- By CNI
- Category: နိုင်ငံရေး
- Hits: 564
CNI News
၂၀၂၃ ခုနှစ်၊ ဇန်နဝါရီ ၂၀
ရန်ကုန်မြို့ ရွှေလီလမ်းရှိ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီ(NS PNC)ရုံးမှာ ယနေ့ (ဇန်နဝါရီ ၂၀ ရက်) နေ့လယ် ၁ နာရီကျော်က ဗုံးပေါက်ကွဲမှု ဖြစ်ပွားခဲ့ကြောင်း သိရသည်။
ရန်ကုန်မြို့ရှိ NSPNC ရုံးဝင်းအတွင်းသို့ ဗုံး ၂ လုံး ပစ်သွင်းခဲ့ရာ တစ်လုံး ပေါက်ကွဲခဲ့ပြီး တစ်လုံးမှာ မပေါက်ကွဲ ဘဲ ကျန်နေရာမှ လုံခြုံရေးတပ်ဖွဲ့က ဖောက်ခွဲခဲ့ရကြောင်း သိရသည်။
ပေါက်ကွဲခဲ့သော ဗုံးသည် NSPNC ရုံး ခြံဝင်းအတွင်းရှိ ကားများ ရပ်နားသည့် အမိုးပေါ်သို့ ကျရောက်ခဲ့ရာ ကား သုံးစီး ပျက်စီးခဲ့ခြင်း ဖြစ်သည်။
NSPNC နဲ့ နိုင်ငံရေးပါတီများ တွေ့ဆုံဆွေးနွေးစဉ်
အဆိုပါ NSPNC ရုံးသည် တိုင်းရင်းသား လက်နက်ကိုင်များ၊ နိုင်ငံရေးပါတီများ၊ နိုင်ငံတကာ သံတမန်များနှင့် တွေ့ဆုံကာ ငြိမ်းချမ်းရေး လုပ်ငန်းစဉ်များကို ဆွေးနွေးမှုများ ပြုလုပ်လေ့ရှိသော နေရာဖြစ်သည်။
ရန်ကုန်မြို့ရှိ NSPNC ရုံးအတွင်း ဗုံးပေါက်ကွဲမှု ဖြစ်စဉ်နှင့်ပတ်သက်ပြီး နစကသတင်းထုတ်ပြန်ရေးအဖွဲ့သို့ ဆက်သွယ် မေးမြန်းထားသော်လည်း ပြန်လည်ဖြေကြားခြင်း မရှိသေးပေ။
- By CNI
- Category: နိုင်ငံရေး
- Hits: 605
CNI News
၂၀၂၃ခုနှစ်၊ ဇန်နဝါရီ ၂၀
လက်ရှိ မြန်မာနိုင်ငံမှာ ဖြစ်ပေါ်နေသည့် နိုင်ငံရေး အကျပ်အတည်းကြောင့် အိမ်နီးချင်းနိုင်ငံများ အနေဖြင့် မည်ကဲ့သို့သော အကျိုးအမြတ်များ ရနေသလဲဆိုခြင်းအပေါ် နိုင်ငံရေးအသိုင်းအဝိုင်းကြား သုံးသပ်လျှက် ရှိနေသည်။
မြန်မာနိုင်ငံသည် မငြိမ်းချမ်းသည့်အတွက် အိမ်နီးချင်းနိုင်ငံများ အနေဖြင့် အကျိုးအမြတ် ရရှိနေကြောင်း မြန်မာ့ နိုင်ငံရေးလေ့လာသုံးသပ်သူ ဒေါက်တာအောင်မျိုးက CNI သတင်းဌာနသို့ ပြောသည်။
၎င်းက “အိမ်နီးချင်းနိုင်ငံတွေ အမြတ်ရနေတာကတော့ အကြီးအကျယ် အမြတ်ရတာပေါ့နော်၊ ဥပမာ ဆိုပါတော့ ဗျာ၊ မြန်မာမှာက မငြိမ်းချမ်းတဲ့ အခါကြတော့ ပထမတစ်ချက်က ဘင်္ဂလားဒေ့ရှ်နဲ့ ပတ်သက်တဲ့ ဒုက္ခသည် ပြဿနာတွေ မြန်မာပြည်က ကောင်းကောင်း မကိုင်တွယ်နိုင်ဘူး၊ မကိုင်တယ်နိုင်တဲ့ အတွက်ကြောင့်မို့လို့ ဒီဒုက္ခ သည်တွေ အပေါ်မှာ မူတည်ပြီးတော့ ဘင်္ဂလားဒေ့ရှ်က အကျိုးအမြတ် တစ်ခုရတယ်၊ နောက်တစ်ခုကြတော့ ထိုင်း ပေါ့နော်၊ ထိုင်းကအခု ကျနော်တို့ အမေရိကန် ကာကွယ်ရေးအက်ဥပဒေအရ သူတို့ ငွေထောက်ပံ့တယ် ဆိုပါတော့ ဒါတွေအားလုံးက ထိုင်းကတဆင့် လာတာလေ၊ တရုတ်က တစ်ဆင့် လာတာမဟုတ်ဘူး၊ တရုတ်က ဒါကို ဒီအက် (NDAA)ကြီးက ထိုင်ဝမ်မှာပါနေတော့ အမှန်တိုင်း ပြောရလို့ရှိရင် ဒီဥပဒေတွေနဲ့ မြန်မာပြည်ကို လုပ်လိုက်တာဟာ တကယ်တော့ တရုတ်ပြည်ကြီးကို အမှန်တိုင်း ပြောရလို့ရှိရင် ခြိမ်းခြောက်လိုက်တာပဲ၊ တစ်ဖက် တစ်လမ်းကနေ ပြီးတော့၊ ခုနငွေတွေဟာ KNU၊ ဘာညာအကုန် အဲလူတွေက ယိုးဒယားကနေ တဆင့် လာတဲ့အခါကြတော့ ထိုင်း မှာ ဘတ်(ထိုင်းငွေ)လဲတဲ့ အခါကြတော့ အကျိုးအမြတ် တစ်ခါရသွားတယ် ထိုင်းက၊ နောက်တစ်ခုက လက်နက် တွေလည်း ရသွားတယ်” ဟု ပြောသည်။
ဒီမိုကရေစီအရေး တောင်းဆို ဆန္ဒပြနေသူများကိုတွေ့ရစဉ် (ဖရွန်းတီးယားမြန်မာ)
လက်ရှိ မြန်မာနိုင်ငံတွင် လက်နက်ကိုင် ပဋိပက္ခများ ဖြစ်ပွားလျက်ရှိနေပြီး၊ နိုင်ငံရေး၊ စီးပွားရေး၊ လူမှုရေး၊ ကျန်းမာ ရေး၊ ပညာရေး စသည့် အကျပ်အတည်းများဖြင့် ရင်ဆိုင်နေရသည်။
မြန်မာ့နိုင်ငံရေး မတည်ငြိမ်မှုကြောင့် အိမ်နီးချင်းနိုင်ငံများ လက်နက်ရောင်းချခွင့် ရနေကြောင်း နိုင်ငံရေးလေ့လာ သုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။
၎င်းက “အိမ်နီးချင်းနိုင်ငံတွေရဲ့ အကျိုးအမြတ်ကတော့ တစ်ခုကတော့ လက်နက်ရောင်းချခွင့် ရတာပေါ့ကွာ၊ အိမ်နီးချင်း နိုင်ငံအနေနဲ့ဆိုရင် အိန္ဒိယနဲ့ တရုတ်ပေါ့၊ ရုရှားကလည်း လေယာဉ်နဲ့ ပတ်သက်တဲ့ ပစ္စည်းတွေ ရောင်း ပါတယ်၊ ဒါပေမဲ့ ရုရှားက ဒီလောက် မဟုတ်ပါဘူး။ ဘာလို့လဲဆိုတော့ နည်းနည်းဝေးတာကိုး နောက်ပြီးတော့ သူက လေကြောင်းထိုးစစ်နဲ့ပဲ ဆိုင်တဲ့ ပစ္စည်း၊ ပစ္စယတွေပဲ ရောင်းချနေတာ၊ အဓိကကတော့ တရုတ်ရဲ့ လက်နက် စီးကြောင်းတွေဟာ တရားဝင် ရောင်းချနေတာ မဟုတ်ပေမဲ့ ပြည်တွင်းမှာ အများဆုံး ဝင်ရောက် နေတာကတော့ တရုတ်ကနေ ဝင်ရောက်နေတာ ဖြစ်ပါတယ်၊ အိန္ဒိယကလည်း လက်နက်ကျည်နဲ့ ပတ်သက်တာရယ်၊ နောက်ပြီး တော့ ရေကြောင်းတိုးချဲ့ တည်ဆောက်ရေး ဘာညာဆိုတဲ့ကိစ္စတွေ အဲဒါတွေလည်း များပါတယ်၊ အဓိကကတော့ ဒီနေ့ ဗမာပြည်မှာ လက်နက်စီးဝင်မှုကတော့ တရုတ်ဆီကပဲ အဓိကဖြစ်ပါတယ်၊ ဒါပေမဲ့ တရုတ်က တရားဝင်တဲ့ လမ်းကြောင်းကနေပြီးတော့ ပို့တာမဟုတ်ပါဘူး။ UWSA ကနေတဆင့် ပို့နေတာ ဖြစ်ပါတယ်” ဟု ပြောသည်။
ဗိုလ်ချုပ်မှူးကြီးမင်းအောင်လှိုင်နဲ့ တရုတ်အထူးကိုယ်စားလှယ်ကိုတွေ့ရစဉ်
မြန်မာ့နိုင်ငံရေး မတည်ငြိမ်မှုကြောင့် အိမ်နီးချင်းနိုင်ငံများမှ လက်နက်များ ရောင်းချနေကြသလို မြန်မာ အလုပ် သမားများကိုလည်း ဈေးနှုန်းသက်သာစွာခေါ်ယူခွင့် ရနေကြောင်း၊ ပဋိပက္ခကြောင့် ထွက်ပြေးလာသည့် ဒုက္ခသည် များမှတဆင့် လူသားချင်း စာနာမှု အကူအညီများ ပေးအပ်ရေးကနေလည်း အကျိုးအမြတ်များ ရရှိနေကြောင်း ထောက်ပြလျက်ရှိနေကြသည်။
အလားတူ မြန်မာနိုင်ငံအတွင်း အကျိုးအမြတ် သို့မဟုတ် အခွင့်အရေး အများအပြား ရယူ၍ စီးပွားရေး ရင်းနှီးမြှုပ် နှံမှုများလည်း ရရှိနေကြကြောင်း ထောက်ပြနေကြသည်။
- By CNI
- Category: နိုင်ငံရေး
- Hits: 826
CNI News
၂၀၂၂ ခုနှစ်၊ ဇန်နဝါရီ ၁၈
မြန်မာ့ငြိမ်းချမ်းရေးဖြစ်စဉ်နှင့် ပတ်သက်ပြီး တရုတ်မှ ကူညီချင်သည်ဟု မိမိအား ပြောလာကြောင်း ရခိုင့်ဦးဆောင် ပါတီ(AFP)ဥက္ကဋ္ဌ ဒေါက်တာအေးမောင်က CNI သတင်းဌာနသို့ ပြောသည်။
တရုတ်နိုင်ငံဘက်က ရက္ခိုင့်တပ်တော် (ULA/AA) နှင့် မြန်မာ့တပ်တော်တို့ ဒုတိယအကြိမ် အပစ်အခတ် ရပ်စဲလိုက် သည်ကိုလည်း စိတ်ဝင်စားနေကြောင်း ၎င်းက ပြောသည်။
ဒေါက်တာအေးမောင်က “မြန်မာ့နိုင်ငံရေးကို စိတ်ဝင်စားပါတယ် တရုတ်ကလေ၊ ULA/AA နဲ့ မြန်မာ့တပ်မတော် ဒုတိယအကြိမ် အပစ်အခတ် ရပ်စဲသွားတဲ့ ကိစ္စလေးတွေလည်း သူတို့က သိချင်တယ်၊ သူတို့ (တရုတ်) ကိုယ်တိုင် ကလည်း ငြိမ်းချမ်းရေးကို ကူညီဆောင်ရွက်ပေးလိုတဲ့ သဘော ကျနော်တို့ ဒီစာသားလေးတွေကို ကြည့်တဲ့အခါမှာ ပြောတာဆိုတာလေးတွေကို ကြည့်တဲ့အခါမှာ ဒါမျိုးသုံးသပ်တာပေါ့၊ တရုတ်ပြည်ဖက်က ငြိမ်းချမ်းရေးဖြစ်စဉ်ကို ကူညီချင်တယ်၊ ULA/AA နဲ့ မြန်မာ့တပ်မတော်၊ နောက် မြောက်ပိုင်းလည်း ပါမှာပေါ့ဗျာ” ဟု CNI သတင်းဌာနသို့ ပြောသည်။
ရခိုင်ပြည်နယ်တွင် ULA/AA နှင့် တပ်မတော်တို့ ၂ နှစ်နီးပါး ရပ်နားထားသည့် တိုက်ပွဲမှာ ပြီးခဲ့သည့် ဩဂုတ်လ အတွင်းက တကျော့ပြန် ပြန်လည်ဖြစ်ပွားခဲ့သည်။
AA စစ်ဦးစီးချုပ် ဗိုလ်ချုပ်ထွန်းမြတ်နိုင်ကိုတွေ့ရစဉ်
ထို့နောက် ရခိုင်ပြည်နယ်အတွင်းရှိ ဒေသခံလူထု၏ ဆုံးရှုံးနစ်နာမှုကို ထောက်ထား၍ နှစ်ဖက်အဖွဲ့အစည်းကြား နားလည်မှုယူ၍ ပြီးခဲ့သည့် နိုဝင်ဘာ ၂၆ ရက်က တိုက်ပွဲများ ပြန်လည်ရပ်စဲကြောင်း သဘောတူညီမှု ယူခဲ့ကြ သည်။
တရုတ်နိုင်ငံသည် ၎င်းတို့၏ အကျိုးစီးပွားအတွက် မြန်မာနိုင်ငံကို ငြိမ်းချမ်းစေချင်သည်မှာ အမှန်တရားဖြစ်ကြောင်း မြန်မာ့နိုင်ငံရေး လေ့လာသုံးသပ်သူ ဒေါက်တာအောင်မျိုးက CNI သတင်းဌာနသို့ ပြောသည်။
၎င်းက “အားလုံးကတော့ ကိုယ့်အကျိုးစီးပွားအပေါ် မူတည်ကြတာပေါ့နော်၊ မြန်မာပြည်ကြီးက အေးချမ်းသွား ပြီဆိုရင် ဒါကတော့ တရုတ်ပြည်သူ့သမ္မတနိုင်ငံ အတွက်ကတော့ အကျိုးကျေးဇူးတစ်ခုပဲလေ၊ တရုတ်က မြန်မာကို ငြိမ်းချမ်းရေးမှာ ကူညီချင်တယ်ဆိုတာလည်း ဒါကတော့ အမှန်တရားပါပဲ၊ တစ်ခုရှိတာက တရုတ်က သူက သူ့သမိုင်းစဉ်လာကိုက လက်တွေ့ဖြစ်တည်မှု သဘောတရားကို သူက သွားတဲ့ သဘောရှိတယ်၊ မူဝါဒတွေထက်ကို တကယ်အလုပ်ဖြစ်ဖို့ အတိုင်းအတာကို သူက စဉ်းစားတဲ့သဘောရှိတယ်၊ အဲဒီအခါကြတော့ သူ့မှာ ဘာပြဿနာ ဖြစ်နေသလဲဆိုရင် ကျနော်က သူတို့ စိတ်ထဲကို ကြည့်လိုက်တာ လက်ရှိ ရှိနေတဲ့ နိုင်ငံရေးအကျပ်အတည်းမှာ သူ့ ရဲ့ အကျိုးစီးပွားဖြစ်တဲ့ ပိုက်လိုင်းကိစ္စ၊ ပိုက်လိုင်းကိစ္စရယ်၊ ကုန်သွယ်မှု ကိစ္စပေါ့နော်၊ ပြီးတော့ အဲဒီနေရာတွေမှာ တရုတ်အနေနဲ့က မြန်မာကို ကူညီတယ်၊ ဒါပေမဲ့ တိုင်းရင်းသား လက်နက်ကိုင်တွေအပေါ်မှာလည်း သူက မစွန့်ပစ်နိုင်ဘူး။ လိုရင် လိုသလို ကစားမယ်ဆိုတဲ့ သဘောထားကို သွားပြီးတော့ တွေ့နေတယ်” ဟု ပြောသည်။
မြောက်ပိုင်းလက်နက်ကိုင် သုံးဖွဲ့နဲ့ NSPNC ဆွေးနွေးပွဲကိုတွေ့ရစဉ်
တရုတ်နိုင်ငံ၏ ရင်းနှီးမြှပ်နှံမှုအဖြစ် ရခိုင်ပြည်နယ်ရှိ ကျောက်ဖြူ ရေနက်ဆိပ်ကမ်းမှ တရုတ်နိုင်ငံ၊ ယူနန်ခရိုင်ရှိ ကူမင်းမြို့သို့ မိုင်ပေါင်း ၄၇၉ မိုင် ရှည်လျားသည့် ရေနံနှင့် သဘာဝဓာတ်ငွေ့ ပိုက်လိုင်းများရှိသလို နယ်စပ် ကုန် သွယ်မှုမှတဆင့် အမေရိကန်ဒေါ်လာ သန်းနှင့်ချီ ရရှိကြောင်း သိရသည်။
လက်ရှိ မြန်မာနိုင်ငံတွင် လက်နက်ကိုင် ပဋိပက္ခများ ဖြစ်ပွားလျက်ရှိနေပြီး၊ နိုင်ငံရေး၊ စီးပွားရေး၊ လူမှုရေး၊ ကျန်းမာ ရေး၊ ပညာရေး စသည့် အကျပ်အတည်းများဖြင့် ရင်ဆိုင်နေရသည်။
တရုတ် - မြန်မာ နှစ်နိုင်ငံနယ်နိမိတ်မှာ မိုင်ပေါင်း ၁၃၀၀ ကျော် ထိစပ်လျက်ရှိပြီး နယ်စပ်အနီးတွင် ကချင် လွတ်လပ်ရေးတပ်မတော် (KIA)၊ ရှမ်းပြည်ပြန်လည် ထူထောင်ရေး ကောင်စီ (RCSS/SSA)၊ ရှမ်းပြည်တိုးတက် ရေးပါတီ (SSPP/SSA)၊ ‘ဝ’ ပြည်သွေးစည်းညီညွတ်ရေးပါတီ (UWSA)၊ မြန်မာနိုင်ငံ အမှန်တရား နှင့် မျှတမှု အမျိုးသားပါတီ (MNDAA)၊ အမျိုးသားဒီမိုကရေစီ မဟာမိတ်တပ်မတော် (NDAA)၊ ပလောင်ပြည် လွတ် မြောက်ရေးတပ်ဦး (PSLF/TNLA) စသည့် လက်နက်ကိုင် အဖွဲ့အစည်းများ လှုပ်ရှားလျက်ရှိသည်။
- By CNI News
- Category: နိုင်ငံရေး
- Hits: 422
CNI News
၂၀၂၃ ခုနှစ်၊ ဇန်နဝါရီ ၁၇
တောင်ပိုင်းစစ်ဒေသ၊ စစ်ဒေသခွဲအမှတ်(၃)ရှိ ပြည်သူ့ကာကွယ်ရေးတပ်ဖွဲ့(PDF) ဒေါနစစ်ကြောင်း၏ သင်တန်း ဆင်းပွဲနှင့် လက်နက်များ ပေးအပ်ခြင်းကို ဇန်နဝါရီ ၁၇ ရက်က ကျင်းပခဲ့သည်ဟု တောင်ပိုင်းစစ်ဒေသမှ ထုတ်ပြန် ခဲ့သည်။
အဆိုပါ အခမ်းအနားကို အမျိုးသားညီညီညွတ်ရေးအစိုးရ(NUG)၏ ဝန်ကြီးချုပ် မန်းဝင်းခိုင်းသန်း၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီးဌာန ဒုဝန်ကြီး ဒေါ်အိသဉ္ဇာမောင်၊ တောင်ပိုင်းတိုင်း စစ်ဒေသမှ ဗိုလ်မှူးကြီး စောဖီးနစ်၊ တောင်ပိုင်းတိုင်းစစ်ဒေသ- စစ်ဒေသခွဲအမှတ်(၃)မှ ဒုစစ်ဒေသမှူး ဗိုလ်စောရှားတို့ တက်ရောက်ခဲ့ကြောင်း သိရသည်။
- By CNI
- Category: နိုင်ငံရေး
- Hits: 1044
CNI News
၂၀၂၃ ခုနှစ်၊ ဇန်နဝါရီ ၁၇
စစ်ကိုင်းတိုင်းဒေသကြီး၊ ဗန်းမောက်မြို့နယ် ကျောက်ဆည်ကျေးရွာတွင် ရှမ်းနီအမျိုးသားများတပ်မတော် (SNA) နှင့် ကချင်လွတ်လပ်ရေးတပ်မတော် (KIA)၊ ပြည်သူ့ကာကွယ်ရေးတပ် (PDF) ပူးပေါင်းတပ်အကြား တိုက်ပွဲဖြစ်ပွားခဲ့ကြောင်း SNA မှ ဒုဗိုလ်မှူးကြီး စိုင်းအောင်မိန်းက CNI သတင်းဌာနသို့ ပြောသည်။
ဇန်နဝါရီ ၁၆ ရက်နေ့ နေလည် ၂ နာရီမှ ညနေ ၅ နာရီအထိ ဖြစ်ပွားခဲ့ကြောင်း၊ လက်ရှိမှာလည်း နှစ်ဖက် စစ်ရေးတင်းမာနေကြောင်း ၎င်းက ပြောသည်။
ဒုဗိုလ်မှူးကြီး စိုင်းအောင်မိန်းက “လောလောဆယ်တော့ ရန်သူ့ဘက်ကတော့ ၄ ယောက် ကျဆုံးတယ်ဆိုတာ သိထားရတယ်၊ ကျနော်တို့ဘက်ကတော့ ထိခိုက်ကျဆုံးမှုမရှိဘူးလို့ပဲ သတင်းပို့ထားတယ်၊ နောက် ကျနော်တို့ ဘက်က တောင်ကုန်း တောင်ကုန်းတစ်ခုကို၊ စခန်းတစ်ခုကို ပြန်ပြီးတော့ သိမ်းပိုက်ထားပြီလို့ ပြောတယ်။ ကျောက်ဆယ်နားလေး ပတ်ဝန်းကျင်က သူတို့က စခန်းတွေ အများကြီး ထိုင်ထားတာဗျ၊ စခန်းအတိအကျကို တော့ ကျနော်ပြောပြလို့ မရဘူးဖြစ်နေတယ်၊ ဘာဖြစ်လို့လဲဆိုရင် လွန်ခဲ့တဲ့ လတွေတုန်းက မနှစ်တုန်းကပေါ့ သူတို့ ကျနော်တို့ နယ်မြေဒေသထဲကို ထိုးဖောက်ဝင်ရောက်လာပြီးမှ အခြေစိုက်စခန်းတွေ ထိုင်ထားတဲ့အထဲမှာ ကျနော်တို့ ထိုးဖောက်ဝင်ရောက်ပြီးမှ သိမ်းပိုက်ရရှိထားပြီလို့ ပြောတယ်” ဟု CNI သတင်းဌာနသို့ ပြောသည်။
ကချင်လွတ်လပ်ရေးတပ်မတော်(KIA)ကို တွေ့ရစဉ်
အဆိုပါ တိုက်ပွဲနှင့် ပတ်သက်၍ KIA မှ ပြန်ကြားရေးတာဝန်ခံ ဗိုလ်မှူးကြီး နော်ဘူထံ CNI က ဖုန်းဆက်သွယ်ခဲ့ သော်လည်း ဖုန်းလက်ခံ ဖြေကြားခြင်း မရှိသေးပေ။
တိုက်ပွဲဖြစ်ပွားသည်ကို သိရှိရကြောင်း၊ အဆိုပါ ကျောက်ဆည်မှာ ဟုမ္မလင်းမြို့နယ်နှင့် ဗန်းမောက်မြို့နယ် အစပ်တွင် တည်ရှိပြီး သီးခြားနေရာ တစ်ခုဖြစ်နေကြောင်း ဗန်းမောက်ဒေသခံတစ်ဦးက CNI သတင်းဌာနသို့ ပြောသည်။
၎င်းက “ကျောက်ဆည်ဆိုတာ သမိုင်းအရဘဲ နာမည်ကြီးနေတာကိုး ကျောက်ဆည်က ချောင်းကကွာ ဟိုဖက် ဒီဖက် ကျောက်တောင်ကြီးပဲ ဆည်ပုံစံ ပိတ်ထားတာ၊ ဒါပေမဲ့ အဲဒီနေရာလေး နည်းနည်းလေးပဲ ဖွင့်ထားတာ လမ်းက အဲဒါမို့ ကျောက်ဆည် အဲဒီမှာမှ ဘုန်းကြီးကျောင်းက အကြီးကြီးပဲ သွားဆောက်ထားတာ ကျနော်တို့ သွားတုန်းက ဆိုရင် အိမ်က ဘယ်လောက်မှ မရှိသေးဘူးလေ၊ လူနေအိမ်တောင် မတွေ့သေးဘူး။ ဘုန်းကြီး ကျောင်းနဲ့ လှမ်းတယ် သူတို့ လူနေအိမ်က မန်ကျည်းကုန်းဆိုရင် ရှမ်းရွာအနေနဲ့ ပြောမယ်ဆိုရင် မန်ကျည်းကုန်း က အနီးဆုံးပဲလေ သူတို့နဲ့ အနီးဆုံးဆိုတာ တခြားရွာတွေနဲ့ ယှဉ်လိုက်ရင် ဒါပေမဲ့ တော်တော်လေး သွားရသေး တယ်” ဟု ပြောသည်။
ပြီးခဲ့သည့် ၂၀၂၂ ခုနှစ်၊ ဩဂုတ် ၂၀ ရက်က SNA ၏ ရှေ့တန်းစခန်းတစ်ခုကို KIA၊ PDF မှ အင်အား ၂၀၀ ခန့်ဖြင့် တိုက်ခိုက်ခဲ့ကြောင်း၊ ထို့နောက် ဩဂုတ် ၂၃ ရက်ကလည်း နှစ်ဖက် တိုက်ပွဲဖြစ်ပွားခဲ့သည့် ဖြစ်စဉ်များလည်း ရှိခဲ့သည်။
ပြီးခဲ့သည့် ၂၀၂၂ ခုနှစ်၊ ဩဂုတ်လ ၈ ရက်နေ့က ဖားကန့်မြို့နယ် ဆယ်ဇင်းကျေးရွာအနီးရှိ SNA ၏ ရှေ့တန်းစခန်း တစ်ခုကို KIA- PDF ပူးပေါင်းတပ်တို့ ဝင်ရောက်တိုက်ခိုက်ခဲ့ဖူးသည်။
လက်ရှိတွင် KIA နှင့် PDF ပူးပေါင်းအဖွဲ့များက SNA နှင့် ဒေသခံ လူထုအကြား စနစ်တကျစီမံ၍ သွေးခွဲနေ ကြောင်း ဒုဗိုလ်မှူးကြီး စိုင်းအောင်မိန်းက ပြောသည်။
KIA လက်အောက်ခံ ပြည်သူ့ကာကွယ်ရေးတပ်ဖွဲ့(PDF)ကို တွေ့ရစဉ်
၎င်းက “KIAနဲ့ PDF တွေက ဗန်းမောက်ဂွင် တစ်ခုလုံးကိုလည်း သူတို့ထိန်းချုပ်ချင်တဲ့ ဆန္ဒရှိတယ်၊ အနေအထား မှာ ရှိတယ်၊ ကျနော်တို့ ဟုမ္မလင်း မြို့နယ်ထဲကိုလည်း ဝင်ရောက်ထိုးဖောက်ဖို့ အနေအထားတွေ ရှိနေတယ်၊ ဒီတော့ ကျနော်တို့အနေနဲ့ ပြောရလို့ရှိရင်တော့ သူတို့က KIA အားကိုးနဲ့ ကျူးကျော်စစ်ကို ဆင်နွှဲနေတာ ဖြစ်တယ်၊ ပြောရလို့ရှိရင် ဒီစစ်ပွဲတွေကို PDF နဲ့ KIA က ပူးပေါင်းပြီးမှ တိုက်တယ်ဆိုပေမယ့်လို့ ဒေသခံလူထုတွေကို သူတို့ အနေနဲ့ PDF ထဲကို မဖြစ်မနေ အတင်းအဓမ္မ ဝင်ရောက်ခိုင်းပြီးမှ ရှေ့တန်းတင်ပြီး တိုက်ခိုက်ခိုင်းနေတော့ ကိုယ့် ဒေသခံတွေနဲ့ ကျနော်တို့ SNA တွေနဲ့ ပြန်ပြီးတော့မှ ရင်ဆိုင်တွေ့နေရတဲ့ အနေအထား ဖြစ်နေတယ်၊ ကျနော်တို့က တော့ ကိုယ့်လူထုနဲ့ ပြန်တိုက်နေရတဲ့ အနေအထားကို မလိုလားဘူး။ ပြောရလို့ရှိရင်တော့ တစ်ဖက်ကနေ ပြီး တော့မှ စနစ်တကျနဲ့ ကျနော်တို့ အချင်းချင်း အိမ်ကြက်အချင်းချင်း အိုးမဲသုတ်ပြီးမှ ခွပ်ခိုင်းတဲ့ စီမံချက်မျိုးကို စနစ်တကျနဲ့ ဖန်တီးနေတယ်လို့ ကျနော်တို့ အနေနဲ့ ယူဆရတယ်၊ ဒီဟာက တိုင်းရင်းသား အချင်းချင်းကြားထဲမှာ သပ်လျှိုဖြိုခွဲပြီးမှ ကျနော်တို့ကို သွေးကွဲအောင် လုပ်နေတဲ့ တိုက်ပွဲတွေပဲ ကျနော်တို့ကို သွေးကွဲသွားအောင် ကျနော်တို့ တိုင်းရင်းသားအချင်းချင်း သွေးကွဲသွားအောင်လို့ ခွဲနေတဲ့ စစ်ပွဲ၊ တိုက်ပွဲတွေ ဖြစ်နေတယ်လို့ သုံးသပ် လို့ ရပါတယ်” ဟု ပြောသည်။
SNA သည် စစ်ကိုင်းတိုင်းဒေသကြီးတွင် ပါဝင်နေသည့် မော်လိုက်ခရိုင်၊ ကလေး ခရိုင်၊ ခန္တီးခရိုင်၊ ကသာခရိုင်၊ တမူးခရိုင်နှင့် ကချင်ပြည်နယ်အတွင်း ပါဝင်နေသော ဗန်းမော်ခရိုင်၊ မြစ်ကြီးနားခရိုင်၊ မိုးညှင်းခရိုင်၊ မိုးကောင်း ဒေသတို့ကို စုစည်း၍ ရှမ်းနီပြည်နယ် ပြန်လည်ရရှိရေး ကြိုးပမ်းနေသည့် တိုင်းရင်းသား လက်နက်ကိုင်အဖွဲ့ ဖြစ်သည်။
KIA သည် ဖက်ဒရယ်ပြည်ထောင်စုတည်ဆောက်ရေး ကြိုးပမ်းနေသည့် တိုင်းရင်းသား လက်နက်ကိုင်အဖွဲ့ဖြစ် သလို PDF ကတော့ ၂၀၂၁ ခုနှစ် နွေဦးတော်လှန်ရေးကနေ အာဏာရှင်စနစ် တွန်းလှန်ရေး ကြိုးပမ်းနေသော လက်နက်ကိုင် အဖွဲ့ဖြစ်သည်။
- By CNI
- Category: နိုင်ငံရေး
- Hits: 529
CNI News
၂၀၂၃ ခုနှစ်၊ ဇန်နဝါရီ ၁၆
မိမိတို့ ပါတီဝင်များ ပြန်လည် လွတ်မြောက်လာရေး ရက္ခိုင့်တပ်တော် (ULA/AA) နှင့် ဆွေးနွေးရန် အကန့်အသတ် များ ရှိနေကြောင်း ရခိုင့်ဦးဆောင်ပါတီ(AFP)ဥက္ကဋ္ဌ ဒေါက်တာအေးမောင်က CNI သတင်းဌာနသို့ ပြောသည်။
AFP ပါတီမှ ဗဟိုကော်မတီဝင်များဖြစ်သည့် ဦးကျော်လွင်နှင့် ဦးကျော်ဇောဦးတို့ကို ULA/AA က ဖမ်းဆီးထား သည်ဟု ၎င်းက ပြောသည်။
ဒေါက်တာအေးမောင်က “AA နဲ့ ညှိနှိုင်းဖို့က မဖြစ်နိုင်လို့ ဆက်စပ်နိုင်ဖွယ်ရှိတဲ့ ပုဂ္ဂိုလ်တွေကိုတော့ဖြင့် ပြောကြား ထားပါတယ်၊ ဘာလို့ဆို ULA/AA က မတရားအသင်းဖြင့် ကြေညာထားဆဲ အဖွဲ့အစည်းဖြစ်တာကို ကျနော်တို့ နိုင်ငံရေးပါတီတွေနဲ့က စကားပြော ဆက်သွယ်လို့ မရဘူးလေ၊ အဲဒီ အကန့်အသတ်ရှိတယ်။ ကျနော်တို့လည်း အစွမ်းကုန်တော့ဖြင့် ဆက်သွယ်တာတွေကို တဆင့်ခံပြောပြီးပြီ၊ ကျနော်တို့က တိုက်ရိုက် ULA/AA ခေါင်းဆောင် တွေနဲ့ ပြောဖို့ကြတော့ ၁၇ (၁)၊ (၂) တို့က ရှိနေတယ်” ဟု CNI သတင်းဌာနသို့ ပြောသည်။
ရခိုင်ပြည်နယ်အတွင်းက လမ်းဆုံတစ်ခုကိုတွေ့ရစဉ်
ဦးကျော်ဇောဦးကို ULA/AA က ဖမ်းဆီးထားသည်ကို ထုတ်ဖော်ပြောကြားထားသော်လည်း ဦးကျော်လွင် ဖမ်းဆီးခံ ရခြင်းနှင့် ပတ်သက်၍ တစ်စုံတစ်ရာ ပြောဆိုမှု မရှိသေးပေ။
ဖမ်းဆီးထားသည့် ပါတီဝင်များ ပြန်လည်လွတ်မြောက်လာရေး ULA/AA ခေါင်းဆောင်များနှင့် တိုက်ရိုက် ဆက်သွယ်၍ မရသည့်အတွက် တရုတ်သံရုံးမှတဆင့် တရုတ်ပြည်ကွန်မြူနစ်ပါတီထံ အကူအညီ တောင်းထား ကြောင်း ဒေါက်တာအေးမောင်က ပြောသည်။
၎င်းက “ငြိမ်းချမ်းရေးနဲ့ ပတ်သက်လို့ တရုတ်ပြည်ဖက်က စိတ်ဝင်စားတဲ့ အခါမှာလည်း အဲဒီကိစ္စလေးတွေကို ပြောပါတယ်၊ တရုတ်ပြည်ဖက်ကတောင် ကျနော်တို့နဲ့ ULA ထိပ်ပိုင်းနဲ့ ရင်းနှီးနေလို့ ထင်ကြတာကိုး၊ ကျနော်တို့ ပါတီဖက်က ပုဂ္ဂိုလ်တွေကို ဖမ်းဆီးထားတယ်ဆိုတဲ့ သတင်းကို သူတို့ သိလို့ ဘာကြောင့် ဖမ်းတာဆီးတာလဲဆို တာကို သူတို့ဖက်က မေးမြန်းတဲ့ဥစ္စာကို ကျနော်တို့က ပြန်လည် ဖြေကြားတဲ့အခါမှာ ခုနလို အကူအညီတောင်းတဲ့ သဘော ကျနော်တို့ကလည်း ပြောတာပေါ့” ဟု CNI သတင်းဌာနသို့ ပြောသည်။
အဆိုပါ AFP ပါတီဝင်များကို ဖမ်းဆီးထားခြင်းနှင့် ပတ်သက်၍ ULA/AA ထံ ဖုန်းဆက်သွယ်ခဲ့သော်လည်း ဆက်သွယ်၍ မရသေးပေ။
AA တပ်မှူးချုပ် ဗိုလ်ချုပ်ထွန်းမြတ်နိုင်ကိုတွေ့ရစဉ်
AFP ပါတီ၏ ဒုတိယဥက္ကဋ္ဌ ဦးကျော်ဇောဦးသည် ပြီးခဲ့သည့် ၂၀၂၂ ခုနှစ်၊ နိုဝင်ဘာလ ၂ ရက်က ဖမ်းဆီးခံခဲ့ရပြီး ဦးကျော်လွင်ကတော့ ၂၀၂၂ ခုနှစ်၊ အောက်တိုဘာလ ၄ ရက်နေ့မှာ ဖမ်းဆီးခံခဲ့ရခြင်း ဖြစ်သည်။
အလားတူ ပြီးခဲ့သည့် ၂၀၂၂ ခုနှစ်၊ နိုဝင်ဘာလအတွင်းကလည်း ရခိုင်ပြည်လွတ်မြောက်ရေးပါတီ (ALP) ၏ ဗဟိုကော်မတီဝင် ခိုင်မြသာကို ULA/AA က ဖမ်းဆီးသွားသည့် ဖြစ်စဉ်များလည်း ရှိခဲ့သည်။
လက်ရှိတွင် ရခိုင်ပြည်နယ်၌ ULA/AA သည် လူထုထောက်ခံမှု ပိုမိုရရှိနေပြီး မြန်မာ့တပ်မတော်နှင့်လည်း တိုက်ပွဲများ ဖြစ်ပွားနေသည်။
ရခိုင်ပြည်နယ်တွင် ULA/AA နှင့် တပ်မတော်တို့ ၂ နှစ်နီးပါး ရပ်နားထားသည့် တိုက်ပွဲမှာ ပြီးခဲ့သည့် ဩဂုတ်လ အတွင်းက တကျော့ပြန် ပြန်လည်ဖြစ်ပွားခဲ့သည်။
ထို့နောက် ရခိုင်ပြည်နယ်အတွင်းရှိ ဒေသခံလူထု၏ ဆုံးရှုံးနစ်နာမှုကို ထောက်ထား၍ နှစ်ဖက်အဖွဲ့အစည်းကြား နားလည်မှုယူ၍ တိုက်ပွဲများ ပြန်လည်ရပ်စဲကြောင်း သဘောတူညီမှု ယူခဲ့ကြသည်။
လက်ရှိတွင် AA သည် တပ်မတော်နှင့် တိုက်ပွဲများ ရပ်တန့်ထားပြီး ရခိုင်ပြည်နယ်အတွင်းရှိ မြောက်ပိုင်းဒေသများ ၌ အင်အားအလုံးအရင်းဖြင့် လှုပ်ရှားလျက်ရှိနေသလို တရားစီရင်ရေးနှင့်အုပ်ချုပ်ရေးလုပ်ငန်းများကို ဖော်ဆောင် နေကြောင်း သိရသည်။
- By CNI
- Category: နိုင်ငံရေး
- Hits: 671
CNI News
၂၀၂၃ ခုနှစ်၊ ဇန်နဝါရီ ၁၄
ဒီမိုကရေစီလမ်းစဉ်ဖြင့် သွားလိုက်သည့်အချိန် မြန်မာပြည်မှာ လက်နက်ကိုင်လမ်းစဉ် ပိုမိုများပြားလာကြောင်း သေနင်္ဂမဟာဗျူဟာလေ့လာရေးအဖွဲ့မှ ဒါရိုက်တာ ဦးသိန်းထွန်းဦးက CNI သတင်းဌာနသို့ ပြောသည်။
အမျိုးသားလုံခြုံရေးအရ ကြည့်မည်ဆိုပါက ဒီမိုကရေစီခေတ်တွင် လက်နက်ကိုင်များမှ ငြိမ်းချမ်းရေး၊ လူ့အခွင့် အရေး စသည့် အရေးကိစ္စများဖြင့် သူတို့၏ အခွင့်အလမ်းများကို လုပ်ဆောင်နေကြောင်း ၎င်းက ပြောသည်။
ဦးသိန်းထွန်းဦးက “ပြောရရင်တော့ ကောင်းတော့ မကောင်းဘူးပေါ့နော်၊ ဒီမိုကရေစီ တည်ဆောက်ရေး လမ်းစဉ် ဆိုပြီး သွားလိုက်တဲ့ အချိန်ကြမှပဲ မြန်မာပြည်မှာ လက်နက်ကိုင်လမ်းစဉ်က ပေါလာလိုက်တာ မိုးဦးကျ မှိုပေါက် တာမှ နည်းနည်း နည်းချင်နည်းနေဦးမယ်၊ အရမ်းများတဲ့ အတွက်ကြောင့် အဲဒီလက်နက်ကိုင်တွေက ဘယ်ဦးတည် ချက်နဲ့ သူတို့ သွားနေကြတာလဲ၊ ပြောရရင်တော့ သီအိုရီအရတော့ နန့်စတိတ်အက်တာတွေပါ၊ သူတို့မှာ ဘာဖြစ် လဲဆိုတော့ နိုင်ငံရေးဆိုင်ရာ ဦးတည်ချက်တွေ ရှိတယ်၊ နိုင်ငံရေးဆိုင်ရာ ဦးတည်ချက်တွေ မရရအောင် လုပ်မယ်ဆို ရင်တော့ အဲဒါတွေကို ပြန်လည် ဖြေရှင်းရင်းနဲ့ စစ်ရေးက နောက်က ကျွဲကူးရေပါ ဆိုသလို နောက်က လိုက်လာမှာ ပဲ” ဟု CNI သတင်းဌာနသို့ ပြောသည်။
NUG လက်အောက်ရှိ PDF များကိုတွေ့ရစဉ်
နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းခွင့်မရ၍ လက်နက်ကိုင်လမ်းစဉ်ကို ရွေးချယ်ခဲ့ကြခြင်းဖြစ် ကြောင်း ပအိုဝ်းအမျိုးသား ဖက်ဒရယ်ကောင်စီ (PNFC) ဥက္ကဋ္ဌ ခွန်မြင့်ထွန်းက CNI သတင်းဌာနသို့ ပြောသည်။
ခွန်မြင့်ထွန်းက “ကျနော်တို့ တိုင်းပြည်မှာ ဒီတော်လှန်ရေးတွေ ပေါ်ပေါက်လာရတာကတော့ ဒီမိုကရေစီ မိုးမှောင် ကျသွားလို့ ဖြစ်ပါတယ်၊ ကျနော်တို့ တိုင်းပြည်မှာ ဒီမိုကရေစီတွေ မိုးမှောင်ကျခဲ့တယ်၊ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းခွင့် မရခဲ့လို့ လူထုအပေါ်မှာ ဖိစီးနှိပ်စက်တယ်၊ အဲဒီအခါမှာ လူထုက မိမိကိုယ်ကို မိမိ ခုခံ ကာကွယ်ရတယ်၊ ဒီနေ့ နွေဦးတော်လှန်ရေး ဖြစ်စဉ်က အဲဒါပါ၊ ဒီမိုကရေစီ မိုးမှောင်ကျသွားတယ်၊ ပါးစပ်နဲ့ ပြောလို့ ရှင်းလို့ မရတော့ဘူး။ ရှင်းလို့မရတဲ့အပြင် လူထုကို ပြည်သူကို ရန်သူလို့ သတ်မှတ်ပြီး သတ်ဖြတ်နှိပ်စက်တဲ့ အချိန် မှာ ပြည်သူလူထုက ပေါ်ပြူလေးရှင်း ပရိုတက်ရှင်းပေါ့၊ လူထုက ပြန်ပြီးတော့ ခုခံတွန်းလှန်ရတာပေါ့၊ ဒီနေ့ ကျနော် တို့ တိုင်းပြည်မှာ ဖြစ်နေတဲ့ တော်လှန်ရေးရဲ့ အခြေခံက အဲဒါပါ။ ဒါကြောင့် အရင်းခံ အကြောင်းအရင်းက ဒီစစ် အာဏာရှင်စနစ်နဲ့ ဒီစစ်အာဏာရှင်စနစ်ကို ပြင်းပြင်းထန်ထန် ကိုင်တွယ်ကျင့်သုံးနေတဲ့ စစ်အာဏာရှင်တွေကြောင့် ဖြစ်ပါတယ်၊ ဒါကတော့ အခြေခံ အကြောင်းအရင်းပါ” ဟု ပြောသည်။
တပ်မတော်နဲ့ ငြိမ်းချမ်းရေး ဆွေးနွေးနေသည့် လက်နက်ကိုင်အဖွဲ့များကိုတွေ့ရစဉ်
မြန်မာပြည်မှာ လက်နက်ကိုင် အဖွဲ့အစည်း များပြားလာခြင်းမှာ ဒီမိုကရေစီ အခွင့်အရေး မခံစား၍သောကြောင့် ဖြစ်သည်ဟု နိုင်ငံရေးလေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။
ဦးသန်းစိုးနိုင်က “ဒီမိုကရေစီခေတ်မှာကတော့ လက်နက်ကိုင်တွေ ပိုများတယ်ဆိုတာက ကျနော်တို့က ဒီမိုကရေစီ အခွင့်အရေး မခံစားရလို့ပါ၊ ပြီးခဲ့တဲ့ ဒေါ်အောင်ဆန်းစုကြည် လက်ထက်က အဲဒီအဖွဲ့အစည်းတွေနဲ့ ငြိမ်းချမ်းရေး ကြိုးပမ်းတဲ့ ဆောင်ရွက်မှုတွေ ရှိခဲ့ပါတယ်၊ ဒါပေမဲ့ စစ်အာဏာသိမ်းပြီးတဲ့အခါမှာ အဲဒီအင်အားစုတွေ ပိုပြီးတော့ တိုးပွားများပြားလာတာ ဖြစ်ပါတယ်၊ စစ်ကောင်စီရဲ့ မတရား အာဏာသိမ်းမှုအောက်မှာ ပေါ်ပေါက်လာတဲ့ PDF ဆို တာ သိန်းနဲ့ချီပြီးတော့ ရှိသွားပြီ၊ အဖွဲ့အစည်းတွေလည်း ရာနဲ့ချီပြီး ရှိသွားပြီ၊ အဲဒီအဖွဲ့အစည်းတွေက အရင်တုန်း က ဖက်ဒရယ်အခွင့်အရေးအတွက် တိုက်ပွဲဝင်နေတဲ့ တိုင်းရင်းသားအဖွဲ့အစည်းနဲ့ ပေါင်းစပ်မိတဲ့အခါ ပိုပြီးတော့ များပြားလာတာ ဖြစ်ပါတယ်” ဟု ပြောသည်။
လက်ရှိ မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီ ၁ ရက်နောက်ပိုင်း ပြောင်းလဲခဲ့သည့် နိုင်ငံရေး အခင်းအကျင်း ကြောင့် လက်နက်ကိုင် အဖွဲ့အစည်းများသည် နိုင်ငံအနှံ့ ရာနှင်ချီ ပေါ်ပေါက်ခဲ့သည်။
- By CNI
- Category: နိုင်ငံရေး
- Hits: 1036
CNI News
၂၀၂၃ ခုနှစ်၊ ဇန်နဝါရီ ၁၃
ရှမ်းနီအမျိုးသားများ တပ်မတော်(SNA)ကို ဂုဏ်သိက္ခာညှိုးနွမ်းအောင် တစ်ဖက်အဖွဲ့အစည်းမှ ရည်ရွယ်ချက် ရှိရှိဖြင့် တိုက်ခိုက်နေကြောင်း SNA မှ ပြန်ကြားရေးတာဝန်ခံ ဒုဗိုလ်မှူးကြီး စိုင်းအောင်မိန်းက CNI သတင်းဌာနသို့ ပြောသည်။
ဟုမ္မလင်းမြို့နယ် နမ့်နန်းကျေးရွာသား ၁၀၀ ခန့်ကို SNA က ဖမ်းဆီးထားသည်ဟု သတင်းများတွင် ရေးသားဖော်ပြ မှုမှာ မှားယွင်းနေကြောင်း၊ မဟုတ်မမှန်သတင်းများ ပူးပေါင်းထုတ်လွှင့်နေကြောင်း ၎င်းက ပြောသည်။
ဒုဗိုလ်မှူးကြီး စိုင်းအောင်မိန်းက “အဲဒါ SNA ကို ဂုဏ်သိက္ခာညှိုးနွမ်း ကျဆင်းအောင်လို့ တစ်ဖက် အဖွဲ့အစည်း တွေကနေ တမင်တကာ ရည်ရွယ်ချက်ရှိရှိနဲ့ ပြောဆိုရေးသား တိုက်ခိုက်ထားတဲ့ သတင်းတွေပါ၊ ပြောရမယ်ဆိုလို့ ရှိရင် ဒီရွာသားတွေဟာ၊ ပြည်သူလူထုတွေဟာ ကျနော်တို့ ဒေသထဲမှာ ကျနော်တို့ လူမျိုးစုတွေ ဖြစ်တယ်၊ နောက် တစ်ခု ကျနော်တို့ ဒေသထဲမှာ လာရောက် လုပ်ကိုင်စားသောက်နေကြတဲ့ သူတွေဖြစ်တယ်၊ ကျနော်တို့အနေနဲ့ အဲဒီလို ပုဂ္ဂိုလ်တွေကို ဘယ်လိုမှ ဖမ်းဆီးပြီးတော့ ထိန်းသိမ်းထားမှာ မဟုတ်ဘူးဆိုတာကိုလည်း ခင်ဗျားတို့ အနေ နဲ့ စဉ်းစားဖို့လိုတယ်၊ ပြီးတော့ လူပေါင်း ၁၀၀ ကြီးကို ဖမ်းဆီးထိန်းသိမ်းထားတယ် ဆိုတာမျိုးက တမင်သက်သက် ကျနော်တို့ကို အပုတ်ချပြီးတော့မှ အဖွဲ့အစည်းနာမည် ဖျက်ဆီးအောင်လို့ တမင်ရည်ရွယ်ချက် ရှိရှိနဲ့ လုပ်တာပဲ ဖြစ်လိမ့်မယ်လို့ ကျနော်တို့အနေနဲ့တော့ ပြောလိုတယ်ဗျ” ဟု CNI သတင်းဌာနသို့ ပြောသည်။
နမ့်နန်းကျေးရွာ ဈေးတန်းက စက်သုံးဆီဆိုင်တစ်ခုကိုတွေ့ရစဉ်
ပြီးခဲ့သည့် ဇန်နဝါရီ ၅ ရက်က နမ့်နန်းကျေးရွာတွင် SNA နှင့် ဟုမ္မလင်းမြို့နယ် အခြေစိုက် ပြည်သူ့ကာကွယ်ရေး တပ်(PDF)များနှင့် တိုက်ပွဲဖြစ်ပွားခဲ့သည်။
အဆိုပါ တိုက်ပွဲဖြစ်ပွားခြင်း ကိစ္စနှင့် ပတ်သက်၍ ဟုမ္မလင်းမြို့နယ် အခြေစိုက် PDF များ၏ သဘောထားများ သိရှိနိုင်ရန် CNI က ဆက်သွယ်နေဆဲဖြစ်သည်။
နမ့်နန်းရွာသား ၁၀၀ ခန့်ကို SNA က ဖမ်းဆီးသွားသည်မှာ မဟုတ်ကြောင်း၊ ဈေးသူ/ဈေးသားများကို SNA မှ စစ်ဆေးနေစဉ် PDF က ဝင်ရောက်ပစ်ခတ်၍ တိုက်ပွဲဖြစ်ပွားခဲ့ကြောင်း နမ့်နန်းဒေသခံ တစ်ဦးက CNI သတင်း ဌာနကို ပြောသည်။
၎င်းက “အခု ဒေသခံတွေပေါ့၊ ဒေသခံဆိုတာ ဈေးသူ၊ ဈေးသားတွေပေါ့၊ ဈေးရောင်းတဲ့ လူတွေပေါ့၊ အဲဒါတွေကို ဝင်ရောက်ပြီးတော့ အခုလိုမျိုးပေါ့ အကုန်လုံးခေါ်ပြီးတော့ စစ်လားဆေးလားတွေ လုပ်ကြတာပေါ့၊ ပြီးတော့ တိုက်ပွဲဖြစ်တာပေါ့၊ ဈေးတန်းက လူဦးရေ ၁၀၀ ခန့်ကိုပေါ့ အဲဒီလို ခေါ်ပြီးမှ စစ်ဆေးတာပေါ့၊ ဒီလိုရွာသားတော့ မဟုတ်ဘူး။ အဲဒါမျိုးတွေ စစ်ဆေးတဲ့အချိန်မှာ ဟိုဖက်ကနေပြီးမှ PDF ကနေပြီးမှ လာပြီးမှ တိုက်တာပေါ့၊ အဲက နေ တိုက်ပွဲဖြစ်ကြတာ အဲမှာ လူတွေက အကုန်လုံး ထွက်ပြေးကြတာ၊ စစ်ဆေးနေတဲ့ အချိန်မှာပေါ့” ဟု ပြောသည်။
ရှမ်းနီလူမျိုးစုများကို လက်နက်ကိုင်ဗိုလ်ကျ စိုးမိုးသည့် မည်သည့်အဖွဲ့အစည်းကို မဆို တိုက်ထုတ်သွားမည် ဖြစ်ကြောင်း SNA ၏ ရှေ့တန်းတစ်နေရာမှ တပ်မှူးတစ်ဦးက CNI သတင်းဌာနသို့ ပြောသည်။
ဟုမ္မလင်းမြို့နယ် HPDF-124 တပ်ဖွဲ့ကို တွေ့ရစဉ်
၎င်းက “ကျနော်တို့ ရှမ်းနီနာမည်နဲ့ ကျနော်တို့ လူမျိုးတွေ မူရင်းဌာနေ ဟိုးရှေ့ပဝေသဏီ ကတည်းက နေတယ်၊ ဒီ နယ်မြေတွေကို လာပြီးမှ လက်နက်ကိုင်ပြီး ဗိုလ်ကျစိုးမိုးတဲ့ ဘယ်အဖွဲ့အစည်းကိုမှ ကျနော်တို့ လက်မခံဘူး၊ ဒါက ရှင်းရှင်းလေးပဲနော်၊ သူ့ဟာသူ ဘယ်နေ့၊ ဘာနေ့ရော ကျနော်တို့က မနေ့တနေ့ကမှ ပေါ်လာတဲ့ လူမျိုးလည်း မဟုတ်ဘူး။ ကျနော်တို့ကတော့ ကျနော်တို့ လူမျိုးကို ထိပါးလာရင် အကုန်လုံးကို ကျနော်တို့က တိုက်ထုတ်မှာပဲ၊ ဒါက ရှင်းရှင်းလေးပဲ၊ နမ့်နန်း၊ နမ့်နန်းဆိုတာ ဗမာလိုရေးတဲ့ နတ်တွေကိုးကွယ်တဲ့ နတ်နန်းမဟုတ်ဘူး။ ကျနော်တို့ ရှမ်းလိုက နမ့်နန်းလို့ခေါ်တယ်၊ ရေဟာ ရွှေထွက်လွန်းလို့ မဲနေလို့ ရေရွှေမဲတွေ ရှိနေတာ၊ အဲဒါကို အခုမှ လာပြီးမှ ဗမာနာမည်လို ပြောင်းပြောင်းပြီးမှ ဟိုမှာ ရေမျောကမ်းတင်ကောင်တွေ ပေါ်လာပြီးမှ ဒီရေမျောကမ်းတင်ကောင် တွေက သူတို့ ပိုင်တာလိုလို၊ သူတို့ ထိန်းချုပ်လိုလို လုပ်နေတာ ကျနော်တို့ လုံးဝလက်မခံဘူး။ ကျနော်တို့ SNA က အကုန်လုံးကို တိုက်ထုတ်မယ်၊ ကျနော်တို့ လူမျိုးကို စော်ကားလာတဲ့ လက်နက်ကိုင် မည်သည့်အဖွဲ့အစည်းကိုမှ ကျနော်တို့က လက်မခံဘူး။ ဒါက ကျနော်တို့ လူမျိုးအတွက် ကျနော်တို့က ကာကွယ်ဖို့ ဖွဲ့တာဖြစ်တယ်၊ ကျနော် တို့ ဒေသ၊ ကျနော်တို့ လူမျိုး၊ ကျနော်တို့ ကာကွယ်မယ်ဆိုတာကိုလည်း ကျနော်တို့ သန္နိဋ္ဌာန် ချပြီးသားဖြစ်တယ် လို့ ပြောချင်တယ်” ဟု ပြောသည်။
SNA သည် စစ်ကိုင်းတိုင်းဒေသကြီး၊ ခန္တီးမြို့နယ်၊ ဟုမ္မလင်းမြို့နယ်၊ ဖောင်းပြင်မြို့နယ်၊ ပင်လည်ဘူးမြို့နယ်၊ ဝန်းသို မြို့နယ်၊ ဗန်းမောက်မြို့နယ်နှင့် အိန္ဒိယ-မြန်မာ နယ်စပ်တလျှောက် အပါအဝင် ကချင် ပြည်နယ်၊ မိုးညှင်း မြို့နယ်၊ မိုးကောင်းမြို့နယ် တို့တွင် လှုပ်ရှားလျက် ရှိသည်။
ရှမ်းနီအမျိုးသားများ တပ်မတော်(SNA)သည် စစ်ကိုင်းတိုင်းဒေသကြီးတွင် ပါဝင်နေသည့် မော်လိုက်ခရိုင်၊ ကလေးခရိုင်၊ ခန္တီးခရိုင်၊ ကသာခရိုင်၊ တမူးခရိုင်နှင့် ကချင်ပြည်နယ်အတွင်း ပါဝင်နေသော ဗန်းမော်ခရိုင်၊ မြစ်ကြီးနားခရိုင်၊ မိုးညှင်းခရိုင်၊ မိုးကောင်း ဒေသတို့ကို စုစည်း၍ ရှမ်းနီပြည်နယ် ပြန်လည်ရရှိရေး ကြိုးပမ်းနေ သည့် တိုင်းရင်းသား လက်နက်ကိုင်အဖွဲ့ ဖြစ်သည်။
- By CNI
- Category: နိုင်ငံရေး
- Hits: 442
CNI News
၂၀၂၃ ခုနှစ်၊ ဇန်နဝါရီ ၁၂
မိမိတို့ အဖွဲ့အစည်းများ၏ တူညီသော စစ်ရေး၊ နိုင်ငံရေး ရည်မှန်းချက်ကို မရမချင်း ဟန်ချက်ညီလက်တွဲကာ စုဖွဲ့ တော်လှန် တိုက်ပွဲဝင်နေကြဦးမည် ဖြစ်ကြောင်း ညီနောင်မဟာမိတ်အဖွဲ့(TNLA-MNDAA-AA)က ပြောသည်။
ယနေ့ (ဇန်နဝါရီ ၁၂ ရက်) နေ့တွင် ကျရောက်သော နှစ် (၆၀) ပြည့် တအာင်းအမျိုးသား တော်လှန်ရေးနေ့ အခမ်း အနားသို့ ညီနောင်မဟာမိတ်တပ်ဖွဲ့ဝင်များ ဖြစ်ကြသော ရက္ခိုင့်အမျိုးသားအဖွဲ့ချုပ်/ ရက္ခိုင့်တပ်တော် (ULA/ AA) နှင့် မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ/ မြန်မာအမျိုးသား ဒီမိုကရက်တစ် မဟာမိတ်တပ်မတော် (MNTJP/MNDAA) တို့မှ ပေးပို့သည့် သဝဏ်လွှာတွင် ဖော်ပြထားသည်။
မြောက်ပိုင်းညီနောင်အဖွဲ့ထုတ်ပြန်ချက်
၎င်းတို့က “ကိုးကန့်၊ တအာင်း၊ ရက္ခိုင်လူမျိုးများ အပါအဝင် မြန်မာနိုင်ငံအတွင်းမှ လူမျိုးအသီးသီးတို့သည် အမျိုး သား တန်းတူရေး၊ ကိုယ်ပိုင်ပြဋ္ဌာန်း ဆုံးဖြတ်ပိုင်ခွင့်၊ ကိုယ့်ကံကြမ္မာ ကိုယ်ဖန်တီး နိုင်ခွင့်တို့အတွက် အမျိုးသား လွတ်မြောက်ရေးနှင့် စစ်အာဏာရှင်စနစ်အောက်မှ လွတ်မြောက်ရေး တိုက်ပွဲများကို တစ်ဖွဲ့ချင်း (သို့မဟုတ်) စုပေါင်းပြီး လက်နက်ကိုင်တော်လှန် တိုက်ခိုက်နေကြဆဲ ဖြစ်သည်။ ဆက်လက်၍လည်း မိမိတို့ အဖွဲ့အစည်းများ၏ တူညီသော စစ်ရေး၊ နိုင်ငံရေး ရည်မှန်းချက်ကို မရမချင်း ဟန်ချက်ညီလက်တွဲကာ စုဖွဲ့တော်လှန် တိုက်ပွဲဝင် နေကြဦးမည် ဖြစ်သည်” ဟု ပြောသည်။
ညီနောင်မဟာမိတ် (၃) ဖွဲ့သည် ဘုံရန်သူ၏ စစ်ရေး၊ နိုင်ငံရေး ထိုးနှက်ချက်များနှင့် လူမျိုးရေး သပ်လျှိုဖြိုခွဲခြင်း များကို စည်းလုံးညီညွတ်စွာဖြင့် တက်၊ဆုတ်ညီစွာ အတူတကွ ဖြေရှင်းနိုင်ခဲ့ကြောင်း ဖော်ပြထားသည်။
ထို့အတူ စစ်အာဏာရှင်စနစ်ကို ဆန့်ကျင်တော်လှန်ကြသော နွေဦးတော်လှန်ရေးအတွင်းမှ ပေါက်ဖွားလာသည့် ပြည်သူ့ထောက်ခံမှုရပြီး တော်လှန်ရေးဆန်သော အဖွဲ့အစည်းများ အကြား၌လည်းကောင်း အပြန်အလှန် နားလည်မှု၊ လေးစားမှု၊ တန်ဖိုးထားမှုများနှင့် ယုံကြည်မှုများကိုပါ ရရှိခဲ့ကြောင်း ပေးပို့သည့် သဝဏ်လွှာတွင် ဖော်ပြထားသည်။