CNI News
၂၀၂၃ ခုနှစ်၊ နိုဝင်ဘာ ၈

ရှမ်းပြည်နယ်မြောက်ပိုင်း၊ မူဆယ်မြို့နယ် စယ်လန့်ကျေးရွာအုပ်စုတွင် နေထိုင်ကာ တိုက်ပွဲရှောင်များ အရေးကူ ညီပေးနေသည့် စိုင်းမောဝ်အွန် (ခ) စိုင်းလူးတိုဝ်ကို ဖမ်းဆီးသွားသည့် TNLA အဖွဲ့က ယနေ့ (နိုဝင်ဘာ ၈ ရက်) တွင် ပြန်လွှတ်ပေးခဲ့သည်။

စိုင်းမောဝ်အွန်ကို TNLA က စယ်လန့်ကျေးရွာရှိ နေအိမ်ကနေ နိုဝင်ဘာ ၇ ရက်နေ့တွင် ဖမ်းဆီးသွားခဲ့ခြင်း ဖြစ်သည်။

ထို့နောက် ရှမ်းလက်နက်ကိုင် ဖြစ်သော ရှမ်းပြည်တိုးတက်ရေးပါတီ(SSPP)က စယ်လန့်ကျေးရွာတွင် လှုပ်ရှား နေသော TNLA တပ်ဖွဲ့ထံ သွားရောက်၍ ညှိနှိုင်းစဉ် ပစ်ခတ်မှုများဖြစ်ပွားကာ နှစ်ဖက် တပ်ဖွဲ့ဝင်များ သေဆုံးခဲ့ ကြသေးသည်။

ထိုသို့ ဖြစ်ပွားခဲ့ကြပြီးနောက် TNLA က နိုဝင်ဘာ ၈ ရက်နေ့တွင် စိုင်းမောဝ်အွန်ကို ပြန်လွှတ်ပေးခဲ့ခြင်း ဖြစ်သည်။

စိုင်းမောဝ်အွန်သည် ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD)၏ စယ်လန့်ကျေးရွာအုပ်စု အလုပ်အမှု ဆောင်ကော်မတီ အတွင်းရေးမှူးဖြစ်သည်။

CNI News

၂၀၂၃ ခုနှစ်၊ နိုဝင်ဘာ ၈

ရှမ်းလူငယ် စိုင်းမောဝ်အွန်ကို TNLA ၏ အောက်ခြေတပ်သားများက ဖမ်းဆီးသွားသည့်အပေါ် ပလောင်ပြည်လွတ် မြောက်ရေးတပ်ဦး (PSLF/TNLA)မှ ဖြေရှင်းပြီး အတူယှဉ်တွဲရေးမူကို ဦးတည်သင့်ကြောင်း သျှမ်းပြည်သံဃာနှင့် ပြည်သူ ငြိမ်းချမ်းရေးပူးပေါင်း ဆောင်ရွက်ရေးကော်မတီမှ စိုင်းခမ်းအောင်က CNI သတင်းဌာနသို့ ပြောသည်။

ရှမ်းပြည်သားအချင်းချင်း ပဋိပက္ခ ပိုမို မကြီးထားလာစေရန် ထိန်းသိမ်းသင့်ကြောင်း၊ နှစ်ဖက်အဖွဲ့အစည်း ခေါင်းဆောင်များအနေဖြင့် ဆွေးနွေးတိုင်ပင်သင့်ကြောင်း ၎င်းက ပြောသည်။

ရှမ်းပြည်နယ် (မြောက်ပိုင်း) မူဆယ်မြို့နယ်၊ စယ်လန့်ကျေးရွာအတွင်း တိုက်ပွဲရှောင်များကို ကူညီဆောင်ရွက် ပေးနေသော စိုင်းမောဝ်အွန်ကို ၂၀၂၃ ခုနှစ်၊ နိုဝင်ဘာ ၇ ရက်နေ့ နံနက်ပိုင်းက TNLA က ဖမ်းဆီးသွားခဲ့သည်။
ယနေ့အချိန်ထိ စိုင်းမောဝ်အွန်မှာ အသက်ရှင် ရှိ/မရှိ မသိရသေးပေ။

TNLA ဖမ်းသွားသည့် စိုင်းမောဝ်အွန်ကို တွေ့ရစဉ်

စိုင်းခမ်းအောင်က “အဓိကတော့ ကျနော်တို့ ဘယ်လိုပြောမလဲ ရှမ်းပြည်သား အချင်းချင်းပဲ ရှမ်းပြည်သား အချင်းချင်းလည်းဆိုရင် အဲဒီလောက်အထိ ဖြစ်စရာအကြောင်း မရှိဘူးပေါ့၊ အတူတူ နေတယ်ဆိုတော့ လျှာနဲ့ သွားတောင်မှ ကိုက်မိတဲ့ အခြေအနေမှာ ရှိတယ်ဆိုရင်တော့ ကြီးကြီးမားမား မဖြစ်အောင်တော့ လူကြီးပိုင်းက ထိန်းထိန်းသိမ်းသိမ်း လုပ်နိုင်ဖို့၊ လုပ်တတ်ဖို့ အရေးကြီးတာပေါ့ဗျာ၊ အဲဒါမှ အတူယှဉ်တွဲ နေထိုင်နိုင်မယ်ပေါ့၊ အဲဒီလိုပဲ မြင်တယ်ဗျ၊ ဒါကတော့ ကျနော်တို့ ဘယ်လိုပြောမလဲ ဆုံးဖြတ်တဲ့လူတွေ မဟုတ်ဘူးလေ၊ ဆုံးဖြတ်တဲ့ လူတွေ မဟုတ်တော့ ကိုယ်ကတော့ ဖြစ်စေချင်တဲ့ဟာကတော့ ညှိညှိနှိုင်းနှိုင်း အတူယှဉ်တွဲနေထိုင်တဲ့ အတူယှဉ်တွဲ နေထိုင်ရေးမူ ကတော့ အဓိက ရေးရှု့ပြီးတော့ ဆွေးနွေးတိုင်ပင် ပြီးတော့ ဖြေရှင်းသင့်တယ်လို့ သုံးသပ်ချင် တယ်ဗျ” ဟု CNI သတင်းဌာနသို့ ပြောသည်။

စိုင်းမောဝ်အွန်ကို TNLA ဖမ်းဆီးသွားခြင်း ကိစ္စနှင့်ပတ်သက်ပြီး ဖြေရှင်းနိုင်ရေး သွားရောက်ခဲ့သည့် ရှမ်းပြည် တိုးတက်ရေးပါတီ (SSPP) တပ်ဖွဲ့ဝင်များကို TNLA က တိုက်ခိုက်ခဲ့ကြောင်း၊ ထို့နောက် နှစ်ဖက်အပြန်အလှန် ပစ်ခတ်မှု ဖြစ်ပွားခဲ့ကြောင်း SSPP က ထုတ်ပြန်ထားသည်။

နှစ်ဖက်တိုက်ပွဲအတွင်း TNLA ဘက်က ၅ ဦးထက်မနည်းသေဆုံးကာ SSPP ဘက်က တစ်ဦးသေဆုံးခဲ့ကြောင်း၊ ထို့နောက် SSPP တပ်ဖွဲ့ ၂ ဦးကို စစ်သုံ့ပန်းအဖြစ် TNLA က ဖမ်းဆီးသွားပြီး ရွာလယ်ခေါင်တွင် သတ်ဖြတ်လိုက် ကြောင်း ထုတ်ပြန်ချက်တွင် ဖော်ပြထားသည်။

SSPP တပ်သားတွေက TNLA ကို ကန့်ကွက်နေစဉ်

အပြန်အလှန်ပစ်ခတ်မှု ဖြစ်ပွားခဲ့သော SSPP နှင့် TNLA တို့မှ တာဝန်ရှိသူများထံ CNI က ဖုန်းဆက်သွယ်ခဲ့သော် လည်း ဆက်သွယ်၍ မရသေးပေ။

TNLA က ဖမ်းဆီးသွားသော စိုင်းမောဝ်အွန်အား ပြန်လည်လွတ်ပေးရန် ရှမ်းနိုင်ငံရေးပါတီနှင့် အရပ်ဖက် အဖွဲ့အစည်းများမှ တောင်းဆိုလျက်ရှိနေသည်။

ပြည်သူလူထု၏ အသက်အိုးအိမ်ကို ကာကွယ် ဖွဲ့စည်းထားသော လက်နက်ကိုင်တပ်ဖွဲ့များအနေဖြင့် မိမိတို့၏ ရည်မှန်းချက်ကို အလေးထား လုပ်ဆောင်စေလိုကြောင်း စိုင်းခမ်းအောင်က ပြောသည်။

၎င်းက “အဓိက ပဋိပက္ခဖြစ်တဲ့ အပိုင်းမှာတို့ ဘာတို့ဆိုရင်တော့ အဓိကတော့ ရှမ်းပြည်သားတွေရဲ့ ပြည်သူလူထု တွေရဲ့ အသက်အိုးအိမ်စည်းစိမ်ကို ငဲ့ညာပြီးတော့ ကျနော်တို့ အရေးကတော့ လှုပ်ရှားရမှာတော့ မှန်တယ်ဆိုပေမဲ့ လည်း အတတ်နိုင်ဆုံးကတော့ ပြည်သူလူထုတွေရဲ့ အသက်အိုးအိမ်စည်းစိမ်ကို ကာကွယ်ပေးဖို့ပေါ့၊ အဲဒီလို အဖွဲ့ အစည်းတိုင်း လက်နက်ကိုင်တိုင်းမှာ တာဝန်ရှိတယ်၊ အဖွဲ့အစည်းရဲ့ ရည်ရွယ်ချက်ကလည်း ပြည်သူရဲ့ အသက်အိုး အိမ်စည်းစိမ်ကို ကာကွယ်ဖို့ဆိုပြီး ဖွဲ့စည်းလာတာပဲ၊ ကိုယ့်ရဲ့ ဖွဲ့စည်းလာတဲ့ ရည်ရွယ်ချက် ရည်မှန်းချက်ကို အဓိက ရည်မှန်းပြီးတော့ အဲဒီလိုဟာမျိုး အလေးထားပြီးတော့ လုပ်သွားစေချင်တာပေါ့ဗျာ၊ အဓိကတော့ အတတ်နိုင်ဆုံး ပြည်သူလူထုရဲ့ ထိခိုက်မှုတွေ နည်းနိုင်သမျှ နည်းအောင် ထိန်းထိန်းသိမ်းသိမ်း လုပ်သွားစေချင်တယ်လို့တော့ ကျနော်ပြောချင်ပါတယ်” ဟု ပြောသည်။

ပြီးခဲ့သည့် ၂၀၂၃ ခုနှစ်၊ စက်တင်ဘာ ၂၃ ရက်နေ့က ရှမ်းပြည်နယ် (မြောက်ပိုင်း) ကွတ်ခိုင်မြို့နယ်၊ မိုင်းယုလေး ဒေသတွင် SSPP နှင့် TNLA တို့ မဟာမိတ် အချင်းချင်းကြား ထိတွေ့တိုက်ပွဲ ဖြစ်ပွားခဲ့သည်။

ထို့နောက် နှစ်ဖက် ခေါင်းဆောင်အကြား တွေ့ဆုံကာ သဘောတူထားသည့် နိုင်ငံရေး/စစ်ရေး သဘောတူညီချက် များကို အပြန်အလှန် စောင့်ထိန်းကြပြီး ပြဿနာပေါ်ပေါက်လာပါက မဟာမိတ်အချင်းချင်း ညှိနှိုင်းဖြေရှင်းရန် ဆွေးနွေးခဲ့ကြသည်။

CNI News

၂၀၂၃ ခုနှစ်၊ နိုဝင်ဘာ ၈

ရှမ်းပြည်နယ်မြောက်ပိုင်း၊ မူဆယ်မြို့နယ် စယ်လန့်ကျေးရွာအုပ်စုတွင် နေထိုင်ပြီး တိုက်ပွဲရှောင်များအရေး ကူညီ ဆောင်ရွက်ပေးနေသူ စိုင်းမောဝ်အွန်(ခ) စိုင်းလူတိုဝ်ကို တအာင်းအမျိုးသားလွတ်မြောက်ရေးတပ်မတော်(TNLA) က နိုဝင်ဘာ ၇ ရက်နေ့က ဖမ်းဆီးသွားခဲ့ခြင်းကြောင့် ပြန်လွှတ်ပေးရန် ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD)က ထုတ်ပြန် တောင်းဆိုခဲ့သည်။

စိုင်းမောဝ်အွန်သည် SNLD ပါတီ၏ စယ်လန့်ကျေးရွာအုပ်စု အလုပ်အမှုဆောင်ကော်မတီ အတွင်းရေးမှူးအဖြစ် လည်း တာဝန်ထမ်းဆောင်နေသူ ဖြစ်သည်။

၂၀၂၃ ခုနှစ်၊ နိုဝင်ဘာ ၇ ရက်နေ့ နံနက် ၉ နာရီ ၅၅ မိနစ်မှာတော့ အကြောင်းပြချက် တစ်စုံတစ်ရာ မပေးဘဲ ၎င်း၏ နေအိမ်ကနေ စိုင်းမောဝ်အွန်ကို TNLA တပ်ဖွဲ့က ဖမ်းဆီးသွားခဲ့ခြင်း ဖြစ်သည်။

SNLD ထုတ်ပြန်ချက်ကိုတွေ့ရစဉ်

SNLD ပါတီက “ စိုင်းမောဝ်အွန်သည် လက်နက်ကိုင် ပဋိပက္ခအတွင်း ပါဝင်နေသည့် မည်သို့သော အဖွဲ့အစည်း နှင့်မျှ ပတ်သက်ခြင်း မရှိဘဲ လူသားချင်းစာနာသော အကူအညီပေးရေး လုပ်ငန်းများကို လုပ်ဆောင်နေသူသာ ဖြစ်သည့်အတွက် သက်ဆိုင်ရာ အဖွဲ့အစည်း အနေဖြင့် ၎င်းအား ချွင်းချက်မရှိ အမြန်ဆုံး ပြန်လွှတ်ပေးကာ အိမ် တိုင်ရာရောက် ပို့ဆောင်ပေးရန် တောင်းဆိုလိုက်ပါသည်”ဟု နိုဝင်ဘာ ၈ ရက်တွင် ထုတ်ပြန်ခဲ့သည်။

လက်ရှိအချိန်ထိ စိုင်းမောဝ်အွန်သည် အသက်ရှင် နေသေးသလား အသတ်ခံလိုက်ရပြီးလားဆိုသည်ကို မသိရ သေးပေ။

သို့သော် စိုင်းမောဝ်အွန်အား ဖမ်းဆီးသွားသည့် စယ်လန့်ကျေးရွာအတွင်း လှုပ်ရှားနေသော TNLA တပ်ဖွဲ့ကို ရှမ်းပြည်တိုးတက်ရေးပါတီ(SSPP/SSA)မှ အုပ်ချုပ်ရေးတာဝန်ခံ မူဆယ်မြို့နယ်မှူး ဦးဆောင်သည့် လုံခြုံရေး တပ်သား ၇ ဦးက သွားရောက်ညှိနှိုင်းစဉ် သာလွန် အင်အားဖြင့် ပစ်ခတ် သတ်ဖြတ်ခဲ့သည်။

TNLA က SSPP မူဆယ်မြို့နယ်မှူးနဲ့ ရဲဘော်ကို ပစ်သတ်လိုက်လို့ SSPP က ကန့်ကွက်နေစဉ်

SSPP က “ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA ဘက်က အုပ်ချုပ်ရေးတာဝန်ခံ မူဆယ် မြို့နယ်မှူး ဦးဆောင်သည့် လုံခြုံရေးတပ်သား(၇) ဦးက ရှမ်းဒေသခံပြည်သူကို ဖမ်းဆီးသွားရခြင်း အကြောင်း သိစေဖို့ စယ်လန့်ကျေးရွာအတွင်း လှုပ်ရှားသည့် တအာင်း(ပလောင်)တပ်ဖွဲ့ TNLA ထံ အကျိုး အကြောင်း သွားရောက် မေးမြန်းရာကနေ တအာင်း(ပလောင်)တပ်ဖွဲ့ TNLA မှ စစ်အင်အား (၁၀၀) ဝန်းကျင် ဖြင့် SSPP/SSA တပ်ဖွဲ့ကို  ဝိုင်းဝန်းပိတ်ဆို့ပြီး TNLA မှ စတင်ပစ်ခတ်သောကြောင့် နေ့လယ် ၁၂ နာရီအချိန်ထိ စယ်လန့်ကျေးရွာ အတွင်း၌ ရုန်းရင်းဆန်ခတ် တိုက်ပွဲဖြစ်ပွားခဲ့ပြီး သာလွန်အင်အားနှင့်  ဝိုင်းရံထားသော တ ဖက်တပ်များကြားမှ သတ်ကွင်းထဲ နောက်ကျန်နေခဲ့တဲ့ SSPP မြို့နယ်မှူးနှင့် ရဲဘော်တို့ (၂)ယောက်က စစ်သုံ့ ပန်းအဖြစ် နောက်ဆုံး အဖမ်းခံလိုက်ပေမယ့် ရွာလယ်ခေါင်တွင် အရှင်လတ်လတ် ပစ်သတ်ခံခဲ့ရပါတယ်”ဟု ထုတ်ပြန် ပြောကြားခဲ့သည်။

လက်ရှိတွင် TNLA သည် မြန်မာနိုင်ငံအမျိုးသားဒီမိုကရေစီမဟာမိတ်တပ်မတော်(MNDAA)၊ ရက္ခိုင့်တပ်တော်(A A)၊ ဗမာပြည်သူ့လွတ်မြောက်ရေးတပ်တော်(BPLA)၊ မန္တလေး ပြည်သူ့ကာကွယ်ရေးတပ်ဖွဲ့(PDF-MDY)တို့နှင့် ၁၀၂၇ စစ်ဆင်ရေးကို အောက်တိုဘာ ၂၇ ရက်မှာ စတင် ဖော်ဆောင်လျက်ရှိနေသည်။

အဆိုပါ ၁၀၂၇ စစ်ဆင်ရေးကို မြန်မာ့တပ်မတော်ကလည်း ချေမှုန်းနိုင်ရေး ကြိုးပမ်းနေခြင်းကြောင့် ရှမ်းပြည်နယ် မြောက်ပိုင်း ဒေသတစ်ခုလုံးမှာ တိုက်ပွဲများ ပြင်းထန်လျက်ရှိနေသည်။

CNI News

၂၀၂၃ ခုနှစ်၊ နိုဝင်ဘာ ၇

စစ်ကိုင်းဒေသကြီးအထက်ပိုင်း၊ ကောလင်းမြို့နယ်အတွင်းရှိ ဒေသခံပြည်သူများ အထိအခိုက်နည်းရန် လုပ်ဆောင် ဖို့ လိုအပ်ကြောင်း မြန်မာ့နိုင်ငံရေး လေ့လာသုံးသပ်သူ စိုင်းကြည်ဇင်စိုးက CNI သတင်းဌာနသို့ ပြောသည်။

ကောလင်းမြို့ကို ပြည်သူ့ကာကွယ်ရေးတပ်(PDF) ပူးပေါင်းတပ်ဖွဲ့မှ သိမ်းယူလိုက်ပြီး နောက် မြို့ခံများ ဆက်နေ ရန် မဖြစ်နိုင်ကြောင်း၊ မြန်မာ့တပ်မတော် အနေဖြင့်လည်း ပြန်လည်ထိုးစစ်ဆင်မှုများ လုပ်ဆောင်လာမှာဖြစ် ကြောင်း ၎င်းက ပြောသည်။

ကောလင်းမြို့ကို KIA၊ ABSDF၊ AA၊ PDF စသည့် ပူးပေါင်းတပ်ဖွဲ့များက တိုက်ခိုက် သိမ်းပိုက်ခဲ့ခြင်း ဖြစ်ကြောင်း ထုတ်ပြန်ထားသည်။

စိုင်းကြည်ဇင်စိုးက “အဓိက ဒီလိုမျိုး သိမ်းလိုက်ပြီဆိုရင် သိမ်းလိုက်ပေမဲ့ သိမ်းထားတဲ့နေရာမှာ လူတွေက ဆက် နေဖို့တော့ ခက်နေတယ်ဆိုတာ ယေဘုယျအားဖြင့် ကျနော်တို့ နားလည်ရတယ်၊ ဘာဖြစ်လို့လဲဆိုတော့ တစ်ဖက် က စစ်ကောင်စီက ဒီလိုမျိုး သိမ်းလိုက်ပြီ စခန်းတွေ ပါသွားပြီဆိုရင် တန်ပြန်ထိုးစစ်လုပ်တဲ့အချိန်မှာ များသော အားဖြင့် လေကြောင်းထိုးစစ်ကို သူတို့အဓိက အားပြုပြီးတော့ လုပ်တယ်ဆိုတာ သိရတယ်၊ လေကြောင်းထိုးစစ် လုပ်လာတယ်ဆိုရင် ကျနော်တို့ ပြည်သူလူထုတွေ သူတို့ သိမ်းထားတဲ့နေရာမှာ ဆက်နေမယ်ဆိုရင် အန္တရာယ်ပို ကြီးတယ်၊ အဲဒီအတွက်ကြောင့်မို့လို့ ရှောင်ကြရတယ်၊ ရှားကြရတယ်ဆိုတဲ့ဟာမျိုးတော့ လုပ်ရတာပေါ့နော်၊ အဲဒီ တော့ ဒီလိုမျိုး ရှောင်ရတယ်၊ ရှားရတယ်ဆိုတဲ့ဟာမှာ အဲဒီလို ရှောင်ကြ၊ ရှားကြပြီဆိုရင် ကျနော်တို့ တခြားလိုအပ် ချက်တွေ ရှိလာတယ်၊ သူတို့ရဲ့ အသက်ရှင် ရပ်တည်ဖို့အတွက်‌ရော တခြားအန္တရာယ် ကာကွယ်ပေးနိုင်ဖို့အတွက် လိုအပ်ချက်တွေရှိတယ်၊ အဲဒါတွေ အကုန်လုံးက ဖြည့်စီးဖို့လိုတယ်ပေါ့နော်၊ အချိန်အတိုင်းအတာအရ တချို့ မကူညီနိုင်တာ၊ မထောက်ပံ့နိုင်တဲ့ အတွက်ကြောင့်မို့လို့ အသက်မဆုံးရှုံးသင့်ဘဲနဲ့ ဆုံးရှုံးသွားတဲ့သူတွေလည်း ရှိတယ်ပေါ့” ဟု CNI သတင်းဌာနသို့ ပြောသည်။

ကောလင်းမြို့ထဲမှာ PDF များ ဆိုင်ကယ်နဲ့ လည်ပတ်နေစဉ်

ကောလင်းမြို့ကို သိမ်းပိုက်နိုင်ခြင်းထက် ရေရှည်ထိန်းသိမ်းရန်မှာ အဓိက ကျမှာဖြစ်ကြောင်း၊ ထို့အတူ တိုက်ပွဲ ရှောင်များကို ရန်သူ၊ မိတ်ဆွေ မခွဲခြားဘဲ ကူညီရန် လိုအပ်ကြောင်း ၎င်းက ပြောသည်။

၂၀၂၃ ခုနှစ်၊ နိုဝင်ဘာလ ၆ ရက်နေ့က PDF၊ ပြည်သူ့ကာကွယ်ရေးအဖွဲ့(ပကဖ)နှင့် မဟာမိတ် ပူးပေါင်း တပ်ဖွဲ့များ က ကောလင်းမြို့ကို အောင်မြင်စွာ တိုက်ခိုက် သိမ်းပိုက်နိုင်ခဲ့ကြောင်း အမျိုးသားညီညွတ်ရေးအစိုးရ (NUG) က ထုတ် ပြန်ထားသည်။

မြန်မာ့တပ်မတော်အနေဖြင့် ကောလင်းမြို့အား အချိန်မရွေး ပြန်သိမ်းယူ၍ ရသောကြောင့် ဦးစားပေး တိုက်ခိုက် မှာ မဟုတ်ဟု ယူဆကြောင်း မြန်မာ့နိုင်ငံရေးလေ့လာသုံးသပ်သူ ဒေါက်တာ အောင်မျိုးက CNI သတင်းဌာနသို့ ပြောသည်။

ကောလင်းမြို့တွင်း တစ်နေရာကိုတွေ့ရစဉ်

၎င်းက “အဲဒါကတော့ သူက အမှန်တိုင်းပြောရရင် ပြန်တိုက်မှာပေါ့၊ ပြန်တိုက်မယ်ဆိုတာတော့ ဦးစားပေး တိုက်ချင်မှ တိုက်မှာပေါ့ဗျာ၊ ဘာလို့ဆို ဒီအစားကို သူက ဒါက ဘယ်ချိန်ဆို သိမ်းလို့ရတယ်လေ၊ အဲဒီက ရထား လမ်းကလည်း အခုအချိန်မှာ အသုံးမပြုဘူး ဖြစ်နေတဲ့အခါကြတော့ အဓိက မကျပါဘူး။ သူက ဦးစားပေး လုပ်ချင် မှ လုပ်မှာလေ၊ အထူးသဖြင့်တော့ တရုတ်-မြန်မာ ကုန်သွယ်ရေးလမ်းကြောင်းကြီးကိုပဲ သူအဓိကထားပြီး ဖွင့်အောင် လုပ်မှာပဲ၊ အဲဒီလိုပဲ မြင်ပါတယ်” ဟု ပြောသည်။

ကောလင်းမြို့အတွင်း နှစ်ဖက်တိုက်ပွဲကြောင့် မြို့ခံလူထု ၅၀၀၀၀(ငါးသောင်း)ခန့်မှာ ဘေးလွတ်ရာသို့ ထွက်ပြေး သိမ်းရှောင်နေကြရကြောင်း၊ အရပ်သား သေဆုံးမှုမှာလည်း ၁၀ ဦးခန့်ရှိကြောင်း ကောလင်းမြို့တော်လှန်ရေး အင်အားစုများ၏ ထုတ်ပြန်ချက်အရ သိရသည်။

ထို့အတူ အဆိုပါ တိုက်ပွဲရှောင်များမှာ စားသုံးဆီ၊ စက်သုံးဆီ၊ ဆေးဝါး၊ စောင်၊ အမိုးအကာနှင့် အခြေခံ စားသောက် ကုန်များ လိုအပ်လျက်ရှိနေကြောင်း ထုတ်ပြန်ချက်တွင် ဖော်ပြထားသည်။

CNI News

၂၀၂၃ ခုနှစ်၊ နိုဝင်ဘာ ၇

စစ်ကိုင်းတိုင်းဒေသကြီးအထက်ပိုင်း၊ ဟုမ္မလင်းမြို့နယ်၊ နောင်ပိုအောင်စံပြကျေးရွာအုပ်စု၊ လွှစင်ကုန်းကျေးရွာ တွင် ရှမ်းနီအမျိုးသားများတပ်မတော်(SNA)နှင့် ကချင်လွတ်လပ်ရေးတပ်မတော်(KIA)၊ ဟုမ္မလင်း PDF ပူးပေါင်း တပ်ဖွဲ့တို့ကြား ယနေ့ (နိုဝင်ဘာ ၇ ရက်)နံနက်ပိုင်းကတည်းကနေ ယခု နေ့လယ် ၂ နာရီကျော်အထိ တိုက်ပွဲ အပြင်းအထန် ဖြစ်ပွားနေသည်။

SNA သည် လွှစင်ကုန်းကျေးရွာရှိ ဘုန်းကြီးကျောင်း၏ တောင်ကုန်းပေါ်တွင် ရှိနေပြီး KIA-PDF တပ်ဖွဲ့များသည် လွှစင်ကုန်းရွာအတွင်းမှာ နေရာစုံမှာ တည်ရှိနေသည်။

ထို့နောက် KIA-PDF သည် အင်အား အလုံးအရင်းဖြင့် SNA အား ပတ်လည်ဝိုင်းကာ ထိုးစစ်ဆင် တိုက်ခိုက်နေ သည်။

HPDF-124 တပ်ဖွဲ့ကိုတွေ့ရစဉ်

ထိုတိုက်ပွဲအတွင်း KIA-PDF ဘက်က အကျအဆုံးများပြီး SNA ဘက်က တစ်ဦး ကျဆုံးကာ ၅ ဦး ဒဏ်ရာရရှိ ထားကြောင်း ဒေသခံများနှင့် SNA ဘက်က ပြောသည်။

လက်ရှိတွင် လွှစင်ကုန်းကျေးရွာအတွင်း ဒေသခံများ ထွက်ပြေး တိမ်းရှောင်နေကြပြီး ဖြစ်သည်။

SNA နှင့် တိုက်ပွဲဖြစ်ပွားနေသော ပူးပေါင်းတပ်ဖွဲ့ဘက်တွင် KIA၊ ခန္တီးခရိုင်အမှတ်(၁)တပ်ရင်း ၊ HPDF -124 တပ်ရင်း ၊ HPDF - မိုးကြိုးတပ်ဖွဲ့ ၊ ဟုမ္မလင်းမြို့နယ်ပြည်သူ့လုံခြုံရေးတပ်ဖွဲ့ (ဟုမ္မလင်း-ပလဖ)တို့ ပါ ဝင်ကြသည်။

CNI News

၂၀၂၃ ခုနှစ်၊ နိုဝင်ဘာ ၇

ရှမ်းပြည်နယ်(မြောက်ပိုင်း) နမ့်ခမ်းမြို့လယ် ဘုရားဝန်းအတွင်း တပ်စွဲထားသော မြန်မာ့တပ်မတော်နှင့် ပြည်သူ့စစ် ပူးပေါင်းတပ်ဖွဲ့၏ စခန်းတစ်ခုကို အပြီးသတ် ရှင်းလင်းနိုင်ခဲ့သည်ဟု တအာင်းအမျိုးသား လွတ် မြောက်ရေးတပ်မတော်(TNLA)က ယနေ့ ထုတ်ပြန် ကြေညာခဲ့သည်။

အဆိုပါ မြို့လယ်ဘုရားအတွင်း တပ်စွဲထားသည့် မြန်မာ့တပ်မတော်နှင့် ပြည်သူ့စစ် ပူးပေါင်းတပ်ဖွဲ့ထံမှ လက် နက်မျိုးစုံ ၂၈ ၊ ပစ္စတို ၁ လက်၊ စစ်အသုံးအဆောင် ပစ္စည်းများကိုလည်း သိမ်းဆည်းရမိခဲ့သည်ဟု TNLA ၏ ထုတ်ပြန်ချက်တွင် ဖော်ပြထားသည်။

နမ့်ခမ်းမြို့လယ် ဘုရားဝန်းအတွင်းက စစ်စခန်းမှ သိမ်းဆည်းရမိဟု TNLA ထုတ်ပြန်ထားစဉ်

နမ့်ခမ်းမြို့ဒေသခံများကတော့ TNLA နှင့် မြန်မာ့တပ်မတော်- ပြည်သူ့စစ်တို့ကြား တိုက်ပွဲများ ဖြစ်ပွားနေသည် မှာ မှန်ကန်ကြောင်း၊ သို့သော် နမ့်ခမ်းမြို့ကို TNLA က အလုံးစုံ ထိန်းချုပ်နိုင်ခြင်းမရှိသေးကြောင်း၊ နမ့်ခမ်းမြို့ နှင့် ကျေးလက်ဒေသသည် ရှမ်းလူမျိုးအများဆုံးဖြစ်သကဲ့သို့ ရှမ်းဒေသများ များပြား၍ SSPP က အင်အား အများအပြားဖြစ် ရှိနေကြောင်း ပြောသည်။

လက်ရှိတွင် SSPP က မြောက်ပိုင်းမဟာမိတ်သုံးဖွဲ့(MNDAA-TNLA-AA)တို့ ဦးဆောင်သည့် ၁၀၂၇ စစ်ဆင်ရေး တွင် မည်သည့်ဘက်ကမှ မပါဝင်ဘဲ ရှမ်းလူထု ကာကွယ်ရေးအတွက်သာ တပ်များကို ဖြန့်ကြက်ချထားကြောင်း နီးစပ်သူများထံမှ သိရသည်။

CNI News

၂၀၂၃ ခုနှစ်၊ နိုဝင်ဘာ ၆

နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းနိုင်မည့် နိုင်ငံရေးယဉ်ကျေးမှုတစ်ရပ်ကို ဆက်လက် တည်ဆောက်ရန် လိုအပ်ကြောင်း ငြိမ်းချမ်းရေးလုပ်ငန်းစဉ်မှာ ပါဝင်လုပ်ဆောင်နေသူ ဦးခွန်းဆိုင်က CNI သတင်းဌာနသို့ ပြောသည်။
မိမိတို့အနေဖြင့် ယခင် ဦးသိန်းစိန်အစိုးရ လက်ထက်ကတည်းက နိုင်ငံရေးပြဿနာကို အင်အားသုံးပြီး မဖြေရှင်း ရန်၊ ငြိမ်းချမ်းသောနည်းဖြင့် ဖြေရှင်းရန် သဘောတူခဲ့ကြကြောင်း ၎င်းက ပြောသည်။

ဦးခွန်းဆိုင်က “ကျနော်တို့က ၂၀၁၁ ကတည်းက သမ္မတကြီး ဦးသိန်းစိန်နဲ့ နိုင်ငံရေးပြဿနာကို အင်အားသုံးပြီး မဖြေရှင်းဘဲနဲ့ နိုင်ငံရေးနည်း ငြိမ်းချမ်းတဲ့နည်းနဲ့ ဖြေရှင်းမယ့် ယဉ်ကျေးမှုအသစ်တစ်ရပ်ကို အဲဒီတုန်းက သဘော တူညီခဲ့ကြတာပေါ့၊ ဒီသဘောတူညီခဲ့ကြတာက တပ်မတော်သည်လည်း မဟုတ်ဘူး၊ EAO သည်လည်း မဟုတ်ဘူး။ နိုင်ငံရေးပါတီတွေလည်း ပါတယ်၊ သူတို့ထောက်ခံကြတယ်၊ ဒီယဉ်ကျေးမှုကြီးကို ကျနော်တို့အခုထိ တည်ဆောက် တာ မပြီးသေးဘူးပေါ့ဗျာ၊ ဒါကို ကျနော်တို့ လေးလေးနက်နက် ထားပြီးတော့မှ ကျနော်တို့ တည်ဆောက် သွားမယ် ဆိုလို့ရှိရင် ဘယ်နည်းနဲ့မဆို ကျနော်တို့ ပြည်သူဟာ အေးအေးချမ်းချမ်းနဲ့ နေကြရမှာပါ။ ကျနော်တို့ လုပ်နေတာ ဟာ ကိုယ့်အတွက် လုပ်နေတာမဟုတ် ပြည်သူအတွက် လုပ်နေတယ်ဆိုတာ အမြဲတမ်း ကျနော်တို့ နှလုံးသွင်းဖို့ လိုပါတယ်ခင်ဗျ” ဟု ပြောသည်။

၂၀၂၃ ခုနှစ်၊ အောက်တိုဘာ ၁၅ ရက်နေ့က NCA ၈ နှစ်ပြည့် အခမ်းအနားမှာ အလွှာအသီးသီးက ငြိမ်းချမ်းရေးလုပ်ငန်းစဉ်တွင် ပါ၀င်နေသူများကိုတွေ့ရစဉ်

မြန်မာနိုင်ငံတွင် ၁၉၄၈ လွတ်လပ်ရေးနှင့်အတူ ပြည်တွင်း လက်နက်ကိုင်ပဋိပက္ခ ပေါ်ပေါက်ခဲ့သည်မှာ နှစ်ပေါင်း ၇၀ ကျော်ကြာသည့်တိုင် ဖြေရှင်းနိုင်ခြင်း မရှိဘဲဖြစ်နေသည်။

ထို့နောက် ၂၀၂၁ ခုနှစ်၊ ဖေဖော်ဝါရီ ၁ ရက်နေ့ နောက်ပိုင်း နိုင်ငံရေး အပြောင်းအလဲများကြောင့် လက်နက်ကိုင် ပဋိပက္ခ နိုင်ငံတစ်ဝှမ်း ကျယ်ကျယ်ပြန့်ပြန့် ဖြစ်ပေါ်လျက်ရှိနေသည်။

နိုင်ငံရေးပြဿနာကို စစ်ပွဲဖြင့် ဖြေရှင်း၍ မရကြောင်း၊ အမြင်မတူညီမှုများအား စားပွဲဝိုင်းပေါ်တွင် ညှိနှိုင်းရန် လိုအပ်ကြောင်း လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ)မှ နာယက ဦးရွှေမင်းက CNI သတင်းဌာန သို့ ပြောသည်။

၂၀၂၃ ခုနှစ်၊ အောက်တိုဘာ ၁၅ ရက်နေ့က NCA ၈ နှစ်ပြည့် အခမ်းအနားမှာ ဗိုလ်ချုပ်ကြီးယွက်စစ်နဲ့ ဦးခိုင်စိုးနိုင်အောင်ကိုတွေ့ရစဉ်

၎င်းက “ကျနော်တို့ မြန်မာနိုင်ငံကြီး နိုင်ငံတကာနဲ့ ရင်ဘောင်တန်းပြီးတော့ ဖွံ့ဖြိုးတိုးတက်နိုင်ဖို့ မြန်မာနိုင်ငံတော် ကြီးမှာရှိတဲ့ နိုင်ငံသူ၊ နိုင်ငံသားအားလုံး တိုင်းရင်းသားအားလုံး သာယာဝပြော ငြိမ်းချမ်းအေးချမ်းစွာ နေနိုင်ဖို့ အတွက်ကတော့ အားလုံးငြိမ်းချမ်းရေးကို ဦးစားပေးဆောင်ရွက်ရမှာ ဖြစ်ပါတယ်၊ အဲဒီတော့ အမြင်မတူတာတွေ ကို စားပွဲပေါ်မှာ ညှိလိုက်ကြရအောင်လို့ ကျနော် ဒီအတိုင်းလေး အားပေးချင်တယ်၊ တိုက်တွန်းချင်တယ်၊ ကျနော် တို့နိုင်ငံ ငြိမ်းချမ်းရေးကို လက်နက်နဲ့လူတွေကို အားလုံး စားပွဲပေါ်မှာ ဆွေးနွေးပြီးတော့ အဖြေရအောင် ရှာကြရ အောင် ဒါမှသာ ကျနော်တို့ နိုင်ငံအတွက် အဆင်ပြေလိမ့်မယ်၊ ဒါမှမဟုတ်ဘဲနဲ့ စစ်ရေးအရသာ သွားမယ်ဆိုရင် ကျနော်တို့ နိုင်ငံသူ၊ နိုင်ငံသား အများကြီး ထိခိုက်ပျက်စီးရပါဦးမယ်” ဟု ပြောသည်။

ပြည်တွင်း လက်နက်ကိုင်ပဋိပက္ခ ဖြေရှင်းနိုင်ရေး တိုင်းရင်းသား လက်နက်ကိုင် အဖွဲ့အစည်းအချို့၊ တိုင်းရင်းသား အင်အားစုအချို့၊ နိုင်ငံရေးပါတီများနှင့် အာဆီယံ စသည့် အဖွဲ့အစည်းများမှ ကြိုးပမ်းလျက်ရှိနေသည်။

သို့သော်လည်း ယနေ့အချိန်ထိ ဖြေရှင်းနိုင်ခြင်း မရှိသေးဘဲ နိုင်ငံတစ်ဝှမ်း ဖြစ်ပေါ်နေသော တိုက်ပွဲများကြောင့် ပြည်သူလူထုများမှာ အကျပ်အတည်းများဖြင့် ရင်ဆိုင်နေရသည်။

CNI News

၂၀၂၃ ခုနှစ်၊ နိုဝင်ဘာ ၅

မြန်မာနိုင်ငံအတွင်းမှာ တိုင်းရင်းသား လက်နက်ကိုင်များ၊ ပြည်သူ့ကာကွယ်ရေးတပ်ဖွဲ့(PDF) ပူးပေါင်းတပ်ဖွဲ့နှင့် မြန်မာ့တပ်မတော်ကြား တိုက်ပွဲများ ပြင်းထန်နေချိန် ရုရှားရေတပ်ဦးစီးချုပ် Admiral Nikolai A.EVMENOV သည် နစကဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့ တွေ့ဆုံခဲ့ကြသည်။

ထို့နောက် တပ်မတော်(ရေ)နှစ်ရပ်အကြား ကာကွယ်ရေးဆိုင်ရာ ကိစ္စရပ်များ ပူးပေါင်းဆောင်ရွက်နေမှု အခြေအနေများ၊ နှစ်နိုင်ငံရေတပ် နှစ်ရပ်အကြား ပင်လယ်ရေကြောင်း လုံခြုံရေးအတွက် ပူးပေါင်း လေ့ကျင့်ခန်း များ ဆောင်ရွက်သွားမည့် အခြေအနေများကို ဆွေးနွေးခဲ့ကြသည်။

ရုရှားရေတပ်ဦးစီးချုပ်သည် စစ်သင်္ဘော နှစ်စီးဖြင့် မြန်မာနိုင်ငံ၊ ရန်ကုန်မြို့ရှိ သီလဝါဆိပ်ကမ်းသို့ ရောက်ရှိ လာပြီး တနင်္သာရီတိုင်းဒေသကြီး၊ မြိတ်ကျွန်းစုအတွင်းမှာ နှစ်နိုင်ငံ ရေတပ် ပူးပေါင်း၍ ပင်လယ်ရေကြောင်း လုံခြုံရေး စစ်ရေး လေ့ကျင့်ကြမည်ဖြစ်သည်။

ရှမ်းပြည်နယ်မြောက်ပိုင်းမှာ မြန်မာ့တပ်မတော်နဲ့ မြောက်ပိုင်းမဟာမိတ် တိုက်ပွဲစခန်းသိမ်းမှုကို တွေ့ရစဉ်

တခြား တစ်ဖက်မှာလည်း မြန်မာနိုင်ငံအတွင်းရှိ ရှမ်းပြည်နယ်မြောက်ပိုင်း(လားရှိုး၊ နောင်ချို၊ မုံးကိုး၊ ကြူကုတ်၊ ချင်းရွှေဟော်၊ သိန္နီ၊ မူဆယ်၊ နမ့်ခမ်း)၊ စစ်ကိုင်းတိုင်းဒေသကြီး(ကန့်ဘလူး၊ ထီးချိုင့်၊ ကောလင်း၊ ဝန်သို၊ ဟုမ္မလင်း)၊ ကရင်ပြည်နယ်(ကော့ကရိတ်၊ ကြာအင်းဆိပ်ကြီး)၊ ချင်းပြည်နယ်(ထန်တလန်)၊ ကချင်ပြည်နယ် (ဗန်းမော်၊ ဝိုင်းမော်၊ ဖားကန့်၊ လိုင်ဇာ) စသည့် ဒေသများ မှာ အောက်တိုဘာ ၂၇ ရက်က စတင်ပြီး လက်နက်ကိုင်များဘက်က ၁၀၂၇ စစ်ဆင်ရေးကို ဖော်ဆောင်လာ သည့်အတွက် မြန်မာ့တပ်မတော်နှင့် တိုက်ပွဲများ အပြင်းအထန် ဖြစ်ပွားလျက်ရှိသည်။

အဆိုပါ တိုက်ပွဲများအတွင်း နှစ်ဖက် အကျအဆုံးများ ရှိနေသလို သူတစ်ပြန် ကိုယ်တစ်ပြန် စခန်းသိမ်းမှုများ လည်း ရှိနေပါသည်။

မြန်မာ့တပ်မတော်ကတော့ ၁၀၂၇ စစ်ဆင်ရေးကို ဖော်ဆောင်နေသည့် လက်နက်ကိုင်ထားသူများကို တန်ပြန် ချေမှုန်းရေးကို ဖော်ဆောင်သွားမည်ဟု ထုတ်ပြန်ထားသည်။

လက်ရှိ မြန်မာ့တပ်မတော်နှင့် တိုက်ပွဲများ ဖြစ်ပွားနေသော လက်နက်ကိုင်များမှာ ကချင်လွတ်လပ်ရေးတပ် မတော်(KIA)၊ ရက္ခိုင့်တပ်တော်(AA)၊ တအာင်းအမျိုးသားလွတ်မြောက်ရေးတပ်မတော်(TNLA)၊ မြန်မာနိုင်ငံ အမျိုးသားမဟာမိတ်တပ်မတော်(MNDAA)၊ ကရင်အမျိုးသားအစည်းအရုံး(KNU)၊ ဗမာပြည်သူ့ လွတ်မြောက် ရေးတပ်တော်(BPLA)၊ ကရင်နီအမျိုးသားကာကွယ်ရေးတပ်ဖွဲ့(KNDF)၊ ပြည်သူ့ကာကွယ်ရေးတပ်ဖွဲ့(PDF) စသည်တို့ ဖြစ်သည်။

CNI News
၂၀၂၃ ခုနှစ်၊ နိုဝင်ဘာ ၄

ရှမ်းပြည်နယ်(မြောက်ပိုင်း)၊ လားရှိုးမြို့နယ်ရှိ ဂျာယန်ပြည်သူ့စစ်စခန်းကို တအာင်း(ပလောင်)အမျိုးသားလွတ် မြောက်ရေးတပ်မတော်(TNLA)က နိုဝင်ဘာ ၄ ရက်နေ့ နံနက် ၅ နာရီခွဲတွင် ဝင်ရောက် တိုက်ခိုက်ခဲ့သည်ဟု PSLF/TNLA က သတင်းထုတ်ပြန်ခဲ့သည်။

အဆိုပါ ဂျာယန်ပြည်သူ့စစ်စခန်းသည် မြန်မာ့တပ်မတော်၏ ထောက်ပို့ကြားစခန်းဖြစ်သည်။

ဂျာယန်ပြည်သူ့စစ်စခန်း ဝင်ရောက်တိုက်ခိုက်စဉ် ပြည်သူ့စစ်တပ်ဖွဲ့ဝင် ၃၈ ဦး ဖမ်းဆီးရမိခဲ့သော်လည်း ၃၄ ဦးကို ပြန်လွှတ်ပေးခဲ့ကြောင်း၊ သို့သော် စခန်း တာဝန်ရှိသူ လက်ထောက်စခန်း ဗိုလ်မှူး ဦးခမ်းဆိုင်၊ ရုံးအဖွဲ့ ဗိုလ်မှူး ဦးတောင်ဆွဲ၊ ဒုလက်ထောက်စခန်း ဗိုလ်ကြီး ဦးထူးအောင်၊ ဆေးမှူး ဗိုလ်ဦးတောင်ဂျုံတို့ကို ထိန်းသိမ်း ထားကြောင်း PSLF/TNLA က ထုတ်ပြန်ခဲ့သည်။

ထို့နောက် စခန်းအတွင်းမှ လက်နက်မျိုးစုံ ၇၈ လက်၊ ကျည်းမျိုးစုံ ၄၃ ဖာ၊ ၂၁၈ ထောင့်၊ စကားပြောစက် ၂၁ လုံး၊ ယာမဆေးပြား ထုပ်ကြီး ၃၉ ထုပ်တို့ကို သိမ်းဆည်းရမိခဲ့ကြောင်း ထုတ်ပြန်ချက်တွင် ဖော်ပြထားသည်။