CNI Sport News
၂၀၂၅ ခုနှစ်၊ အောက်တိုဘာ ၂၈
နာပိုလီအသင်းက ကွင်းလယ်လူဒီဘရိုင်းဟာ ပေါင်ကြွက်သားဒဏ်ရာ ရရှိခဲ့တယ်လို့ အတည်ပြုခဲ့ပြီး သတင်းတွေ မှာ သူဟာ လပေါင်းများစွာကြာ အနားယူရဖွယ်ရှိတယ်လို့ ဖော်ပြထားပါတယ်။
နာပိုလီအသင်းက အင်တာမီလန်အသင်းကို ၃ ဂိုး-၁ ဂိုးနဲ့ အနိုင်ရခဲ့တဲ့ စီးရီးအေပွဲစဉ်မှာ ဒီဘရိုင်းဟာ အသင်း အတွက် ပင်နယ်တီကနေ ဂိုးသွင်းယူပြီးနောက် ချက်ချင်းဆိုသလို သူ့ရဲ့ညာဘက်ပေါင် အနောက်ဘက်ကို ဆုပ်ကိုင်ခဲ့တာပါ။
ဒီဘရိုင်းဟာ ဒဏ်ရာကြောင့် ဝမ်းနည်းနေပြီး ဆေးအဖွဲ့ဝင် ၂ ဦးရဲ့ အကူအညီနဲ့ ကွင်းပြင်ကို ထွက်ခွာခဲ့ရတာ ဖြစ်ပါတယ်။
ဒီဘရိုင်းဟာ ကွင်းထဲကနေ ထွက်ခွာချိန်မှာ ချိုင်းထောက်နဲ့ ထွက်ခွာခဲ့ရပြီး သူ့ရဲ့ဒဏ်ရာ အခြေအနေကို စစ်ဆေးမှုတွေ ပြုလုပ်ခဲ့တာမှာ ပေါင်ကြွက်သားဒဏ်ရာ ရခဲ့တယ်လို့ နာပိုလီအသင်းက ထုတ်ပြန်ခဲ့ပါတယ်။
ဒီဘရိုင်းကို တွေ့ရစဉ်
ပြန်လည်ထူထောင်ရေး လုပ်ငန်းစဉ်ကို စတင်နေတဲ့ ဒီဘရိုင်း အသင်းအတွက် ဘယ်အချိန် ပြန်ကစားနိုင်မလဲ ဆိုတာကိုတော့ နာပိုလီအသင်းရဲ့ ထုတ်ပြန်ချက်ထဲမှာ ဖော်ပြထားခြင်း မရှိပါဘူး။
မန်စီးတီးအသင်းနဲ့ စာချုပ် ကုန်ဆုံးပြီးနောက် နွေရာသီမှာ နာပိုလီအသင်းထံ ပြောင်းရွှေ့လာခဲ့တဲ့ ဒီဘရိုင်းဟာ အသင်းအတွက်ပြိုင်ပွဲစုံ ၁၁ ပွဲ ပါဝင်ကစားထားပြီး ၄ ဂိုးသွင်းယူကာ ဂိုးဖန်တီးမှု ၂ ကြိမ် ပြုလုပ်ထားပါတယ်။
စီးရီးအေ အမှတ်ပေးဇယား ထိပ်ဆုံးနေရာမှာ ရပ်တည်နေတဲ့ နာပိုလီအသင်းဟာ ဒီဘရိုင်းကို လပေါင်းများစွာကြာ အနားပေးရမှာက ကြီးမားတဲ့ ဆုံးရှုံးမှုဖြစ်လာနိုင်တာပါ။
ဒီဘရိုင်းရဲ့ ဒဏ်ရာသတင်းဟာ နိုဝင်ဘာထဲမှာ အရေးကြီးတဲ့ ကမ္ဘာ့ဖလားခြေစစ်ပွဲ ကစားဖို့ရှိနေတဲ့ ဘယ်လ်ဂျီယံ အသင်းအတွက်လည်း ထိုးနှက်ချက် ဖြစ်ခဲ့ပါတယ်။
ဒီဘရိုင်းဟာ ဘယ်လ်ဂျီယံအသင်းအတွက် နောက်ဆုံး ကစားခဲ့တဲ့ ၅ ပွဲမှာ ၆ ဂိုးသွင်းယူပြီး ခြေစွမ်းပြသ ထားတာ ပါ။
နာပိုလီအသင်းဟာ လာမယ့် စီးရီးအေ ပွဲစဉ်တွေအဖြစ် လက်ချီ၊ ကိုမိုအသင်းတို့နဲ့ ယှဉ်ပြိုင်ရမှာ ဖြစ်ပါတယ်။
Source: ESPN
