CNI News

၂၀၂၅ ခုနှစ်၊ မေ ၂၆

မြန်မာနိုင်ငံတွင် ရွေးကောက်ပွဲ ဝင်ရောက်ယှဉ်ပြိုင်မည့် ရခိုင့်ဦးဆောင်ပါတီ (AFP) ၏ နိုင်ငံရေးနှင့် စီးပွားရေး မူဝါဒက ဘာလဲဆိုသည့်အပေါ် ပြည်သူလူထုများ သိရှိနိုင်ရေးအတွက် AFP ပါတီဥက္ကဋ္ဌ ဒေါက်တာအေးမောင်က ချပြသွားခဲ့သည်။

ရခိုင့်ဦးဆောင်ပါတီသည် နိုင်ငံရေးမူဝါဒ ၂ ရပ်ရှိကြောင်း၊ ပထမမူဝါဒသည် ရခိုင်ဒေသမြောက်ဘက်ရှိ ဘူးသီး တောင်၊ မောင်တော နယ်ခြားဒေသအား အထူးအာရုံစိုက်ကြောင်း၊ ဒုတိယမူဝါဒသည် တိုင်းရင်းသား အားလုံး လိုလားသော စစ်မှန်သည့် ဖက်ဒရယ်ဒီမိုကရေစီနိုင်ငံ တည်ဆောက်ရန်ဆိုသည့် ဦးတည်ချက်ဖြစ်ကြောင်း ဒေါက်တာအေးမောင်က CNI သတင်းဌာနသို့ ပြောသည်။

၎င်းက “ကျနော်တို့က ပါတီအနေနဲ့ ပါတီဖွဲ့စည်းကတည်းက မူ ၂ ခုရှိတယ်ဗျ၊ တစ်ခုက ရခိုင်ဒေသရဲ့ မြောက်ဘက် ပေါ့၊ ဘူးသီးတောင်၊ မောင်တော နယ်ခြားဒေသကို အထူးအာရုံစူးစိုက်တယ်ဗျ၊ အဲဒီနယ်ခြားဒေသကို လုံခြုံအောင် မကာကွယ်ပေးနိုင် သေးဘူးဆိုရင် ရခိုင်ဒေသရဲ့ အနာဂတ်ဟာ ကြာကြာမခံနိုင်ဘူးဆိုတဲ့ ဦးတည်ချက်နဲ့ ကျနော်တို့ ပါတီ ဖွဲ့စည်းပုံမှာ ပါတီတည်ထောင်ခြင်းရဲ့ ရည်ရွယ်ချက် နံပါတ် ၁ ကို ညွှန်းတယ်ဗျ၊ နံပါတ် ၂ ကတော့ဖြင့် တိုင်းရင်းသားအားလုံး လိုလားတဲ့ စစ်မှန်တဲ့ ဖက်ဒရယ်ဒီမိုကရေစီနိုင်ငံ တည်ဆောက်ဖို့ဆိုတဲ့ ဦးတည်ချက်ပါ၊ ပြီးခဲ့တဲ့ကာလတွေ အကုန်လုံးကို ဖြတ်တဲ့အခါမှာ ပါတီစုံဆိုတဲ့ သဘောသွားတာပေါ့၊ သွားတဲ့အခါမှာ နိုင်ငံရေး အားဖြင့် တွေ့ဆုံဆွေးနွေး အဖြေရှာပြီးမှ ညှိနှိုင်းခြင်းအားဖြင့် စစ်မှန်တဲ့ ဖက်ဒရယ် ပြည်ထောင်စုဆိုတဲ့ ကိုယ်ပိုင် အုပ်ချုပ်၊ ကိုယ်ပိုင်ပြဋ္ဌာန်းပိုင်ခွင့်ကို မတည်ထောင်နိုင်ဘူးဆိုတဲ့ အဖြေတစ်ခုကို လက်နက်ကိုင်တော်လှန်ရေး အင်အားစုတွေဖက်ကရော၊ နိုင်ငံရေးအားဖြင့် အဖြေရှာတဲ့ သူတွေဖက်ကရော သက်သေမပြနိုင်ခဲ့ဘူး၊ အဲဒါကြောင့် လည်း လက်နက်ကိုင်ပဋိပက္ခ ဇာတ်ရှိန်က မြင့်လာတာပေါ့၊ ဒါကြောင့်လည်း လက်နက်ကိုင်တော်လှန်ရေးသည် သာလျှင် ခုနက Self-Determination ကို ဆောင်ရွက်နိုင်တဲ့ တစ်ခုတည်းသော နည်းလမ်းဆိုတာကို အခုကာလမှာ အမြင့်ဆုံးအရှိန် ရောက်နေတာပဲ။ အဲဒီ‌တော့ သက်သေပြရမှာက ခုနကပြောတဲ့ နိုင်ငံရေးအားဖြင့် တွေ့ဆုံဆွေးနွေး မယ်၊ အဖြေရှာမယ်၊ ဆိုးကျိုးသံသရာကနေ ရုန်းထွက်မယ်ဆိုတဲ့ဟာက မှန်တဲ့လမ်းကြောင်းဆိုတာကို သက်သေပြ ရမှာပေါ့” ဟု ပြောသည်။  

ရခိုင်ပြည်နယ်၊ မြို့တော်စစ်တွေရှိ ရခိုင့်ဦးဆောင်ပါတီ၏ ပါတီဌာနချုပ်ကို ဩဂုတ်၂၅ရက်က မြင်တွေ့ရစဉ်။(ခွန်လတ် | ဖရွန်းတီးယားမြန်မာ)

မြန်မာနိုင်ငံတွင် လက်နက်ကိုင်ပဋိပက္ခ ဖြစ်ပွားနေသည်မှာ ၁၉၄၈ ခုနှစ်မှ စတင်ကာ ယနေ့အချိန်ထိ နှစ်ပေါင်း ၇၀ ကျော်လာခဲ့ပြီး ဖြစ်သည်။

အလားတူ လက်နက်ကိုင်ပဋိပက္ခ ချုပ်ငြိမ်းရေး ဆွေးနွေးမှုများ အကြိမ်ကြိမ် လုပ်လာရာမှာလည်း ခိုင်မြဲသော သဘောတူညီချက်များ မရရှိဘဲ အကြိမ်ကြိမ် သဘောတူညီချက်များ ပျက်ပြား၍ တိုက်ပွဲများ ဖြစ်ပွားနေသည်။

ထို့နောက် ၂၀၂၁ ခုနှစ်၊ ဖေဖော်ဝါရီ ၁ ရက်နေ့က နိုင်ငံရေးသဘောထား ကွဲလွဲမှုများကြောင့် နိုင်ငံအနှံ့အပြားတွင် လက်နက်ကိုင် ပဋိပက္ခများ ကျယ်ကျယ်ပြန့်ပြန့် ဖြစ်ပွားခဲ့သည်။

လက်ရှိတွင် ဖက်ဒရယ်နှင့်ဒီမိုကရေစီကို အခြေခံသည့် ပြည်ထောင်စုအား တည်ဆောက်ရန် ကြိုးပမ်းနေကြ သော်လည်း တချို့သော တိုင်းရင်းသား လက်နက်ကိုင်များကတော့ ကွန်ဖက်ဒရေးရှင်း၊ လွတ်လပ်ရေးဆိုသော ရည်မှန်းချက်များအထိ ထုတ်ဖော်ပြောဆိုလာနေကြသည်။

နိုင်ငံ၏ အခြေခံဖြစ်သည့် ၇၅ ရာခိုင်နှုန်းကျော်ရှိသော တောင်သူများ၏ ဖွံ့ဖြိုးတိုးတက်မှုမရဘဲ စီးပွားရေး ခြေလှမ်း လှမ်းရန် မလွယ်ကူကြောင်း၊ ထို့အပြင် ရင်းနှီးမြှုပ်နှံမှု၊ ဖိတ်ခေါ်မှုနှင့် စက်မှုဖွံ့ဖြိုးတိုးတက်မှု ကဏ္ဍအား မသွားနိုင် လျှင်လည်း စီးပွားရေး မဖွံ့ဖြိုးနိုင်ကြောင်း ရခိုင့်ဦးဆောင်ပါတီ (AFP) ဥက္ကဋ္ဌ ဒေါက်တာအေးမောင်က CNI သတင်းဌာနသို့ ပြောသည်။

ဒေါက်တာအေးမောင်ကိုတွေ့ရစဉ် 

၎င်းက “စီးပွားရေးကတော့ ကျနော်တို့ စျေးကွက် စီးပွားရေးစနစ်ပဲ၊ စျေးကွက် စီးပွားရေးစနစ် သည်သာလျှင် တစ်နည်းအားဖြင့် ယှဥ်ပြိုင်တဲ့ စီးပွားရေးပေါ့ဗျာ၊ အဲဒီတော့ စိုက်ပျိုးမွေးမြူရေးကို အခြေခံတယ်ဆိုတဲ့ ဘက်နဲ့ သွားတာပေါ့၊ နိုင်ငံက ထွက်နိုင်တဲ့ သယံဇာတတွေ၊ သူ့ရဲ့ဖွံ့ဖြိုးတိုးတက်မှုနဲ့ ကုန်သွယ်မှုပေါ့ဗျာ၊ အဲဒီတော့ အဲဒီ အားလုံးရဲ့ အခြေခံက နိုင်ငံရေးတည်ငြိမ်မှုဆိုတဲ့ ဥစ္စာနဲ့သွားပါတယ်၊ နိုင်ငံရေးတည်ငြိမ်မှပဲ စီးပွားရေး ဖွံ့ဖြိုး တိုးတက်နိုင်တဲ့ လမ်းကြောင်းကို ရနိုင်တယ်ဆိုတဲ့ဘက်နဲ့ သွားပါတယ်၊ အဲဒီမှာ ကိုယ့်နိုင်ငံရဲ့ အခြေခံဖြစ်တဲ့ ၇၅ ရာခိုင်နှုန်းကျော်ရှိတဲ့ တောင်သူလယ်သမားများရဲ့ ဖွံ့ဖြိုးတိုးတက်မှု မရဘဲနဲ့ စီးပွားရေး ခြေလှမ်းတစ်ခု လှမ်းဖို့ မလွယ်ဘူးဆိုတာကိုလည်း လက်ကိုင်ထားတယ်၊ အဲဒီလိုပဲ မြန်မာ့စီးပွားရေး ပြန်လည်ဦးမော့ဖို့အတွက် ရင်းနှီး မြှုပ်နှံမှု၊ ဖိတ်ခေါ်မှုနဲ့ စက်မှုဖွံ့ဖြိုးတိုးတက်မှုကဏ္ဍကို မသွားနိုင်ဘဲနဲ့လည်း မဖွံ့ဖြိုးနိုင်ဘူးဆိုတဲ့ ဘက်နဲ့သွား ပါတယ်၊ အဲဒါကြောင့် ပြည်ပကို ရောက်နေကြတဲ့ နည်းမျိုးစုံရောက်တဲ့လူတွေ ပြည်တွင်း ပြန်လာနိုင်အောင် နိုင်ငံရေးတည်ငြိမ်မှုနဲ့ စီးပွားရေး ဖွံ့ဖြိုးတိုးတက်နိုင်ခြေရှိအောင် ဘက်ပေါင်းစုံဖွံ့ဖြိုးတိုးတက်အောင် အားလုံး ဘက်ပေါင်းစုံ ပြည့်စုံတဲ့ အမျိုးသားစီးပွားရေး မူဝါဒကြီးတစ်ရပ်ကို ညှိနှိုင်းတိုင်ပင်ပြီးမှ ချသင့်တယ် ဆိုတဲ့ဥစ္စာနဲ့ သွားပါတယ်” ဟု ပြောသည်။

စိုက်ပျိုးရေးလုပ်ငန်းများတွင် ပန်းတိုင်ရည်မှန်းချက် ပြည့်မီမှုမရှိသေးသည်ကို တွေ့ရပြီး ဆီထွက်သီးနှံနှင့် ပတ်သက်ပြီး အထွက်နှုန်း အားနည်းနေဆဲဖြစ်ကာ ပြည်ပမှ တင်သွင်းနေရဆဲဖြစ်ကြောင်း နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ၂၀၂၅ ခုနှစ်၊ မေလ ၁၉ ရက်နေ့တွင် ပြောကြားခဲ့သည်။

ထို့ပြင် မိမိတို့နိုင်ငံအနေဖြင့် ရေခံမြေခံကောင်းများနှင့် လုပ်အားအရင်းအမြစ်များ ရှိပြီးဖြစ်ပေမယ့် အမှန်တကယ် အလုပ်လုပ်ခြင်းမရှိ၍ ဝင်ငွေနည်းနေရခြင်းဖြစ်ကြောင်း ၎င်းက ပြောကြားခဲ့သည်။

CNI News
၂၀၂၅ ခုနှစ်၊ မေလ  ၂၆

မိမိတို့ဒေသအတွင်း မည်သည့် လက်နက်ကိုင် အဖွဲ့အစည်းနှင့် မည်သည့် နိုင်ငံရေး အဖွဲ့အစည်းကိုမျှ လက်ခံထားခြင်းမရှိဘူးဟု အမျိုးသားဒီမိုကရက်တစ်မဟာမိတ်တပ်မတော်(NDAA)၏ ဒုဥက္ကဋ္ဌ ဦးစန်ပေ့က ပြောသည်။

 ဦးစန်ပေ့ ဦးဆောင်သည့် NDAA ကိုယ်စားလှယ်အဖွဲ့သည် ၂၀၂၅ ခုနှစ်၊ မေလ ၂၅ ရက်က တြိဂံတိုင်းစစ်ဌာန ချုပ်မှာ နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံ၍ ဆွေးနွေးစဉ် အထက်ပါအတိုင်း ပြောကြားခဲ့ ခြင်းဖြစ်သည်။

NDAA ဒုဥက္ကဋ္ဌ ဦးစန်ပေ့ “မိမိတို့ ဒေသအတွင်း မည်သည့် လက်နက်ကိုင်အဖွဲ့အစည်းနှင့် မည်သည့် နိုင်ငံရေးအဖွဲ့ အစည်းကိုမျှ လက်ခံထားခြင်းမရှိကြောင်း၊ မိမိတို့အနေဖြင့် ဒေသတွင်းနှင့် နိုင်ငံတော် တည်ငြိမ်ရေး၊ အေးချမ်းရေး လုပ်ငန်းရပ်များအတွက် ပူးပေါင်းဆောင်ရွက်သွားမည်”ဟု ပြောသည်။

ထို့နောက် မိမိတို့  NDAA ၏ သဘောထားခံယူချက် အနေဖြင့် နှစ် ၃၀ ကျော် ကျင့်သုံးလာခဲ့သည့်အတိုင်း နိုင်ငံတော်မှ ချမှတ်ထားသည့် ပြည်ထောင်စုမပြိုကွဲရေး၊ တိုင်းရင်းသားစည်းလုံး ညီညွတ်မှုမပြိုကွဲရေး၊ အချုပ်အခြာ အာဏာတည်တံ့ခိုင်မြဲရေး စသည့် တို့တာဝန်အရေးသုံးပါးအတွက် အဓိကထား ဆောင်ရွက်လျက် ရှိကြောင်း ၎င်းက ပြောသည်။

မိမိတို့နိုင်ငံသည် ပြည်ထောင်စုနိုင်ငံတော် တစ်ခုဖြစ်ပြီး စစ်မှန်စည်းကမ်း ပြည့်ဝသော ပါတီစုံဒီမိုကရေစီနှင့် ဖက်ဒရယ်စနစ်ကို အခြေခံသော ပြည်ထောင်စုစနစ်ကို လျှောက်လှမ်းနေကြခြင်းဖြစ်ကြောင်း၊ ထို့ကြောင့် နိုင်ငံ တွင်း မှီတင်းနေထိုင်ကြသည့် တိုင်းရင်းသား ညီရင်းအစ်ကို မောင်နှမများအားလုံး အနေဖြင့် စည်းစည်းလုံးလုံးဖြင့် နိုင်ငံ့အကျိုးကို ဖော်ဆောင်သွားနိုင်ရန်လိုအပ်မည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

မိမိတို့သည် ပြည်ထောင်စုနိုင်ငံတော်ဖြစ်သဖြင့် နိုင်ငံတော်မှ ပြဋ္ဌာန်းထားသည့် ရုံးသုံးဘာသာစကားနှင့် စာပေကို တစ်နိုင်ငံလုံး အတိုင်းအတာဖြင့် တတ်‌မြောက်ထားရှိရန်လိုအပ်မည်ဟု ၎င်းက NDAA ကိုယ်စားလှယ်အဖွဲ့အား ပြောကြားခဲ့သည်။

NDAA သည် ဗမာပြည်ကွန်မြူနစ် ပါတီကနေ ခွဲထွက်၍ တပ်မတော်နှင့် ၁၉၈၉ ခုနှစ်၊ ဇွန်လ ၃၀ ရက်တွင် ငြိမ်းချမ်းရေး ယူခဲ့ရာ တပ်မတော်က ရှမ်းပြည်နယ် (အရှေ့ပိုင်း)ရှိ မိုင်းလားဒေသကို ဗဟိုပြု၍ အထူးဒေသ(၄) အဖြစ် သတ်မှတ်ပေးခဲ့သည်။

အဆိုပါ အထူးဒေသ(၄)တွင် ဗမာစကားနှင့် ကျပ်ငွေထက် တရုတ်စကားနှင့် တရုတ်ငွေကြေးကို အဓိကထား အသုံးပြု လျက်ရှိသည်။

ထို့နောက်  NDAA အဖွဲ့ဝင်အဖြစ် ပါဝင်နေသော ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ(FPNCC) အဖွဲ့ဝင်များထဲက AA၊ KIA၊ MNDAA၊ TNLA တို့သည် မြန်မာ့တပ်မတော်နှင့် တိုက်ပွဲများ အပြင်းအထန်ဖြစ်ပွားနေ သလို မြန်မာ့တပ်မတော်က အကြမ်းဖက်အဖွဲ့အဖြစ် ကြေညာထားသည့် NUG၊ PDFs နှင့် NUCC တို့ကို လက်ခံ ထားသည်။

ထို့ကြောင့် NDAA သည် FPNCC အဖွဲ့ဝင် တချို့က မြန်မာ့တပ်မတော် သဘောမကျသော လက်နက်ကိုင်အဖွဲ့ အစည်းများနှင့် နိုင်ငံရေးအဖွဲ့အစည်းများကို လက်ခံထားသည့်တိုင် ၎င်းတို့ကတော့ လက်မခံထားဘူးဟု ထပ် လောင်း အတည်ပြုပေးခဲ့ခြင်းဖြစ်ကြောင်း စစ်ရေးနှင့်နိုင်ငံရေးအကဲခတ်များက ပြောသည်။

CNI News
၂၀၂၅ ခုနှစ်၊ မေလ ၂၅

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် အမျိုးသားဒီမိုကရက်တစ်မဟာမိတ်တပ်မတော်(NDAA)ဒုဥက္ကဋ္ဌ ဦးစန်ပေ့ ဦးဆောင်သည့် ကိုယ်စားလှယ်အဖွဲ့တို့ ၂၀၂၅ ခုနှစ်၊ မေလ ၂၅ ရက်က တြိဂံတိုင်းစစ်ဌာနချုပ်မှာ တွေ့ဆုံ၍ နိုင်ငံရေး-စီးပွားရေးကိစ္စရပ်များကို ဆွေးနွေးခဲ့ကြသည်။

အဆိုပါ တွေ့ဆုံမှုတွင် နစကဘက်က နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်၊ နစကတွဲဘက်အတွင်းရေးမှူး နှင့် စရခ ဗိုလ်ချုပ်ကြီးရဲဝင်းဦး၊ (ကြည်း-ရေ-လေ) ညှိနှိုင်းကွပ်ကဲရေးမှူး ဗိုလ်ချုပ်ကြီးကျော်စွာလင်း၊ ကာကွယ်ရေး ဦးစီးချုပ်ရုံးမှ အဆင့်မြင့် တပ်မတော်အရာရှိကြီးများ တက်ရောက်ခဲ့သည်။

ထို့နောက် NDAA ဘက်က ဒုဥက္ကဋ္ဌ ဦးစန်ပေ့၊ ဒုဥက္ကဋ္ဌ ဦးဆန်လူ၊ အထွေထွေအတွင်းရေးမှူး ဦးကြည်မြင့်တို့ တက်ရောက်ခဲ့ကြသည်။

နစကဥက္ကဋ္ဌက “ဒေသတွင်း စိုက်ပျိုးဖြစ်ထွန်းသည့် ရာဘာကို အခြေခံသော စက်မှုလုပ်ငန်းများ ဖွံ့ဖြိုးတိုးတက် အောင် ဆောင်ရွက်သွားကြရန်လိုပြီး အဆင့်မြင့် ကုန်ပစ္စည်းများကို ထုတ်လုပ်နိုင်ရန်လိုကြောင်း၊ အလားတူ ဒေသ တွင်း အသားငါးများ လုံလောက်စွာ ထုတ်လုပ်နိုင်ရေးအတွက် မွေးမြူရေးလုပ်ငန်းများကိုလည်း ဆောင်ရွက်ကြစေ လိုပြီး နိုင်ငံတော်မှလည်း လိုအပ်သည်များကို ထောက်ပံ့ဆောင်ရွက်ပေးသွားမည်”ဟု ပြောသည်။

ထို့နောက် လမ်းပန်းဆက်သွယ်ရေးနှင့် ပတ်သက်၍လည်း နိုင်ငံတော်မှလည်း ကူညီဆောင်ရွက်ပေးသွားမည်ဖြစ် ကြောင်း၊ မိမိတို့အနေဖြင့် ဒေသဖွံ့ဖြိုးရေးလုပ်ငန်းများကို ဆောင်ရွက်သွားရမည်ဖြစ်ကြောင်း ၎င်းက ပြောသည်။

NDAA ဒုဥက္ကဋ္ဌ ဦးစန်ပေ့က “ ဒေသတွင်း လမ်းပန်းဆက်သွယ်ရေး လုပ်ငန်းများ ပိုမိုမြန်ဆန် ချောမွေ့စေရေး အတွက်လည်း ကူညီဆောင်ရွက်ပေးစေလိုကြောင်း၊ မိမိတို့ ဒေသအတွင်း ပညာရေးကဏ္ဍများတွင် နိုင်ငံတော် အနေဖြင့် ဆက်လက် ကူညီဆောင်ရွက်ပေးစေလိုပါကြောင်း၊ မိမိတို့ ဒေသအတွင်း မည်သည့် လက်နက်ကိုင် အဖွဲ့အစည်းနှင့် မည်သည့် နိုင်ငံရေးအဖွဲ့အစည်းကိုမျှ လက်ခံထားခြင်းမရှိကြောင်း၊ မိမိတို့အနေဖြင့် ဒေသတွင်း နှင့် နိုင်ငံတော် တည်ငြိမ်ရေး၊ အေးချမ်းရေးလုပ်ငန်းရပ်များအတွက် ပူးပေါင်းဆောင်ရွက်သွားမည်”ဟု ပြောသည်။

ထို့နောက် မိမိတို့  NDAA ၏ သဘောထားခံယူချက် အနေဖြင့် နှစ် ၃၀ ကျော် ကျင့်သုံးလာခဲ့သည့်အတိုင်း နိုင်ငံတော်မှ ချမှတ်ထားသည့် ပြည်ထောင်စုမပြိုကွဲရေး၊ တိုင်းရင်းသားစည်းလုံး ညီညွတ်မှုမပြိုကွဲရေး၊ အချုပ်အခြာ အာဏာတည်တံ့ခိုင်မြဲရေး စသည့် တို့တာဝန်အရေးသုံးပါးအတွက် အဓိကထား ဆောင်ရွက်လျက် ရှိကြောင်း ၎င်းက ပြောသည်။

NDAA သည် ဗမာပြည်ကွန်မြူနစ် ပါတီကနေ ခွဲထွက်၍ တပ်မတော်နှင့် ၁၉၈၉ ခုနှစ်၊ ဇွန်လ ၃၀ ရက်တွင် ငြိမ်းချမ်းရေး ယူခဲ့ရာ တပ်မတော်က ရှမ်းပြည်နယ် (အရှေ့ပိုင်း)ရှိ မိုင်းလားဒေသကို ဗဟိုပြု၍ အထူးဒေသ(၄) အဖြစ် သတ်မှတ်ပေးခဲ့သည်။

CNI News
၂၀၂၅ ခုနှစ်၊ မေလ ၂၅

နယ်မြေစိုးမိုးရေး လုပ်ငန်းများကို အောင်မြင်အောင် လုပ်ဆောင်နိုင်ရန်လိုသည်ဟု နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောသည်။

၂၀၂၅ ခုနှစ်၊ မေလ ၂၄ ရက်က ရှမ်းပြည်နယ်(အရှေ့ပိုင်း) ကျိုင်းတုံမြို့ရှိ တြိဂံဒေသတိုင်းစစ်ဌာန ချုပ်မှ စစ်ဦးစီး၊ စစ်ရေးနှင့် စစ်ထောက်ဆိုင်ရာ ဆောင်ရွက်မှုများ စစ်ဆေးစဉ် ၎င်းက ပြောကြားခဲ့သည်။

ဗိုလ်ချုပ်မှူးကြီးမင်းအောင်လှိုင်က “တပ်များအလိုက် မိမိတို့ တာဝန်ယူထားရသည့် နယ်မြေအတွင်း စစ်ဆင်ရေး၊ လုံခြုံရေး၊ နယ်မြေစိုးမိုးရေး လုပ်ငန်းများကို အောင်မြင်အောင် လုပ်ဆောင်နိုင်ရန်လိုကြောင်း၊ ဒေသတွင်းလုံခြုံရေး၊ နိုင်ငံတော် လုံခြုံရေးနှင့်ပတ်သက်လာပါက အစဉ်အမြဲ ဂရုပြုနေရန်နှင့် အလေးအနက်ထား ဆောင်ရွက်သွားရန်လို တယ်”ဟု ပြောသည်။

တိုင်းစစ်ဌာနချုပ်ကွပ်ကဲမှုအောက်ရှိ တပ်ရင်းတပ်ဖွဲ့များအနေဖြင့် တိုက်စွမ်းရည်၊ တိုက်စွမ်းအား ပြည့်ဝနေရန် လိုအပ်မည်ဖြစ်ကြောင်း ၎င်းက ပြောသည်။ 

မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီ ၁ ရက်က NLD အစိုးရကို ၂၀၂၀ အထွေထွေရွေးကောက်ပွဲ မဲစာရင်း အငြင်းပွားမှုအား မဖြေရှင်းဘဲ အစိုးရဖွဲ့စည်းရေး ကြိုးပမ်းသည်ဟုဆိုကာ မြန်မာ့တပ်မတော်က ဖြုတ်ချ၍ နိုင်ငံတော်အား အရေးပေါ် အခြေအနေ ကြေညာကာ အုပ်ချုပ်လျက်ရှိသည်။

ထို့နောက် NLD ခေါင်းဆောင်တချို့နှင့် လွှတ်တော်အမတ် တချို့ အပါအဝင် တက်ကြွလှုပ်ရှားသူများ၊ လက် နက်ကိုင်အဖွဲ့များ ပူးပေါင်း၍ မြန်မာ့တပ်မတော်နှင့်နစကကို ဖြုတ်ချရေး လက်နက်ကိုင် တော်လှန်လျက်ရှိသည်။
အဆိုပါ လက်နက်ကိုင် ပဋိပက္ခသည် မြန်မာနိုင်ငံတစ်ဝန်းဖြစ်ပွားလာပြီး လူပေါင်း ၃ သန်းကျော် နေရပ်စွန့်ခွာ ထွက်ပြေး တိမ်းရှောင်နေရသလို နေအိမ်ပေါင်း သောင်းချီ မီးလောင် ပျက်စီးဆုံးရှုံးလျက်ရှိသည်။

အလားတူ မြန်မာ့တပ်မတော်သည် စစ်စခန်းပေါင်း ရာချီ လက်လွှတ်ထားရသလို မြို့ပေါင်း ၉၀ ကျော်ကိုလည်း လက်လွှတ်ထားရသည်။ 

CNI News 

၂၀၂၅ ခုနှစ်၊ မေလ ၂၃

စာပေပညာရေး သင်ရိုးညွှန်းတန်းများတွင် သမိုင်းအလွဲများ သင်ပေးနေခြင်းကြောင့် လူမျိုးစုပြဿနာများကို မရှင်းနိုင်ခြင်းဖြစ်သည်ဟု တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီဥက္ကဋ္ဌ ဦးစိုင်းဌေးအောင်က CNI သတင်းဌာနသို့ ပြောသည်။

မြန်မာနိုင်ငံတွင် အခြေခံပညာ မူလတန်းနှင့်အလယ်တန်းမှသည် အထက်တန်းကျောင်းအထိ သမိုင်းသင်ရိုးများ၌ သမိုင်းအလွဲများကို သင်ကြားနေမိခြင်းနှင့် နိုင်ငံကို ဗမာလူမျိုး သူရဲကောင်းများကသာ ကာကွယ်စောင့်ရှောက်နေ သည်ဟု သင်ကြားနေခြင်းက အမျိုးသားညီညွတ်ရေးကို ထိခိုက်စေကြောင်း စစ်ရေးနှင့်နိုင်ငံရေးအကဲခတ်များက ထောက်ပြကြသည်။ 

မြန်မာနိုင်ငံ၏ ပညာရေးစနစ်က လူငယ်များကို နိုင်ငံချစ်စိတ်ထက် ပုဂ္ဂိုလ်ရေးကို ပိုချစ်မိသွားရန် သင်ကြားပေး မိသလိုဖြစ်နေကြောင်း တိုင်းလိုင် (ရှမ်းနီ) အမျိုးသားများဖွံ့ဖြိုးတိုးတက်ရေးပါတီဥက္ကဋ္ဌ ဦးစိုင်းဌေးအောင်က CNI သတင်းဌာနသို့ ပြောသည်။

၎င်းက “ဟိုတုန်းက စစ်တိုက်ကျတယ်ဆိုတာ ဘုန်းလက်ရုံးကြောင့်မို့ သူတို့ပြိုင်ပြီးမှ စစ်တိုက်ကြတာပါ။ ရှမ်းက နိုင်ရင် ရှမ်းကအုပ်ချူပ်တယ်၊ ဗမာနိုင်ရင် ဗမာကအုပ်ချုပ်တယ်၊ မွန်ကနိုင်ရင် မွန်ကအုပ်ချုပ်တယ်။ ရခိုင်နိုင်တဲ့ အခါကျတော့ ရခိုင်အုပ်ချုပ်လာတာပေါ့လေ။ အဲဒါမျိုး သမိုင်းကြောင်းတွေကို ဖျောက်ဖျက်ပြီးမှသူက ဗမာ သူရဲကောင်း သုံးယောက်ကိုပဲ အဓိကဦးတည်ပြီးမှ သင်လာတဲ့ အခါကျတော့ ကျန်တဲ့တိုင်းရင်းသားတွေက ဒီနိုင်ငံ တည်ဆောက်‌ရေးမှာ ငါတို့မပါဘူးဆိုတဲ့ အသိမျိုးတွေ ဖြစ်သွားတာပေါ့။ ဒါအခု ကျနော်တို့ ရှမ်းနီနောက်ဆုံးဘုရင် သိုဟန်ဘွား ဆိုရင်တော့ မိစ္ဆာဒိဠိv ဆိုရင်တော့ ဒါမိစ္ဆာဒိဠိ ဆိုပြီးတော့မှ သမိုင်းမှာ ရေးထားတယ်၊ ကျနော်တို့ လူမျိုးတစ်စုလုံးကို မရှောင်နိုင်အောင် သမိုင်းမှတ်တမ်းထဲမှာ ထည့်ထားတဲ့အခါကျတော့ ဒါတော်တော်စိုးတဲ့ သမိုင်းတွေလို့ ကျနော့်အနေနဲ့ ပြောချင်တာ ပေါ့။ အဲလိုမျိုးတွေ သင်ရိုးညွှန်းတန်းတွေ ပြောင်းလာတဲ့အခါကျတော့ ဗမာဟာ လူမျိုးကြီး ဖြစ်လာပြီးမှ တိုင်းရင်း သားတွေ အထင်သေးလာတယ်။ ပြဿနာ အဲကစတာပဲလို့ ကျနော့် အနေနဲ့ ပြောချင်တာပေါ့”ဟု ပြော သည်။

လက်နက်ကိုင်၊ အစိုးရ၊ စစ်တပ် ခေါင်းဆောင်များကို တွေ့ရစဉ်

ဗမာသည် လူမျိုးကြီးဝါဒဆိုသည့် စိတ်မျိုး တစ်ခါမှမဖြစ်ဖူးကြောင်း၊ တိုင်ရင်းသားများကို အုပ်ချုပ်မည့် အခွင့် အရေး ပေးလိုက်လျှင် ခွဲထွက်မလားဆိုသည့် စိုးရိမ်စိတ်များရှိနေကြောင်း၊ မည်သည့် လူမျိုးကြီးမှ မရှိကြောင်း၊ တကယ် လူမျိုးရေး ခွဲခြားနေသည်မှာ တိုင်းရင်းသားများက ပြန်ခွဲခြားနေခြင်းဖြစ်ကြောင်း နိုင်ငံရေးလေ့လာသုံး သပ်သူ တစ်ဦးက CNI သတင်းဌာနသို့ ပြောသည်။

၎င်းက “ကျနော်တို့က ခွဲတာမဟုတ်ဘူး ကိုးကန့်နေရာမှာ ဟုတ်လား၊ ကိုးကန့်သွားလို့ရှိရင် ဗမာတွေက သူတို့ မှတ်ပုံတင် ဘယ်မှာလဲ၊ ဒီဘက်မှတ်ပုံတင် မကိုင်ရဘူးတို့ ဒါမျိုး ဟိုပြောဒီပြော ပြောနေတာတွေပေါ့ဗျာ။ ဗမာ မဝင်ရတို့ ဘာတို့ ဒါမျိုးတွေ ဒါတွေက အမှန်တကယ် လူမျိုးခွဲခြားနေတာ သူတို့က ခွဲနေတာလေ အဲလူတွေ အကုန်လုံးက ဟိုဟာတွေကြီးဘဲ ကျနော်တို့က ပြောရလို့ရှိရင် အာဏာရှင်တွေကြီးဘဲ ဒီမိုကရေစီလည်း မဟုတ် ဘူး၊ ဖက်ဒရယ်ဆိုတာလည်း သူတို့အာဏာရဖို့ပဲ ပြောနေတာ။ အဲတော့ ဒီမိုကရေစီအခြေခံမရှိဘူး အဲဒီလူတွေက။ အမှန်တိုင်းပြောလို့ရှိရင် ဒီဘက် အစိုးရဘက်ကနေပြီးတော့ အုပ်ချုပ်ရေးပေါ့ နိုင်ငံရေး၊ စစ်ရေးမှာ အားနည်း ချက်တွေ ရှိနေတာကို သူတို့က အခွင့်ကောင်းယူပြီးမှ သူတို့က ဒီစကားတွေ ပြောနေခြင်းသာဖြစ်တယ်။ ကျနော်တို့ ဘက်က ဒီဘက်က ချို့ယွင်းချက်တွေရှိတယ်၊ တကယ့်တကယ်ကျအာဏာရှင်တွေကြီးပဲ ဒီဘက်မှာ ဘာမှမရှိဘူး။ တကယ်ဖြစ်နေတာ သူတို့ဖြစ်နေတာ ဒီမိုကရေစီနဲ့ ပတ်သက်လို့လည်း ဒီမိုကရေစီကို မယုံကြည်တာ သူတို့ပဲ။ သူတို့မှာ ဒီမိုကရေစီ မတူညီမှုတောင် သည်းညည်းမခံတဲ့ကိစ္စ ဘယ်လိုလုပ် ဒီမိုကရေစီဖြစ်မှာလည်း ဒါအဖြေပါဘဲ”ဟု ပြောသည်။

တိုင်းရင်းသားပေါင်းစုံ အဆို၊အက၊အရေး၊အတီးပြိုင်ပွဲ ကျင်းပရန် ပြင်ဆင်ထားစဉ်

မြန်မာနိုင်ငံတွင် ဗမာလူမျိုးကို တိုင်းရင်းသားဟု ဗမာမဟုတ်သော လူမျိုးများက သတ်မှတ်နိုင်မှု အားနည်းနေ သလို ဗမာလူမျိုးများကလည်း ဗမာမဟုတ်သော လူမျိုးများအား တိုင်းရင်းသားများဟုဆိုကာ သုံးနှုန်း၍ တဆင့်နိမ့် လူမျိုးများအဖြစ် နားလည်မှု ကောက်ယူလျက်ရှိနေကြသည်။

မြန်မာနိုင်ငံကို လူမျိုးပေါင်းစုံ စုစည်း၍ ထူထောင်ခဲ့ခြင်းဖြစ်၍ ပညာရေး သင်ရိုးညွှန်းတန်း သမိုင်းများတွင် အနော်ရထာ၊ ဘုရင့်နောင်၊ အလောင်းဘုရားနှင့် ဗိုလ်ချုပ်အောင်ဆန်း စသည့် အကြောင်းများသာ အများဆုံး သင်ကြားလျက်ရှိပြီး တခြားသော နိုင်ငံအကျိုးထမ်းဆောင်ခဲ့ကြသည့် တိုင်းရင်းသားလူမျိုးများ၏ သမိုင်းများကို သင်ကြားမှု အလွန်အားနည်းလျက်ရှိနေသည်။

ထို့ကြောင့် မြန်မာနိုင်ငံတွင် ပညာရေးသင်ရိုးညွှန်းတန်းအား ယဉ်ကျေးမှုပေါင်းစုံမူဝါဒကို ချမှတ်၍ အနာဂတ် မျိုးဆက်များကို သင်ကြားရန် ဆွေးနွေးလျက်ရှိနေသည်။

CNI News

၂၀၂၅ ခုနှစ်၊ မေလ ၂၃

ကွန်ဖက်ဒရေးရှင်းသည် ပြည်နယ်တိုင်းတွင် ကိုယ်ပိုင်စစ်တပ်များရှိသောကြောင့် သီးသန့်ကဲ့သို့ ဖြစ်နေကာ ပြည်ထောင်စုကြီးအတွက် အန္တရာယ်ကြီးမားကြောင်း ရှမ်းနှင့်တိုင်းရင်းသားများ ဒီမိုကရက်တစ်ပါတီ (SNDP) ဥက္ကဋ္ဌ စိုင်းအိုက်ပေါင်းက CNI သတင်းဌာနသို့ ပြောသည်။

ထို့ပြင် တိုင်းရင်းသားများအား ဖက်ဒရယ်အရ ကိုယ့်ဒေသကိုယ် အုပ်ချုပ်ခွင့်ပေးပြီး ပြည်ထောင်စုထဲတွင်သာ ရှိနေသင့်ကြောင်း၊ ထို့ကြောင့် နိုင်ငံရေးစားပွဲဝိုင်းပေါ်တွင် ပွင့်ပွင့်လင်းလင်း ဆွေးနွေးရန်လိုကြောင်း ၎င်းက ပြောသည်။

စိုင်းအိုက်ပေါင်းက “ဖက်ဒရယ်ဆိုလို့ရှိရင် ပြည်ထောင်စုကြီးက ပေါင်းစည်းတယ်၊ စုပေါင်းတာပေါ့နော်။ ကိုယ့် ဒေသမှာ ကိုယ်အုပ်ချုပ်၊ သယံဇာတတွေ၊ အခွန်အခတွေကို ပြည်ထောင်စုနဲ့ မျှမျှတတ ခွဲဝေယူ အဲဒီလိုပုံစံလေ၊ ကွန်ဖက်ဒရေးရှင်းသည် ပြည်နယ်တစ်ခု၊ ပြည်နယ်တစ်ခုတိုင်းမှာ ကွန်ဖက်ဒရေးရှင်းက အန္တရာယ်ရှိတယ်။ ရုရှား ပြည်ထောင်စုကြီး ပြိုကွဲသွားတာ ဘာကြောင့်လဲ ကွန်ဖက်ဒရေးရှင်းကြောင့်ပါ၊ ကွန်ဖက်ဒရေးရှင်းကြောင့်။ ပြည်နယ်တိုင်း၊ ပြည်နယ်တိုင်းမှာ သူ့ကိုယ်ပိုင် စစ်တပ်တွေ ရှိနေတယ်၊ သူ့ဟာသီးသန့်လို ဖြစ်နေတယ် ဆိုလို့ရှိရင် ဒါပြည်ထောင်စုကြီးအတွက် အန္တရာယ်ကြီးတယ်လေ ကွန်ဖက်ဒရေးရှင်းက။ ဖက်ဒရယ်ဆိုလို့ရှိရင် ကိုယ့်ဒေသကို ကိုယ်အုပ်ချုပ်ခွင့်ပေးလိုက်၊ တိုင်းရင်းသားတွေ သူ့ဒေသသူ အုပ်ချုပ်ပါစေလေ၊ ပြည်ထောင်စုထဲမှာပဲ ရှိနေပါစေ၊ ညီတူညီမျှ ခံစားခွင့် မျှမျှတတ ယူကြ၊ အဓိက,ကတော့ စားပွဲဝိုင်းမှာ ငြိမ်းငြိမ်းချမ်းချမ်းနဲ့ ဆွေးနွေးပေါ့ဗျာ၊ ပွင့်ပွင့်လင်းလင်း ဆွေးနွေးလေ။ တိုင်းရင်းသားလက်နက်ကိုင်တွေ အားလုံးက ဘယ်လိုဖြစ်စေချင်တယ်၊ လက်နက်ကိုင်အားလုံး နိုင်ငံရေးစားပွဲဝိုင်းမှာ ငြိမ်းငြိမ်းချမ်းချမ်း ဆွေးနွေးလိုက်တာ အဲဒါတိုင်းပြည်အတွက် အကောင်းဆုံးပဲလို့ ကျနော်ယူဆတယ်” ဟု ပြောသည်။ 

လက်နက်ကိုင် ခေါင်း‌ဆောင်တချို့နဲ့ ဗိုလ်ချုပ်မှူးကြီးမင်းအောင်လှိုင်ကို တွေ့ရစဉ်

လက်ရှိတွင် ဖက်ဒရယ်နှင့်ဒီမိုကရေစီကို အခြေခံသည့် ပြည်ထောင်စုအား တည်ဆောက်ရန် ကြိုးပမ်းနေကြ သော်လည်း တချို့သော တိုင်းရင်းသားလက်နက်ကိုင်များကတော့ ကွန်ဖက်ဒရေးရှင်း၊ လွတ်လပ်ရေးဆိုသော ရည်မှန်းချက်များအထိ ထုတ်ဖော်ပြောဆိုလာနေမှုများ ရှိနေကြသည်။ 

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကတော့ ငြိမ်းချမ်းရေး ဆွေးနွေးမှုများတွင် တိုင်းရင်းသား လက်နက် ကိုင်တပ်ဖွဲ့များ အနေဖြင့် တိုင်းရင်းသားတို့၏ အရေးကိုသာ တောင်းဆိုလျက်ရှိပြီး ဒေသအရေးကို တောင်းဆိုမှု အားနည်းကြောင်း၊ လူတစ်စုကို ကိုယ်စားပြုသည့် အဖွဲ့အစည်းများ ဖြစ်၍မရဘဲ ဒေသကို ကိုယ်စားပြုသည့် အဖွဲ့အစည်းများ ဖြစ်ရန်လိုကြောင်း၊ တိုင်းရင်းသား လက်နက်ကိုင်များသည် ကိုယ်ပိုင် နယ်မြေများ ရရှိရေး ကြိုးပမ်းနေကြ၍ စစ်ပွဲဆက် ဆင်နွှဲရမည်ဟု ပြောထားသည်။

ကွန်ဖက်ဒရေးရှင်းသည် သီးခြားနိုင်ငံ ထူထောင်ခြင်းထက် အန္တရာယ်နည်းသော်လည်း စစ်မှန်သည့်ဖက်ဒရယ် ပြည်ထောင်စုထက် အန္တရာယ်ကြီးကြောင်း၊ ဖက်ဒရယ်အပေါ်တွင်သာ အာရုံစိုက် အလေးထားပါက ဖက်ဒရယ် ထက်ပို၍ မတောင်းသင့်ကြောင်း NCA ထိုးထားသည့် ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO- NCA/S) မှဥက္ကဋ္ဌ ဗိုလ်မှူးကြီးခွန်ဥက္ကာက CNI သတင်းဌာနသို့ ပြောသည်။

KIA- AA-TNLA-MNDAA ခေါင်းဆောင်များကို တွေ့ရစဉ်

၎င်းက “နှိုင်းယှဥ်ချက် အရဆိုရင် ကွန်ဖက်ဒရေးရှင်းက သီးခြားနိုင်ငံထူထောင်တာ ထက်ကိုတော့ အန္တရာယ်နည်း တယ်၊ သို့သော်လည်းပဲ စစ်မှန်တဲ့ ဖက်ဒရယ်ပြည်ထောင်စု ပူးပေါင်းနေထိုင်မှုထက်ကိုတော့ အန္တရာယ်ကြီးတယ်၊ သူက အလယ်မှာဖြစ်နေတယ်၊ စစ်မှန်တဲ့ ဖက်ဒရယ်ပြည်ထောင်စုက တန်းတူညီတူရယ်၊ သူ့အခွင့်အရေး၊ ကိုယ့် အခွင့်အရေး၊ ပြည်နယ်တွေ အသီးသီး၊ လူမျိုးအသီးသီးနေပြီးတော့ ပြည်ထောင်စု တစ်ခုလုံးအတွက်ကျတော့ စုပေါင်းကာကွယ်တဲ့စနစ်ပေါ့၊ စုပေါင်းစီးပွားရေး ဖွံ့ဖြိုးတဲ့စနစ်တွေ လုပ်နိုင်ရင် ဖက်ဒရယ်က ကျ‌နော်တို့ တိုင်းပြည် အတွက် အကောင်းဆုံးပုံစံပါပဲ၊ သို့သော် စုဖွဲ့မှု အားနည်းလာရင် စုစည်းမှု အားနည်းလာရင်တော့ တချို့ပြည်နယ် တွေ တချို့လူမျိုးတွေက ကွန်ဖက်ဒရေးရှင်းဆိုတဲ့ တစ်ဆင့်ထပ်မြင့်တယ်ပေါ့။ ဖက်ဒရယ်ထက်မြင့်တဲ့ဟာကို တောင်းလာနိုင်တယ်။ ဒါပေမယ့် အဲဒီလိုတောင်းတဲ့ဟာက ဖက်ဒရယ်ကို ထိခိုက်နိုင်တာပေါ့၊ တကယ်တော့ ဖက်ဒရယ်အပေါ်မှာပဲ တကယ် အာရုံ စိုက်တယ်၊ အလေးထားတယ်ဆိုရင်‌တော့ ပိုတောင်းလို့တော့ မသင့်တော်ဘူးပေါ့” ဟု ပြောသည်။

အာရက္ခတပ်တော်(AA)က “ဝ” ထက် မနိမ့်သော နိုင်ငံရေး အဆင့်အတန်းမျိုးကို ယူမည် သို့မဟုတ် ကွန်ဖက်ဒရေး ရှင်း (ကွန်ဖက်ဒရိတ်)အဆင့်အတန်းကို ရအောင်ယူမည်ဟု ပြောထားသည်။

လက်ရှိ မြန်မာနိုင်ငံမှာ ဖက်ဒရယ်စနစ်ထက် ကျော်လွန်ပြီး ကွန်ဖက်ဒရေးရှင်း အဆင့်အတန်းရရှိထားသော EAO များမှာ “ဝ”ပြည်သွေးစည်း ညီညွတ်ရေးတပ်မတော်(UWSA)၊ အမျိုးသားဒီမိုကရက်တစ် မဟာမိတ်တပ်မတော်-မိုင်းလား (NDAA)တို့ဖြစ်သည်။

ကချင်လွတ်လပ်ရေးတပ်မတော်(KIA)ဒုဥက္ကဋ္ဌ ဒုတိယဗိုလ်ချုပ်ကြီးဂွမ်မော်ကလည်း တိုင်းရင်းသားများသည် ၂၀၂၅ ရောက်လာသည့်အခါမှာ ဖက်ဒရယ်ထက် ကျော်လွန်သည့် စဉ်းစားချက်များ ရှိလာမည်ဟု ထုတ်ဖော် ပြောကြား ထားသည်။

ထို့ပြင် တအာင်းအမျိုးသားလွတ်မြောက်ရေး တပ်မတော်(TNLA) အထွေထွေအတွင်းရေးမှူး ဗိုလ်ချုပ် တားဘုန်းကျော်ကလည်း နိုင်ငံတစ်ခုအထိ တည်ထောင်ရန် အခြေအနေဖြစ်လာပါက အဆင်သင့်ဖြစ်အောင် ပလောင်လူမျိုးများ လုပ်ထားရမည်ဟု ၂၀၂၂ ခုနှစ်၊ ဩဂုတ် ၁၈ ရက်က ပြောခဲ့သည်။

CNI News 

၂၀၂၅ ခုနှစ်၊ မေလ ၂၂

နိုင်ငံတော်ပြိုကွဲစေရေး အကြံအစည်းများနှင့် ဒေသတွင်း မြန်မာကို တည်ကြက်ထားပြီး ၎င်းတို့ ထိန်းချုပ်လိုသည့် နိုင်ငံများကို ထိန်းချုပ်လိုသော အကြံအစည်များအား အကောင်အထည်ဖော်နေသည်ကို နိုင်ငံသားများအားလုံး သတိထားရန်လိုသည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

၂၀၂၅ ခုနှစ်၊ မေလ ၂၁ ရက်က ကျင်းပသည့် အခြေခံနှင့်တန်းမြင့် ရေကြောင်း၊ လေကြောင်း လူငယ်သင်တန်းဆင်း သင်တန်းသူ/သားများဖြင့် တွေ့ဆုံစဉ် ၎င်းက ပြောကြားခဲ့ခြင်း ဖြစ်သည်။

မြန်မာနိုင်ငံလွတ်လပ်ရေး ရပြီးချိန်ကတည်းက မတည်ငြိမ်အောင် လုပ်ဆောင်ခဲ့သည့် အင်အားစုများနှင့် ၎င်းတို့၏ အဆက်အနွယ်များက အဆိုပါကိစ္စကို နှပ်ကြောင်းပေး ဆောင်ရွက်ခဲ့ခြင်းဖြစ်ကြောင်း၊ အချိန်မရွေး ဝင်ရောက်စွပ် ဖက်၍ ကောင်းစေရန် ဆောင်ရွက်ခဲ့ခြင်းဖြစ်ကြောင်း နစကဥက္ကဋ္ဌက ပြောသည်။

၎င်းက “အဖျက်သမားများအနေဖြင့် ဖွဲ့စည်းပုံအခြေခံဥပဒေက ထိန်းသိမ်းထားသည့် မြန်မာနိုင်ငံ၏ နိုင်ငံရေးဟန် ချက်ညီမှု၊ လူမှုစီးပွားဘဝ ဟန်ချက်ညီမှုများကို သိရှိကြကြောင်း၊ အဆိုပါ ဟန်ချက်ညီမှုများကို ဖျက်ဆီးနိုင်မှသာ ၎င်းတို့၏ ယုတ်မာသည့် နိုင်ငံတော်ပြိုကွဲစေရေးအကြံအစည်များနှင့် ဒေသတွင်း မြန်မာကို တည်ကြက်ထားပြီး ၎င်းတို့ ထိန်းချုပ်လိုသည့် နိုင်ငံများကို ထိန်းချုပ်လိုသည့် အကြံအစည်များအား အကောင်အထည်ဖော်နိုင်မည်ကို သိရှိကြကြောင်း၊ ယင်းကို ၎င်းတို့ စဉ်ဆက်မပြတ် ဆောင်ရွက်နေကြသည်ကို မိမိတို့ နိုင်ငံသားများ အားလုံးက သိရှိသတိရှိကြရမည်”ဟု ပြောသည်။

နစကဥက္ကဋ္ဌ၊ တရုတ်သမ္မတရှီနဲ့ အမေရိကန်သမ္မတ ဒေါ်နယ်ထရမ့်ကို တွေ့ရစဉ်

နစကဥက္ကဋ္ဌသည် ဘယ်နိုင်ငံက ဘယ်နိုင်ငံကို ထိန်းချုပ်ဖို့အတွက် ကြံစည်နေသည်ကိုတော့ တိတိကျကျ ပြော ကြားခဲ့ခြင်း မရှိပေ။

တရုတ်နှင့် အမေရိကန်သည် မြန်မာနိုင်ငံတွင် ၎င်းတို့ ဩဇာလွှမ်းမိုးနိုင်သော အဖွဲ့အစည်းများကို အသုံးချ၍ အပြန် အလှန် ထိန်းချုပ်နိုင်ရေး ကြိုးပမ်းနေကြသည်ဟု စစ်ရေးနှင့်နိုင်ငံရေးအကဲခတ်များက ထောက်ပြကြသည်။

မြန်မာနိုင်ငံကို ခေါင်းဆောင်ကောင်းကောင်းနှင့် မူဝါဒ ကောင်းကောင်း ကျင့်သုံး၍ တည်ဆောက်မည်ဆိုလျှင် တိုးတက်သည့်နိုင်ငံဖြစ်လာနိုင်သည်ဟု တိုင်းလိုင် (ရှမ်းနီ) အမျိုးသားများဖွံ့ဖြိုးတိုးတက်ရေးပါတီဥက္ကဋ္ဌ စိုင်းဋ္ဌေးအောင်က CNI သတင်းဌာနသို့ ပြောသည်။

တရုတ်သမ္မတရှီ၊ ရုရှားသမ္မတပူတင်၊ အမေရိကန်သမ္မတဒေါ်နယ်ထရမ့်တို့ကို တွေ့ရစဉ်

၎င်းက “ကျနော်ပြောတဲ့ အမေရိကန် ဟိုတုန်းကဆက်ဆံရေးမှာ အဲ့ဒီဆက်ဆံရေးတွေရှိခဲ့ကြတယ်ဆိုတာ သူပြန်ကောက်တဲ့အခါကြတော့ ရန်သူမဟုတ်ဘူးဆိုတဲ့အကြောင်းကို အဲ့တာကိုထုပ်ဖော်ချင်တဲ့သဘောလေး တွေပေါ့နောက်ပြီးတော့လည်း တရုတ်က ၁၉၄၉ မှာ မော်စီတုန်း အာဏာသိမ်းလိုက်တဲ့အခါမှာ ကမ္ဘာက အသိအမှတ် မပြုသေးတဲ့ အချိန်မှာ မြန်မာက ပထမဦးဆုံး သူတို့ကို အသိအမှတ် ပြုပေးတာပါ။ မြန်မာက အဲတုန်းက ဦးနု အစိုးရလက်ထက်ပေါ့။ အခုမြန်မာက ဘန်ဒေါင်းမူ ၅ ချက် ထွက်လာတယ်။ အခုဥစ္စာလည်း အဲဒီအချိန်တုန်းက ဘန်ဒေါင်းညီလာခံကို တရုတ်ကို မဖိတ်ဘူး။  အခုမြန်မာနိုင်ငံလိုပေါ့ဗျာ အာဏာသိမ်းကြတယ်ဆိုတော့ နိုင်ငံတကာ ကနေပြီးတော့မှ ဝိုင်းပယ်တဲ့အချိန်မှာ ဒီမြန်မာနိုင်ငံက ဦးနုကနေမှ တရုတ်ကို မဖိတ်ဘူးဆို ငါလည်းမတက်ဘူးဆို ပြောတဲ့အခါကျ အဲဒီတုန်းက ဦးနုက နိုင်ငံရေးသြဇာ ကမ္ဘာမှာ တော်တော်ရှိတယ်လေ။ ရှိတဲ့အခါကျတော့ တရုတ်ကို မဖြစ်မနေ ဖိတ်ရတဲ့ကိစွတွေ ရှိလာတယ်ပေါ့။ အဲဒါကြောင့်မို့လည်း တရုတ်က ကျေးဇူးတွေ သိပြီးတော့မှ မြန်မာကို ပြဿနာ ဖြစ်အောင် မလုပ်ဘဲနဲ့ မြန်မာပြည်ကို တိုးတက်အောင် ဘယ်လိုသွားမလဲဆိုတာ စဥ်းစားစေချင်တယ်။ အခု ဦးမင်းအောင်လှိုင် ပြောလိုက်တဲ့ဟာက အားလုံးကို နိုင်ငံတကာနဲ့ ချစ်ချစ်ခင်ခင်နဲ့ နေသွားချင်တယ်ဆိုတဲ့ သဘောမျိုး ပြောတယ်လို့ ကျနော့်အနေနဲ့ မြင်ပါတယ်”ဟု ပြောသည်။ 

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နဲ့ လူငယ်တွေကိုတွေ့ရစဉ်

၂၀၂၀ ပြည့်နှစ် ရွေးကောက်ပွဲတုန်းကကဲ့သို့ သမိုင်းတွင် ရုပ်ဆိုးအကျည်းတန်သည့် အဖြစ်မျိုးများ၊ ရွေးကောက် ပွဲမတိုင်မီ ကာလအတွင်း ဒီမီုကရေစီအမည်ခံ ဥပဒေလုပ်ဆောင်မှုများ၊ အာဏာရှင်ဆန်ဆန် လုပ်ဆောင်မှုများ၊ တိုင်းပြည်စည်းလုံးညီညွတ်မှု၊ ဟန်ချက်ညီ ရပ်တန့်မှုများ ပြည်ကွဲမည့်အဖြစ်များ ထပ်မံ မဖြစ်ပေါ်စေရေး လုပ် ဆောင်ကြရန် နစကဥက္ကဋ္ဌ ဗိုလ်ချုပ်မှုးကြီးမင်းအောင်လှိုင်က ပြောသည်။

မြန်မာနိုင်ငံသည် အမေရိကန်နှင့် မိတ်ဆွေနိုင်ငံတစ်ခုဖြစ်ကာ တရုတ်သည် အိမ်နီးချင်းဖြစ်သကဲ့သို့ မဟာဗျူဟာ‌ မြောက် မိတ်ဖက်၊ ဆွေးမျိုးပေါက်ဖော် နိုင်ငံဖြစ်ကြောင်း၊ ထိုနှစ်နိုင်ငံလုံးနှင့်ပတ်သက်၍ အကောင်းဆုံး ဖြစ်အောင် ထိတွေ့ဆက်ဆံသွားရန် ရှိကြောင်း နစကဥက္ကဋ္ဌက ပြောသည်။

လက်ရှိ မြန်မာနိုင်ငံတွင် အင်အားကြီးနိုင်ငံများဖြစ်သည့် ရုရှား၊ တရုတ်၊ အမေရိကန်၊ အိန္ဒိယတို့က စီးပွားရေးနှင့် နိုင်ငံရေးကဏ္ဍာများ၌ အပြိုင်အဆိုင် ကြိုးပမ်းနေကြသည်။

CNI News

၂၀၂၅ ခုနှစ်၊ မေလ ၂၂

ကရင်အမျိုးသားအစည်းအရုံး(KNU) အနေဖြင့် ကရင်ပြည်နယ်နှင့်တနင်္သာရီတိုင်းအတွင်း စခန်းသိမ်းတိုက်ပွဲများ ပြန်လည် ဖော်ဆောင်လာမှုသည် နောက်ဆက်တွဲ ဘာဖြစ်လာနိုင်သလဲဆိုသည့်အပေါ် စစ်ရေးနှင့်နိုင်ငံရေး အကဲခတ်များ ကြား သုံးသပ်မှုများ ရှိနေကြသည်။

၂၀၂၅ ခုနှစ်‌၊ မေလထဲတွင် KNU ၏လက်အောက်ခံ KNLA နှင့် KNDO ဦးဆောင်သည့် ပူးပေါင်းတပ်များက ထိုင်း-မြန်မာ နယ်စပ်ဖြစ်သည့် ကရင်ပြည်နယ်၊ ဘားအံခရိုင်၊ လှိုင်းဘွဲ့မြို့နယ်အတွင်းရှိ မော်ကွီးလု၊ တာလယ်၊ လေးပနာဒီ (ခေါ်) တခေါ်ဘီခွီး စသည့် တပ်စခန်း ၃ ခုကို သိမ်းပိုက်ခဲ့ကြသည်။

ထို့ပြင် တနင်္သာရီတိုင်း၊ ထားဝယ်မြို့ရှိ ထီးခီးဒေသမှ ထီးထာနှင့် ထီးခီးဗျူဟာ စခန်းများကိုလည်း တပ်မဟာ ၄ က သိမ်းပိုက်ထားနိုင်ခဲ့သည်။

KNU သည် ၂၀၂၁ ခုနှစ် နိုင်ငံရေးအပြောင်းအလဲ ဖြစ်ပြီးနောက် နိုင်ငံရေးနည်းဖြင့် ဖြေရှင်းလိုသည့် အဖွဲ့နှင့် စစ်ရေး ဖြင့် ဖြေရှင်းလိုသည့် အဖွဲ့ဟူ၍ သ‌ဘောထားကွဲလွဲမှုများ ရှိခဲ့ကြသည်။

 KNU နဲ့ပူးပေါင်းတိုက်ပွဲဝင်နေတဲ့ ရဲဘော်တွေကိုတွေ့ရစဉ်

စစ်ရေးအရ ဖြေရှင်းလိုသည့်အဖွဲ့မှ အနိုင်ရသွားသဖြင့် ယခုကဲ့သို့ KNU မှ တပ်စခန်းတွေကို ပြန်လည် သိမ်းပိုက် သည့် စစ်ဆင်ရေးများ လုပ်ဆောင်လာခြင်းဖြစ်နိုင်ကြောင်း၊ ထို့ပြင် နိုင်ငံရေးဆွေးနွေးမှုတွင် အသာစီးရချင်သည့် အတွက်ကြောင့်လည်း ဖြစ်နိုင်ကြောင်း တရုတ်-မြန်မာအရေးလေ့လာသုံးသပ်သူ ဒေါက်တာလှကျော်ဇော်က CNI သတင်းဌာနသို့ ပြောသည်။

၎င်းက “သူသူငါငါပဲလေ တိုက်ပွဲတွေမှာ ကိုယ်ရရှိချက်တွေက ကောင်းနေမှ ကိုယ်က ဒေသတွေ သိမ်းပိုက်ထား ရုံမက အဲဒီဒေသ တည်ငြိမ်အောင်လုပ်ပြီး အဲဒီဒေသ လူထုကပါ ကိုယ့်ဘက် ထောက်ခံနေမှ ပြောလို့ဆိုလို့ ကောင်း မှာကို။ ဒါတွေသူတို့ ဆက်လုပ်မှာပဲ။ ကျမကြည့်တာ ဒီလို အာဆီယံနဲ့ တရုတ်က ခြေလှမ်းညီနေတာဖြစ်တော့ တကယ်လို့ တိုက်ပွဲပြင်းထန်လာလည်း ထိုင်းက ဝင်ပါဝင်ပြီး အပစ်ခတ်ရပ်စဲရေးတွေဘာတွေ လုပ်နိုင်တယ်။ သူတို့ နယ်စပ်ထက် ကိုယ့်ပြည်တွင်းမှာပဲ ကိုယ်ဆက်ပြီးတော့ တိုက်ကြလိမ့်မယ်ထင်တယ်။ ဘယ်အဖွဲ့အစည်းတိုင်းမဆို အဖွဲ့အစည်းအတွင်းမှာ ပဋိပက္ခတွေရှိတယ်။ အတွင်းပိုင်း ပဋိပက္ခတွေပေါ့နော်။ ဥပမာအားဖြင့် စစ်ဆက်တိုက်ကြ မလား၊ ငြိမ်းချမ်းရေးယူမလား။ အဲဒါမျိုးတွေပေါ့။ အဖွဲ့အစည်းတိုင်းမှာ ဒီလိုလူမျိုးတွေရှိတယ်။ တတ်နိုင်သမျှ လျှော့လျှော့ပေ့ါပေါ့ လုပ်ချင်တာနဲ့ အပြတ်အသတ် တိုက်ချင်တဲ့သူတွေ အဲဒီကြားထဲမှာ အဖွဲ့အစည်းကို မပြိုကွဲ သွားအောင်ဆိုရင် ကိုယ့်အချင်းချင်းကြား အရင်ညှိရတာပေါ့။ ညှိရင်းကနေ ကြည့်ရတာ အပြတ်အသတ်တိုက်မယ့် အဖွဲ့ဘက်က အနိုင်ရသွားတယ်ထင်တယ်။ ဒါကြောင့်မို့လို့ ဒီလောက် ရှေ့တိုးလာတာပေါ့” ဟု ပြောသည်။

လက်ရှိတွင် ထီးခီးနယ်စပ် ကုန်သွယ်ရေးဂိတ်ကို ဦးဆောင် လည်ပတ်နိုင်ရန် ပြင်ဆင်နေသလို မြဝတီကုန်သွယ် ရေးကိုလည်း ဦးစီးဆောင်ရွက်နိုင်ရန် ပြင်ဆင်ထားကြောင်း KNU ပြော‌ရေးဆိုခွင့်ရှိသူ ပဒိုစောတောနီးက ပြောထားသည်။

ပဲခူးတိုင်းတွင်လည်း တပ်မဟာ ၂ နှင့် တပ်မဟာ ၃ တို့ တည်ရှိသကဲ့သို့ တပ်မဟာ ၁ သထုံခရိုင်နှင့်လည်း နယ်နိမိတ် ထိစပ်နေသည်။

ထို့နောက် မူးမြို့နယ်မှ နောင်ကုန်း၊ ရန်မျိုးအောင်၊ ရွာကြီးအင်း ကျွန်းကုန်း(နိုကလော်)၊ တောင်စု ကျေးရွာများကို ဧပြီလ နောက်ဆုံးအပတ်တွင် သိမ်းပိုက်ခဲ့ကြသည်။

ထို့ပြင် ပဲခူးနှင့် မွန်ပြည်နယ်အစပ် ရွှေကျင်မြို့နယ်၊ ညောင်ခြေထောက်ရွာမှာ တည်ရှိသည့် မြန်မာ့တပ်မတော်၏ အမှတ် ၅၉၈ ခြေမြန်တပ်ရင်းကို PDF နှင့် KNU ပူးပေါင်းတပ်များက သိမ်းပိုက်ခဲ့သည်။

KNU ၏ လက်ရှိ စစ်ဆင်ရေးနှင့် တပ်စခန်းသိမ်းပိုက်ပုံများအရ ၁၀၂၇ စစ်ဆင်ရေးနှင့် ဆင်တူကြောင်းလည်း သုံးသပ်မှုများ တွေ့ရသည်။

KNU ခေါင်းဆောင်တွေကိုတွေ့ရစဉ်

KNU သည် တိုင်းရင်းသားလက်နက်ကိုင် တပ်ဖွဲ့များနှင့် နိုင်ငံရေးအဖွဲ့များထဲတွင် သက်တမ်းအရင့်ဆုံးဖြစ်ကာ တပ်မဟာ ၇ ခုဖြင့် ဖွဲ့စည်းထားခြင်းဖြစ်ပြီး တပ်မဟာအလိုက် လှုပ်ရှားမှု မတူညီကြသောကြောင့် ၁၀၂၇ ကဲ့သို့ စစ်ဆင်ရေးမျိုး ဖြစ်နိုင်မှု ရှိ၊မရှိ မှန်းဆရခက်ကြောင့် စည်းလုံးညီညွတ်သော တိုင်းရင်းသားလူမျိုးများ မဟာမိတ် (UNA) မှ ဦးမျိုးကျော်က CNI သတင်းဌာနသို့ ပြောသည်။

၎င်းက “ဆက်စပ်လို့ကတော့ ကျနော့်အနေနဲ့ သိပ်မထင်ပါဘူး။ ဘာလို့ဆို KNU လို တော်လှန်‌ရေး တပ်ဆိုတာ လည်း သူတို့က တကယ့်ကို ဝါရင့်တပ်တွေ ဖြစ်တယ်လေ။ နိုင်ငံရေး၊ စစ်ရေးဆိုင်ရာ သူတို့ အင်မတန် ကျွမ်းကျင် တယ်၊ နားလည်ပါတယ်။ သူတို့မှာလည်း သူတို့မူဝါဒနဲ့ သူတို့သွားနေတာဖြစ်တယ်။ KNU အနေနဲ့ဆိုရင် သူ့ တပ်မဟာ ၇ ခုမှာတောင်မှ တစ်တပ်နဲ့တစ်တပ် လုပ်ပိုင်ခွင့်ခြင်း၊ လုပ်နေကြတဲ့ ဗျူဟာဖော်ဆောင်တဲ့ပုံစံတွေ မတူကြဘူး။ တချို့ကဆို ပေါ်ပေါ်ထင်ထင် မြို့သိမ်း၊ နယ်သိမ်းတိုက်ပွဲတွေလုပ်ပြီးမှ တချို့ကြတော့လည်း ‌ခြွေပြီး တော့ ရန်သူ့အင်အားကို တစ်ဖက်လှည့် ဆုတ်ယုတ်အောင် လုပ်တဲ့ဟာမျိုးတွေရှိတယ်။ တစ်ခုနဲ့တစ်ခု တပ်တွေ မှာ‌တောင်မှ မတူကြတဲ့ အနေအထားမျိုးတွေ့ရတယ်ပေါ့။ အဲဒါကြောင့် သူတို့ကိုတော့ မှန်းဆရခက်တယ်” ဟု ပြောသည်။

KNU သည် ၂၀၂၃ ခုနှစ် နှစ်ကုန်ပိုင်းမှ သိမ်းပိုက်ရရှိခဲ့သည့် ကော့ကရိတ်မြို့နှင့် ၂၀၂၄ ခုနှစ်၊ ဧပြီလက သိမ်းပိုက်ခဲ့ သော မြဝတီမြို့တို့ကို ပြန်လည် လက်လွှတ်ခဲ့ရဖူးသည်။

လက်ရှိတွင် KNU သည် မတ်လမှစတင်ကာ မေလအထိ ၃ လတာ ကာလအတွင်း တပ်မဟာ ၇ နယ်မြေထဲရှိ တပ်စခန်း ၇ ခုထက်မနည်းကို သိမ်းထားပြီး ဖြစ်ကြောင်းလည်း ဒေသတွင်းသတင်းများက ဖော်ပြထားကြသည်။

CNI News

၂၀၂၅ ခုနှစ်၊ မေ ၂၂

မြန်မာနိုင်ငံတွင် ရွေးကောက်ပွဲ ဝင်ရောက်ယှဉ်ပြိုင်မည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP) ၏ နိုင်ငံရေးနှင့် စီးပွားရေး မူဝါဒက ဘာလဲဆိုသည့်အပေါ် ပြည်သူလူထုများ သိရှိနိုင်ရေးအတွက် USDP ပါတီ၏ ပြောရေးဆိုခွင့်ရှိသူ ဦးသိန်းထွန်းဦးက ချပြသွားခဲ့သည်။

ငြိမ်းချမ်းရေးနှင့် ပတ်သက်၍ NCA လမ်းကြောင်းပေါ်မှာသာ အခြေခံကာ လုပ်ဆောင်မည်ဖြစ်ကြောင်း၊ တစ်ဖက်မှ ဖြစ်နိုင်ခြေအား ညှိနှိုင်းကာ တစ်ဖက်မှလည်း ဖြေလျှော့နိုင်သမျှ ဖြေလျှော့မည်ဆိုပါက ငြိမ်းချမ်းရေး ရမည်ဖြစ် ကြောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP) ၏ ပြောရေးဆိုခွင့်ရှိသူ ဦးသိန်းထွန်းဦးက CNI သတင်းဌာနသို့ ပြောသည်။

၎င်းက “ကျ‌နော်တို့က အဓိကငြိမ်းချမ်းရေးပေါ့၊ ငြိမ်းချမ်းရေးကို ကျနော်တို့ ၂၀၁၀-၂၀၁၆ တာဝန်ယူခဲ့တဲ့ ကျနော် တို့ ပြည်ခိုင်ဖြိုးပါတီ သမ္မတကြီး ဦးသိန်းစိန် လက်ထက်မှာလည်းပဲ ကျနော်တို့ လုပ်ဆောင်ခဲ့ပါတယ်၊ ဒီငြိမ်းချမ်း ရေး မူတွေပေါ်မှာ အခြေခံပြီးတော့ပဲ ဆက်လက်ပြီးတော့ ဆောင်ရွက်သွားမှာ ဖြစ်ပါတယ်၊ ငြိမ်းချမ်းရေးကို လိုလားတဲ့ ရပ်တည်မှုနဲ့ ကျနော်တို့ ဆက်လက်ပြီးတော့ ဆောင်ရွက်သွားမှာဖြစ်ပါတယ်၊ ဘာကြောင့် ငြိမ်းချမ်းရေး လမ်းစဥ်နဲ့ သွားမှာလဲဆိုတော့ ဒီငြိမ်းချမ်းရေးလမ်းစဥ်ကို ကျ‌နော်တို့ လက်ထက်တုန်းက ဖောက်လုပ်ခဲ့တဲ့ လမ်းစဥ် တစ်ခု ဖြစ်တယ်၊ ကုလသမဂ္ဂပါမယ်၊ လွှတ်တော်ပါမယ်၊ အဖွဲ့အစည်းပေါင်းစုံက လက်မှတ်ရေးထိုးထားတဲ့ NCA ပေါ်မှာ ကျနော်တို့ အခြေခံပြီးတော့ လုပ်‌ဆောင်နေကြတာ တွေ့ကြပါလိမ့်မယ်ဗျ၊ ထိုနည်းတူစွာပဲ ကျ‌နော်တို့သာ တာဝန်ယူခွင့် ရမယ်ဆိုလို့ရှိရင်တော့ ကျနော်တို့က ငြိမ်းချမ်းရေးလမ်းစဥ်နဲ့ကိုပဲ ကျ‌နော်တို့ရဲ့ နိုင်ငံရေးတည်ငြိမ် အေးချမ်းအောင်လို့ ဆောင်ရွက်သွားဖို့ ကျ‌နော်တို့ ရှိပါတယ်”ဟု ပြောသည်။

 NCA ထိုးပွဲ အခမ်းအနားကို တွေ့ရစဉ်

NCA စာချုပ်၏ နိဒါန်းတွင် ဤတစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် လက်မှတ်ရေးထိုး ကြသော ကျွနှ်ပ်တို့သည် ရေရှည်တည်တံ့ခိုင်မြဲသော ငြိမ်းချမ်းရေး ရရှိရန်အတွက် တာဝန်ယူမှု၊ တာဝန်ခံမှုနှင့် ပွင့်လင်းမြင်သာမှုတို့ကို အခြေခံ၍ ဤသဘောတူစာချုပ်ပါ အချက်များကို ပြီးစီးအောင်မြင်သည်အထိ မပျက်မ ကွက် အတူတကွ ပူးတွဲ အကောင်အထည်ဖော် ဆောင်ရွက်သွားရန် အပြန်အလှန် သန္နိဌာန်ပြုကြသည်ဟု ပြဋ္ဌာန်း ထားသည်။

သို့သော် ၂၀၂၁ ခုနှစ် နောက်ပိုင်းတွင် တိုင်းရင်းသား လက်နက်ကိုင်များအကြား NCA ပျက်ခြင်း၊ မပျက်ခြင်းအပေါ် ငြင်းခုန်မှုများရှိခဲ့ကြသည်။

ထို့နောက် အဖွဲ့ဝင်များအကြား သဘောထားကွဲလွဲမှုများ ဖြစ်ပေါ်လာပြီး ကရင်အမျိုးသား အစည်းအရုံး (KNU)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)တို့က NCA ပျက်သွားပြီဟုပြောကာ နစကကို လက်နက်ကိုင် ဆန့်ကျင်ရန်ဆုံးဖြတ်ပြီး ယနေ့အထိ တိုက်ပွဲများ ဆင်နွှဲလျက်ရှိ သည်။

ငြိမ်းချမ်းရေးသွားပြီးမှ ဖွံ့ဖြိုးရေးကို သွားမည်ဆိုခြင်းသည် လုပ်ငန်းတစ်ခုပြီးမှ လုပ်ငန်းတစ်ခု ပုံစံမျိုးဖြစ်ကြောင်း၊ ထို့ကြောင့် တိုင်းပြည်ဖွံ့ဖြိုးရေးနှင့် ငြိမ်းချမ်းရေးလမ်းစဥ်အား တစ်ပြိုင်တည်း လုပ်ဆောင်ရမည်ဖြစ်ကြောင်း၊ ထိုသို့ လုပ်ဆောင်မှသာ နိုင်ငံအနေဖြင့် ရုန်းထနိုင်မည့် အနေအထားဖြစ်ကြောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ(USDP)၏ ပြောရေးဆိုခွင့်ရှိသူ ဦးသိန်းထွန်းဦးက CNI သတင်းဌာနသို့ ပြောသည်။

USDP ပါတီကို တွေ့ရစဉ်

၎င်းက “ကျနော်တို့က တိုင်းပြည်ဖွံ့ဖြိုးရေးကိုလည်း တစ်ဖက်ကလုပ်တယ်၊ တစ်ဖက်ကလည်းပဲ ငြိမ်းချမ်းရေး လမ်းစဥ်ကို သွားတယ်၊ ပြိုင်လုပ်တာပေါ့။ တချို့ကကျတော့ ငြိမ်းချမ်းရေးကိုသွားပြီးတော့မှ ဖွံ့ဖြိုး‌ရေးကို သွားရမယ်ဆိုတဲ့ အခါကျတော့ လုပ်ငန်းတစ်ခုပြီးမှ တစ်ခုပုံစံမျိုး ဖြစ်တယ်ဗျ၊ ဆိုတဲ့အခါကျတော့ ကျနော်တို့က တိုင်းပြည်ကို ပြိုင်လုပ်မှသာလျှင် လုပ်နိုင်တဲ့နေရာတွေပေါ့၊ လုပ်နိုင်တဲ့နေရာတွေကို ကျနော်တို့က ငြိမ်းချမ်းရေး လုပ်ငန်းစဥ်ကလည်း လုပ်နေမယ်၊ တိုင်းပြည်ဖွံ့ဖြိုးတိုးတက်‌ရေး ကဏ္ဍပေါင်းစုံ ဖွံ့ဖြိုးတိုးတက်ရေးကလည်း လုပ်နေမယ်၊ အဲဒီလိုမှသာလျှင် နိုင်ငံကနေပြီးတော့ အတတ်နိုင်ဆုံး ရုန်းထနိုင်မယ့် အနေအထား ဖြစ်တယ်၊ ကာလ တွေမတူဘူး၊ အရေးပေါ်ကာလရှိတယ်၊ ပုံမှန်ကာလတွေ ရှိတယ်‌ပေါ့၊ ဒီလိုအရေးပေါ် ကာလတွေရဲ့ ပုံမှန် အခြေ အနေတွေပေါ်မှာ လုပ်ရတဲ့ ကိုင်တွယ်ရတဲ့ ဖြေရှင်းရတဲ့ နည်းလမ်းတွေလည်း မတူဘူး၊ ဆိုတဲ့အခါကျတော့ ရွေးကောက်ပွဲအလွန် ကာလမှာ နည်းလမ်းစုံကနေပြီးတော့ ဘက်ပေါင်းစုံကနေပြီးတော့ အဆင်ပြေမှုတွေ အများ ကြီး ရလာပါလိမ့်မယ်၊ အဲဒီ အခြေအနေ တစ်ခုကို စောင့်ကြည့်ဖို့ပဲ လိုလိမ့်မယ်လို့ ကျနော်ထင်ပါတယ်”ဟု ပြော သည်။

၂၀၂၅-၂၀၂၆ ဘဏ္ဍာရေးနှစ်တွင် တစ်မျိုးသားလုံး၏ ပြည်တွင်းအသားတင် ထုတ်လုပ်မှုနှင့် ဝန်ဆောင်မှုတန်ဖိုး (ဂျီဒီပီ)ကို ကျပ် ၁၇၁,၄၉၈ ဘီလီယံရရှိရန် မျှော်မှန်းထားပြီး စီးပွားရေး ဖွံ့ဖြိုးတိုးတက်မှုနှုန်းကိုလည်း ၃ ရာခိုင်နှုန်း ရရှိရန် မျှော်မှန်းထားကြောင်း ၂၀၂၅ ခုနှစ်၊ မတ်လ ၂၄ ရက်က နေပြည်တော်တွင် ကျင်းပသည့် ဘဏ္ဍာရေးဆိုင်ရာ ကော်မရှင် အစည်းအဝေး၌ နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။

ကုလသမဂ္ဂ လူ့အခွင့်အရေး ကျွမ်းကျင်သူများကတော့ မြန်မာနိုင်ငံတွင် ပြည်တွင်း ရွှေ့ပြောင်းဒုက္ခသည် ဦးရေမှာ ၂၀၂၄ နှစ်ကုန်၌ ၃ ဒသမ ၅ သန်းကျော်ရှိခဲ့ပြီး လူဦးရေ၏ ၆ ရာခိုင်နှုန်း ဝန်းကျင်နှင့် ညီမျှကြောင်း၊ ထို့အတူ မြန်မာနိုင်ငံတစ်ဝန်းတွင် လူသားချင်း စာနာထောက်ထားမှု အကူအညီ လိုအပ်နေသည့် လူပေါင်း ၁၉ ဒသမ ၉ သန်းကျော်ရှိနေကြောင်း ၂၀၂၅ ခုနှစ်၊ မတ်လ ၁၃ ရက်နေ့က ထုတ်ပြန်ခဲ့သည်။