- By CNI
- Category: အားကစား
- Hits: 1797
CNI Sport News
၂၀၂၄ ခုနှစ်၊ ဩဂုတ် ၃၁
အာဆင်နယ်အသင်းဟာ နွေရာသီအပြောင်းအရွှေ့ နောက်ဆုံးနေ့မှာ ချယ်လ်ဆီးအသင်း တိုက်စစ်ကစားသမား စတာလင်ကို ဒီရာသီအကုန်ထိ အငှားနဲ့ ခေါ်ယူလိုက်ပါတယ်။
ချယ်လ်ဆီးအသင်းနဲ့ စာချုပ်သက်တမ်း ၃ နှစ်ကျန်ရှိနေသေးတဲ့ စတာလင်ဟာ ဒီရာသီနည်းပြသစ် မာရက်စ်ကာရဲ့ အစီအစဉ်မှာ မပါဝင်တာကြောင့် အသင်းက ထွက်ခွာခဲ့တာပါ။
စတာလင်ဟာ အပြောင်းအရွှေ့ နောက်ဆုံးနေ့မတိုင်ခင်မှာ ယူနိုက်တက်အသင်းနဲ့လည်း သတင်းထွက်ခဲ့ပေမယ့် နောက်ဆုံးမှာ အာဆင်နယ်အသင်းထံ အငှားနဲ့ ပြောင်းရွှေ့ခဲ့တာဖြစ်ပါတယ်။
စတာလင်နဲ့ အာဆင်နယ်အသင်းတို့ရဲ့ အငှားစာချုပ်မှာ မဖြစ်မနေ အပြီးသတ်ဝယ်ယူခွင့်တော့ မပါဝင်ပါဘူး။
စတာလင်က “ဒါက မယုံနိုင်စရာကောင်းတဲ့ ခံစားချက်ဖြစ်ပြီး စိတ်လှုပ်ရှားဖို့လည်း ကောင်းပါတယ်။ အရာအားလုံးကို ကြည့်လိုက်ရင် ဒီအပြောင်းအရွှေ့က ကျနော့်အတွက် ပြီးပြည့်စုံပြီး အံ့ဝင်မှာပါ။ ဒီအပြောင်းအရွှေ့ ဖြစ်ခဲ့လို့လည်း ကျနော်ပျော်ရွှင်ပါတယ်။ စည်းလုံးညီညွတ်ပြီး အောင်ပွဲအတွက် ဆာလောင်နေတဲ့ အသင်းရဲ့အစိတ်အပိုင်းဖြစ်ချင်ပါတယ်”လို့ အပြောင်းအရွှေ့ ရအပြီးမှာ ပြောခဲ့တာပါ။
စတာလင်ကို တွေ့ရစဉ်
စတာလင်ဟာ မန်စီးတီးအသင်းမှာ ကစားခဲ့ချိန်က အတူလက်တွဲခဲ့တဲ့ နည်းပြ အာတီတာနဲ့ အာဆင်နယ်အသင်းမှာ ထပ်ပြီးအလုပ်လုပ်ရတော့မှာဖြစ်ပါတယ်။
အာဆင်နယ်အသင်းဟာ နွေရာသီအပြောင်းအရွှေ့ နောက်ဆုံးနေ့မှာ စတာလင်အပါအဝင် ဘုန်းမောက်အသင်းဂိုးသမား နက်တိုကိုလည်း ရာသီအကုန်ထိ အငှားနဲ့ ခေါ်ယူခဲ့တာပါ။
လန်ဒန်ကလပ်ဟာ နွေရာသီ အပြောင်းအရွှေ့မှာ ပြီးခဲ့တဲ့ရာသီက ဘရန်ဖို့ဒ်အသင်းကနေ အငှားနဲ့ ခေါ်ယူခဲ့တဲ့ ဂိုးသမား ဒေးဗစ်ရာယာကို အပြီးသတ် ဝယ်ယူခဲ့သလို ဘိုလော့ဂ်နာအသင်းက ကာလာဖီအိုရီနဲ့ ဆိုစီဒက်အသင်းက မယ်ရီနိုတို့ကိုလည်း အပြီးသတ်ဝယ်ယူခဲ့ပါတယ်။
အာဆင်နယ်အသင်းဟာ ဒီရာသီ ပရီးမီးယားလိဂ်ပြိုင်ပွဲမှာ ရလဒ်ကောင်းရရှိနေပြီး အဖွင့်ပွဲစဉ် ၂ ပွဲစလုံး အနိုင်ရရှိထားကာ သြဂုတ် ၃၁ ရက်မှာ ဘရိုက်တန်အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: ESPN
- By CNI
- Category: အားကစား
- Hits: 2838
CNI Sport News
၂၀၂၄ ခုနှစ်၊ ဩဂုတ် ၃၁
ယူနိုက်တက်အသင်းဟာ နွေရာသီအပြောင်းအရွှေ့ နောက်ဆုံးနေ့မှာ ပီအက်စ်ဂျီအသင်း ကွင်းလယ်လူ အူဂါတေးကို ခေါ်ယူခဲ့ပြီး တိုမီနေးကို နာပိုလီအသင်းထံ အပြီးသတ်ရောင်းချကာ ဆန်ချိုကို ချယ်လ်ဆီးအသင်းထံ အငှားချခဲ့ပါတယ်။
ယူနိုက်တက်အသင်းဟာ ပီအက်စ်ဂျီအသင်း ကွင်းလယ်လူ အူဂါတေးကို ကနဦးပြောင်းရွှေ့ကြေး ပေါင် ၄၂.၁ သန်း၊ စွမ်းဆောင်ရည်အပေါ်မူတည်ကာ အပိုဆုကြေးပေါင် ၈.၄ သန်းနဲ့ ခေါ်ယူနိုင်ခဲ့တာပါ။
ယူနိုက်တက်အသင်းဟာ အသက် ၂၃ နှစ်အရွယ်ရှိ ဥရုဂွေးကစားသမားကို ၅ နှစ်စာချုပ်ချုပ်ဆိုခဲ့ပြီး စာချုပ်ကုန်ဆုံးချိန်မှာ နောက်ထပ် ၁ နှစ်သက်တမ်းတိုးခွင့်ရှိနေတာ ဖြစ်ပါတယ်။
အူဂါတေးဟာ ဒီနွေရာသီမှာ ဇာ့ခ်ဇီ၊ယိုရို၊ဒီလစ်၊မက်ဇ်ရာအူရီတို့ပြီးနောက် ယူနိုက်တက်အသင်းကို ရောက်ရှိလာတဲ့ ၅ ဦးမြောက်ကစားသမား ဖြစ်တာပါ။
ယူနိုက်တက်အသင်း အကယ်ဒမီထွက် ကွင်းလယ်လူ တိုမီနေးက နာပိုလီအသင်းထံ ပေါင် ၂၅.၇ သန်းနဲ့ အပြီးသတ်ပြောင်းရွှေ့ခဲ့ပါတယ်။
အသက် ၅ နှစ်အရွယ်ကတည်းက ယူနိုက်တက်အသင်းကို ရောက်ရှိခဲ့တဲ့ တိုမီနေးဟာ အသင်းကြီးအတွက် ၂၀၁၇ ခုနှစ်မှာ ပွဲထွက်ခွင့်ရခဲ့ပြီး ပွဲပေါင်း ၂၅၅ ပွဲပါဝင်ကစားကာ ၂၉ ဂိုးသွင်းယူနိုင်ခဲ့တာပါ။
ဆန်ချိုကို တွေ့ရစဉ်
တိုမီနေးဟာ ယူနိုက်တက်အသင်းနဲ့အတူ ကာရာဘောင်းဖလား၊ FA ဖလားတို့ကို ရယူနိုင်ခဲ့ပြီး ဒီရာသီမှာ အသင်းအတွက် ၃ ပွဲ ပါဝင်ကစားခဲ့တာဖြစ်ပါတယ်။
ဒီနွေရာသီ အပြောင်းအရွှေ့မှာ အသင်းကြီးအများအပြားနဲ့ သတင်းတွေထွက်ခဲ့တဲ့ တောင်ပံကစားသမား ဆန်ချိုဟာ ချယ်လ်ဆီးအသင်းထံ ရာသီအကုန်ထိ အငှားနဲ့ ပြောင်းရွှေ့ဖို့ သဘောတူညီမှုရရှိခဲ့တာပါ။
ချယ်လ်ဆီးအသင်းဟာ ဆန်ချိုကို အငှားစာချုပ် ကုန်ဆုံးချိန်မှာ ယူနိုက်တက်အသင်းကနေ ပေါင် ၂၃ သန်းနဲ့ မဖြစ်မနေဝယ်ယူဖို့လည်း သဘောတူညီမှုထဲမှာ ပါဝင်တာဖြစ်ပါတယ်။
ဆန်ချိုဟာ ပြီးခဲ့တဲ့ရာသီက နည်းပြ အဲရစ်တန်ဟတ်နဲ့ အဆင်မပြေခဲ့လို့ ဇန်နဝါရီမှာ ဒေါ့မွန်အသင်းထံ အငှားနဲ့ ပြောင်းရွှေ့ခဲ့တာပါ။
ဒါပေမယ့် ဆန်ချိုဟာ ရာသီကြိုကာလမှာ နည်းပြ အဲရစ်တန်ဟတ်နဲ့ ဆွေးနွေးမှုပြုလုပ်ခဲ့တာမှာ အဆင်ပြေပြီးနောက် လေ့ကျင့်ခန်း အစီအစဉ်တွေမှာ ပါဝင်ခဲ့သလို ခြေစမ်းပွဲတွေမှာလည်း ပါဝင်ခဲ့တာဖြစ်ပါတယ်။
အင်္ဂလန်ကစားသမားဟာ ယူနိုက်တက်အသင်းရဲ့ ပရီးမီးယားလိဂ်အဖွင့်ပွဲစဉ် ၂ ပွဲစလုံးမှာ ပါဝင်ခဲ့ခြင်းမရှိတာကြောင့် အပြောင်းအရွှေ့ဖြစ်ဖို့လုပ်ဆောင်ခဲ့ပြီး ချယ်လ်ဆီးအသင်းထံ ပြောင်းရွှေ့ဖို့ ဖြစ်လာခဲ့တာပါ။
၂၀၂၁ ခုနှစ်က ဒေါ့မွန်အသင်းကနေ ရောက်ရှိလာခဲ့တဲ့ ဆန်ချိုဟာ ယူနိုက်တက်အသင်းအတွက် ၈၃ ပွဲပါဝင်ကစားခဲ့ပြီး ၁၂ ဂိုးသွင်းယူခဲ့တာဖြစ်ပါတယ်။
Source: BBC
- By CNI
- Category: အားကစား
- Hits: 952
CNI Sport News
၂၀၂၄ ခုနှစ်၊ သြဂုတ် ၃၀
စပိန်ဝါရင့်နောက်ခံလူ ရာမို့စ်ဟာ မေဂျာလိဂ်ရဲ့ စိတ်ဝင်စားမှုကို ငြင်းပယ်ပြီး အသင်းဖော်ဟောင်း ရော်နယ်ဒိုနဲ့ ရင်ဆိုင်ဖို့ ဆော်ဒီပရိုလိဂ်ထံ ပြောင်းရွှေ့ဖွယ် ရှိနေပါတယ်။
ဂျာနယ်လစ်တစ်ဦးဖြစ်တဲ့ ဆာချာတာဗိုလီရီက ရာမို့စ်ဟာ ဆော်ဒီပရိုလိဂ်ကလပ် အယ်လ်အိုရိုဘတ်အသင်းထံ ပြောင်းရွှေ့မယ်လို့ ဖော်ပြထားတာပါ။
အယ်လ်အိုရိုဘတ်အသင်းဟာ ဒီရာသီ ဆော်ဒီပရိုလိဂ်ပြိုင်ပွဲကို တန်းတက်ခဲ့ပြီးနောက် ခရစ္စတီယန်တယ်လိုကို လည်း ခေါ်ယူထားတာ ဖြစ်ပါတယ်။
ရာမို့စ်ဟာ ဆီဗီလာအသင်းကနေ ထွက်ခွာကြောင်း ကြေညာပြီးကတည်းက အပြောင်းအရွှေ့နဲ့ ပတ်သက်တဲ့ ထင်ကြေးတွေ အမျိုးမျိုး ထွက်ပေါ်ခဲ့ပြီး ရော်နယ်ဒိုရဲ့ အယ်လ်နာဆာအသင်းကလည်း သူ့ကိုခေါ်ယူဖို့ စိတ်ဝင်စား ခဲ့တာပါ။
ရာမို့စ်ဟာ အယ်လ်နာဆာအသင်းထံ ပြောင်းရွှေ့ဖို့ ချိတ်ဆက်ခဲ့ပေမယ့် အပြောင်းအရွှေ့ အကောင်အထည်ဖော် ခြင်း မရှိခဲ့ပါဘူး။
ဒါအပြင် မေဂျာလိဂ် အပြောင်းအရွှေ့ ထင်ကြေးတွေ ထွက်ပေါ်ခဲ့ပေမယ့် ဆွေးနွေးမှုတွေဟာ ပျက်ပြယ်ခဲ့တာပါ။
ရာမို့စ်ကို တွေ့ရစဉ်
ရာမို့စ်ဟာ သူ့ရဲ့ကစားသမားဘဝမှာ အောင်မြင်မှုတွေ အများအပြား ရယူထားတဲ့သူဖြစ်ပြီး ရီးရယ်လ်အသင်းမှာ ကစားခဲ့တဲ့ ၁၆ နှစ်ကြာ ကာလအတွင်း ၆၇၁ ပွဲ ပါဝင်ကစားခဲ့တာမှာ ၁၀၁ ဂိုးသွင်းပြီး ဂိုး ၄၀ ဖန်တီးနိုင်ခဲ့တာ ဖြစ်ပါတယ်။
ရာမို့စ်ဟာ ရီးရယ်လ်အသင်းမှာ လာလီဂါဖလား ၅ ကြိမ်၊ ချန်ပီယံလိဂ်ဖလား ၄ ကြိမ် အပါအဝင် ဆုဖလား အများအပြား ရယူနိုင်ခဲ့တာပါ။
ရာမို့စ်ဟာ ရီးရယ်လ်အသင်းက ထွက်ခွာပြီးနောက် ပီအက်စ်ဂျီအသင်းမှာ ကစားခဲ့တဲ့ ၂ ရာသီအတွင်းမှာ ပြင်သစ် လီဂူး-၁ ဖလား အပါအဝင် ဆုဖလား ၃ ခု ရယူနိုင်ခဲ့ပါတယ်။
ရာမို့စ်ဟာ ဆီဗီလာအသင်းထံ ပြန်ရောက်ချိန်မှာ အောင်မြင်မှု မရခဲ့ပေမယ့် သူ့ရဲ့ငယ်ဘဝ ကလပ်မှာ ထပ်ပြီး ကစားချင်တဲ့ဆန္ဒ ပြည့်သွားခဲ့တာပါ။
အယ်လ်အိုရိုဘတ်အသင်းနဲ့ အပြောင်းအရွှေ့ ဖြစ်ခဲ့မယ်ဆိုရင် ဒီအသင်းဟာ အသက် ၃၈ နှစ်အရွယ်ရှိ ရာမို့စ် အတွက် နောက်ဆုံးအသင်း ဖြစ်သွားနိုင်ပါတယ်။
ဘောလုံးပရိသတ်တွေ အတွက်လည်း ပြည်တွင်းပြိုင်ပွဲတွေမှာ အယ်လ်နာဆာအသင်းနဲ့ အယ်လ်အိုရိုဘတ် အသင်းတို့ ယှဉ်ပြိုင်ချိန် ရီးရယ်လ်အသင်းဖော်ဟောင်းတွေဖြစ်တဲ့ ရော်နယ်ဒိုနဲ့ ရာမို့စ်တို့အကြား ပြိုင်ဆိုင်မှုကို မြင်တွေ့ရမှာဖြစ်ပါတယ်။
Source: Goal
- By CNI
- Category: အားကစား
- Hits: 1672
CNI Sport News
၂၀၂၄ ခုနှစ်၊ သြဂုတ် ၃၀
ဆမ်ဒိုးရီးယားအသင်းဟာ စီးရီးဘီရာသီအစကို ရလဒ်ဆိုးတွေနဲ့ စတင်ခဲ့ပြီးနောက် နည်းပြ ပီယာလိုကို ရာထူးက ထုတ်ပယ်ခဲ့ပါတယ်။
ဆမ်ဒိုးရီးယားအသင်းဟာ ရာသီအစပွဲစဉ် ၃ ပွဲ ကစားအပြီးမှာ ၂ ပွဲရှုံး ၁ ပွဲသရေ ရလဒ်နဲ့ အဆင့် ၁၈ နေရာမှာ ရပ်တည်နေတာပါ။
အသက် ၄၅ နှစ်အရွယ်ရှိ ပီယာလိုဟာ ဆမ်ဒိုးရီးယားအသင်း စီးရီးအေပြိုင်ပွဲကနေ တန်းဆင်းပြီးနောက် ၂၀၂၃ ခုနှစ်၊ ဇူလိုင်မှာ နည်းပြသစ်အဖြစ် ခန့်အပ်ခံခဲ့ရတာ ဖြစ်ပါတယ်။
ပီယာလိုဟာ ဆမ်ဒိုးရီးယားအသင်းကို ၄၅ ပွဲ ကိုင်တွယ်ခဲ့ပြီး အနိုင် ၃၅.၅၆ ရာခိုင်နှုန်းသာ ရယူပေးနိုင်ခဲ့တာပါ။
ဆမ်ဒိုးရီးယားအသင်းက ပီယာလိုနဲ့ သူ့ရဲ့နည်းပြအဖွဲ့ဝင်တွေ ကလပ်မှာ အလုပ်လုပ်ခဲ့ချိန်အတွင်း ပြသခဲ့တဲ့ ကတိကဝတ်နဲ့ ပရော်ဖက်ရှင်နယ် ဆန်မှုတွေအတွက် ကျေးဇူးတင်တယ်လို့ ကြေညာချက် ထုတ်ပြန်ခဲ့တာ ဖြစ်ပါတယ်။
ကစားသမားဘဝမှာ အောင်မြင်မှု အများအပြား ရယူနိုင်ခဲ့တဲ့ ပီယာလိုဟာ ၂၀၂၀ ခုနှစ်မှာ ဂျူဗင်တပ်စ်အသင်းကို ကိုင်တွယ်ကာ သူ့ရဲ့နည်းပြဘဝကို စတင်ခဲ့တာပါ။
ပီယာလိုကို တွေ့ရစဉ်
ပီယာလိုဟာ ဂျုဗင်တပ်စ်အသင်းကို တစ်ရာသီကြာသာ ကိုင်တွယ်ပြီး အီတလီစူပါဖလားနဲ့ ကိုပါအီတာလီယာ ဖလား ရယူပေးနိုင်ခဲ့တာ ဖြစ်ပါတယ်။
ပီယာလိုဟာ ဂျူဗင်တပ်စ်အသင်းက ထွက်ခွာအပြီးမှာ တူရကီကလပ် ဖာတစ်အသင်းကိုလည်း တစ်ရာသီကြာသာ ကိုင်တွယ်ခဲ့တာပါ။
ဖာတစ်အသင်းက ထွက်ခွာအပြီးမှာ ဆမ်ဒိုးရီးယားအသင်းကို ကိုင်တွယ်ခဲ့ပေမယ့် တစ်ရာသီကြာ ကိုင်တွယ် အပြီးမှာ ထုတ်ပယ်ခံခဲ့ရတာ ဖြစ်ပါတယ်။
ပီယာလိုဟာ ကစားသမားဘဝမှာ ဘရက်ရှား၊ ရက်ဂျီနာ၊ အင်တာမီလန်၊ အေစီမီလန်၊ ဂျူဗင်တပ်စ်အသင်းနဲ့ အနားမယူခင် နယူးယော့ခ်စီးတီးအသင်းတို့မှာ ကစားခဲ့တာပါ။
ပီယာလိုဟာ ကစားသမားဘဝမှာ အီတလီအသင်းနဲ့ ၂၀၀၆ ကမ္ဘာ့ဖလား ချန်ပီယံဆုအပြင် စီးရီးအေဖလား ၆ ကြိမ်၊ ချန်ပီယံလိဂ်ဖလား ၂ ကြိမ် အပါအဝင် ဆုဖလား အများအပြား ရယူနိုင်ခဲ့တာဖြစ်ပါတယ်။
Source: BBC
- By CNI
- Category: အားကစား
- Hits: 1315
CNI Sport News
၂၀၂၄ ခုနှစ်၊ သြဂုတ် ၃၀
အင်္ဂလန်ကွင်းလယ်လူ မေဆန်မောင့်ဟာ အသေးစား ကြွက်သားဒဏ်ရာကြောင့် အသင်းရဲ့ ပွဲစဉ် အနည်းငယ် လွဲချော်မယ်လို့ ယူနိုက်တက်အသင်းက အတည်ပြုခဲ့ပါတယ်။
တိုက်စစ်မှူး ဟော့ဂျ်လန်း၊ နောက်ခံလူတွေဖြစ်တဲ့ လုပ်ခ်ရှော၊ ယိုရို၊ မာလာစီယာနဲ့ လင်ဒီလော့ဖ်တို့ ဒဏ်ရာ တွေကြောင့် အနားယူနေရချိန်မှာ မေဆန်မောင့်ရဲ့ ဒဏ်ရာဟာ ယူနိုက်တက်အသင်းအတွက် ထိုးနှက်ချက် ဖြစ်ခဲ့တာပါ။
မေဆန်မောင့်ဟာ ဒီရာသီ ယူနိုက်တက်အသင်းရဲ့ ပရီးမီးယားလိဂ်ပွဲစဉ် ၂ ပွဲစလုံး ပွဲထွက်လူစာရင်းမှာ ပါဝင်ခဲ့ပြီး နောက်ဆုံးကစားခဲ့တဲ့ ဘရိုက်တန်အသင်းနဲ့ပွဲစဉ်မှာ ပထမပိုင်းအပြီး လူစားလဲခံခဲ့ရတာ ဖြစ်ပါတယ်။
ပြီးခဲ့တဲ့နွေရာသီက ချယ်လ်ဆီးအသင်းကနေ ပေါင် ၅၅ သန်းနဲ့ ပြောင်းရွှေ့လာခဲ့တဲ့ မေဆန်မောင့်ဟာ ဒဏ်ရာ အများအပြားကြောင့် အသင်းအတွက် ပွဲပေါင်း ၂၀ သာ ပါဝင်ကစားနိုင်ခဲ့တာပါ။
မေဆန်မောင့်ဟာ ရာသီကြို ခြေစမ်းပွဲတွေမှာ ခြေစွမ်းပြသနိုင်ခဲ့တာကြောင့် ဒီရာသီအသင်းအတွက် ကြံ့ခိုင်မှု အပြည့်နဲ့ ပါဝင်ကစားနိုင်ဖို့ ယူနိုက်တက်အသင်းက မျှော်လင့်ခဲတာ ဖြစ်ပါတယ်။
မေဆန်မောင့်ကို တွေ့ရစဉ်
ဒါပေမယ့် မေဆန်မောင့်ဟာ ဘရိုက်တန်အသင်းနဲ့ပွဲမှာ ဒဏ်ရာခံစားခဲ့ရပြီး သူကိုယ်တိုင်လည်း ဒဏ်ရာအပေါ် စိတ်ပျက်နေခဲ့တာပါ။
မေဆန်မောင့်က “ပြီးခဲ့တဲ့ပွဲက အသေးစား ကြွက်သားဒဏ်ရာကြောင့် ပွဲစဉ်အနည်းငယ်ကို ကျနော်လွဲချော်မှာပါ။ ကျနော်ဟာ ရာသီကြိုမှာ ကြံ့ခိုင်မှုပိုင်း အကောင်းဆုံးပုံစံပြန်ရဖို့ ကြိုးစားခဲ့ပြီး အဆင်သင့် ဖြစ်ခဲ့တယ်လို့လည်း ခံစားခဲ့ရပါတယ်။ အခုတော့ ခင်ဗျားတို့လိုပဲ ကျနော်လည်း အလွန်စိတ်ပျက်နေပါတယ်။ အကောင်းဆုံးပုံစံနဲ့ ပြန်လာပြီး အသင်းကို အကူအညီပေးနိုင်ဖို့ အရာအားလုံးလုပ်သွားမယ်”လို့ သူ့ရဲ့ဆိုရှယ်မီဒီယာမှာ ရေးသားခဲ့ပါ တယ်။
မေဆန်မောင့်ဟာ ဒဏ်ရာတွေကြောင့် အင်္ဂလန်အသင်း လူစာရင်းနဲ့လည်း ဝေးကွာခဲ့ပြီး လာမယ့် နေးရှင်းလိဂ်ပွဲစဉ် တွေအတွက် ယာယီနည်းပြ လီကာစလေ ထုတ်ပြန်တဲ့ အင်္ဂလန်အသင်း လူစာရင်းမှာ ပါဝင်ခဲ့ခြင်း မရှိပါဘူး။
အင်္ဂလန်အသင်း လူစာရင်းမှာ ယူနိုက်တက်အသင်းက မက်ဂွဲယားနဲ့ ကိုဘိမိုင်နူးတို့သာ ပါဝင်ပြီး ရက်ရှ်ဖို့ဒ်လည်း ချန်လှပ်ခံခဲ့ရတာ ဖြစ်ပါတယ်။
Source: ESPN
- By CNI
- Category: အားကစား
- Hits: 1727
CNI Sport News
၂၀၂၄ ခုနှစ်၊ သြဂုတ် ၃၀
ချန်ပီယံလိဂ်မဲခွဲမှုမှာ ဂုဏ်ပြုခံခဲ့ရတဲ့ အယ်လ်နာဆာအသင်း ခေါင်းဆောင် ရော်နယ်ဒိုဟာ ချန်ပီယံလိဂ်ပြိုင်ပွဲထံ ပြန်လာဖို့ကို ငြင်းဆန်ခဲ့ခြင်းမရှိတာ ဖြစ်ပါတယ်။
ရော်နယ်ဒိုက “ကျနော့်အတွက်တော့ ဒီမှာရှိနေရတာက ဝမ်းသာဖို့ကောင်းပါတယ်။ အခုလို အံ့သြစရာကောင်းတဲ့ ဆုအတွက်လည်း ကျေးဇူးတင်ပါတယ်။ ခင်ဗျားတို့သိတဲ့အတိုင်းပဲ ချန်ပီယံလိဂ်ပြိုင်ပွဲက ဘောလုံးလောကမှာ အမြင့်ဆုံးပါပဲ။ ဒီပြိုင်ပွဲမှာ ကစားရတာဟာ ကျနော်တို့အတွက် တွန်းအားပါပဲ။ ဘောလုံးမှာ ဘာတွေဖြစ်လာမလဲ ဆိုတာ ခင်ဗျားတို့မသိပါဘူး။ အဲဒါကြောင့် အနာဂတ်မှာ ဘာတွေဖြစ်လာမလဲဆိုတာ ကြည့်ကြတာပေါ့”လို့ ပြောခဲ့ တာပါ။
ဘောလွန်းဒီအောဆုကို ၅ ကြိမ် ရရှိထားတဲ့ ရော်နယ်ဒိုဟာ မိုနာကိုမှာ ကျင်းပခဲ့တဲ့ ပုံစံအသစ်နဲ့ ပြောင်းလဲကျင်းပ မယ့် ရာသီသစ် ချန်ပီယံလိဂ်ပြိုင်ပွဲရဲ့ မဲခွဲပွဲအခမ်းအနားကို တက်ရောက်ခဲ့တာ ဖြစ်ပါတယ်။
ရော်နယ်ဒိုဟာ ဒီအခမ်းအနားမှာ ချန်ပီယံလိဂ်ပြိုင်ပွဲ သမိုင်းတစ်လျှောက် ဂိုးသွင်းအများဆုံး ကစားသမား ဖြစ်တဲ့အတွက် ဂုဏ်ပြုဆုချီးမြှင့်ခံခဲ့ရတာပါ။
ရော်နယ်ဒိုဟာ ချန်ပီယံလိဂ်ပြိုင်ပွဲမှာ ပွဲပေါင်း ၁၈၃ ပွဲ ကစားခဲ့ပြီး ၁၄၀ ဂိုးသွင်းယူနိုင်ခဲ့တာ ဖြစ်ပါတယ်။
ချန်ပီယံလိဂ်ဖလားကို ယူနိုက်တက်အသင်းနဲ့ ၁ ကြိမ်၊ ရီးရယ်လ်အသင်းနဲ့ ၄ ကြိမ် ရရှိခဲ့တဲ့ ရော်နယ်ဒိုဟာ ဂျူဗင်တပ်စ်အသင်းဂန္ထဝင် ဘူဖွန်နဲ့အတူ ချန်ပီယံလိဂ်မဲခွဲမှုအစီအစဉ်မှာ ပါဝင်ခဲ့တာပါ။
ရော်နယ်ဒိုကို တွေ့ရစဉ်
ရော်နယ်ဒိုဟာ ဒီအစီအစဉ်မှာ ပါဝင်ခဲ့ရင်းနဲ့ ချန်ပီယံလိဂ်ပြိုင်ပွဲထံ ပြန်လာဖို့ကို ငြင်းဆန်ခဲ့ခြင်းမရှိတာ ဖြစ်ပါ တယ်။
အယ်လ်နာဆာအသင်းမှာ ကစားနေတဲ့ ရော်နယ်ဒိုဟာ ပြီးခဲ့တဲ့ရာသီက ဆော်ဒီကလပ် အသင်းနဲ့အတူ အာရှချန်ပီယံလိဂ်ပြိုင်ပွဲမှာ ပါဝင်ကစားခဲ့သလို ရာသီသစ်မှာလည်း ပါဝင်ကစားဖို့ရှိနေတာပါ။
အသင်းပေါင်း ၃၆ သင်း ပုံစံအသစ်နဲ့ စတင်ကျင်းပမယ့် ရာသီသစ် ချန်ပီယံလိဂ်ပြိုင်ပွဲကို စက်တင်ဘာ ၁၇ ရက် ကျရင် စတင်မှာဖြစ်ပြီး အသင်းတစ်သင်းဟာ ပွဲစဉ် ၈ ပွဲစီ ကစားရမှာဖြစ်လို့ ထိပ်ဆုံး ၈ သင်းက နောက်တစ်ဆင့် ကို တိုက်ရိုက်တက်ရောက်ခွင့် ရမှာဖြစ်ပါတယ်။
အဆင့် ၉ ကနေ ၂၄ အထိ အသင်း ၁၆ သင်းက ပလေးအော့ဖ် ယှဉ်ပြိုင်ရမှာဖြစ်ပြီး အဆင့် ၂၅ ကနေ ၃၆ အထိ ၁၂ သင်းကတော့ ချန်ပီယံလိဂ်ပြိုင်ပွဲက ထွက်ခွာရမှာဖြစ်ပါတယ်။
Source: Goal
- By CNI
- Category: အားကစား
- Hits: 757
CNI Sport News
၂၀၂၄ ခုနှစ်၊ သြဂုတ် ၂၉
အင်္ဂလန်နောက်ခံလူ ဝေါလ်ကာက သူဟာ မန်စီးတီးအသင်းထံ မပြောင်းရွှေ့ခင်မှာ ချယ်လ်ဆီးအသင်းကို ရောက်ရှိဖို့ နီးစပ်ခဲ့တယ်လို့ ပြောခဲ့ပါတယ်။
ဝေါလ်ကာက “အဲဒီအချိန်တုန်းက ကျနော် မန်စီးတီးအသင်းကို မပြောင်းရွှေ့ခင်မှာ ချယ်လ်ဆီးအသင်းက ကျနော့်ကို သေချာပေါက် အလိုရှိခဲ့တာပါ။ ကျနော်ဟာ စပါးအသင်းကို လေးစားမှု အများကြီးရှိတဲ့အတွက် ချယ်လ်ဆီးကို မသွားချင်ခဲ့ပါဘူး။ ပြီးတော့ ဆိုးလ်ကင်းဘဲလ် နောက်တစ်ယောက်လည်း မဖြစ်ချင်ခဲ့ပါဘူး။ အဲဒါကြောင့် ချယ်လ်ဆီးအသင်းနဲ့ အပြောင်းအရွှေ့ မဖြစ်ခဲ့ပါဘူး”လို့ ပြောခဲ့တာပါ။
ရှက်ဖီးယူနိုက်တက်အသင်းမှာ ကစားသမားဘဝ စတင်ခဲ့တဲ့ ဝေါလ်ကာဟာ စပါးအသင်းထံ ပြောင်းရွှေ့ပြီးနောက် နာမည်ကြီးလာခဲ့တာ ဖြစ်ပါတယ်။
အဲဒါကြောင့် မန်စီးတီးအသင်းက သူ့ကို ၂၀၁၇ ခုနှစ်မှာ စပါးအသင်းကနေ ပေါင်သန်း ၅၀ နဲ့ ခေါ်ယူခဲ့တာပါ။
ဝေါလ်ကာဟာ မန်စီးတီးအသင်းနဲ့အတူ ခြေစွမ်းပြသနိုင်ခဲ့တာကြောင့် ကမ္ဘာ့အကောင်းဆုံး နောက်ခံလူတွေထဲက တစ်ဦးအဖြစ် သတ်မှတ်ခံခဲ့ရပြီး ပရီးမီးယားလိဂ်ဖလား ၆ ကြိမ်၊ ချန်ပီယံလိဂ်ဖလား ၁ ကြိမ် အပါအဝင် ဆုဖလား အောင်မြင်မှု အများအပြား ရယူထားနိုင်ခဲ့တာ ဖြစ်ပါတယ်။
ဝေါလ်ကာကို တွေ့ရစဉ်
ဒါပေမယ့် ဝေါလ်ကာဟာ မန်စီးတီးအသင်းထံ မပြောင်းရွှေ့ခင်မှာ ချယ်လ်ဆီးအသင်းက သူ့ကို လိုချင်ခဲ့ပြီး ဒီအပြောင်းအရွှေ့သာဖြစ်ခဲ့ရင် သူ့ရဲ့ကစားသမားဘဝဟာ ကွဲပြားမှုတွေ ရှိသွားနိုင်တာပါ။
ဝေါလ်ကာဟာ ပြီးခဲ့တဲ့နွေရာသီမှာ ဘိုင်ယန်မြူးနစ်အသင်းရဲ့ ချဉ်းကပ်မှုတွေ ရခဲ့ပေမယ့် နောက်ဆုံးမှာတော့ သူဟာ မန်စီးတီးအသင်းနဲ့ စာချုပ်သစ်ချုပ်ပြီး အင်္ဂလန်မှာ ဆက်ရှိခဲ့တာ ဖြစ်ပါတယ်။
ဝေါလ်ကာက ဘိုင်ယန်မြူးနစ်အသင်းထံ အပြောင်းအရွှေ့ဖြစ်ဖို့လည်း နီးစပ်ခဲ့သေးတယ်လို့ ဝန်ခံခဲ့တာပါ။
အသက် ၃၄ နှစ်အရွယ်ရှိ ဝေါလ်ကာဟာ မန်စီးတီးအသင်းမှာ ကစားခဲ့တာ ၇ ရာသီကြာ ရှိခဲ့ပြီဖြစ်ပြီး ပွဲပေါင်း ၃၀၁ ပွဲအထိ ပါဝင်ကစားထားပေမယ့် ရာသီသစ်မှာတော့ ပါဝင်ကစားရခြင်းမရှိသေးတာ ဖြစ်ပါတယ်။
Source: Metro
- By CNI
- Category: အားကစား
- Hits: 954
CNI Sport News
၂၀၂၄ ခုနှစ်၊ သြဂုတ် ၂၉
မြောက်အိုင်ယာလန် အသင်းခေါင်းဆောင် ဂျွန်နီအီဗန်စ်ဟာ နိုင်ငံတကာ ဘောလုံးသမားဘဝက အနားယူပြီလို့ ကြေညာခဲ့ပါတယ်။
ဂျွန်နီအီဗန်စ်က “၁၈ နှစ်ကြာ ကစားပြီးနောက် အများကြီး စဉ်းစားမှုတွေ ပြုလုပ်အပြီးမှာ အခုအချိန်ဟာ နိုင်ငံတကာဘောလုံးလောက-ကနေ အနားယူဖို့ အချိန်တန်ပြီလို့ ကျနော်ခံစားခဲ့ရပါတယ်။ အစိမ်းရောင်အင်္ကျီကို ဝတ်ဆင်ပြီး မြောက်အိုင်ယာလန် ပြည်သူတွေကို ကိုယ်စားပြုခွင့်ရတာဟာ ကျနော့်ဘဝအတွက် အကြီးမားဆုံး ဂုဏ်ယူစရာပါပဲ”လို့ သူ့ရဲ့ကြေညာချက်ထဲမှာ ဖော်ပြထားတာပါ။
၂၀၀၆ ခုနှစ်က စပိန်အသင်းနဲ့ပွဲစဉ်မှာ မြောက်အိုင်ယာလန်အသင်းအတွက် ပွဲဦးထွက်ခွင့်ရခဲ့တဲ့ ဂျွန်နီအီဗန်စ်ဟာ ပြီးခဲ့တဲ့ ဇွန်က စပိန်အသင်းနဲ့ ခြေစမ်းပွဲစဉ်မှာ သူ့ရဲ့လက်ရွေးစင် ကစားသမားဘဝ နောက်ဆုံးပွဲစဉ်အဖြစ် ပါဝင် ကစားခဲ့တာ ဖြစ်ပါတယ်။
ဂျွန်နီအီဗန်စ်ဟာ မြောက်အိုင်ယာလန်အသင်းအတွက် ၁၀၇ ပွဲ ပါဝင်ကစားခဲ့ပြီး ၆ ဂိုး သွင်းယူနိုင်ခဲ့တာပါ။ အသက် ၃၆ နှစ်အရွယ်ရှိ ဂျွန်နီအီဗန်စ်ဟာ မြောက်အိုင်ယာလန်အသင်းအတွက် ပွဲပေါင်း ၁၀၀ ကျော် ကစားထားတဲ့ ၄ ဦး မြောက် ကစားသမားလည်းဖြစ်ခဲ့ပါတယ်။
ဂျွန်နီအီဗန်စ်ကို တွေ့ရစဉ်
ဂျွန်နီအီဗန်စ်ဟာ ယူရို ၂၀၁၆ ပြိုင်ပွဲမှာ မြောက်အိုင်ယာလန် အသင်းနဲ့အတူ ၁၆ သင်းအဆင့် ရောက်ရှိခဲ့တာက သူ့ရဲ့ နိုင်ငံတကာ ကစားသမားဘဝမှာ အကြီးမားဆုံး အောင်မြင်မှုဖြစ်ခဲ့တာပါ။
မြောက်အိုင်ယာလန်အသင်းဟာ စက်တင်ဘာလထဲမှာ နေးရှင်းလိဂ်ပွဲစဉ်အဖြစ် လူဇင်ဘတ်၊ ဘူလ်ဂေးရီးယား အသင်းတို့နဲ့ ယှဉ်ပြိုင်ဖို့ရှိနေပြီး ဒီပွဲအတွက် နည်းပြ မိုက်ကယ်အိုနေးလ်က လူစာရင်း မထုတ်ပြန်ခင်မှာ ဂျွန်နီအီဗန်စ်ဟာ နိုင်ငံအသင်းက အနားယူကြောင်း ကြေညာခဲ့တာ ဖြစ်ပါတယ်။
ဂျွန်နီအီဗန်စ်ဟာ လက်ရှိအချိန်မှာ ငယ်ဘဝကလပ် ယူနိုက်တက်အသင်းနဲ့ စာချုပ်သက်တမ်း တစ်နှစ်တိုးခဲ့ပြီး ဒီရာသီမှာ ၂ ပွဲ ပါဝင်ကစားခွင့် ရထားတာပါ။
ဂျွန်နီအီဗန်စ်ဟာ ပြီးခဲ့တဲ့ရာသီက ယူနိုက်တက်အသင်းထံ ပြန်ရောက်လာခဲ့တာဖြစ်ပြီး ပွဲပေါင်း ၃၀ ပါဝင် ကစားခဲ့ကာ FA ဖလား ချန်ပီယံဆုကို ရယူနိုင်ခဲ့တာဖြစ်ပါတယ်။
Source: CNA
- By CNI
- Category: အားကစား
- Hits: 2688
CNI Sport News
၂၀၂၄ ခုနှစ်၊ သြဂုတ် ၂၉
လီဗာပူးလ်အသင်းတိုက်စစ်မှူး ဒါဝင်နူနက်ဇ်ဟာ ဥရုဂွေးအသင်းက ကိုလံဘီယာအသင်းကို အရေးနိမ့်ခဲ့တဲ့ ကိုပါအမေရိကဖလားပြိုင်ပွဲ ဆီမီးဖိုင်နယ်ပွဲစဉ်အပြီးမှာ ဖြစ်ခဲ့တဲ့ ရန်ပွဲမှာ ပါဝင်ခဲ့တာကြောင့် တောင်အမေရိက ဘောလုံးအဖွဲ့ချုပ်ရဲ့ ၅ ပွဲပယ် ပြစ်ဒဏ်ချမှတ်ခြင်း ခံခဲ့ရပါတယ်။
ဒါဝင်နူနက်ဇ်ဟာ ပွဲပယ်အပြင် ဒဏ်ကြေးငွေဒေါ်လာ ၂ သောင်းပါ ပေးဆောင်ရမှာဖြစ်ပြီး ဥရုဂွေးအသင်းရဲ့ လာမယ့် ၂၀၂၆ ကမ္ဘာ့ဖလားခြေစစ်ပွဲတွေကို လွဲချော်တော့မှာပါ။
ဒါဝင်နူနက်ဇ်အပြင် ဒီရန်ပွဲမှာ ပါဝင်ခဲ့တဲ့ ဥရုဂွေးကွင်းလယ်လူ ဘန်တန်ကာက ၄ ပွဲပယ်နဲ့ ဒဏ်ကြေးငွေဒေါ်လာ ၁၆,၀၀၀ ၊ဂျီမီနက်ဇ်၊ အိုလီဗီရာနဲ့ အာရူဟိုတို့က ၃ ပွဲပယ်နဲ့ ဒဏ်ကြေးငွေဒေါ်လာ ၁၂,၀၀၀ ချမှတ်ခံခဲ့ရတာ ဖြစ်ပါ တယ်။
ကိုပါအမေရိကဖလားပြိုင်ပွဲ ဆီမီးဖိုင်နယ်ပွဲစဉ်အပြီးမှာ ဥရုဂွေး ကစားသမားတွေဟာ သူတို့ရဲ့မိသားစုတွေကို ကာကွယ်ဖို့အတွက် ပွဲကြည့်စင်ပေါ်ကို တက်ကာ ကိုလံဘီယာအသင်း ပရိသတ်အချို့နဲ့ ထိပ်တိုက်တွေ့ဆုံခဲ့ ကြတာပါ။
ဥရုဂွေးကစားသမားတွေနဲ့ ကိုလံဘီယာအသင်း ပရိသတ်တွေဟာ ထိုးကြိတ်မှုတွေဖြစ်ခဲ့ပြီး ဒါဝင်နူနက်ဇ်ဟာ လူအုပ်ထဲကို ခုံနဲ့ပစ်ပေါက်ဖို့ ကြိုးပမ်းနေတဲ့ ဗွီဒီယိုထွက်ပေါ်လာခဲ့ပါတယ်။
ဒါဝင်နူနက်ဇ်နဲ့ ပရိသတ် စကားများနေစဉ်
ဒီအဖြစ်အပျက်တွေအပြီးမှာ တောင်အမေရိက ဘောလုံးအဖွဲ့ချုပ်ဟာ စုံစမ်းစစ်ဆေးမှုတွေကို စတင်ခဲ့ပြီး အခု အချိန်မှာ အရေးယူမှုတွေကို လုပ်ဆောင်လာခဲ့တာပါ။
တောင်အမေရိကဘောလုံးအဖွဲ့ချုပ်ဟာ ဥရုဂွေးဘောလုံးအဖွဲ့ချုပ်ကိုလည်း ဒေါ်လာ ၂ သောင်း ဒဏ်ကြေးငွေ ချမှတ်ခဲ့တာ ဖြစ်ပါတယ်။
ဥရုဂွေးအသင်းရဲ့ အဓိက ကစားသမား အများအပြား ပွဲပယ်ခံရမှာဖြစ်လို့ နည်းပြ ဘီယယ်လ်ဆာအတွက်တော့ လာမယ့် ကမ္ဘာ့ဖလားခြေစစ်ပွဲတွေမှာ လူရွေးချယ်မှုအပိုင်း အခက်တွေ့နိုင်တာပါ။
ဘီယ်လ်ဆာက သူ့ရဲ့ကစားသမားတွေဟာ ကိုယ့်ကိုယ်ကို ကာကွယ်ဖို့နဲ့ မိသားစုတွေကို ကာကွယ်ဖို့သာ ကြိုးပမ်းခဲ့ တာ ဖြစ်တယ်လို့ ဒီပွဲအပြီးမှာ ကစားသမားတွေကို ကာကွယ်မှုပြုလုပ်ခဲ့တာ ဖြစ်ပါတယ်။
ဥရုဂွေးအသင်းဟာ စက်တင်ဘာထဲမှာ ၂၀၂၆ ကမ္ဘာ့ဖလား ခြေစစ်ပွဲစဉ်တွေအဖြစ် ပါရာဂွေး၊ ဗင်နီဇွဲလားအသင်း တို့နဲ့ ယှဉ်ပြိုင်ရမှာပါ။
ဥရုဂွေးအသင်းဟာ ခြေစစ်ပွဲ ၆ ပွဲ ကစားအပြီးမှာ ရမှတ် ၁၃ မှတ်နဲ့ အဆင့် ၂ နေရာမှာ ရပ်တည်နေတာ ဖြစ်ပါ တယ်။
Source: ESPN
- By CNI
- Category: အားကစား
- Hits: 2280
CNI Sport News
၂၀၂၄ ခုနှစ်၊
ချယ်လ်ဆီးအသင်းနည်းပြ မာရက်စ်ကာက စတာလင်နဲ့ ချီဝဲလ်တို့ အပါအဝင် ဒီရာသီမှာ အသင်းအတွက် ပါဝင် မကစားရသေးတဲ့ အသင်းသားတွေအနေနဲ့ ကလပ်မှာဆက်ရှိမယ်ဆိုရင် ပွဲကစားချိန် မိနစ်တွေရမှာ မဟုတ်ဘူးလို့ ပြောလိုက်ပါတယ်။
မာရက်စ်ကာက “ကျနော်ဟာ ကစားသမားတွေကို ရိုးသားရတာ နှစ်သက်ပါတယ်။ ဒီမှာ ပါဝင်ပတ်သက်ခြင်း မရှိတဲ့ သူတွေဟာ ဆက်ရှိမယ်ဆိုရင် သူတို့ပွဲကစားချိန် မိနစ်ရမှာ မဟုတ်ပါဘူး။ ပွဲကစားချိန် မိနစ်တွေရမယ့် သူတွေက ကျနော်တို့ကို ကူညီပေးနိုင်မယ်လို့ ထင်ပါတယ်။ စတာလင်ဟာ အလွန်ကောင်းတဲ့သူဖြစ်ပေမယ့် နည်းပြတိုင်းမှာ မတူညီတဲ့ အတွေးအခေါ်တွေ ရှိပါတယ်။ သူဘာလုပ်ဖို့ လိုလဲဆိုတာ သူသိပါတယ်။ သီးခြား လေ့ကျင့်မှုတွေ ပြုလုပ်တဲ့သူတွေဟာ မိနစ်တွေရမှာ မဟုတ်ပါဘူး”လို့ ပြောခဲ့တာပါ။
စတာလင်ဟာ ချယ်လ်ဆီးအသင်းကို ၂၀၂၂ ခုနှစ်က မန်စီးတီးအသင်းကနေ ပြောင်းရွှေ့လာခဲ့တာဖြစ်ပြီး အသင်း အတွက် ပွဲပေါင်း ၈၁ ပွဲ ပါဝင်ကစားထားကာ ၁၉ ဂိုး သွင်းယူထားတာ ဖြစ်ပါတယ်။
ဘန်ချီဝဲလ်ကတော့ ၂၀၂၀ ခုနှစ်က လက်စတာအသင်းကနေ ပြောင်းရွှေ့လာခဲ့ပြီး အသင်းအတွက် ပွဲပေါင်း ၁၀၆ ပွဲ ပါဝင်ကစားထားကာ မနှစ်ကရာသီက ဒုတိယအသင်းခေါင်းဆောင်အဖြစ် တာဝန်ယူခဲ့ရသူပါ။
ဒါပေမယ့် သူတို့တွေဟာ ရာသီအစ ပွဲစဉ်တွေမှာကတည်းက ချယ်လ်ဆီးအသင်းအတွက် ပါဝင်ခွင့် မရရှိတော့ပါ ဘူး။
ချယ်လ်ဆီးအသင်းကို တွေ့ရစဉ်
စတာလင်၊ ဘန်ချီဝဲလ်၊ ချာလိုဘတ်တို့ အပါအဝင် ကစားသမား အများအပြားဟာ ချယ်လ်ဆီးအသင်းကြီးနဲ့ သီးခြား လေ့ကျင့်မှုတွေ ပြုလုပ်နေရတာပါ။
စတာလင်နဲ့ ချာလိုဘတ်တို့ဟာ သူတို့ရဲ့ကျောနံပါတ် ၇ နဲ့ ၁၄ ကို ကစားသမားသစ်တွေဖြစ်တဲ့ ပက်ဒရိုနက်တိုနဲ့ ဂျာအိုဖီးလစ်တို့ကို ပေးခဲ့ရပြီး သူတို့ဟာ ကျောနံပါတ်မရှိ ဖြစ်နေပါတယ်။
စတာလင်ဟာ ပြီးခဲ့တဲ့ရက်ပိုင်းက ယူနိုက်တက်အသင်း အပါအဝင် အသင်းအချို့နဲ့ ချိတ်ဆက်မှုတွေ ပြုလုပ်နေ တာပါ။
နွေရာသီ အပြောင်းအရွှေ့ဟာ သြဂုတ် ၃၀ ရက်မှာ ပိတ်မှာဖြစ်လို့ စတာလင် အပါအဝင် ချယ်လ်ဆီးအသင်းရဲ့ အစီအစဉ်မှာ ပါဝင်ခြင်းမရှိတော့တဲ့ ကစားသမားတွေဟာ အသင်းသစ်ရဖို့ အမြန်ဆုံး လုပ်ဆောင်ရတော့မှာ ဖြစ်ပါတယ်။
ချယ်လ်ဆီးအသင်းဟာ နည်းပြ မာရက်စ်ကာ လက်ထက် ပရီးမီးယားလိဂ် အဖွင့်ပွဲစဉ်မှာ မန်စီးတီးအသင်းကို ၂ ဂိုး- ဂိုးမရှိနဲ့ အရေးနိမ့်ခဲ့ပေမယ့် ဒုတိယမြောက်ပွဲစဉ်မှာ ဝုလ်ဖ်စ်အသင်းကို ၆ ဂိုး-၂ ဂိုးနဲ့ ဂိုးပြတ်အနိုင်ရရှိခဲ့တာပါ။
ဒါအပြင် ချယ်လ်ဆီးအသင်းဟာ ယူရိုပါကွန်းဖရန့်လိဂ် ပလေးအော့ဖ် ပထမအကျော့ပွဲစဉ်မှာ ဆာဗတ်အသင်းကို ၂ ဂိုး- ဂိုးမရှိနဲ့ အနိုင်ရရှိခဲ့တာ ဖြစ်ပါတယ်။
Source: BBC
Page 122 of 401
Connect with us
