CNI News
၂၀၂၅ ခုနှစ်၊ ဩဂုတ် ၈

ကချင်လွတ်လပ်ရေးတပ်မတော်(KIA)နှင့်  အရှေ့နာဂအမျိုးသားများကာကွယ်ရေးတပ်မတော်(ENDA)တို့ ပူးပေါင်း ၍ နာဂလူငယ်များကို ဖမ်းဆီးနေသည်ဟု နာဂကျောင်းသားများအဖွဲ့အစည်း(NSO)မှ ၂၀၂၅ ခုနှစ်၊ ဩဂုတ် ၈ ရက်နေ့ က ထုတ်ပြန်ခဲ့သည်။

၂၀၂၅ ခုနှစ်၊ ဇူလိုင် ၂၇ နှင့် ၃၀ ရက်တွင် KIA သည် မိမိတို့ မိတ်ဖက်အဖွဲ့ဖြစ်သော ENDA နှင့် ပူးပေါင်း၍ ရှင်ဗွေ ယန်မြို့နယ်အတွင်းရှိ နာဂလူငယ်အချို့ကို တောင်ယာစိုက်ပျိုးရေး၊ လယ်ယာသို့ သွားရာလမ်းများနှင့် သစ်ထုတ် လုပ်ရာနေရာများ၌ လူငယ် ၃၀ ဦးထက်မနည်း အင်အားသုံး ဖမ်းဆီးခဲ့ကြောင်း NSO က ထုတ်ပြန်ခဲ့သည်။

KIA နှင့် ENDA အဖွဲ့များအနေဖြင့် နာဂပြည်သူလူထုအပေါ် ယင်းကဲ့သို့ အကြမ်းဖက် ပြုမူခြင်းအား နာဂကျောင်းသားများအဖွဲ့အစည်း(NSO)မှ များစွာ စိတ်ပျက်မိကြောင်း ထုတ်ပြန် ပြောကြားခဲ့သည်။

CNI New

၂၀၂၅ ခုနှစ်၊ ဩဂုတ် ၈

မြန်မာနိုင်ငံတွင် ယခုနှစ်ကုန်ပိုင်း၌ ကျင်းပရန် စီစဉ်နေသော ရွေးကောက်ပွဲသည် ၁၉၅၁-၅၂ ခုနှစ်က ကျင်းပခဲ့ သော ရွေး‌ကောက်ပွဲကာလထက် အခြေအနေ ဆိုးလာနိုင်သလားဆိုသည့်အပေါ် စစ်ရေးနှင့်နိုင်ငံရေးအကဲခတ်များ မှ မေးခွန်းထုတ်နေကြသည်။

မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလများ၌ မြို့နယ်ပေါင်း ၂၆၇ မြို့နယ်မှာ ရွေးကောက်ပွဲ ကျင်းပသွားမည်ဟု ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်ထားသည်။

လာမည့် ‌ရွေးကောက်ပွဲသည် ၁၉၅၁-၅၂ ရွေးကောက်ပွဲထက် အခြေအနေ ဆိုးလာနိုင်မလား မပြောတတ်ဘူးဟု တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီ(TNDP)မှဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

၎င်းက “အခု ရွေးကောက်ပွဲကတော့ စိန်ခေါ်မှု ကြီးကြီးမားမားကိုတော့ ကျနော်တို့ ကျော်လွှားရမှာပါ။ ဘာလို့လဲ ဆိုတော့ ဒီခေတ် အခြေအနေရော လုံခြုံရေးကဏ္ဍ ခါတိုင်း ရွေးကောက်ပွဲတော့ မသိဘူး။ ၁၉၅၁- ၅၂ ရွေးကောက် ပွဲ ထက်တောင်မှ အခြေအနေက ဆိုးလာနိုင်မလားတော့ မပြောတတ်ဘူး။ ဒါပေမယ့်လည်း နိုင်ငံ့မျက်နှာ ဒါ ပြည်သူရဲ့ မျက်နှာ ကြည့်ပြီးမှတော့ ကျနော်တို့ ကြိုးစားပြီး အလုပ်လုပ်သွားရမှာပေါ့။ ရွေးကောက်ပွဲကို ကာကွယ် စောင့် ရှောက်တဲ့ ဥပဒေဆိုတာလည်း ထုတ်ပြန်ထားပြီဆိုတော့ အဲတာကိုလည်း ပြည်သူတွေ အနေနဲ့ လိုက်နာဖို့ တော့ လိုအပ်တာပေါ့နော်။  ပြည်သူလူထုတွေ အေးအေးဆေးဆေး မဲပေးနိုင်တဲ့ အခြေအနေတော့ မရောက်သေး ဘူးလို့တော့ ကျနော့် အနေနဲ့မြင်တာပေါ့။ အဲတာတော့ ပြည်သူလည်း ပူးပေါင်း ဒီအစိုးရဘက်ကလည်း သူ့ရဲ့ ယုံကြည်မှုပေါ့ဗျာ။ ဒီအခု ကျနော်တို့ ရွေးကောက်ပွဲ ပြီးသွားရင် ငါတို့ ဘာတွေလုပ်မယ်ဆိုတဲ့ ဥစ္စာမျိုးကို အစိုးရ ဘက်က လည်း ပြည်သူလူထုကို ကတိကဝတ် တစ်ခုမျိုးတော့ ပေးသင့်တယ်”ဟု ပြောသည်။ 

၁၉၅၁-၅၂ ခုနှစ်က ပါလီမန်လွှတ်တော်ကို တွေ့ရစဉ်

ပြည်ထောင်စုရွေးကောက်ပွဲကော်မရှင်မှ ကျင်းပရန် စီစဉ်နေသော ရွေးကောက်ပွဲကို မပျက် ပျက်အောင် ဖျက်ဆီး မည်ဟု တိုင်းရင်းသားလက်နက်ကိုင်အဖွဲ့အစည်း(EAO)တချို့ အပါအဝင် ပြည်သူ့ကာကွယ်ရေးတပ်ဖွဲ့(PDF)များ၊ အမျိုးသားညီညွတ်ရေးအစိုးရ(NUG)၊ အမျိုးသားညီညွတ်ရေးအတိုင်ပင်ခံကောင်စီ(NUCC)နှင့် နွေဦးတော်လှန်ရေး အင်အားစုများက ထုတ်ပြန်ကြေညာထားသည်။ 

ထို့နောက် ရွေးကောက်ပွဲကို ဝင်ရောက်ယှဉ်ပြိုင်ကြမည့် နိုင်ငံရေးပါတီများနှင့် လွှတ်တော်ကိုယ်စားလှယ်များသည် လုံခြုံရေးအရ ခြိမ်းခြောက်မှုများ ခံလာကြရပြီး ရွေးကောက်ပွဲ ဝင်ရောက်ယှဉ်ပြိုင်ရန် အခက်အခဲများ ရင်ဆိုင်နေ ကြရသည်။

ထိုသို့ အခြေအနေများ အတွင်းမှာပဲ ဗိုလ်ချုပ်မှူးကြီးမင်းအောင်လှိုင်က ပါတီစုံဒီမိုကရေစီ အထွေထွေ ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေအား ၂၀၂၅ ခုနှစ်၊ ဇူလိုင် ၂၉ ရက်တွင် ပြဋ္ဌာန်းခဲ့သည်။

ထိုဥပဒေအရ ရွေးကောက်ပွဲအား နှောင့်ယှက်ခြင်း၊ ပျက်အောင်ဖျက်ခြင်း၊ လူသေဆုံးအောင် လုပ်ဆောင်ခြင်း၊ လူသေဆုံးခြင်း စသည့် ပြစ်မှုတစ်ရပ်ရပ်ကို ကျူးလွန်ပါက ထောင်ဒဏ် အနည်းဆုံး ၁၀ နှစ်မှ အများဆုံး တစ်သက် ချမှတ်နိုင်သလို သေဒဏ်ထိ ချမှတ်နိုင်ကြောင်း ပြဋ္ဌာန်းထားသည်။

မြန်မာနိုင်ငံ၏ လက်ရှိ မတည်ငြိမ်မှုများ၊ ပြည်တွင်းစစ်၏ ရိုက်ခတ်မှုများ၊ အရေးပေါ်ကာလ ပြဋ္ဌာန်းချက်အရ အခြေခံဥပဒေ အခန်း(၈)၏ နိုင်ငံသားများ မူလအခွင့်အရေးကို ကန့်သက်၍ မရတော့ကြောင်း ရခိုင့်ဦးဆောင်ပါတီ (AFP)မှဥက္ကဋ္ဌ ဒေါက်တာအေးမောင်က CNI သတင်းဌာနသို့ ပြောသည်။

လက်နက်ကိုင်အဖွဲ့တစ်ခုကို တွေ့ရစဉ် 

၎င်းက “ပြည်တွင်းစစ်ရဲ့ ရိုက်ခတ်မှုတွေ ၅၁ မှာလည်း မဲပုံးတွေကို သူ့နေရာမှာ မထောင်နိုင်တဲ့ အခါမှာ ဖြစ်စဉ်နှစ်ခုကတော့ သူရဲ့ပတ်ဝန်းကျင် သူ့ရဲ့ကာလ ဖွံ့ဖြိုးတိုးတက်မှု စသဖြင့်ပေါ့ဗျာ အဲဒီတုန်းက မဲဆန္ဒရှင် အနေ အထား အခုအနေအထား မတူတော့ဘူး။ နောက် ဆိုရှယ်မီဒီယာများရဲ့ လွမ်းမိုးမှုများကို သတင်းတစ်ခုရဲ့ ဖြစ်စဉ် က အင်မတန် မြန်တယ်။ ဆိုတော့ အဲဒီနှစ်ခု ခြားနားမှုက ကာလ အခြေအနေအရ ရှိနိုင်တယ်။ အနာဂတ် ကာလ အတွက် ဘယ်လို ရည်မှန်းနေကြပြီလဲပေါ့။ လက်ရှိ အကျဉ်းအကျပ်ကို ရုန်းထွက်လိုတဲ့ဆန္ဒ ရှိ/မရှိပေါ့ လွန်ခဲ့တဲ့ အတိတ် ၅ နှစ်တာ ကာလက အနေအထားကို ပြန်ရောက်လိုတဲ့ဆန္ဒ အင်အားစု ဘယ်လောက် ရာခိုင်နှုန်း ကျန် သေး သလဲပေါ့။ ဒါတွေက လာမယ့် ရွေးကောက်ပွဲကို လွှမ်းမိုးပါလိမ့်မယ်။ မြန်မာနိုင်ငံရဲ့ လက်ရှိ အနေအထား မတည်ငြိမ်မှုတွေ ဒီဥစ္စာလေးတွေရဲ့ ရုန်းထွက်လိုတဲ့ဆန္ဒက ၇၅ ရာခိုင်နှုန်း အထက်မှာ ရှိတယ်။ မဲပေးပြီးမှ အပြောင်းအလဲ တစ်ခုကို လူထုသည် သွားမှဖြစ်မယ်ဆိုတဲ့ ရာခိုင်နှုန်းက အနည်းဆုံး ၈၀ ရာခိုင်နှုန်းကျော်မှာ ရှိတယ်”ဟု ပြောသည်။

လက်ရှိ မြန်မာနိုင်ငံ တစ်ဝန်းမှာ လက်နက်ကိုင် ပဋိပက္ခများ အပြင်းအထန် ဖြစ်ပွားနေသလို နွေဦးတော်လှန်ရေး အင်အားစုများကလည်း ရွေးကောက်ပွဲကို ပျက်မည်ဖြစ်ကြောင်းနှင့် ရွေးကောက်ပွဲမှာ ပူးပေါင်းပါဝင်သူများကို အရေးယူမည်ဖြစ်ကြောင်း ထုတ်ပြန်ထားသည့်အတွက် ပြည်သူလူထုသည် မဲပေး‌ရေး/မပေးရေးအပေါ် ဝေးဝါးလာ ကြသလို လုံခြုံရေးအရလည်း စိုးရိမ်လာကြသည်။

မြန်မာနိုင်ငံသည် ၁၉၄၈ ခုနှစ်၊ ဇန်နဝါရီ ၄ ရက်က လွတ်လပ်ရေးရပြီးနောက် သုံးလအကြာတွင် ဗမာပြည်ကွန်မြူ နစ်ပါတီ၊ ရဲဘော်ဖြူ၊ ရဲဘော်နီ၊ ပြည်သူ့ရဲဘော်၊ ကရင်လက်နက်ကိုင်များ လက်နက်ကိုင်တော်လှန်ခဲ့ရာ ၁၉၄၉ ခုနှစ်တွင် ဦးနု ဦးဆောင်သော အစိုးရသည် ရန်ကုန်ကိုသာ အုပ်ချုပ်နိုင်တော့သည့်အတွက် ရန်ကုန်အစိုးရဟုပင် ခေါ်ဝေါ်ခံခဲ့ရသည်။

ထို့နောက် မြန်မာနိုင်ငံတွင် ပထမဆုံး ကျင်းပခဲ့သည့် ရွေးကောက်ပွဲကို လုံခြုံရေး အားနည်းမှုနှင့် နယ်မြေ တည်ငြိမ်မှု မရှိခြင်းကြောင့် ၁၉၅၁ ခုနှစ်၊ ဇွန်လမှ ၁၉၅၂ ခုနှစ်၊ ဖေဖော်ဝါရီလအထိ အသုတ်လိုက်ခွဲ၍ ရွေးကောက်ပွဲ ကျင်းပခဲ့ရသည်။

CNI News

၂၀၂၅ ခုနှစ်၊ ဩဂုတ် ၈

ကချင်ပြည်နယ်၊ ဗန်းမော်မြို့တွင် မြန်မာ့တပ်မတော်နှင့် ကချင်လွတ်လပ်ရေးတပ်မတော် (KIA) တို့ကြား တိုက်ပွဲ ဖြစ်ပွားနေမှုမှတဆင့် စစ်ရေးပိုမိုကျယ်ပြန့် လာနိုင်သလားဆိုသည့်အပေါ် စစ်ရေးနှင့်နိုင်ငံရေးအကဲခတ်များကြား သုံးသပ်မှုများ ရှိနေကြသည်။

ပြီးခဲ့သည့် ဩဂုတ် ၁ ရက်နေ့တွင် မြန်မာ့တပ်မတော်ဘက်မှ စစ်သင်္ဘောများသည် မန္တလေးမြို့မှ တက်လာခဲ့ ပြီးနောက် KIA သိမ်းပိုက်ထားသည့် တပ်စခန်းအချို့ကို ထိုးစစ်ဆင်နေခဲ့ရာမှာ နှစ်ဖက် တိုက်ပွဲ ပြင်းထန်နေ ကြောင်း သိရသည်။

ထို့ပြင် ဩဂုတ် ၄ ရက်နေ့ကလည်း စကခ ၂၁ အနီး ပတ်ဝန်းကျင်ရှိ မင်းလှရပ်ကွက်နှင့် KIA သိမ်းပိုက်ထားသည့် အမတ ၃၆၆ တို့ကို မြန်မာ့တပ်မတော်မှ ထပ်မံထိုးစစ်ဆင် တိုက်ခိုက်လျက်ရှိကြောင်း သိရသည်။

လက်ရှိ မြေပြင်တိုက်ပွဲ အခြေအနေများအရ ဗန်းမော်မြို့ တစ်ခုတည်းမဟုတ်ဘဲ ၎င်းအနီးပတ်ဝန်းကျင်ရှိ မြို့များ တွင်ပါ မြန်မာ့တပ်မတော်ဘက်မှ နယ်မြေချဲ့ထွင်နိုင်ဖွယ်ရှိကြောင်း တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုး တက်ရေးပါတီ(TNDP) မှ ဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

 ဗန်းမော်မြို့စစ်ပွဲကြောင့် ပျက်စီးမှုကိုတွေ့ရစဉ်

၎င်းက “ကျယ်ပြန့်လာမယ် အဲဒီကိစ္စကတော့လေ။ ဗန်းမော်မြို့တင်မကဘဲနဲ့ သူ့ရဲ့ပတ်ဝန်းကျင်တွေပါ တပ်မတော် ဘက်က နယ်မြေချဲ့မယ့် သဘောလေးတွေ တွေ့ရတာပေါ့ ဗန်းမော် ပြီးသွားရင်ပေါ့။ ဗန်းမော်ဒေသ စစ်ရေး အခြေအနေကတော့ အစိုးရဘက်က တပ်မတော်ဘက်က အားသာလာတယ်လို့ ပြောရမှာပေါ့။ လွန်ခဲ့တဲ့ နေ့တွေ ကဆိုရင်လည်း တက္ကသိုလ်ကျောင်းနား ပတ်ဝန်းကျင်၊ မင်းလှရပ်ကွက်ဆိုတာက စကခ ၂၁၊ နောက် မင်းကျောင်း ကုန်းဆိုတာကလည်း ထောင်နားပတ်ဝန်းကျင်ပေါ့။ အားလုံးကို သူတို့လိုက်လံ ရှင်းလင်းနေတယ်။ အသေးစိတ် ရှင်းလင်းနေတာ တွေ့ရတဲ့အတွက်ကြောင့်မို့လို့ တပ်မတော်ဘက်က အားသာတယ်လို့တော့ ပြောလို့ရတာပေါ့” ဟု  ပြောသည်။

ဗန်းမော်မြို့သည် KIA ဌာနချုပ်ရှိရာ လိုင်ဇာနှင့် အနီးဆုံးမြို့တစ်မြို့ ဖြစ်သည့်အပြင် မြန်မာ့တပ်မတော်၏ စစ်ဆင်ရေးကွပ်ကဲမှုဌာနချုပ် (စကခ-၂၁) အခြေစိုက်ထားသည့် မြို့ဖြစ်သည်။

ထို့ပြင် ဧရာဝတီမြစ်ကမ်းဘေး၌ တည်ရှိသဖြင့် မြန်မာနိုင်ငံ အောက်ပိုင်းဒေသမှ သင်္ဘောများနှင့် ပြည်တွင်း ကုန်သွယ်ရေးများလည်း လုပ်ဆောင်နိုင်သည့် ဆိပ်ကမ်းမြို့ ဖြစ်သကဲ့သို့ တရုတ်နယ်စပ်နှင့် မိုင် ၄၀ ခန့်သာ ကွာဝေးပြီး ရှမ်းပြည်နယ်မြောက်ပိုင်း နမ့်ခမ်း၊ မူဆယ်တို့မှတဆင့် တရုတ်နိုင်ငံသို့ ဆက်သွယ်နိုင်သည်။

လက်ရှိတွင် မြန်မာ့တပ်မတော်၏ အင်တိုက်အားတိုက် ထိုးစစ်ဆင်နေမှုများကြောင့် KIA အတွက်လည်း ဗန်းမော်ကို ပြန်လည်ထိုးစစ်ဆင်နေရသည်မှာ မလွယ်ကူသော အခြေအနေမှာ ရှိနေကြောင်း စစ်ရေးနှင့် နိုင်ငံရေးအကဲခတ်များက ထောက်ပြကြသည်။

လနှင့်ချီ ကြာမြင့်နေပြီဖြစ်သည့် ဗန်းမော်မြို့ စစ်ရေး အခြေအနေကြောင့် KIA အနေဖြင့် ဗန်းမော်မြို့ကို မြန်မာ့တပ်မတော်ထံ ပေးလိုက်နိုင်ဖွယ်ရှိကြောင်း တရုတ်-မြန်မာအရေး လေ့လာသုံးသပ်သူ ဒေါက်တာ လှကျော်ဇောက CNI သတင်းဌာနသို့ ပြောသည်။

ဗန်းမော်မြို့ရဲ့ အချက်အချာ ကျမှုကိုတွေ့ရစဉ်

၎င်းက “ကြည့်ရတာ KIA က ဗန်းမော်ကို ပြန်ပေးရင်လည်း ပေးလိုက်လိမ့်မယ်ထင်တယ်။ ဘာဖြစ်လို့လဲဆို ဗန်းမော်က တစ်မြို့လုံးလည်း ဖွတ်ဖွတ်ညက်ညက်ကို ကြေနေပြီ။ သူတို့ လက်နက်ကြီးတွေနဲ့ပစ်၊ လေယာဉ်ပျံ ကြီးနဲ့လာချ။ အဲဒီတော့ စစ်တပ်ကလည်း ဗန်းမော်မြို့ကို ပြန်ရတယ်ဆိုတဲ့ ဝါဒဖြန့်ချိရေး ယန္တရားလိုဟာမျိုး လိုချင်တယ်ထင်တယ်။ KIA ကလည်း ပြန်ဆုတ်ပေးကောင်းလည်း ပေးလိမ့်မယ်လို့ ထင်တယ်” ဟု ပြောသည်။

KIA အနေဖြင့် ၂၀၂၃ ခုနှစ်၊ အောက်တိုဘာလမှ စတင်ကာ ကချင်ပြည်နယ်နှင့် ရှမ်းပြည်နယ် မြောက်ပိုင်းရှိ မြန်မာ့တပ်မတော်၏ စစ်စခန်းများကို ထိုးစစ်ဆင် သိမ်းပိုက်နိုင်ခဲ့ပြီး ဆော့လော၊ ချီဖွေ၊ ဆွမ်ပရာဘွမ်၊ အင်ဂျန်းယန်၊ ဆဒုံး၊ ဒေါ့ဖုန်းယန်၊ လွယ်ဂျယ်၊ ဆင်ဘို၊ မြို့လှ၊ မိုးမောက်၊ မံစီနှင့် ရှမ်းပြည်နယ်မြောက်ပိုင်းက မဘိမ်းတို့ကို ရရှိထားသည်။

လက်ရှိတွင် ကချင်၊ ကယား၊ စစ်ကိုင်း၊ ရခိုင်၊ ရှမ်းပြည်နယ်တို့အပြင် အခြားဒေသများမှ မြို့နယ် စုစုပေါင်း ၆၃ မြို့နယ်အား အမျိုးသားကာကွယ်ရေးနှင့်လုံခြုံရေးကောင်စီမှ အရေးပေါ်အခြေအနေ ကြေညာကာ စစ်အုပ်ချုပ်ရေး စတင်ထားသည်။

ထိုမြို့နယ်များသည် TNLA၊ AA၊ KNU၊ KIA၊ CNF၊ PDF များနှင့် မြန်မာ့တပ်မတော်ကြား တိုက်ပွဲများ ဖြစ်ပွား နေသော မြို့နယ်များဖြစ်သည်။

လက်ရှိတွင် မြန်မာ့တပ်မတော်သည် TNLA ထိန်းချုပ်ထားသည့် မိုးကုတ်၊ ကျောက်မဲ၊ သီပေါကို ထိုးစစ်ဆင် တိုက်ခိုက်နေသလို KIA နှင့်လည်း ဗန်းမော်မြို့တွင် အပြန်အလှန် ထိုးစစ်ဆင် တိုက်ခိုက် လျက်ရှိသည်။

အလားတူ ရခိုင်ပြည်နယ်၊ ကျောက်ဖြူမြို့သိမ်းတိုက်ပွဲ၌ AA နှင့် တိုက်ပွဲဖြစ်ပွားနေသည်မှာ အချိန်ကာလ ကြာမြင့်နေပြီဖြစ်သည်။

CNI News
၂၀၂၅ ခုနှစ်၊ ဩဂုတ် ၇

နိုင်ငံတော်စီမံအုပ်ချုပ်ရေးကောင်စီက ဖွဲ့စည်းပေးထားသော အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိုင်းရေးကော်မတီ(NSPNC)ကို ဖျက်သိမ်းလိုက်ကြောင်း အမျိုးသားကာကွယ်ရေးနှင့်လုံခြုံရေး ကောင်စီရုံးမှ ၂၀၂၅ ခုနှစ်၊ ဩဂုတ် ၁ ရက်နေ့စွဲဖြင့် ထုတ်ပြန် ကြေညာခဲ့သည်။

ထိုထုတ်ပြန်ချက်တွင် နိုင်ငံတော်စီမံအုပ်ချုပ်ရေးကောင်စီ/ရုံးက အမိန့်၊ အမိန့်ကြော်ငြာ စာထုတ်ပြန်၍ ဖွဲ့စည်း ပေးထားသော ကော်မတီ၊ ကော်မရှင်နှင့် အဖွဲ့များကို ယ‌နေ့(ဩဂုတ် ၁ ရက်)မှ စ၍ ဖျက်သိမ်းလိုက်ကြောင်း ဖော်ပြထားသည်။

အမျိုးသားကာကွယ်ရေးနှင့်လုံခြုံရေးကောင်စီရုံးက ဖျက်သိမ်းလိုက်သော ကော်မတီ၊ အဖွဲ့အစည်း၊ ကော်မရှင် စုစုပေါင်း ၁၉၄ ခုရှိသည်။

ထိုအထဲတွင် ငြိမ်းချမ်းရေး လုပ်ငန်းစဉ်များကို အကောင်အထည်ဖော် ‌ဆောင်ရွက်လျက်ရှိသော အမျိုးသားစည်း လုံးညီညွတ်ရေးနှင့်ငြိမ်းချမ်းရေးဖော်ဆောင်မှုဗဟိုကော်မတီ(NSPC)၊ အမျိုးသားစည်းလုံးညီညွတ်ရေးနှင့် ငြိမ်းချမ်း ရေးဖော်ဆောင်မှု လုပ်ငန်းကော်မတီ(NSPWC)၊ NSPNC၊ တိုင်းရင်းသား လက်နက်ကိုင်အဖွဲ့အစည်းများ(EAOs) နှင့် တွေ့ဆုံဆွေးနွေးရေးအဖွဲ့တို့ ပါဝင်သည်။

NSPNC ကို ဖျက်သိမ်းလိုက်သော်လည်း အသစ်ဖွဲ့စည်းမှု ပြုလုပ်ရန် စီစဉ်နေကြောင်း၊ NSPNC တွင် ပါဝင်သော ကိုယ်စားလှယ်များ အပြောင်းအလဲ အနည်းငယ် ရှိနိုင်ကြောင်း သိရသည်။

NSPNC သည် တိုင်းရင်းသား လက်နက်ကိုင်များဖြင့် တွေ့ဆုံ၍ ငြိမ်းချမ်းရေးလုပ်ငန်းစဉ်များကို ဆွေးနွေးရသော ကော်မတီဖြစ်သည်။

CNI News

၂၀၂၅ ခုနှစ်၊ ဩဂုတ် ၇

မြန်မာအီလက်ထရောနစ်မဲပေးစက် (MEVM)ဖြင့် ရွေးကောက်ပွဲကို မဲပေးရမည်ဆိုသည့်အတွက် ပြည်သူလူထု ကျယ်ကျယ်ပြန့်ပြန့် သိနိုင်ရန်အတွက် ပြည်ထောင်စုရွေးကောက်ပွဲကော်မရှင်(UEC)က လုပ်ဆောင်သင့်သည်ဟု တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီ(TNDP)မှ ဥက္ကဋ္ဌ စိုင်းဌေးအောင်က CNI သတင်းဌာနသို့ ပြောသည်။

MEVM စက်များဖြင့် စမ်းသပ်မဲပေးခြင်းများကို နေပြည်တော်၌ ဗဟိုအဖွဲ့အစည်းများ၊ ဝန်ကြီးဌာန၊ တက္ကသိုလ်များ၊ လူမှု‌ရေးအဖွဲ့အစည်းများနှင့် တိုင်းဒေသကြီး/ပြည်နယ် ၉ ခုတို့တွင် ဆောင်ရွက်ခဲ့သလို နိုင်ငံရေးပါတီများလည်း စမ်းသပ် မဲပေးခြင်း ဆောင်ရွက်ခဲ့ပြီးဖြစ်ကြောင်း ပြည်ထောင်စုရွေးကောက်ပွဲကော်မရှင်(UEC) က CNI သတင်းဌာနသို့ ပြောသည်။

စိုင်းဋ္ဌေးအောင်က “ UEC အနေနဲ့ အခုကစပြီး MWD ၊ MRTV စတဲ့ မီဒီယာပေါင်းစုံမှာ MEVM မဲပေးစက်၏ မဲပေး စနစ်ပုံစံကို အမြဲတမ်း ပြသပေးဖို့ လိုပါတယ်၊ တစ်နိုင်ငံလုံးမှာလည်း စစ်ဖြစ်နေတဲ့ ဒေသတွေရှိတော့ အများပြည်သူ ကိုင်ဆောင်နိုင်တဲ့ ဖုန်းအော်ပရေတာကနေတဆင့် SMS စနစ်သုံးပြီး MEVM မဲပေးစက်၏ မဲပေးစနစ်ကိုအကြောင်း ဖြန့်ဝေတာမျိုးတွေ လုပ်ဆောင်သင့်ပါတယ်”ဟု ပြောသည်။

ရွေးကောက်ပွဲ မဲထည့်ရန်လုပ်နေကြစဉ်

မဲပေးစက် ကိုင်တွယ် အသုံးပြုနည်း သင်တန်းများကို တိုင်းဒေသကြီး/ပြည်နယ်အလိုက် ဆောင်ရွက်လျက်ရှိကြောင်း၊  မဲဆန္ဒရှင်ပြည်သူများ၊ မဲပေးစက်ဖြင့် ကျွမ်းကျင်စွာ မဲပေးနိုင်ရန်အတွက် ရပ်ကွက်/ကျေးရွာ အုပ်စုအဆင့်ထိ သရုပ်ပြ လေ့ကျင့်သင်တန်းများ ဆောင်ရွက်နေကြောင်း၊ မီဒီယာကတစ်ဆင့် အသိပညာပေး အစီအစဉ်များ ထုတ်လွှင့်ပြသ လျက်ရှိကြောင်း ပြည်ထောင်စုရွေးကောက်ပွဲကော်မရှင်(UEC) က CNI သတင်းဌာနသို့ ပြောသည်။

TNDP ပါတီဥက္ကဋ္ဌ စိုင်းဋ္ဌေးအောင်က “အရင်နှစ်တွေ ၂၀၁၀၊ ၂၀၁၅ နဲ့ ၂၀၂၀ ပြည့်နှစ်တွေမှာ အမှန်ခြစ် ခြစ်မဲပေးတာ၊ တံဆိပ် တုံး ထုစနစ် မဲပေးတာတွေမှာလည်း အမှားအယွင်း အနည်းငယ်ရှိခဲ့သလိုမျိုး လာမဲ့ရွေးကောက်ပွဲမှာ ပထမဆုံး မဲခလုတ်ကို ကိုင်တွယ် ထိတွေ့ရမယ်ဆိုရင် အနည်းငယ် မှားယွင်းမှုတော့ ရှိနိုင်ပါမယ်၊ ကျနော်တို့ ပါတီအနေနဲ့ နေပြည်တော်မှာ စမ်းသပ်မဲ ပေးရာမှာ မပါဝင်ခဲ့ပေမဲ့ ရန်ကုန်တိုင်းဒေသကြီး အစိုးရရုံးမှာတော့ ပါဝင်ခဲ့ပါတယ်၊ မဲပေး ပြသပုံ စနစ်ကတော့ စိတ်ချရပါတယ်။ ဥပမာ ပြည်သူတစ်ယောက်က ငှက်ပျောသီးပါတီကို မဲပေးဖို့ ရည်ရွယ်ထားပေမယ့် မဲခလုတ်ကို နှိပ်တဲ့အခါ ပန်းသီးပါတီကို မှားယွင်းထိမိတာမျိုး ရှိနိုင်ပြီး စက်ခလုတ်က နောက်တစ်ကြိမ် ပြုပြင်ပြောင်းလဲပေးလို့ မရတော့တာဖြစ်လို့ ပြည်သူတွေ အနေနဲ့က သတိရှိရှိနဲ့ စက်ခလုတ်ကို ကိုင်တွယ်မဲပေးဖို့ လိုပါတယ်” ဟု ပြောသည်။

မကွေးတိုင်းဒေသကြီးအတွင်းရှိ မြို့နယ်တစ်ခုမှ ရပ်/ကျေးအဖွဲ့ဝင် နီးစပ်သူတစ်ဦးက မဲပေးစက်ဖြင့် ကျွမ်းကျင်စွာ မဲပေးနိုင်ရန်အတွက် ရပ်ကွက်၊ကျေးရွာ အုပ်စုအဆင့်ထိ သရုပ်ပြ လေ့ကျင့်သင်တန်းများ ဆောင်ရွက်နေပြီဖြစ်၍ ပြည်သူလူထုထံ အနှေးနှင့်အမြန် MEVM မဲပေးစနစ်အကြောင်း ချပြနိုင်ခြေရှိကြောင်း မကွေးတိုင်းဒေသကြီးအတွင်းရှိ မြို့နယ်တစ်ခုမှ ရပ်/ကျေးအဖွဲ့ဝင် တစ်ဦးက ပြောသည်။

MEVM  စနစ်နဲ့ မဲပေးပုံကို ဗိုလ်ချုပ်မှူးကြီးမင်းအောင်လှိုင်ကို ရှင်းပြနေစဉ်

ယခင်နှစ် ရွေးကောက်ပွဲမှာ စာရွက်စာတမ်းဖြင့် မဲပေးရသည့်အခါ နိုင်ငံတော်အတွက် စာရွက်ခဖိုး ကုန်ကျပြီး ဘတ်ဂျက် လည်း ထိခိုက်မှု အနည်းငယ် ရှိခဲ့ကြောင်း ရန်ကုန်တိုင်းဒေသကြီးအတွင်းရှိ လူငယ်စင်တာကော်မတီမှ မောင်ကောင်းစည်သူ က CNI သတင်းဌာနသို့ ပြောသည်။

၎င်းက “လာမဲ့ ၂၀၂၅ ခုနှစ် ‌ရွေးကောက်ပွဲမှာ MEVM မဲပေးစက် တီထွင်နိုင်တာ ဖြစ်တဲ့အတွက် အဲဒီစက်ရဲ့ အားသာချက် က ခလုတ်လေး နှိပ်လိုက်တာနဲ့ မဲစာရွက်လေး ချက်ချင်းထွက်လာပြီး ကွာခြားချက်က မဲပေးခဲ့သူတွေ အားလုံးရဲ့ စာရင်းတွေကို တစ်ပြိုင်နက်တည်း ပြန်ပြီးကြည့်လို့ရတယ်၊ တစ်ခုချင်း လိုက်ကြည့်စရာ မလိုတော့ဘူး၊ ဒါကြောင့် လူငယ် တစ်ယောက်အနေနဲ့ MEVM မဲပေးစက်စနစ်ကို သဘောကျပြီး လက်ခံပါတယ်” ဟု ပြောသည်။

MEVM မဲပေးစက်စနစ်ကို အစိုးရဝန်ထမ်းများအား UEC က သင်တန်းပို့ချ ပေးနေသည်ဆိုသော်လည်း တချို့သော ပညာရေးဝန်ထမ်းများနှင့် မြို့နယ်အထွေထွေအုပ်ချုပ်ရေးမှူးရုံး ဝန်ထမ်းတချို့ကတော့ တက်ရောက်ခွင့်မရသည့် အတွက် မဲပေးပုံစနစ်အကြောင်း သေချာမသိဘူးဟု CNI သတင်းဌာနသို့ ပြောသည်။

မြန်မာနိုင်ငံတွင် ရွေးကောက်ပွဲကို ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလများ၌ ကျင်းပသွားရန် စီစဉ်နေ ကြောင်း ပြည်ထောင်စုရွေးကောက်ပွဲကော်မရှင်က ပြောသည်။

ထို့နောက် ပြည်သူလူထု အများစုသည် ရွေးကောက်ပွဲတွင် မဲထည့်ရန် စိတ်ဝင်စားမှု နည်းပါးနေကြောင်း၊ မဲပေးရမည့် စနစ် ပြောင်းလဲသွားခြင်းကြောင့် ရှုပ်ထွေးနေကြကြောင်း ထောက်ပြကြသည်။

CNI New

၂၀၂၅ ခုနှစ်၊ ဩဂုတ် ၇

မြန်မာနိုင်ငံတွင် ကျင်းပရန် စီစဉ်နေသော ရွေးကောက်ပွဲ၌ ပြည်သူလူထု အနေဖြင့် မဲပေးလျှင် ဒီမိုကရေစီပုံစံ ဖြစ်လာမည်ဖြစ်ပြီး မဲမပေးပါက ကိုယ်ပဲဆုံးရှုံးမည်ဟု ရှမ်းနှင့်တိုင်းရင်းသားများ ဒီမိုကရေစီအဖွဲ့ချုပ်-ကျားဖြူပါတီ (SNDP)မှ ဥက္ကဋ္ဌ စိုင်းအိုက်ပေါင်းက CNI သတင်းဌာနသို့ ပြောသည်။

မြန်မာနိုင်ငံတွင် ၂၀၂၅ ခုနှစ်၊ ဒီဇင်ဘာလနှင့် ၂၀၂၆ ခုနှစ်၊ ဇန်နဝါရီလများ၌ မြို့နယ်ပေါင်း ၂၆၇ မြို့နယ်မှာ ရွေးကောက်ပွဲ ကျင်းပသွားမည်ဟု ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်ထားသည်။

ရွေးကောက်ပွဲပြီးသွားလျှင်အရပ်သားအစိုးရပေါ်ပေါက်လာခြင်း၊ဒီမိုကရေစီဖက်ဒရယ်ပုံစံလည်းဖြစ်လာပြီးမဲမပေးလျှင်ကိုယ်ဘဲဆုံးရှုံးမည်ဟု ကျားဖြူပါတီ(SNDP)မှ ဥက္ကဋ္ဌ စိုင်းအိုက်ပေါင်းက CNIသတင်းဌာနကို ပြောသည်။ 

UEC က မဲပေးစက်အကြောင်း ပါတီတွေကို ရှင်းပြနေစဉ်

SNDP ပါတီမှဥက္ကဋ္ဌ စိုင်းအိုက်ပေါင်းက “ရွေးကောက်ပွဲ ပြီးသွားလို့ရှိရင် အရပ်သားအစိုးရ ပေါ်ပေါက်လာမှာပဲလေ။ (စစ်)အစိုးရ မဟုတ်တော့ဘူးလေ။ အဲဒီအချိန်ကျရင် လွှတ်တော်လည်း နှစ်ရပ်ပေါ်လာမယ် အမျိုးသားလွှတ်တော်၊ ပြည်သူ့လွှတ်တော်၊ သုံးရပ်ပေါ်တာပေါ့။ တိုင်းဒေသကြီး လွှတ်တော်၊ ပြည်နယ်လွှတ်တော်ဆိုပြီးတော့ လွှတ်တော် သုံးရပ်လည်း ပေါ်လာမယ် အစိုးရကလည်း ပြည်ထောင်စုအစိုးရ၊ တိုင်းဒေသကြီးအစိုးရ၊ ပြည်နယ်အစိုးရဆိုပြီး ပေါ်လာမှာပဲလေ။ အဲဒီချိန်ကျရင် စစ်အစိုးရဆိုတာ မဟုတ်တော့ဘူးလေ စစ်တပ်က ဘာဝင်ကိုင်မလဲဆိုရင် ကာကွယ်ရေးဝန်ကြီးရယ်၊ နယ်စပ်ရေးရာဝန်ကြီးရယ်၊ ပြည်ထဲရေးရယ် ဒီ ၃ ခုပဲ ဗိုလ်ချုပ်ပဲကိုင်မှာ ကျန်တဲ့ အရပ် သားတွေ ဟိုဘက်မှာပဲလေ။ ပြည်သူလူထုကို မေတ္တာရပ်ခံချင်တာက ကိုယ်ကြိုက်နှစ်သက်တဲ့ ပါတီကို မဲပေးလိုက် ပါ။ ဒါမှသာလျှင် ဒီမိုကရေစီ ဖက်ဒရယ်ပုံစံလည်း ဖြစ်လာမှာပဲ။ အရပ်သားအစိုးရဆိုတာ ပေါ်လာမှာပဲ မဲမပေးရင် ကိုယ်ပဲဆုံးရှုံးမှာပေါ့။ လွတ်လွတ်လပ်လပ်မဲပေး မဲပေးဖို့ သင့်တော်တယ်လို့ပဲ တိုက်တွန်းချင်တယ်။ ရန်ကုန်တိုင်း မှာ သူတို့ ကုမ္ပဏီ တစ်ခုကပေါ့နော်။ လူ ၁၀၀၀ ကို မေးဆန်းကြည့်တဲ့အခါမှာ ၇၀၀ က မဲပေးမယ် ၇၀ ရာခိုင်နှုန်း က မဲပေးကြမှာဘဲ ဘာလို့ဆို လူတွေက အပြောင်းအလဲ လိုချင်ပြီလေ”ဟု ပြောသည်။

မြန်မာနိုင်ငံရှိ ဥပဒေပြုရေး၊ တရားစီရင်ရေး၊ အုပ်ချုပ်ရေး စသည့် မဏ္ဍိုင်ကြီး ၃ ရပ်ကို လူတစ်ဦးတည်းက ချုပ်ကိုင် ထားခြင်းကနေ ကဏ္ဍာသုံးရပ် ခွဲထုတ်နိုင်ရေးအတွက် ရွေးကောက်ပွဲ တစ်ရပ် ကျင်းပရန် လိုအပ်ကြောင်း နိုင်ငံရေး ပါတီများက ထောက်ပြကြသည်။

ထို့နောက် ပြည်သူလူထုသည် မကြာမီ ကျင်းပမည့် ရွေးကောက်ပွဲမှာ မဲမပေးဘဲ No Vote လုပ်ကြမည်ကိုလည်း နိုင်ငံရေးပါတီများက စိတ်ပူနေကြသည်။

ရွေးကောက်ပွဲနှင့်ပတ်သက်ပြီး လူထုကို အကဲဖြတ်သည့်အခါတွင် မဲပေးနိုင်သည့် အရွယ်လိုက် သုံးမျိုးသုံးစား ခွဲကြည့်ပါက တစ်ခုခုကို ပြောင်းလဲ လိုချင်သည်ဆိုသည့် အင်အားစုရှိနိုင်ကြောင်း ရခိုင့်ဦးဆောင်ပါတီ(AFP)မှဥက္ကဋ္ဌ ဒေါက်တာအေးမောင်က CNI သတင်းဌာနသို့ ပြောသည်။

 ပြည်သူများ မဲထည့်ရန် လုပ်နေကြစဉ်

၎င်းက “လူထုကို အကဲဖြတ်တဲ့အခါမှာ လူထုမှာ အသက်အရွယ်ရှိပြီးသားနော်။ ဥပမာ လူငယ်ပိုင်းတွေရဲ့ ဆန္ဒက တစ်မျိုးရှိမယ်။ လူလတ်ပိုင်းက တစ်မျိုးရှိမယ်။ လူကြီးပိုင်းက တစ်မျိုးရှိမယ်နော်။ ဒါနေရာတိုင်းမှာ ဒါမျိုးကွဲပါ တယ်။ ရွေးကောက်ပွဲဆိုတာနဲ့ ကာလအရှည်ကြီး တစ်ခုကို ဖြတ်သန်းပြီးမှ ကျင်းပမှာလို့ ကြေညာတာကို မဲပေးနိုင် တဲ့ အရွယ်လိုက်ကို သုံးတန်းစားလောက် ခွဲကြည့်ရင် လူငယ်ပိုင်းတွေရဲ့ စိတ်နေ သဘောထားက တစ်မျိုး ရှိမှာပေါ့။ သူတို့မှာ အနာဂတ် ရည်မှန်းချက် ကြီးကြီးမားမား ရှိနိုင်တာ‌ပေါ့။ လူလတ်ပိုင်းကလည်း ခဏကပြောတဲ့ အကျပ် အတည်း အခက်အခဲကို ကျော်လွှားချင်မှာပေါ့။ လူကြီးပိုင်းတွေကတော့ ရှင်းမယ်ထင်တယ် လူကြီးပိုင်းတွေ တော်တော်များများ ရာနှုန်းကတော့ဖြင့် ဒီအခက်အခဲ အကျပ်အတည်းကို ဘယ်လိုဖြေရှင်းရင် ကောင်းမယ်ဆိုတာ ကို သူတို့ဘက်က တွေးပြီးသားဖြစ်နိုင်တယ်။ အဲတော့ နိုင်ငံရေးပါတီဆိုတဲ့ အထက်မှာ သူ့နိုင်ငံရေးပါတီ အလိုက် ကို စည်းရုံးထားကြတဲ့ အင်အားစုတွေရှိတယ်။ အဲတော့ ကျနော်တို့ အဲတာတွေကို အကြမ်းဖျင်း ခွဲရင် ၇၀/၃၀ လောက်ပေါ့ မှန်းတာ။ အဲတော့ ၇၀ သည် neutral သွားတာပေါ့။ ဖြူရင်ဖြူမယ်၊ မဲရင်မဲမယ်၊ ဝါရင်ဝါမယ်၊ အစိမ်း အနီ၊ အဝါ စသည်ဖြင့် အစွဲမရှိ အဲတော့ နိုင်ငံရေးပါတီ‌တွေ ထက်မှာလည်းပဲ အင်းအားစုရှိမှာပေါ့၊ အင်အားစုကို တော့ ၃၀ ရာခိုင်နှုန်းလောက် မှန်းထားမှ နောက် စီးပွားရေး သမားတွေ စီးပွားရေးအားဖြင့် တစ်ခုခုကို ပြောင်းလဲ လိုချင်တယ်ဆိုတဲ့ အင်အားစုရှိမှာပေါ့။ ဆိုတော့ အဲဒီ အင်အားစု အားလုံးကို ထည့်တွက်ပြီးမှ ခင်များတို့ သုံးသပ်လို့ ရမယ်”ဟု ပြောသည်။

ရွေးကောက်ပွဲဆိုသည်မှာ မိမိရွေးချယ်သည့် အစိုးရကို မိမိပိုင်ဆိုင်ရမည်သာဖြစ်၍ မိမိ၏ ရွေးချယ်မှုက လူထုနှင့် နိုင်ငံ အကျိုးအတွက် အဂတိတရား ကင်းကင်း ဆောင်ရွက်ကြမည့် အစိုးရတစ်ရပ် ပေါ်ပေါက်လာရေး သေသေချာ ချာ မဲပေး‌ရွေးချယ်ရမည်ဟု စစ်ရေးနှင့်နိုင်ငံရေးအကဲခတ်များက ထောက်ပြကြသည်။

CNI News

၂၀၂၅ ခုနှစ်၊ ဩဂုတ် ၇

ကချင်ပြည်နယ်၊ မိုးညှင်းမြို့နယ်၊ အင်းတော်ကြီးဒေသကို ကချင်လွတ်လပ်ရေးတပ်မတော်(KIA)နှင့် ပြည်သူ့ ကာကွယ်ရေးတပ်ဖွဲ့(KPDF)တို့ ပူးပေါင်း၍ လာမည့် ရက်ပိုင်းအတွင်း ထိုးစစ်ဆင် တိုက်ခိုက်ရန် ပြင်ဆင် စုဖွဲ့နေ ကြောင်း ဒေသတွင်း သတင်းရင်းမြစ်များက ပြောသည်။

KIA နှင့် KPDF သည် အင်းတော်ကြီးဒေသအတွင်းရှိ နန့်မွန်း၊ လုံးတုံ၊ မိုင်းနောင် စသည့် ဒေသများကို တိုက်ခိုက် သိမ်းပိုက်ရန် စုဖွဲ့နေကြောင်း ဒေသခံများက ပြောသည်။ 

အင်းတော်ကြီးဒေသခံ တစ်ဦးက “ KIA-PDF က ဒီရက်ပိုင်း နန့်မွန်း၊ လုံးတုံ၊ မိုင်းနောင် တစ်ရွာရွာကို ဝင်တိုက်မယ် လို့ ကြားနေရတယ်။ ဟိုပင်နန့်ရင်းဖက်က KIA PDF တွေ ဟဲပါးဖက်ကို စုတယ်။ မိုးညှင်း အရှေ့တောင်ပေါ်က KIA- PDF တွေ ထန်းတပင်ကနေ ပင့်သာကတဆင့် အင်းတော်ကြီးဘက်ကို တက်လာနေတယ်။ အင်းတော်ကြီးဖက်ကို လူစုနေတယ်လို့ ကြားနေရတယ်”ဟု ပြောသည်။

အင်းတော်ကြီးဒေသသည် ရှမ်းနီလူမျိုးများ အများစု နေထိုင်လျက်ရှိပြီး KIA မှ ယခင်က စိုးမိုးထားသည်။

SNA က အင်းတော်ကြီးဒေသကို ထိန်းချုပ်လိုက်စဉ်

သို့သော် ရှမ်းနီအမျိုးသားများတပ်မတော်(SNA)သည် ကချင်ပြည်နယ်အတွင်း လှုပ်ရှားလာပြီးနောက် ၂၀၂၅ ခုနှစ်၊ ဇူလိုင်လက အင်းတော်ကြီးဒေသအတွင်းသို့ ထိုးဖောက်ဝင်ရောက်လာပြီး KIA နှင့် တိုက်ပွဲများဖြစ်ပွားခဲ့သည်။

ထို့နောက် SNA သည် အင်းတော်ကြီးဒေသ၊ နန့်မွန်း၊ မမုံကိုင်ရွာတို့ကို ထိန်းချုပ်ခဲ့သည်။

အဆိုပါ နယ်မြေကို KIA-PDF က ပြန်လည် ထိန်းချုပ်နိုင်ဖို့အတွက် ထိုးစစ်ဆင် တိုက်ခိုက်ရန် စုဖွဲ့နေကြောင်း ဒေသခံများက ပြောသည်။

CNI News

၂၀၂၅ ခုနှစ်၊ ဩဂုတ် ၇

ရွေးကောက်ပွဲ ကျင်းပပြီး လွှတ်တော်ထဲ၌ ရှိရမည့် ကိုယ်စားလှယ်ဦးရေ မပြည့်မီ၍ ဒုတိယအကြိမ် လွှတ်တော် ခေါ်မည်ဆိုပါက လက်ရှိတွင် နိုင်ငံကိုအုပ်ချုပ်နေသူအတွက် ဂုဏ်သိက္ခာ ကျဆင်းနိုင်ကြောင်း တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) မှ ဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

ထို့ကြောင့် လာမည့်ရွေးကောက်ပွဲတွင် ကိုယ်စားလှယ်လောင်းဦးရေ ပြည့်မီအောင် လက်ရှိ နိုင်ငံကို အုပ်ချုပ်နေသူ များအနေဖြင့် ကြိုးစားကြမည့် အနေအထားရှိကြောင်း ၎င်းက ပြောသည်။

စိုင်းဋ္ဌေးအောင်က “အခုနိုင်ငံရေး အခြေအနေအရတော့ ရွေးကောက်ပွဲက ကိုယ်စားလှယ်လောင်းတော့ ပြည့် အောင် သူတို့ ကြိုးစားသွားမှာပါ။ ကျနော့် အမြင်ကို ပြောတာလေ။ ဘာဖြစ်လို့လဲဆိုတော့ ကိုယ်စားလှယ် ပြည့်မှပဲ လွှတ်တော် ခေါ်နိုင်မှာဆိုတဲ့ အခါကြတော့ ဒုတိယအကြိမ် လွှတ်တော်ခေါ်ရရင် သူ့ရဲ့ဂုဏ်သိက္ခာလည်း သိပ်မရှိနိုင် ဘူးလေ။ သူ့ရဲ့ ဂုဏ်သိက္ခာကို ထိန်းတဲ့အနေနဲ့ ကိုယ်စားလှယ်လောင်း ပြည့်အောင်တော့ သူလုပ်သွားလိမ့်မယ်လို့ တော့ ကျနော့် အနေနဲ့ မြင်တာပေါ့။ ဘာကြောင့်လဲဆိုတော့ ဖွဲ့စည်းပုံအရ ကိုယ်စားလှယ်လောင်းက ၂၅ ရာခိုင်နှုန်း က တပ်မတော် ရှိထားပြီလေ။ ထက်ဝက်ကျော် တက်ပြီဆိုရင်တော့ အထမြောက်ပြီလို့ ပြောထားတဲ့ အခါကြတော့ ထက်ဝက်ကျော်ကျော်လောက်ပဲ ရွေးကောက်ပွဲ လုပ်ရမှာပေါ့။ အဲဒီလောက်ကတော့ လုပ်နိုင်ပါတယ်။ ကြေညာ ထားတာကလည်း ၂၆၇ မြို့နယ်မှာ ရွေးကောက်ပွဲလုပ်မယ်လို့ ကြေညာထားတဲ့ အတွက်ကြောင့်မို့လို့  တစ်ဝက် မကဘူးလေ အဲဒါ” ဟု ပြောသည်။
ရွေးကောက်ပွဲ ကျင်းပပြီးနောက် ပထမဆုံးအကြိမ် ပြည်ထောင်စုလွှတ်တော် ခေါ်ယူရာတွင် လွှတ်တော် ကိုယ်စားလှယ်ဦးရေ ၆၆၄ ဦး ရှိရမည်ဖြစ်သော်လည်း ၂၀၀၈ ဖွဲ့စည်းပုံအခြေခံဥပဒေအရ တက်ရောက်ခွင့်ရှိသည့် ကိုယ်စားလှယ် ထက်ဝက်ကျော် ဦးရေ တက်ရောက်ပါက အစည်းအဝေး အထမြောက်သည်။

လွှတ်တော် ကိုယ်စားလှယ်လောင်း အရေအတွက်ကို ပြသထားစဉ်

ထိုသို့ ပထမဆုံး လွှတ်တော်အစည်းအဝေး အထမြောက်ရန် ကိုယ်စားလှယ်ဦးရေ ၅၀ ရာခိုင်နှုန်း လိုအပ်ပြီး  တပ်မတော်သား လွှတ်တော်ကိုယ်စားလှယ် ၂၅ ရာခိုင်နှုန်း ရှိထားပြီးဖြစ်၍ ကျန် ၂၅ ရာခိုင်နှုန်းသော လွှတ်တော် ကိုယ်စားလှယ် ရှိရုံမျှဖြင့် လွှတ်တော်အစည်းအဝေးကို အထမြောက်အောင် ဆောင်ရွက်နိုင်ခြင်း ဖြစ်သည်။

လက်ရှိတွင် ဗိုလ်ချုပ်မှူးကြီး မင်းအောင်လှိုင်တို့ ကျင်းပမည့် ရွေးကောက်ပွဲသည် အမည်ခံသာဖြစ်ကြောင်း၊ လွှတ်တော်တွင် တပ်မတော်သား လွှတ်တော်ကိုယ်စားလှယ် ၂၅ ရာခိုင်နှုန်း ရှိနေသောကြောင့် မည်သည့် နည်းလမ်းဖြင့်မဆို လွှတ်တော် အထမြောက်နိုင်ကြောင်း ငြိမ်းချမ်းရေးလုပ်ငန်းစဉ်တွင် ပါဝင်လုပ်ဆောင်နေသူ ဦးခွန်းဆိုင်က CNI သတင်းဌာနသို့ ပြောသည်။

တပ်မတော်သား လွှတ်တော်ကိုယ်စားလှယ်တွေကို တွေ့ရစဉ်

၎င်းက “ရွေးကောက်ပွဲကတော့ အမည်ခံလုပ်တာပေါ့။ ဘာဖြစ်လို့လဲဆိုတော့ လွှတ်တော်မှာ ပထမအကြိမ် အစည်းအဝေး ခေါ်တဲ့အချိန်မှာ တစ်ဝက်ကျော်ရမယ်။ တစ်ဝက်မကျော်ရင် ဒုတိယအကြိမ်ခေါ်မယ်၊ ဒုတိယ အကြိမ်မှာ ၃ ပုံ ၁ ပုံ ရှိလို့ရှိရင် အထမြောက်တယ်ဆိုတဲ့ အခါကြတော့ အခုလောလောဆယ်မှာ ၂၅ ရာခိုင်နှုန်းက စစ်တပ်က ဖြစ်နေပြီဆိုတဲ့ အခါကြတော့ တပ်ကမဟုတ်တဲ့ ပုဂ္ဂိုလ်တွေရွေးဖို့က ၈ ရာခိုင်နှုန်း ကျော်ကျော်ပဲ ရှိ တယ်။ ဒါဟာ ဘယ်နည်းနဲ့မဆို လုပ်နိုင်မယ်လို့ မြင်ကြပါတယ်။ နောက်တစ်ခုကလည်း ဥပမာ ပြည်နယ်တွေ၊ တိုင်းတွေကို ကြည့်မယ်ဆိုရင်လည်း တပ်မတော် ဘက်ကနေပြီးတော့မှ ၃ ပုံ ၁ ပုံ ပါဝင်ပြီးသား ဖြစ်တဲ့အတွက် ကြောင့်မို့လို့ ယုတ်စွအဆုံး ရွေးကောက်ပွဲ မဖြစ်တာတောင်မှ သူက အလိုလို အထမြောက်ပြီးသား ဖြစ်တယ်လို့ ဝေဖန်တာရှိပါတယ်” ဟု ပြောသည်။

မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီ ၁ ရက်နေ့က အမျိုးသားဒီမိုကရေစီအဖွဲ့ချုပ် (NLD)  အစိုးရမှ ၂၀၂၀ အထွေထွေရွေးကောက်ပွဲ မဲစာရင်း အငြင်းပွားမှုကို မဖြေရှင်းဘဲ အစိုးရဖွဲ့စည်းရေး ကြိုးပမ်းသည်ဟုဆိုကာ မြန်မာ့တပ်မတော်မှ ဖြုတ်ချ၍ နိုင်ငံတော်အား အရေးပေါ် အခြေအနေကြေညာခဲ့သည်။

ထို့နောက် ပြည်ထောင်စုလွှတ်တော်၊ အမျိုးသားလွှတ်တော်၊ ပြည်သူ့လွှတ်တော်များ ကျင်းပနိုင်ခြင်းမရှိဘဲ ရပ်နားထားသည်မှာ ယနေ့အထိပင် ဖြစ်သည်။ 

CNI News

၂၀၂၅ ခုနှစ်၊ ဩဂုတ် ၇

ယနေ့ (ဩဂုတ် ၇ ရက်) နံနက် ၈ နာရီ ၂၈ မိနစ်တွင် ယာယီသမ္မတ ဦးမြင့်ဆွေ ကွယ်လွန်သွားပြီးဖြစ်သည့်အတွက် စျာပနကို နိုင်ငံတော်အဆင့် စျာပနအဖြစ် ကျင်းပသွားမည်ဟု အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့က ထုတ်ပြန် ကြေညာခဲ့သည်။

ယာယီသမ္မတ ဦးမြင့်ဆွေသ်ည တပ်မတော်ဆေးရုံကြီး ခုတင် ၁၀၀၀ ၌ ကွယ်လွန်သွားခဲ့ခြင်းဖြစ်သည်။