်သမားအရေး ကူညီဆောင်ရွက်ပေးနေသူ ကိုသားကြီးက CNI သတင်း ဌာနသို့ ပြောသည်။

ပရာယွတ်နဲ့ သူ့ရဲ့ပါတီကို တွေ့ရစဉ်

ကိုသားကြီးက “အဓိကကတော့ ကျနော်တို့ နိုင်ငံသားတွေပဲပေါ့။ ထိုင်းမှာနေတဲ့အခါ ထိုင်းနိုင်ငံ တည်ဆဲဥပဒေကို လိုက်နာရမှာ နံပါတ်တစ်ဖြစ်တယ်။ အဲဒီတော့ ကျနော်တို့သည် နိုင်ငံခြားသား ဖြစ်တဲ့အတွက် ထိုင်းနိုင်ငံရေးကို ဝင်ရောက် စွက်ဖက်တာမျိုး မလုပ်ဖို့လည်း အက္ခရာကျတာပေါ့။ တကယ်လို့များ ကျနော်တို့က အုတ်ရောရော ကျောက်ရောရော သွားပြီးတော့မှ ဝင်ရောက် စွက်ဖက်ခဲ့မယ်ဆိုရင်တော့ တရားဥပဒေအရ အရေးယူနိုင်သလို ဒီလို မတည်ငြိမ်မှု ဖြစ်တဲ့ကာလမှ အသုံးချခံ ဖြစ်သွားနိုင်တာပေါ့။ ထိုင်းနိုင်ငံ တစ်နိုင်ငံလုံးမှာရှိတဲ့ မြန်မာနိုင်ငံသူ နိုင်ငံ သား အားလုံးသည် ထိုင်းနိုင်ငံရဲ့ နိုင်ငံရေး အခန်းကဏ္ဍတွေကို ကျနော်တို့ မပတ်သက်တဲ့ ကိစ္စတွေဖြစ်တဲ့အတွက် ထိုင်းရဲ့ နိုင်ငံရေး ဘယ်လိုအခန်းကဏ္ဍမျိုးကိုမှ ဝင်ရောက် စွက်ဖက်ပြီးတော့ အလုပ်သမားတွေကို ထင်ယောင် ထင်မှား ဖြစ်စေတဲ့ အပြုအမူမျိုးတွေ မလုပ်ပါနဲ့လို့” ဟု ပြောသည်။

ထိုင်းရွေးကောက်ပွဲတွင် နေရာအများဆုံး အနိုင်ရရှိခဲ့သည့် Move Forward Party (MFP) ခေါင်းဆောင် ပီတာ လင်ဂျာ ရိုရန်ရတ်က နိုင်ငံရေးပါတီ ၈ ပါတီ ပါဝင်သည့် ညွှန့်ပေါင်းအစိုးရတစ်ရပ် အစီအစဉ်နှင့်ပတ်သက်၍ ယနေ့ မေလ ၁၉ ရက်နေ့တွင် တရားဝင် ထုတ်ပြန်ကြေညာခဲ့ကြောင်း ဘန်ကောက်ပို့စ်တွင် ရေးသားဖော်ပြ ထားသည်။

Move Forward ပါတီ ခေါင်းဆောင်သည် ထိုင်းဘုရင်စနစ်အား ပြောင်းလဲချင်သူဖြစ်သည့်အပြင် ဗျူရိုကရေစီစနစ် ကို ပြုပြင်ပြောင်းလဲရန် အပါအဝင် မဖြစ်မနေ စစ်မှုထမ်းဥပဒေကို ဖျက်သိမ်းရန် ရည်ရွယ်သည့် ဥပဒေ မူကြမ်း ၄၅ ခုကို လွှတ်တော်ပြန်စသည့် အခါတွင် ပြင်ဆင်သွားရန် လျာထားကြောင်းလည်း သိရသည်။

လက်ရှိတွင် အာဏာသိမ်းခံထားရသည့် အနေအထားမှ အရပ်သားအစိုးရစနစ်သို့ ပြောင်းလဲတော့မည် ဖြစ်သဖြင့် ထိုင်းပြည်သူများ အပါအဝင် ရွှေ့ပြောင်းလုပ်သားများမှာလည်း ကျေနပ်ကြိုဆိုသော်လည်း ထိုင်း၏ အစဉ်အလာ အရ အာဏာသိမ်းမှု ထပ်မံဖြစ်ပွား လာနိုင်ကြောင်းလည်း သုံးသပ်မှုများ ရှိသည်။

CNI News

၂၀၂၃ ခုနှစ်၊ မေလ ၁၉

ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) နိုင်ငံရေးပါတီများ အစုအဖွဲ့ကို ပြန်လည် ရွေးချယ်မည်ဖြစ်ကြောင်း UPDJC မှ အဖွဲ့ဝင် ဒေါ်ချိုချိုကျော်ငြိမ်းက CNI သတင်းဌာနသို့ ပြောသည်။
ပြည်ထောင်စုရွေးကောက်ပွဲ ကော်မရှင် (UEC) မှ ထုတ်ပြန်ခဲ့သည့် နိုင်ငံ‌ရေးပါတီများ မှတ်ပုံတင်ခြင်း ဥပဒေ၊ နည်းဥပဒေအရ နိုင်ငံရေးပါတီအချို့မှာ ဖျက်သိမ်းခံရသလို၊ အချို့မှ အသစ်ပြန်လည် ဖွဲ့စည်းကြကြောင်း ၎င်းက ပြောသည်။

ဒေါ်ချိုချိုကျော်ငြိမ်းက “ကျမတို့ ခဏနားထားပါတယ်ရှင့်၊ မခေါ်သေးပါဘူး။ လောလောဆယ် ကျမတို့ တစ်လ၊ နှစ်လလောက်ရှိပြီရှင့်၊ နားထားတာ ဒီလိုလေ ယခင်က ရွေးကောက်ပွဲနဲ့ ပါတီ ၉၁ ပါတီနဲ့ ကျမတို့က ပြန်ရွေးထား တာလေ၊ အခုကြတော့ အဲဒီပါတီတွေက ပျက်တဲ့ဟာပျက်၊ ဖျက်တဲ့ဟာဖျက် အသစ်ဖွဲ့တဲ့ဟာဖွဲ့ ဖြစ်ကုန်ပြီလေ၊ ဟုတ်တယ်မလား အဲဒီဟာကို အကျုံးမဝင်တော့ဘူးဆိုတော့ နောက် ပါတီတွေ အားလုံး ထပ်ဖွဲ့မယ်၊ အားလုံးပါတီ တွေ ပြီးတော့မှ ပြန်ရွေးမယ်လို့ အဲဒီလို ပြောတယ်ရှင့်” ဟု CNI သတင်းဌာနသို့ ပြောသည်။

UEC မှ နိုင်ငံရေးပါတီများကို စိစစ်ပြီး မှတ်ပုံတင်ခွင့် ပြုပြီးသည့်အချိန်တွင် UPDJC နိုင်ငံရေးပါတီများ အစုအဖွဲ့ ရွေးချယ်မှုကို ကျင်းပနိုင်ကြောင်း ၎င်းက ပြောသည်။

မိမိတို့ ပါတီကို မှတ်ပုံတင် ချပေးခြင်းလည်း မရှိသေးသည့်အတွက် အဆိုပါ ကိစ္စနှင့် ပတ်သက်၍ ဘာမျှ မကြားသိ ရသေးကြောင်း ရခိုင်အမျိုးသားပါတီဥက္ကဋ္ဌ ဦးသာထွန်းလှက CNI သတင်းဌာနသို့ ပြောသည်။

UEC က နိုင်ငံရေးပါတီများ ပြန်လည် မှတ်ပုံတင်ခြင်း ဥပဒေ- နည်းဥပဒေများကို ၂၀၂၃ ခုနှစ်၊ ဇန်နဝါရီ ၃၁ ရက်နေ့ တွင် ထုတ်ပြန်ခဲ့ပြီး ရက်ပေါင်း ၆၀ အတွင်း ပြန်လည် မှတ်ပုံတင်ရန် ကြေညာခဲ့သည်။

UPDJC နဲ့ NSPNC တို့ တွေ့ဆုံစဉ်

ထို့နောက် ပြန်လည်၍ မှတ်ပုံမတင်သည့် အမျိုးသား ဒီမိုကရေစီအဖွဲ့ချုပ် (NLD)၊ ရှမ်းတိုင်းရင်းသားများ ဒီမိုကရေ စီ အဖွဲ့ချုပ်(SNLD)၊ ရခိုင်ဒီမိုကရေစီ အဖွဲ့ချုပ် (ALD) အပါအဝင် နိုင်ငံရေးပါတီ ၄၀ ကို ဖျက်သိမ်းကြောင်း ထုတ် ပြန် ကြေညာခဲ့သည်။

ယခင် နိုင်ငံရေးပါတီများ အစုအဖွဲ့တွင် ပါဝင်သည့် နိုင်ငံရေးပါတီများ အနေဖြင့် ပါတီမှတ်ပုံတင် မကျခြင်း၊ ပါတီ လုပ်ငန်းစဉ်များ မပြီးမြောက်ခြင်းများကြောင့် UPDJC အစုအဖွဲ့ ရွေးချယ်ရန် ကြန့်ကြာနေကြောင်း ဒေါ်ချိုချိုကျော် ငြိမ်းက ပြောသည်။

၎င်းက “ကျမတို့က ဒေသပါတီဆိုတော့ သေးတာပေါ့၊ တစ်ပြည်လုံး ဥပမာ ဦးစိုင်းအိုက်ပေါင်းတို့၊ ကိုကိုကြီးတို့ ဘာတို့ကြတော့ သူတို့ကြတော့ တစ်ပြည်လုံးပြေးနေရတော့ ကျမတို့လည်း နားစွင့်နေတာပေါ့၊ သူတို့ ပြီးတဲ့ အပေါ်မှာပဲ မူတည်မှာပဲ သူတို့ ပြီးတယ်၊ မပြီးတယ်အပေါ်မှာ ကျမတို့က ပြောလို့မရဘူးလေ၊ သူတို့လည်း ကြိုး တော့ ကြိုးစားနေတာပဲ လူ ၁ သိန်းဆိုတာ ဗမာပြည်ထဲမှာ လွယ်တော့ မလွယ်လှဘူးလေ၊ ရုံးတွေလည်း အများ ကြီး ဖွင့်ရမယ်၊ အမတ်တွေလည်း အများကြီး ရှာရမယ်ဆိုတော့ သူတို့အခက်အခဲကို ကျမကိုယ်ချင်းစားပြီး မလုပ် နိုင်ဘူးလေ၊ ကျမ မလုပ်နိုင်တဲ့ အလုပ်ကို သူတို့ လုပ်နေတဲ့အတွက် ကျမကတော့ မြန်မြန်ပြီးပါစေပဲ ဆုတောင်း တယ်၊ ဒါမှပဲ ကျမတို့ ရွေးကောက်ပွဲလည်း လာမယ်၊ UPDJC လည်း ဖွဲ့စည်းနိုင်မယ်ဆိုပြီး တော့ပေါ့နော်၊ ကျမတို့ က ဘာတတ်နိုင်မှာလဲ” ဟု ပြောသည်။

NSPNC ကိုယ်စားလှယ်အဖွဲ့ကိုတွေ့ရစဉ်

UPDJC ကို အစိုးရ၊ လွှတ်တော်နှင့် တပ်မတော် ကိုယ်စားလှယ် ၁၆ ဦး၊ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ထိုးထားသည့် လက်နက်ကိုင် အဖွဲ့အစည်းများမှ ကိုယ်စားလှယ် ၁၆ ဦး၊ နိုင်ငံရေးပါတီ များ အစုအဖွဲ့မှ ကိုယ်စားလှယ် ၁၆ ဦးတို့ဖြင့် ဖွဲ့စည်းရန် NCA စာချုပ်တွင် ပြဋ္ဌာန်းထားသည်။

၂၀၂၂ ခုနှစ်၊ ဧပြီ ၂၇ ရက်က ပြန်လည်ရွေးချယ်ခဲ့သည့် UPDJC နိုင်ငံရေးပါတီများ အစုအဖွဲ့တွင် ဦးစိုင်းအိုက်ပေါင်း၊ ဒေါ်ချိုချိုကျော်ငြိမ်း၊ ဦးစောသန်းမြင့်၊ တ.စ.ည ပါတီ၊ ပအိုဝ်းအမျိုးသားအဖွဲ့(PNO)၊ ရခိုင်အမျိုးသားပါတီ(ANP)၊ ကရင်အမျိုးသား ဒီမိုကရက်တစ်ပါတီ၊ မွန်ညီညွတ်ရေးပါတီ(MUP)တို့ ရွေးချယ်ခံခဲ့ရကြောင်း သိရသည်။

CNI News

၂၀၂၃ ခုနှစ်၊ မေလ ၁၈

ရခိုင်ပြည်နယ်၊ စစ်တွေမြို့ကို ဖြတ်သန်း၍ ရခိုင်တစ်ပြည်နယ်လုံး အပါအဝင် မြန်မာနိုင်ငံအတွင်း မေလ ၁၄ ရက်နေ့က ဆိုင်ကလုန်းမုန်တိုင်း(မိုခါ) တိုက်ခတ်သွားခဲ့ခြင်းကြောင့် ထိခိုက်ပျက်စီးမှုများ ရှိခဲ့သည်။

ထို့ကြောင့် မိုခါမုန်တိုင်းဒဏ်ခံစားခဲ့ရသည့် မြန်မာပြည်သူများအတွက် လူသားချင်းစာနာထောက်ထားမှု အကူအ ညီနှင့် သဘာဝဘေးအန္တရာယ် ကယ်ဆယ်ရေးဆိုင်ရာပစ္စည်းများကို ကရုဏာမစ်ရှင် အစီအစဉ်ဖြင့် အိန္ဒိယအစိုး ရသည် မြန်မာနိုင်ငံဆိုင်ရာ အိန္ဒိယသံအမတ်ကြီး Shri Vinay Kumar မှတဆင့် ရန်ကုန်တိုင်းဒေသကြီး ဝန်ကြီး ချုပ် ဦးစိုးသိန်းထံ မေလ ၁၈ ရက်တွင် လွှဲပြောင်းပေးအပ်ခဲ့သည်။

အဆိုပါ ကယ်ဆယ်ရေးဆိုင်ရာပစ္စည်းများဖြစ်သော အရေးပေါ် အစားအစာ၊ မိုးကာတဲများ၊ ရွှေ့ပြောင်းရလယ် သော မီးစက်များ၊ အဝတ်အထည်များ၊ ရေစုပ်စက်များ၊ ဆေးဝါးများ၊ တာပေါ်လင်စများ၊ တစ်ကိုယ်ရည်သုံး ကျန်းမာရေးပစ္စည်းများ၊ ဘီးတပ် ထိုင်ခုံများနှင့် နှာခေါင်းစီး အပါအဝင် စုစုပေါင်း တန်ချိန် ၄၀ ကို အိန္ဒိယရေတပ် သင်္ဘောများဖြစ်သည့် INS Shivalik၊ INS Kamorta နှင့် INS Savitri တို့ တင်ဆောင်လာခဲ့ပြီး မေလ ၁၈ ရက် တွင် ရန်ကုန်မြို့မှာ ဆိုက်ကပ်ခဲ့သည်။

ထို့နောက် အရေးပေါ် ဆေးဝါးများနှင့် ဆေးသေတ္တာများကို အိန္ဒိယရေတပ်သင်္ဘောဖြစ်သည့် INS Gharial က မေလ ၁၉ ရက်နေ့တွင် တင်ဆောင်လာမည်ဖြစ်သည်။

ထိုပစ္စည်းများအားလုံးကို ရခိုင်ပြည်နယ်သို့ ချက်ခြင်းပေးပို့မည်ဖြစ်ပြီး မုန်တိုင်းဒဏ် ထိခိုက်ခံစားရသည့် လူမှု အသိုင်းအဝန်းများကို ဖြန့်ဖြူးပေးမည်ဟု မြန်မာနိုင်ငံဆိုင်ရာ အိန္ဒိယသံရုံးက သတင်းထုတ်ပြန်ခဲ့သည်။

ဆိုင်ကလုန်းမုန်တိုင်း(မိုခါ) တိုက်ခတ်မှုကြောင့် ရခိုင်ပြည်နယ်အတွင်းရှိ မြို့နယ်ပေါင်း ၁၇ မြို့နယ် အပါအဝင် ချင်းပြည်နယ်အတွင်းက ပလက်ဝမြို့နယ်၊ ဟားခါးမြို့နယ်။ မတူပီမြို့နယ်၊ တီးတိန်မြို့နယ်တို့ကို သဘာဝ ဘေးအန္တရာယ် ကျရောက်သော ဒေသများအဖြစ် နစက-က သတ်မှတ်ကြောင်း ကြေညာခဲ့သည်။

ထို့နောက် မုန်တိုင်းဒဏ်သင့် ဒေသများမှ ပြည်သူများအတွက် ကူညီကယ်ဆယ်ရေးနှင့် ပြန်လည် ထူထောင် ရေး လုပ်ငန်းများ လုပ်ဆောင်နိုင်ရန်အတွက် ပြည်တွင်း အလှူရှင်များက ကျပ်သိန်းပေါင်း ၁ သိန်းကျော် လှူဒါန်းခဲ့ရာ ရခိုင်ပြည်နယ်သို့ ကျပ်သိန်းပေါင်း ၇ သောင်း ထောက်ပံ့ပေးခဲ့သည်။

CNI News

၂၀၂၃ ခုနှစ်၊ မေလ ၁၈

ပါဝင်သင့် ပါဝင်ထိုက်သူများ အားလုံးပါဝင်သည့် နိုင်ငံရေးဆွေးနွေးပွဲ ဖြစ်ပေါ်လာရေး ဆောင်ရွက်သွားရန် ဆွေးနွေးခဲ့ကြသည်ဟု အပစ်ရပ်(၇)ဖွဲ့၏ ထိပ်သီး မျက်နှာစုံညီ အစည်းအဝေးအပြီး မေလ ၁၈ ရက်တွင် ထုတ်ပြန် ကြေညာခဲ့သည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) လက်မှတ်ထိုးထားသည့် တိုင်းရင်းသား လက်နက်ကိုင် ၇ ဖွဲ့သည် မျက်နှာစုံညီ ထိပ်သီး အစည်းအဝေး တစ်ရပ်ကို ထိုင်းနိုင်ငံ၊ ချင်းမိုင်မြို့မှာ မေလ ၁၇ ရက်မှ ၁၈ ရက်နေ့အထိ ကျင်းပခဲ့သည်။

အဆိုပါ အစည်းအဝေးတွင် ၂၀၂၃ ခုနှစ်၊ မတ်လ နှောင်းပိုင်းတွင် ကျင်းပခဲ့သည့် NCA ထိုးထားသော တိုင်းရင်းသား လက်နက်ကိုင်အဖွဲ့စည်းများ (NCA-S EAO- 7)ဖွဲ့၏ အလွတ် သဘော ဆွေးနွေးညှိနှိုင်းရေး အဖွဲ့ နှင့် အမျိုးသားစည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီ(NSPNC)တို့၏ အလွတ် သဘော အစည်းအဝေးတွင် ရရှိခဲ့သည့် သဘောထား စုစည်းချက်များကို သုံးသပ် ဆွေးနွေးခဲ့ကြ ကြောင်း ထုတ်ပြန်ချက်တွင် ဖော်ပြထားသည်။

ထို့နောက် နှစ်ရက်တာ အစည်းအဝေးတွင် လက်ရှိ နိုင်ငံရေး အကျပ်အတည်းကို ကျော်လွှားနိုင်ရန် လက်တွေ့ ကျပြီး ဖြစ်နိုင်ချေရှိသည့် နည်းလမ်းများ ရှာဖွေ ဆောင်ရွက်ရေးအတွက် ဆွေးနွေးခဲ့ကြသည်ဟု ဆိုသည်။

 ၂၀၂၃ ခုနှစ်၊ မေလ ၁၈ ရက်က NCA-S EAO ၇ ဖွဲ့၏ ထိပ်သီး အစည်းအဝေး၏ ထုတ်ပြန်ချက်ကို တွေ့ရစဉ်

ထိုကဲ့သို့ နည်းလမ်းများ ရှာဖွေရာတွင် အဓိကအားဖြင့် ပါဝင်သင့် ပါဝင်ထိုက်သူများ အားလုံးပါဝင်သည့် နိုင်ငံ ရေး ဆွေးနွေးပွဲဖြစ်ပေါ်လာရေး၊ နိုင်ငံရေး ဆွေးနွေးပွဲများသည် အမျိုးသားရေး လုပ်ငန်းစဉ်နှင့် ပူးပေါင်း ဆောင်ရွက်ရမည့် လုပ်ငန်းစဉ် ဖြစ်ရေး၊ နိုင်ငံရေး ဆွေးနွေးပွဲ လုပ်ငန်းစဉ်များတွင် နိုင်ငံတကာ၏ အခန်းကဏ္ဍ နှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် တိုင်းရင်းသား ပြည်သူလူထုတရပ်လုံး လိုလားသည့် ဒီမိုကရေစီဖက်ဒရယ် အခြေခံမူများပေါ်တွင် ခိုင်မာစွာ ရပ်တည်ရေးတို့ကိုလည်း ဆွေးနွေးခဲ့ကြ သည်ဟု NCA-S EAO ၇ ဖွဲ့က ထုတ်ပြန်ခဲ့သည်။

လက်ရှိတွင် အမျိုးသားညီညွတ်ရေးအစိုးရ(NUG)က နစကနှင့် တပ်မတော်ကို အကြမ်းဖက် အဖွဲ့ဖြင့် ကြေညာ ထားသလို သွေးကြွေးမှာ ဆွေးနွေးစရာမရှိ အပြုတ်တိုက်ရမည်ဟုလည်း ကြွေးကြော်ထားသည်။
အလားတူ နစက-ကလည်း NUG နှင့် လက်အောက်ခံ ပြည်သူ့ကာကွယ်ရေးတပ်ဖွဲ့(PDF)၊ ဒေသခံကာကွယ်ရေး တပ်ဖွဲ့(LDF)တို့ကို အကြမ်းဖက် အဖွဲ့ဖြင့် ကြေညာထားသလို စေ့စပ်ဆွေးနွေးမည် မဟုတ်ကြောင်းလည်း ထုတ်ပြန် ထားသည်။

ထို့ကြောင့် မြန်မာ့နိုင်ငံရေး အကျပ်အတည်းကို ကျော်လွှားရေး တွေ့ဆုံ ဆွေးနွေးရန် တောင်းဆို တိုက်တွန်းမှု များနှင့် ကြိုးပမ်းမှုများသည် ခက်ခဲနေကြောင်း ငြိမ်းချမ်းရေးလုပ်ငန်းစဉ်တွင် ပါဝင်နေသူများက ပြောသည်။

CNI News

၂၀၂၃ ခုနှစ်၊ မေလ ၁၈

ကရင်အမျိုးသားအစည်းအရုံး (KNU)၏ (၁၇)ကြိမ်မြောက် ကွန်ဂရက်ကနေ နှုတ်ထွက်ခဲ့ခြင်းသည် KNU ၏ ဖွဲ့စည်းပုံအခြေခံဥပဒေနှင့် လမ်းစဉ်များအောက်မှ ခွဲထွက်သွားခြင်း မဟုတ်ကြောင်း KNU တပ်မဟာ (၅)က ထုတ်ပြန်ခဲ့သည်။

ပြီးခဲ့သည့် မေလအစောပိုင်းက ကျင်းပခဲ့သည့် KNU ကွန်ဂရက်မှာ အခမ်းအနားအတွင်းမှာ တပ်မဟာ ၅ ကိုယ်စားလှယ်များ ထွက်ခွာခဲ့ကြောင်း သိရသည်။

KNU တပ်မဟာ(၅)က “KNU ၏ ၁၇ ကြိမ်မြောက် ကွန်ဂရက်မှ နှုတ်ထွက် လိုက်ခြင်းသည် KNU ၏ ဖွဲ့စည်းပုံ အခြေခံဥပဒေနှင့် လမ်းစဉ်များအောက်မှ ခွဲထွက်သွားခြင်း မဟုတ်ပါ။ ကျွန်ုပ်တို့၏ အဓိက လိုလားချက်မှာ ဖွဲ့စည်းပုံ အခြေခံဥပဒေနှင့် လမ်းစဉ်များအောက်မှ KNU အဖွဲ့အစည်း၏ အနာဂတ်ဦးဆောင်မှု ပိုမို ကောင်းမွန် ခိုင်ခံရန်၊ လူထုတစ်ရပ်လုံး၏ ယုံကြည်ထောက်ခံမှုကို ရရှိရန်နှင့် ကရင်တစ်မျိုးသားလုံး၏ စည်းလုံး ညီညွတ်မှု ပိုမိုအားကောင်းလာရန်သာ ဖြစ်သည်”ဟု ထုတ်ပြန်ချက်တွင် ဖော်ပြထားသည်။

KNU ထိပ်သီး ခေါင်းဆောင်အချို့သည် အာဏာကို အလွှဲသုံးစားလုပ်၍ ဒုစရိုက်စီးပွားရေး လုပ်ငန်းများတွင် ပါဝင် ပတ်သက်နေကြောင်း ခိုင်လုံသော အထောက်အထားများအရ သိရှိရချိန်နှင့် ရန်သူက ဂုဏ်ပြုချီးမြှင့်သည့် ဂုဏ်ထူး ဆောင်ဆုကို KNU ဥက္ကဋ္ဌက လက်ခံခဲ့သည့်အပေါ် လွန်စွာဝမ်းနည်းကြောင်း ထုတ်ပြန်ချက်တွင် ဖော်ပြထားသည်။

KNU တပ်မဟာ(၅)၏ ထုတ်ပြန်ချက်ကို တွေ့ရစဉ်

အဆိုပါ လုပ်ရပ်နှစ်ခုလုံးမှာ KNU ၏ စည်းမျဉ်းဥပဒေနှင့် ရပ်တည်ချက်အား ချိုးဖောက်သည်ကို ငြင်းနိုင်ဖွယ် မရှိ ကြောင်း တပ်မဟာ ၅ က ထုတ်ပြန်ခဲ့သည်။

ထိုထုတ်ပြန်ချက်နှင့် ပတ်သက်၍ KNU မှ တာဝန်ရှိ ပုဂ္ဂိုလ်များထံ CNI က ဖုန်းဆက်သွယ်ခဲ့သော်လည်း ဆက်သွယ်၍ မရသေးပေ။

တပ်မဟာ(၅)သည် ကွန်ဂရက်က နှုတ်ထွက်ခဲ့သော်လည်း KNU ဦးဆောင်မှုအောက်ကနေ ခွဲထွက်မှာ မဟုတ်ဟု မြင်မိကြောင်း မြန်မာ့နိုင်ငံရေး လေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။

ဦးသန်းစိုးနိုင်က “NCA ကို တောက်လျှောက် ဖက်တွယ်လာတဲ့ စောမူတူးစေးဖိုးကို ဖယ်ရှားပြီးတော့ ဒုဥက္ကဋ္ဌက တက်လာတယ်၊ သို့သော်ငြားလည်း ဒုဥက္ကဋ္ဌလည်းပဲ သိပ်ပြီးတော့ မူတူးစေးဖိုးနဲ့ သဘောထား မကွာလှတဲ့ ပုဂ္ဂိုလ် တစ်ယောက်လို့ ပြောကြပါတယ်။ အဲဒီတော့ KNU ထဲမှာ အဲဒီလို အနေအထားတွေ သဘောထား ကွဲပြားမှုတွေ ရှိ တာက အဓိက အကြောင်းအရင်းအချက်ပါ တစ်ခုက NCA စာချုပ်ကို လက်ခံလား၊ လက်မခံဘူးလား၊ နောက်တစ်ခု က နယ်စပ်မှာရှိနေတဲ့ မူးယဇ်ဆေးဝါးနဲ့ လောင်းကစားဝိုင်းတွေ လုပ်နေတဲ့ လုပ်ငန်းတွေမှာ KNU ခေါင်းဆောင် တွေ ပါဝင်ပတ်သက်နေတဲ့ ကိစ္စနဲ့ပတ်သက်ပြီး မကျေလည်တဲ့ တပ်မှူးတွေ ရှိပါတယ်၊ အဲဒီတော့ အခု တပ်မဟာ ၅ က နှုတ်ထွက်တယ်လို့ ပြောပေမယ့်၊ အခု အပြောင်းအလဲအောက်မှာ တပ်မဟာ ၅ အနေနဲ့ KNU တစ်ခုလုံးရဲ့ ခေါင်းဆောင်မှု အောက်ကနေပြီးတော့ ခွဲထွက်သွားဦးမှာ မဟုတ်ဘူးလို့ ကျနော်ကတော့ ယူဆပါတယ်” ဟု ပြော သည်။

KNU ဥက္ကဋ္ဌ ပဒိုစောကွယ်ထူးဝင်းကိုတွေ့ရစဉ်

ထိုကိစ္စကို (၁၇)ကြိမ်မြောက် ကွန်ဂရက်မတိုင်မီ စစ်ဆေးဖြေရှင်းခြင်းက အသင့်တော်ဆုံးဟု ယူဆကာ အရေးယူ ဆောင်ရွက်ရန် KNU ဗဟိုထံ တင်ပြခဲ့ကြောင်း၊ ထိုသို့ လုပ်ဆောင်ခြင်းက တရားဥပဒေစိုးမိုးရေးကို ထင်ဟပ်စေသလို အဖွဲ့အစည်း၏ မူဘောင်လမ်းစဉ်နှင့် ကိုက်ညီသည့် ပြဿနာဖြေရှင်းခြင်း နည်းလမ်းဖြစ်ကြောင်း ဖော်ပြ ထားသည်။

အဆိုပါ ကိစ္စအား ဖြေရှင်းခြင်း မရှိပါက ကွန်ဂရက်အား တက်ရောက်မည် မဟုတ်ကြောင်းနှင့် ရွေးကောက်ပွဲ ကွန်ဂရက်အား အဆောတလျင် ဆောင်ရွက်ရန် လိုအပ်သည်ဟု ကိုယ်စားလှယ်အများစု ယူဆပါက မိမိတို့အနေ ဖြင့် ကန့်ကွက်ဆန့်ကျင်မည် မဟုတ်ကြောင်း ပြောသည်။

KNU တပ်မဟာ ၅ ၏ ရပ်တည်ချက်သည် မိမိတို့ အဖွဲ့အစည်းနှင့် လူမျိုးတို့၏ စည်းလုံးညီညွတ်မှု၊ လိုအင်ဆန္ဒနှင့် တော်လှန်ရေး အောင်မြင်ရေးအတွက် ကောင်းမွန်သော အားထုတ်ကြိုးစားမှုသမိုင်းကို ရေးသွားရန်သာ ဖြစ်ကြောင်း ဖော်ပြထားသည်။

၂၀၂၁ ခုနှစ်‌၊ ဖေဖော်ဝါရီ ၁ ရက် မြန်မာ့တပ်မတော်က အာဏာရယူပြီးနောက် ကရင်ပြည်နယ် ဖာပွန်ခရိုင်၊ KNU တပ်မဟာ (၅) ထိန်းချုပ်နယ်မြေအတွင်း ကရင်အမျိုးသားလွတ်မြောက်ရေးတပ်မတော် (KNLA) နှင့် တပ်မတော် အကြား တိုက်ပွဲများ ပြင်းထန်လျက်ရှိနေသည်။

CNI News

၂၀၂၃ ခုနှစ်၊ မေ ၁၇

မိုခါမုန်တိုင်း တိုက်ခတ်မှုကြောင့် ပျက်စီးဆုံးရှုံးမှုများ ဖြစ်ပေါ်ခဲ့သည့် ရခိုင်ပြည်နယ်အတွင်းရှိ ဒေသခံတချို့သည် လက်ရှိ အချိန်အထိ အကူအညီများ မရရှိသေးဘဲ ဖြစ်နေကြောင်း ရခိုင်ဒေသခံ ပြည်သူများထံက သိရသည်။

မုန်တိုင်းကြောင့် ပျက်စီးမှုများကို ကိုယ်ထူကိုယ်ထဖြင့် ရုန်းကန်နေရကြောင်း၊ မည်သည့် အဖွဲ့အစည်းမျှ လာရောက်ကူညီခြင်း မရှိသေးကြောင်း စစ်တွေ မြို့ခံတစ်ဦးက CNI သတင်းဌာနသို့ ပြောသည်။

၎င်းက “စစ်တွေ အခြေအနေက ဘယ်လိုပြောမလဲ ကိုယ့်အားကိုယ်ကိုး ရုန်းကန်နေရတယ်ပေါ့ဗျာ၊ ကူသူမဲ့ ကယ် သူမဲ့ အရပ်သား ပေါလန်တီယာတွေကလည်း ကူနိုင်မယ့် အနေအထား မဟုတ်ဘူးလေ။ အခု လောလေဆယ် ဆယ်က အရေးတကြီး ရှာနေကြတာ အိမ်မိုးသွပ်ပြား၊ သွပ်မိုးထားတဲ့ အိမ်ဆိုတာက အခေါင်မကွာဆိုတာ မရှိ သလောက်လေ၊ အားလုံးနီးနီး ကွာတာပေါ့၊ အခေါင်က အဲဒါကြောင့် အိမ်မိုးသွပ်ပြား ရှာကြတယ်၊ နောက်ပြီးတော့ သောက်ရေပေါ့ အခက်အခဲ၊ စားရေးသောက်ရေးလည်း ဒီလိုပဲ ဝေမျှစားသောက်နေကြတာ ပေးတယ်၊ ကမ်းတယ် သတင်းမေးဖော်တောင် မရဘူး။ ပေးမယ့်ကမ်းမယ့်သူဆိုဝေး။ မနေ့ကတော့ ရပ်ကွက်အုပ်ချုပ်ရေးက အပျက်အစီး စာရင်း လာကောက်သွားတာတော့ တွေ့တယ်၊ ဒါပေမဲ့ ဘာမှတော့ အဖြေကတော့ မသိသေးဘူး။ လေလိုင်းက ထုတ်နေကြတာ၊ ဘာမှမရောက်ဘူး။ စစ်တွေကိုတောင် သတင်းမေးဖော် မရပါဘူးဆို။ အပေါ်ကတော့ ကောင်း ကင်ကတော့ ရဟတ်ယာဉ်တွေ ပျံနေတာတော့ တွေ့တယ်၊ ဝေါ်ကီတော်ကီ ကားတန်းတွေ သွားနေတာတော့ တွေ့ တယ်၊ ဒါပေမဲ့ လူထုဆီ ရောက်တာမှ မဟုတ်တာ၊ စစ်တွေဈေးဆိုလည်း ဖွတ်ဖွတ်ကြေလေ၊ ပြန်လို့ အသက်ဝင်ဖို့ က မလွယ်တာ” ဟု ပြောသည်။

မုန်တိုင်းတိုက်ခတ်အပြီး ရခိုင်ပြည်နယ်ကို မြင်တွေ့ရစဉ်

လက်ရှိတွင် နစက၏ ရခိုင်ပြည်နယ်အစိုးရအဖွဲ့သည် ဘူးသီးတောင်မြို့နယ်၊ မောင်တောမြို့နယ်၊ စစ်တွေမြို့နယ် ၊ ကျောက်ဖြူမြို့နယ်တို့၌ မုန်တိုင်းသင့် ပြည်သူများကို စားနပ်ရိက္ခာများထောက်ပံ့ပေးနေသလို ပြန်လည်ထူထောင် ရေးလုပ်ငန်းများလည်း လုပ်ဆောင်နေကြောင်း နစက-က သတင်းထုတ်ပြန်ထားသည်။

ကျောက်တော်မြို့နယ်မှ ပြည်သူတစ်ဦးကလည်း အကူအညီများ မရရှိကြောင်းနှင့် ကိုယ်ထူကိုယ်ထဖြင့်သာ လုပ်ဆောင်နေရကြောင်း ပြောသည်။

မုန်တိုင်းကြောင့် ပျက်စီးသွားသည့် တိုက်ပွဲရှောင်စခန်းများ ပြန်လည် တည်ဆောက် နိုင်ခြင်း မရှိသေးသလို အလှူ ရှင်များလည်း လာရောက် ကူညီခြင်း မရှိသေးကြောင်း မြောက်ဦးမြို့နယ် စင်းဘောကိုင်း တိုက်ပွဲရှောင်စခန်း တာဝန်ခံ ဦးညီပုက CNI သတင်းဌာနသို့ ပြောသည်။

လူကယ်ပြန်က မောင်တောမြို့မှာ မုန်တိုင်းသင့် ဒေသခံများကို ထောက်ပံ့ပေးနေစဉ်

၎င်းက “အခုလောလောဆယ်က သူတို့က အနီးအနားမှာရှိတဲ့ ရွာတွေက ဘုန်းကြီးကျောင်းတွေမှာ ဝင်ပြီး ခိုလှုံ နေကြတယ်၊ အခုဆိုရင် သူတို့လည်း တဲအိမ်တွေ ပြန်ပြီးပြုပြင်ဖို့ အခက်အခဲ တော်တော် ဖြစ်နေကြတယ်။ အခက်အခဲဆိုတာမှာ မုန်တိုင်းပြီးခါစဆိုတော့ တဲအိမ်တွေက အကုန်လုံး ပျက်စီးသွားတာဆိုတော့ သစ်တွေ၊ ဝါး တွေ၊ အုန်းတွေ ပြီးရင် ဒါပလင်တွေ အဲဒါတွေ မရှိတဲ့အချိန်ကြတော့ ပြုပြင်ရမယ့်ဟာက အချိန် ကြန့်ကြာနေတယ်။ အဖွဲ့အစည်းတွေက လှူဒါန်းတာတွေ အကူအညီ ပေးတာတွေတော့ မရှိသေးဘူး။ အခုလောလောဆယ်တော့ ICRC ဘက်ကတော့ တဲအိမ်တွေ ပျက်စီး စာရင်းကိုတော့ ကောက်ခံခိုင်းထားတာတော့ ရှိတယ်” ဟု ပြောသည်။

မေလ ၁၄ ရက်နေ့က တိုက်ခတ်ခဲ့သော မိုခါမုန်တိုင်းကြောင့် ရခိုင်ပြည်နယ်အတွင်းမှာ ဆက်သွယ်ရေး တာဝါတိုင် များ၊ နေအိမ်များ၊ သာသနိက အဆောက်အဦများ၊ လမ်းမီးတိုင်များ၊ သစ်ပင်များ လှဲကျခြင်းတို့ ဖြစ်ပေါ်ခဲ့သည်။

ထို့နောက် ဆန်၊ စားနိပ်ရိက္ခာနှင့် အိမ်ဆောက်ပစ္စည်းများ လိုအပ်နေကြောင်း သိရသည်။

မြန်မာနိုင်ငံအတွင်း ဝင်ရောက် တိုက်ခတ်ခဲ့သော ဆိုင်ကလုန်း မုန်တိုင်းကြောင့် ထိခိုက်ခံစားရသူများအား ကူညီထောက်ပံ့ရေး ဒေါ်လာ ၁ သန်း သုံးစွဲရန် ဘတ်ဂျက် သတ်မှတ်ထားကြောင်း အမျိုးသားညီညွတ်ရေး အစိုးရ (NUG) က မေလ ၁၆ ရက်တွင် ပြောကြားထားသည်။

အလားတူ မုန်တိုင်းသင့် ရခိုင်ဒေသ ပြန်လည်ထူထောင်ရေး ကျပ်သိန်းပေါင်း ၇ သောင်း အပါအဝင် ဆန်နှင့် စားနပ် ရိက္ခာများ ထောက်ပံ့ပေးလျက်ရှိကြောင်း နစကမှ ထုတ်ပြန်ခဲ့သည်။