- By CNI
- Category: နိုင်ငံရေး
- Hits: 971
CNI News
၂၀၂၂ ခုနှစ်၊ ဒီဇင်ဘာ ၁၀
အဂတိလိုက်စားမှုသည် အကျင့်ပျက် ခြစားမှုများနှင့် လူများ၏စိတ်ဓာတ်နှင့် စာရိတ္တများပျက်စီးစေပြီး နိုင်ငံအတွက် အန္တရာယ်ဖြစ်၍ ထိထိရောက်ရောက် အရေးယူရန် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် က ပြောသည်။
၂၀၂၂ ခုနှစ်၊ ဒီဇင်ဘာ ၉ ရက်နေ့က ကျင်းပခဲ့သော အပြည်ပြည်ဆိုင်ရာ အဂတိလိုက်စားမှု တိုက်ဖျက်ရေးနေ့ အခမ်းအနားမှာ ၎င်းက အထက်ပါ အတိုင်း ပြောကြားခဲ့ခြင်း ဖြစ်သည်။
မိမိတို့အနေဖြင့် နိုင်ငံတော်၏ တာဝန်များကို နိုင်ငံတော် ဖွဲ့စည်းပုံအခြေခံဥပဒေ(၂၀၀၈ ခုနှစ်)နှင့်အညီ တာဝန် ယူ ထမ်းဆောင်နေစဉ် ကာလအတွင်း ချမှတ်ထားသည့် နိုင်ငံရေး၊ စီးပွားရေး၊ လူမှုရေး ဦးတည်ချက်များနှင့်အ ညီ နိုင်ငံတော် တည်ငြိမ်အေးချမ်းရေး၊ တိုင်းရင်းသား ပြည်သူအားလုံး စည်းလုံးညီညွတ်ရေး၊ လူမှုစီးပွားဘဝ ဖွံ့ ဖြိုးတိုးတက်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စု တည်ဆောက်ရေးအတွက် အလေး ထားကြိုးပမ်း ဆောင်ရွက်နေကြောင်း နစကဥက္ကဋ္ဌက ပြောသည်။
ထိုသို့ ဆောင်ရွက်ရာတွင် နိုင်ငံတော် ဖွံ့ဖြိုးတိုးတက်မှုနှင့် တည်ငြိမ်အေးချမ်းမှုကို ဘက်ပေါင်းစုံမှ ထိခိုက်စေနိုင် သည့် အဂတိလိုက်စားမှုများ လျော့နည်းကျဆင်း သွားစေရေးသည် အလွန်အရေးကြီးကြောင်း ၎င်းက ပြောသည်။
၂၀၂၂ ခုနှစ်၊ ဒီဇင်ဘာ ၉ ရက်က ကျင်းပသည့် အဂတိလိုက်စားမှုတိုက်ဖျက်ရေး အခမ်းအနားမှာ ဗိုလ်ချုပ်မှူးကြီးမင်းအောင်လှိုင်ကိုတွေ့ရစဉ်
နစကဥက္ကဋ္ဌက “ အဂတိလိုက်စားမှုသည် အကျင့်ပျက်ခြစားမှုများနှင့် လူများ၏ စိတ်ဓာတ်နှင့် စာရိတ္တများ ပျက် စီးစေပြီး နိုင်ငံအတွက် အန္တရာယ်ဖြစ်သဖြင့် နိုင်ငံတော်က အဂတိလိုက်စားမှု တိုက်ဖျက်ရေး ဥပဒေကို ၂၀၁၃ ခုနှစ်၊ သြဂုတ်လ ၇ ရက်နေ့တွင် ပြဋ္ဌာန်းထားပြီး ထိရောက်သည့် ဟန့်တားဆောင်ရွက်မှုများနှင့် အရေးယူ ဆောင်ရွက်ခြင်းများကို ဆောင်ရွက်ရှိနေပါကြောင်း၊ ပြောင်းလဲလာသည့် ခေတ်နှင့်အညီ ပုံစံအမျိုးမျိုးဖြင့် ပေါ် ပေါက်လာသည့် အဂတိလိုက်စားမှုများကို တားဆီးကာကွယ် အရေးယူနိုင်ရန်အတွက် အဆိုပါဥပဒေကို စတုတ္တ အကြိမ်အထိ ပြင်ဆင်ပြဋ္ဌာန်းထားပြီးဖြစ်ပါကြောင်း၊ ထို့ကြောင့် အဂတိလိုက်စားမှု တိုက်ဖျက်ရေးကိုလည်း အမျိုးသားရေး တာဝန်တစ်ရပ်အဖြစ် ပါဝင်ဆောင်ရွက်ကြရန် တိုက်တွန်းအပ်ပါသည်”ဟု ပြောသည်။
နစကသည် ၎င်းတို့ တာဝန်ယူဆောင်ရွက်နေစဉ်အတွင်း ရန်ကုန်တိုင်းဒေသကြီးဝန်ကြီးချုပ် အဖြစ် ခန့်အပ် တာဝန်ပေးခဲ့သည့် ဦးလှစိုး၊ ရန်ကုန်တိုင်းအစိုးရအဖွဲ့ စီးပွားရေးဝန်ကြီး ဦးအောင်သန်းဦးနှင့် ရန်ကုန်တိုင်းအစိုးရ အဖွဲ့ အတွင်းရေးမှူး(ဟောင်း) ဦးစိုးစိုးဇော်တို့ကို အဂတိလိုက်စားမှုဖြင့် တရားစွဲဆိုကာ ၂၀၂၂ ခုနှစ်၊ ဒီဇင်ဘာ ၈ ရက်နေ့က နှစ်ရှည်ထောင်ဒဏ်များ ချမှတ်ခဲ့သည်။
မြန်မာနိုင်ငံသည် ၂၀၀၅ ခုနှစ်တွင် ကုလသမဂ္ဂ အဂတိလိုက်စားမှု တိုက်ဖျက်ရေးဆိုင်ရာ ကွန်ဗင်းရှင်းကို လက်မှတ်ထိုးခဲ့ပြီး ၂၀၁၂ ခုနှစ်၌ ၁၆၅ နိုင်ငံမြောက် အဖွဲ့ဝင်နိုင်ငံ ဖြစ်လာခဲ့သည်။
ထို့နောက် ၂၀၁၇ ခုနှစ်မှစပြီး နှစ်စဉ် ဒီဇင်ဘာ ၉ ရက်နေ့တွင် ကျရောက်သော အပြည်ပြည်ဆိုင်ရာ အဂတိ လိုက်စားမှု တိုက်ဖျက်ရေးနေ့ အခမ်းအနားများကို ကျင်းပခဲ့သည်။
- By CNI
- Category: နိုင်ငံရေး
- Hits: 562
CNI News
၂၀၂၂ ခုနှစ်၊ ဒီဇင်ဘာ ၉
ရှမ်းပြည်နယ်မြောက်ပိုင်း၊ ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ် ဟူးမန်းကျေးရွာ အနီးမှာ တအာင်း အမျိုး သားလွတ်မြောက်ရေးတပ်မတော်(TNLA)နှင့် မြန်မာ့တပ်မတော်ကြား တိုက်ပွဲကြောင့် ဟူးမန်းကျေးရွာမှ ဒေသခံများသည် ဇယန်းကြီးကျောင်းတိုက်သို့ ယနေ့ (ဒီဇင်ဘာ ၉ ရက်)တွင် ထွက်ပြေးတိမ်းရှောင်လာကြသည်။
အဆိုပါ တိုက်ပွဲရှောင်များသည် ယနေ့ (ဒီဇင်ဘာ ၉ ရက်) နေ့လယ် ၁ နာရီ ၄၀ မိနစ်က ဟူးမန်းကျေးရွာအုပ်စု၊ ဟူးမန်း ကျေးရွာ၊ ဇယန်းကြီးကျောင်းတိုက်သို့ တိမ်းရှောင်လာကြခြင်းဖြစ်သည်။
၂၀၂၂ ခုနှစ်၊ ဒီဇင်ဘာ ၉ ရက်နေ့က ဇယန်းကြီးကျောင်းတိုက်သို့ ရောက်လာသည့် ဟူးမန်းရွာက တိုက်ပွဲ ရှောင်များကိုတွေ့ရစဉ် (Palaung Land)
အရေအတွက် အတည်အကျကိုတော့ မသိရသေးကြောင်း ဒေသတွင်း ပလောင် အဖွဲ့အစည်းများက ပြောသည်။
TNLA နှင့် မြန်မာ့တပ်မတော်ကြား တိုက်ပွဲများသည် နမ့်ဆန်မြို့နယ်အတွင်းမှာ ဒီဇင်ဘာ ၇ ရက်နေ့မှ စတင်ကာ ဖြစ်ပွား နေခြင်း ဖြစ်သည်။
ထိုတိုက်ပွဲကြောင့် ဇယန်းကြီးကျောင်းတိုက်သို့ မန်လုံး၊ ဟူးမန်း၊ လီဆူရွာမှ ဒေသခံ ၂၀၀ ဝန်းကျင် တိမ်းရှောင်လာခဲ့ကြ သည်။
- By CNI
- Category: နိုင်ငံရေး
- Hits: 877
CNI News
၂၀၂၂ ခုနှစ်၊ ဒီဇင်ဘာ ၉
လက်ရှိ ဖြစ်ပေါ်နေသည့် နိုင်ငံရေးပြဿနာများကို ဖြေရှင်းနိုင်မှ အရပ်သားများ၏ လုံခြုံရေးဆိုင်ရာ ပြဿနာများ အား ဖြေရှင်းနိုင်မှာဖြစ်ကြောင်း ပြည်သူ့ပါတီ(PP)ဥက္ကဋ္ဌ ဦးကိုကိုကြီးက CNI သတင်းဌာနသို့ ပြောသည်။
တရားဥပဒေစိုးမိုးမှု ပျက်ပြားသွားသည့်အတွက် ရာဇဝတ်မှုများ ပိုမိုများပြားလာကြောင်း၊ ထို့နောက် လိမ်လည်မှု၊ ခိုးမှု၊ လုယက်မှု၊ လူသတ်မှု၊ ဓားပြမှု အစရှိသည့် အမှုမျိုးများကအစ ဘာမှမလုပ်နိုင်ပဲ ဖြစ်နေကြောင်း ၎င်းက ပြော သည်။
ဦးကိုကိုကြီးက “အဲဒီတော့ အခြေခံ အကြောင်းအရင်းကတော့ နိုင်ငံရေးပေါ့၊ ဖေဖော်ဝါရီ ၁ ရက်နေ့ နစက-က နိုင်ငံတော် အာဏာရယူပြီး နောက်ပိုင်း ခုခံမှုတွေ ဆန္ဒပြမှုတွေကနေ နောက်ဆုံး လက်နက်ကိုင် ခုခံမှုတွေအထိ ပေါ့နော်၊ အရပ်သား သေကြေပျက်စီးမှုတွေ ရပ်ရွာအိုးအိမ် မီးလောင် ဖျက်ဆီးခံရတာတွေ အစရှိသဖြင့် ဒါနောက် ဆုံး ပြောရရင် ဗုဒ္ဓဘာသာရဟန်း သံဃာတော်တွေ အခုလိုမျိုး အပါး ၈၀ လောက်အထိ ရှိသွားပြီပေါ့နော်၊ သေကြေ ပျက်စီးတာတွေ အရပ်သား သေကြေပျက်စီးမှုဆိုလည်း ၇၀၀၀ ကျော် ဒါဟာ ကျနော်တို့ သမိုင်းမှာ ဘယ်တုန်းကမှ မကြုံဖူးတဲ့ အနိဋ္ဌာရုံတွေ ကြုံနေရတာလို့ ကျနော်တို့ ပြောရမှာပဲ၊ ဒါကြောင့် အခြေခံ နိုင်ငံရေးပြဿနာကို ဖြေရှင်း နိုင်ဖို့က အရေးကြီးတယ်လို့ မြင်ပါတယ်” ဟု CNI သတင်းဌာနသို့ ပြောသည်။
ကျပ်သန်းပေါင်း ၄ သောင်းကျော် တန်ဖိုးရှိ မူးယစ်ဆေးများ မွန်ပြည်နယ်၊ ကျိုက်ထိုမြို့မှာ ဖမ်းဆီးရမိစဉ်
မြန်မာနိုင်ငံတွင် နိုင်ငံရေး အကျပ်အတည်းကနေ လက်နက်ကိုင်ပဋိပက္ခများ နိုင်ငံအနှံ့ဖြစ်ပွားလာပြီးနောက် လက်နက်နှင့် မူးယစ်ဆေးဝါး စီးဆင်းမှုများလည်း တစ်ပါးတည်း ဝင်ရောက်လာခဲ့သည်။
ထို့နောက် အရပ်သားများသည် လုံခြုံရေးဆိုင်ရာ ခြိမ်းခြောက်ခံရမှုများဖြင့် ရင်ဆိုင်လာနေကြရသည်။
မြန်မာနိုင်ငံတွင် မူးယစ်ဆေးဝါးကို လက်နက်ကိုင်အဖွဲ့အစည်းအချို့မှ လုပ်ကိုင်နေကြကြောင်း တရားလွှတ်တော် ရှေ့နေ ဦးကြီးမြင့်က CNI သတင်းဌာနသို့ ပြောသည်။
၎င်းက “ခင်ညွှန့်တို့၊ သန်းရွှေတို့ မူးယဇ်ဆေးဝါးနဲ့ အုပ်ချုပ်လာတာပဲလေ ၂၅ နှစ်တောင် အုပ်ချုပ်သွားတာ၊ သိန်းစိန် တက်လာတော့မှ နည်းနည်းပါးပါးလေး တန့်သွားတာ၊ နည်းနည်းပါးပါးလေး ပြောတာ၊ ဒါပေမယ့်လို့ နောက်ပိုင်းမှာ ဒေါ်အောင်ဆန်းစုကြည် လက်ထက်မှာ ပြည်သူ့စစ်တွေက အဲဒီအလုပ်နဲ့ပဲ လုပ်စားနေတာ၊ AA ဆို မူးယဇ်ဆေးဝါးနဲ့ပဲ လက်နက်တွေ ဝယ်၊ AA တပ်ကို ထူထောင်တာပဲကွ” ဟု ပြောသည်။
ကရင်အမျိုးသားလွတ်မြောက်ရေးတပ်ဖွဲ့(KNLA)ကိုတွေ့ရစဉ် (GETTY IMAGES)
AA ကို မူးယစ်ဆေးဝါးဖြင့် ထူထောင်သည်ဆိုသော စွပ်စွဲချက်နှင့် ပတ်သက်ပြီး AA မှ တာဝန်ရှိသူများထံ ဆက် သွယ် မေးမြန်းသော်လည်း ဖုန်းလက်ခံဖြေကြားမှု မရှိပေ။
လက်ရှိ မူးယစ်ဆေးဝါးကြောင့် လူငယ်များ၏ အခြေခံ အကျင့်စာရိတ္တများ ပျက်စီးလာကြောင်း၊ လူငယ်မျိုးဆက် များအတွက် ပြဿနာဖြစ်နေကြောင်း သေနင်္ဂမဟာဗျူဟာ လေ့လာရေးအဖွဲ့မှ ဒါရိုက်တာ ဦးသိန်းထွန်းဦးက CNI သတင်းဌာနသို့ ပြောသည်။
၎င်းက “ပြောရရင် ကျနော်တို့ နိုင်ငံလို နိုင်ငံမျိုးပေါ့နော်၊ လုံခြုံရေးစည်းမျဉ်း၊ စည်းကမ်းတွေ ရှိသော်ငြားလည်းပဲ ဒါ ကို လိုက်နာနိုင်မှု အားနည်းတယ်၊ တစ်ဖက်က ဖော်ဆောင်သော်ငြားလည်း လိုက်နာသူဖက်က ပျက်ကွက်တဲ့ဟာ ရှိတယ်၊ တစ်ခါ ဖော်ဆောင်သူ ဖက်မှာလည်း ခုနပြောသလို အဂတိလိုက်စားမှု ဘာညာရှိတဲ့ အခါကြတော့ ယိုပေါက်ဟာပေါက်တွေ ဖြစ်လာတဲ့ အခါကြတော့ ကျနော်တို့ နိုင်ငံရဲ့ လုံခြုံရေးအတွက်ကတော့ ခြိမ်းခြောက်မှု အင်မတန်ကြီးတဲ့ အနေအထားမှာ ရှိပါတယ်။ အထူးသဖြင့် မူးယဇ်ဆေးပေါ့၊ အရင်တုန်းက ကျနော်တို့ ကျောင်း သား ဘဝမှာ ကြားခဲ့ဖူးတာက ဘိန်းဖြူ၊ နံပါတ်ဖိုးဆိုတာ ဒါအမြင့်ဆုံးပေါ့၊ နောက်ပိုင်း မူးယဇ်ဆေးဝါးဖြစ်တဲ့ ICE တို့၊ ယာမတို့ ဘာတို့ ပေါ်လာတဲ့ အချိန်ရောက်တော့ ပိုပြီး အဆင့်မြင့် သွားတာပေါ့၊ တကယ်ကို ကမ်မစ်ကယ် တွေနဲ့ ထုတ်လုပ်တာ ဘိန်းဆို သူ့ Process က ကျနော်တို့ လေ့လာထားသလောက် တော်တော်လေးကို အရင်းအနှီးများပြီးတော့ အချိန်ယူရတဲ့ လုပ်ငန်းပေါ့၊ ICE တို့ဆိုရင် ၁၀ ပေပတ်လည် အခန်းကျဉ်းလေးတစ်ခုနဲ့ ဆေးပြားရိုက်စက်လေးရှိရင် လိုချင်သလောက် အများကြီးထုတ်လို့ ရတယ်၊ အဲဒါမျိုးတွေက ဘာဖြစ်စေလဲဆိုတော့ မူးယဇ်ဆေးဝါးကြောင့်ပဲ ကျနော်တို့ ဒီလူငယ်တွေရဲ့ အခြေခံ အကျင့်စာရိတ္တပျက်စီးမယ်၊ နောက်တစ်ခါ ကျန်းမာ ရေးပေါ့၊ လူငယ်မျိုးဆက်သစ်တွေအတွက် အဓိက ပြဿနာဖြစ်နေတဲ့ အပိုင်း” ဟု ပြောသည်။
နွေဦးတော်လှန်ရေး ပြည်သူ့ကာကွယ်ရေးတပ်ဖွဲ့(PDF)ကိုတွေ့ရစဉ်
၂၀၂၁ ခုနှစ်၊ ဖေဖော်ဝါရီ ၁ ရက်နေ့က အရပ်သားအစိုးရကို တပ်မတော်က ဖြုတ်ချပြီးနောက် ပြည်တွင်းတွင် လက်နက်နှင့် မူးယစ်ဆေးဝါး ဝင်ရောက်ပျံ့နှံ့မှု များပြားလာကာ တရားဥပဒေစိုးမိုးမှု အားနည်းလာကြောင်း၊ တရားဥပဒေစိုးမိုးမှုကြောင့် ခိုးမှု-လုယက်မှု- လူသတ်မှု- ဓားပြမှုများ မကြာခဏ ဖြစ်ပွားလာကြောင်း၊ ထို့နောက် အရပ်သား ပြည်သူများ၏ လုံခြုံရေးများလည်း ခြိမ်းခြောက်ခံလာရကြောင်း သိရသည်။
ထို့ကြောင့် အရပ်သား ပြည်သူများ၏ လုံခြုံရေးကို ခြိမ်းခြောက်လာနေသော လက်နက်နှင့်မူးယစ်ဆေးဝါးများ အဆမတန် ပြည်တွင်းသို့ ဝင်ရောက်ပျံ့နှံ့လာနေမှုများကို သက်ဆိုင်ရာ အဖွဲ့အစည်းများက ပြန်လည် ထိန်းသိမ်း ပေးရန် ပြည်သူအများက တောင်းဆိုနေကြသည်။
- By CNI
- Category: နိုင်ငံရေး
- Hits: 635
CNI News
၂၀၂၂ ခုနှစ်၊ ဒီဇင်ဘာ ၉
ရခိုင်ပြည်နယ် ဘူးသီးတောင်မြို့နယ်အတွင်း တိုက်ပွဲရှောင်များအတွက် နိပွန်ဖောင်ဒေးရှင်းမှ ဆန်လှူဒါန်းခြင်းကို ယာယီရပ်ဆိုင်းထားကြောင်း သိရသည်။
နိပွန်ဖောင်ဒေးရှင်းမှ ရရှိထားသည့် မြေပြင် အချက်အလက်နှင့် ဘူးသီးတောင်မြို့နယ် အထွေထွေအုပ်ချုပ်ရေးမှူး က ပေးထားသည့် တိုက်ပွဲရှောင်စာရင်း ကွာခြားနေခြင်းနှင့် တချို့နေရာများမှာ တိုက်ပွဲရှောင် မရှိသည့် နေရာ ဖြစ် နေခြင်းကြောင့် ဆန်လှူဒါန်းမှုကို ယာယီရပ်နားလိုက်ရခြင်းဖြစ်သည်ဟု နိပွန်ဖောင်ဒေးရှင်းမှ ကိုဝင်းအောင်က CNI သတင်းဌာနသို့ ပြောသည်။
၎င်းက “စာရင်းကွာနေလို့ပါ။ စာရင်းကွာနေတယ်ဆိုတာက ကျနော်တို့က ဒီဘက်မှာ ပေါ်လစီကကျတော့ စခန်းမှာ ရှိတဲ့ စစ်ဘေးရှောင် ဒေသခံတွေ ဖြစ်ရမယ်။ အဲဒီမှာ စခန်းလည်း ရှိနေရမယ်။ လူလည်း ရှိနေရမယ်ပေါ့နော်။ ကျနော်တို့ ထွေ/အုပ်က တင်လာတဲ့ စာရင်းကို တွက်ကြည့်လိုက်တဲ့ အခါကျတော့ စခန်း ၃ ခု ပါတာပေါ့နော်။ အဲဒီ စခန်း ၃ ခုက စခန်းလည်း မရှိဘူး။ လူလည်း မရှိဘူး၊ အဲဒီဟာတွေ ဖြစ်နေပါတယ်။ ထွေ/အုပ်က အဲဒီနေရာကို ဝေဖို့အတွက် ဆန်အိတ် ၅၇၀ သူတို့က တောင်းခံတာပေါ့နော်။ ကျနော်တို့က မြေပြင်မှာ စစ်ဆေး လုပ်ဆောင် တာတွေ လုပ်ပြီးပါပြီ။ အဲဒီနေရာတွေကို ပေးဖို့ အဆင်မပြေပါဘူး။ အဲဒါကြောင့် လောလောဆယ်မှာ ဒီဆန်တွေကို မဖြန့်ဖို့ ပြန်ပြီးတော့ တားထားလိုက်တာပါ” ဟု ပြောသည်။
ဘူးသီးတောင်မြို့နယ်အတွင်းက တိုက်ပွဲရှောင်စခန်းတစ်ခုကိုတွေ့ရစဉ်(နိရဥ္စရာ)
ဘူးသီးတောင်မြို့နယ်ရှိ တိုက်ပွဲရှောင်စခန်း ၈ ခုအတွက် ဆန်အိတ်ရေ ၁၁၁၅ အိတ်အနက် ဆန်အိတ်ရေ ၅၇၀ ကို မြို့နယ်အထွေထွေ အုပ်ချုပ်ရေးမှူးရုံးမှ ၎င်းတို့အစီအစဉ်ဖြင့် ဖြန့်ဝေရန် တောင်းခံခဲ့ကြောင်း သိရသည်။
သို့သော် အဆိုပါစခန်း ၃ ခုသည် တိုက်ပွဲရှောင်များ မရှိသည့်စခန်း ဖြစ်နေကြောင်း နိပွန်ဖောင်ဒေးရှင်းဘက်က ပြောသည်။
ဘူးသီးတောင်မြို့နယ်တွင် လူတစ်ဦးလျှင် ဆန်တစ်အိတ်နှုန်းဖြင့် လူဦးရေ ၄၈၀၀ အတွက် ရံထားသော်လည်း ပြည်နယ်ကောင်စီမှ ၁၁၁၅ အိတ်သာ ဖြန့်ဝေခွင့် ပြုထားကြောင်း သိရသည်။
ဧပြီလကတည်းက ဆန်များကို ဖြန့်ဝေရန် စီစဉ်ထားသော်လည်း ဆန်ဈေးနှုန်းများ မြင့်တက်ခြင်း၊ ဆန်ကုန်သည် များ ငွေကြေးထုတ်ယူရ အခက်အခဲ ဖြစ်နေခြင်းနှင့် နေရာပြောင်းရွှေ့ နေရမှုများကြောင့် ဒီဇင်ဘာလမှသာ စတင် ဖြန့်ဝေနိုင်ခဲ့သည်။
နိပွန်ဖောင်ဒေးရှင်းမှ ရခိုင်ပြည်နယ်အတွင်းက ကျောက်တော်၊ မင်းပြား၊ မြောက်ဦး၊ ဘူးသီးတောင်၊ ပုဏ္ဏားကျွန်း၊ မြေပုံ၊ အမ်း၊ ရသေ့တောင်နှင့် ပေါက်တော စသည့် မြို့နယ်များအတွင်းရှိ တိုက်ပွဲရှောင်များအတွက် ဆန်အိတ်ရေ ၅၅၀၉၄ အိတ်ကို ဧပြီလအတွင်း၌ လှူဒါန်းထားခဲ့ကြောင်း သိရသည်။
- By CNI
- Category: နိုင်ငံရေး
- Hits: 762
CNI News
၂၀၂၂ ခုနှစ်၊ ဒီဇင်ဘာ ၈
ရှမ်းပြည်နယ်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့နယ်အတွင်းရှိ ပလောင်ပြည် လွတ် မြောက်ရေးတပ်ဦး (PSLF/TNLA) ကို မြန်မာ့တပ်မတော်မှ လေကြောင်းဖြင့် ဗုံးကြဲတိုက်ခိုက်ခဲ့ကြောင်း သိရသည်။
ဒီဇင်ဘာ ၇ ရက် မွန်းလွဲ ၂ နာရီခန့်က လေကြောင်းကနေ ထိုးစစ်ဆင် တိုက်ခိုက်ခဲ့ပြီး ယနေ့ (ဒီဇင်ဘာ ၈ ရက်) အထိ တိုက်ပွဲ ပြင်းထန်နေကြောင်း ဒေသခံတစ်ဦးက CNI သတင်းဌာနသို့ ပြောသည်။
တပ်မတော် စစ်ရဟတ်ယာဉ်ကို တွေ့ရစဉ် (ရွှေဖီမြေ)
၎င်းက “ဒီမနက်လည်း ဗုံးလာကြဲတယ်၊ မနေ့ကတည်းက ဗုံးလာကြဲတာပဲ၊ ညလည်း ၁၂ အထိ လက်နက်ကြီးသံ တွေ ကြားရတယ်၊ အခုလည်း နမ့်ဆန်ကနေ လက်နက်ကြီးတစ်လုံး ထပ်ပစ်သေးတယ်၊ မနေ့က တပ်ဖက်က လေယာဉ် ၆ စီးလာတယ်၊ ၆ စီးမှာ ၄ စီးက စစ်သားတွေ လာချသွားတယ်၊ စစ်သားက ၈၀၊ ၁၀၀ လောက်ရှိမယ် ပေါ့နော်၊ အဲဒီမှာ နောက်ထပ် ၂ စီးက ကင်းထောက်တဲ့ ပုံစံပေါ့၊ ဗုံးကြဲသွားသေးတယ်၊ အဲကနေစပြီးတော့ တိုက်ပွဲ တွေ စဖြစ်တာပေါ့” ဟု ပြောသည်။
အဆိုပါ တိုက်ပွဲများမှာ မန်လုံးကျေးရွာ၊ ဟူးမန်းကျေးရွာနှင့် ကုန်းသာကျေးရွာ အနီးဝန်းကျင်တွင် ဖြစ်ပွားခဲ့ပြီး လက်ရှိမှာတော့ ဖုန်းဆက်သွယ်၍ မရသည့်အတွက် ဒေသခံများ၏ အခြေအနေကို မသိရှိရသေးကြောင်း ၎င်းက ပြောသည်။
ထို့နောက် လက်ရှိတွင်လည်း နှစ်ဖက် စစ်ရေးတင်းမာနေပြီး လက်နက်ကြီးသံများ ကြားနေရကြောင်း၊ ဒေသခံများ အနေဖြင့် နမ့်ဆန်မြို့သို့ တိုက်ပွဲရှောင်လာခြင်း မရှိသေးကြောင်း သိရသည်။
- By CNI
- Category: နိုင်ငံရေး
- Hits: 1561
CNI News
၂၀၂၂ခုနှစ်၊ ဒီဇင်ဘာ ၈
ထိုင်းနိုင်ငံတွင် ပြီးခဲ့သည့် ရက်ပိုင်းမှစတင်ကာ မြန်မာအပါအဝင် ခွင့်ပြုကာလ ကျော်လွန်နေထိုင် နေသူများအား စီမံချက်ဖြင့် ဖမ်းဆီးနေကြောင်း ထိုင်းနိုင်ငံအခြေစိုက် မြန်မာအလုပ်သမားအရေး ဆောင်ရွက်နေသူများက CNI သတင်းဌာနသို့ ပြောသည်။
ယခု ဖမ်းဆီးနေခြင်းသည် ပြီးခဲ့သည် ကာလများနှင့်မတူဘဲ စစ်ဆေးရေးဂိတ်များ ချမှတ်၍လည်းကောင်း၊ စမတ် ကင်းလှည့် ယာဉ်များဖြင့် လည်းကောင်း၊ မျက်နှာအား scan ဖတ်နိုင်သည့် နည်းပညာများ အသုံးပြု၍ လည်း ကောင်း လိုက်လံ ဖမ်းဆီးနေခြင်း ဖြစ်ကြောင်း သိရသည်။
မြန်မာရွှေ့ပြောင်းအလုပ်သမားအရေး ကူညီဆောင်ရွက်ပေးနေသည့် ကိုသားကြီးက "မြန်မာပြည်သားတွေက တော့ တော်တော်များများ အဖမ်းခံရတယ်။ ဒီရက်ပိုင်းမှာ။ လွန်ခဲ့တဲ့ တစ်ပတ်လောက်ကနေ ဒီနေ့အထိပေါ့ အဖမ်းခံရတာ များတယ်။
လက်ရှိ အခြေအနေ အထိကတော့ နိုင်ငံခြားသားတွေ ငှားရမ်း နေထိုင်နိုင်လောက်တဲ့ Apartment တွေ၊ ကွန်ဒိုတွေ၊ တန်းလျားတွေ အဲဒီလို နေရာတွေကို ဖမ်းတယ်။ နောက်တစ်ခုက နယ်စပ်ဂိတ်တွေ၊ ဒီနယ်စပ်ဂိတ်တွေမှာ ပိုမိုပြီးတော့မှ စစ်ဆေးလာတာများတယ်။ ဒီခွင့်ပြုကာလ ကျော်လွန်သွားတဲ့ သူတွေက သူတို့ ရဲ့ visa section တွေကို ပြန်ပြီး သက်တမ်းတိုးလို့ မရတဲ့ လူတွေကတော့ လုံးဝ blacklist ထဲ ဝင်သွားတယ်လေ။ အဲဒီလူတွေ အဖမ်းခံရရင်တော့ အနည်းဆုံးက blacklist ဖြစ်မယ်၊ ပြည်တော်ပြန် အဖြစ်နဲ့ သက်ဆိုင်ရာ မိခင်နိုင်ငံ ထဲကို ပြန်ပြီးတော့ ပို့ရခြင်း ခံရမယ်။ နောက် လက်ရှိ ထိုင်းနိုင်ငံမှာလည်း ခိုးဝင်လာတာတွေကများတဲ့ အခါကျ တော့ အဲဒီလို အဖမ်းအဆီးတွေ ပိုများတယ်" ဟု CNI သတင်းဌာနသို့ ပြောသည်။
ထိုင်းနိုင်ငံရောက် မြန်မာရွှေ့ပြောင်း အလုပ်သမားများကိုတွေ့ရစဉ်
လက်ရှိတွင် လုပ်ငန်းခွင်အတွင်း၌ တရားမဝင် အလုပ်သမားများ၊ ခွင့်ပြုကာလ ကျော်လွန်နေထိုင်သူများအား ဖမ်းဆီးရမိပါက လုပ်ငန်းရှင်ကိုပါ အပြစ်ပေး အရေးယူမှု ခံရမည်ဖြစ်ကြောင်း၊ ထို့ကြောင့် လုပ်ငန်းရှင်များက ၎င်းတို့ လက်ခံထားသည့် တရားမဝင် အလုပ်သမားများအား တရားဝင် နေထိုင်ခွင့် လက်မှတ်ရရှိရန် ပွဲစားများနှင့် ပူးပေါင်း၍ ပြုလုပ်ပေးနေကြကြောင်း သိရသည်။
တရားမဝင် အလုပ်သမားများအတွက် တရားဝင် နေထိုင်ခွင့် လက်မှတ်အား ထိုင်းအာဏာပိုင်များက ပြီးခဲ့သည့် အောက်တိုဘာလတွင် ပြုလုပ်ပေးခဲ့ပြီးဖြစ်သဖြင့် လက်ရှိတွင် ထပ်မံလုပ်ပေးနေခြင်းမျိုး မရှိသော်လည်း ပွဲစား များမှတဆင့် လုပ်၍ရနေကြောင်း ထိုင်းရှိ မြန်မာအလုပ်သမားအရေး ဆောင်ရွက်ပေးနေသူများက ပြောသည်။
သို့သော် ထိုသို့ ပြုလုပ်ရာတွင် ယခင်ပုံမှန်ကာလများထက် ကုန်ကျစရိတ်မှာ ပိုမိုပေးနေရကြောင်း FED မှ အမှုဆောင်ဒါရိုက်တာ ဦးထူးချစ်က CNI သတင်းဌာနသို့ ပြောသည်။
ထိုင်းအတွင်း သွားလာ လှုပ်ရှားနေသူများကိုတွေ့ရစဉ် (PBS)
၎င်းက “အနည်းဆုံး အခုနောက်ပိုင်းမှ လုပ်တဲ့ဟာပေါ့နော်။ ၁၆၀၀၀ ကနေ ၂၀၀၀၀ ဝန်းကျင်လောက်အထိ ပေးနေရတာတွေ ကျနော်တို့ တွေ့ရတယ်။ အစောပိုင်းတုန်းက ပွဲစားနဲ့လုပ်တဲ့လူက ၁၂၀၀၀ လောက်ပဲ ပေးရ တယ်။ တကယ် အစိုးရအတိုင်း သတ်မှတ်ချက်ဆိုရင် ၄၀၀၀၊ ၅၀၀၀ ပတ်ချာလည်လောက်ပဲ ကျတယ်။ အစော ပိုင်းတုန်းက ၁၂၀၀၀။ အခုက လက်မှတ် လုပ်ပေးတဲ့ကာလက ကုန်သွားတော့ special ပေါ့ VIP လိုမျိုး လုပ်ပေး တဲ့ဟာကျတော့ ၁၈၀၀၀ ကနေ ၂၀၀၀၀ လောက်အထိ ပေးနေရတယ်လို့ ကျနော်တို့ ကြားနေရတယ်။ အဓိက ကတော့ ဘယ်တော့မှ အလုပ်ရှင်က ပေးတာမရှိပါဘူး။ အလုပ်သမားတွေကပဲ ပေးရတာပဲ။ ဖြစ်နိုင်တယ် ဆိုရင် တော့ ရတဲ့နည်းလမ်းနဲ့ ထိုင်းနိုင်ငံထဲမှာ တရားဝင် နေထိုင်တာတော့ အကောင်းဆုံးပဲ။ တကယ်လို့ လက်မှတ် မရသေးတဲ့ ကာလဆိုရင်လည်း သွားတာလာတာလေးတွေ သတိထားရမယ်။ တချို့ကျတော့ ပွဲလမ်း သဘင်တွေ၊ ပျော်ပွဲရွှင်ပွဲတွေ လိုက်သွားနေတာမျိုးတွေ တရားဝင် လက်မှတ်မရှိရင် ဒီအချိန်မှာ ပိုအန္တရာယ် ရှိတယ်။ ကိုယ့် ဘာသာ ကိုယ်ပဲ သီးခြားပေါ့နော်။ ကိုယ့်လုပ်ငန်းခွင်မှာပဲ ကိုယ်နေတယ် ဆိုရင်တော့လည်း အဖမ်းအဆီးက လျော့ တာပေါ့။ ကျနော်တို့ အနေနဲ့ကတော့ လက်မှတ်မရှိတဲ့ လူတွေကို အဓိက ပြောချင်တာကတော့ လက်မှတ် တရားဝင်မှုဖြစ်အောင် လုပ်ပြီးနေထိုင်ကြဖို့ ပြောချင်တယ်”ဟု ပြောသည်။
ထိုင်းအာဏာပိုင်များကိုတွေ့ရစဉ်
ထိုင်းအာဏာပိုင်များက တရားဝင် နေထိုင်ခွင့်လက်မှတ် လုပ်ပေးခဲ့စဉ်က ငွေကြေးမတတ်နိုင်၍ မပြုလုပ်လိုက် ရသည့် တရားမဝင် မြန်မာအလုပ်သမား အများအပြား ရှိကြောင်းလည်း သိရသည်။
လက်ရှိတွင် နှစ်ကုန်ခါနီးဖြစ်သော်လည်း အဖမ်းအဆီးများ လျော့သွားနိုင်ဖွယ် မရှိသည့်အတွက် အထူးသတိထား နေထိုင်ကြရန်နှင့် လာမည့် နှစ်သစ်တွင်လည်း မည်သို့သော မူဝါဒများ အပြောင်းအလဲ ပြုလုပ်မည်ကို မသိရှိနိုင် သဖြင့် တရားဝင်ဖြစ်အောင် ပြုလုပ်ကြရန်လည်း ထိုင်းရှိ မြန်မာအလုပ်သမားအရေးဆောင်ရွက်နေသူများက အကြံပြုသည်။
- By CNI
- Category: နိုင်ငံရေး
- Hits: 889
CNI News
၂၀၂၂ ခုနှစ်၊ ဒီဇင်ဘာ ၈
မြန်မာနိုင်ငံမှာ လက်ရှိဖြစ်ပွားနေသော နိုင်ငံရေးအကျပ်အတည်းကို ဖြေရှင်းနိုင်မည့် နည်းလမ်းသည့် မည်သည့် နည်းလမ်းက အကောင်းဆုံးဖြစ်မလဲ သက်ဆိုင်ရာ နိုင်ငံရေး အင်အားစုများအကြား ဆွေးနွေး အဖြေရှာလျက်ရှိ နေကြသည်။
တချို့သော အင်အားစုများမှာ အပြုတ်တိုက်ရေးကို ဦးတည်နေသလို တချို့ အဖွဲ့အစည်းများမှာကတော့ တွေ့ဆုံ ဆွေးနွေးခြင်းက အကောင်းဆုံးဟု လက်ခံနေကြကြောင်း၊ သို့သော်လည်း အယူအဆများ ကွဲလွဲနေ၍ ငြင်းခုံလျက် ရှိနေကြသည်။
လက်ရှိ ပြည်တွင်းမှာ ဖြစ်ပွားနေသည့် လက်နက်ကိုင် ပဋိပက္ခကို ဖြေရှင်းနိုင်သည့် အနေအထား မရှိသေးကြောင်း ပအိုဝ်းအမျိုးသားဖက်ဒရယ်ကောင်စီ (PNFC) ဥက္ကဋ္ဌ ခွန်မြင့်ထွန်းက CNI သတင်းဌာနသို့ ပြောသည်။
မြန်မာ့တပ်မတော်မှ လုံခြုံရေးတပ်ဖွဲ့တစ်ဦးကိုတွေ့ရစဉ် (STR-GETTY IMAGES)
ခွန်မြင့်ထွန်းက “ဒီအခြေအနေ ထားမှာပေါ့နော်၊ ဆွေးနွေးမှု၊ ညှိနှိုင်းမှုတွေဆိုတဲ့ အလားအလာကလည်း အားနည်း နေသေးတယ်လို့ ကျနော်တို့ မြင်တယ်၊ စစ်အုပ်စု အနေနဲ့ကလည်း သူတို့အနေနဲ့ကတော့ လုံးဝ လက်နက် အားကိုး ပြီးတော့ အနိုင်ကျင့်ယူပြီးတော့ ဦးတည်နေတဲ့ အခါကြတော့ ကျနော်တို့ အနေနဲ့ကတော့ လောလောလတ်လတ် အခြေအနေမှာကတော့ အလားအလာတော့ မမြင်သေးပါဘူး”ဟု ပြောသည်။
၂၀၂၁ ခုနှစ်၊ ဖေဖော်ဝါရီ ၁ ရက်နေ့ မြန်မာ့တပ်မတော်က အာဏာရယူပြီးနောက်ပိုင်း ဆန့်ကျင်ဆန္ဒပြမှုများနှင့် အတူ လက်နက်ကိုင် တော်လှန်ရေးကို ဆင်နွှဲလျက် ရှိနေကြသည်။
ထို့နောက် စီးပွားရေး၊ နိုင်ငံရေး၊ ကျန်းမာရေး၊ ပညာရေး၊ လူမှုရေး စသည့် အခန်းကဏ္ဍများ နိမ့်ကျကာ ကျပ်တည်း ရုန်းကန်နေကြရသည်။ အလားတူ လက်နက်နှင့် မူးယစ်ဆေးများ ပြည်တွင်းသို့ အဆမတန် ပြန့်ပွားနေခြင်းကြောင့် အရပ်သားများ၏ လုံခြုံရေးများလည်း ခြိမ်းခြောက်ခံနေရသည်။
လက်ရှိတွင် မြန်မာ့တပ်မတော်နှင့် တိုင်းရင်းသား လက်နက်ကိုင်အဖွဲ့အစည်း တချို့တို့ကြား ငြိမ်းချမ်းရေး ဆွေးနွေးနေ၍ ငြိမ်းချမ်းသွားမှာဖြစ်ကြောင်း ရှမ်းတိုင်းရင်းသားများ ဒီမိုကရက်တစ်ပါတီ (SNDP) မှ ဥက္ကဋ္ဌ စိုင်းအိုက်ပေါင်းက CNI သတင်းဌာနသို့ ပြောသည်။
၎င်းက “အပြုတ်မတိုက်လို့တောင်မှ AA နဲ့တောင်မှ အတိုက်အခိုက် ရပ်စဲနေပြီလေ၊ ဒီထဲမှာ KNU နဲ့လည်း စေ့စပ်နေတယ်နော်၊ ခင်ဗျားတို့ မီဒီယာတွေမှာသာ မရောက်တာ စေ့စပ်နေပြီနော်၊ အဖြေက ရတော့မှာ KNU နဲ့ စေ့စပ်နေတယ်၊ အဖွဲ့နာမည်တော့ ကျနော်မပြောပြပါရစေနဲ့ စေ့စပ်နေတယ်၊ အခြေအနေ ကောင်းနေတယ်၊ နောက်ပိုင်း ငြိမ်းချမ်းသွားမယ်” ဟု ပြောသည်။
လက်ရှိ မြန်မာ့နိုင်ငံရေး အကျပ်အတည်းမှာ မြန်မာ့တပ်မတော်ကြောင့် ဖြစ်ပေါ်လာခြင်း ဖြစ်ကြောင်း၊ နိုင်ငံရေး မပြေလည်မှုကို ၎င်းက ကြားဝင်လာကြောင်း ရခိုင်နိုင်ငံရေးသမား ဦးဖေသန်းက CNI သတင်းဌာနသို့ ပြောသည်။
ဒီမိုကရေစီအရေး တောင်းဆိုကာ နွေဦးတော်လှန်ရေးကို ဆင်နွှဲနေသူတစ်ဦး(GETTY IMAGES)
၎င်းက “ဒီမိုကရေစီ နိုင်ငံရေး ဆိုတာကတော့ အတိုက်အခံရှိမယ်လေ၊ ပြောကြမယ်ဆိုကြမယ်၊ ပြည်သူရဲ့ အဆုံး အဖြတ်ကို ခံကြမယ်၊ ပြည်သူရဲ့ အဆုံးအဖြတ်ကို ခံပြီးတော့ ဖြေရှင်းကြမှာပေါ့၊ ဒီပါတီကို မကြိုက်ရင် နောက်တစ် ပါတီကို မဲပေးမှာပေါ့၊ ပါတီတွေကလည်း လက်လွတ်စပယ် မလုပ်ပါဘူး။ တိုင်းရင်းသားတွေကလည်း သူ့ဖက်ဒရယ် အခွင့်အရေးကို တောင်းမှာပေါ့၊ ဈေးညှိကြမှာပေါ့ဗျာ၊ ဒီဖြစ်စဉ်ကို လွတ်လွတ်လပ်လပ် လုပ်ခွင့်မရှိအောင် တပ်မတော်က ကြားဝင်ထားတယ်၊ နိုင်ငံအချင်းချင်း၊ ပါတီအချင်းချင်း၊ နိုင်ငံရေးသမား အချင်းချင်း ညှိနှိုင်းလို့ မရအောင်အထိ တပ်မတော်က ဒီနိုင်ငံရေးလောကမှာ ဖွဲ့စည်းပုံအရ ပါဝင်နေတယ်၊ တပ်မတော်က နိုင်ငံရေး ဦးဆောင်မှု အခန်းက ပါဝင်ရမှာဆိုတာတို့ တစ်ခုတည်းသော တပ်မတော် ဖြစ်ရမှာဆိုတာတို့ အဲဒါမျိုး ၂၀၀၈ ဖွဲ့စည်းပုံအားကိုးနဲ့ လွှတ်တော်ထဲမှာလည်း ၂၅ ရာခိုင်နှုန်းလည်း ယူထားသေးတယ်၊ စစ်တပ်ရဲ့ နိုင်ငံရေးလောက ထဲမှာ မပါပဲနဲ့ လုံးဝ နိုင်ငံတော်ရဲ့ ကာကွယ်ရေးပဲ အဲဒီမှာ နေလိုက်မယ်ဆိုရင် ဒီကိစ္စတွေက နိုင်ငံရေးသမား အချင်းချင်း ညှိနှိုင်းရင် အချိန်ကာလတစ်ခု အခြေအနေ ရောက်ရင်တော့ ကျေကျေနပ်နပ် ရာခိုင်နှုန်းပြည့် မဟုတ် ရင်တောင်မှ အတူတူလက်တွဲသွားလို့ ရနိုင်မယ့် အခြေအနေတစ်ခုကို တဖြည်းဖြည်း ရောက်လာလိမ့်မယ်လို့ ကျနော်ထင်တယ်” ဟု ပြောသည်။
လက်ရှိ မြန်မာနိုင်ငံ၏ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်၊ ကရင်ပြည်နယ်၊ ကယား ပြည်နယ်တို့တွင် လက်နက်ကိုင် ပဋိပက္ခများ ဖြစ်ပွားနေပြီး နေအိမ်နှင့် အဆောက်အဉီပေါင်း သောင်းနှင့်ချီ မီးရှို့ ဖျက်ဆီးခံထားရကြောင်း၊ ဒေသတွင်းနေ ပြည်သူများ နေရပ်စွန့်ခွာ ထွက်ပြေး တိမ်းရှောင်နေကြရသည်။
ဒီမိုကရေစီအရေး တောင်းဆိုနေကြစဉ်(STR- GETTY IMAGES)
ထို့ကြောင့် မြန်မာ့နိုင်ငံရေး အကျပ်အတည်းကို ဖြေရှင်းရန် သက်ဆိုင်ရာ နိုင်ငံရေးအင်အားစုများကြား အဖြေရှာ နေကြသလို ဆွေးနွေးညှိနှိုင်းမှုများ ပြုလုပ်လျက်ရှိသည်။
နစက-ကတော့ ၂၀၂၃ ခုနှစ်တွင် အထွေထွေရွေးကောက်ပွဲ ပြန်လည် ကျင်းပပေး၍ အနိုင်ရသည့် ပါတီကို နိုင်ငံ တော် အာဏာအား လွှဲပြောင်းပေးသွားမည်ဟု ကတိပြုကာ ထွက်ပေါက်ရှာနေသည်။
မြန်မာ့တပ်မတော်ကို ဖြုတ်လိုသည့် တော်လှန်ရေး အင်အားစုများကတော့ ရွေးကောက်ပွဲသည် နစကအတွက်သာ ထွက်ပေါက်ဖြစ်ခြင်းကြောင့် အပြုတ်တိုက်ရေးကို ဖော်ဆောင်လျက်ရှိနေသည်။
သို့သော် တချို့သော ဒီမိုကရေစီအင်အားစုများနှင့် နိုင်ငံတကာ အသိုင်းအဝိုင်းကတော့ သက်ဆိုင်သူ အားလုံး ပါဝင်၍ တွေ့ဆုံ ဆွေးနွေးကြရန် သဘောထား ရပ်တည်လျက်ရှိနေကြသည်။
- By CNI
- Category: နိုင်ငံရေး
- Hits: 748
CNI News
၂၀၂၂ ခုနှစ်၊ ဒီဇင်ဘာ ၈
ရခိုင်ပြည်နယ်တွင် မြန်မာ့တပ်မတော်နှင့် ရက္ခိုင့်တပ်တော်(AA)တို့အကြား အပစ်ရပ်စဲပြီးနောက် ရေလမ်းကြောင်း အပါအဝင် ကုန်းလမ်းကြောင်းကို ပြန်ဖွင့်ပေးထားပြီးဖြစ်သော်လည်း ကုန်ကားမောင်းနှင်သူများနှင့် ကားဂိတ်များ က ဆေးပစ္စည်းနှင့်ဆေးဝါးများကို လက်မခံသေး၍ ဆေးဝါးပြတ်နေဆဲ ဖြစ်ကြောင်း ရခိုင်ဆေးကုန်သည်များထံမှ သိရသည်။
ရခိုင်ပြည်နယ် စီမံအုပ်ချုပ်ရေးကောင်စီမှ ဆေးဝါးများကို တရားဝင် သယ်ဆောင်ခွင့်ပြုသည်ဟု ထုတ်ပြန်ထား ခြင်း မရှိသေးကြောင်း၊ ထို့နောက် ကားဂိတ်များမှ ဆေးဝါးများကို သယ်ဆောင်ခွင့်မပြုခြင်းဖြစ်ကြောင်း ရခိုင် ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဥက္ကဋ္ဌ ဦးတင်အောင်ဦးက CNI သတင်းဌာန သို့ ပြောသည်။
၎င်းက “သယ်ခွင့် မပေးသေးဘူးဆိုတာက အခုက ကားဂိတ်တွေက လုံးဝလက်မခံသေးဘူး ဖြစ်နေတယ်။ ဆေးဝါး ဆိုလို့ရှိရင် သူတို့ကားတွေက လက်မခံဘူး။ လက်မခံဘူးဆိုတာက သူတို့ကတော့ သက်ဆိုင်ရာ ဒီဘက်က ပါမစ် ပေါ့လေ သယ်ယူခွင့်တစ်ခုခုပါလို့ရှိရင် သူတို့လက်ခံမယ်။ မဟုတ်ရင် သူတို့က လက်မခံနိုင်ဘူး။ သူတို့ဆီကိုလည်း လွတ်လွတ်လပ်လပ် သယ်နိုင်ပြီဆိုတဲ့အကြောင်းလည်း အကြောင်းကြားထားတာ မရှိတဲ့အတွက် လမ်းခရီးမှာ သူတို့ကားအနေနဲ့လည်း တင်လာပြီးတော့မှ စစ်တဲ့အချိန်မှာတွေ့လို့ ပြဿနာတက်မှာလည်း စိုးရိမ်တာနဲ့ တူပါတယ်။ အဲဒါကြောင့် သူတို့ကတော့ သူတို့ဆီလည်း သေသေချာချာ မသိသေးတဲ့အတွက် ဆေးဝါးပစ္စည်း တွေကို သူတို့ လက်မခံသေးဘူး ဆိုပြီးတော့ပဲ ကျနော်တို့အနေနဲ့ သိထားပါတယ်။အဲဒါကြောင့် ဆေးဝါး ပစ္စည်းတွေကတော့ လောလောဆယ်မှာတော့ ဒီအတိုင်းပဲ ပြတ်လပ်မှုတွေကတော့ အရင်တိုင်းပဲ အရင်လိုပဲ ရှိနေတာပေါ့လေ” ဟု ပြောသည်။
အိမ်သုံးဆေးပစ္စည်းများ ရောင်းချနေသည့် ဆေးဆိုင်
မြန်မာ့တပ်မတော်နှင့် ရက္ခိုင့်တပ်တော်အကြား တကျော့ပြန်တိုက်ပွဲ ပြင်းထန်လာပြီးနောက် ပြည်နယ်ကောင်စီက ရခိုင်ပြည်နယ်အတွင်း ဆေးဝါးတင်သွင်းခွင့်များကို ပိတ်ထားသည့်အပြင် ရခိုင်ဒေသအတွင်းရှိ မြို့နယ်တစ်ခုမှ တစ်ခုသို့ သယ်ယူခွင့်ကိုလည်း ပိတ်ထားခဲ့ခြင်းဖြစ်ကြောင်း ဆေးကုန်သည်များနှင့် ဆေးကုမ္ပဏီများထံမှ သိရ သည်။
ရခိုင်ပြည်နယ်တွင် ဆေးဝါးလက်ကျန်နည်းပါးနေခြင်းနှင့် ပြတ်လပ်မှုများ ဖြစ်ပေါ်နေခြင်းကြောင့် ရခိုင်ပြည်နယ် ကုန်သည်ကြီးများအသင်းမှတဆင့် သယ်ဆောင်ခွင့်ပြုရန်နှင့် ရန်ကုန်မှ စစ်တွေသို့ ဆေးဝါးများ တင်သွင်းခွင့်ပြုရန် ဆေးကုန်သည်များနှင့် ဆေးကုမ္ပဏီများက ရခိုင်ပြည်နယ် စီမံအုပ်ချုပ်ရေးကောင်စီသို့ တင်ပြတောင်းဆိုသော် လည်း ပြည်နယ်ကောင်စီမှ လက်ခံခြင်း မရှိသေးကြောင်း သိရသည်။
ဆေးဝါးများကို ကန့်သတ်ထားရာမှ တင်သွင်းခွင့်ပြုလိုက်ပြီဖြစ်ကြောင်း ထုတ်ပြန်ထားခြင်း မရှိသေးသည့်အတွက် ကုန်တင်ကားသမားများအနေဖြင့် ကျန်းမာရေးဌာန၏ အာမခံချက် ပါရှိမှသာ တင်ဆောင်နိုင်ကြောင်း မောင်တောမှ တောင်ပြိုသို့ ပြေးဆွဲသည့် ကုန်ကားသမားတစ်ဦးဖြစ်သည့် ကိုမောင်မောင်ထွန်းက CNI သတင်းဌာန သို့ ပြောသည်။
“တင်ရတဲ့ဟာတွေက ကန့်သတ်ထားတာ အများကြီးပါ။ ဆေးဝါးနဲ့ပတ်သက်ပြီးတော့ ကျနော်တို့ အများကြီးပေါ့ ကားသမားတွေကျတော့ မတင်ရဲဘူးလေ။ သူတို့က ဒီဟာကန့်သတ်ထားတယ်ဆိုရင် သူတို့က မတင်ရဘူး။ ကားသမားတွေကလည်း မတင်ရဲဘူးပေါ့။ ကျနော်တို့က အဓိက ကျန်းမာရေးဌာနကနေပြီးတော့ အာမခံချက်ရှိမှ ကျနော်တို့က တင်ရဲမှာလေ” ဟု ၎င်းက ပြောသည်။
လက်ရှိတွင် ရခိုင်ပြည်နယ်၌ ဆေးဝါးတချို့နည်းပါးနေခြင်းနှင့် ပြတ်လပ်မှု ဖြစ်ပေါ်နေကြောင်း။ ကိုယ်ဝန်ဆောင် မိခင်များနှင့် ကလေးငယ်များသည်လည်း ကာကွယ်ဆေးများ မထိုးရသေးသည့်အပြင် ဆေးဝါးဈေးနှုန်းများသည် ၃ ဆခန့်အထိ မြင့်တက်မှု ဖြစ်ပေါ်နေသည်ဟု ရခိုင်ပြည်နယ် ဒေသခံများထံမှ သိရသည်။
- By CNI News
- Category: နိုင်ငံရေး
- Hits: 423
CNI News
၂၀၂၂ ခုနှစ်၊ ဒီဇင်ဘာ ၇
ထိုင်းအစိုးရသည် မြန်မာနိုင်ငံဆိုင်ရာ ထိုင်းသံအမတ်ကြီးအဖြစ် H.E. Mr. Mongkol Visitstump ကို တာဝန် ပေးခဲ့ပြီးနောက် ယနေ့ (ဒီဇင်ဘာ ၇ ရက်) နံနက် ၁၀ နာရီက နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံ ခန့်အပ်လွှာပေးခဲ့သည်။
ထို့နောက် ထိုင်းသံအမတ်ကြီးနှင့် နစကဥက္ကဋ္ဌတို့ နှစ်နိုင်ငံသံတမန် ဆက်ဆံရေး၊ ချစ်ကြည်ရင်းနှီးမှုနှင့် ပူးပေါင်း ဆောင်ရွက်ရေးများ တိုးမြှင့် ဆောင် ရွက်သွားမည့်ကိစ္စရပ်များ၊ နယ်စပ် ကုန်သွယ်မှု၊ စီးပွားရေးရင်းနှီးမြှုပ်နှံမှုနှင့် ခရီးသွားလုပ်ငန်းများ ပိုမိုဖွံ့ဖြိုး တိုး တက်ရေးအတွက် ပူးပေါင်းဆောင်ရွက်သွားမည့် ကိစ္စရပ်များ၊ မြန်မာ-ထိုင်း အဆင့်မြင့်အရာရှိကြီးများ အစည်း အဝေး ကျင်းပနိုင်ရေးကိစ္စရပ်များကို ဆွေးနွေးခဲ့ကြကြောင်း နစကဘက်က ထုတ်ပြန်ခဲ့သည်။
H.E. Mr. Mongkol Visitstump နဲ့ ဒုတိယဗိုလ်ချုပ်မှူးကြီး စိုးဝင်းကို တွေ့ရစဉ်
အလားတူ ထိုင်းသံအမတ်ကြီး H.E. Mr. Mongkol Visitstump သည် နစက၏ ဒုဥက္ကဋ္ဌ ဒုတိယဗိုလ်ချုပ်မှူးကြီး စိုးဝင်းနှင့် တွေ့ဆုံ၍ နယ်စပ်ဒေသတည်ငြိမ်အေးချမ်းရေး၊ တရားမဝင် ကုန်သွယ်မှုနှင့် တရားမဝင် အလုပ်သမား တိုက်ဖျက်ရေး၊ ခရီးသွားကဏ္ဍဖွံ့ဖြိုးတိုးတက်ရေး၊ ထားဝယ်ရေနက်ဆိပ်ကမ်းစီမံကိန်းဆိုင်ရာကိစ္စရပ်များ၊ အာဆီယံရေးရာကိစ္စရပ်များကို ဆွေးနွေးခဲ့ကြသည်။