- By CNI
- Category: အားကစား
- Hits: 431
CNI Sport News
၂၀၂၃ ခုနှစ်၊ ဩဂုတ် ၁၆
မြန်မာအသင်းနည်းပြချုပ် မိုက်ကယ်က အာဆီယံယူ-၂၃ ချန်ပီယံရှစ်ပြိုင်ပွဲအတွက် အကောင်းဆုံးပြင်ဆင်ထားပြီး လူငယ်ကစားသမားသစ်တွေအတွက် အတွေ့အကြုံကောင်းတွေရမယ်လို့ ပွဲကြိုသတင်းစာရှင်းလင်းပွဲမှာ ပြောခဲ့ ပါတယ်။
မိုက်ကယ်က “ကျနော်တို့ မြန်မာယူ-၂၃ အသင်းအနေနဲ့ အခုချိန်ထိ ကစားသမားအားလုံး ဒဏ်ရာကင်းစင်ပြီး လေ့ကျင့်မှုကောင်းကောင်း ရှိနေပါတယ်။ ဒီပြိုင်ပွဲကနေ လာမယ့် စက်တင်ဘာလ အာရှခြေစစ်ပွဲတွေနဲ့ အာရှ အားကစားပွဲတော်တို့အတွက် သာမက နောက်နှစ်ဆီးဂိမ်းစ်အတွက်ပါ ကစားသမားသစ်တွေ မြင်တွေ့ရမှာဖြစ်ပြီး သူတို့အတွက်လည်း နိုင်ငံတကာအတွေ့အကြုံတွေ ရရှိမှာပါ။ ကျနော်တို့အသင်းရဲ့ လူငယ်ကစားသမားသစ်လေး တွေအတွက် ဒီပြိုင်ပွဲကနေ အတွေ့အကြုံကောင်းတွေ ရယူသွားပါမယ်"လို့ မီဒီယာတွေရဲ့မေးမြန်းမှုကို ဖြေခဲ့တာ ပါ။
မြန်မာအသင်းဟာ ဒီပြိုင်ပွဲရဲ့အုပ်စု A မှာ အိမ်ရှင် ထိုင်း၊ ကမ္ဘောဒီးယား၊ ဘရူနိုင်းတို့နဲ့ တစ်အုပ်စုထဲ ကျရောက် နေပါတယ်။ အုပ်စု B မှာ တီမော၊ မလေးရှားနဲ့ အင်ဒိုနီးရှား၊ အုပ်စု C မှာ ဗီယက်နမ်၊ ဖိလစ်ပိုင်နဲ့ လာအိုတို့ ကျရောက်နေတာပါ။ အုပ်စုခွဲဝေမှုအရ ထိပ်ဆုံးအသင်း ၃ သင်းနဲ့ အကောင်းဆုံးအုပ်စု ဒုတိယ ၁ သင်းတို့က ဆီမီးဖိုင်နယ်အဖြစ် ယှဉ်ပြိုင်ရမှာဖြစ်ပါတယ်။
မြန်မာအသင်းနည်းပြ မိုက်ကယ်က “ကျနော်တို့ အုပ်စုမှာ ပြီးခဲတဲ့ ဆီးဂိမ်းစ်ဆီမီးဖိုင်နယ်မှာ တွေ့ခဲ့တဲ့ ထိုင်း အသင်းနဲ့ ခက်ခက်ခဲခဲ ရင်ဆိုင်ရမှာ ဖြစ်သလို တောင့်တင်းတဲ့ ကမ္ဘောဒီးယားနဲ့လည်း ဆုံတွေ့ဖို့ရှိပါတယ်။ သူတို့နဲ့ ဆီးဂိမ်းစ် ကစားခဲ့ဖူးတော့ သူတို့အသင်းကောင်း တစ်သင်းဆိုတာ သိထားပြီးသားပါ။ ဘရူနိုင်းအသင်းနဲ့ကတော့ ကျနော်တို့အတွက် ပထမဆုံး တွေ့ဆုံရတာဖြစ်လို့ တကယ်ကို စိတ်ဝင်စားစရာပါပဲ" လို့ အုပ်စုတွင်းအသင်းတွေနဲ့ ပတ်သက်ပြီးပြောခဲ့ပါတယ်။
မြန်မာ ယူ-၂၃ အသင်းဟာ ဒီပြိုင်ပွဲမတိုင်ခင် ကူဝိတ် ယူ-၂၃ အသင်းနဲ့ ခြေစမ်းပွဲကစားခဲ့တာမှာ ၁ ဂိုး- ဂိုးမရှိနဲ့ အရေးနိမ့်ခဲ့တာပါ။ မြန်မာယူ-၂၃ အသင်းဟာ အုပ်စုတွင်းအဖွင့်ပွဲစဉ်အဖြစ် အိမ်ရှင်ထိုင်းအသင်းနဲ့ သြဂုတ် ၁၇ ရက် Rayong Stadium မှာ ယှဉ်ပြိုင်သွားမှာဖြစ်ပါတယ်။
- By CNI
- Category: အားကစား
- Hits: 476
CNI Sport News
၂၀၂၃ ခုနှစ်၊ သြဂုတ် ၁၆
ချယ်လ်ဆီးအသင်းကနေ အငှားနဲ့ ပြောင်းရွှေ့ခဲ့တဲ့ ကီပါက စာချုပ်ကုန်ဆုံးချိန်မှာ ရီးရယ်လ်အသင်းထံ အပြီးသတ် ပြောင်းရွှေ့နိုင်ဖို့ မျှော်လင့်တယ်လို့ ပြောခဲ့ပါတယ်။
ကီပါက “ အငှားစာချုပ်ပြီးဆုံးချိန်မှာ ကျနော့်ရဲ့ စွမ်းဆောင်ရည်တွေနဲ့ ရီးရယ်လ်က ဆက်ပြီးထားဖို့ ဆုံးဖြတ်မယ် ဆိုတာ မျှော်လင့်ပါတယ်။ ရီးရယ်လ်မှာရှိရတာကို အလွန်ဂုဏ်ယူပါတယ်။ ဒီဂျာစီကို ဝတ်ဆင်ပြီး လေ့ကျင့်ရေးနဲ့ ပွဲတွေမှာ အကောင်းဆုံး ကြိုးစားအားထုတ်သွားမှာပါ။ ရီးရယ်လ်ရဲ့ ဆုဖလားအခန်းထဲကို ဆုတွေထပ်ပြီး ဖြည့်နိုင် ဖို့လည်း မျှော်လင့်ပါတယ်”လို့ ပြောခဲ့တာပါ။
ရီးရယ်လ်အသင်းရဲ့ နံပါတ်တစ်ဂိုးသမား ကော့တွိုက်စ်ဟာ လေ့ကျင့်ရေးကွင်းမှာ ဒူးအရွတ်ဒဏ်ရာ ရရှိခဲ့ပြီး ရာသီ အကုန်ထိ အနားယူရဖွယ် ရှိနေတယ်လို့ သတင်းတွေ ထွက်ပေါ်နေတာ ဖြစ်ပါတယ်။
ကီပါကို တွေ့ရစဉ်
အဲ့ဒါကြောင့်လည်း စပိန်ကလပ်ဟာ ချယ်လ်ဆီးအသင်း ဂိုးသမား ကီပါကို ရာသီအကုန်ထိ အငှားနဲ့ ခေါ်ယူခဲ့တာ ပါ။ ကီပါကို ခေါ်ယူဖို့ ဘိုင်ယန်မြူးနစ်အသင်းကလည်း စိတ်ဝင်စားခဲ့ပေမယ့် ကစားသမားကတော့ ရီးရယ်လ် အသင်းကို ပြောင်းရွှေ့ဖို့ ဆုံးဖြတ်ခဲ့တာ ဖြစ်ပါတယ်။
အသက် ၂၈ နှစ်အရွယ်ရှိ ကီပါဟာ ၂၀၁၈ ခုနှစ်၊ သြဂုတ်လက ဘီလ်ဘာအိုအသင်းကနေ ချယ်လ်ဆီးအသင်းထံ ပေါင် ၇၁ သန်းနဲ့ ပြောင်းရွှေ့လာခဲ့ပြီး ၁၆၃ ပွဲ ပါဝင်ကစားထားတာပါ။
ရီးရယ်လ်အသင်းဟာ စပိန်လာလီဂါ အဖွင့်ပွဲစဉ်မှာ ဘီလ်ဘာအိုအသင်းကို ၂ ဂိုး- ဂိုးမရှိနဲ့ အနိုင်ရခဲ့ပြီး ဒီပွဲကိုတော့ ယူကရိန်းဂိုးသမား လူနင်က ပွဲထွက်ဂိုးသမားအဖြစ် ပါဝင်ခဲ့ပါတယ်။
ဒါပေမယ့် အယ်လ်မာရီးယားနဲ့ ကစားမယ့် ဒုတိယမြောက်ပွဲစဉ်မှာတော့ ကီပါကို နည်းပြ အန်ဆယ်လော့တီက အသုံးပြုဖွယ်ရှိနေတာပါ။
ချယ်လ်ဆီးအသင်းဟာ ကီပါ ထွက်ခွာသွားတာကြောင့် ဘရိုက်တန်အသင်းကနေ ခေါ်ယူထားတဲ့ ရောဘတ်ဆန်း ချက်ဇ် နေရာမှာ ပြိုင်ဆိုင်မှုရှိဖို့အတွက် ဈေးကွက်ထဲမှာ ဂိုးသမားတစ်ဦး ရှာဖွေနေပြီး နိုက်စ်အသင်းဂိုးသမား ကတ်စပါရှမိုက်ကယ်ကို စိတ်ဝင်စားနေတယ်လို့ သိရပါတယ်။
Source: Goal
- By CNI
- Category: အားကစား
- Hits: 467
CNI Sport News
၂၀၂၃ ခုနှစ်၊ သြဂုတ် ၁၆
အင်တာမိုင်ယာမီအသင်းဟာ လိဂ်ဖလားဆီမီးဖိုင်နယ်အဖြစ် ကစားခဲ့တဲ့ ဖီလာဒဲလ်ဖီးယား အသင်းနဲ့ပွဲမှာ ၄ ဂိုး- ၁ ဂိုးနဲ့ ဂိုးပြတ်အနိုင်ရပြီး လိဂ်ဖလားဗိုလ်လုပွဲကို ပထမဆုံးအကြိမ် ရောက်ရှိသွားခဲ့ပါတယ်။
ဒီပွဲမှာ အင်တာမိုင်ယာမီအသင်းအတွက် ဂိုးတွေကို မာတီးနက်ဇ်၊ မက်ဆီ၊ အယ်လ်ဘာနဲ့ ရူးဝဇ်တို့က သွင်းယူခဲ့ပြီး ဖီလာဒဲလ်ဖီးယားအသင်းအတွက် ဂိုးကိုတော့ ဘီဒိုယာက သွင်းယူခဲ့တာပါ။
မက်ဆီဟာ ဒီပွဲမှာ ဂိုးသွင်းနိုင်ခဲ့တာကြောင့် အင်တာမိုင်ယာမီ အသင်းအတွက် ၆ ပွဲဆက်တိုက် ဂိုးသွင်းယူနိုင်ခဲ့ပြီး အသင်းကလည်း ၆ ပွဲဆက်တိုက် နိုင်ပွဲရယူနိုင်ခဲ့တာ ဖြစ်ပါတယ်။
မက်ဆီဟာ လက်ရှိအချိန်မှာ အင်တာမိုင်ယာမီအသင်းအတွက် ၉ ဂိုးအထိ သွင်းယူထားနိုင်ခဲ့တာပါ။
အင်တာမိုင်ယာမီအသင်းကိုတွေ့ရစဉ်
အင်တာမိုင်ယာမီအသင်းဟာ လိဂ်ဖလားဗိုလ်လုပွဲကို ပထမဆုံးအကြိမ် ရောက်ရှိခဲ့သလို ဒီဗိုလ်လုပွဲဟာ အသင်း သမိုင်းတစ်လျှောက် ပထမဆုံးဗိုလ်လုပွဲအဖြစ် မှတ်တမ်းတင်နိုင်ခဲ့ပါတယ်။
ဒါ့အပြင် အင်တာမိုင်ယာမီအသင်းဟာ ဖီလာဒဲလ်ဖီးယားအသင်းကို အနိုင်ရခဲ့တဲ့အတွက် လာမယ့်နှစ်မှာ ကျင်းပ မယ့် ကွန်ကာကပ်ဖ် ချန်ပီယံလိဂ် ပြိုင်ပွဲကိုလည်း ပထမဆုံးအကြိမ်အဖြစ် ဝင်ရောက်ယှဉ်ပြိုင်ခွင့် ရရှိသွားခဲ့ပါ တယ်။
ဖီလာဒဲလ်ဖီးယား အသင်းနည်းပြ ဂျင်မ်ကာတိန်းက အင်တာမိုင်ယာမီအသင်းဟာ ဒီထက်ပိုပြီး ကောင်းလာဖို့ပဲ ရှိတော့တယ်လို့ မှတ်ချက်ပြုခဲ့တာပါ။
ဂျင်မ်ကာတိန်းက “သူတို့က ပိုပြီးကောင်းလာမှာပါ။ အသင်းပိုင်ရှင်တွေရဲ့ သုံးစွဲမှုတွေကလည်း ရူးသွပ်စရာပါပဲ။ သူတို့ဟာ လိဂ်ပြိုင်ပွဲမှာ အကောင်းဆုံး အသင်းဖြစ်အောင် လုပ်မှာဖြစ်ပြီး သူတို့ကို ဘယ်လိုအရာကမှ ရပ်တန့်လို့ရ မှာ မဟုတ်ဘူးလို့ ထင်ကြောင်း”ပြောခဲ့ပါတယ်။
လိဂ်ဖလားဆီမီးဖိုင်နယ် နောက်ထပ် ပွဲစဉ်တစ်ပွဲဖြစ်တဲ့ မွန်တာရေးနဲ့ နက်ရှ်ဗေးလ်တို့ပွဲမှာ နက်ရှ်ဗေးလ်အသင်းက ၂ ဂိုး- ဂိုးမရှိနဲ့ အနိုင်ရရှိခဲ့တာပါ။
အဲ့ဒါကြောင့် လိဂ်ဖလားဗိုလ်လုပွဲအဖြစ် အင်တာမိုင်ယာမီနဲ့ နက်ရှ်ဗေးလ်အသင်းတို့ ယှဉ်ပြိုင်ရမှာဖြစ်ပြီး ဒီပွဲကို တော့ သြဂုတ် ၁၉ ရက်မှာ ကျင်းပသွားမယ်လို့ သိရပါတယ်။
Source: CNA/AP
- By CNI
- Category: အားကစား
- Hits: 479
CNI Sport News
၂၀၂၃ ခုနှစ်၊ သြဂုတ် ၁၆
ပီအက်စ်ဂျီအသင်းကနေ ဆော်ဒီပရိုလိဂ်ကလပ် အယ်လ်ဟီလယ်အသင်းထံ ပြောင်းရွှေ့ခဲ့တဲ့ ဘရာဇီးလ် တိုက်စစ်မှူး နေမာက အားကစားသမိုင်းသစ်ကို ရေးချင်တယ်လို့ ပြောလိုက်ပါတယ်။
နေမာက “ကျနော်အားကစားသမိုင်းသစ်ကို ရေးချင်ပါတယ်။ အခု ဆော်ဒီပရိုလိဂ်မှာ ကြီးမားတဲ့စွမ်းအင်တွေနဲ့ အရည်အသွေးတွေရှိတဲ့ ကစားသမားတွေ အများကြီးရှိပါတယ်။ ဘရာဇီးလ် ကစားသမား အများအပြားဟာ ဆော်ဒီမှာ နှစ်တွေအကြာကြီး ကစားခဲ့တာကို သိခဲ့ရတဲ့အတွက်ကြောင့် ဒါက အလိုရှိတဲ့ နေရာဆိုတာ ကျနော် ယုံကြည်ပါတယ်။ အယ်လ်ဟီလယ်ဟာ ကြီးမားတဲ့အသင်းဖြစ်ပြီး အာရှမှာလည်း အကောင်းဆုံး စာရင်းဝင်ပါ တယ်။ ကျနော်ဟာ နိုင်ပွဲတွေရယူပြီး သွင်းဂိုးတွေ သွင်းရတာကို နှစ်သက်တဲ့အတွက် ဒါကို ဆော်ဒီနဲ့ အယ်လ်ဟီလယ်မှာလည်း ဆက်ပြီးလုပ်ဆောင်သွားဖို့ စီစဉ်ထားတယ်”လို့ ပြောခဲ့ပါတယ်။
အယ်လ်ဟီလယ်အသင်းဟာ နေမာအတွက် ပီအက်စ်ဂျီအသင်းကို ပြောင်းရွှေ့ကြေး ယူရိုသန်း ၉၀ ပေးချေခဲ့ရပြီး ၂ နှစ် စာချုပ် ချုပ်ဆိုခဲ့တာပါ။
နေမာဟာ အခုရာသီ ပီအက်စ်ဂျီအသင်းရဲ့ အစီအစဉ်မှာ မပါဝင်တော့တာကြောင့် ထွက်ခွာဖို့ လုပ်ဆောင်လာခဲ့တာ ဖြစ်ပါတယ်။
ဘရာဇီးလ်တိုက်စစ်မှူးဟာ ပီအက်စ်ဂျီအသင်းအတွက် ၁၇၃ ပွဲ ပါဝင်ကစားခဲ့ပြီး လီဂူးဝမ်းဖလား ၅ ကြိမ် အပါအဝင် ဆုဖလားပေါင်း ၁၃ လုံးရရှိအောင် ကူညီပေးနိုင်ခဲ့တာပါ။
နေမာဟာ ပီအက်စ်ဂျီအသင်းမှာ တစ်နှစ်လုပ်ခလစာ ယူရို ၂၅ သန်း ရရှိခဲ့ပေမယ့် ဆော်ဒီကလပ်မှာတော့ တစ်နှစ် ကို ယူရိုသန်း ၁၅၀ အထိ ရရှိမယ်လို့ သတင်းတွေမှာ ဖော်ပြထားပါတယ်။
ဒါဟာ နေမာအတွက်တော့ ပီအက်စ်ဂျီ အသင်းမှာရရှိတဲ့ လုပ်ခလစာ ပမာဏရဲ့ ၆ ဆ ဖြစ်တယ်လို့ သိရပါတယ်။
အယ်လ်ဟီလယ်အသင်းကို ပြောင်းရွှေ့သွားတဲ့ နေမာကိုတွေ့ရစဉ်
အယ်လ်ဟီလယ်အသင်းဥက္ကဋ္ဌ ဖာဟတ်ဘင်ဆတ်က နေမာကို ကြိုဆိုခဲ့ပြီး ကမ္ဘာလုံးဆိုင်ရာ အိုင်ကွန်လို့ ပြောခဲ့ တာပါ။
ဆော်ဒီပရိုလိဂ်ဟာ ပေါ်တူဂီကြယ်ပွင့် ရော်နယ်ဒိုကို ဇန်နဝါရီလမှာ ခေါ်ယူပြီးနောက်ပိုင်း အခု အပြောင်းအရွှေ့ ကာလမှာ နာမည်ကြီး ကစားသမား အများအပြားကို ခေါ်ယူထားနိုင်ခဲ့ပါတယ်။
နေမာဟာ ဆော်ဒီလိဂ်ကို နောက်ဆုံးရရှိလာခဲ့တဲ့ နာမည်ကျော် ကစားသမားဖြစ်ပြီး သူမတိုင်ခင်က ဘန်ဇီမာ၊ ကန်တီ၊ မာနေး၊ ဟန်ဒါဆန်၊ ဖာမီနိုနဲ့ မာရက်ဇ်တို့ကို ခေါ်ယူနိုင်ခဲ့တာပါ။
နေမာဟာ အယ်လ်ဟီလယ်အသင်းမှာ ရူဘင်နာဗတ်စ်၊ ကူလီဘာလီ၊ ဆာဗစ်တို့နဲ့ တွဲဖက်ကစားရမှာဖြစ်ပြီး အခု အပတ်ကစားမယ့် ဆော်ဒီပရိုလိဂ်ပွဲစဉ်မှာ ပွဲဦးထွက်အဖြစ် ပါဝင်ဖွယ်ရှိနေတာ ဖြစ်ပါတယ်။
Source: BBC
- By CNI
- Category: အားကစား
- Hits: 646
CNI Sport News
၂၀၂၃ ခုနှစ်၊ သြဂုတ် ၁၅
ဖီလာဒဲလ်ဖီးယားအသင်းနဲ့ ကစားမယ့် လိဂ်ဖလား ဆီမီးဖိုင်နယ် ပွဲစဉ်မတိုင်ခင်မှာ အင်တာမိုင်ယာမီအသင်း ပရိသတ်တွေဟာ မက်ဆီရဲ့ ဒဏ်ရာအခြေအနေကို စိုးရိမ်နေကြပေမယ့် နည်းပြ မာတီနိုက အာဂျင်တီးနားအသင်း ခေါင်းဆောင်ရဲ့ အခြေအနေဟာ စိုးရိမ်စရာမရှိဘူးလို့ ပြောခဲ့ပါတယ်။
မာတီနိုက “ဖြစ်ပျက်ခဲ့တဲ့အရာ အတိအကျကိုတော့ ကျနော်မမြင်တွေ့ခဲ့ရပါဘူး။ ဒါပေမယ့် ဒါက ပြင်းထန်နေမယ် ဆိုရင်တော့ လူတိုင်းတုန်လှုပ်မိမှာ အသေအချာပါပဲ။ အခုအချိန်မှာ အားလုံးက အဆင်ပြေနေတဲ့အတွက် ဘာမှ မဖြစ်ဘူးလို့ ထင်ကြောင်း”ပြောခဲ့တာပါ။
မက်ဆီဟာ အင်တာမိုင်ယာမီအသင်းနဲ့ သြဂုတ် ၁၄ ရက်က ပြုလုပ်ခဲ့တဲ့ လေ့ကျင့်ခန်း အစီအစဉ်မှာ ဘယ်ဘက် ခြေကျင်းဝတ် နာကျင်နေတဲ့ပုံ ပေါ်နေခဲ့တာ ဖြစ်ပါတယ်။
မက်ဆီကို တွေ့ရစဉ်
မက်ဆီဟာ နာကျင်နေတဲ့အတွက် သူ့ရဲ့ ဘယ်ဘက် ခြေကျင်းဝတ်ကို ကိုင်ထားတာကို ရုပ်သံဖိုင်မှာ မြင်တွေ့ခဲ့ရ တာပါ။ ဒါပေမယ့် အာဂျင်တီးနား အသင်းခေါင်းဆောင်ဟာ မေဂျာလိဂ်ကလပ်ရဲ့ လေ့ကျင့်ရေး အစီအစဉ်တွေမှာ ဆက်လက် ပါဝင်ပြီး လုပ်ဆောင်သွားခဲ့ပါတယ်။
နည်းပြ မာတီနိုကလည်း ဒါဟာ စိုးရိမ်စရာမရှိဘူးလို့ လိဂ်ဖလား ဆီမီးဖိုင်နယ်ကစားဖို့ မထွက်ခွာခင်မှာ ပြောခဲ့ပါ တယ်။
ဇူလိုင်ကမှ အင်တာမိုင်ယာမီအသင်းနဲ့ ပူးပေါင်းခဲ့တဲ့ မက်ဆီဟာ အသင်းအတွက် လိဂ်ဖလားပွဲစဉ် ၅ ပွဲ ကစားထား ခဲ့တာမှာ ၈ ဂိုးသွင်းပြီး အသင်းကို ၅ ပွဲစလုံး နိုင်ပွဲရရှိအောင် စွမ်းဆောင်ပေးထားတာပါ။
အင်တာမိုင်ယာမီ အသင်းဟာ လိဂ်ဖလားပြိုင်ပွဲအပြီးမှာ မေဂျာလိဂ်ပြိုင်ပွဲမှာ ရလဒ်ဆိုးနေတာကို ပြန်ကောင်း အောင် လုပ်ရဦးမှာ ဖြစ်ပါတယ်။
အင်တာမိုင်ယာမီ အသင်းဟာ မေဂျာလိဂ်ပြိုင်ပွဲမှာ နောက်ဆုံး ၁၁ ပွဲဆက် နိုင်ပွဲပျောက်ဆုံးခဲ့ပြီး အသင်းဟာ အမှတ်ပေးဇယား နောက်ဆုံးနေရာမှာ ရပ်တည်နေတာပါ။ အင်တာမိုင်ယာမီအသင်းဟာ လိဂ်ဖလားပြိုင်ပွဲပြီးရင် Open Cup ပွဲစဉ်အဖြစ် စင်စင်နတီအသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Goal
- By cni
- Category: အားကစား
- Hits: 524
CNI Sport News
၂၀၂၃ ခုနှစ်၊ ဩဂုတ် ၁၅
မန်စီးတီးအသင်းရဲ့ အဓိက ကွင်းလယ်လူ ဒီဘရိုင်းဟာ ဘန်လေအသင်းနဲ့ ပရီးမီးယားလိဂ်အဖွင့်ပွဲစဉ်မှာ ရရှိခဲ့တဲ့ တံကောက်ကြောဒဏ်ရာကြောင့် ဆီဗီလာအသင်းနဲ့ ကစားမယ့် ယူအီးအက်ဖ်အေစူပါဖလားပွဲစဉ်ကို လွဲချော်မှာ ဖြစ်ပါတယ်။
ဒီဘရိုင်းဟာ ဘန်လေအသင်းကို ၃ ဂိုး- ဂိုးမရှိနဲ့ အနိုင်ရခဲ့တဲ့ ပွဲစဉ်ရဲ့ ပွဲချိန် ၃၆ မိနစ်မှာ ဒဏ်ရာရရှိသွားခဲ့တာ ကြောင့် လူစားလဲခံခဲ့ရတာပါ။ မန်စီးတီးအသင်းနည်းပြ ဂွာဒီယိုလာကတော့ ဒီဘရိုင်းဟာ ဒဏ်ရာအခြေအနေ ပေါ်မှုတည်ပြီး ရက်သတ္တပတ်အနည်းငယ်ကြာ အနားယူရမယ်လို့ ပြောထားပါတယ်။ မန်စီးတီးအသင်းဟာ ဆီဗီလာအသင်းနဲ့ ပွဲစဉ်အတွက် ကစားသမား ၂၂ ဦးစာရင်းကို ထုတ်ပြန်ခဲ့တာမှာ ဒီဘရိုင်းမပါဝင်ခဲ့ပါဘူး။
မန်စီးတီးအသင်းရဲ့ လူစာရင်းမှာ ဒီဘရိုင်းအပြင် အဓိက ကစားသမားတွေဖြစ်တဲ့ ပေါ်တူဂီကွင်းလယ်လူ ဘာနာဒိုဆေးလ်ဗားနဲ့ နောက်ခံလူ ရူဘင်ဒီယက်ဇ်တို့လည်း မပါဝင်ခဲ့တာဖြစ်ပါတယ်။ ဒါ့အပြင် ဘာစီလိုနာ အသင်းထံ ပြောင်းရွှေ့မယ့် နောက်ခံလူ ကန်ဆယ်လိုကိုလည်း မန်စီးတီးအသင်းက လူစာရင်းမှာ ချန်လှပ်ခဲ့တာပါ။ ဥရောပစူပါဖလားပြိုင်ပွဲဟာ ပြီးခဲ့တဲ့ရာသီက ချန်ပီယံလိဂ်ချန်ပီယံနဲ့ ယူရိုပါလိဂ်ချန်ပီယံတို့ ယှဉ်ပြိုင် ကစားရတာ ဖြစ်ပါတယ်။
အဲဒါကြောင့် မန်စီးတီးနဲ့ ဆီဗီလာအသင်းတို့ဟာ သြဂုတ် ၁၇ ရက် ဂရိနိုင်ငံမှာ ဥရောပစူပါဖလားပွဲစဉ်အဖြစ် ယှဉ်ပြိုင်ကြမှာပါ။ မန်စီးတီးအသင်းဟာ ဥရောပစူပါဖလားပြိုင်ပွဲကို ပထမဆုံးအကြိမ်အဖြစ် ယှဉ်ပြိုင်မှာဖြစ်ပြီး ဆီဗီလာအသင်းကတော့ (၇)ကြိမ်မြောက်အဖြစ် ယှဉ်ပြိုင်မှာဖြစ်ပါတယ်။ စပိန်ကလပ် ဆီဗီလာအသင်းဟာ အရင် ယှဉ်ပြိုင်ခဲ့တဲ့ (၆) ကြိမ်မှာ ၁ ကြိမ်သာ ချန်ပီယံဆုကို ရယူနိုင်ခဲ့တာပါ။
မန်စီးတီးအသင်းဟာ ဒီပွဲအပြီးမှာ ပရီးမီးယားလိဂ်ပွဲစဉ်အဖြစ် နယူးကာဆယ်၊ ဆီဗီလာအသင်းက စပိန်လာလီဂါ ပွဲစဉ်အဖြစ် အလာဗတ်စ်အသင်းနဲ့ ယှဉ်ပြိုင်ရမှာဖြစ်ပါတယ်။
Source:ChannelNewsAsia
- By cni
- Category: အားကစား
- Hits: 426
CNI Sport News
၂၀၂၃ ခုနှစ်၊ သြဂုတ် ၁၅
ချယ်လ်ဆီးအသင်းဟာ ဘရိုက်တန်အသင်း ကွင်းလယ်လူ ကိုင်စီဒိုကို ဗြိတိန်စံချိန်တင် ပြောင်းရွှေ့ကြေး ပေါင် ၁၁၅ သန်းနဲ့ ခေါ်ယူနိုင်ခဲ့ပြီလို့ ကြေညာခဲ့ပါတယ်။
လီဗာပူးလ်အသင်းဟာ အီကွေဒေါလက်ရွေးစင် ကိုင်စီဒိုအတွက် ပြောင်းရွှေ့ကြေး ပေါင် ၁၁၁ သန်းနဲ့ ပြီးခဲ့တဲ့ အပတ်က ဘရိုက်တန်အသင်းနဲ့ သဘောတူညီမှု ရရှိခဲ့တာပါ။
ဒါပေမယ့် ကိုင်စီဒိုဟာ ချယ်လ်ဆီးအသင်းထံ ပြောင်းရွှေ့ချင်နေတာကြောင့် လန်ဒန်ကလပ်ဟာ ဘရိုက်တန် အသင်း လက်ခံနိုင်မယ့် ကမ်းလှမ်းမှုပြုလုပ်ခဲ့တဲ့အတွက် အပြောင်းအရွှေ့ ဖြစ်မြောက်ခဲ့တာ ဖြစ်ပါတယ်။
ချယ်လ်ဆီးအသင်းဟာ ကိုင်စီဒိုကို ၈ နှစ် စာချုပ်ချုပ်ဆိုခဲ့ပြီး နောက်ထပ် တစ်နှစ်သက်တမ်းတိုးခွင့်လည်း ပါဝင်နေ တာပါ။
ကိုင်စီဒိုက “ချယ်လ်ဆီးက ကျနော့်ကို ခေါ်ခဲ့တဲ့အချိန်မှာ နှစ်ခါတောင် စဉ်းစားစရာ မလိုခဲ့ပါဘူး။ ကျနော်ဒီအသင်း နဲ့ လက်မှတ်ရေးထိုးချင်တယ်ဆိုတာ ကျနော်ပဲသိတာပါ။ ဒီမှာရှိချင်တဲ့ အိပ်မက်တစ်ခုက အမှန်တကယ် ဖြစ်လာခဲ့ ပြီး အသင်းနဲ့အတူ ပွဲစတင်နိုင်ဖို့ကို မစောင့်ဆိုင်းနိုင်တော့ပါဘူး”လို့ ပြောခဲ့ပါတယ်။
ချယ်လ်ဆီးအသင်းဟာ ကိုင်စီဒိုအတွက် ဘရိုက်တန်အသင်းကို ကနဦး ပြောင်းရွှေ့ကြေး ပေါင်သန်း ၁၀၀ ပေးချေ ရမှာဖြစ်ပြီး ကစားသမားရဲ့ စွမ်းဆောင်ရည်အပေါ် မူတည်က နောက်ထပ်ပေါင် ၁၅ သန်းထပ်ပြီး ပေးချေရမှာပါ။
ကိုင်စီဒိုနဲ့ ချယ်လ်ဆီး လက်မှတ်ထိုးစဉ်
ကိုင်စီဒိုဟာ ပြီးခဲ့တဲ့ရာသီက ဘရိုက်တန်အသင်းကို သမိုင်းတစ်လျှောက် ပထမဆုံးအကြိမ် ယူရိုပါလိဂ်ဝင်ခွင့် ရရှိအောင် ခြေစွမ်းပြသနိုင်ခဲ့ပြီးနောက် အသင်းကြီးတွေရဲ့ ပစ်မှတ်ဖြစ်လာခဲ့ပါတယ်။
ချယ်လ်ဆီးအသင်းဟာ အခုနွေရာသီ အပြောင်းအရွှေ့မှာ အန်ကွန်ကူ၊ ဂျက်ဆန်၊ ဒီဆာဆီနဲ့ ကိုင်စီဒိုတို့ကို ခေါ်ယူ နိုင်ခဲ့ပြီးနောက် ဆောက်သမ်တန်အသင်း ကွင်းလယ်လူ လာဗီးယားနဲ့ ပဲလေ့စ်အသင်း တောင်ပံကစားသမား အိုလီဆီတို့ကို ခေါ်ယူနိုင်ဖို့လည်း ထပ်ပြီး ကြိုးစားနေတာပါ။
ချယ်လ်ဆီးအသင်းဟာ ပိုင်ရှင်ဖြစ်သူ တော့ဒ်ဘိုလီ လက်ထက်မှာ ကစားသမား ခေါ်ယူမှုအတွက် ဒေါ်လာ ၁ ဘီလီယံကျော် သုံးစွဲထားတယ်လို့ သိရပါတယ်။
ချယ်လ်ဆီးအသင်းဟာ ရာသီသစ် ပရီးမီးယားလိဂ် အဖွင့်ပွဲစဉ်မှာ လီဗာပူးလ်အသင်းနဲ့ ၁ ဂိုးစီ သရေကျခဲ့ပြီး ဒုတိယမြောက်ပွဲစဉ်အဖြစ် ဝက်စ်ဟမ်းအသင်းနဲ့ အဝေးကွင်းမှာ သွားရောက်ယှဉ်ပြိုင်ရမှာ ဖြစ်ပါတယ်။
Source: BBC
- By cni
- Category: အားကစား
- Hits: 600
CNI Sport News
၂၀၂၃ ခုနှစ်၊ သြဂုတ် ၁၅
ယူနိုက်တက်အသင်းနည်းပြ အဲရစ်တန်ဟတ်က ဝုလ်ဗ်စ်အသင်းကို အနိုင်ရရှိခဲ့တဲ့ ပရီးမီးယားလိဂ် အဖွင့်ပွဲစဉ်မှာ မိမိတို့ဟာ အနိုင်ရမယ့်နည်းလမ်းကို တွေ့ရှိခဲ့တယ်လို့ ပြောခဲ့ပါတယ်။
အဲရစ်တန်ဟတ်က “ဝုလ်ဗ်စ်အသင်းဟာ ကျနော်တို့လိုပဲ အနိုင်ရလိုစိတ် ပြင်းထန်ပါတယ်။ ဒါပေမယ့် ကျနော်တို့ ဟာ အနိုင်ရဖို့ နည်းလမ်းတွေကို ရှာဖွေခဲ့ပြီး လုပ်လည်းလုပ်နိုင်ခဲ့ပါတယ်။ အသင်းရဲ့ စိတ်ဓါတ်နဲ့ အနိုင်ယူချင်တဲ့ စိတ်ကိုလည်း ခင်ဗျားတို့ မြင်တွေ့ရမှာပါ။ နိုင်ပွဲအတွက် ကျနော်တကယ်ကို ကျေနပ်ပါတယ်။ ဒီပွဲက ကျနော်တို့ အတွက် ပွဲကောင်းတစ်ပွဲ မဟုတ်ခဲ့ပေမယ့် ကျနော်တို့ တိုက်ပွဲဝင်ခဲ့ပြီး အနိုင်ရမယ့် နည်းလမ်းကိုလည်း တွေ့ရှိခဲ့ တယ်”လို့ ပြောခဲ့တာပါ။
ယူနိုက်တက်အသင်းဟာ ဝုလ်ဗ်စ်အသင်းကို ၁ ဂိုး- ဂိုးမရှိနဲ့ အနိုင်ရခဲ့တာဖြစ်ပြီး အနိုင်ဂိုးကို နောက်ခံလူ ဗာရန်းက ပွဲချိန် ၇၆ မိနစ်မှာ ခေါင်းတိုက်ပြီး သွင်းယူခဲ့တာ ဖြစ်ပါတယ်။
ယူနိုက်တက်အသင်းသားများကိုတွေ့ရစဉ်
ယူနိုက်တက်အသင်းဟာ ဒီပွဲမှာ အကောင်းဆုံးပုံစံ မရခဲ့သလို ပြိုင်ဘက်ကို ဂိုးကန်သွင်းခွင့် အများကြီး ပေးခဲ့ရ ပေမယ့် ဂိုးသမား အိုနာနာ လက်စွမ်းပြသ နိုင်ခဲ့တာကြောင့် အမှတ်ခွဲမပေးခဲ့ရတာပါ။
ယူနိုက်တက်အသင်းဟာ မိနစ် ၉၀ ပြည့်ပြီးလို့ နာကျင်အချိန်ပိုမှာ ဂိုးသမား အိုနာနာဟာ ဝုလ်ဗ်စ်အသင်းရဲ့ တိုက်စစ်ကို ကာကွယ်ဖို့ ကြိုးစားခဲ့တာမှာ ပင်နယ်တီ ပေးရဖို့ ရှိခဲ့ပေမယ့် ကွင်းလယ်ဒိုင်လူကြီးက ပင်နယ်တီ အဖြစ် မသတ်မှတ်ခဲ့တဲ့အတွက် ကံကောင်းခဲ့တာဖြစ်ပါတယ်။
ယူနိုက်တက်အသင်းနည်းပြ အဲရစ်တန်ဟတ်က ဒီအဖြစ်အပျက်ဟာ ပင်နယ်တီ မဟုတ်ဘူးလို့ ပြောခဲ့ပေမယ့် ဝုလ်ဗ်စ်အသင်းနည်းပြ ဂယ်ရီအိုနေးလ်ကတော့ ဒါဟာ သေချာပေါက် ပင်နယ်တီလို့ ပွဲအပြီးမှာ ပြောခဲ့ပါတယ်။
ဂယ်ရီအိုနေးလ်က “အိုနာနာက ရောက်လာပြီး ကျနော်တို့ တိုက်စစ်မှူးရဲ့ ဦးခေါင်းကို ဖြုတ်ထုတ်လိုက်သလိုပါပဲ။ ဒါက သေချာပေါက် ပြစ်ဒဏ်ဘောပါ။ ကျနော် စည်းမျဉ်းစည်းကမ်းတွေကို နားလည်ပေမယ့် ပင်နယ်တီ မပေးခဲ့ တာကိုတော့ လုံးဝ လက်မခံနိုင်ပါဘူး”လို့ ပြောခဲ့တာပါ။
လာမယ့် ပရီးမီးယားလိဂ်ပွဲစဉ် ၂ အဖြစ် ယူနိုက်တက်အသင်းက စပါးအသင်းနဲ့ အဝေးကွင်း၊ ဝုလ်ဗ်စ်အသင်း ကတော့ ဘရိုက်တန်အသင်းကို အိမ်ကွင်းမှာ ယှဉ်ပြိုင်ရမှာ ဖြစ်ပါတယ်။
Source:CAN
- By CNI
- Category: အားကစား
- Hits: 468
CNI Sport News
၂၀၂၃ ခုနှစ်၊ သြဂုတ် ၁၄
ဘာစီလိုနာအသင်းနည်းပြ ဇာဗီက ဂီတာဖေးအသင်းနဲ့ ဂိုးမရှိသရေကျခဲ့တဲ့ လာလီဂါပွဲအပြီးမှာ ဒိုင်လူကြီးရဲ့ ဆုံးဖြတ်ချက်တွေကို ဝေဖန်ခဲ့ပြီး လာလီဂါကို လူတွေဘာကြောင့် မကြည့်တာလဲဆိုတာ နားလည်တယ်လို့ ပြောခဲ့ပါတယ်။
ဇာဗီက “ဒီပွဲက လာလီဂါရဲ့ ထုတ်ကုန်ဖြစ်ရင် ဒါဟာ လုံးဝအရှက်ရစရာ ကောင်းပါတယ်။ လူတွေက ဘာကြောင့် ကျနော်တို့ရဲ့ ပွဲတွေကို မကြည့်ကြလဲဆိုတာ နားလည်ပါတယ်။ ဂါဗီ လက်ထိတယ်ဆိုပြီး ဒိုင်လူကြီးက သူ့ဘာသာ ထွင်ခဲ့ပါတယ်။ ဒိုင်လူကြီးတွေနဲ့ အစည်းအဝေးမှာ တွေ့ဆုံခဲ့တုန်းက အလွန်ရှင်းလင်းတဲ့ လက်ထိဘောတွေကိုသာ ပေးမယ်လို့ ပြောခဲ့ပြီး အခုတော့လည်း ဆန့်ကျင်ဘက်လိုပါပဲ။ ပြီးတော့ ဒိုင်လူကြီးက ဂီတာဖေးအသင်းကို ပြစ်ဒဏ်တွေ အများကြီး ကျူးလွန်အောင် လုပ်ခွင့်ပေးခဲ့ပြီး ကျနော်သွားပြောတော့ အထုတ်ခံခဲ့ရတယ်”လို့ ပြောခဲ့တာပါ။
ဂီတာဖေးနဲ့ ဘာစီလိုနာ အသင်းတို့ပွဲစဉ်မှာ ကွင်းလယ်ဒိုင်လူကြီးဟာ အနီကတ် ၃ ကတ် ပြသခဲ့ပြီး ဒီထဲမှာ ဘာစီလိုနာနည်းပြ ဇာဗီလည်း ပါဝင်ခဲ့တာ ဖြစ်ပါတယ်။ ဇာဗီဟာ ဒိုင်လူကြီးရဲ့ ဆုံးဖြတ်ချက်တွေအပေါ် မကျေနပ်တာကြောင့် ပြန်ပြီးပြောခဲ့တာမှာ ထုတ်ပယ်ခံခဲ့ရတာပါ။
ဘာစီလိုနာ နည်းပြ ဇာဗီကိုတွေ့ရစဉ်
ဒီပွဲမှာ ဂီတာဖေး ကစားသမားတွေရဲ့ ကြမ်းကြမ်းတမ်းတမ်း ကစားပုံတွေကြောင့် ဘာစီလိုနာ ကစားသမားတွေနဲ့ မကြာခဏဆိုသလို ထိပ်တိုက်တွေ့ဆုံမှုတွေ ဖြစ်ခဲ့ပါတယ်။
ဘာစီလိုနာအသင်းဟာ နောက်ကျ ပင်နယ်တီ ရနိုင်မယ့် အခွင့်အရေးကိုလည်း ဂါဗီ လက်နဲ့ ထိခဲ့တယ်ဆိုပြီး ကွင်းလယ်ဒိုင်လူကြီးက ခွင့်မပြုခဲ့ပါဘူး။
ဇာဗီဟာ အနီကတ်ကြောင့် အနည်းဆုံး လာမယ့်နှစ်ပွဲ ပွဲပယ်ခံရဖွယ်ရှိနေသလို ပွဲအပြီးမှာပြောခဲ့တဲ့ မှတ်ချက် စကားတွေကြောင့်လည်း ဒီထက်ပိုပြီး ပွဲပယ်ခံရဖွယ် ရှိနေတယ်လို့ သတင်းမှာ ဖော်ပြထားပါတယ်။
ဘာစီလိုနာအသင်းဟာ စပိန်လာလီဂါပွဲစဉ် ၂ အဖြစ် ကာဒဇ်အသင်းကို အိမ်ကွင်းမှာ ယှဉ်ပြိုင်ရမှာဖြစ်ပြီး ဒီပွဲကို တောင်ပံကစားသမား ရာဖင်ဟာ ပွဲပယ်ပြစ်ဒဏ်ကြောင့် ပါဝင်နိုင်မှာ မဟုတ်ဘူးလို့ သိရပါတယ်။
Source: Goal
- By CNI
- Category: အားကစား
- Hits: 614
CNI Sport News
၂၀၂၃ ခုနှစ်၊ သြဂုတ် ၁၄
ဘတ်ပီဟာ လာမယ့်နွေရာသီမှာ ထွက်ခွာလို့ရနိုင်မယ့် အာမခံချက်ကြောင့် ပီအက်စ်ဂျီအသင်းနဲ့ စာချုပ်သစ် ချုပ်ဆိုဖွယ်ရှိနေတယ်လို့ သိရပါတယ်။
ဘတ်ပီရဲ့ အနာဂတ်ဟာ အခုနွေရာသီ အပြောင်းအရွှေ့ ဈေးကွက်ကို လွှမ်းမိုးထားပေမယ့် ပြင်သစ်အသင်း ခေါင်းဆောင်ဟာ ဒီရာသီ ပီအက်စ်ဂျီအသင်းမှာ ဆက်ရှိဖွယ်ရှိနေပါတယ်။
ပီအက်စ်ဂျီအသင်းဟာ ဘတ်ပီကို ၂၀၂၄ ခုနှစ်မှာ ထွက်ခွာခွင့်ပေးမယ့် စာချုပ်သစ် ကမ်းလှမ်းခဲ့တယ်လို့ ပြင်သစ် သတင်းတွေမှာ ဖော်ပြထားတာပါ။
ဘတ်ပီဟာ ပြီးခဲ့တဲ့ဇွန်လက စာချုပ်သက်တမ်းတိုးမှာ မဟုတ်ဘူးလို့ ပီအက်စ်ဂျီအသင်းထံ အကြောင်းကြားခဲ့ပါ တယ်။
ဒါပေမယ့် ပီအက်စ်ဂျီအသင်းဘက်က ဘတ်ပီကို အလွတ်နဲ့ ထွက်ခွာခွင့် မပေးနိုင်တာကြောင့် ဆော်ဒီ ကလပ် အယ်လ်ဟီလယ်အသင်းရဲ့ကမ္ဘာ့စံချိန်တင် ပြောင်းရွှေ့ကြေး ပေါင် ၂၅၉ သန်းနဲ့ ကမ်းလှမ်းမှုကို လက်ခံခဲ့ တာပါ။
ဒီကမ်းလှမ်းမှုကို ပြင်သစ်ကစားသမားက ငြင်းပယ်ခဲ့တာကြောင့် ရာသီကြိုပြင်ဆင်နေတဲ့ အသင်းရဲ့ လူစာရင်း ကနေ ချန်လှပ်ခဲ့ပါတယ်။
ဘတ်ပီနဲ့ အသင်းဖော်များကိုတွေ့ရစဉ်
ဘတ်ပီကို ပထမအသင်းနဲ့ လေ့ကျင့်ခန်းဆင်းခွင့် ပိတ်ပင်ခဲ့ပြီး လော်ရီးယန့်အသင်းနဲ့ လီဂူးဝမ်း အဖွင့်ပွဲစဉ်မှာ လည်း ပီအက်စ်ဂျီအသင်းက အသုံးပြုခဲ့ခြင်း မရှိပါဘူး။
ဒါပေမယ့် ပီအက်စ်ဂျီအသင်းဟာ ဘတ်ပီနဲ့ အပေါင်းလက္ခဏာဆောင်တဲ့ ဆွေးနွေးမှုတွေ ပြုလုပ်အပြီး ၂၀၂၄ ခုနှစ် မှာ ကစားသမားကို ရောင်းချမယ်လို့ အာမခံချက်ပါရှိတဲ့ တစ်နှစ်သက်တမ်းတိုး စာချုပ်ချုပ်ဆိုဖို့ စီစဉ်နေတယ်လို့ FootMercato က ဖော်ပြခဲ့တာပါ။
ဒီလို စာချုပ်သစ် ချုပ်ဆိုမှသာ ပီအက်စ်ဂျီအသင်းဟာ ကစားသမား ပြောင်းရွှေ့ချင်တဲ့ အသင်းကို ရောင်းချပြီး သူတို့လည်း ပြောင်းရွှေ့ကြေးရယူနိုင်မှာ ဖြစ်ပါတယ်။
ဘတ်ပီဟာ ရီးရယ်လ်အသင်းထံ ပြောင်းဖို့ စီစဉ်နေပြီး စပိန်ကလပ်ကလည်း ဘန်ဇီမာရဲ့ နေရာအစားထိုးဖို့ လာမယ့်နှစ်မှာ ခေါ်ယူသွားဖို့ လုပ်ဆောင်နေတာပါ။
ဘတ်ပီဟာ လက်ရှိအချိန်မှာ ပီအက်စ်ဂျီ ပထမအသင်းနဲ့ လေ့ကျင့်မှုတွေ ပြန်လည်ပြုလုပ်နေပြီး လာမယ့်ပွဲစဉ် တွေမှာ အသင်းအတွက် ပြန်လည် ပါဝင်ကစားပေးတော့မှာ ဖြစ်ပါတယ်။
Source: Goal
Page 195 of 353
Latest News
Connect with us
