CNI Sport News
၂၀၂၅ ခုနှစ်၊ ဒီဇင်ဘာ ၅
၂၀၂၅ ဆီးဂိမ်းစ် အမျိုးသားဘောလုံးပြိုင်ပွဲ အုပ်စု(C) အဖွင့်ပွဲစဉ်မှာ မြန်မာအသင်းဟာ ဖိလစ်ပိုင်အသင်းကို ၂ ဂိုး-ဂိုး မရှိနဲ့ အရေးနိမ့်ခဲ့ပါတယ်။
မြန်မာအသင်းဟာ ဒီပွဲအစမှာကတည်းက ဖိလစ်ပိုင်အသင်းရဲ့ တိုက်စစ်ဆင်မှုတွေကို ဖျက်ထုတ်နေရပြီး အဖွင့်ဂိုး ကို ပွဲချိန် ၁၉ မိနစ်မှာ ကတည်းက ပေးခဲ့ရပါတယ်။
မြန်မာအသင်းဟာ ဦးဆောင်ဂိုး ပေးရအပြီးမှာ ချေပဂိုးရဖို့ ကြိုးစားခဲ့ပေမယ့် ဂိုးပေါက် ခြိမ်းခြောက်မှု အားနည်းခဲ့ တာကြောင့် ပထမပိုင်းမှာ ၁ ဂိုး-ဂိုးမရှိနဲ့ အရေးနိမ့်နေခဲ့ပါတယ်။
ဒုတိယပိုင်းမှာ မြန်မာအသင်းဟာ ချေပဂိုးရဖို့ တိုက်စစ်ဆင် ကစားခဲ့ပေမယ့် နောက်ခံလူ လာဘ်ဝေဘုန်းရဲ့ ကိုယ့်ဂိုးကိုယ် သွင်းယူမှုကြောင့် ဖိလစ်ပိုင်အသင်းကို နောက်ထပ် ဦးဆောင်ဂိုး ထပ်ပေးခဲ့ရပါတယ်။
ဒီနောက်ပိုင်းမှာ မြန်မာအသင်းဟာ ဖိလစ်ပိုင်အသင်းဘက်ကို ဖိအားပေး ကစားလာခဲ့ပေမယ့် အဝေးကန်ချက် တွေနဲ့သာ ခြိမ်းခြောက်နိုင်ခဲ့ပြီး အဖွင့်ပွဲစဉ်မှာ အရေးနိမ့်ခဲ့ပါတယ်။
မြန်မာအသင်းဟာ ဒီဇင်ဘာ ၁၂ ရက်မှာ အုပ်စုနောက်ဆုံးပွဲအဖြစ် အင်ဒိုနီးရှားအသင်းနဲ့ ယှဉ်ပြိုင်ရမှာဖြစ်ပါတယ်။
