CNI News
၂၀၂၃ ခုနှစ်၊ ဇွန်လ ၁၃
နေပြည်တော်၊ ဇမ္ဗူသီရိမြို့နယ်ရှိ နိုင်ငံတော်အဆင့် အခမ်းအနားပွဲများ ကျင်းပသည့် မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ ဂိတ် ၂ ရှိ ရဲကင်းတစ်ခုသည် ဇွန်လ ၁၂ ရက်နေ့က လက်ပစ်ဗုံးဖြင့် ပစ်ခတ်တိုက်ခိုက်ခံ ခဲ့ရကြောင်း သိရသည်။
ဇွန်လ ၁၂ ရက်နေ့ ည ၈ နာရီခန့်က တိုက်ခိုက်ခံခဲ့ရခြင်း ဖြစ်ကြောင်း၊ သို့သော် တစ်စုံတစ်ရာ ထိခိုက်မှု မရှိ ကြောင်း နီးစပ်သူများထံမှ သိရသည်။
၂၀၁၅ ခုနှစ်၊ အောက်တိုဘာ ၁၅ ရက်နေ့က MICC-2 မှာ NCA လက်မှတ်ထိုးပွဲ ကျင်းပစဉ်
အဆိုပါ MICC-2 သည် နိုင်ငံတော် အဆင့်အခမ်းအနား ဖြစ်သည့် ပြည်ထောင်စု ငြိမ်းချမ်းရေး ညီလာခံ၊ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)လက်မှတ်ထိုးခြင်းနှင့် နှစ်ပတ်လည် အခမ်းအနားများ ကျင်းပလေ့ရှိသည်။
အလားတူ နိုင်ငံတကာနှင့် မြန်မာနိုင်ငံအတွင်းရှိ လအလိုက် ကျရောက်သည့် အထိမ်းအမှတ်များ ဂုဏ်ပြုပွဲများ ကျင်းပလေ့ရှိသည်။
