CNI News

၂၀၂၂ ခုနှစ်၊ အောက်တိုဘာ ၂၀

နီပေါနှင့် ဘယ်လာရုစ်နိုင်ငံတို့က မြန်မာနိုင်ငံဆိုင်ရာသံအမတ်ကြီးအဖြစ် တာဝန်ထမ်းဆောင်နိုင်ရန် ခန့်အပ်လွှာ ကို နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံ ယနေ့ (အောက်တိုဘာ ၂၀ ရက်) နံနက်ပိုင်းက ပေးအပ်ခဲ့ ကြောင်း သိရသည်။

မြန်မာနိုင်ငံဆိုင်ရာ နီပေါသံအမတ်ကြီးအဖြစ် H.E. Mr. Harishchandra Ghimire က တာဝန် ထမ်းဆောင် သွားမည်ဖြစ်သည်။

ထို့နောက် နှစ်နိုင်ငံ သံတမန် ဆက်ဆံရေးနှင့် ချင်ကြည်ရင်းနှီးမှုဆိုင်ရာ ကိစ္စရပ်များ၊ စီးပွားရေးနှင့် ကုန်သွယ်မှု တိုးမြှင့်ဆောင်ရွက်ရေးဆိုင်ရာကိစ္စရပ်များ၊ ခရီးသွား လုပ်ငန်းများ တိုးမြှင့်ဆောင်ရွက်ရေးဆိုင်ရာ ကိစ္စရပ်များ နှင့် ပတ်သက်၍ ဆွေးနွေးခဲ့ကြသည်ဟု နစက-က ထုတ်ပြန်သွားသည်။

ဘယ်လာရုစ် သံအမတ်ကြီးက ဗိုလ်ချုပ်မှူးကြီးမင်းအောင်လှိုင်ကို ခန့်အပ်လွှာပေးအပ်နေစဉ်

အလားတူ ဘယ်လာရုစ်ကလည်း မြန်မာနိုင်ငံဆိုင်ရာသံအမတ်ကြီးအဖြစ် H.E. Mr. Uladzimir Baravikou က တာဝန်ထမ်းဆောင်သွားမည် ဖြစ်သည်။

သံအမတ်ကြီးအဖြစ် ခန့်အပ်လွှာပေးပြီးနောက် နှစ်နိုင်ငံသံတမန် ဆက်ဆံရေးနှင့် ချစ်ကြည်ရေးခရီးစဉ်များ အပြန် အလှန် သွားရောက်ရေးကိစ္စရပ်များ၊ ကုန်သွယ်မှုတိုးမြှင့်ဆောင်ရွက်ရေးဆိုင်ရာကိစ္စရပ်များ၊ သိပ္ပံနှင့် နည်းပညာ ပူးပေါင်းဆောင်ရွက်ရေးနှင့် ကာကွယ်ရေးဆိုင်ရာ ဆက်လက် ပူးပေါင်းဆောင်ရွက်ရေးကိစ္စရပ်များကို ဆွေးနွေးခဲ့ ကြောင်း သိရသည်။

CNI News

၂၀၂၂ ခုနှစ်၊ အောက်တိုဘာ ၂၀

ထိုင်း-မြန်မာကုန်သွယ်ရေးလမ်းဖြစ်သည့် မြဝတီ-ကော့ကရိတ် အာရှလမ်းမကြီးကို လုံခြုံရေး အခြေအနေအရ ယာယီဖြတ်သန်း သွားလာခွင့်ကို ပိတ်ထားကြောင်း သိရသည်။

ကရင်ပြည်နယ် နယ်ခြားစောင့်တပ် (BGF)မှ ဗိုလ်မှူးနိုင်မောင်ဇော်က အစည်းအဝေး လုပ်နေသည့်အတွက် မပြောနိုင်သေးကြောင်း ဆိုသည်။

DKBA မှ ဗိုလ်မှူးကြီး စောကျော်သန်းဋ္ဌေးက “လမ်းပိတ်ထားတာ မှန်ပါတယ်။ ကော့ကရိတ်-မြဝတီဘက်ကို သွား လို့ မရဘူး။ ကြားထဲမှာ ကားတွေ ပိတ်မိထားတာတော့ မကြားမိဘူး။ ဘာကြောင့်ဆိုတာတော့ ကျနော်လည်း မပြောနိုင်ဘူး၊ ပြောခွင့်မရှိဘူး။ ကျနော်တို့လုပ်တာလည်း မဟုတ်တော့လေ”ဟု CNI သတင်းဌာနသို့ ပြောသည်။

ကော်ဘရာစစ်ကြောင်းကိုတွေ့ရစဉ် (Cobra Column)

အောက်တိုဘာ ၁၉ ရက်နေ့က မြဝတီ-ဝေါ်လေးသွားလမ်းတွင် ကော်ဘရာစစ်ကြောင်းနှင့် မြန်မာ့တပ်မတော် ကြား တိုက်ပွဲများ ဖြစ်ပွားခဲ့ပြီး တပ်မ (၄၄)မှ ဗျူဟာမှူး ဗိုလ်မှူးကြီး ဝင်းမင်းဦး ကျဆုံးခဲ့ကြောင်း ကော်ဘရာစစ် ကြောင်းက ထုတ်ပြန်ခဲ့သည်။

ထို့နောက် အောက်တိုဘာ ၁၅ ရက်နေ့ကလည်း မြဝတီမြို့ အမှတ် ၁ ချစ်ကြည်ရေးတံတားအနီးမှာ ဗုံးပေါက်ကွဲ မှုဖြစ်ပွားခဲ့ပြီး ကား ၄ စီးနှင့်အနီးအနားရှိ အဆောက်အဦးများ ပျက်စီးသွားခဲ့သည်။

အဆိုပါ အခြေအနေများ ဖြစ်ပေါ်ပြီးနောက် မြဝတီ-ကော့ကရိတ် အာရှလမ်းမကြီးကို လုံခြုံရေးအရ ဖြတ်သန်း သွားလာခွင့်ကို ယာယီပိတ်လာကြောင်း သိရသည်။

မြဝတီ-ကော့ကရိတ် အာရှလမ်းမကြီး ပိတ်ထားခြင်းကြောင့် အွန်လိုင်းရှော့ပင်းသမားများသည် မှာယူထားသော ပစ္စည်းများ အချိန်မှီမရောက်၍ အခက်အခဲများ ကြုံတွေ့နေရကြောင်း သိရသည်။

အလားတူ နှစ်နိုင်ငံ ကုန်သွယ်ရေး လုပ်ငန်းများလည်း နှောင့်နှေးသွားနိုင်ကြောင်း ကုန်သည်များက ပြောသည်။

CNI News

၂၀၂၂ ခုနှစ်၊ အောက်တိုဘာ ၂၀

လက်ရှိ မြန်မာနိုင်ငံတွင် မြန်မာ့တပ်မတော် ဖြုတ်ချရေး လက်နက်ကိုင်တော်လှန်ရေးများ ဆင်နွှဲ နေခြင်းနှင့်အတူ တပ်မတော် မရှိပါက တိုင်းပြည်ပြိုကွဲသွားမည်ကိုလည်း စိုးရိမ်မှုများလည်း တပြိုင်တည်းမှာ ရှိလာနေကြသည်။

၂၀၂၁ ခုနှစ်၊ ဖေဖော်ဝါရီ ၁ ရက်က မြန်မာ့တပ်မတော်သည် အမျိုးသားဒီမိုကရေစီအဖွဲ့ချုပ်(NLD) အစိုးရကို ဖြုတ်ချပြီးနောက် နိုင်ငံတော်ကို အရေးပေါ် ကြေညာ၍ အုပ်ချုပ်လျက်ရှိသည်။

ထို့နောက် ဒီမိုကရေစီတော်လှန်ရေးပေါ်ပေါက်လာကာ မြန်မာ့တပ်မတော်ကို ပြန်လည် ဖြုတ်ချရေး လက်နက်ကိုင် တိုက်ခိုက်လျက်ရှိသည်။

 ဒီမိုကရေစီအရေး တောင်းဆိုဆန္ဒပြနေကြသူများ (ဖရွန်းတီးယားမြန်မာ)

သို့သော်လည်း အခြားတစ်ဖက်တွင် မြန်မာနိုင်ငံအတွင်း လက်နက်ကိုင် အဖွဲ့အစည်း အများအပြားရှိသလို ခွဲထွက် လိုသော အဖွဲ့များလည်း ရှိနေခြင်းကြောင့် မြန်မာ့တပ်မတော် ပြိုကွဲပါက တိုင်းပြည်လည်း ပြိုကွဲသွားနိုင်သည်ဟု နိုင်ငံရေး အသိုင်းအဝိုင်းမှာ သုံးသပ်မှုများလည်း ရှိနေသည်။

မြန်မာ့တပ်မတော် အနေဖြင့် ဖရိုဖရဲပြိုပါက တိုင်းပြည်နစ်နာမှာ ဖြစ်ကြောင်း၊ စနစ်တကျဖြင့် ဖက်ဒရယ် ပြည်ထောင်စုတပ်အဖြစ် ပြောင်းလဲ၍ရကြောင်း တိုင်းရင်းသားလက်နက်ကိုင် ခေါင်းဆောင်တစ်ဦးဖြစ်သူ ဗိုလ်မှူးကြီးခွန်ဥက္ကာက CNI သတင်းဌာနကို ပြောသည်။

ဗိုလ်မှူးကြီးခွန်ဥက္ကာ “စစ်တပ်ပြိုပုံ၊ ပြိုနည်းရှိသေးတာကို ပြိုတယ်ဆိုတာက ဖရိုဖရဲပြိုသလား၊ စနစ်တကျနဲ့ လုံခြုံရေးကဏ္ဍ ပြန်လည်ပြောင်းလဲခြင်း လုပ်ပြီးတော့ လုံခြုံရေးကဏ္ဍကို စနစ်တကျပြုပြင် ပြောင်းလဲပြီးတော့ အသွင်ပြောင်း ပေါ့ဗျာ၊ စစ်တပ်ကို အသွင်ပြောင်းပြီးတော့ ဖက်ဒရယ် ပြည်ထောင်စုတပ်ကို ပြောင်းသွားတာတို့ ဘာတို့ဆိုရင် စစ်တပ်ဖက်က ကြည့်ရင်တော့ ပြိုတယ်ပြောပေမယ့်၊ စနစ်တကျ အသွင်ပြောင်းသွားရင်တော့ တိုင်းပြည် ဘာမှ မဖြစ်ပါဘူး။ ဖရိုဖရဲဖြစ်ရင်တော့ အဲဒါတော့ တိုင်းပြည်ပဲ နာမယ်၊ နောက်ပြီးတော့ တခြား တိုင်းပြည်တွေပေါ့၊ ဒီအာဏာရှင်တွေ တစ်ခါတစ်လေ ဖရိုဖရဲဖြစ်ရင် တပ်တွေက မာဖီးယားဂိုဏ်းတွေ ဘာတွေ ဖြစ်ကုန်တာ တွေ့ဖူး တယ်လေ။ တခြားတိုင်းပြည်တွေမှာ ကျနော်တို့မှာတော့ စနစ်တကျတော့ ဖြစ်ဖို့လိုတာပေါ့၊ ဒီအတိုင်းတော့ မရဘူး ပေါ့။ လုံခြုံရေးဆိုင်ရာ ပြည်လည် ပေါင်းစည်းခြင်းတို့၊ လုံခြုံရေးကဏ္ဍ ပြုပြင်ပြောင်းလဲခြင်း တို့ အဲဒီလိုလုပ်ရင်းနဲ့ တပ်ကို အသွင်ပြောင်းရင်တော့ အကောင်းဆုံးပေါ့ဗျာ” ဟု ပြောသည်။

လက်ရှိ မြန်မာနိုင်ငံ၏ အခြေအနေမှာ ပြည်တွင်း/ပြည်ပ ခြိမ်းခြောက်မှုဖြင့် ရင်ဆိုင်နေရကြောင်း၊ ထို့ကြောင့် တပ်မတော် မရှိပါက တိုင်းပြည်ပြိုကွဲရန် လွယ်ကူသွားမည်ဖြစ်ကြောင်း သေနင်္ဂမဟာဗျူဟာ လေ့လာရေးအဖွဲ့မှ ဒါရိုက်တာ ဦးသိန်းထွန်းဦးက CNI သတင်းဌာကို ပြောသည်။

 ၂၀၂၂ ခုနှစ်၊ စက်တင်ဘာလက ဗိုလ်ချုပ်မှူးကြီးမင်းအောင်လှိုင်နဲ့ UWSA-NDAA-SSPP ခေါင်းဆောင်များ တွေ့ဆုံ ဆွေးနွေးစဉ်

 ၎င်းက “အဲဒီစကားကတော့ မေးတဲ့ မေးခွန်းမှာ အဖြေပါပါတယ်။ သေချာပါတယ်၊ ဘာကြောင့်လဲဆိုတော့ အခု ချိန်ထိ ပြည်တွင်းရော၊ ပြည်ပရောပေါ့နော်၊ ကျနော်တို့မှာက ပြည်တွင်းမှာလည်း လက်နက်ကိုင် ပဋိပက္ခ ရင်ဆိုင် နေရတယ်၊ ပြည်ပရဲ့ ခြိမ်းခြောက်မှုကလည်း တော်တော်လေး ကြီးပါတယ်၊ တော်ရုံတန်ရုံကတော့ ပါးပါးလေး တွေးရင်တော့ ပြည်ပမှာ ငါတို့က ခြိမ်းခြောက်မှု မရှိဘူး၊ တိုက်ရိုက်ခြိမ်းခြောက်မှု မဟုတ်ဘဲနဲ့ သွယ်ဝိုက်တဲ့ ခြိမ်းခြောက်မှုတွေ ကျနော်တို့မှာ အများကြီးရှိတယ်၊ အဲဒီတော့ ပြည်တွင်း၊ ပြည်ပမှာရှိတဲ့ ရန်တွေ အကုန်လုံးက အခုချိန်အထိ ဒဏ်ခံနေရတာ တပ်မတော် တစ်ရပ်လုံးက ဖြစ်တယ်၊ အဲဒီတော့ ဘာဖြစ်လာလဲဆိုတော့ ကျနော်တို့ သုံးသပ်ခဲ့တဲ့ သုံးသပ်ချက်ရှိတယ်၊ အရပ်သားအစိုးရဘက်ကို ပြောင်းတဲ့အချိန်မှာ အရပ်သားအစိုးရဖက်က အားနည်းလာတယ်၊ ပြောရရင်တော့ နိုင်ငံကို ဦးဆောင်နေတဲ့ နိုင်ငံကို ကာကွယ်ဖို့ အဲဒီလိုမျိုး အမြင်တွေ မရှိဘူး။ အားနည်းပျော့ညံ့ လာမယ်ဆိုရင် တပ်ကပဲ ဒီဒဏ်တွေ အကုန်လုံးကို ထမ်းနေရတဲ့အခါ တပ်မှာ တာဝန်ပို ပိလာ တယ်၊ ဝန်ပိုပိလာတယ်၊ အဲဒါက သိပ်အဆင် မပြေလှဘူး။ ဒါပေမဲ့ အခုချိန်အထိတော့ တပ်မတော်တစ်ရပ်ကပဲ ဒီဒဏ်တွေကို ခေါင်းခံပြီးတော့ လုပ်နေရတဲ့ အခါကြတော့ ဒီမေးခွန်းနဲ့ ပတ်သက်ပြီး အဖြေက ရှင်းရှင်းလေးပါ။ မြန်မာနိုင်ငံမှာ တပ်မတော် တစ်ရပ် မရှိလို့ရှိရင် နိုင်ငံပြိုကွဲသွားဖို့ သိပ်ကို လွယ်သွားပါလိမ့်မယ်” ဟု ပြောသည်။

တိုင်းပြည်တစ်ခုတွင် ပြည်သူလူထုနှင့် နိုင်ငံကို ကာကွယ်ရန် တပ်မ‌တော်တစ်ခု လိုအပ်ကြောင်း၊ သို့သော် လက်ရှိ မြန်မာ့တပ်မတော်နှင့် တိုင်းပြည် ရှေ့ဆက်၍ မရကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မှ ရဲဘော်အေးလွင်က CNI သတင်းဌာနသို့ ပြောသည်။

ဒီမိုကရေစီအရေး လက်နက်ကိုင် တော်လှန်နေကြတဲ့ NUG-PDF ကိုတွေ့ရစဉ်

 ရဲဘော်အေးလွင် ”ကျနော်တို့ အမြင်ကြတော့ တိုင်းပြည်တစ်ပြည်မှာ ကိုယ့်ရဲ့ ပြည်သူလူထုနဲ့ နိုင်ငံကို ကာကွယ်ဖို့ အတွက် တပ်မတော်တစ်ခုဆိုတာတော့ မရှိမဖြစ် လိုအပ်တယ်။ သို့သော်လည်း ဒီနေ့ ကျနော်တို့ စစ်အာဏာရှင် တွေ တည်ဆောက်ထားတဲ့ တပ်မတော်မျိုးနဲ့တော့ တိုင်းပြည်ကို ဆက်လက်ပြီးတော့ ကျနော်တို့ မောင်းနှင်းလို့ မရဘူး။ ကျနော်တို့ တိုင်းပြည်ရဲ့ အပြောင်းအလဲမှာ ဒီကာကွယ်ရေးနဲ့ လုံခြုံရေးကဏ္ဍကလည်း တကယ့်ကို အရေး ပါတဲ့ အစိတ်အပိုင်းတစ်ခု ဖြစ်တယ်၊ အဲဒီတော့ ကျနော်တို့ ဖက်ဒရယ်ပြည်ထောင်စုစနစ်နဲ့ လိုက်လျောညီထွေတဲ့ ဖက်ဒရယ်တပ်မတော်တစ်ခုကတော့ မရှိမဖြစ် လိုအပ်တယ်၊ အဲဒီတော့ တိုင်းပြည်မှာ တပ်မတော်ဆိုတာ ရှိကိုရှိ ရမယ်၊ ကျနော်တို့ အဲဒီလိုပဲ နားလည်ပါတယ်။ စစ်အာဏာရှင်တစ်စုရဲ့ ခြယ်လှယ်နေတဲ့ တပ်မတော်မျိုးကတော့ ကျနော်တို့ တိုင်းပြည်မှာ မလိုအပ်ဘူးလို့ ကျနော်တို့ အဲဒီလိုပဲ မြင်ပါတယ်” ဟု ပြောသည်။

လက်ရှိတွင် မြန်မာ့တပ်မတော်နှင့် တိုင်းရင်းသားလက်နက်ကိုင် အဖွဲ့အစည်းတချို့၊ ပြည်သူ့ကာကွယ်ရေးတပ် (PDF) ပူးပေါင်းတပ်တို့အကြား စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်၊ ကရင်ပြည်နယ်၊ ကယားပြည်နယ်တို့မှာ တိုက်ပွဲများ ဖြစ်ပွားလျက်ရှိသည်။

တခြားတစ်ဖက်မှာတော့ တိုင်းရင်းသားလက်နက်ကိုင် အဖွဲ့အစည်း တချို့နှင့် မြန်မာ့တပ်မတော် ခေါင်းဆောင် ဗိုလ်ချုပ်မှူးကြီးမင်းအောင်လှိုင်တို့အကြား ငြိမ်းချမ်းရေး ဆွေးနွေးလျက်ရှိသလို အနာဂတ် မြန်မာ့တပ်မတော်ကို မည်သို့ ဖွဲ့စည်းတည်ဆောက်မလဲ(DDR-SSR) ဆွေးနွေးလျက်ရှိသည်။

CNI News

၂၀၂၂ ခုနှစ်၊ အောက်တိုဘာ ၁၉

စီးပွားရေး မောင်းနှင်အား ကောင်းပါက နိုင်ငံရေးနှင့်ကာကွယ်ရေးစွမ်းအား ကောင်းမည်ဟု နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောသည်။

အောက်တိုဘာ ၁၈ ရက်နေ့က မွန်ပြည်နယ်အတွင်းရှိ အသေးစား၊ အငယ်စားနှင့် အလတ်စား စီးပွားရေး လုပ်ငန်းရှင်များနှင့် တွေ့ဆုံစဉ် ၎င်းက အထက်ပါအတိုင်း ပြောကြားခဲ့ခြင်း ဖြစ်သည်။

နစကဥက္ကဋ္ဌက “နိုင်ငံတစ်ခုသည် စီးပွားရေးမောင်းနှင်အား၊ နိုင်ငံရေးအားနှင့် ကာကွယ်ရေးစွမ်းအား ကောင်းရန် လိုအပ်ကြောင်း၊ စီးပွားရေး မောင်းနှင်အား ကောင်းမွန်ပါက နိုင်ငံရေးနှင့် ကာကွယ်ရေး စွမ်းအားများသည်လည်း ကောင်းမွန်လာမည်ဖြစ်ပြီး အားကောင်းသည့် နိုင်ငံတစ်ခု ဖြစ်လာမည်”ဟု ပြောသည်။

တပ်မတော် ဆန့်ကျင်ရေး ဒီမိုကရေစီး တောင်းဆိုသူများကိုတွေ့ရစဉ် (ဖရွန်းတီးယားမြန်မာ)

စီးပွား‌ရေး၊ လူမှုရေးများမှာ နိုင်ငံ‌ရေး၏ အစိတ်အပိုင်း တစ်ခုဖြစ်ကြောင်း၊ နိုင်ငံရေး မကောင်းပါက စီးပွားရေး၊ လူမှုရေးများလည်း မကောင်းနိုင်ကြောင်း လုံခြုံရေးအရ အမည်မဖော်လိုသူ စီးပွားရေးပညာရှင်တစ်ဦးက CNI သတင်းဌာနသို့ ပြောသည်။

၎င်းက “တကယ်တော့ စီးပွားရေးဆိုတာလည်းပဲ နိုင်ငံ‌ရေးရဲ့ အစိတ်အပိုင်းတစ်ခုပဲ၊ လူမှု‌ရေးဆိုတာလည်းပဲ နိုင်ငံ ရေးရဲ့ အစိတ်အပိုင်းတစ်ခုပဲ၊ နိုင်ငံရေးကောင်းမှ ကျန်တာတွေ အားလုံးကောင်းနိုင်မယ်၊ နိုင်ငံရေး မကောင်းဘဲနဲ့ ကျန်တာတွေ ကောင်းမှာ မဟုတ်ဘူး။ အဲဒီတော့ သူပြောတဲ့ စကားကိုပဲ ပြောင်းပြန် အဓိပ္ပာယ် ကောက်လို့ရှိရင် သူက ပြောတယ်၊ စီးပွားရေး မောင်းနှင်အားကောင်းရင် နိုင်ငံရေး အခြေအနေတွေ ဘာညာကောင်းလာမယ်၊ လူမှုရေး ကောင်းလာမယ်လို့ ပြောတယ်၊ အဲဒီတော့ သူပြောတဲ့ စကားထဲမှာကိုပဲ Solution (ဖြေရှင်းချက်) က အတိအကျ ပါပြီးသား ဖြစ်နေတယ်၊ စီးပွားရေးဟာ ကောင်းမှ မကောင်းတာ၊ နိုင်ငံရေးမကောင်းရင် စီးပွားရေး မကောင်းနိုင်ဘူး။ အဲဒါကြောင့် စီးပွားရေး မကောင်းရင် နိုင်ငံ‌ရေးလည်း မကောင်းနိုင်ဘူးပေါ့၊ ဒီသဘော ဖြစ်သွား တာပေါ့။ ဆရာတို့ မြင်တဲ့အရ ပြောရလို့ရှိရင် စီးပွားရေးတို့၊ လူမှုရေးတို့ဆိုတာ နိုင်ငံရေးရဲ့ အစိတ်အပိုင်းပဲ၊ အဲဒီ တော့ နိုင်ငံရေးအခြေအနေ မကောင်းဘဲနဲ့ ဘယ်နည်းနဲ့မှ စီးပွားရေးလည်း မကောင်းနိုင်ဘူး။ လူမှုရေးလည်း မကောင်းနိုင်ဘူး။ အဲဒီတော့ ပြောင်းပြန် သုံးသပ်ပါတယ် ဆရာတို့က” ဟု ပြောသည်။

စီးပွားရေးကိစ္စ၊ လူမှုရေးကိစ္စများကို အမိန့်အာဏာဖြင့် လုပ်ဆောင်၍ မရကြောင်း၊ စီးပွားရေးနှင့် လူမှုရေးကိစ္စများ ကောင်းမွန်လိုပါက လက်ရှိ နစက လုပ်ဆောင်နေသည့် ပုံစံများကို ပြောင်းလဲရန် လိုအပ်ကြောင်း၊ နိုင်ငံရေးအရ အများ လက်ခံနိုင်သည့် အခြေအနေတစ်ရပ်ကို ပြောင်းလဲကျင့်သုံးသင့်ကြောင်း ၎င်းက ပြောသည်။

အသေးစား၊ အငယ်စားနှင့် အလတ်စား ထုတ်ကုန် ပစ္စည်းများကို လေ့လာနေစဉ်

တိုင်းရင်းသား ပြည်သူလူထုများ လိုလားသည့် တန်းတူရေး၊ ကိုယ်ပိုင်ပြဋ္ဌာန်းခွင့်၊ လွတ်လပ်ခွင့်များနှင့်အညီ ဖက်ဒရယ်ပြည်ထောင်စုကို အကောင်အထည် ဖော်နိုင်ပါက စီးပွားရေး ကိစ္စများလည်း အဆင်ပြေသွားမည်ဟု မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တပ်ဦး (ABSDF) မှ ပြောရေးဆိုခွင့်ရှိသူ ရဲဘော် အေးလွင်က CNI သတင်းဌာနသို့ ပြောသည်။

ရဲဘော်အေးလွင်က “နိုင်ငံရေးပြဿနာကို နိုင်ငံရေးနည်းအရ မှန်မှန်ကန်ကန် မဖြေရှင်းခဲ့တဲ့ အပေါ်မှာ ဒီစစ်ပွဲတွေ ကြောင့်ပဲ၊ ဒီစစ်အာဏာရှင်တွေရဲ့ အုပ်ချုပ်မှု အလွဲအမှားတွေကြောင့်ပဲ၊ တိုင်းပြည်က ဆင်းရဲတွင်းတွေ နက်နေ တာ၊ ဒီတော့ ကျနော်တို့ တိုင်းပြည်မှာက နိုင်ငံရေးအရ မှန်မှန်ကန်ကန် ဖြေရှင်းဖို့လိုတယ်၊ ပြည်သူလူထုနဲ့ တိုင်းရင်းသားတွေ အားလုံးလိုလားနေတဲ့ တန်းတူရေး ကိုယ်ပိုင်ပြဋ္ဌာန်းခွင့်နဲ့ လွတ်လပ်ခွင့်တွေနဲ့ ဒီမိုကရေစီကိစ္စ တွေကို ဖက်ဒရယ်ပြည်ထောင်စု စနစ်နဲ့အညီ အကောင်အထည် ဖော်မယ်ဆိုတဲ့ နိုင်ငံရေး ဖြစ်စဉ်ရှိဖို့တော့ လို တယ်၊ အဲဒါရှိမယ်ဆိုရင်‌တော့ ကျနော်တို့ ဒီစီးပွားရေးကိစ္စတွေက အဆင်ပြေသွားမယ်လို့ ကျနော်တို့ဖက်က အဲဒီလို ယူဆတယ်ဗျ” ဟု ပြောသည်။

နစက-က လာမည့် ၂၀၂၃ ခုနှစ်တွင် ရွေးကောက်ပွဲ ကျင်းပပေးဖြစ်ကြောင်း၊ အနိုင်ရသည့် ပါတီကို နိုင်ငံတော် အာဏာ လွှဲအပ်မည်ဖြစ်ကြောင်း၊ မြန်မာ့စီးပွားရေး ဦးမော့လာအောင်လည်း နိုင်ငံတော်က အသေးစား၊ အလတ် စားနှင့် အငယ်စား လုပ်ငန်းများတွင် ချေးငွေများ ထုတ်ပေးမည်ဖြစ်ကြောင်း ပြောကြားထားသည်။

CNI News

၂၀၂၂ ခုနှစ်၊ အောက်တိုဘာ ၁၉

ထိုင်း-မြန်မာ နှစ်နိုင်ငံနယ်စပ်ဖြစ်သည့် မြဝတီ-မဲဆောက် အမှတ် (၁) ချစ်ကြည်ရေးတံတားအနီးတွင် ဗုံးပေါက် ကွဲမှုကြောင့် လုံခြုံရေးတင်းကြပ်လာရာ မြန်မာရွှေ့ပြောင်းလုပ်သားများအတွက် အခက်အခဲ ပိုဖြစ်လာကြောင်း ထိုင်းနိုင်ငံ၌ မြန်မာအလုပ်သမားအရေး ဆောင်ရွက်နေသူများက CNI သတင်းဌာနသို့ ပြောသည်။

ထိုင်း-မြန်မာ နှစ်နိုင်ငံနယ်စပ်ဖြစ်သည့် မြဝတီ-မဲဆောက် အမှတ် (၁) ချစ်ကြည်ရေးတံတားအနီးတွင် အောက်တိုဘာ ၁၅ ရက်နေ့က ပေါက်ကွဲမှုဖြစ်ပွားခဲ့သည်။

ထိုဖြစ်စဉ်ကြောင့် လုံခြုံရေး ပိုမိုတင်းကြပ်လာသဖြင့် ထိုင်းသို့ တရားမဝင် ခိုးဝင်မည့် မြန်မာ ရွှေ့ပြောင်း လုပ်သား များနှင့် ထိုင်းမှ မြန်မာဘက်သို့ ခိုးပြန်မည့် မြန်မာရွှေ့ပြောင်း လုပ်သားများအတွက် အခက်အခဲ ပိုဖြစ်စေကြောင်း မြန်မာရွှေ့ပြောင်းအလုပ်သမားအရေး ဆောင်ရွက်နေသူ ကိုသားကြီးက CNI သတင်းဌာနသို့ ပြောသည်။

၎င်းက “လွယ်လွယ်ကူကူ ပြန်လို့မရတဲ့အချိန်မှာ ပွင့်ပွင့်လင်းလင်း ပြောရရင် ရတဲ့နည်းလမ်းနဲ့ မိခင်နိုင်ငံထဲကို ခိုးပြန်ကြတာပေါ့။ တံတားဖွင့်မယ်၊ နယ်စပ်ဂိတ်တွေ ဖွင့်ပေးတော့မယ်ပေါ့၊ ထိုင်းနိုင်ငံထဲက ရွှေ့ပြောင်း အလုပ် သမားတွေ လွယ်လွယ်ကူကူ ပြန်လို့ရအောင်။ ဒီလိုမျှော်လင့်ချက်နဲ့ မျှော်လင့်နေတဲ့ အချိန်မှာ မြဝတီမြို့မှာ မကြာ ခဏ ဆိုသလို ပေါက်ကွဲမှုတွေ ဖြစ်နေတယ်ဆိုတာ တစ်ဖက်က ကြည့်ရင်တော့ အာဏာရှင်ကို မလိုလားတဲ့ ပြည်သူတွေ တွန်းလှန်တာပေါ့။ တစ်ဖက်ကကြည့်ရင်တော့ ရွှေ့ပြောင်းအလုပ်သမားဘဝနဲ့ ထိုင်းနိုင်ငံမှာ နေနေတဲ့ မြန်မာတွေ အိမ်ပြန်ချင်တာတွေအတွက် ပိုပြီးတော့မှ အခက်အခဲ ဖြစ်သွားစေတယ်။ ပိုပြီးတော့ ကြန့်ကြာ သွား မယ်၊ ကရင်ပြည်နယ် နယ်စပ်မှာက လက်နက်ကိုင် အဖွဲ့စည်းတွေက အများကြီးပဲလေ။ စစ်တပ်နဲ့ ပတ်သက်တဲ့ စစ်တပ်ရဲ့ ပါတနာတွေက လုံခြုံရေးကို ပိုမိုပြီးတော့မှ တင်းကြပ်စွာ ဆောင်ရွက်လိမ့်မယ်။ ထိုင်းအစိုးရက မြဝတီမြို့မှာ ပေါက်ကွဲမှု မကြာခဏ ဖြစ်လိုက်တိုင်း နယ်စပ်ဂိတ်တွေမှာ လုံခြုံရေးတွေ ပိုတင်းကြပ်တယ်။ ဒီဆိုး ကျိုးတွေက ဘာဖြစ်လာလဲဆိုတော့ ထိုင်းနိုင်ငံထဲမှာ တရားဝင်နေတဲ့ အလုပ်သမားတွေ မိခင်နိုင်ငံကို ပြန်ဖို့ အတွက်၊ နောက် ပြန်ထားတဲ့လူတွေ ပြန်လာဖို့အတွက် သူတို့အတွက် အဖမ်းအဆီးတွေ ပိုမိုများပြား လာနိုင်တယ် ပေါ့” ဟု ပြောသည်။

 ထိုင်း-မြန်မာ နယ်စပ် သွားလာနေသူများကိုတွေ့ရစဉ် (AP)

မြဝတီ-မဲဆောက် အမှတ် (၁) ချစ်ကြည်ရေး တံတားသည် ကိုဗစ်ကာလမှ စတင်ကာ ပိတ်ထားသည်မှာ ယနေ့ အထိပင် ဖြစ်သည်။

ထို့နောက် မြန်မာနိုင်ငံအတွင်း နိုင်ငံရေး ရှုပ်ထွေးမှုများ ဖြစ်ပေါ်လာခြင်းကြောင့် ပြန်လည် မဖွင့်လှစ်သေးသဖြင့် ထိုင်းနိုင်ငံတွင် နေထိုင်ကာ အလုပ်လုပ်ကိုင်လျက်ရှိသည့် မြန်မာရွှေ့ပြောင်း လုပ်သား အများစုသည် သောင်းရင်း မြစ်မှ တရားမဝင်ခိုး၍ နေရပ်ပြန်ကြသကဲ့သို့ ပြန်လည် ဝင်ရောက်ချိန်တွင်လည်း သောင်ရင်းမြစ်မှ ခိုး၍ ပြန်ဝင် နေကြရသည်။

ယခုကဲ့သို့ ပေါက်ကွဲမှု ဖြစ်စဉ်များသည် တရားမဝင် လမ်းကြောင်းများမှတဆင့် နေရပ်သို့ပြန်မည့် မြန်မာ ရွှေ့ပြောင်း လုပ်သားများအတွက် အသက်အန္တရာယ်လည်း စိုးရိမ်ရကြောင်း MWRN မှ အလုပ်သမားတာဝန်ခံ ဦးဘရီက CNI သတင်းဌာနသို့ ပြောသည်။

၎င်းက “အရင်ထက် ပိုပြီးတော့မှ သွားလာရ ခက်ခဲတာပေါ့။ နဂိုအတိုင်း ဗုံးပေါက်ကွဲမှု မဖြစ်တဲ့ အချိန်မှာတောင်မှ နယ်စပ်ကို ပိတ်ထားတဲ့ အတွက်ကြောင့် သွားလာရ ခက်ခဲနေတယ်ဆိုတဲ့အခါ အခုလို နယ်စပ်တွေမှာ နေပြီးတော့ ဆူပူမှုဖြစ်တယ်၊ ဗုံးပေါက်ကွဲမှုတွေ ဖြစ်တဲ့အခါ နယ်စပ်ကို ပြန်ဖို့အတွက် အလုပ်သမားတွေအတွက် အသက် အန္တရာယ် စိုးရိမ်ရတဲ့ အနေအထားပေါ့။ ကျနော်တို့ မြဝတီလမ်းက သွားမယ်ဆိုရင် ကိုယ်သွားမယ့် အချိန်မှာများ တိုက်ပွဲ တစ်ခုခုဖြစ်မလား၊ ဗုံးပေါက်ကွဲမှုများ ဖြစ်မလားဆိုတဲ့ စိုးရိမ်စိတ်တွေ များပြီးတော့ပေါ့။ အခုလက်ရှိမှာ နေရပ်ပြန်ဖို့ အတွက်ကို စိုးရိမ်ရတဲ့ အနေအထားမျိုးတွေ ရှိပါတယ်”ဟု ပြောသည်။

မြဝတီ-မဲဆောက် အမှတ် (၁) ချစ်ကြည်ရေး တံတားအား လက်ရှိအထိ ဖွင့်လှစ်နိုင်ခြင်း မရှိသေးချိန်တွင် ယခုကဲ့သို့ ဖြစ်ပွားသည့် ပေါက်ကွဲမှုဖြစ်စဉ်များကြောင့် တံတားပြန်ဖွင့်ရန်မှာ ပို၍ ကြန့်ကြာသွားနိုင်သည်ဟု ထိုင်းနိုင်ငံတွင် မြန်မာအလုပ်သမားအရေး ဆောင်ရွက်နေသူများက သုံးသပ်သည်။

၂၀၂၂ ခုနှစ်၊ အောက်တိုဘာ ၁၅ ရက်က မြဝတီ-မဲဆောက် အမှတ် (၁) ချစ်ကြည်ရေး တံတားအနီး ပေါက်ကွဲမှုကြောင့် ပျက်စီးမှုကိုတွေ့ရစဉ်

ကိုသားကြီးက “ကျနော်ထင်ပါတယ်။ တိုင်းပြည်ရဲ့ အခြေအနေက ဒီအတိုင်း ဆက်ပြီးတော့ သွားနေမယ်။ တော်လှန်ရေး ကာလကြီးကလည်း ပိုမိုကြန့်ကြာနေမယ်။ ပြည်သူရွေးချယ် တင်မြှောက်ထားတဲ့ အရပ်သား အစိုးရကလည်း ထိရောက်တဲ့ ရုံးလုပ်ငန်းတွေမှာ ထိထိရောက်ရောက် မလုပ်နိုင်သေးတာ ဖြစ်တဲ့အတွက် မြန်မာ ပြည်သူတွေအတွက် ပိုပြီးတော့မှ ဘေးကျပ်နံကျပ် ဖြစ်စေတယ်။ ကျနော်တစ်ယောက်တည်းရဲ့ ခံယူချက်ကလည်း အများပြည်သူ ရွေးချယ်တင်မြှောက်တဲ့ အရပ်သားအစိုးရကိုပဲ လိုလားတာ ဖြစ်တဲ့အတွက် ထိရောက်တဲ့ အကူ အညီတွေပေးဖို့ အရပ်သား အစိုးရအနေနဲ့ ဆောင်ရွက်သင့်တယ်ပေါ့။ ထိုင်းနိုင်ငံထဲမှာ ဆိုရင်လည်း မြန်မာပြည်သူ တွေ ရွေးချယ်တင်မြှောက်တဲ့ အစိုးရဟာ မြန်မာပြည်သူတွေကို အကူအညီပေးနိုင်ဖို့ တစ်ဖက်တစ်လမ်းက အမြန် ဆုံး ဆောင်ရွက်သင့်တယ်လို့ ကျနော်အကြံပြုလိုတယ်”ဟု CNI သတင်းဌာနသို့ ပြောသည်။

ထိုင်းနိုင်ငံတွင် မြန်မာရွှေ့ပြောင်း လုပ်သားဦးရေ သန်းနှင့်ချီရှိကြောင်း၊ လက်ရှိတွင် တရားမဝင် နိုင်ငံခြားသား ရွှေ့ပြောင်း လုပ်သားများအား ထိုင်းနိုင်ငံ၌ နေရာအနှံ စီမံချက်တစ်ခုသဖွယ် အဖမ်းအဆီးများ ပြုလုပ်နေကြောင်း၊ ဖမ်းဆီးခံရသည့် အထဲတွင် မြန်မာရွှေ့ပြောင်းလုပ်သားများ အများအပြား ပါဝင်ကြောင်း သိရသည်။

ထို့အပြင် နှစ်ကုန်ခါနီးသဖြင့် အဖမ်းအဆီးမှာ ယခုထက် ပိုမိုများပြား လာနိုင်ကြောင်း ထိုင်းနိုင်ငံတွင် မြန်မာ အလုပ်သမားအရေး ဆောင်ရွက်နေသူများက သုံးသပ်ကြသည်။

CNI News

၂၀၂၂ ခုနှစ်၊ အောက်တိုဘာ ၁၈

အုပ်စုအကျိုးစီးပွားများအပေါ်မှာပဲ ကျောက်ချနေမည်ဆိုပါက မိမိတို့ နွေဦးတော်လှန်ရေးသည် သေးငယ်ပြီး ကျုံ့ဝင်သွားလိမ့်မည်ဖြစ်သလို အားကောင်းသည့် လူထုတော်လှန်ရေးဖြစ်တော့မှာ မဟုတ်ကြေင်း အမျိုးသား ညီညွတ်ရေးအစိုးရ(NUG)၏ ယာယီသမ္မတ ဒူဝါလရှီးလက ပြောသည်။

NUG ၏ ယနေ့ (အောက်တိုဘာ ၁၉ ရက်)ကျင်းပသည့် အစည်းအဝေးတွင် ၎င်းက အထက်ပါ အတိုင်း ပြောကြားခဲ့ခြင်း ဖြစ်သည်။

ဒူဝါလရှီးလက “ ကျနော်တို့ရဲ့ တော်လှန်ရေး စိတ်ဆန္ဒတွေဟာ ဂိုဏ်းဂဏဝါဒကို ရှောင်ပြီးတော့ ပုဂ္ဂိုလ်ရေး အစွဲတွေကို ကျော်နိုင်ဖို့ လိုပါလိမ့်မယ်။ မဟာမိတ် ဆက်ဆံရေးမှာ ရေတိုအကျိုးစီးပွားရေးတွေကိုပဲ ကြည့်ပြီး လုပ်ဆောင်တာမျိုးကိုလည်း ရှောင်ကြဉ်ဖို့ လိုတယ်လို့ ယူဆပါတယ်။ အုပ်စု အကျိုးစီးပွားတွေ အပေါ်မှာပဲ ကျောက်ချနေမယ်ဆိုရင် ကျနော်တို့ နွေဦးတော်လှန်ရေးဟာ သေးငယ်ပြီး ကျုံ့ဝင်သွားပါလိမ့်မယ်။ ကြီးမား ကျယ်ပြန့်ပြီး အားကောင်းတဲ့ လူထုတော်လှန်ရေးဖြစ်တော့မှာ မဟုတ်ပါဘူး။ ဒါကို သတိချပ်ပြီးတော့ အမြော် အမြင်ရှိရှိ၊ သဘောထားကြီးကြီး၊ အမြင်ကျယ်ကျယ်နဲ့ မဟာမိတ် ဆက်ဆံရေး တပ်ပေါင်းစုကို အင်အားကြီး အောင် စုဖွဲ့တည်ဆောက်ကြဖို့ ကျနော့်အနေနဲ့ တိုက်တွန်းလိုပါတယ်”ဟု ပြောသည်။

NUG အစည်းအဝေး လုပ်နေစဉ်

ထို့နောက် မဟာမိတ် ဆက်ဆံရေးကို တည်ဆောက်သည့် အခါမှာ သဘောထားအမြင် ကျဉ်းမြောင်းစွာ ချည်း ကပ် လုပ်ဆောင်ရန် မသင့်ကြောင်း ၎င်းက ပြောသည်။

ဒူဝါလရှီးလက “ ဒီနေ့ အမျိုးသား ညီညွတ်ရေး အစိုးရအဖွဲ့ အစည်းအဝေးမှာ အဓိက ပြောချင်တာကတော့ မဟာမိတ် ဆက်ဆံရေးကိစ္စဖြစ်ပါတယ်။ မြန်မာ့ နွေဦးတော်လှန်ရေးဟာ တစ်ဦးတစ်ယောက်၊ တစ်စုတစ်ဖွဲ့နဲ့ ဦးတည်ချီတက်နေကြတာ မဟုတ်ဘဲ အားလုံးပါဝင်မှုဆိုတဲ့ မူကိုကိုင်ပြီး ချီတက်နေကြတာကိုလည်း အားလုံး အသိပင် ဖြစ်ပါတယ်။ အားလုံး ပါဝင်ရေးမူကို ဆွဲကိုင်ပြီးတော့ နွေဦးတော်လှန်ရေးရဲ့ စစ်ရေးတပ်ပေါင်းစု မဟာမိတ် ်ဆက်ထုံးကို ခိုင်မြဲအောင် စုစုစည်းစည်း ညီညီညွတ်ညွတ် လုပ်ကြရမယ်လို့ ယူဆပါတယ်။ တစ်ဖက် မှာလည်း စစ်ရေး ပူးပေါင်း မဟာမိတ် လှုပ်ရှားမှုတွေကို လက်တွေ့ကျကျ လုပ်ကြရမယ်”ဟု ပြောသည်။

တအာင်းအမျိုးသားလွတ်မြောက်ရေးတပ်မတော်(TNLA)၏ အထွေထွေအတွင်းရေးမှူး ဗိုလ်မှူးချုပ် တားဘုန်း ကျော်ကလည်း NUG သည် တိုင်းရင်းသား လက်နက်ကိုင်များနှင့် အဖွဲ့အစည်းများအပေါ် မဟာမိတ်ဆက်ဆံ ရေး ချည်းကပ်မှုမှာ အားနည်းနေကြောင်း မြန်မာနောင်းနှင့် အင်တာဗျူးတစ်ခုတွင် ပြောသည်။

CNI News

၂၀၂၂ ခုနှစ်၊ အောက်တိုဘာ ၁၈

စစ်ကိုင်းတိုင်းဒေသကြီး၊ ကသာမြို့နယ်မှာ အမျိုးသားညီညွတ်ရေးအစိုးရ(NUG)က တရားဥပဒေစိုးမိုးရေးကနေ ပြည်သူလူထု၏ ယုံကြည်မှုရဖို့ မြို့နယ်တရားရုံး ဖွင့်ခြင်းဖြစ်နိုင်သည်ဟု တရားလွှတ်တော်ရှေ့နေ ဦးကြီးမြင့်က CNI သတင်းဌာနသို့ ပြောသည်။

အဆိုပါ တရားရုံးကို လွတ်မြောက်နယ်မြေတွင် ဖွင့်ခြင်းဖြစ်ကြောင်း၊ ပျက်စီးနေသည့် တရားစီရင်ရေးများကို ပြန်လည် ကုစားခြင်းဖြစ်ကြောင်း ၎င်းက ပြောသည်။

 ကသာမြို့နယ်မှာ NUG က မြို့နယ် တရားရုံးဖွင့်လိုက်တယ်ဆိုတဲ့ အဆောက်အဦကိုတွေ့ရစဉ်

ဦးကြီးမြင့်က “တစ်ခုရှိတာပေါ့၊ ကသာမြို့နယ် တရားရုံးကတော့ ကသာမြို့ပေါ်မှာ အရင်အတိုင်း ဆက်ရှိနေမှာပေါ့၊ ဒီဖက်က ကသာမြို့နယ် တရားရုံးကလည်း ပြည်သူတွေကြားထဲမှာ လွတ်မြောက်နယ်မြေတွေမှာ ဖွင့်တာပေါ့၊ အခု ဆိုရင် တရားမမှုတွေတောင် စီရင်နေပြီ။ ပြစ်မှုတွေ မကဘူး။ အထူးသဖြင့် မူးယစ်ဆေးမှုတွေ များတယ်လို့ ပြော တယ်၊ အဲဒါမျိုးတွေ စီရင်နေပြီဆိုတော့ တရားဥပဒေစိုးမိုးရေးအတွက် ပြည်သူကြားမှာ ပိုပြီး‌တော့ စိတ်ချလာ အောင်၊ ယုံကြည်လာအောင် လုပ်တဲ့ သဘောလည်း ဖြစ်တယ်၊ အဲဒီလိုမှ မလုပ်ရင် တိုင်းပြည်က ပျက်ပြီ။ လက်ရှိ တရားစီရင်ရေး၊ စစ်အာဏာရှင်‌အောက်က တရားစီရင်ရေးတာ ဆက်သွားနေရင် တိုင်းပြည်က အဖတ်ဆယ် မရ တော့ဘူး။ အဲဒါကို ပြန်ကုစားတာပေါ့၊ အဲဒီတော့ သူတို့က ဘယ်လိုလုပ်မလဲဆိုရင် သူတို့ တပ်တွေနဲ့ လာမယ်၊ သူတို့လည်း အကြာကြီး မနေနိုင်ပါဘူး။ သူတို့မှာ၊ အဲဒီတော့ သူတို့ တပ်တွေ လာတဲ့အချိန်မှာ ခဏရုပ်သိမ်း အဲဒီ တရားရုံးကို ခဏ ဘေးဖယ်ထားပြီး သူတို့တပ်တွေ ပြန်သွားတဲ့အခါ ပြန်ဖွင့်ပေါ့၊ အဲဒီလိုပဲ လုပ်နေရတယ်လို့ သဘောပေါက် နားလည်တယ်လေ” ဟု CNI သတင်းဌာနသို့ ပြောသည်။

NUG ၏ မူဝါဒအရ PDF များ နယ်မြေစိုးမိုးထားနိုင်သည့် ဒေသများတွင် အုပ်ချုပ်ရေး၊ တရားရေး၊ ကျန်းမာရေး၊ ပညာရေး စသည့် အခန်းကဏ္ဍများကို ဖော်ဆောင်သွားရန်နှင့် ဒေသခံများ၏ အကျိုးစီးပွားနှင့် သက်ဆိုင်သည့် အမှုများကို ကိုင်တွယ်ဖြေရှင်းသွားရန် ဖွင့်လှစ်ခဲ့ခြင်းဖြစ်ကြောင်း ကသာ PDF ၏ ပြောခွင့်ရပုဂ္ဂိုလ် တစ်ဦးက RFA သတင်းဌာနသို့ ပြောကြားထားသည်။

အဆိုပါ တရားရုံး ဖွင့်လှစ်ခြင်းကို လူမှုကွန်ယက်တွင် တွေ့ရကြောင်း၊ NUG ၏ မြို့နယ်တရားရုံးကို ကသာမြို့နယ် အတွင်းက PDF များ လှုပ်ရှား‌ရာ ကျေးရွာများ၌ ဖွင့်လှစ်ခြင်း ဖြစ်နိုင်ကြောင်း ကသာမြို့ခံတစ်ဦးက CNI သတင်း ဌာနသို့ ပြောသည်။

ကသာမြို့နယ် အ၀င်ကိုတွေ့ရစဉ်

၎င်းက “အဲဒါတွေနဲ့ ပတ်သက်လို့ကတော့ ကျနော်လည်း ဒီမှာပဲ နေနေရတာဆိုတော့ ဘယ်မှ မသွားရဘူးဆိုတော့ အပြင်လည်း မထွက်ရဘူး။ ဘယ်မှ မသွားရဘူးဆိုတော့ ကျနော်လည်း အဲဒါကြောင့်မို့ မသိလိုက်ဘူး။ လောလော ဆယ်က ကျနော်တို့ နေတဲ့ ဒီဖက်မှာကတော့ အေးချမ်းတယ်၊ ဘာမှမဖြစ်ဘူး။ ဒါပေမဲ့ ရွာဖက်မှာတွေတော့ ဖြစ်နေ တာပဲ။ မြို့ထဲမှာ ဘာမှမဖြစ်ဘူး။ ကျနော်က မြို့ထဲမှာ နေနေတာဆိုတော့ မြို့ထဲကနေ အပြင်မှ မထွက်ရဘူးဆိုမှ၊ နယ်မှာကတော့ အစ်ကိုပြောတဲ့ NUG တွေ အဲဒီလိုမျိုးတွေ လုပ်ကြတာပေါ့။ အဲဒါနဲ့ ပြိုင်ဖက်ရင်း လုပ်နေကြတာ ပါ့။ ကျနော်လည်း အတိအကျကြီး ပြောလို့မရဘူး။ မြို့နယ်ဖက်မှာဖြစ်တာ ကြားရတာ အဲဒီလောက်ပါပဲ” ဟု ပြောသည်။

လက်ရှိတွင် အမျိုးသားညီညွတ်‌ရေးအစိုးရ (NUG)၏ လက်အောက်တွင် အချုပ်ခန်းများ၊ ထောင်များကို စတင် ဖွင့် လှစ်နေပြီ ဖြစ်ကြောင်း၊ အချုပ်ခန်း ၁၀၀ နီးပါး ဖွင့်လှစ်ထားကြောင်း ဦးကြီးမြင့်က ပြောသည်။

၂၀၂၁ ခုနှစ်၊ ဖေဖော်ဝါရီ ၁ ရက် တပ်မတော်မှ NLD အစိုးရကို ဖြုတ်ချခဲ့ပြီးနောက်ပိုင်း ကသာမြို့နယ်တွင် မြန်မာ့ တပ်မတော်နှင့် PDF၊ ကချင်လွတ်လပ်ရေးတပ်မတော် (KIA) ပူးပေါင်းတပ်တို့အကြား တိုက်ပွဲများ ဖြစ်ပွားလျက် ရှိသည်။

CNI News

၂၀၂၂ ခုနှစ်၊ အောက်တိုဘာ ၁၇

ကရင်ပြည်နယ်၊ ကြာအင်းဆိပ်ကြီးမြို့နယ်အတွင်းမှာ အောက်တိုဘာ ၁၅ ရက်နှင့် ၁၆ ရက်နေ့များက တပ်မတော်နှင့် ကရင်အမျိုးသားလွတ်မြောက်ရေးတပ်မတော်(KNLA)၊ နဂါးနီစစ်ကြောင်း ပူးပေါင်းအဖွဲ့တို့ကြား တိုက်ပွဲဖြစ်ပွားခဲ့ရာ တပ်မတော်သား ၁၆ ဦး ဖမ်းဆီးရမိခဲ့ကြောင်း နဂါးနီစစ်ကြောင်းက ယနေ့ (အောက်တိုဘာ ၁၇ ရက်) တွင် ထုတ်ပြန်ခဲ့သည်။

ကြာအင်းဆိပ်ကြီးမြို့နယ်၊ တဂေးကျေးရွာအနီးတွင် တပ်မတော်နှင့် KNLA-နဂါးနီစစ်ကြောင်း ပူးပေါင်းအဖွဲ့တို့ ၂ ရက်ဆက် တိုက်ပွဲဖြစ်ပွားခဲ့ပြီးနောက် ဘုတ်ပြင်အခြေစိုက် စကခ-၁၃ လက်အောက်ခံ ခမရ ၃၅၈ တပ်ရင်းမှ တပ်ဖွဲ့ဝင် ၁၆ ဦးကို ဖမ်းဆီးခံရမိခဲ့သည်ဟု ထုတ်ပြန်ချက်တွင် ဖော်ပြထားသည်။

ထို့နောက် ၂၃ ဦး ထွက်ပြေး လွတ်မြောက်သွားကြောင်း၊ MA1 ၇ လက်၊ MA2 ၁ လက်၊ MA3 ၇ လက်၊ MA4 ၂ လက်၊ ၆၀ မမ ကွန်မန်ဒိုပြောင်း ၁ လက်၊ 5.56 ကျည် ၁၃၀၀၊ လက်ပစ်ဗုံး ၅ လုံး၊ ကပစထုတ် ၉ မမ မစ္စတို ၁ လက်၊ ၆၀ မမ ကျည် ၁ လုံး၊ RPG 7 အသီး ၂ လုံး၊ ကျည် Box အပို ၂၈ ခု၊ စကားပြောစက် ၃ လုံး၊ ဆက်သွယ် ရေး အထိုင်စက် ၁ လုံးနှင့် အခြား စစ်ဘက်ဆိုင်ရာ ပစ္စည်းများကို သိမ်းဆည်းရမိခဲ့ကြောင်း နဂါးနီစစ်ကြောင်းက ထုတ်ပြန်ခဲ့သည်။

CNI News

၂၀၂၂ ခုနှစ်၊ အောက်တိုဘာ ၁၇

တပ်မတော်အတွင်း စည်းလုံးညီညွတ်မှုရှိရေး စည်းရုံးနေ၍ အလုပ်မဖြစ်ကြောင်း၊ ပြည်သူပါဝင်ရန် လိုအပ်ကြောင်း တိုင်းရင်းသားလက်နက်ကိုင် ခေါင်းဆောင်တစ်ဦးဖြစ်သူ ဗိုလ်မှူးကြီး ခွန်ဥက္ကာက CNI သတင်းဌာနသို့ ပြောသည်။

တပ်မတော်အတွင်း စည်းလုံးညီညွတ်မှုရှိနေသည့် ကာလတစ်လျှောက်လုံး တိုင်းပြည်ကို ဖြိုခွဲ၍ရမှာ မဟုတ် ကြောင်း နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က အောက်တိုဘာ ၁၆ ရက် မော်လမြိုင်တပ်နယ်မှ တပ် မိသားစုများနှင့် တွေ့ဆုံစဉ် အထက်ပါအတိုင်း ပြောကြားခဲ့ခြင်း ဖြစ်သည်။

ဗိုလ်မှူးကြီး ခွန်ဥက္ကာက “ကျနော်ကတော့ ပြည်သူနဲ့လည်း ပါရမှာပေါ့ဗျာ၊ သူပြောတာကတော့ ပြည်သူရော ထည့် ပြောသင့်တာပေ့ါ၊ သူတို့ စည်းရုံးနေတာက သူတို့အတွက်ပဲ ဖြစ်နေရင်တော့ အလုပ်မဖြစ်ဘူးပေါ့၊ ပြည်သူနဲ့ တကွ၊ ပြည်သူ့ထောက်ခံမှုကို ရတယ်ဆိုတာလေးထည့်ရင် ကောင်းတာပေါ့၊ အဲဒါလေးပါပဲ။ ပြည်သူပါဖို့ လိုတယ်လို့ တပ် ကြီးပဲ အလုပ်မဖြစ်ဘူးလို့ အဲဒါပါ ကျနော်မှတ်ချက်ကတော့” ဟု CNI သတင်းဌာနသို့ ပြောသည်။

ဒီမိုကရေစီအရေး တောင်းဆိုနေကြသူများ (ဖရွန်းတီးယားမြန်မာ)

တပ်မတော်အနေဖြင့် တပ်တွင်း စည်းလုံးညီညွတ်ရေးကို ယခင်ကတည်းက ဆောင်ရွက်ခဲ့ပြီး သက်သာချောင်ချိ ရေး လုပ်ငန်းများ၊ တပ်တည်ဆောက်ရေး လုပ်ငန်းများနှင့် လေ့ကျင့်ရေး လုပ်ငန်းများကို အမြဲမပြတ် ဆောင်ရွက်ခဲ့ ကြောင်း နစကဥက္ကဋ္ဌက ပြောသည်။

တောင့်တင်းခိုင်မာပြီး အင်အားရှိသည့် အဖွဲ့အစည်းတစ်ခုမှာ တပ်မတော် တစ်ရပ်သာ ဖြစ်ကြောင်း သေနင်္ဂ မဟာဗျူဟာ လေ့လာရေးအဖွဲ့မှ ဒါရိုက်တာ ဦးသိန်းထွန်းဦးက CNI သတင်းဌာနသို့ ပြောသည်။

ဦးသိန်းထွန်းဦးက “မြန်မာပြည်မှာ ဒီနိုင်ငံရေးသမားများနဲ့ ပတ်သက်ပြီး တော်တော်များများ လေ့လာသူတွေလည်း သုံးသပ်ကြတယ်၊ တောင့်တင်းခိုင်မာပြီးတော့ တကယ့်ကို အင်အားရှိတဲ့ Institution တွေ အများကြီး လိုအပ်တယ်၊ အဲဒီတော့ Institution အဲဒီလိုမျိုး ဒီအချက်အလက်တွေနဲ့ ညီတယ်၊ တကယ်ကို တောင့်တင်းခိုင်မာပြီးတော့ သမိုင်းကြောင်း ကောင်းခဲ့တဲ့ Institution ဆိုပြီးတော့ ကျနော်တို့ အချက်အလက်တွေ ပြန်ရှာလိုက်တဲ့အချိန်မှာ လောလောဆယ် လက်ရှိ တပ်မတော်ဆိုတဲ့ Institution တစ်ခုပဲ ကျနော်တို့ တွေ့တယ်၊ ကျန်တဲ့ Institution တွေက အင်အားတောင့်တင်းခဲ့တာရှိတယ်၊ ဒါပေမဲ့ ရေရှည် သွားနိုင်တဲ့ အနေအထားမျိုး မတွေ့ဘူး။ Institution တစ်ခုရဲ့ ပြောရရင်တော့ ဝိသေသ လက္ခဏာတွေနဲ့ ပြည့်စုံအောင် မသွားနိုင်တဲ့ အနေအထားပေါ့နော်၊ အဲဒီတော့ တပ်မတော် တစ်ရပ်ကတော့ Institution တစ်ခုဆိုတဲ့ ဝိသေသ လက္ခဏာလည်း ပြည့်တယ်၊ နောက် စတင် ဖြစ်ပေါ် လာကတည်းကနေပြီးတော့ ဒီအချိန်ထိပေါ့၊ ဒီဦးတည်ထားတဲ့ ဦးတည်ချက်တောင်မှ အမြဲတမ်း တည့် တည့်မတ်မတ် ထိန်းထားနိုင်တာ ကျနော်တို့ တွေ့တယ်” ဟု ပြောသည်။

ဗိုလ်ချုပ်မှူးကြီးမင်းအောင်လှိုင်နဲ့ တပ်တွင်း စစ်သည်၊ မိသားစုများတွေ့ဆုံကြစဉ်

၂၀၂၁ ခုနှစ်၊ ဖေဖော်ဝါရီ ၁ ရက်နေ့တွင် မြန်မာ့တပ်မတော်က အမျိုးသားဒီမိုကရေစီအဖွဲ့ချုပ် (NLD) အစိုးရကို ၂၀၂၀ အထွေထွေရွေးကောက်ပွဲ မဲစာရင်း အငြင်းပွားမှုအား မဖြေရှင်းဘဲ အစိုးရဖွဲ့စည်းရေး ကြိုးပမ်းသည်ဟုဆို ကာ ဖြုတ်ချ၍ နိုင်ငံတော်ကို အရေးပေါ် ကြေညာထားသည်။

ထို့နောက် အမျိုးသားညီညွတ်ရေးအစိုးရ (NUG) ဦးဆောင်သည့် ဒေသကာကွယ်ရေးတပ် (PDF)နှင့် တိုင်းရင်းသား လက်နက်ကိုင်အဖွဲ့အစည်းတချို့ ပူးပေါင်းကာ တပ်မတော်ကို ဖြုတ်ချရေး ကြိုးပမ်းဆောင်ရွက်လျက် ရှိသည်။