CNI News

၂၀၂၄ ခုနှစ်၊ စက်တင်ဘာ ၂၅

မြန်မာပြည်မှာ မကြာခဏ ကျရောက်လျက် ရှိနေသော သဘာဝဘေးကို မည်ကဲ့သို့ ကာကွယ်ထိန်းသိမ်းကြမလဲ ဆိုသည့်အပေါ် ပြည်တွင်းရှိ တတ်သိနားလည်သူများကြား သုံးသပ်ဆွေးနွေးလျက်ရှိသည်။

ပြီးခဲ့သည့် စက်တင်ဘာလ ဒုတိယပတ်မှ စတင်ကာ မြန်မာနိုင်ငံအတွင်း ဝင်ရောက်တိုက်ခတ်ခဲ့သည့် တိုင်ဖွန်း မုန်တိုင်း ယာဂီကြောင့် ပြည်နယ်နှင့်တိုင်းဒေသကြီးရှိ မြို့နယ်ပေါင်း ၅၆ မြို့နယ်တွင် ရေကြီးမှု၊ မြေပြိုမှုများ ဖြစ်ပေါ်ခဲ့သည်။

ယခင်ကတည်းက သဘာဝပတ်ဝန်းကျင်ကို ထိန်းသိမ်းရန် လျစ်လျူရှုခဲ့သည့် အကျိုးဆက်ဖြစ်ကြောင်း၊ သဘာဝ ပတ်ဝန်းကျင်ကို ထိန်းသိမ်းရန် အာဏာပိုင်အဖွဲ့အစည်းတွင် သာမကဘဲ ပြည်သူများပါ ပူးပေါင်းပါဝင်ရန် လိုအပ် ကြောင်း စိုက်ပျိုးရေးနှင့် စီးပွားရေးအကြံပေး ကိုဇော်မင်းနိုင်က CNI သတင်းဌာနသို့ ပြောသည်။

ရေကြီးရေလျှံမှုကို ဗိုလ်ချုပ်မှူးကြီးမင်းအောင်လှိုင် စစ်ဆေးနေစဉ်

၎င်းက “ဖြစ်သွားတဲ့ဟာတွေမှာလည်း စိတ်မကောင်းစရာတွေပေါ့နော်၊ အခုဆိုလို့ရှိရင် တော်တော်လေးကို မကြား ဖူးတဲ့ ဒေသတွေ မကြားဖူးတဲ့ နေရာတွေမှာ ဖြစ်နေတာ တွေ့ရတယ်ပေါ့နော်၊ ကျနော် Life မှာ ပထမဦးဆုံး ကလောမှာ ရေကြီးတယ်ဆိုတာ ကြားဖူးတာပေါ့နော်၊ အဲဒီလိုမျိုးလေးတွေ သေသွားတဲ့ ပမာနဆိုတာလည်း အတိ အကျ မဟုတ်တာမှ ကလော မြေပြင်က အခြေအနေအရဆိုရင် တော်တော်များများ ရာဂဏန်းဆိုတာများတယ် ပေါ့နော်၊ ဒါတွေသည် တကယ့်ကို စိတ်မကောင်းစရာ ကိစ္စတွေ၊ ဒါတွေ ကျနော်တို့ နှစ်ပေါင်းများစွာ သဘာဝ ပတ်ဝန်းကျင် ထိန်းသိမ်းဖို့ လျစ်လျူရှုခဲ့တဲ့ အကျိုးဆက်တွေကို ကျနော်တို့ ပြန်ခံရတာပေါ့၊ ဒါကို သင်ခန်းစာ  ယူပြီးတော့မှ ကျနော်တို့ ပြည်သူတွေ အာဏာပိုင်တွေ အနေနဲ့ မဟုတ်ဘဲနဲ့ ပြည်သူတွေကပါ ပါဝင်ဖို့လိုတယ်၊ ဒါမှသာ နောက် Generation ပေါ့၊ နောက် ၁၅ နှစ်၊ အနှစ် ၂၀၊ အဲဒီမှာ အရွယ်ရောက်လာတဲ့ Generation က ဒီလိုဟာမျိုးတွေ ကျနော်တို့ အခုချိန်ကတည်းက ပြင်ဆင်တာ သူတို့တွေမှာ Effect တွေ မထိမှာပေါ့နော်၊ မဟုတ် လို့ရှိရင်တော့ ဒီထက် ပိုဆိုးတဲ့ သဘာဝ ပတ်ဝန်းကျင် ထိခိုက်မှုတွေ သဘာဝဘေးအန္တရာယ် အများကြီး ထပ်ပြီး ခံစားရဖို့ရှိမှာပေါ့၊ အားလုံး ခုချိန်ကတည်းက ပါဝင်ပြီးတော့ ထိန်းသိမ်းဖို့လိုတယ်လို့ ပြောချင်ပါတယ်” ဟု ပြော သည်။

တိုင်ဖွန်းမုန်တိုင်း ယာဂီကြောင့် ပြည်နယ်နှင့်တိုင်းဒေသကြီး ၉ ခုမှ မြို့နယ် ၅၆ မြို့နယ်တွင် ရေကြီးရေလျှံမှုများ ဖြစ်ပေါ်ခဲ့ပြီး ၃၈၄ ဦး သေဆုံးမှုရှိခဲ့ကြောင်း နစကမှ သတင်းထုတ်ပြန်ထားသည်။

သဘာဝပတ်ဝန်းကျင် ထိန်းသိမ်းရန် အမျိုးသား‌ရေး စီမံကိန်းတစ်ခုအနေဖြင့် မဖော်ဆောင်နိုင်ပါက သဘာဝဘေး ကို နှစ်စဉ် ကြုံတွေ့ရမှာဖြစ်ကြောင်း၊ လက်ရှိ ပြည်တွင်းစစ်ကြောင့် သဘာဝပတ်ဝန်းကျင် ထိန်းသိမ်းရန်လည်း ခက်ခဲကြောင်း ရခိုင်အမျိုးသားပါတီ (ANP) မှ မူဝါဒရေးရာ ဦးဆောင်ကော်မတီဝင် ဦးထွန်းအောင်ကျော်က CNI သတင်းဌာနသို့ ပြောသည်။

ရေဘေးကယ်ဆယ်ရေးလုပ်နေကြစဉ်

၎င်းက “သဘာဝပတ်ဝန်းကျင် ထိန်းသိမ်းဖို့အတွက် ထိရောက်တဲ့ အကာအကွယ်နဲ့ ထိရောက်တဲ့ စည်းစနစ်၊ ထိရောက်တဲ့ စနစ်တစ်ခုကို အမျိုးသားရေး စီမံကိန်းအနေနဲ့ မဖော်ဆောင်နိုင်သမျှ ဒီလို အခက်အခဲတွေက နှစ်တိုင်းနှစ်တိုင်း ကျနော်တို့ ကြုံနေရမှာ အထူးသဖြင့် အလွန်တရာ အဂတိလိုက်စားတဲ့ စနစ်တွေ ထွန်းကားတဲ့ တိုင်းပြည်တွေမှာ အမျိုးသားအကျိုးစီးပွားဟာ ပြိုလဲပျက်စီးရတဲ့ အခြေအနေ ရှိပါတယ်။ ကျနော်တို့ မြန်မာနိုင်ငံမှာ လဲ လာတ်ပေးလာတ်ယူ စနစ်တွေနဲ့ လုပ်ချင်သလို လုပ်လို့ရတဲ့ အတိုင်းအတာတွေ သတင်းတွေမှာ အများကြီး ကျနော်တို့ တွေ့ရတယ်၊ အဲဒါကြောင့် ပတ်ဝန်းကျင်မှာရှိတဲ့ သဘာဝသယံဇာတတွေကို ထုတ်ချင်သလို ထုတ်တယ်၊ လုပ်ချင်သလို လုပ်တယ်။ ကျနော်တို့ ရခိုင်ပြည်နယ် အတိုင်းအတာမှာ ဆိုလို့ရှိရင် သစ်ပင်တွေ ကုန်သလောက် နီးပါးဖြစ်နေပြီ။ အတိုင်းအဆမဲ့ ဖြုန်းတီးနေကြတဲ့ ပြိုလဲနေကြတဲ့ဒဏ်ကြောင့် အခုဆိုးကျိုးတွေ ပြင်းပြင်းထန်ထန် ခံရတယ်လို့ ကျနော်တို့ မြင်ပါတယ်။ အဲဒါကြောင့် ဒီလို သဘာဝပတ်ဝန်းကျင် ထိန်းသိမ်းရေးအတွက်လည်း နှစ်တိုနှစ်ရှည် စီမံကိန်းတွေ ချမှတ်ပြီး လုပ်ဆောင်ဖို့အတွက်ကလည်း အခု ပြည်တွင်းစစ်နဲ့ တိုင်းပြည်ပြိုပျက်နေတဲ့ အခါ ဘယ်လိုမှ မဖြစ်နိုင်ဘူး ထင်ပါတယ်” ဟု ပြောသည်။

၂၀၂၃ ခုနှစ်၊ မေလတွင် ရခိုင်ပြည်နယ်အတွင်း ဝင်ရောက်တိုက်ခတ်ခဲ့သော မိုခါမုန်တိုင်းကြောင့် လူ ၁၄၈ ဦး သေဆုံးခဲ့ပြီး ကျပ် ၅၂၂ ဘီလျံခန့် ဆုံးရှုံးခဲ့ကြောင်း နစကမှ သတင်းထုတ်ပြန်ထားသည်။

CNI News

၂၀၂၄ ခုနှစ်၊ စက်တင်ဘာ ၂၀

လာအိုနိုင်ငံအလယ်ပိုင်းကို ဖြတ်ကျော်လာသည့် မုန်တိုင်းငယ်သည် မြန်မာနိုင်ငံသို့ဖြတ်သန်းလာပြီး ရေကြီးမြေပြိုမှုများ ဖြစ်နိုင်သေး၍ သတိထားကြရန် မိုးဇ/လက စက်တင်ဘာ ၂၀ ရက်တွင် ထုတ်ပြန်ခဲ့သည်။

အဆိုပါ မုန်တိုင်းငယ်ကြောင့် စက်တင်ဘာ ၂၀ ရက်မှ ၂၅ ရက်အထိ နေပြည်တော်၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ တနင်္သာရီတိုင်းဒေသကြီး၊ မွန်ပြည်နယ်၊ ရခိုင်ပြည်နယ်၊ ကရင်ပြည် နယ်၊ ကယားပြည်နယ်တို့တွင် မိုးထစ်ချူန်း ရွာသွန်းနိုင် သည်။

ထို့နောက် ရှမ်းပြည်နယ်တောင်ပိုင်း၊ မန္တလေး တိုင်းဒေသကြီးတို့တွင် မိုးထစ်ချူန်းရွာနိုင်ပြီ နေရာကွပ်ပြီး မိုးကြီးခြင်း၊ လေပြင်းတိုက်ခတ် ခြင်းများ ဖြစ်ပေါ်နိုင်ကြောင်း မိုးဇ/လက ထုတ်ပြန်ခဲ့သည်။

ထို့ကြောင့် မိုးသည်းထန်စွာရွာသွန်းခြင်းနှင့်အတူလေပြင်းတိုက်ခတ်ခြင်း၊ ရေလျှပ်တစ်ပြက် ရေကြီးခြင်း၊ မြေပြိုခြင်းတို့ ဖြစ်နိုင်သည့်အတွက် သတိထားကြရန် မိုးဇ/လက ထုတ်ပြန်ခဲ့သည်။

CNI News 

၂၀၂၄ ခုနှစ်၊ စက်တင်ဘာ ၁၇

ယာဂီမုန်တိုင်းအရှိန်ကြောင့် တစ်နိုင်ငံလုံးရှိ မြို့နယ် ၅၆ မြို့နယ်တွင် ရေကြီးရေလျှံမှုများ ဖြစ်ပေါ်လျက်ရှိပြီး လူမှုကူညီကယ်ဆယ်ရေးအသင်းအဖွဲ့များမှ ကူညီကယ်ဆယ်ရေးလုပ်ငန်းများ ဆောင်ရွက်ရာ၌  အခက်အခဲများစွာ ရှိနေကြောင်း CNI သတင်းဌာနသို့ ပြောသည်။

ရေကြီးရေလျှံမှုသည် ဆိုးရွားစွာ ဖြစ်ပွားခဲ့သည့်အတွက် လူမှုကူညီရေးအသင်းအဖွဲ့များအနေဖြင့် အသက်ကယ် လှေများ ၊ အသက်ကယ် အင်္ကျီများအပြင် လိုအပ်ချက်များစွာရှိကြောင်း တောင်ငူမြို့မေတ္တာရှင်လူမှုကယ်ဆယ် ရေးအသင်းဥက္ကဋ္ဌ ဦးနေမျိုးကျော်က CNI သတင်းဌာနသို့ ပြောသည်။

၎င်းက "တကယ်တမ်း ပြောမယ်ဆိုရင်တော့ လိုအပ်ချက်တွေကတော့ အများကြီးပဲဗျ။ ဘာလို့ဆို ကျနော်တို့ ရေဘေးကယ်ဆယ်ရေးမှာ jacket လေးတွေ လိုတယ်ဗျာ။ ဟုတ်တယ်မလား အသက်ကယ်ဘောတွေ လိုမယ်။ ဒါပေမယ့် ကျနော်တို့ဟာက ကိုယ်ရှိတဲ့ဟာ‌လောက်နဲ့ သွားကယ်တဲ့အခါကျတော့ မတော်တဆ လှေမှောက်တဲ့ အခါမျိုးကျတော့ ကျနော်တို့ အဲမှာ ပြဿနာတွေတက်တယ်။ နောက် ဘယ်လိုခေါ်မလဲ နည်းနည်း ဒုက္ခတော့ ရောက်တာပေါ့နော်။ နောက်အခု လက်ရှိအနေအထားမှာ စားဝတ်နေရေးအပိုင်းနဲ့ ပြောမယ်ဆိုလို့ရှိရင်တော့ အခု အကုန်လုံးက ရေဘေးဖြစ်ထားတဲ့ အခါကျတော့ အခု စားဝတ်နေရေးက တော်တော်ခက်ခဲကြတယ်။ အဲတော့ ပြောမယ်ဆိုရင် အကုန်လုံးနီးပါးက ရေကြီးလိုက်တဲ့ အခါမျိုးကျ‌တော့ အဝတ်အစားကအစ မရှိကြတော့ဘူး။ အဝတ်တစ်ထည် ကိုယ်တစ်ခုဆိုတာမျိုးတွေ ဖြစ်ကုန်ကြတယ်။ လိုအပ်ချက်ကတော့ ပြောမယ်ဆိုရင်တော့ အကုန်လုံးလိုအပ်တာပေါ့" ဟု ပြောသည်။

ရေနစ်မြှုပ်နေမှုကို တွေ့ရစဉ်

ထို့အပြင် ရေစီးသန်ခြင်းနှင့် ရေနစ်မြှုပ်မှုများရှိသည့်အတွက် ချောင်ကျသည့် နေရာများသို့ သွားရောက် ကယ်ဆယ်ရန် အခက်အခဲများရှိကြောင်းလည်း ၎င်းက ပြောသည်။

စစ်တောင်းမြစ် အရှေ့ဘက်အခြမ်းသို့ သွားရောက်ကူညီ ကယ်ဆယ်ရေး လုပ်ဆောင်ရာတွင် စစ်တောင်းမြစ်အား ဖြတ်၍ သွားလာရမည်ဖြစ်သည့်အတွက် ကျွမ်းကျင်သောသူများနှင့် စက်ပစ္စည်းများ လိုအပ်နေကြောင်း၊ ထို့ကြောင့် စစ်တောင်းမြစ် အရှေ့ဘက်ခြမ်းရှိ ရွာများ၌ ပိတ်မိနေသော လူများရှိသေးကြောင်း ပဲခူးမြို့တွံတေးလူမှု ကယ်ဆယ်ရေးမှ ကိုဖြိုးကိုကိုက CNI သတင်းဌာနသို့ ပြောသည်။

 ၎င်းက "ကျနော်တို့ မြစ်ကြီးကို ဖြတ်ဖို့အတွက်ပေါ့နော် လှေကောင်းကောင်း စက်ကောင်းကောင်းတော့ လိုတာ ပေါ့ဗျာ။ အဲဒါနဲ့ ဖြတ်ပြီးတော့ သွားမယ်ဆိုရင်တော့ ဟိုဖက်ကမ်းကို ရောက်တာပေါ့။ ခုကတော့ ရေစီးကို ကြောက် လို့ တချို့လှေတွေက ဟိုဖက်ကမ်းကို မကူးနိုင်တော့ ဟိုဖက် မြစ်အရှေ့ဘက်အခြမ်းကတော့ ဒုက္ခရောက်ကြတယ် လေ။ မြစ်နောက်ဘက်ခြမ်းကျ မော်တော်ကားရောက်တယ်။ မြို့ထဲသွားတဲ့ လှေလေးတွေနဲ့ သွားတဲ့အခါကျတော့ ဒီဘက်က အခြမ်းကတော့ အလှူရှင်တွေ လှူဒါန်းမှုနဲ့ အဆင်ပြေပါတယ်။ ဟိုဘက် မြစ်တစ်ဖက်ခြမ်းကို သွားဖို့ တွက်ပဲ နည်းနည်းလေး ဒုက္ခရောက်တာပေါ့ဗျာ။ ကျန်တာကတော့ အားလုံးအဆင်ပြေပါတယ်" ဟု ပြောသည်။

ရေဘေးကူညီ ကယ်ဆယ်ရေးများ လုပ်ဆောင်နေစဥ်

ထို့အပြင် အချို့အလှူရှင်များ အနေဖြင့်လည်း ကိုယ်တိုင်သွားရောက် လှူဒါန်းလိုလျှင် အမှန်တကယ် လိုအပ်သော ဒေသများ သိရန်လိုသောကြောင့် လူမှုကူညီရေး အသင်းများအား ဆက်သွယ်ပြီးမှသာ သွားကြရန် လိုအပ်ကြောင်း ညောင်ရွှေမြို့ နှလုံးလှလူမှုကူညီ‌ရေးအသင်းမှ ကိုသက်ပိုင်စိုးက CNI သတင်းဌာနသို့ ပြောသည်။

၎င်းက "တချို့ကျတော့လည်း ကိုယ်တိုင်လှူချင်တာပေါ့ ကိုယ်တိုင်သွားချင်တယ်။ အဲတော့ သူတို့က တစ်ခါ တစ်လေ ကျရင် ကျနော်တို့ မသိအောင် အဆင်ပြေတဲ့ရွာကို သူတို့က သွားလှူလိုက်တယ်။ အဲလိုကျ ကျနော်တို့ ဘာဖြစ်သွားလဲဆို‌တော့ ရောက်တဲ့ရွာက ရောက်တယ်၊ မရောက်တဲ့ရွာက မရောက်ဘူးပေါ့။ သူတို့ကလည်းပေး တယ် ကျနော်တို့ကလည်း သွား‌ပေးတယ်။ တခြားရွာကျ မရောက်တော့ဘူးပေါ့ ဒီပစ္စည်းတွေက။ အဲလိုမျိုး အတွေ့အကြုံတွေကတော့ အများကြီးဖြစ်တာပေါ့ဗျာ အခက်အခဲတွေက အများကြီးပေါ့။ ကျနော်တို့လည်း အလှူ ရှင်တွေကို အမြဲတမ်းပြောပါတယ် ကျနော်တို့ကို ချိတ်ဆတ်ပေးပါ။ အဲဒါမှ ဘယ်နေရာ လိုအပ်တယ်ဆိုတာ ကျနော်တို့ လမ်းညွှန်ပေးလို့ ရမှာပါ။ ဘာလို့လဲဆိုတော့ အလှူရှင်တွေက သူတို့က လှူချင်တာ တစ်ခုပဲရှိတယ်။ ဒါပေမယ့် ဘယ်နေရာကို အဓိကလိုအပ်လဲဆိုတာ သူတို့သိဖို့လိုတယ် အဓိက။ အဲတော့ အဲလိုသိဖို့ information လိုရင် ကျနော်တို့ကို ဆက်သွယ်မှပဲ အဆင်ပြေမှာဗျ" ဟု ပြောသည်။

လက်ရှိတွင် ‌ရေဘေးဒဏ် ခံစားနေရသည့် ဒေသများမှာ တောင်ငူ၊ တာချီလိတ်၊ ကလော၊ ရမည်းသင်း၊ နေပြည်တော်ရှိ တပ်ကုန်း၊ ဘားအံ၊ ညောင်ရွှေ၊ ဇီးကုန်း၊ ထန်းတပင်၊ ပုဂံ-ညောင်ဦး အစရှိသည့် ဒေသများ အပါအဝင် မြို့နယ်ပေါင်း ၅၆ မြို့နယ်၌ စက်တင်ဘာ ၁၁ ရက်မှစတင်ကာ ရေကြီးရေလျှံမှုများ ဖြစ်ပွားခဲ့သည်။

ထို့ကြောင့် လူနေအိမ် ၂၁၁၆ လုံး ပျက်စီးပြီး ၁၅၈၃၇၃ လုံး ရေနစ်မြှုပ်ခဲ့၍ အစိုးရက ရေဘေး ကယ်ဆယ်ရေးစခန်း ၄၃၈ ခုဖွင့်လှစ်ကာ အိမ်ထောင်စု ၄၂၈၅၈ စု၊ လူဦးရေ ၁၆၃၇၈၀ ဦးကို ရွှေ့ပြောင်းပေးခဲ့သည်။

ရေနစ်မြှုပ်နေမှုကို တွေ့ရစဉ်

ထို့နောက် ရေဘေးကြောင့် တစ်နိုင်ငံလုံး အတိုင်းအတာ အနေဖြင့် စက်တင်ဘာ ၁၆ ရက်နေ ညနေ ၄ နာရီထိ ကောက်ယူရရှိသော စာရင်းအရ ပြည်သူ ၂၂၆ ဦးသေဆုံးခဲ့ပြီး ၇၇ ဦး ပျောက်ဆုံးနေသည်။

အလားတူ ရုံး/ဌာန အဆောက်အဦ ၁၁၇ လုံး၊ စာသင်ကျောင်း ၁၀၄၀ ကျောင်း၊ ဘာသာရေး အဆောက်အဦ ၃၈၆ လုံး၊ လမ်း/တံတားအချို့၊ လျှပ်စစ်မီးတိုင်နှငိ့ ဆက်သွယ်ရေးတိုင်များ ပျက်စီးခဲ့ကြောင်း နစက-က သတင်း ထုတ်ပြန်ခဲ့သည်။

ထို့အပြင် တိရိစ္ဆာန်မျိုးစုံ စုစုပေါင်း ၁၂၈၃၄၄ ကောင်သေဆုံးပြီး စပါးနှင့်သီးနှံမျိုးစုံ စိုက်ဧက ၆၄၃၀၈၁ ဧက ရေနစ်မြှုပ်ခဲ့သည်။

CNI News

၂၀၂၄ ခုနှစ်၊ စက်တင်ဘာ ၁၇

တိုင်ဖွန်းမုန်တိုင်း ယာဂီကြောင့် မြန်မာနိုင်ငံတစ်ဝှမ်း ရေကြီးရေလျှံမှုဖြစ်ကာ လူပေါင်း ၂၂၆ ဦး သေဆုံးပြီး စပါးနှင့်သီးနှံမျိုးစုံစိုက်ဧက ၆၄၃၀၈၁ ဧက ရေနစ်မြှုပ်ခဲ့ကြောင်း နစက-က သတင်းထုတ်ပြန်ခဲ့သည်။

မုန်တိုင်းကြောင့် မိုးအဆက်မပြတ် ရွာသွန်းကာ မြစ်/ချောင်းများ မြင့်တက်လာကာ နေပြည်တော် ကောင်စီ နယ်မြေ၊ မကွေတိုင်းဒေသကြီး၊ မန္တလေးတိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ ကယား ပြည်နယ်၊ ရှမ်းပြည်နယ်၊ မွန်ပြည် နယ်၊ ကရင်ပြည်နယ် တို့မှ မြို့နယ် ၅၆ မြို့နယ်တွင် ရေကြီးရေလျှံခဲ့သည်။

ထို့ကြောင့် လူနေအိမ် ၂၁၁၆ လုံး ပျက်စီးပြီး ၁၅၈၃၇၃ လုံး ရေနစ်မြှုပ်ခဲ့၍ အစိုးရက ရေဘေး ကယ်ဆယ်ရေးစခန်း ၄၃၈ ခုဖွင့်လှစ်ကာ အိမ်ထောင်စု ၄၂၈၅၈ စု၊ လူဦးရေ ၁၆၃၇၈၀ ဦးကို ရွှေ့ပြောင်းပေးခဲ့သည်။

ထို့နောက် ရေဘေးကြောင့် တစ်နိုင်ငံလုံး အတိုင်းအတာ အနေဖြင့် စက်တင်ဘာ ၁၆ ရက်နေ ညနေ ၄ နာရီထိ ကောက်ယူရရှိသော စာရင်းအရ ပြည်သူ ၂၂၆ ဦးသေဆုံးခဲ့ပြီး ၇၇ ဦး ပျောက်ဆုံးနေသည်။

အလားတူ ရုံး/ဌာန အဆောက်အဦ ၁၁၇ လုံး၊ စာသင်ကျောင်း ၁၀၄၀ ကျောင်း၊ ဘာသာရေး အဆောက်အဦ ၃၈၆ လုံး၊ လမ်း/တံတားအချို့၊ လျှပ်စစ်မီးတိုင်နှင့် ဆက်သွယ်ရေးတိုင်များ ပျက်စီးခဲ့ကြောင်း နစက-က သတင်း ထုတ်ပြန်ခဲ့သည်။

ထို့အပြင် တိရိစ္ဆာန်မျိုးစုံ စုစုပေါင်း ၁၂၈၃၄၄ ကောင်သေဆုံးပြီး စပါးနှင့်သီးနှံမျိုးစုံ စိုက်ဧက ၆၄၃၀၈၁ ဧက ရေနစ်မြှုပ်ခဲ့သည်။

CNI News

၂၀၂၄ ခုနှစ်၊ စက်တင်ဘာ ၁၆

မန္တလေးတိုင်းဒေသကြီး ရှေးဟောင်းယဉ်ကျေးမှုအမွေအနှစ် ဒေသဖြစ်သည့် ပုဂံဒေသနှင့် နေပြည်တော်ကောင် စီ နယ်မြေအတွင်းက ရေဘေးသင့်ဒေသများကို နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် စက်တင်ဘာ ၁၅ ရက် နေ့က သွားရောက်ခဲ့ပြီး ပြန်လည်ထူထောင်ရေး အရှိန်မြှင့်လုပ်ဆောင်ရန် ပြောကြားခဲ့သည်။

နစကဥက္ကဋ္ဌသည် နေပြည်တော်ကောင်စီနယ်မြေအတွင်း ပျက်စီးသွားသော လမ်းတံတားများ၊ ရေထိန်းတမံများ၊ စိုက်ပျိုရေး၊ မွေးမြူရေးလုပ်ငန်းများ အခြေအနေကို သွားရောက် လေ့လာခဲ့ပြီး အမြန်ဆုံး ပြန်လည်ထူထောင်ရေး လုပ်ဆောင်ရန် ပြောကြားခဲ့သည်။

ထို့နောက် ပုဂံဒေသသို့ သွားရောက်ပြီး ဘုရားစေတီ ပုထိုးများ ပျက်စီးမှုများကို သွားရောက်လေ့လာခဲ့ပြီး ပြန်လည် ထိန်းသိမ်း ပြုပြင်နိုင်ရေး လုပ်ငန်းများ အရှိန်မြှင့် လုပ်ဆောင်ရန် ပြောကြားခဲ့သည်။

မြန်မာနိုင်ငံတွင် ယာဂီမုန်တိုင်းကြောင့် မိုးသည်းထန်စွာ ရွာသွန်းပြီး မြို့နယ် ၃၄ မြို့နယ်တွင် ရေဝင်ရောက် ခဲ့မှုကြောင့် ပြည်သူလူထု ၂ သိန်းကျော် ရေဘေးသင့်ခဲ့ကြသည်။

ထို့ကြောင့် နစကသည် ရေဘေးသင့်ပြည်သူများကို ကူညီကယ်ဆယ်နိုင်ရေးအတွက် နိုင်ငံတစ်ဝန်း ကူညီကယ် ဆယ်ရေးစခန်း ၁၈၇ ခု ဖွင့်လှစ်ပြီး အိမ်ထောင်စု ၅၉၄၁၃ စု၊ လူဦးရေ ၂၃၆၆၄၉ ဦးကို ပြောင်းရွှေ့ပေးခဲ့ရ သည်။

လက်ရှိတွင် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ရေဘေးသင့် ဒေသများအတွင်း ထိခိုက်ဆုံးရှုံးမှု အနည်းဆုံး ဖြစ်အောင်နှင့် ကူညီကယ်ဆယ်ရေးလုပ်ငန်းများ အမြန်ဆုံးရရှိအောင် ကြပ်မတ် ဆောင်ရွက်လျက်ရှိ သည်။

CNI International News

ပျဉ်းမနား၊ စက်တင်ဘာ ၁၄

ဗီယက်နမ်တွင် တိုင်းဖွန်ယာဂီ (Typhoon Yagi) ဝင်ရောက်တိုက်ခိုက်ခဲ့ပြီးနောက် ရှင်းလင်းရေးလုပ်ငန်းများကို လုပ်ဆောင်နေချိန်တွင် မြန်မာနိုင်ငံရှိ ရာနှင့်ချီသည့် ကျေးရွာများတွင် မုန်တိုင်း အဖျားခတ်မှုကြောင့် မိုးသည်း ထန်စွာ ရွာသွန်းမှုနှင့် ရေကြီးရေလျှံမှုများ ဖြစ်ပွားနေကြောင်း Thai PBS World မှ ဖော်ပြခဲ့သည်။

ပြီးခဲ့သည့် သီတင်းပတ်ကုန်က တိုက်ခတ်ခဲ့သည့် တိုင်ဖွန်းယာဂီကြောင့် ဗီယက်နမ်၊ လာအို၊ ထိုင်းနှင့် မြန်မာ တို့တွင် မိုးသည်းထန်စွာ ရွာသွန်းပြီး ရေလွှမ်းမိုးမှုများနှင့် မြေပြိုမှုများ ဖြစ်ပွားလျက်ရှိသည်။

ထိုသဘာဝဘေးကြောင့် အထက်ဖော်ပြပါ နိုင်ငံ ၄ နိုင်ငံတွင် သေဆုံးသူ စုစုပေါင်း ၂၈၀ ရှိသည်။ 

၂၀၂၄ ခုနှစ်၊ စက်တင်ဘာ ၁၃ ရက်နေ့က ကလောမြို့ ရေနစ်မြှုပ်နေစဉ်

ထိုသေဆုံးသူများအနက် ဗီယက်နမ်တွင် ၂၃၃ ဦးနှင့် မြန်မာတွင် ၃၆ ဦး ပါဝင်ပြီး လူပေါင်းများစွာ ပျောက်ဆုံး နေဆဲဖြစ်သည်။

မြန်မာနိုင်ငံ၏ အမျိုးသား မီးသတ်တပ်ဖွဲ့က သေဆုံးသူ အရေအတွက်ကို စက်တင်ဘာ ၁၃ ရက်က အတည်ပြုခဲ့ပြီး လူပေါင်း ၅၀၀၀၀ ကျော် ၎င်းတို့၏ နေအိမ်များကို စွန့်ခွာထွက်ပြေး နေရသည်ဟုဆိုသည်။

မြန်မာနိုင်ငံ၏ မြို့တော်ဖြစ်သည့် နေပြည်တော်နှင့် အနီးတစ်ဝိုက်ရှိ မြစ်များ၊ ချောင်းများအနီးတွင် တည်ရှိသည့် ရေလွှမ်းမိုးနေသော ကျေးရွာများ၌ နေထိုင်သူများကို မြန်မာစစ်သားများက ကယ်တင်ပေးနေပြီး အချို့မှာ ကိုယ့် အစီအစဉ်နှင့်ကိုယ် ဘေးလွတ်ရာ တိမ်းရှောင်နေရသည်။

 ရှမ်းပြည်နယ်တောင်ပိုင်း၊ မောက်မယ်မြို့နယ်အတွင်း ရေကြီးနေစဉ်

လူနေအိမ်များ၊ ငှက်ပျောခြံများနှင့် ကြံခင်းများလည်း ရေလွှမ်းမိုးခံခဲ့ရသည်။

"ဒီလိုရေကြီးတာကို ပထမဆုံးအကြိမ် ကြုံဖူးတာပါ။ ကျနော်တို့မှာ ပြင်ဆင်ချိန်တောင် မရပါဘူး။ တော်တော် ကြောက်ဖို့ ကောင်းပါတယ်" ဟု ဒေသခံတစ်ဦးက ပြောကြားခဲ့သည်။

နေပြည်တော် အနီးတစ်ဝိုက်ရှိ နေရာဒေသအချို့တွင် ရေလွှမ်းမိုးမှုများကြောင့် မြေပြိုမှုများ ဖြစ်ပွားခဲ့ပြီး လျှပ်စစ် ဓာတ်အားပေးတာဝါတိုင်များ၊ အဆောက်အအုံများ၊ လမ်းများ၊ တံတားများလည်း ပျက်စီးခဲ့ကြောင်း နိုင်ငံပိုင် မီဒီယာက ထုတ်ပြန်ခဲ့သည်။

Source: Thai PBS World

CNI International News

ဘန်ကောက်၊ စက်တင်ဘာ ၁၄

ထိုင်းနိုင်ငံမြောက်ပိုင်းတွင် ရေလွှမ်းမိုးမှုများ ဆက်လက် ဖြစ်ပွားနေချိန်တွင် ချင်းရိုင် (Chiang Rai) ပြည်နယ်၊ မယ်ဆိုင် (Mae Sai) ခရိုင်တွင် ရေဘေးသင့်မှုကို ဆိုးဆိုးရွားရွား ခံစားခဲ့ရသူများကို ကူညီပေးရန် ဝန်ကြီးချုပ် ပေတုန်တန် ရှင်နာဝပ် (Paetongtarn Shinawatra) က စက်တင်ဘာ ၁၃ ရက်တွင် အရာရှိများကို အမိန့်ပေးခဲ့ သည်ဟု ဘန်ကောက်ပို့စ်မှ ဖော်ပြခဲ့သည်။

"ကျမတို့အနေနဲ့ အိမ်တွေထဲမှာ ပိတ်မိနေတဲ့ ပြည်သူတွေကို အစားအစာနဲ့ သောက်သုံးရေးတွေ အလျင်အမြန် ပေးပို့ဖို့ လိုအပ်ပါတယ်" ဟု မယ်ဆိုင်သို့ ယာယီရောက်ရှိလာခဲ့သည့် ပေတုန်တန်က ပြောကြားခဲ့သည်။

ထို့ပြင် ကယ်ဆယ်ရေး လုပ်ငန်းများတွင် ပါဝင်သူအားလုံး၏ ဘေးကင်းလုံခြုံရေးလည်း အရေးကြီးကြောင်း ၎င်းက ဆိုသည်။

ထိုင်းအစိုးရသည် ရေဘေးသင့်ပြည်သူများကို ကူညီရန် ဗဟိုအသုံးစရိတ်ကို လျာထားခဲ့သဖြင့် အခြေအနေ တိုးတက်ကောင်းမွန်လာမည့်အချိန်ကို မစောင့်ဘဲ ကူညီမှုများကို ချက်ချင်းလုပ်ဆောင်ခွင့်ရှိသည်။

ဝန်ကြီးချုပ် ပေတုန်တန် ရေဘေးသင့်ပြည်သူများနဲ့တွေ့ဆုံစဉ်

မယ်ဆိုင်ခရိုင်သည် ရေလွှမ်းမိုးမှုကို အဆိုးရွားဆုံး ခံစားခဲ့ရသည့် ခရိုင်များထဲတွင် တစ်ခု အပါအဝင်ဖြစ်ပြီး ဆိုင်မြစ်မှ ရေများလျံကျလာသည့် အခြေအနေနှင့် ရင်ဆိုင်နေရသည်။

မြန်မာနိုင်ငံ တာချီလိတ်မြို့နှင့် နယ်စပ်ချင်း ထိစပ်နေသည့် မယ်ဆိုင်မြို့၏ အချို့နေရာ ဒေသများတွင်လည်း လမ်းပန်းဆက်သွယ်ရေး ပြတ်တောက်နေသဖြင့် အစားအစာများနှင့် အခြားကယ်ဆယ်ရေးပစ္စည်းများကို ရဟတ်ယာဉ်များဖြင့်သာ ပို့ဆောင်နိုင်မည်ဖြစ်သည်။

ရေလွှမ်းမိုးမှုများကြောင့် ချင်းရိုင်သို့ ပြေးဆွဲမည့် လေကြောင်းခရီးစဉ်များကို စက်တင်ဘာ ၁၂ ရက်တွင် ဆိုင်းငံ့ ခဲ့ရသော်လည်း စက်တင်ဘာ ၁၃ ရက်တွင်မူ လေကြောင်းလိုင်းများ ပြန်လည်ပြေးဆွဲခဲ့သည်။

ယခုသီတင်းပတ်အတွင်း မိုးသည်းထန်စွာ ရွာသွန်းမှုများကြောင့် မယ်ဆိုင်နှင့် အနီးဝန်းကျင် နေရာဒေသများတွင် ရေကြီးရေလျှံမှုများ ဖြစ်ပွားနေပြီး အခြေအနေမှာ စိုးရိမ်ရသည့် အနေအထားဖြစ်သည်ဟု တာဝန်ရှိသူများက ပြောကြားခဲ့သည်။

ရေဘေးသင့်နေတဲ့ မယ်ဆိုင်မြို့ကို ပေတုန်တန်သွားရောက် စစ်ဆေးနေစဉ်

ချင်းရိုင်၏ ရပ်ကွက် ၆ ခုတွင် ရေလွှမ်းမိုးမှုများနှင့် မြေပြိုမှုများကြောင့် လူ ၄ ဦးထက်မနည်း သေဆုံခဲ့ပြီး အိမ်ထောင်စုပေါင်း ၄၅,၃၀၀ ခန့် ရေဘေးသင့်ခဲ့ကြောင်း ဘေးအန္တရာယ် တားဆီးရေးနှင့် လျော့ပါးသက်သာ စေရေးဌာနက ထုတ်ပြန်ခဲ့သည်။

ထိုအချိန်အတောအတွင်း မယ်ဆိုင်နှင့် တာချီလိပ်အကြား စစ်ဆေးရေးဂိတ်တွင် လူသွားစင်္ကြံလမ်းကို စက်တင်ဘာ ၁၃ ရက်တွင် ပြန်ဖွင့်ပေးခဲ့သော်လည်း လမ်းလျှောက် ဖြတ်သန်းခွင့်သာ ခွင့်ပြုပေးထားပြီး မော်တော်ယာဉ်များ ဖြတ်သန်းခွင့်ကို တားမြစ်ပိတ်ပင်ထားသည်။

ထိုစစ်ဆေးရေးဂိတ်သည် ဆိုင်မြစ် (Sai River) ပေါ်မှ ဖြတ်သန်းဖောက်လုပ်ထားသည့် အမှတ် ၁ ထိုင်း-မြန်မာ ချစ်ကြည်ရေးတံတားနှင့် ချိတ်ဆက်ထားသည်။

Source: ဘန်ကောက်ပို့စ်

CNI News

၂၀၂၄ ခုနှစ်၊ စက်တင်ဘာ ၁၃

ရှမ်းပြည်နယ်တောင်ပိုင်း၊ ကလောမြို့တွင် မိုးသည်းထန်စွာ ရွာသွန်းပြီး တောင်ကျရေကြီးမှုကြောင့် ပေ ၁၅-၂၀ ပေအထိ ရေနစ်မြှုပ်ခဲ့ကာ လူဦးရေ ၁၀၀ ဝန်းကျင် သေဆုံးခဲ့ကြောင်း ဒေသခံများက ပြောသည်။

လက်ရှိတွင် အလောင်း ၄၀ ဦး ဆယ်ယူရရှိထားပြီးဖြစ်ကြောင်း လူနေအိမ် ၅၀၀ ခန့် ပျက်စီးသွားကြောင်း ဒေသခံများက ပြောသည်။

Thin Zar Htet ဖေ့စ်ဘွတ်ခ်အကောင့်က “ဒီတစ်ခါ အသေအပျောက်တွေရှိရတဲ့ အကြောင်းရင်းက လူကြီး သူမတွေက နှစ်တိုင်းတက်နေကျပါအေဆိုပြီး ရွှေ့ခိုင်းမရလို့များတယ်တဲ့၊ ရေတက်အရမ်းမြန်တာမို့ ဘာမှလုပ်ချိန်မရပါဘူးတဲ့၊ ခုတော့ ဖုန်းလိုင်းတချို့ပြန်ရပြီ ပြောပါတယ်။ မီးမလာတော့ အားကုန်နေကြတယ်၊ MPT တွေတော့ရတယ် အသံတော့သိပ်မကြည်ပါဘူး။ စားသောက်ဖို့ကလည်း ဆိုင်တွေအကုန်မြှုပ်တော့ ရောင်း ပေးနိုင်တဲ့ဆိုင် သိပ်မရှိဘူးပြောပါတယ်။ ကိုကြည်မြင့်ဆိုင်ထိ ရေတက်ထားတာမို့လေ ။ အချင်းချင်း ကူလို့ရသမျှ တော့ ကူနေကြပါတယ်တဲ့ လမ်းတွေလည်း စရှင်းနေကြပြီပြောပါတယ်”ဟု ကလောရေကြီးမှု အနောက်ဆုံး အခြေအနေနှင့်ပတ်သက်ပြီး ရေးသားထားသည်။

လက်ရှိ မြန်မာနိုင်ငံတွင် ရှမ်းပြည်နယ်တောင်ပိုင်း၊ ရှမ်းပြည်နယ်အရှေ့ပိုင်း၊ ကရင်ပြည်နယ်၊ မွန်ပြည်နယ်၊ ပဲခူး တိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ နေပြည်တော် စသည့် ဒေသများမှာ ရေကြီးရေ လျှံ ဖြစ်ကာ ဒေသတွင်းနေ ပြည်သူများ ရေဘေးရှောင်နေကြရသည်။