CNI Sport News

၂၀၂၂ ခုနှစ်၊ ဧပြီ ၉

ရော်နယ်ဒိုဟာ ဝတ်စားဆင်ယင်မှုနဲ့ပတ်သက်ပြီး ဝေဖန်ခံနေရတဲ့ သားဖြစ်သူဘက်ကနေ ကာကွယ်မှု ပြုလုပ် သွားခဲ့ပါတယ်။

ရော်နယ်ဒိုရဲ့ မိခင်ဖြစ်သူ ဒိုလာရတ်စ် ဟာ မြေးဖြစ်သူ ဂျုနီယာနဲ့ အတူတွဲရိုက်ထားတဲ့ပုံကို အင်စတာဂရမ်မှာ တင်ခဲ့တာပါ။ ဒီအချိန်မှာ ရော်နယ်ဒိုရဲ့ အကြီးဆုံးသားဖြစ်သူ ဂျုနီယာ ဟာ Adidas နဲ့ Nike တံဆိပ်ပါ အဝတ် အစားတွေကို ဝတ်ဆင်ထားခဲ့တာဖြစ်ပါတယ်။ ရော်နယ်ဒို ဟာ Nike နဲ့ ကြီးမားတဲ့ စပွန်ဆာ စာချုပ်ချုပ်ဆို ထားသူလည်း ဖြစ်ပါတယ်။ အဲဒါကြောင့် အမှတ်တံဆိပ်(၂)ခုကို ရောနှောဝတ်ဆင်ခဲ့တဲ့ ဂျုနီယာ ကို ဝေဖန်မှုတွေ ရှိလာခဲ့တာ ဖြစ်ပါတယ်။

မန်ချက်စတာယူနိုက်တက် ကစားသမားကတော့ ဒီအချိန်မှာ သားဖြစ်သူဘက်ကနေ ကာကွယ်တဲ့ မှတ်ချက် စကားကို ရေးသားလာခဲ့တာပါ။ ရော်နယ်ဒို ဟာ သူ့သားအပေါ်ဝေဖန်တဲ့ မှတ်ချက်တွေကြောင့် မပျော်မရွှင် ဖြစ်နေခဲ့တာလည်းဖြစ်ပါတယ်။ ရော်နယ်ဒို က “သူကြိုက်တာသူဝတ်မှာပေါ့၊ ခင်ဗျားတို့ ဝတ်ချင်တဲ့အရာတွေကို သူလိုက်ဝတ်နေရမှာလား”လို့ တုံ့ပြန်ခဲ့တာဖြစ်ပါတယ်။

ရော်နယ်ဒို ဟာ စပို့တင်းလစ္စဘွန်း ကနေ မန်ချက်စတာယူနိုက်တက် ကို ရောက်ရှိတဲ့ ပထမနှစ် (၂၀၀၃)မှာပဲ Nike နဲ့ စပွန်ဆာ စာချုပ်ချုပ်ဆိုခဲ့တာပါ။ ဘောလွန်းဒီအောဆု(၅)ကြိမ် ရရှိထားတဲ့ ရော်နယ်ဒို ဟာ အဲ့ဒီကတည်းက အဆိုပါကုမ္ပဏီရဲ့မျက်နှာစာ ဖြစ်လာခဲ့ပြီး (၂၀၁၆)မှာ ကာလကြာရှည် စာချုပ်တစ်ရပ် ချုပ်ဆိုခဲ့တာဖြစ်ပါတယ်။ ဒီစာချုပ်ဟာ တစ်သက်တာ သဘောတူညီမှုအဖြစ် သတ်မှတ်ခံထားရတာဖြစ်ပြီး စုစုပေါင်း ပေါင်သန်း(၇၈၀) တန် ကြေးရှိတယ်လို့ သိရပါတယ်။

ရော်နယ်ဒို ဟာ မကြာသေးခင်ကလည်း အသင်းဖော်ဟောင်း ဝိန်းရွန်နီ နဲ့ အပြန်အလှန်တုံ့ပြန်မှုတွေရှိခဲ့တာပါ။ ပြီးခဲ့တဲ့ နွေရာသီကမှ မန်ချက်စတာယူနိုက်တက်ကို ရောက်ရှိလာတဲ့ ရော်နယ်ဒို ဟာ အသင်းအတွက် (၃၂)ပွဲပါဝင် ကစားထားပြီး (၁၈)ဂိုးသွင်းယူထားတာဖြစ်ပါတယ်။

Source:Goal

CNI Sport News

၂၀၂၂ ခုနှစ်၊ ဧပြီ ၈

လေလံတင် ရောင်းချတာကနေ ပေါင် ၄ သန်း ရရှိဖို့ မျှော်လင့်နေတဲ့ မာရာဒိုနာရဲ့ ဂျာစီဟာ Hand of God ဂိုးအတွက် သူဝတ်ဆင်ထားတဲ့ ဂျာစီ မဟုတ်ဘူးလို့ သမီးဖြစ်သူက ပြောလိုက်ပါတယ်။

အင်္ဂလန် ကစားသမားဟောင်း စတိဗ်ဟော့ချ်က အာဂျင်တီးနား အသင်းကို မာရာဒိုနာရဲ့ ဘုရားပေးတဲ့ လက်တစ်စုံလို့ နာမည်ကျော်ကြားခဲ့တဲ့ သွင်းဂိုးကြောင့် အရေးနိမ့်ခဲ့တဲ့ ၁၉၈၆ ကမ္ဘာ့ဖလားပွဲအပြီးမှာ သူနဲ့ ဂျာစီချင်း လဲလှယ်ခဲ့တာပါ။

ဒါပေမယ့် စတိဗ်ဟော့ချ် လဲလှယ်ခဲ့တဲ့ ဂျာစီဟာ သူ့အဖေ ပထမပိုင်းမှာ ဝတ်ဆင်ခဲ့တဲ့ ဂျာစီဖြစ်တယ်လို့ ပြောခဲ့တာ ဖြစ်ပါ တယ်။ ဒုတိယပိုင်းမှာ သူမရဲ့အဖေ ဝတ်ဆင်ခဲ့တဲ့ ဂျာစီဟာ တခြားပိုင်ရှင်တွေ လက်ထဲမှာ ရှိနေပေမယ့် နာမည်ဖော်ပြဖို့တော့ မာရာဒိုနာရဲ့ သမီးအကြီးဖြစ်သူက ငြင်းဆန်ခဲ့တာပါ။

မာရာဒိုနာဟာ ကွာတားဖိုင်နယ်အဖြစ် ကစားခဲ့တဲ့ ဒီပွဲမှာ အင်္ဂလန် အသင်းဘက်ကို ဒုတိယပိုင်းမှာပဲ ၂ ဂိုးလုံး သွင်းယူခဲ့တာ ဖြစ်ပါတယ်။

ဒယ်လ်မာက “ဒီကစားသမားဟောင်းက သူ့မှာ အဖေရဲ့ ဒုတိယပိုင်းဂျာစီ ရှိတယ်လို့ ထင်နေပေမယ့် ဒါဟာ ရှုပ်ထွေးပါတယ်။ သူ့မှာ ပထမပိုင်းက ဂျာစီပဲရှိတာပါ။ ဝယ်ချင်တဲ့သူတိုင်းကို အမှန်တရားကို သိချင်တဲ့အတွက် ဒါကို ရှင်းပြတာပါ။ ဒုတိယပိုင်း ဂျာစီ ဘယ်သူ့မှာ ရှိလဲသိပေမယ့် မပြောတော့ပါဘူး။ ပြောပြချင်တာကတော့ လေလံတင် ရောင်းချနေတဲ့ ဂျာစီဟာ ကျမအဖေ ဂိုးသွင်းတဲ့ ဂျာစီ မဟုတ်ပါဘူး”လို့ ပြောခဲ့တာ ဖြစ်ပါတယ်။

လေလံတင်ထားတဲ့ မာရာဒိုနာဂျာစီ(Sports)

ဒါပေမယ့် မာရာဒိုနာရဲ့ ဂျာစီကို လေလံတင်ရောင်းချမယ့် Sotheby ကတော့ ဒါဟာ မှန်ကန်ကြောင်း သက်သေပြဖို့ ကျွမ်းကျင်သူတွေကို ငှားရမ်းထားကြောင်းလည်း ပြောထားတာပါ။

ပြောရေးဆိုခွင့်ရှိသူက “ဒီဂျာစီကို မရောင်းချခင်မှာ မာရာဒိုနာ ဝတ်ဆင်ခဲ့တဲ့ ဂျာစီဖြစ်တယ်ဆိုတာကို ကျယ်ကျယ်ပြန့်ပြန့် သိရှိနိုင်ဖို့ လုံ့လစိုက်ထုတ်ထားပြီး သိပ္ပံနည်းကျ သုတေသန ပြုလုပ်ခဲ့တယ်”လို့ ပြောထားခဲ့တာပါ။

မာရာဒိုနာရဲ့ ဂျာစီကို လေလံတင် ရောင်းချမယ့် ရက်ကို ဧပြီ ၂၀ ရက်ကနေ မေလ ၄ ရက်အထိ သတ်မှတ်ထားတာ ဖြစ်ပါ တယ်။ အာဂျင်တီးနား ဂန္တဝင်ကစားသမားကြီး မာရာဒိုနာကတော့ ၂၀၂၀ နိုဝင်ဘာလက ကွယ်လွန်ခဲ့တာဖြစ်ပြီး ကွယ်လွန် ချိန်မှာ အသက် ၆၀ အရွယ် ရှိပြီလည်း ဖြစ်ပါတယ်။

Source: The Sun

CNI Sport News

၂၀၂၂ ခုနှစ်၊ ဧပြီ ၈

နာမည်ကျော် လက်ဝှေ့ကစားသမား မေဝယ်သာဟာ သူ့ရဲ့ လေ့ကျင့်ဖော်ဟောင်းဖြစ်တဲ့ ဒွန်မိုးနဲ့ ဒူဘိုင်း ဟိုတယ်ပေါ်ရှိ လေယာဉ် ရပ်နားတဲ့နေရာမှာ သရုပ်ပြပွဲအဖြစ် ထိုးသတ်သွားမှာ ဖြစ်ပါတယ်။

(၈)ချီ ထိုးသတ်မယ့် ဒီသရုပ်ပြပွဲကို မေလ ၁၄ ရက်ကျရင် Burj Al Arab ဟိုတယ်မှာ ကျင်းပသွားမှာပါ။ မေဝယ်သာဟာ အသက် ၂၀ အရွယ်ရှိသူ Youtube ကြယ်ပွင့်တစ်ဦးနဲ့ ဒီနေရာမှာ ထိုးသတ်ဖို့ စီစဉ်ခဲ့ပေမယ့် ဆွေးနွေးမှုတွေဟာ ပျက် ပြယ်သွားခဲ့တာ ဖြစ်ပါတယ်။

ဒါပေမယ့် ပရော်ဖက်ရှင်နယ် လက်ဝှေ့ ကစားသမားဘဝမှာ ရှုံးပွဲမရှိတဲ့ မေဝယ်သာဟာ ပင်လယ်ရေမျက်နှာပြင်ထက် ပေ ၇၀၀ မြင့်တဲ့ နေရာမှာ ထိုးသတ်မယ့်ပွဲကို ကြေညာခဲ့တာပါ။

အသက် ၄၅ နှစ်အရွယ်ရှိ မေဝယ်သာနဲ့ အသက် ၄၂ နှစ်အရွယ်ရှိ ဒွန်မိုးတို့ဟာ စိမ်းတဲ့သူတွေ မဟုတ်ကျဘဲ မေဝယ်သာ ဦးလေးလက်အောက်မှာ အတူတွဲဖက် သင်ကြားမှုတွေ ပြုလုပ်ခဲ့ရတာ ဖြစ်ပါတယ်။ သူတို့ ၂ ဦးဟာ လတ်စ်ဗီးဂတ်စ်ရှိ မေဝယ်သာ ဘောက်ဆင်ကလပ်မှာ လေ့ကျင့်ဖော်တွေအဖြစ် အကြိမ်ပေါင်းများစွာ ထိုးသတ်မှုတွေကို မျှဝေခဲ့ကြတာ ပါ။

ဒွန်မိုးဟာ ၂၀၁၆ ကတည်းက ထိုးသတ်ခြင်း မရှိတော့ပါဘူး။ ထိုးသတ်ခဲ့တဲ့ ၁၉ ပွဲမှာ ၁၈ ပွဲနိုင်ပြီး ၁ ပွဲသာ သရေကျခဲ့တာ ဖြစ်ပါတယ်။

မေဝယ်သာနဲ့ ဒွန်မိုး ထိုးသတ်မယ့် ပွဲစဉ်(The Sun)

မေဝယ်သာ ကတော့ ၂၀၁၇ UFC ကြယ်ပွင့် မက်ဂရီဂေါကို အနိုင်ထိုးသတ်ခဲ့ပြီး ကစားသမားဘဝ ထိုးသတ်ခဲ့တဲ့ ပွဲပေါင်း ၅၀ လုံး အနိုင်ယူကာ ကစားသမားဘဝကနေ တရားဝင် အနားယူခဲ့တာပါ။ ဒါပေမယ့် မေဝယ်သာဟာ အနားယူပြီးနောက် ၂ ကြိမ် တိုင်တိုင် လက်ဝှေ့ကြိုးဝိုင်းထဲကို ပြန်ရောက်လာခဲ့ပြီး ကစ်ဘောက်ဆာ နာဆူကာဝါနဲ့ Youtuber လိုဂန်ပေါလ်တို့နဲ့ သရုပ်ပြပွဲ ထိုးသတ်ခဲ့တာ ဖြစ်ပါတယ်။

မေဝယ်သာဟာ Monkey Kicks လို့ နာမည်ပြောင်ရထားတဲ့ ဘယ်လ်ဟာဆာနဲ့ ဆွေးနွေးမှုတွေ ပြုလုပ်ပြီး ဒူဘိုင်းပွဲမှာ ထိုးသတ်ဖို့ စဉ်းစားခဲ့တာပါ။
The Global Titans Fight Series လို့ နာမည်ပေးထားတဲ့ ဒီပွဲမှာ UFC နာမည်ကျော် အန်ဒါဆန်ဆေးလ်ဗားနဲ့ ဘရာဇီးလ် MMA ဖိုက်တာ ဘရူနိုမာချာဒိုတို့ရဲ့ ပွဲစဉ်လည်း ပါဝင်မှာ ဖြစ်တယ်လို့ သိရပါတယ်။

Source: The Sun

CNI Sport News

၂၀၂၂ ခုနှစ်၊ ဧပြီ ၈

ရိုးမားအသင်းဟာ ယူရိုပါကွန်းဖရန့်စ်လိဂ် ကွာတားဖိုင်နယ် ပထမအကျော့ပွဲစဉ်မှာ အရေးနိမ့်ခဲ့ပေမယ့် သူတို့ပဲ အကြိုဗိုလ်လုပွဲ တက်ဖို့ ရေပန်းစားနေတာလို့ မော်ရင်ဟိုက ပြောလိုက်ပါတယ်။

ရိုးမားအသင်းဟာ ကွာတားဖိုင်နယ် ပထမအကျော့ပွဲစဉ်အဖြစ် နော်ဝေကလပ် ဘိုဒိုဂီလင့်မ် အသင်းနဲ့ ကစားခဲ့တာမှာ ၂ ဂိုး-၁ ဂိုးနဲ့ အရေးနိမ့်ခဲ့တာပါ။ ရိုးမားအသင်းဟာ ဒီပြိုင်ပွဲရဲ့ အုပ်စုအဆင့်မှာလည်း ဘိုဒိုဂီလင့်မ်နဲ့ တွေ့ဆုံခဲ့ဖူးပြီး အဲ့ဒီတုန်းက နော်ဝေကွင်းမှာ ၆ ဂိုး-၁ ဂိုးနဲ့ ဂိုးပြတ် အရေးနိမ့်ခဲ့တာ ဖြစ်ပါတယ်။

ရိုးမား အသင်းဟာ အိမ်ကွင်းမှာ ပြန်ကစားခဲ့တဲ့ပွဲမှာလည်း ၂ ဂိုးစီ သရေကျခဲ့တာပါ။ အဲ့ဒါကြောင့် အီတလီ ကလပ်ဟာ ဒီရာသီ ဘိုဒိုဂီလင့်မ် အသင်းနဲ့ ၃ ပွဲ ကစားပြီးရာ ၁ ပွဲမှ အနိုင်မရရှိခဲ့တာလည်း ဖြစ်ပါတယ်။

ရိုးမား အသင်းဟာ ကွာတားဖိုင်နယ် ဒုတိယအကျော့ပွဲစဉ်ကို အိမ်ကွင်းမှာ ကစားရမှာဖြစ်ပြီး နောက်တစ်ဆင့် တက်ဖို့ဆိုရင် ၂ ဂိုးပြတ်နဲ့ အနိုင်ရဖို့ လိုအပ်နေတာပါ။

မော်ရင်ဟိုက “ပေးခဲ့ရတဲ့ ၂ ဂိုးက တည်ကန်ဘောနဲ့ လမ်းကြောင်း လွဲခဲ့တာတွေကြောင့်ပါ။ ကျနော်တို့လည်း တည်ကန်ဘော ကနေ ဂိုးတွေအများကြီး ရခဲ့ပေမယ့် ဂိုးသွင်းနိုင်ရင် ကောင်းသလို ပေးရရင်တော့ ဆိုးပါတယ်။ ပထမအကျော့မှာ ရှုံးနေပေမယ့် ဒုတိယအကျော့ကတော့ အိမ်ကွင်း ပရိသတ်တွေရှေ့မှာ ကစားရမှာပါ။ အကြိုဗိုလ်လုပွဲတက်ဖို့ ရေပန်းစားနေတယ်ဆိုတာကို အခုအချိန်မှာ ပြောရတာ ပြဿနာမရှိပါဘူး”လို့ ပြောခဲ့ပါတယ်။

ရိုးမားအသင်း(LaRoma)

ဒါ့အပြင် မော်ရင်ဟိုက နော်ဝေကလပ်ရဲ့ ပလပ်စတစ် မြက်ခင်းပြင်ကိုလည်း ပြစ်တင်သွားခဲ့ပြီး အဆိုပါ ကွင်းကြောင့် မန်ချီနီ ဒဏ်ရာ ရသွားခဲ့တာလို့ ပြောခဲ့တာပါ။

“ရိုးရိုးသားသားပြောရရင် ကျနော့်အတွက် အစိုးရိမ်ရဆုံးက မန်ချီနီရဲ့ ဒဏ်ရာပါ။ ဒါက စိုးရိမ်စရာ ကောင်းပါတယ်။ ပလပ်စ တစ် မြက်ခင်းပြင်ပေါ်မှာ ကစားလို့ ဖြစ်ပေါ်လာတဲ့ အရာပါပဲ”လို့ ပြောခဲ့တာ ဖြစ်ပါတယ်။

မန်ချီနီဟာ ဒူးဒဏ်ရာ ရသွားခဲ့တာဖြစ်ပြီး စကန်ဖတ် စစ်ဆေးဖို့ လိုအပ်နေတာပါ။ ရိုးမားအသင်းဟာ ဒီရာသီမှာ ရယူနိုင်စရာ ဆုဖလားအဖြစ် ယူရိုပါကွန်းဖရန့်စ်လိဂ် တစ်ခုတည်းသာ ရှိတော့တာ ဖြစ်ပါတယ်။

အဲ့ဒါကြောင့် နည်းပြ မော်ရင်ဟိုဟာ ဒီဆုဖလားကို ရယူနိုင်ဖို့ ပစ်မှတ်ထားနေတာပါ။ အီတလီကလပ်ဟာ ဒီရာသီ စီးရီးအေ ပြိုင်ပွဲမှာ အမှတ်ပေးဇယား အဆင့်(၅)နေရာမှာ ရပ်တည်နေပြီး ကိုပါအီတာလီယာဖလား ပြိုင်ပွဲမှာတော့ ကွာတားဖိုင်နယ် အဆင့်ကနေ ထွက်ခွာခဲ့ရတာ ဖြစ်ပါတယ်။

CNI Sport News

၂၀၂၂ ခုနှစ်၊ ဧပြီ ၈

ဝိန်းရွန်နီ က သူ့ကို မနာလိုဖြစ်နေတယ်ဆိုပြီး ရော်နယ်ဒို က ပြောခဲ့တဲ့ မှတ်ချက်စကားကို အင်္ဂလန်အသင်း ခေါင်းဆောင်ဟောင်းက ပြန်လည်တုံ့ပြန်သွားခဲ့ပါတယ်။

ဝိန်းရွန်နီ က ရော်နယ်ဒို ကို လက်ရှိကစားနေတဲ့ ကစားသမားတိုင်းက မနာလိုဖြစ်နေကြတယ်လို့ ဝန်ခံခဲ့ပါတယ်။ “ရော်နယ်ဒို ပြောခဲ့တဲ့ မှတ်ချက်ကို ဒီမနက်မှ ကျနော်တွေ့ခဲ့ရပါတယ်။ ကျနော် ပြောချင်တာက ရော်နယ်ဒို ကို မနာလိုမဖြစ်ဘူးဆိုတဲ့ ကစားသမားတိုင်း ဒီကမ္ဘာပေါ်မှာမရှိပါဘူး။ သူ့ရဲ့ ကစားသမားဘဝမှ သူရရှိခဲ့တဲ့ ဆုဖလားတွေ၊သူရရှိခဲ့တဲ့ ဝင်ငွေတွေ၊ သူ့ရဲ့ Six pack အစရှိသဖြင့်ပေါ့။ မက်ဆီ ကလွဲပြီး အားလုံးက ရော်နယ်ဒိုကို မနာလိုဖြစ်ကြပါတယ်”လို့ ပြောခဲ့တာဖြစ်ပါတယ်။

ရော်နယ်ဒို ကို ခေါ်ယူခဲ့တာဟာ မန်ချက်စတာယူနိုက်တက် အသင်းအတွက် အလုပ်မဖြစ်ဘူးလို့ ဝိန်းရွန်နီ က ပြီးခဲ့တဲ့အပတ်က ပြောခဲ့တာပါ။ ရော်နယ်ဒို ဟာ ဒီရာသီမှာ မန်ချက်စတာကလပ်ရဲ့ ထိပ်တန်းဂိုးသွင်းရှင် အဖြစ် ရပ်တည်နေတာလည်းဖြစ်ပါတယ်။ ဝိန်းရွန်နီ ပြောတဲ့စကားနဲ့ပတ်သက်ပြီး ရော်နယ်ဒို က “မင်းငါ့ကို မနာလို ဖြစ်နေတာလား”ဆိုပြီး မှတ်ချက်ရေးသားခဲ့တာပါ။

ရော်နယ်ဒို ဟာ ပြီးခဲ့တဲ့ နွေရာသီ အပြောင်းအရွှေ့ကမှ ဂျုဗင်တပ်စ်ကနေ အသင်းဟောင်း မန်ချက်စတာ ယူနိုက်တက် ကို ပြန်လည်ရောက်ရှိလာခဲ့တာပါ။ အသက်(၃၇)နှစ်အရွယ်ရှိ ရော်နယ်ဒို ဟာ မန်ချက်စတာ ယူနိုက်တက် အသင်းအတွက် ပရီးမီးယားလိဂ်ပြိုင်ပွဲမှာ (၁၂)ဂိုးသွင်းယူထားပြီး (၃)ဂိုးဖန်တီးထားပါတယ်။ ချန်ပီယံလိဂ်ပြိုင်ပွဲမှာတော့ (၆)ဂိုးသွင်းယူထားတာပါ။

ဝိန်းရွန်နီ ဟာ မန်ချက်စတာယူနိုက်တက် အသင်းအနေနဲ့ ရော်နယ်ဒို ကို ထွက်ခွာခွင့်ပြုပြီး လူငယ်တွေ၊ အောင်မြင်မှုကို ဆာလောင်နေတဲ့ ကစားသမားတွေနဲ့ အသင်းကို ပြောင်းလဲမှုတွေ ပြုလုပ်ဖို့ တိုက်တွန်း ထားတာဖြစ်ပါတယ်။ မန်ချက်စတာယူနိုက်တက် အသင်းဟာ ဆုဖလားလက်မဲ့အဖြစ် ဒီရာသီကို အဆုံး သတ်ရမှာဖြစ်ပြီး ချန်ပီယံလိဂ်ဝင်ခွင့်ရဖို့တောင် ရုန်းကန်နေရတာပါ။

မန်ချက်စတာယူနိုက်တက် အသင်းဟာ ဒီတစ်ပတ်မှာတော့ ပရီးမီးယားလိဂ်ပွဲစဉ်အဖြစ် တန်းမဆင်းရဖို့ ကြိုးစားနေတဲ့ အဲဗာတန် အသင်းနဲ့ အဝေးကွင်းမှာ ယှဉ်ပြိုင်ရမှာဖြစ်ပါတယ်။

Source:Goal

CNI Sport News

၂၀၂၂ ခုနှစ်၊ ဧပြီ ၇

ရီးရယ်လ် အသင်းခေါင်းဆောင် ဘန်ဇီမာ ဟာ ရမ်ဇာန်ဥပုသ်လဖြစ်နေတာကြောင့် အစာရှောင်နေရပေမယ့် ချယ်လ်ဆီး အသင်းနဲ့ကစားခဲ့တဲ့ ချန်ပီယံလိဂ်ကွာတားဖိုင်နယ် ပထမအကျော့ပွဲစဉ်မှာ ဟတ်ထရစ်ဂိုးသွင်းယူ နိုင်ခဲ့ပါတယ်။

ဘန်ဇီမာ ဟာ မူဆလင်ဘာသာ ယုံကြည်မှုရဲ့ အစိတ်အပိုင်းအဖြစ် ရာမ်ဇာန်ဥပုသ်စောင့်ထိန်းနေတာပါ။ ပြင်သစ် တိုက်စစ်မှူး ဟာ အစာရှောင်နေပေမယ့် သူ့ရဲ့စွမ်းဆောင်ရည်ကို ထိခိုက်ခဲ့ခြင်းမရှိဘဲ ဟတ်ထရစ်သွင်းယူပြီး ခြေစွမ်းပြသနိုင်ခဲ့တာဖြစ်ပါတယ်။

ဘန်ဇီမာ ဟာ ပြီးခဲ့တဲ့ ပီအက်စ်ဂျီ အသင်းနဲ့ ချန်ပီယံလိဂ်(၁၆)သင်း အဆင့် ဒုတိယအကျော့ပွဲစဉ်မှာလည်း ဟတ်ထရစ်ဂိုးသွင်းယူနိုင်ခဲ့တာပါ။ အဲဒါကြောင့် ချန်ပီယံလိဂ်ပြိုင်ပွဲ(၂)ပွဲဆက် ဟတ်ထရစ်ဂိုးသွင်းယူနိုင်ခဲ့တာဖြစ်ပါတယ်။

ဘန်ဇီမာ က “ဒါက ကျနော့်အပေါ်မှာ သက်ရောက်မှုမရှိပါဘူး။ ရမ်ဇာန်ဟာ ကျနော့်ဘဝရဲ့ အစိတ်အပိုင်းဖြစ်ပြီး ကျနော့်ရဲ့ဘာသာတရားဟာ ရမ်ဇာန်ဥပုသ်ကို တာဝန်တစ်ခုအဖြစ် သတ်မှတ်ပေးပါတယ်။ ဒါဟာ ကျနော့်အတွက် အလွန်အရေးကြီးပြီး အစာရှောင်နေတဲ့အချိန်မှာ နေလို့ထိုင်လို့ကောင်းပါတယ်။ ကျန်းမာရေး ကောင်းနေလို့လည်း ကျေးဇူးတင်ပါတယ်”လို့ ပြောခဲ့တာပါ။

ဘောလုံးပွဲဝေဖန်သုံးသပ်သူအဖြစ် ဆောင်ရွက်နေတဲ့ ရီယိုဖာဒီနန် က ချယ်လ်ဆီးနဲ့ပွဲမှာ ဟတ်ထရစ်ဂိုးသွင်းယူ ခဲ့တဲ့ ဘန်ဇီမာကို လာမယ့် ဘော်လွန်းဒီအောပိုင်ရှင်အဖြစ် ပြောသွားခဲ့ပါသေးတယ်။ “တကယ်လို့ ဘောလွန်းဒီ အောမှာ ဘန်ဇီမာရဲ့နာမည်ရေးမထိုးထားရင်တော့ ကျနော် အံသြမိမှာပါ။ သူက မှော်ဆန်ပါတယ်။ နောက်ဆုံး ကစားတဲ့ ချန်ပီယံလိဂ်ပွဲမှာလည်း သူဟာ ဟတ်ထရစ်ဂိုးသွင်းယူနိုင်ခဲ့သလို ဒီပွဲမှာလည်း အလားတူ နောက်ထပ် ဟတ်ထရစ်ဂိုးကို သွင်းယူသွားခဲ့ပြန်ပါတယ်”လို့ ပြောခဲ့တာဖြစ်ပါတယ်။

ဘန်ဇီမာ ဟာ ဒီရာသီမှာ ရီးရယ်လ် အသင်းအတွက် (၃၆)ပွဲ ကစားထားပြီး (၃၇)ဂိုး သွင်းယူထားတာပါ။ ဒီထဲမှာ ချန်ပီယံလိဂ်သွင်းဂိုး(၁၁)ဂိုးအထိ ပါဝင်နေတာလည်းဖြစ်ပါတယ်။

CNI Sport News

၂၀၂၂ ခုနှစ်၊ ဧပြီ ၇

ရီးရယ်လ် အသင်းခေါင်းဆောင် ဘန်ဇီမာ ဟာ ရမ်ဇာန်ဥပုသ်လဖြစ်နေတာကြောင့် အစာရှောင်နေရပေမယ့် ချယ်လ်ဆီး အသင်းနဲ့ကစားခဲ့တဲ့ ချန်ပီယံလိဂ်ကွာတားဖိုင်နယ် ပထမအကျော့ပွဲစဉ်မှာ ဟတ်ထရစ်ဂိုးသွင်းယူ နိုင်ခဲ့ပါတယ်။

ဘန်ဇီမာ ဟာ မူဆလင်ဘာသာ ယုံကြည်မှုရဲ့ အစိတ်အပိုင်းအဖြစ် ရာမ်ဇာန်ဥပုသ်စောင့်ထိန်းနေတာပါ။ ပြင်သစ် တိုက်စစ်မှူး ဟာ အစာရှောင်နေပေမယ့် သူ့ရဲ့စွမ်းဆောင်ရည်ကို ထိခိုက်ခဲ့ခြင်းမရှိဘဲ ဟတ်ထရစ်သွင်းယူပြီး ခြေစွမ်းပြသနိုင်ခဲ့တာဖြစ်ပါတယ်။ ဘန်ဇီမာ ဟာ ပြီးခဲ့တဲ့ ပီအက်စ်ဂျီ အသင်းနဲ့ ချန်ပီယံလိဂ်(၁၆)သင်း အဆင့် ဒုတိယအကျော့ပွဲစဉ်မှာလည်း ဟတ်ထရစ်ဂိုးသွင်းယူနိုင်ခဲ့တာပါ။ အဲဒါကြောင့် ချန်ပီယံလိဂ်ပြိုင်ပွဲ(၂)ပွဲဆက် ဟတ်ထရစ်ဂိုးသွင်းယူနိုင်ခဲ့တာဖြစ်ပါတယ်။

ဘန်ဇီမာ က “ဒါက ကျနော့်အပေါ်မှာ သက်ရောက်မှုမရှိပါဘူး။ ရမ်ဇာန်ဟာ ကျနော့်ဘဝရဲ့ အစိတ်အပိုင်းဖြစ်ပြီး ကျနော့်ရဲ့ဘာသာတရားဟာ ရမ်ဇာန်ဥပုသ်ကို တာဝန်တစ်ခုအဖြစ် သတ်မှတ်ပေးပါတယ်။ ဒါဟာ ကျနော့်အတွက် အလွန်အရေးကြီးပြီး အစာရှောင်နေတဲ့အချိန်မှာ နေလို့ထိုင်လို့ကောင်းပါတယ်။ ကျန်းမာရေး ကောင်းနေလို့လည်း ကျေးဇူးတင်ပါတယ်”လို့ ပြောခဲ့တာပါ။

ဘောလုံးပွဲဝေဖန်သုံးသပ်သူအဖြစ် ဆောင်ရွက်နေတဲ့ ရီယိုဖာဒီနန် က ချယ်လ်ဆီးနဲ့ပွဲမှာ ဟတ်ထရစ်ဂိုးသွင်းယူ ခဲ့တဲ့ ဘန်ဇီမာကို လာမယ့် ဘော်လွန်းဒီအောပိုင်ရှင်အဖြစ် ပြောသွားခဲ့ပါသေးတယ်။ “တကယ်လို့ ဘောလွန်းဒီ အောမှာ ဘန်ဇီမာရဲ့နာမည်ရေးမထိုးထားရင်တော့ ကျနော် အံသြမိမှာပါ။ သူက မှော်ဆန်ပါတယ်။ နောက်ဆုံး ကစားတဲ့ ချန်ပီယံလိဂ်ပွဲမှာလည်း သူဟာ ဟတ်ထရစ်ဂိုးသွင်းယူနိုင်ခဲ့သလို ဒီပွဲမှာလည်း အလားတူ နောက်ထပ် ဟတ်ထရစ်ဂိုးကို သွင်းယူသွားခဲ့ပြန်ပါတယ်”လို့ ပြောခဲ့တာဖြစ်ပါတယ်။

ဘန်ဇီမာ ဟာ ဒီရာသီမှာ ရီးရယ်လ် အသင်းအတွက် (၃၆)ပွဲ ကစားထားပြီး (၃၇)ဂိုး သွင်းယူထားတာပါ။ ဒီထဲမှာ ချန်ပီယံလိဂ်သွင်းဂိုး(၁၁)ဂိုးအထိ ပါဝင်နေတာလည်းဖြစ်ပါတယ်။

Source:TheSun

CNI Sport News

၂၀၂၂ ခုနှစ်၊ ဧပြီ ၇

မာရာဒိုနာရဲ့ ၁၉၈၆ အာဂျင်တီးနား ကမ္ဘာ့ဖလားပြိုင်ပွဲရဲ့ ဘုရားပေးတဲ့ လက်တစ်စုံလို့ နာမည်တွင်ထားတဲ့ ဂျာစီကို လေလံ တင် ရောင်းချသွားမှာဖြစ်ပြီး ပေါင် ၄ သန်းရရှိဖို့ မျှော်လင့်ထားတယ်လို့ သိရပါတယ်။

ကွယ်လွန်သွားခဲ့ပြီဖြစ်တဲ့ ဂန္တဝင် ကစားသမားဟာ အင်္ဂလန်နဲ့ ကစားခဲ့တဲ့ ကွာတားဖိုင်နယ်ပွဲမှာ အဆိုပါဂျာစီ ဝတ်ဆင်ပြီး ၂ ဂိုး သွင်းယူခဲ့တာပါ။

ဒီပွဲမှာ သွင်းယူခဲ့တဲ့ မာရာဒိုနာရဲ့ ပထမဂိုးဟာ အင်္ဂလန်ဂိုးသမား ပီတာရှယ်လ်တန်ကို ကျော်ပြီး အငြင်းပွားဖွယ်ရာ လက်နဲ့ ပုတ် သွင်းယူခဲ့တာ ဖြစ်ပါတယ်။ ဒုတိယဂိုးကတော့ ရာစုနှစ်ရဲ့ အကောင်းဆုံးဂိုးအဖြစ် သတ်မှတ်ခံရလောက်တဲ့အထိ ကောင်း မွန်ခဲ့တာပါ။

မာရာဒိုနာရဲ့ အထင်ကရ ကျောနံပတ်(၁၀) အပြာရောင်ဂျာစီဟာ အင်္ဂလန်ကွင်းလယ် ကစားသမားဟောင်း စတီဗ်ဟော့ချ်ရဲ့ လက်ထဲမှာ ရှိနေတာ ဖြစ်ပါတယ်။

စတိဗ်ဟော့ချ်ဟာ ဒီပွဲအပြီးမှာ မာရာဒိုနာနဲ့ ဂျာစီချင်း လဲလှယ်ခဲ့တာပါ။ စတိဗ်ဟော့ချ်ဟာ မာရာဒိုနာရဲ့ ဘုရားပေးတဲ့ လက် တစ်စုံ သွင်းဂိုးဖြစ်အောင် ဘောလုံးကို လေထဲရောက်ရှိအောင် ပြုလုပ်ခဲ့တာလို့လည်း အချက်အလက်တွေအရ သိရပါတယ်။

မာရာဒိုနာ လက်ဖြင့်ပုတ်ဂိုးသွင်းခဲ့စဉ် (BeSoccer)

စတိဗ်ဟော့ချ်က “ဒီယေဂိုနဲ့ ကျနော်တို့ဟာ ဥမင်လှိုဏ်ခေါင်းထဲမှာ ဂျာစီလဲလှယ်ခဲ့တာဖြစ်ပြီး ဒီဂျာစီကို (၃၅)နှစ်ကျော်ကြာ ပိုင်ဆိုင်ခဲ့ရတဲ့ ဂုဏ်ယူစရာပိုင်ရှင် ဖြစ်လာခဲ့ပါတယ်။ ဒီလို သမိုင်းတစ်လျှောက် အကောင်းဆုံး ကစားသမားနဲ့ ရင်ဆိုင်ရတာ တကယ့် အခွင့်ထူးပါပဲ”လို့ ပြောခဲ့တာပါ။

စတိဗ်ဟော့ချ် ကတော့ မာရာဒိုနာရဲ့ ဂျာစီကို ရောင်းချတာကနေ ပေါင် ၄ သန်းရရှိဖို့ မျှော်လင့်ထားပါတယ်။ ပေါင် ၄ သန်း ရရှိခဲ့မယ်ဆိုရင် ဘာဘီရုဒ်ရဲ့ ယန်းကီးဂျာစီ ပြီးရင် ဒုတိယမြောက် စျေးအကြီးဆုံး ဂျာစီဖြစ်လာမှာပါ။ ဘာဘီရုဒ်ရဲ့ ဂျာစီကို လေလံတင် ရောင်းချခဲ့ရာ ပေါင် ၄.၃ သန်း ရရှိခဲ့ပြီး လေလံပွဲမှာ ရောင်းချခဲ့ရတဲ့ စျေးအကြီးဆုံး ဂျာစီ ဖြစ်ခဲ့ပါတယ်။

မာရာဒိုနာဟာ ၂၀၂၀ နိုဝင်ဘာလက ကွယ်လွန်သွားခဲ့တာပါ။

မာရာဒိုနာ ကွယ်လွန်သွားပြီးကတည်းက သူပိုင်ဆိုင်ခဲ့တဲ့ ပစ္စည်းအများအပြားကို လေလံတင် ရောင်းချမှုတွေ ပြုလုပ်လာခဲ့တာ ဖြစ်ပါတယ်။ ဒီထဲမှာ သူ့ရဲ့ အိမ်ဟောင်း ၂ လုံးနဲ့ ကားအဟောင်း ၃ စီးတို့ဟာ စာရင်းထဲမှာ ပါဝင်နေခဲ့တာပါ။ အသက် ၆၀ အရွယ်မှာ ကွယ်လွန်ခဲ့တဲ့ မာရာဒိုနာဟာ အာဂျင်တီးနား လက်ရွေးစင် အသင်းနဲ့ ၁၉၈၆ ကမ္ဘာ့ဖလား ချန်ပီယံဆုကို ရယူနိုင်ခဲ့ တာ ဖြစ်ပါတယ်။

Source: The Sun

CNI Sport News

၂၀၂၂ ခုနှစ်၊ ဧပြီ ၆

မြန်မာ အသင်းဟာ အာဆီယံဖူဆယ်ချန်ပီယံရှစ်ပြိုင်ပွဲရဲ့ အုပ်စုနောက်ဆုံးပွဲစဉ်အဖြစ် တီမော အသင်းနဲ့ ယနေ့ ကစားခဲ့ရာ ၁ဝ ဂိုး- ၃ဂိုးနဲ့ ဂိုးပြတ်အနိုင်ရပြီး အုပ်စုပထမနဲ့ အကြိုဗိုလ်လုပွဲ တက်နိုင်ခဲ့တာ ဖြစ်ပါတယ်။

ဗီယက်နမ် အသင်းက သြစတြေးလျ အသင်းကို ၅ ဂိုး-၁ ဂိုးနဲ့ အနိုင်ရခဲ့တာကြောင့် မြန်မာ အသင်းဟာ အုပ်စု ပထမနဲ့ နောက်တစ်ဆင့်တက်နိုင်ဖို့ ဂိုးပြတ်သွင်းယူနိုင်ဖို့လိုအပ်ခဲ့တာပါ။ အဲဒါကြောင့် ပွဲစကတည်းက အကောင်းဆုံးတိုက်စစ်ဆင်ခဲ့ပြီး ပထမပိုင်းမှာတင် ၇ ဂိုး - ၂ဂိုးနဲ့ အနိုင်ရခဲ့တာဖြစ်ပါတယ်။ ဒုတိယပိုင်းမှာ နောက်ထပ်(၃)ဂိုးထပ်သွင်းပြီး ဂိုးပြတ်နိုင်ပွဲကို ပုံဖော်ခဲ့တာပါ။

မြန်မာ အသင်းအတွက် ဂိုးတွေကို လှိုင်မင်းထွန်းက (၄)ဂိုး၊ မျိုးသက်အောင်က (၃)ဂိုး၊ သိုင်းဘွဲ့အောင်၊ မျိုးမြင့်စိုးနဲ့ ဝေဇင်ဦး တို့က (၁)ဂိုးစီ သွင်းယူခဲ့တာဖြစ်ပါတယ်။ မြန်မာ အသင်းဟာ အုပ်စုတွင်း (၃)ပွဲကစားအပြီးမှာ ဗီယက်နမ် အသင်းနဲ့အတူ ရမှတ်(၇)မှတ်ချင်းတူညီနေပေမယ့် မြန်မာ အသင်းက ဂိုးကွာခြားချက်မှာ အသာရခဲ့တာပါ။ ဒီလို အသာရခဲ့တဲ့အတွက် မြန်မာ အသင်းဟာ အုပ်စု ပထမရယူနိုင်ခဲ့တာဖြစ်ပါတယ်။

မြန်မာ အသင်းနည်းပြ ဘန်လာ့တ်ချီယိုဝါရမ် က “ကျနော်တို့ ဒီပွဲမှာ (၆)ဂိုး အနိုင်ရဖို့လိုအပ်နေတာကြောင့် ပွဲစကတည်းက power play နဲ့ ကစားခဲ့ပါတယ်။ ကစားသမားတွေအနေနဲ့ ဒီပွဲမှာ အာရုံစိုက်မှုအနည်းငယ် လိုအပ်ချက်ရှိခဲ့ပြီး ခံစစ်ကစားပုံသိပ်မကောင်းခဲ့ပါဘူး။ ဒါပေမယ့် ၁ဝ ဂိုး-၃ဂိုး ရလဒ်ကြောင့် ကျနော်တို့အနေနဲ့ ဂိုးပြတ်အနိုင်ရခဲ့ပြီး လိုအပ်တဲ့ ဂိုးတွေရခဲ့လို့ပျော်ရွှင်ရပါတယ်”လို့ ပြောခဲ့တာပါ။

မြန်မာ အသင်းဟာ အကြိုဗိုလ်လုပွဲတက်နိုင်ခဲ့တာကြောင့် အာရှဖူဆယ်ပြိုင်ပွဲယှဉ်ပြိုင်ခွင့် ရနိုင်ဖို့ မျှော်လင့်ချက် တွေ ပိုမိုရှင်သန်လာခဲ့တာလည်းဖြစ်ပါတယ်။