CNI News

၂၀၂၂ ခုနှစ်၊ မေလ ၁၀

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ကိုယ်တိုင် တွေ့ဆုံ ဆွေးနွေးမည့် ငြိမ်းချမ်းရေး ဖိတ်ခေါ်မှုသည် တိုင်းရင်းသားများ တည်ဆောက်လိုသည့် ဖက်ဒရယ်ပြည်ထောင်စုအတွက် လမ်းစ သို့မဟုတ် အခွင့်အလှမ်း တစ်ရပ်ဖြစ်သည်ဟု နိုင်ငံရေး လေ့လာသုံးသပ်သူများက ပြောသည်။

နစကဥက္ကဋ္ဌက တိုင်းရင်းသား လက်နက်ကိုင် အဖွဲ့အစည်း(EAO)များကို ငြိမ်းချမ်းရေး ဆွေးနွေးရန် ဖိတ်ခေါ်ကြောင်း၊ EAO ခေါင်းဆောင်များနှင့် မိမိကိုယ်တိုင် တွေ့ဆုံ ဆွေးနွေးမည်ဖြစ်ကြောင်း၊ မေလ ၉ ရက်နေ့ နောက်ဆုံးထား တက်ရောက်မည့် လူပုဂ္ဂိုလ်များ၏ စာရင်းပေးစေလိုကြောင်း ဧပြီ ၂၂ ရက်တွင် ပြောကြားခဲ့သည်။

နစကဥက္ကဋ္ဌ၏ ငြိမ်းချမ်းရေး ဖိတ်ခေါ်မှုသည် ထောင်ချောက်ဆိုသည်ထက် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး (သို့မဟုတ်) အသစ်ရေးဆွဲရေးကို တောင်းဆိုနိုင်သည့် ဖက်ဒရယ်ပြည်ထောင်စုတည်ဆောက်ရေး လမ်းစတစ်ခုဖြစ်နိုင် သည်ဟု နိုင်ငံရေးလေ့လာသုံးသပ်သူ ဦးရဲထွန်းက CNI သတင်းဌာနသို့ ပြောသည်။

ဦးရဲထွန်းက “တိုင်းရင်းသား လက်နက်ကိုင်အဖွဲ့အစည်းတွေ ဘက်ကကြည့်ရင် ပြီးခဲ့တဲ့ ၁၀ နှစ်၊ ၂၀၁၀ ကနေ ၂၀၂၀ အထိ ပေါ့၊ ဘာပဲဖြစ်ဖြစ် တပ်က ရေးဆွဲချမှတ်ထားတဲ့ လမ်းအတိုင်း လျှောက်ရတာပဲလေ။ တပ်က ပိုင်ပိုင်နိုင်နိုင် အာဏာကို ဆုပ်ကိုင် ထားနိုင်တဲ့ အခြေအနေမျိုးမှာဆိုလို့ရှိရင် တပ်နဲ့ပဲ ညှိလို့ရှိရင် အဆင်ပြေတယ်ဆိုတဲ့ အဓိက၊ ကာချုပ်က သူကိုယ်တိုင် တွေ့ပါ မယ်လို့ ပြောပေမယ့် ၂၀၀၈ အခြေခံဥပဒေကို ပြန်ပြီးတော့ ပြင်ဆင်ပြီးတော့ သွားကြတာပေါ့ဆိုရင်တော့ နဂို အတိုင်း ပြန် ရောက်သွားမှာ။ အဲတော့ ဘာကိုတောင်းဆိုသင့်တာလဲဆိုတော့ ဟုတ်ပြီ အနာဂတ် သာယာဝပြောတဲ့ တိုင်းရင်းသား အားလုံး စည်းလုံးညီညွတ်ရေးကို တည်ဆောက်မယ့် နိုင်ငံတော်အတွက်ကို အခြေခံဥပဒေအသစ် ပြန်ရေးမှာလား။ ခင်ဗျား ပြန်ရေးပေး နိုင်တဲ့ အဲလို အခြေအနေရှိတယ်၊ အဲတော့ ခင်ဗျားအဲတာကို လုပ်ပေးမှာလားဆိုတာက အရေးကြီးတာ၊ ထောက်ချောက်တော့ မဟုတ်ဘူး။ တိုင်းရင်းသား လက်နက်ကိုင် အဖွဲ့အစည်းတွေက တောင်းဆိုရမှာ”ဟု ပြောသည်။

တိုင်းရင်းသားလက်နက်ကိုင် ခေါင်းဆောင်များ 

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ထိုးထားသည့် တိုင်းရင်းသား လက်နက်ကိုင် (၁၀)ဖြင့် ဖွဲ့ စည်းထားသော ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST)သည် ဗိုလ်ချုပ်မှူးကြီးမင်းအောင်လှိုင်၏ ငြိမ်းချမ်းရေး ဖိတ် ခေါ်ချက်သည် ထောင်ချောက်လား၊ ဖက်ဒရယ်ပြည်ထောင်စုတည်ဆောက်ရေးအတွက် အခွင့်အလှမ်းလားဟူ၍ ဆွေးနွေးခဲ့ ကြကြောင်း ငြိမ်းချမ်းရေး လုပ်ငန်းစဉ်တွင် ပါဝင်နေသူ ဦးခွန်းဆိုင်က CNI သတင်းဌာနသို့ ပြောသည်။

ဦးခွန်းဆိုင်က “ဒီဥစ္စာကိုတော့ အခွင့်အရေးအဖြစ် မြင်တဲ့လူတွေလည်း ရှိတာပေါ့ဗျာ။ ထောင်ချောက်လို့ မြင်တဲ့လူလည်း ရှိ တာပေါ့။ ဒီလိုမျိုးကို ပြီးခဲ့တဲ့ ၂၀၁၁ ကလည်း တစ်ခါပေါ့ဗျာ။ ၂၀၁၁ သမ္မတကြီး ဦးသိန်းစိန်လက်ထက်က ၂၀၁၁ ခုနှစ်၊ သြဂုတ် ၁၈ ရက်နေ့က ငြိမ်းချမ်းရေး ဆွေးနွေးပွဲအတွက် ဖိတ်ခေါ်တဲ့ အခါကျတော့ ဟာ ဒါက အခွင့်အလှမ်းလား၊ ထောင်ချောက် လားလို့ အဲလိုမြင်ခဲ့ကြတယ်။ ဒါပေမယ့် သူက အခွင့်အလှမ်း ဖြစ်ခဲ့တယ်ပေါ့ဗျာ။ ဒါပေမယ့် ဒီတစ်ခေါက်တော့ အခွင့်အလှမ်း ဖြစ်မလား၊ ထောင်ချောက်ဖြစ်မလားဆိုတာကတော့ ကျနော်တို့ PPST အစည်းအဝေးထဲမှာ ဆွေးနွေးတဲ့ အခါ ကျတော့ အခွင့် အလှမ်းလို့ပဲ မြင်ပြီးတော့ သွားမယ်ဆိုရင်တော့ ဒါကတော့ လူအပေါ့ဗျာ။ တကယ်လို့ ထောင်ချောက်အဖြစ် မြင်ပြီးတော့ သွားမယ်ဆိုလို့ရှိရင်လည်း ဒါကတော့ သူရဲဘောနည်းတယ်ပေါ့ဗျာ။ အဲလိုပြောကြတာရှိတယ်။ အကုန်လုံး သွားမယ်ဆိုရင် တော့ ပြင်ဆင်ပြီးမှသွားကြရမယ်ဆိုပြီးတော့ ပြောတာတော့ရှိတယ်။ ကျနော် ဒီလောက်ပဲ ပြောချင်ပါတယ်” ဟု ပြောသည်။

၂၀၁၆ ခုနှစ်၊ ဇူလိုင်လက တိုင်းရင်းသားလက်နက်ကိုင်များ ညီလာခံ 

မြန်မာနိုင်ငံတွင် ငြိမ်းချမ်းရေး ဆွေးနွေးမှုများကို တိုင်းရင်းသား လက်နက်ကိုင် အဖွဲ့အစည်းများက အစုအဖွဲ့ တစ်ခု အဖြစ် တည်ရှိခဲ့သော်လည်း တခြားဘက်မှာတော့ အစိုးရ၊ တပ်မတော်၊ လွှတ်တော်ဟု ကွဲပြားနေခြင်းကြောင့် ရှေ့ရောက်သင့် သ လောက် မရောက်ဘဲ ဖြစ်ခဲ့ကြောင်း ထောက်ပြမှုများ ရှိခဲ့ကြသည်။

သို့သော် ဦးသိန်းစိန် ဦးဆောင်သည့် အစိုးရလက်ထက်တွင် အစိုးရ၊ တပ်မတော်၊ လွှတ်တော် အစုအဖွဲ့မှာ ညီညွတ်ခဲ့ပြီး တိုင်းရင်းသား လက်နက်ကိုင် ၁၄ ဖွဲ့နှင့် ပြည်နယ်-ပြည်ထောင်စု အဆင့် ပဏာမ အပစ်အခတ်ရပ်စဲရေး သဘောတူစာချုပ် (Bilateral) ကို ချုပ်ဆိုနိုင်ခဲ့သလို ထို ၁၄ ဖွဲ့ထဲမှ ၈ ဖွဲ့ဖြင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) ကို ၂၀၁၅ ခုနှစ်၊ အောက်တိုဘာ ၁၅ ရက်နေ့တွင် လက်မှတ်ထိုးနိုင်ခဲ့သည်။

ထို့နောက် ၂၀၁၅ အထွေထွေရွေးကောက်ပွဲ အနိုင်ရပြီး အစိုးရ တာဝန်ကို အမျိုးသားဒီမိုကရေစီအဖွဲ့ချုပ်(NLD)က တာဝန် ရယူခဲ့ပြီးနောက် ငြိမ်းချမ်းရေး လုပ်ငန်းစဉ်များကို လက်ဆက် ဖော်ဆောင်ခဲ့ရာမှာ NCA အား မွန်ပြည်သစ်ပါတီ(NMSP)နှင့် လားဟူဒီမိုကရက်တစ်အစည်းအရုံး(LDU) တို့ လက်မှတ်ရေးထိုးခဲ့ကြသည်။

သို့သော် ၂၀၁၈ ခုနှစ်၊ အောက်တိုဘာလ ၂၇ ရက်တွင် NCA ထိုးထားသည့် ကရင်အမျိုးသားအစည်းအရုံး(KNU)က ငြိမ်းချမ်း ရေး ဆွေးနွေးပွဲများ ယာယီရပ်ဆိုင်းကြောင်း ထုတ်ပြန်ခဲ့သလို ထိုနှစ် နိုဝင်ဘာလ၌ ရှမ်းပြည်ပြန်လည်ထူထောင် ရေးကောင်စီ (RCSS)က ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ(JMC)တွင် ပါဝင်မှု ယာယီ ရပ်ဆိုင်းကြောင်း ထုတ်ပြန်ခဲ့ခြင်းကြောင့် ငြိမ်းချမ်းရေး ဆွေးနွေးပွဲများ ရပ်ဆိုင်းသွားခဲ့သည်။

NCA လက်မှတ်ထိုးခြင်း အခမ်းအနား

နိုင်ငံရေးလေ့လာသုံးသပ်သူတစ်ဦးက “ အခု SAC ခေါင်းဆောင် ကိုယ်တိုင် တွေ့မယ်လို့ ပြောတယ်။ ဒါက မြန်မာပြည်မှာ တိုင်းရင်းသားတွေ တည်ဆောက်လိုတဲ့ ဖက်ဒရယ်ပြည်ထောင်စုအတွက် လမ်းစပွင့်တာပဲ၊ ဒီဆွေးနွေးပွဲကနေ ဆက်သွား နိုင်ခဲ့မယ်ဆိုရင် တိုင်းပြည်အတွက်လည်း ကောင်းတယ်”ဟု ပြောသည်။

လက်ရှိတွင် နစကဥက္ကဋ္ဌ ဖိတ်ခေါ်သည့် ငြိမ်းချမ်းရေး ဆွေးနွေးပွဲသို့ NCA ထိုးထားသည့် NMSP၊ LDU၊ RCSS၊ PNLO၊ ALP၊ DKBA၊ KNU/KNLA-PC တို့အပါအဝင် NCA မထိုးရသေးသည့် UWSA၊ NDAA၊ SSPP တို့ တက်ရောက်ကြမည်ဖြစ်သည်။

ထို့နောက် NCA ထိုးထားသည့် KNU၊ CNF၊ ABSDF တို့အပါအဝင် NCA မထိုးရသေးသည့် KIA၊ AA၊ TNLA၊ MNDAA၊ KNPP တို့ တက်ရောက်မည် မဟုတ်ကြောင်း သိရသည်။

အဆိုပါ ငြိမ်းချမ်းရေး ဆွေးနွေးပွဲကို ဗိုလ်ချုပ်မှူးကြီး မင်းအောင်လှိုင်က တက်ရောက်လာမည့် လက်နက်ကိုင် အဖွဲ့များဖြင့် တစ်ဖွဲ့ချင်း သီးသန့် တွေ့ဆုံမည်ဖြစ်ကြောင်း၊ ထို့နောက် နစက အဖွဲ့ဝင်များဖြင့် ဖွဲ့စည်းထားသည့် ငြိမ်းချမ်းရေးဆွေးနွေးရေး ကိုယ်စားလှယ်အဖွဲ့ဖြင့် လက်နက်ကိုင်အဖွဲ့များ ဆက်လက် ဆွေးနွေးကြမည်ဖြစ်ကြောင်း သိရသည်။

CNI News

၂၀၂၂ ခုနှစ်၊ မေ ၁၀

နစက ဥက္ကဋ္ဌမှ ဖိတ်ကြားသည့် ငြိမ်းချမ်းရေးဆွေးနွေးမှာ အစုအဖွဲ့အားလုံး ပါဝင်ရန် လိုအပ်ကြောင်း ကရင်အမျိုးသား အစည်း အရုံး (KNU)၊ ကရင်နီအမျိုးသား တိုးတက်ရေးပါတီ (KNPP)နှင့် ချင်းအမျိုးသားတပ်ဦး (CNF) တို့ ပူးတွဲ၍ မေလ ၉ ရက်တွင် ထုတ်ပြန်ခဲ့သည်။

နစက ဥက္ကဋ္ဌမှ တိုင်းရင်းသား ခုခံတော်လှန်ရေး အဖွဲ့အစည်းများ၏ ခေါင်းဆောင်များအား ငြိမ်းချမ်းရေး တွေ့ဆုံဆွေးနွေးရန် ပြောကြားခဲ့သည်ကို ကြားသိရကြောင်း ထုတ်ပြန်ချက်တွင် ဖော်ပြထားသည်။

KNU၊ KNPP၊ CNF တို့က “ပြည်ထောင်စု၏ ပြဿနာကို နိုင်ငံရေး တွေ့ဆုံဆွေးနွေးမှုဖြင့် အဖြေရှာရေးသည် မိမိတို့ တိုင်းရင်း သား လက်နက်ကိုင် တော်လှန်ရေး အဖွဲ့အစည်းများမှ အစဉ်တစိုက် တောင်းဆိုခဲ့သည့် တောင်းဆိုချက်ပင် ဖြစ်ပါသည်။ သို့ရာ တွင် လက်ရှိ တိုင်းပြည်မှ ရင်ဆိုင်ကြုံတွေ့နေရသည့် နိုင်ငံရေး အကျပ်အတည်းများကို တွေ့ဆုံဆွေးနွေး အဖြေရှာမည်ဆိုပါက ပါဝင်သင့်တော့ Stakeholder များ အားလုံးပါဝင်ရန်နှင့် ကုလသမဂ္ဂနှင့် နိုင်ငံတကာအသိုင်းအဝိုင်းတို့မှ ကြားဝင်စေ့စပ်ပေး သည့် မျှတသော တွေ့ဆုံးဆွေးနွေးရေး စားပွဲဝိုင်းအမှန် ဖြစ်ပေါ်လာမည်ဖြစ်ပြီး အဆိုပါ တွေ့ဆုံဆွေးနွေးရေး စားပွဲဝိုင်းမှ တဆင့် မိမိတို့ မျှော်မှန်းသော ဖက်ဒရယ်ပြည်ထောင်စုနိုင်ငံကို တည်ဆောက်သွားနိုင်မည်” ဟု ထုတ်ပြန်ချက်တွင် ဖော်ပြ ထားသည်။

လက်ရှိတွင် နစက ဥက္ကဋ္ဌမှ ဖိတ်ခေါ်သည့် ငြိမ်းချမ်းရေးဆွေးနွေးပွဲကို KNU၊ KNPP၊ CNF တို့ တက်ရောက်မှာ မဟုတ်ကြောင်း အသီးသီး ထုတ်ပြန်ခဲ့သည်။

NCA စာချုပ် လက်မှတ်ရေးထိုးခဲ့ကြစဉ်

ပြီးခဲ့သည့် ငြိမ်းချမ်းရေး ဆွေးနွေးပွဲများမှာ KNU အနေနှင့် ထဲထဲဝင်ဝင် ပါဝင်ခဲ့ကြောင်း၊ သို့သော်လည်း တပ်မတော်က အာဏာရယူလိုက်သည့်အတွက် ထိုငြိမ်းချမ်းရေး သဘောတူညီချက်များအားလုံး ပျက်စီးခဲ့ကြောင်း ပဒိုစောတောနီးက CNI သတင်းဌာနသို့ ပြောသည်။

၎င်းက “ကျနော်တို့ သဘောတူညီချက် ရထားခဲ့တဲ့ ဒီငြိမ်းချမ်းရေး ဆွေးနွေးပွဲကိုမှ မထောက်ထား မညာတာပဲနဲ့ အကြမ်းဖက် တဲ့ နည်းနဲ့ပဲ နောက်ဆုံးမှာ အာဏာသိမ်းလိုက်တဲ့ အခါမှာ သူ့ရဲ့ သဘောသဘာဝက ဒါရှင်းတယ်လေ၊ အဲဒါကြောင့် ကျနော်တို့ ဘာမှထည့်တွက်ပြီး ငဲ့ကွက်စရာ ဘာအကြောင်းမှ မရှိတော့ဘူး။ ရှေ့ကာလ အနာဂတ်မှာ စစ်တပ်ဟာ နိုင်ငံရေးထဲမှာ လုံးဝကို ပါခွင့် မပေးနိုင်တော့ဘူး။ ဘာဖြစ်လို့လဲဆိုတော့ စစ်တပ်ပါနေသမျှဟာ တိုင်းပြည်အကျိုးထက်ကို တိုင်းပြည်ရဲ့ ဆိုးကျိုးကို ဖြစ်ပေါ်စေတယ်၊ ဒါရှင်းလင်းတဲ့ ပြတ်သားတဲ့ အခြေအနေ တစ်ခုပါပဲ၊ အဲဒါကြောင့်မို့ ကျနော်တို့ ပြတ်ပြတ်သားသား ဆုံးဖြတ် လိုက်တာကတော့ စစ်တပ်ဟာ နိုင်ငံရေးကနေ စွန့်ခွာရမယ်၊ အခုလက်ရှိ မထွက်နိုင်ဘူး၊ လက်တွေ့မကျဘူး ပြောတဲ့လူတွေ အများကြီး ရှိတယ်ဆိုပေမဲ့လည်း ကျနော်တို့ လက်တွေ့ကျအောင် နည်းလမ်းတွေ ကျနော်တို့ ဆက်လက် လုပ်နေပါတယ်ဆို တာ တွေ့နေရပါတယ်၊ ဘာကြောင့်လဲဆိုတော့ စစ်အာဏာသိမ်းမှုထဲမှာ ကျနော်တို့ ရည်မှန်းချက် ပန်းတိုင်က ရှင်းတယ်၊ စစ် အာဏာရှင် ချုပ်ငြိမ်းရေးအတွက်ပဲ ကျနော်တို့ လုပ်တယ်၊ အဲဒါကြောင့်မို့ ဒီလုပ်နေတဲ့ ကာလအတွင်းမှာ စစ်တပ်နဲ့ ဘာမှ သွား ပြီးတော့ ဆွေးနွေးစရာအကြောင်းကို မရှိဘူးဆိုတာတော့ ရှင်းရှင်းလင်းလင်း ပြောလိုပါတယ်” ဟု ပြောသည်။

ငြိမ်းချမ်းရေးစေ့စပ်ညှိနှိုင်းရေးခေါင်းဆောင်များ

နစက၏ ငြိမ်းချမ်းရေးဆွေးနွေးပွဲကို NCA ထိုးထားသည့် သျှမ်းပြည်ပြန်လည်ထူထောင်ရေးကောင်စီ (RCSS/SSA)၊ ဒီမိုကရေစီ အကျိုးပြု ကရင်တပ်မတော် (DKBA)၊ ရခိုင်ပြည် လွတ်မြောက်ရေးပါတီ (ALP)၊ ကရင်အမျိုးသား အစည်းအရုံး/ ကရင်အမျိုး သား လွတ်မြောက်ရေး တပ်မတော်- ငြိမ်းချမ်းရေးကောင်စီ (KNU/ KNLA-PC)၊ ပအိုဝ်းအမျိုးသား လွတ်မြောက်ရေး အဖွဲ့ချုပ် (PNLO)၊ မွန်ပြည်သစ်ပါတီ (NMSP)တို့ တက်ရောက်ကြမည် ဖြစ်သည်။

သို့သော် NCA ထိုးထားသည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်မတော်(ABSDF)၊ ချင်းအမျိုးသား တပ်ဦး (CNF)တို့ကတော့ တက်ရောက်မည် မဟုတ်ကြောင်း အသီးသီး ထုတ်ပြန်ထားသည်။

အလားတူ NCA မထိုးထားသည့် လက်နက်ကိုင်များထဲကတော့ UWSA၊ NDAA၊ SSPP/SSA တို့ တက်ရောက်မည်ဖြစ်ပြီး KIA၊ AA၊ TNLA၊ MNDAA၊ KNPP တို့ မတက်ရောက်ကြောင်း သိရသည်။

CNI News

၂၀၂၂ ခုနှစ်၊ မေလ ၁၀

မြန်မာ့လူ့ဘောင်သစ် ဒီမိုကရက်တစ်ပါတီအား (၁) နှစ် ယာယီရပ်ဆိုင်းကြောင်း ပြည်ထောင်စု ရွေးကောက်ပွဲကော်မရှင် (UEC)က မေလ ၃ ရက်နေ့စွဲဖြင့် ထုတ်ပြန် ကြေညာခဲ့သည်။

ပါတီပိုင် ရန်ပုံငွေ၊ ငွေကြေး၊ ပစ္စည်းစာရင်းများနှင့် စပ်လျဉ်းပြီး စစ်ဆေးခံရန် နှစ်ကြိမ်တိုင်တိုင် ပျက်ကွက်ခဲ့ခြင်းကြောင့် နိုင်ငံရေးပါတီအဖြစ် မှတ်ပုံတင်ထားခြင်းကို ရပ်ဆိုင်းလိုက်ကြောင်း UEC ၏ ထုတ်ပြန်ချက်တွင် ဖော်ပြထားသည်။

UEC ထုတ်ပြန်ချက်

UEC က “ပြည်ထောင်စုရွေးကောင်ပွဲကော်မရှင် (UEC) အနေဖြင့် ၂-၅-၂၀၂၂ ရက်နေ့တွင် ကျင်းပပြုလုပ်သော စီမံခန့်ခွဲရေး ကော်မတီ အစည်းအဝေး အမှတ်စဉ် (၃/၂၀၂၂) ၏ ဆုံးဖြတ်ချက်အရ မြန်မာ့လူ့ဘောင်သစ် ဒီမိုကရက်တစ်ပါတီ အနေဖြင့် သတ်မှတ်ရက်အတွင်း လာရောက် စစ်ဆေးခံရန် ထပ်မံ ပျက်ကွက်ခဲ့ကြောင်း စိစစ်တွေ့ရှိရသဖြင့် နိုင်ငံရေးပါတီအဖြစ် မှတ်ပုံ တင် ထားခြင်းကို (၁)နှစ် ယာယီရပ်ဆိုင်းရန်နှင့် ယာယီရပ်ဆိုင်းထားသော ကာလအတွင်း ကော်မရှင်က ညွန်ကြားထားသော ပါတီပိုင် ရန်ပုံငွေ၊ ငွေကြေး၊ ပစ္စည်းစာရင်းများ၊ စစ်ဆေးခံနိုင်ရေး ဆောင်ရွက်ခြင်းမှအပ ကျန်လုပ်ငန်း အားလုံးကို ရပ်ဆိုင်း ထားစေရန် ဆုံးဖြတ်ခဲ့ပါသည်” ဟု ဖော်ပြထားသည်။

ထို့အတွက်ကြောင့် မြန်မာ့လူ့ဘောင်သစ် ဒီမိုကရက်တစ်ပါတီအား နိုင်ငံရေးပါတီများ မှတ်ပုံတင်ခြင်း ဥပဒေ ပုဒ်မ ၂၄ (ဂ)အရ ယနေ့မှ စ၍ (၁) နှစ် ယာယီရပ်ဆိုင်းကြောင်း၊ ထို့အတူ ပါတီပိုင် ရန်ပုံငွေ၊ ငွေကြေး၊ ပစ္စည်းစာရင်းများ၊ စစ်ဆေးခံနိုင်ရေး ဆောင်ရွက်ခြင်းမှအပ ကျန်လုပ်ငန်း အားလုံးကို ရပ်ဆိုင်းထားစေရန် နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၂၄ (ဃ) အရ ညွှန်ကြားလိုက်ကြောင်း ထုတ်ပြန်ခဲ့သည်။

CNI News

၂၀၂၂ ခုနှစ်၊ မေလ ၉

အရပ်သားအစိုးရထံမှ အာဏာရယူထားသည့် တပ်မတော်မှ ဖိတ်ကြားသည့် ငြိမ်းချမ်းရေးဆွေးနွေးပွဲသည် တရားမဝင် အဖွဲ့ ဖြစ်သည့်အတွက် တက်ရောက်မှာ မဟုတ်ကြောင်း ကရင်အမျိုးသားအစည်းအရုံး (KNU) မှ နိုင်ငံခြားရေး တာဝန်ခံ ပဒိုစောတောနီးက CNI သတင်းဌာနသို့ ပြောသည်။

၂၀၂၁ ခုနှစ်၊ ဖေဖော်ဝါရီ ၁ ရက် နောက်ပိုင်း တပ်မတော်မှ အာဏာရယူပြီးနောက် နစကမှာ တရားမဝင်သည့် အဖွဲ့အစည်း ဖြစ်ကြောင်း၊ ထို့ကြောင့် တရားဝင်သည့် နိုင်ငံရေးဆွေးနွေးပွဲများ ခေါ်ပိုင်ခွင့်မရှိကြောင်း ၎င်းက ပြောသည်။

ပဒိုစောတောနီးက “ စစ်အာဏာသိမ်းပြီးတဲ့ နောက်ပိုင်းမှာ စစ်တပ်ဟာ တရားမဝင် အဖွဲ့အစည်း တစ်ခုဖြစ်တာနဲ့အညီ အဲလို တရားဝင်တဲ့ နိုင်ငံရေးဆွေးနွေးပွဲ ခေါ်ပိုင်ခွင့် မရှိဘူးလေ။ သူကိုယ်တိုင်က တရားမဝင်တဲ့ဖြစ်သော ဒီအလုပ်ကို လုပ်ထိုက်လား၊ မလုပ်ထိုက်လားဆိုတာ သူ့ဟာသူတော့ သိဖို့သင့်တယ်ဆိုတာ ကျနော်တို့ အဲဒီလိုကိစ္စမျိုး ရှိနေတဲ့အခါ ကျနော်တို့ဖက်က ရှင်းတယ်လေ၊ ဒီလို တရားမဝင်တဲ့ နိုင်ငံရေး ဆွေးနွေးပွဲမျိုးကို ကျနော်တို့ ဘယ်လိုမှ သွားလို့မရဘူးဆိုတာ အခေါက်ခေါက် အခါခါ ပြောပြီးသားပါ၊ အဲဒါကြောင့် ကျနော်တို့ ရပ်တည်ချက်က ဒီလိုနိုင်ငံရေး ဆွေးနွေးပွဲကို ကျနော်တို့ ဝင်ပါပြီးတော့ မရဘူးဆိုတာ အဲဒီကိစ္စပါ ပါတယ် ”ဟု CNI သတင်းဌာနသို့ ပြောသည်။

တပ်မတော် အနေဖြင့် နိုင်ငံရေးတွင် နှစ်ပေါင်း ၆၀ နီးပါး ဝင်ပါလာခဲ့ကြောင်း၊ ထို့ကြောင့် မဖြေရှင်းနိုင်သည့် ပြဿနာများ တစ်ခုပြီးတစ်ခု ပေါ်ပေါက်ခဲ့ကြောင်း၊ တပ်မတော်အနေဖြင့် နိုင်ငံရေးမှ စွန့်ခွာရမည်ဖြစ်ကြောင်း ပဒိုစောတောနီးက ပြော သည်။

အမျိုးသားညီညွတ်ရေးအစိုးရ (NUG)၊ ဒေသကာကွယ်ရေးတပ် (PDF) တို့ကို အကူအညီ ပေးနေသည့် တိုင်းရင်းသား လက်နက်ကိုင် အဖွဲ့အစည်း ၄ ဖွဲ့မှာ တက်ရောက်မှာ မဟုတ်ကြောင်းကို ယခင်ကတည်းက မှတ်ချက်ပေးခဲ့ကြောင်း၊ လက်ရှိ တွင် တပ်မတော်ကို နိုင်ငံရေးမှ စွန့်ခွာရန် ပြောဆိုချက်မှ လက်တွေ့မကျကြောင်း နိုင်ငံရေးလေ့လာသုံးသပ်သူ ဦးရဲထွန်းက CNI သတင်းဌာနသို့ ပြောသည်။

PPST ကိုယ်စားလှယ်များ

ဦးရဲထွန်းက “ တခြား အဖွဲ့အစည်းတွေက အားလုံး မပါဝင်ဘူး။ အထူးသဖြင့်တော့ NUG တို့၊ PDF တွေ မပါဝင်ပဲနဲ့ ငြိမ်းချမ်း ရေး ဆွေးနွေးပွဲ ခေါ်တယ်ဆိုတာက ဒါ အဓိပ္ပာယ်မရှိဘူးဆိုတဲ့ဟာမျိုး ပြောတာရှိတာပေ့ါနော်၊ ဆိုတော့ အဲဒီလို ပြောတယ် ဆိုရင်တော့ ဒီပြောဆိုချက် ထောက်ပြချက်က အကျိုးအကြောင်းရှိတယ်လို့ ပြောရမှာပေါ့နော်၊ တပ်ကနေပြီးတော့ ဒီနိုင်ငံ ရေးကနေ စွန့်ခွာရမယ်ဆိုတဲ့ ဟာမျိုးက တကယ် ပြောမယ်ဆိုရင်တော့ တပ်ကလည်း ဒီ ၂၀၀၈ အခြေခံဥပဒေအရ သူတို့ရဲ့ လမ်းပြမြေပုံအတိုင်း သွားပြီးတဲ့ အခါမှာ နောက်ဆုံး တစ်နေ့မှာ နိုင်ငံရေးကနေ စွန့်ခွာဖို့ဆိုတာ ပြောထားပြီးသားပဲ၊ အထူး သဖြင့် ဗိုလ်ချုပ်မှူးကြီး မင်းအောင်လှိုင်က ပြောတာ ကျနော် ၂ ခါလောက် သတိထားမိတယ်၊ ဆိုတော့ ဒီရည်ရွယ်ချက် ကတော့ ရှိတယ်လို့ ဆိုရမှာပေါ့နော်၊ လောလောဆယ် အဲဒီက ဥစ္စာကို ထောက်ပြပြီးတော့ ပြောတာကတော့ သိပ်ပြီးတော့ လက်တွေ့ မကျဘူးလို့ ပြောနိုင်တာပေါ့ ”ဟု ပြောသည်။

နစက ဥက္ကဋ္ဌက လူကိုယ်တိုင် တွေ့မည်ဆိုခြင်းကြောင့် အားလုံး လက်ခံသဘောတူသည့် အနာဂတ် မြန်မာနိုင်ငံတော် အတွက် ဆွေးနွေးသင့်ကြောင်း ၎င်းက ပြောသည်။

UWSA

နစက ဥက္ကဋ္ဌက လက်ရှိ ၂၀၂၂ ခုနှစ်သည် ငြိမ်းချမ်းရေးနှစ်ဖြစ်ကြောင်း၊ တစ်နိုင်ငံလုံး လက်နက်ကိုင်ပဋိပက္ခများ ချုပ်ငြိမ်းရန် ဆောင်ရွက်မည်ဖြစ်ကြောင်း၊ တိုင်းရင်းသားလက်နက်ကိုင် တော်လှန်ရေးခေါင်းဆောင်များနှင့် တွေ့ဆုံဆွေးနွေးရန် ဖိတ်ခေါ် ကြောင်း ပြောကြားခဲ့သည်။

KNU သည် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်(NCA)ထိုးထားသည့် ကရင်လက်နက်ကိုင် ဖြစ် သည်။

နစက၏ ငြိမ်းချမ်းရေးဆွေးနွေးပွဲကို NCA ထိုးထားသည့် ဒီမိုကရေစီ အကျိုးပြု ကရင်တပ်မတော် (DKBA)၊ ရခိုင်ပြည် လွတ်မြောက်ရေးပါတီ (ALP)၊ ကရင်အမျိုးသား အစည်းအရုံး/ ကရင်အမျိုးသား လွတ်မြောက်ရေး တပ်မတော်- ငြိမ်းချမ်းရေးကောင်စီ (KNU/ KNLA-PC)၊ ပအိုဝ်းအမျိုးသား လွတ်မြောက် ရေး အဖွဲ့ချုပ် (PNLO)၊ မွန်ပြည်သစ်ပါတီ (NMSP)တို့ တက်ရောက်ကြမည် ဖြစ်သည်။

သို့သော် NCA ထိုးထားသည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်မတော်(ABSDF)၊ ချင်းအမျိုးသား တပ်ဦး (CNF)တို့ကတော့ တက်ရောက်မည် မဟုတ်ကြောင်း အသီးသီး ထုတ်ပြန်ထားသည်။

အလားတူ NCA မထိုးထားသည့် လက်နက်ကိုင်များထဲကတော့ UWSA၊ NDAA တို့ တက်ရောက်မည်ဖြစ်ပြီး KIA၊ AA၊ TNLA၊ MNDAA၊ KNPP တို့ မတက်ရောက်ကြောင်း သိရသည်။

CNI News

၂၀၂၂ ခုနှစ်၊ မေလ ၉

သက်ဆိုင်သူများ အားလုံးပါဝင် ဆွေးနွေးသည့် အခင်းအကျင်း မဖြစ်သည့်အတွက် တက်ရောက် နိုင်မည် မဟုတ်ကြောင်း ကရင်အမျိုးသားအစည်းအရုံး(KNU)က ယနေ့ (မေလ ၉ ရက်)ထုတ်ပြန်ခဲ့သည်။

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ငြိမ်းချမ်းရေး ဆွေးနွေးရန် တိုင်းရင်းသား လက်နက်ကိုင် အဖွဲ့အစည်း(EAO) များကို ဖိတ်ခေါ်ကြောင်း၊ EAO ခေါင်းဆောင်များကို ကိုယ်တိုင်တွေ့ဆုံ ဆွေးနွေးမည်ဖြစ်ကြောင်း၊ မေလ ၉ ရက်နေ့ နောက် ဆုံးထား စာရင်းပေးစေလိုပါကြောင်း ဧပြီ ၂၂ ရက်က ပြောကြားခဲ့သည်။

KNU က “မိမိတို့နိုင်ငံ၏ ရေရှည်တည်တံ့ခိုင်မြဲသော ငြိမ်းချမ်းရေးကို တည်ဆောက်လိုလျှင် အနာဂတ် ဖက်ဒရယ်ဒီမိုကရေ စီ ပြည်ထောင်စုအား တည်ဆောက်လိုသည့် သက်ဆိုင်ပတ်သက်သူများ အားလုံးပါဝင်သော တွေ့ဆုံ ဆွေးနွေးအဖြေရှာ သည့် တွေ့ဆုံ ဆွေးနွေးမှုမျိုး ဖြစ်ရပါမည်။ ယခုဖိတ်ကြားမှုသည် ကန့်သတ်ဖိတ်ကြားမှုပုံစံဖြစ်နေပြီး သက်ဆိုင်ပတ်သက်သူ များ အားလုံး ပါဝင်ခြင်းမရှိသည့်အတွက် ဖိတ်ကြားမှုတွင် မျှော်မှန်းထားသကဲ့သို့ ရေရှည်တည်တံ့ခိုင်မြဲသော ငြိမ်းချမ်းရေး ကို မရရှိနိုင်သလို လက်နက်ကိုင်ပဋိပက္ခများလည်း ချုပ်ငြိမ်းနိုင်မည်မဟုတ်ဟု ရှုမြင်သုံးသပ်ပါသည်။ သို့ဖြစ်၍ သက်ဆိုင်သူ များ အားလုံးပါဝင်ဆွေးနွေးသည့် အခင်းအကျင်း မဖြစ်သည့်အတွက် တက်ရောက်မည်မဟုတ်ပါ”ဟု ထုတ်ပြန် ပြောကြား ခဲ့သည်။

KNU သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ထိုးထားသည့် လက်နက်ကိုင်အဖွဲ့ဖြစ်သည်။

KNU ပါဝင်သည့် ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST)မှ အဖွဲ့ဝင်များဖြစ်ကြသည့် ဒီမိုကရေစီ အကျိုးပြု ကရင်တပ်မတော် (DKBA)၊ ရခိုင်ပြည် လွတ်မြောက်ရေးပါတီ (ALP)၊ ကရင်အမျိုးသား အစည်းအရုံး/ ကရင်အမျိုးသား လွတ်မြောက်ရေး တပ်မတော်- ငြိမ်းချမ်းရေးကောင်စီ (KNU/ KNLA-PC)၊ ပအိုဝ်းအမျိုးသား လွတ်မြောက် ရေး အဖွဲ့ချုပ် (PNLO)၊ မွန်ပြည်သစ်ပါတီ (NMSP)တို့ တက်ရောက်ကြမည် ဖြစ်သည်။

သို့သော် PPST တခြား အဖွဲ့ဝင်များဖြစ်သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်မတော်(ABSDF)၊ချင်းအမျိုးသားတပ်ဦး (CNF)တို့ကတော့ တက်ရောက်မည် မဟုတ်ကြောင်း အသီးသီး ထုတ်ပြန်ထားသည်။

CNI News

၂၀၂၂ ခုနှစ်၊ မေလ ၇

နစက ဥက္ကဋ္ဌက ဖိတ်ကြားသည့် ငြိမ်းချမ်းရေးဆွေးနွေးပွဲကို အပစ်ရပ် (၁၀) ဖွဲ့ဖြင့် ဖွဲ့စည်းထားသည့် ငြိမ်းချမ်းရေး လုပ်ငန်းစဉ် ဦးဆောင်အဖွဲ့(PPST) မှ အဖွဲ့ဝင် ၅ ဖွဲ့နှင့် အမျိုးသားဒီမိုကရေစီ မဟာမိတ် တပ်မတော် (NDAA)တို့ တက်ရောက်မည် ဖြစ်ကြောင်း သိရသည်။

အဆိုပါ ငြိမ်းချမ်းရေး ဆွေးနွေးရန် ဖိတ်ကြားမှုနှင့် ပတ်သက်၍ မေလ ၆ ရက်နေ့က ကျင်းပသည့် PPST ၏ အထူးအစည်းအဝေးတွင် အဖွဲ့အသီးသီးမှ သဘောထား ပေးခဲ့ကြကြောင်း PPST မှ ပြောခွင့်ရပုဂ္ဂိုလ် ဗိုလ်မှူးကြီး စောကျော်ညွန့်က CNI သတင်းဌာနသို့ ပြောသည်။

ဗိုလ်မှူးကြီး စောကျော်ညွန့်က “ မနေ့က ကျနော်တို့ အစည်းအဝေးထိုင်တဲ့ အချိန်မှာတော့ PPST က တက်ဖို့ သဘောထားပေးတဲ့ အဖွဲ့က ၅ ဖွဲ့ရှိတယ်၊ ကျန်တဲ့ ၂ ဖွဲ့ကတော့ သူတို့ ဗဟိုကော်မတီ အစည်းအဝေးတွေ ပြန်ထိုင်ဖို့ ရှိသေးတယ်ဆိုတော့ သဘောထား မပေးနိုင်တဲ့ အဖွဲ့က တစ်ဖွဲ့ရှိတယ်၊ ပြီးတော့ နောက်တစ်ဖွဲ့က သူတို့ အဖွဲ့အစည်း အနေအထား လက်ရှိ အခက်အခဲအရ ဒီပွဲတစ်ပွဲကိုတော့ လောလောဆယ် တက်ဖို့ အစီအစဉ် မရှိသေးဘူးဆိုပြီးတော့ သဘောထားပေးတဲ့ အဖွဲ့ တစ်ဖွဲ့ရှိပါ တယ် ” ဟု ပြောသည်။

နစက၏ ငြိမ်းချမ်းရေး ဆွေးနွေးပွဲသို့ တက်ရောက်မည့် PPST အဖွဲ့ဝင် လက်နက်ကိုင်အဖွဲ့များမှာ ဒီမိုကရေစီ အကျိုးပြု ကရင်တပ်မတော် (DKBA)၊ ရခိုင်ပြည် လွတ်မြောက်ရေးပါတီ (ALP)၊ ကရင်အမျိုးသား အစည်းအရုံး/ ကရင်အမျိုးသား လွတ်မြောက်ရေး တပ်မတော်- ငြိမ်းချမ်းရေးကောင်စီ (KNU/ KNLA-PC)၊ ပအိုဝ်းအမျိုးသား လွတ်မြောက် ရေး အဖွဲ့ချုပ် (PNLO)၊ မွန်ပြည်သစ်ပါတီ (NMSP)တို့ ဖြစ်ကြသည်။

UWSA တပ်ဖွဲ့ကိုတွေ့ရစဉ်(ဖရွန်းတီးယားမြန်မာ)

ထို့နောက် ပြည်ထောင်စုနိုင်ငံရေး ဆွေးနွေးညှိနှိုင်းရေး ကော်မတီ(FPNCC) အဖွဲ့ဝင် အမျိုးသားဒီမိုကရေစီ မဟာမိတ် တပ်မတော်(NDAA-မိုင်းလားအဖွဲ့)လည်း တက်ရောက်မည်ဖြစ်ကြောင်း၊ FPNCC အနေဖြင့် တက်ရောက်ခြင်းမဟုတ်ကြောင်း NDAA ၏ အထွေထွေအတွင်းရေးမှူး ဦးကြည်မြင့်က CNI သတင်းဌာနသို့ ပြောသည်။

ဦးကြည်မြင့်က “ကျနော်တို့ကတော့ နိုင်ငံရေးကိစ္စတွေ နိုင်ငံရေးကိစ္စနဲ့ စားပွဲပေါ်မှာ ဆွေးနွေးမယ်ဆိုတော့ တက်မယ်ဆိုပြီး တောက်လျှောက် ဆုံးဖြတ်ထားတာပဲ။ အဲလိုရှိရင်တော့ ကျနော်တို့ တက်မှာပါ”ဟု ပြောသည်။

ငြိမ်းချမ်းရေးဆွေးနွေးရေး ဖိတ်ခေါ်ချက်နှင့် ပတ်သက်၍ တက်ဖြစ်၊ မတက်ဖြစ် မသိရှိရသေးကြောင်း၊ လက်ရှိ အချိန်ထိ ဆွေးနွေး တိုင်ပင်နေကြကြောင်း ‘ဝ’ ပြည် သွေးစည်းညီညွတ်ရေး တပ်မတော် (UWSA)မှ ပြန်ကြားရေးတာဝန်ခံ ဦးညီရမ်း က CNI သတင်းဌာနသို့ ပြောသည်။

KNU အဖွဲ့၀င်များကိုတွေ့ရစဉ်

ဦးညီရမ်းက “အခုချိန်ထိပေါ့နော် ကျနော်တို့ ဗဟိုဌာနချုပ်က ဘာမှပြောသံတော့ မကြားသေးဘူးပေါ့။ ကျနော်တို့ အဖွဲ့က သိတဲ့ အတိုင်းပဲလေနော်၊ ဗဟို ပေါ်လစ်ဗျူရို ရှိတယ်လေ၊ အဲဒါ ဗဟို ပေါ်လစ်ဗျူရိုရဲ့ စည်းဝေး ဆုံးဖြတ်ချက်တွေက ဖြစ်ပေါ် လာတဲ့ ကိစ္စလေ၊ အဲဒီတော့ အခုချိန်ထိတော့ ဆွေးနွေးတိုင်ပင်တုန်းလို့တော့ သိရတယ်” ဟု ပြောသည်။

ငြိမ်းချမ်းရေး လုပ်ငန်းစဉ်များတွင် ပါဝင်နေသူတချို့ကတော့ UWSA “ဝ”အဖွဲ့ တက်ရောက်မည်ဟု ပြောကြောင်း ကြားသည် ဟု ဆိုကြသည်။

ကရင်အမျိုးသားအစည်းအရုံး(KNU)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်မတော်(ABSDF)၊ ကရင်နီ အမျိုးသားတိုးတက်ရေးပါတီ(KNPP)၊ မြောက်ပိုင်းသုံးဖွဲ့ တို့ကတော့ တက်ရောက်မည် မဟုတ်ကြောင်း၊ ချင်းအမျိုးသားတပ်ဦး (CNF)ကို နစကဘက်က မဖိတ်ထားကြောင်း ငြိမ်းချမ်းရေး လုပ်ငန်းစဉ်တွင် ပါဝင်သူ တချို့ထံမှ ကြားသိရသည်။

နစက ဥက္ကဋ္ဌက လက်ရှိ ၂၀၂၂ ခုနှစ်သည် ငြိမ်းချမ်းရေးနှစ်ဖြစ်ကြောင်း၊ တစ်နိုင်ငံလုံး လက်နက်ကိုင်ပဋိပက္ခများ ချုပ်ငြိမ်းရန် ဆောင်ရွက်မည်ဖြစ်ကြောင်း၊ တိုင်းရင်းသားလက်နက်ကိုင် တော်လှန်ရေးခေါင်းဆောင်များနှင့် တွေ့ဆုံဆွေးနွေးရန် ဖိတ်ခေါ် ကြောင်း ပြောကြားခဲ့သည်။

ငြိမ်းချမ်းရေး ဆွေးနွေးပွဲကို တက်ရောက်မည့် တိုင်းရင်းသားလက်နက်ကိုင် ခေါင်ဆောင်များအနေဖြင့် မေလ ၉ ရက်တွင် နောက်ဆုံးထား စာရင်းပေးပို့ စေလိုကြောင်း နစက ဥက္ကဋ္ဌက ပြောကြားခဲ့သည်။

CNI News

၂၀၂၂ ခုနှစ်၊ မေလ ၆

ပြည်ထောင်စု၏ ပြဿနာများကို ဖြေရှင်းနိုင်ရေး နိုင်ငံရေး တွေ့ဆုံဆွေးနွေးမှုဖြင့် ဖြေရှင်းမည်ဆိုပါက ပါဝင်သင့်သည့် အစုအဖွဲ့အားလုံး ပါဝင်ရန်လိုအပ်ကြောင်း ချင်းအမျိုးသားတပ်ဦး-CNF မှ ယနေ့ (မေလ ၆ ရက်)တွင် ထုတ်ပြန်ခဲ့သည်။

နစက ဥက္ကဋ္ဌမှ တိုင်းရင်းသား လက်နက်ကိုင် တော်လှန်ရေးအဖွဲ့များမှ ခေါင်းဆောင်များနှင့် တွေ့ဆုံဆွေးနွေးရန် ဧပြီလ ၂၂ ရက်က ပြောကြားခဲ့သည်ကို ကြားသိရကြောင်း CNF က ပြောသည်။

“ ပြည်ထောင်စု၏ ပြဿနာများကို နိုင်ငံရေး တွေ့ဆုံဆွေးနွေးမှုဖြင့် အဖြေရှာရေးသည် မိမိတို့ အစဉ်တစိုက် ပြောဆိုခဲ့သည့် အရာဖြစ်ပါသည်။ နိုင်ငံရေး ဆွေးနွေးမည်ဆိုလျှင် ပါဝင်သင့်သော Stakeholder များအားလုံး ပါဝင်ရန်၊ နိုင်ငံတကာမှ ကြားဝင် စေ့စပ်ပေးရန်၊ နိုင်ငံရေးပြဿနာများကို အမှန်တကယ် အဖြေရှာရန် လိုအပ်ပါသည်”ဟု ထုတ်ပြန်ချက်တွင် ဖော်ပြထားသည်။

ထို့ကြောင့် ပြည်ထောင်စု၏ ပြဿနာများကို ပါဝင်သင့်သည့် Stakeholder များအားလုံး ပါဝင်သော နိုင်ငံရေး တွေ့ဆုံ ဆွေးနွေးမှုဖြင့် အဖြေရှာရန် လိုအပ်ကြောင်း၊ CNF အနေဖြင့် ပြည်သူလူထုနှင့်အတူ ရပ်တည် သွားမည်ဖြစ်ကြောင်း ဖော်ပြ ထားသည်။

 CNF ထုတ်ပြန်ချက်

နစက ဥက္ကဋ္ဌက လက်ရှိ ၂၀၂၂ ခုနှစ်သည် ငြိမ်းချမ်းရေးနှစ်ဖြစ်ကြောင်း၊ တစ်နိုင်ငံလုံး လက်နက်ကိုင်ပဋိပက္ခများ ချုပ်ငြိမ်းရန် ဆောင်ရွက်မည်ဖြစ်ကြောင်း၊ တိုင်းရင်းသားလက်နက်ကိုင် တော်လှန်ရေး ခေါင်းဆောင်များနှင့် တွေ့ဆုံဆွေးနွေးရန် ဖိတ်ခေါ် ကြောင်း ပြောကြားခဲ့သည်။

သို့သော်လည်း အမျိုးသားညီညွတ်ရေးအစိုးရ (NUG)၊ ပြည်ထောင်စု လွှတ်တော် ကိုယ်စားပြုကော်မတီ (CRPH)၊ ပြည်သူ့ ကာကွယ်ရေးတပ် (PDF) များနှင့် ဆွေးနွေးမည် မဟုတ်ကြောင်း နစကမှ ပြောကြားထားသည်။

CNF သည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ကို လက်မှတ်ထိုးထားသည့် ချင်းလက်နက်ကိုင် အဖွဲ့ဖြစ်သည်။ လက်ရှိတွင် ချင်းပြည်နယ်အတွင်းရှိ နွေဦးတော်လှန်ရေးမှတဆင့် ဖွဲ့စည်းထားသော ဒေသကာကွယ်ရေးတပ်ဖွဲ့ များဖြင့် ပူးပေါင်း၍ တပ်မတော်ကို တိုက်ခိုက်လျက်ရှိနေသည်။

CNI News

၂၀၂၂ ခုနှစ်၊ မေလ ၆

ပြည်သူ့ကာကွယ်ရေးတပ်ဖွဲ့(PDF)တပ်ရင်း ၂၅၇ ရင်းကျော် ဖွဲ့စည်းထားပြီးဖြစ်ကြောင်း အမျိုးသားညီညွတ်ရေးအစိုးရ(NUG )၏ ကာကွယ်ရေးဝန်ကြီးဌာနက ထုတ်ပြန်ခဲ့သည်။

လက်ရှိတွင် PDF ကို ဖွဲ့စည်းထားသည်မှာ တစ်နှစ်ပြည့်ခဲ့ပြီး ဖြစ်ကြောင်း၊ မြို့နယ်အခြေပြု ပြည်သူ့ကာကွယ်ရေးအဖွဲ့ကို မြို့နယ်ပေါင်း ၂၅၀ ကျော်တွင် ဖွဲ့စည်းပြီး ဖြစ်ကြောင်း၊ မြို့ပြ ပျောက်ကြားနှင့် ဒေသအခြေပြု ကာကွယ်ရေးအဖွဲ့(LDFs) ၄၀၀ ကျော်နှင့် ချိတ်ဆက်ပြီး ဖြစ်ကြောင်း ထုတ်ပြန်ချက်တွင် ဖော်ပြထားသည်။

NUG ၏ ဝန်ကြီးချုပ် မန်းဝင်းခိုင်သန်းက “ အခုလို ကျနော်တို့ရဲ့ ပြည်သူ့ကာကွယ်ရေးတပ် ထူထောင်နိုင်အောင် အခက်အခဲ များစွာ ကြားကနေ မဖြစ်ဖြစ်တဲ့ နည်းလမ်းတွေနဲ့ အားပေးကူညီ ဝန်းရံပေးခဲ့ကြတဲ့ တိုင်းရင်းသားတော်လှန်ရေးအဖွဲ့အစည်း များ ERO များကို အထူးပင် လေးစား ကျေးဇူးတင်ရမှာဖြစ်ပါတယ်။ ပြည်သူ့ကာကွယ်ရေးတပ် PDF ဟာ တစ်တိုင်း တစ် ပြည်လုံး အတိုင်းအတာနဲ့ခြုံငုံပြီး စစ်ဒေသကြီးများ၊ စစ်ဒေသခွဲများ၊ အထူးစစ်ဒေသများကို ဖွဲ့စည်းဆောင်ရွက်ထားနိုင်ပြီး ဖြစ်သလို တပ်ရင်း တပ်ဖွဲ့များကိုလည်း သက်ဆိုင်ရာ တိုင်းရင်းသား တော်လှန်ရေးအဖွဲ့အစည်းများနှင့် ပူးပေါင်းပြီး စုဖွဲ့ ဆောင်ရွက်မှုတွေ လက်နက်တပ်ဆင်မှုတွေ ဆောင်ရွက်နေပြီးလည်း ဖြစ်ပါတယ် ”ဟု ပြောသည်။

NUG ထုတ်ပြန်ချက်

NUG ၏ လက်အောက်ရှိ PDF များသည် ကရင်ပြည်နယ်၊ မွန်ပြည်နယ်၊ ကချင်ပြည်နယ်၊ ချင်းပြည်နယ်၊ ရှမ်းပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ တနင်္လာရီတိုင်းဒေသကြီး စသည့် ဒေသများတွင် စစ်သင်တန်းများ တက် ရောက်လျက်ရှိသည်။

အဆိုပါ စစ်သင်တန်းများကို ကရင်နီအမျိုးသားတိုးတက်ရေးပါတီ(KNPP)၊ ကချင်လွတ်လပ်ရေးတပ်မတော်(KIA)၊ ကရင် အမျိုးသားလွတ်မြောက်ရေးတပ်မတော်(KNLA)၊ တအာင်းအမျိုးသားလွတ်မြောက်ရေးတပ်မတော်(TNLA) စသည့် လက် နက်ကိုင် အဖွဲ့၏ တပ်မဟာ၊ တပ်ဖွဲ့တချို့က ပေးအပ်နေမှုများရှိသည်ဟု နစကဘက်က ထုတ်ဖော် ပြောထားသည်။

လက်ရှိတွင် PDF များသည် တိုင်းရင်းသား လက်နက်ကိုင်အဖွဲ့တချို့နှင့်ပူးပေါင်း၍ စစ်ဆင်ရေးများတွင် ပါဝင်ကာ တပ်မတော်ကို တိုက်ခိုက်လျက်ရှိသည်။

CNI News

၂၀၂၂ ခုနှစ်၊ မေ ၆

ယူနက်စကိုအဖြစ် သတ်မှတ်ခံထားရသည့် ပုဂံဒေသရှိ ဟိုတယ်များအား တိုးချဲ့ခြင်း၊ အသစ်ပြင်ဆင်တည်ဆောက် ခြင်းများအား ခွင့်မပြုကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ)မှ ဒုတိယ ညွှန်ကြားရေးမှူး ဦးမြင့်သန်းက CNI သတင်းဌာနသို့ ပြောသည်။

ဒုတိယ ညွှန်ကြားရေးမှူး ဦးမြင့်သန်းက “ကျနော်တို့ ဒီဘက်က လုံးဝခွင့်မပြုထားပါဘူး။ တခြားနေလို့ထိုင်လို့ မရလို့ပေါ့နော်။ မိုးယိုတာတို့၊ အတွင်းပိုင်းတွေမှာ ပျက်စီးမှုလေးတွေ ရှိနေတာတော့ ပြင်ဆင်တာတွေတော့ ရှိပါတယ်။ ဒါလေးတွေကတော့ ကျနော်တို့ စီမံခန့်ခွဲမှု အဆင့်ဆင့် တင်ပြပြီးတော့ ခွင့်ပြုချက် ယူပြီးမှပဲ ဆောင်ရွက်စေပါတယ်။ လုံးဝ သူတို့သ‌ဘောနဲ့ တိုးချဲ့တာတွေ၊ တည်ဆောက်တာတွေ ဆောင်ရွက်ခွင့်မပေးပါဘူး။ ကမ္ဘာ့အမွေအနှစ်စာရင်းဝင်ပြီးမှရော မဝင်ခင်မှာရော ဒီဟာတွေကို ဆောက်လုပ်ခွင့်တို့၊ တိုးချဲ့ခွင့်တို့ ထပ်ပြီးတော့ နေရာချထားပေးတာတို့က မရှိတော့ဘူး။ မရှိတော့ပေမယ့် အရင်တုန်းက ရှိခဲ့တဲ့ ဥစ္စာတွေက စီမံခန့်ခွဲမှု မပြီးပြတ် သေးတဲ့ကာလလေးမှာ ဖွင့်တဲ့ဟာတွေလည်း ရှိတယ်။ ဆောက်လက်စ မပြီးသေးဘူးပေါ့”ဟု ပြောသည်။

ပုဂံခေတ်ရှေးဟောင်းဘုရားများ တည်ရှိသည့် ရှေးဟောင်းယဉ်ကျေးမှုအမွေအနှစ်ဒေသတွင် ဘုရားများ၊ ရှေးဟောင်းအဆောက်အဦးများမှအပ ဟိုတယ်နှင့် အခြားအဆောက်အဦးများ မရှိသင့်ကြောင်း ၎င်းက ဆိုသည်။

ပုဂံ‌ဒေသတွင် ယူနက်စကိုမဝင်ခင်ကတည်းက ဆောက်လုပ်ထားသည့် ဟိုတယ်များရှိသကဲ့သို့ ယနေ့အထိ ဆယ်စုနှစ်တစ်ခုကြာ ဆောက်လုပ်မှု မပြီးစီးသေးသည့် ဟိုတယ်များလည်းရှိကာ ထိုဆောက်လုပ်နေဆဲ ဟိုတယ် တစ်ခု၏ မြေဧရိယာထဲတွင် ပုဂံရှေးဟောင်းဘုရား ၂၂ ဆူတည်ရှိသည်။

အဆိုပါ ရှေးဟောင်းဘုရား ၂၂ ဆူအား ဘုရားဖူးပြည်သူများ လွတ်လပ်စွာဖူး‌မြော်ခွင့်ရရှိရန် လျှောက်လမ်းများ လုပ်ဆောင်ခိုင်းထားပြီးဖြစ်ကြောင်း သိရသည်။

ဒုတိယ ညွှန်ကြားရေးမှူး ဦးမြင့်သန်းက “ဒါက ပြောရလို့ရှိရင်တော့ ဟိုးအရင် နဝတတို့ စစ်အစိုးရလက်ထက် တုန်းက ခွင့်ပြုပေးခဲ့လိုက်တဲ့ကုမ္ပဏီတွေ နေရာတွေပေါ့နော်။ အခုဆိုရင် ဟိုတယ်ဇုန်(၁)အနေနဲ့ ပေးခဲ့တာ သူတစ်ဦးပဲရှိတယ်။ ဒီစီမံကိန်းကသူတို့ အခုချိန်ထိ ပြီးပါပြီ ဖွင့်လို့နေပါပြီ။ လူတွေလည်း တည်းခို နေထိုင် လျက်ရှိပါပြီလို့ လုပ်လို့မရသေးဘူး။ ကျနော်တို့အမြင်ကတော့ သူတို့ လက်စသတ်အောင် ပြီးအောင် လုပ်ထားတာ မတွေ့သေးဘူး။ ကမ္ဘာ့အမွေအနှစ် မဝင်ခင်ကတည်းက ရှိခဲ့တဲ့ ဟိုတယ်တွေလည်း ရှိပါတယ်။ ဒါတွေကလည်း တကယ်တမ်းတော့ မရှိသင့်ဘူး။ အခုရှိပြီးသားဟာကိုလည်း ထပ် မတိုးချဲ့သင့်ဘူး” ဟု ပြောသည်။

အဆိုပါဟိုတယ်များအား ပညာရှင်၏အကြံပြုချက်အတိုင်း ရှေးဟောင်းသုတေသနနှင့် အမျိုးသားပြတိုက် ဦးစီး ဌာနမှ လိုက်နာဆောင်ရွက်သွားမည်ဖြစ်ကာ လက်ရှိတွင် Hotel Strategy (ဟိုတယ်ဗျူဟာ)များ ရေးဆွဲနေ ကြောင်း သိရသည်။

ပုဂံဒေသ၌ ဟိုတယ်အလုံးရေ ၈၅ လုံး အခန်းပေါင်း သုံးထောင်ခန့်နှင့် ဟိုတယ်ဇုန် လေးခုရှိကာ ပုဂံရှေးဟောင်း ယဉ်ကျေးမှုဒေသအား ၂၀၁၉ ခုနှစ်၊ ဇူလိုင် ၆ ရက်နေ့က ကမ္ဘာ့အမွေအနှစ် စာရင်းဝင်အဖြစ် သတ်မှတ်ခဲ့ခြင်း ဖြစ်ပြီး ဘုရားစေတီပုထိုးပေါင်း ၃၈၃၇ ဆူရှိသည်ဟု ရှေး/သု(ပုဂံဌာနခွဲ)၏ စာရင်းအရ သိရသည်။