CNI Sport News
၂၀၂၅ ခုနှစ်၊ အောက်တိုဘာ ၂၈
တူရကီဘောလုံးအဖွဲ့ချုပ်ဥက္ကဋ္ဌ ဟာစီယို့စ်မာနိုဂလူက တူရကီပရော်ဖက်ရှင်နယ်လိဂ်မှာ တာဝန်ထမ်းဆောင်နေ တဲ့ ဒိုင်လူကြီး ၅၇၁ ဦးထဲမှာ ၃၇၁ ဦးဟာ လောင်းကစား အကောင့်တွေ ဖွင့်ထားပြီး ၁၅၂ ဦးကတော့ လောင်း ကစား ပြုလုပ်နေဆဲ ဖြစ်တယ်လို့ ပြောခဲ့ပါတယ်။
ဟာစီယို့စ်မာနိုဂလူက “သူတို့ကို မကြာမီ စည်းကမ်းထိန်းသိမ်းရေးကော်မတီထံ လွှဲပြောင်းပေးမှာဖြစ်ပြီး ကျနော် တို့ ချမှတ်ထားတဲ့ စည်းမျဉ်းတွေနဲ့အညီ သက်ဆိုင်တဲ့ ပြစ်ဒဏ်တွေကို ခံယူရမယ်”လို့ အစ္စတန်ဘူလ်မှာ ပြုလုပ် တဲ့ သတင်းစာ ရှင်းလင်းပွဲမှာ ပြောခဲ့တာပါ။
တူရကီဘောလုံးအဖွဲ့ချုပ် စည်းကမ်းထိန်းသိမ်းရေး စည်းမျဉ်းအရ ဘောလုံးပွဲတွေမှာ လောင်းကစား ပြုလုပ် ကြောင်း တွေ့ရှိရမယ်ဆိုရင် ၃ လကနေ ၁ နှစ်ကြာအထိ ပွဲတာဝန်ယူခွင့် ဒါမှမဟုတ် ဘောလုံးနဲ့ပတ်သက်တဲ့ လှုပ်ရှားမှုတွေကနေ ပိတ်ပင်ခံရမှာ ဖြစ်ပါတယ်။
တူရကီဘောလုံးအဖွဲ့ချုပ်ကိုတွေ့ရစဉ်
တူရကီမှာ ဒိုင်လူကြီးတွေရဲ့ ဆုံးဖြတ်ချက်နဲ့ ပတ်သက်ပြီး မကြာခဏဆိုသလို အငြင်းပွားမှုတွေရှိခဲ့ကာ ပြည်တွင်း ထိပ်တန်း ပွဲစဉ်အချို့ကို နိုင်ငံခြားဒိုင်လူကြီးတွေကို ခန့်အပ်ပြီး တာဝန်ပေးခဲ့ရပါတယ်။
ပြီးခဲ့တဲ့ ဖေဖော်ဝါရီက ဂါလာတာစာရေးနဲ့ ဖီနာဘာချီအသင်းတို့ရဲ့ အစ္စတန်ဘူလ်ဒါဘီပွဲစဉ်ကို ဆလိုဗေးနီးယား ဒိုင်လူကြီး ဗင်ဆစ်က တာဝန်ယူကိုင်တွယ်ခဲ့ပါတယ်။
သူဟာ တူရကီမှာ နှစ်ပေါင်း ၅၅ နှစ်အတွင်း ပွဲကြီးပွဲကောင်း တစ်ပွဲကို ကိုင်တွယ်တဲ့ ပထမဆုံးနိုင်ငံခြား ဒိုင်လူကြီး အဖြစ်လည်း မှတ်တမ်းဝင်ခဲ့ပါတယ်။
ဖီနာဘာချီအသင်းကို ကိုင်တွယ်ခဲ့တဲ့ ပေါ်တူဂီလူမျိုးနည်းပြ မော်ရင်ဟိုဟာ တူရကီရှိ ဒိုင်လူကြီးတွေရဲ့ အရည်အသွေးတွေကို မကြာခဏ ဆိုသလို မေးခွန်းထုတ် ဝေဖန်မှုတွေ ပြုလုပ်ခဲ့တာ ဖြစ်ပါတယ်။
Source: besoccer
