- By CNI
- Category: အားကစား
- Hits: 469
CNI Sport News
၂၀၂၃ ခုနှစ်၊ ဧပြီ ၅
လီဗာပူးလ်အသင်းနည်းပြ ကလော့ပ်က ချယ်လ်ဆီးအသင်းနဲ့ ဂိုးမရှိ သရေကျခဲ့တဲ့ ပွဲအပြီးမှာ အန်ဖီးလ်ကွင်းက သူတို့ကို စောင့်ဆိုင်းနေတယ်ဆိုပြီး အာဆင်နယ်ကို သတိပေးလိုက်ပါတယ်။
ကလော့ပ်က “အခုလာမယ့် ပွဲကတော့ အာဆင်နယ်အသင်းနဲ့ပွဲပါ။ မနှစ်က ရာသီတုန်းက အာဆင်နယ် ဘယ် အဆင့်မှာ ရပ်တည်ခဲ့လဲဆိုတာ အတိအကျ မသိပေမယ့် အခုအချိန်မှာတော့ သူတို့ဟာ ပျံသန်းနေပြီး မယုံနိုင်စရာ ပုံစံနဲ့ အလွန်ကောင်းမွန်စွာ ကစားနေတယ်ဆိုတာ သိသာပါတယ်။ အရိုးသားဆုံး ပြောရရင် သူတို့ကစားတာကို ကြည့်ရတာ တကယ်ကို ကောင်းပါတယ်။ ဒါပေမယ့် ကျနော်တို့ဟာ အိမ်ကွင်းပွဲစဉ် ကစားရမှာပါ။ အိမ်ကွင်း မှတ်တမ်းတွေက အဝေးကွင်း မှတ်တမ်းတွေလောက် မဆိုးပါဘူး။ ကျနော်တို့ဟာ ဒီပွဲကို တကယ် မျှော်လင့်နေတာ ပါ။ ချယ်လ်ဆီးနဲ့ပွဲမှာ ကျနော်တို့ရဲ့ မှန်ကန်တဲ့ ခြေလှမ်းတွေကို မြင်တွေ့ရပြီး ဒါက ကျနော် လိုချင်တဲ့အရာပါ။ အန်ဖီးလ်က ကျနော်တို့ကို စောင့်ဆိုင်းနေပါတယ်”လို့ ပြောခဲ့တာပါ။
အာဆင်နယ်အသင်းဟာ ဒီရာသီမှာ ချန်ပီယံဆုကို ရယူနိုင်ဖို့အတွက် စိန်ခေါ်နေတဲ့ အသင်းဖြစ်ပြီး လီဗာပူးလ် အသင်းကတော့ ခြေစွမ်း သတမတ်တည်း မရှိဘဲ ချန်ပီယံလိဂ် ဝင်ခွင့်ရဖို့အတွက်သာ ပစ်မှတ်ထားနေတာ ဖြစ်ပါတယ်။
လီဗာပူးလ်အသင်းဟာ မနှစ်က ရာသီတုန်းက ဒီလိုအချိန်မှာ ချန်ပီယံဆုဖလား ၄ လုံး ရဖို့အတွက် တိုက်ပွဲဝင် နေရပေမယ့် ဒီရာသီမှာတော့ ဒီလိုပုံစံကို မပြသနိုင်တဲ့အပြင် ပရီးမီးယားလိဂ် ၂၈ ပွဲ ကစားအပြီးမှာ ၁၂ ပွဲသာ အနိုင်ရကာ အမှတ်ပေးဇယား အဆင့် ၈ နေရာအထိ ရောက်ရှိနေခဲ့တာပါ။
လီဗာပူးလ်နဲ့ ချယ်လ်ဆီး ယှဉ်ပြိုင်နေစဉ်
လီဗာပူးလ်အသင်းဟာ ချယ်လ်ဆီးအသင်းနဲ့ ဂိုးမရှိ သရေကျခဲ့တဲ့ ပွဲစဉ် အပါအဝင် နောက်ဆုံး ကစားခဲ့တဲ့ ပရီးမီးယားလိဂ် ၃ ပွဲဆက် နိုင်ပွဲပျောက်ဆုံးနေပြီး ၁ ပွဲ သရေကျကာ ၂ ပွဲ အရေးနိမ့်ခဲ့ပါတယ်။
ဒါပေမယ့် လီဗာပူးလ်အသင်း နည်းပြ ကလော့ပ်ကတော့ ချယ်လ်ဆီးအသင်းနဲ့ ပွဲစဉ်က သူတို့ရဲ့ စွမ်းဆောင်ရည် ဟာ လမ်းကြောင်းမှန်ပေါ် ရောက်နေတဲ့ သေးငယ်တဲ့ ခြေလှမ်းဖြစ်တယ်လို့ ယုံကြည်မှုရှိနေတာပါ။
ဒါအပြင် အာဆင်နယ်အသင်းကိုလည်း အနိုင်ရအောင် ကစားနိုင်မယ်လို့ ဂျာမန်လူမျိုးနည်းပြက မျှော်လင့်နေတာ ဖြစ်ပါတယ်။
ကလော့ပ်က “ကျနော်တို့ဟာ နောက်ထပ် ၁၀ ပွဲ ကစားဖို့ ကျန်ရှိနေသေးပြီး လာမယ့်ပွဲက အာဆင်နယ်နဲ့ပွဲပါ။ အခြား ၉ ပွဲ မဟုတ်ပါဘူး။ ဒါကြောင့်လည်း တခြားပွဲတွေကို ကျနော် စိတ်မဝင်စားပါဘူး။ အာဆင်နယ်ကို အနိုင် ယူရတာက ခက်ခဲမှာ ဖြစ်ပေမယ့် ဒီပွဲကို ကျနော်တို့ အနိုင်ရနိုင်ပါတယ်။ ဒီလိုမှ မဟုတ်ရင်တော့ အာဆင်နယ်က ကျနော်တို့ကို ကျော်ဖြတ်သွားမှာပါ။ ပွဲတစ်ပွဲကို အနိုင်ရခဲ့ရင်တော့ အရာအားလုံး ခြားနားသွားမှာပါ။ ကျနော်တို့ ဟာ တက်နိုင်သမျှ အောင်မြင်မှုတွေ ရယူချင်ပါတယ်”လို့ ပြောခဲ့တာပါ။
လီဗာပူးလ်အသင်းဟာ ချယ်လ်ဆီးအသင်းနဲ့ သရေကျခဲ့ပြီးနောက် အဆင့် ၄ နေရာက စပါးအသင်းနဲ့ ၇ မှတ် ကွာဟနေတာ ဖြစ်ပါတယ်။
Source: Metro
- By CNI
- Category: အားကစား
- Hits: 467
CNI Sport News
၂၀၂၃ ခုနှစ်၊ ဧပြီ ၅
ရော်နယ်ဒိုဟာ အယ်လ်နာဆာအသင်းက အယ်လ်အက်ဒါလက်အသင်းကို ၅ ဂိုး- ဂိုးမရှိနဲ့ အနိုင်ရခဲ့တဲ့ ဆော်ဒီပရို လိဂ်ပွဲစဉ်မှာ ၂ ဂိုး သွင်းယူပြီးနောက် လိဂ်သွင်းဂိုး ၁၁ ဂိုးအထိ ရှိလာခဲ့ပြီ ဖြစ်ပါတယ်။
ရော်နယ်ဒိုဟာ ဒီပွဲရဲ့ ပွဲချိန်မိနစ် ၄၀ မှာ ပင်နယ်တီကနေ အယ်လ်နာဆာအတွက် အဖွင့်ဂိုး သွင်းယူပေးခဲ့ပြီး မိနစ် ၆၆ မိနစ်မှာတော့ ဂိုးဧရိယာအထဲကနေ အပြင်းကန်သွင်းပြီး ဒုတိယဂိုး သွင်းယူခဲ့တာပါ။
အယ်လ်နာဆာ အသင်းအတွက် နောက်ထပ် သွင်းဂိုးတွေကိုတော့ တယ်လီစကာက ၂ ဂိုးနဲ့ ယာယာက ၁ ဂိုး သွင်းယူပေးခဲ့တာ ဖြစ်ပါတယ်။
ဇန်နဝါရီလကမှ အယ်လ်နာဆာအသင်းကို ရောက်ရှိလာခဲ့တဲ့ ရော်နယ်ဒိုဟာ ဆော်ဒီကလပ်အတွက် လိဂ်ပွဲစဉ် ၉ ပွဲ ကစားအပြီးမှာ သွင်းဂိုး ၁၁ ဂိုးအထိ သွင်းယူထားနိုင်ခဲ့တာပါ။
ရော်နယ်ဒိုဟာ ပေါ်တူဂီအသင်းအတွက် ယူရို ၂၀၂၄ ခြေစစ်ပွဲ ကစားပြီးနောက် အယ်လ်နာဆာအသင်းအတွက် ပြန်ကစားတဲ့ ပထမဆုံးပွဲမှာ ခြေစွမ်းပြဂိုးတွေ သွင်းယူပေးနိုင်ခဲ့တာ ဖြစ်ပါတယ်။
ရော်နယ်ဒိုနဲ့ အသင်းဖော်များကိုတွေ့ရစဉ်
ပေါ်တူဂီအသင်း ခေါင်းဆောင်ဟာ လိဂ်သွင်းဂိုး ၁၁ ဂိုးအထိ ရှိလာပြီဖြစ်တဲ့အတွက် အခုနှစ်ရာသီ ဆော်ဒီပရိုလိဂ်ရဲ့ ဂိုးသွင်း အများဆုံး ကစားသမားဖြစ်တဲ့ တယ်လီစကာနဲ့ အစ်ဟာလိုတို့ရဲ့ သွင်းဂိုး ၁၆ ဂိုးကို လိုက်မှီဖို့ ၅ ဂိုးသာ လို တော့တာပါ။
အသက် ၃၈ နှစ်အရွယ်ရှိ ရော်နယ်ဒိုဟာ အယ်လ်နာဆာအသင်းအတွက် လိဂ်ပွဲစဉ် ၉ ပွဲ အပါအဝင် ပြိုင်ပွဲစုံ ၁၁ ပွဲ ပါဝင်ကစားအပြီးမှာ ၁၁ ဂိုးသွင်းယူကာ ၂ ဂိုး ဖန်တီးပေးထားပြီး ဖေဖော်ဝါရီလအတွက် လိဂ်ပြိုင်ပွဲရဲ့ တစ်လတာ အကောင်းဆုံး ကစားသမားဆုကို ရယူထားနိုင်ခဲ့ပါတယ်။
အယ်လ်နာဆာအသင်းဟာ အယ်လ်အက်ဒါလက်အသင်းကို ဂိုးပြတ် အနိုင်ရခဲ့ပေမယ့် ဆော်ဒီပရိုလိဂ် ပြိုင်ပွဲရဲ့ ထိပ်ဆုံးနေရာမှာ ရှိနေတဲ့ အယ်လ်အစ်တီဟတ်အသင်းနဲ့ ၁ မှတ်အကွာ အဆင့် ၂ နေရာမှာ ရပ်တည်နေတာပါ။
အယ်လ်နာဆာအသင်းဟာ ဒီရာသီမှာ ဆော်ဒီပရိုလိဂ်နဲ့ ဘုရင့်ဖလားတို့ကို ရယူနိုင်ဖို့ ပစ်မှတ်ထားနေတာဖြစ်ပြီး လာမယ့် ပွဲစဉ်အဖြစ် ဧပြီလ ၉ ရက်မှာ အယ်လ်ဖီဟာအသင်းနဲ့ အဝေးကွင်းပွဲစဉ် ယှဉ်ပြိုင်ရမှာ ဖြစ်ပါတယ်။
Source: Daily Mail
- By CNI
- Category: အားကစား
- Hits: 472
CNI Sport News
၂၀၂၃ ခုနှစ်၊ ဧပြီ ၄
စပါးအသင်းရဲ့ ယာယီနည်းပြ စတယ်လီနီက အသင်းကစားသမားတွေဟာ အဲဗာတန်အသင်းကို အနိုင် ယူနိုင်ဖို့ အတွက် သူ့ရဲ့ အစီအစဉ်ကို လိုက်နာနိုင်ခြင်း မရှိဘူးလို့ ပြောလိုက်ပါတယ်။
စတယ်လီနီက “ကျနော်တို့ဟာ လူတစ်ဦး အသာရပြီး ကစားရတာပါ။ အဲဒီအတွက် ပိုပြီးကောင်းအောင် လုပ်ရပါ မယ်။ ဘောလုံးကို ကောင်းမွန်စွာ ထိန်းသိမ်းရပါမယ်၊ ပြီးရင် ဂိုးသွင်းနိုင်ဖို့အတွက် မှန်ကန်တဲ့ အချိန်ကို ရှာဖွေဖို့ စောင့်ဆိုင်းရပါမယ်။ ကျနော်တို့ဟာ အခွင့်အရေးတွေ ရခဲ့ပေမယ့် ဂိုးသွင်းဖို့ နည်းလမ်း ရှာမတွေ့ခဲ့ပါဘူး။ ဒါက အဆင်ပြေပေမယ့် နေရာရွှေ့ပြီး ကစားဖို့နဲ့ အစီအစဉ်ကို လေးစားဖို့အတွက် ကစားသမားတွေ လိုအပ်ပါတယ်။ ၁၁ ယောက်နဲ့ ၁၀ ယောက်ကစားတဲ့ အချိန်မှာ ဒီထက်ပိုပြီး လွယ်ကူနေရမှာပါ”လို့ ပြောခဲ့တာပါ။
ဒီပွဲဟာ ကွန်တီ ထွက်ခွာပြီးနောက် စတယ်လီနီရဲ့ လက်ထက်မှာ စပါးအသင်း ပထမဆုံး ကစားရတဲ့ ပွဲဖြစ်ခဲ့ပြီး စပါးအသင်းဟာ ကစားသမား ၁ ဦးအသာနဲ့ ပွဲချိန် အများစု ကစားခဲ့ရပေမယ့် အဲဗာတန်အသင်းနဲ့ ၁ ဂိုးစီ သရေကျခဲ့တာ ဖြစ်ပါတယ်။
ဒီပွဲရဲ့ ပွဲချိန် ၅၈ မိနစ်မှာ အဲဗာတန် ကွင်းလယ်ကစားသမား ဒိုကိုရေး တိုက်ရိုက် အနီကတ်နဲ့ ထုတ်ပယ်ခံခဲ့ရပြီး ဟာရီကိန်းက ၆၈ မိနစ်မှာ စပါးအသင်းအတွက် ဦးဆောင်ဂိုးကို ပင်နယ်တီကနေ သွင်းယူခဲ့တာပါ။
ဒိုကိုရေး အနီကတ်ပြခံရစဉ်
ဒါပေမယ့် စပါးအသင်းဟာ ပွဲချိန် ၈၈ မိနစ်မှာ တောင်ပံကစားသမား လူးကပ်စ်မော်ရာ တိုက်ရိုက် အနီကတ်နဲ့ ထုတ်ပယ်ခံခဲ့ရပြီးနောက် မိနစ် ၉၀ မှာ မိုက်ကယ်ကိန်းက အဲဗာတန်အတွက် ချေပဂိုး ပြန်သွင်းယူခဲ့တာ ဖြစ်ပါ တယ်။
အဲဒါကြောင့် စပါးအသင်းဟာ အဲဗာတန်အသင်းနဲ့ အမှတ်ခွဲယူခဲ့ရတာပါ။ စပါးအသင်း ယာယီနည်းပြ စတယ်လီနီ ကတော့ သူတို့အသင်းဟာ ကစားသမား ၁ ဦးအသာနဲ့ ကစားရချိန်မှာ ပိုပြီးကောင်းမွန်အောင် လုပ်ဆောင် သင့် တယ်လို့ ပြောခဲ့ပါတယ်။
ဒီပွဲမှာ စပါးအသင်းဟာ ဘောလုံးပိုင်ဆိုင်မှုသာ အသာစီးရခဲ့ပြီး ဂိုးပေါက် ကန်သွင်းမှုနဲ့ ဂိုးပေါက် တည့်မှုအပိုင်းမှာ အဲဗာတန်အသင်းက အသာရခဲ့တာပါ။
စပါးအသင်းဟာ ဒီပွဲသရေရလဒ်ကြောင့် ပရီးမီးယားလိဂ် အမှတ်ပေးဇယား အဆင့် ၄ နေရာကို တက်လှမ်းနိုင်ခဲ့ပြီး အဲဗာတန်အသင်းက အဆင့် ၁၅ နေရာမှာ ရပ်တည်နေတာ ဖြစ်ပါတယ်။
Source: Daily Mail
- By CNI
- Category: အားကစား
- Hits: 491
ကမ္ဘာ့တိုက်ကွမ်ဒိုပြိုင်ပွဲမှာ ရုရှားနဲ့ဘယ်လာရုစ် ယှဉ်ပြိုင်ခွင့်ရရှိ
CNI Sport News
၂၀၂၃ ခုနှစ်၊ ဧပြီ ၄
ရုရှားနဲ့ ဘယ်လာရုစ် အားကစားသမားတွေဟာ ကြားနေအလံအောက်မှာ ပါဝင်ယှဉ်ပြိုင်ဖို့ ခွင့်ပြုချက် ရပြီးနောက် လာမယ့်လမှာ ကျင်းပမယ့် ကမ္ဘာ့တိုက်ကွမ်ဒို ချန်ပီယံရှစ်ပြိုင်ပွဲမှာ ပါဝင်ယှဉ်ပြိုင်နိုင်တော့မှာ ဖြစ်ပါတယ်။
နိုင်ငံတကာ အိုလံပစ်ကော်မတီရဲ့ လမ်းညွှန်ချက်နဲ့အတူ ကမ္ဘာ့တိုက်ကွမ်ဒို အဖွဲ့ချုပ်က ဒီဆုံးဖြတ်ချက်ကို ချခဲ့တာ ပါ။
၂၀၂၂ ခုနှစ်၊ ဖေဖော်ဝါရီလက ရုရှားက ယူကရိန်းကို ဝင်ရောက် ကျူးကျော် တိုက်ခိုက်ပြီးနောက် ရုရှားနဲ့ ဘယ်လာရုစ် အားကစားသမားတွေကို နိုင်ငံတကာပြိုင်ပွဲတွေမှာ ဝင်ရောက်ယှဉ်ပြိုင်ခွင့် ပိတ်ပင်ခဲ့တာ ဖြစ်ပါတယ်။
ကမ္ဘာ့ချန်ပီယံရှစ်ပြိုင်ပွဲကို အဇာဘိုင်ဂျန်နိုင်ငံ၊ ဘာကူမြို့မှာ မေလ ၂၉ ရက်က စတင် ကျင်းပတော့မှာပါ။
ကမ္ဘာ့တိုက်ကွမ်ဒို အဖွဲ့ချုပ်ဟာ ယူကရိန်းစစ်ပွဲကို တက်ကြွစွာ ထောက်ခံအားပေးသူ ဒါမှမဟုတ် စစ်တပ်နဲ့ စာချုပ် ချုပ်ဆိုထားတဲ့ အားကစားသမားတွေကိုတော့ တားမြစ်ပိတ်ပင်ကာ နိုင်ငံတကာအိုလံပစ်ကော်မတီရဲ့ အကြံပေးမှု အတိုင်း လုပ်ဆောင်မယ်လို့ ပြောထားပါတယ်။
ကမ္ဘာ့တိုက်ကွမ်ဒိုပြိုင်ပွဲကိုတွေ့ရစဉ်
“ကမ္ဘာ့တိုက်ကွမ်ဒိုဟာ ယူကရိန်း အားကစားသမားတွေ တိုက်ကွမ်ဒို ပြိုင်ပွဲတွေမှာ ဆက်လက် ပါဝင်နိုင်စေဖို့ အတွက် ပံ့ပိုးပေးမှုတွေ ပြုလုပ်သွားမှာပါ။ ယူကရိန်းရှိ အိုလံပစ် အသိုက်အဝန်းနဲ့အတူ ငြိမ်းချမ်းရေး၊ စည်းလုံး ညီညွတ်ရေးတို့အတွက် ကောင်စီက တောင်းဆိုချက်တွေကို ထပ်ပြီး အတည်ပြုပါတယ်”လို့ အဖွဲ့ချုပ်ရဲ့ ထုတ်ပြန် ချက်မှာ ဖော်ပြထားတာပါ။
စားပွဲတင် တင်းနစ်၊ ဂျူဒို အပါအဝင် အခြား အားကစားနည်းတွေကလည်း ရုရှားနဲ့ ဘယ်လာရုစ် အားကစားသမား တွေကို ကြားနေအလံအောက်မှာ ဝင်ရောက်ယှဉ်ပြိုင်ဖို့ ခွင့်ပြုပေးထားပါတယ်။
လာမယ့်နှစ်မှာ ကျင်းပမယ့် ပဲရစ်အိုလံပစ်ပြိုင်ပွဲနဲ့ ၂၀၂၆ ဆောင်းရာသီ အိုလံပစ် ပြိုင်ပွဲတွေမှာတော့ ရုရှားနဲ့ ဘယ်လာရုစ် အားကစားသမားတွေကို ပါဝင်ယှဉ်ပြိုင်ခွင့် ပေးဖို့နဲ့ ပတ်သက်ပြီး နိုင်ငံတကာအိုလံပစ်ကော်မတီက ဆုံးဖြတ်ချက် မချရသေးတာ ဖြစ်ပါတယ်။
ယူကရိန်းကတော့ လာမယ့် အိုလံပစ်ပြိုင်ပွဲမှာ ရုရှားနဲ့ ဘယ်လာရုစ် အားကစားသမားတွေကို ယှဉ်ပြိုင်ခွင့်ပေးရင် ဒီပြိုင်ပွဲကို သပိတ်မှောက်မယ်လို့ ခြိမ်းခြောက်ထားပါတယ်။
Source: BBC
- By CNI
- Category: အားကစား
- Hits: 477
CNI Sport News
၂၀၂၃ ခုနှစ်၊ ဧပြီ ၄
ကလောပ့်က လီဗာပူးလ်အသင်းနည်းပြအဖြစ် ဆက်ရှိနေတာက လက်ရှိပုံစံတွေထက် အတိတ်က အောင်မြင်မှု တွေကြောင့်လို့ ပြောလိုက်ပါတယ်။
ကလောပ့်က “ဒါကသာ ကျနော့်ရဲ့ ပထမဆုံးရာသီဖြစ်ခဲ့ရင်တော့ အနည်းငယ်တော့ ကွာခြားမှုရှိပါလိမ့်မယ်။ လီဗာပူးလ်အသင်းနည်းပြအဖြစ် ဆက်ရှိနေခဲ့တာကလည်း ဒီရာသီမှာ လုပ်ဆောင်ခဲ့တာတွေကြောင့်မဟုတ်ဘဲ အတိတ်က အောင်မြင်မှုတွေကြောင့်သာ ဒီနေရာမှာ ထိုင်နေရတယ်ဆိုတာကို ကျနော်သတိပြုမိပါတယ်။ ကျနော် တို့မှာ စမတ်ကျတဲ့ ပိုင်ရှင်တွေရှိပါတယ်။သူတို့ကလည်း ဒီအခြေအနေတွေကို သိတာကြောင့် ကျနော့်အတွက် ကြောက်နေစရာမလိုပါဘူး” လို့ ပြောခဲ့တာပါ။
ပြီးခဲ့တဲ့ တနင်္ဂနွေနေ့က လက်စတာနည်းပြ ဘရန်ဒန်ရော်ဂျာနဲ့ ချယ်လ်ဆီးနည်းပြ ဂရေဟမ်ပေါ်တာတို့ ရာထူး ကနေ ထုတ်ပယ်ခံရပြီးနောက် ဒီရာသီ ပရီးမီးယားလိဂ်မှာ နည်းပြထုတ်ပယ်မှု စံချိန်တင် ၁၂ ဦးအထိ ရှိလာခဲ့ ပါတယ်။လီဗာပူးလ်အသင်းကလည်း ဒီရာသီမှာ ရလဒ်တွေမကောင်းတာကြောင့် ကလောပ့်လက်ထက် အဆိုးရွား ဆုံးလိဂ် အဆင့်ရပ်တည်မှုနဲ့ အဆုံးသတ်မယ့် အခြေအနေမှာ ရှိနေတာပါ။
အသက် ၅၅ နှစ်အရွယ်ရှိ ကလောပ့်ဟာ လီဗာပူးလ်အသင်းကို ကိုင်တွယ်တဲ့ ၇ နှစ်ခွဲအတွင်းမှာ ပရီးမီးယားလိဂ်၊ ချန်ပီယံလိဂ်အပါအဝင် အဓိကဆုဖလားအားလုံးကို ရယူပေးနိုင်ခဲ့တာဖြစ်ပါတယ်။ လီဗာပူးလ်အသင်းဟာ နောက်ဆုံးကစားခဲ့တဲ့ ပြိုင်ပွဲစုံ ၃ ပွဲဆက်တိုက်အရေးနိမ့်ထားပြီး ပရီးမီးယားလိဂ်ပြိုင်ပွဲမှာလည်း အမှတ်ပေးဇယား အဆင့် ၈ နေရာမှာ ရပ်တည်နေတာပါ။
ဒါဟာ ၂၀၁၅-၁၆ ရာသီက လီဗာပူးလ်အသင်းရဲ့ အမှတ်ပေးဇယားရပ်တည်မှုအဆင့် အနေအထားဖြစ်ပြီး အဲဒီတုန်း က ကလောပ့်ဟာ ဘရန်ဒန်ရော်ဂျာဆီကနေ နည်းပြရာထူးကို ရယူခဲ့တာဖြစ်ပါတယ်။လီဗာပူးလ်အသင်းဟာ ပြီးခဲ့တဲ့ ၄ ရာသီအတွင်းမှာ ၃ ရာသီက မန်စီးတီးအသင်းကို ပရီးမီးယားလိဂ်ချန်ပီယံဆုအတွက် စိန်ခေါ်နိုင်ခဲ့ပြီး ၂၀၁၉-၂၀ ရာသီမှာတော့ နှစ်ပေါင်း ၃၀ အကြာမှ ပရီးမီးယားလိဂ်ချန်ပီယံဆုကို ရယူနိုင်ခဲ့တာပါ။
ဒါပေမယ့် အခုနှစ်ရာသီမှာတော့ ထိပ်ဆုံးနေရာက ဦးဆောင်နေတဲ့ အာဆင်နယ်အသင်းနဲ့ ရမှတ် ၃၀ ကွာဟနေပြီး ချန်ပီယံလိဂ်ဝင်ခွင့်နေရာနဲ့ ၈ မှတ်ကွာဟနေတာဖြစ်ပါတယ်။လီဗာပူးလ်အသင်းဟာ ဒီရာသီမှာ ပြိုင်ပွဲတွေ အားလုံးကနေ ထွက်ခွာခဲ့ရပြီဖြစ်တာကြောင့် ဆုဖလားလက်မဲ့နဲ့ ရာသီအဆုံးသတ်မှာဖြစ်ပြီး အဓိကပစ်မှတ် ကတော့ အဆင့် ၄ အတွင်း ဝင်ရောက်ပြီး လာမယ့်ရာသီ ချန်ပီယံလိဂ်ဝင်ခွင့်ရဖို့အတွက် ဖြစ်တယ်လို့ သိရပါတယ်။
Source:BBC
- By CNI
- Category: အားကစား
- Hits: 660
CNI Sport News
၂၀၂၃ ခုနှစ်၊ ဧပြီ ၄
ဘောလုံးလောကရဲ့ အကောင်းဆုံး နည်းပြတွေထဲက တစ်ဦးအဖြစ် သတ်မှတ်ခံထားရတဲ့ ဖာဂူဆန်ဟာ အဘာဒင်း အသင်းကို ဥရောပဆုဖလားရရှိအောင် ကိုင်တွယ်နိုင်ခဲ့ပြီးနောက် နှစ်ပေါင်း ၄၀ အကြာမှ ဒီပြိုင်ပွဲရဲ့ ဆုတံဆိပ်ကို ရရှိခဲ့တာ ဖြစ်ပါတယ်။
ဖာဂူဆန်ဟာ နည်းပြဘဝ အောင်မြင်မှု အများအပြား ရယူနိုင်ခဲ့တဲ့ ယူနိုက်တက်အသင်းကို မကိုင်တွယ်ခင် စကော့တလန်ကလပ် အဘာဒင်းအသင်းကို ကိုင်တွယ်ခဲ့တာပါ။
ဖာဂူဆန်ဟာ အဘာဒင်းအသင်းကို ၁၉၇၈ ကနေ ၁၉၈၆ အထိ ကိုင်တွယ်ခဲ့ပြီး စကော့တလန် ပရီးမီးယားလိဂ်၊ စကော့တလန်ဖလား၊ စကော့တလန်လိဂ်ဖလား အပါအဝင် ဆုဖလားအောင်မြင်မှု အများအပြားကို ရယူနိုင်ခဲ့တာ ဖြစ်ပါတယ်။
ဖာဂူဆန်ရဲ့ စကော့တလန်ကလပ်မှာ အကြီးမားဆုံး အောင်မြင်မှုကတော့ ဥရောပ Cup Winners' Cup ချန်ပီယံဆု ကို ရယူပေးနိုင်ခဲ့တာပါ။
အဘာဒင်းအသင်းဟာ ဒီပြိုင်ပွဲရဲ့ ဗိုလ်လုပွဲမှာ ရီးရယ်လ်အသင်းကို အချိန်ပိုမှာ ၂ ဂိုး- ၁ ဂိုးနဲ့ အနိုင်ရရှိခဲ့တာ ဖြစ်ပါ တယ်။ ဒါပေမယ့် ဂိုသန်ဘာ့ဂ်မှာ ကျင်းပခဲ့တဲ့ပွဲမှာ ပွဲထွက် ကစားသမား ၁၁ ဦးနဲ့ လူစားလဲ ကစားသမား ၅ ဦးသာ ဆုတံဆိပ် ရရှိခဲ့တာပါ။
ဖာဂူဆန်ကိုတွေ့ရစဉ်
အခုအချိန်မှာတော့ ယူအီးအက်ဖ်အေက နောက်ထပ် ဆုတံဆိပ် ၆ ခု ထပ်ပေးဖို့ သဘောတူညီခဲ့တဲ့အတွက် ဖာဂူဆန်က ဆုတံဆိပ်ရမယ့် စာရင်းထဲမှာ ပါဝင်ခဲ့တာပါ။
လက်ထောက်နည်းပြ အာချီနဲ့ ဒီပွဲမှာ ဒဏ်ရာကြောင့် မပါဝင်နိုင်ခဲ့တဲ့ ကွင်းလယ်ကစားသမား ဘဲလ်တို့ကလည်း ဆုတံဆိပ်ရရှိခဲ့တာ ဖြစ်ပါတယ်။
အသက် ၈၁ နှစ်အရွယ်ရှိ ဖာဂူဆန်က “ဒီဆုတံဆိပ်ကို ရခဲ့တဲ့အတွက် အလွန်ဂုဏ်ယူမိပြီး ဒီလိုဖြစ်မြောက်အောင် ကြိုးစားလုပ်ဆောင်ခဲ့ကြတဲ့ သူတိုင်းကို ကျေးဇူးတင်ရှိပါတယ်။ ယူအီးအက်ဖ်အေရဲ့ ပူးပေါင်းဆောင်ရွက်မှုနဲ့အတူ သူတို့ရဲ့ ကြိုးပမ်းအားထုတ်မှုတွေကို အလွန်တန်ဖိုးထားပါတယ်။ ကလပ်ရဲ့ အောင်မြင်တဲ့ ကာလတွေမှာ နောက် ကွယ်ကနေ မမောမပန်း လုပ်ဆောင်ခဲ့ကြတဲ့သူတိုင်း ဂုဏ်ပြုခံခဲ့ရပြီး ဒီလို အံ့သြစရာကောင်းတဲ့ လူတချို့ကို တွေ့ ခဲ့ရတာက အလွန်ကောင်းပါတယ်”လို့ ထုတ်ပြန်ချက်မှာ ပြောထားခဲ့တာပါ။
ဖာဂူဆန်ဟာ ယူနိုက်တက်အသင်းကို ပရီးမီးယားလိဂ်ဖလား နောက်ဆုံး ရယူပေးခဲ့ပြီးနောက် ၂၀၁၃ မှာ နည်းပြ လောကကနေ အနားယူခဲ့တာဖြစ်ပြီး သူ့ရဲ့ ထင်ရှားကျော်ကြားတဲ့ နည်းပြဘဝမှာ ဆုဖလားပေါင်း ၄၉ လုံးအထိ ရယူနိုင်ခဲ့တာ ဖြစ်ပါတယ်။
Source: CNA
- By CNI News
- Category: အားကစား
- Hits: 1196
CNI Sport News
၂၀၂၃ ခုနှစ်၊ ဧပြီ ၃
ဘရာဇီးလ်အသင်းရဲ့ နည်းပြသစ် ဖြစ်လာနိုင်တယ်လို့ သတင်းတွေ ထွက်နေပေမယ့် အန်ဆယ်လော့တီကတော့ ရီးရယ်လ်အသင်းကနေ ထွက်ခွာမှာ မဟုတ်ဘူးလို့ ပြောခဲ့ပါတယ်။
အန်ဆယ်လော့တီက “ကျနော့်မှာရှိနေတဲ့ ကစားသမားတွေ၊ ကလပ်ရဲ့ ထောက်ခံမှုတွေကြောင့် လုံခြုံတယ်လို့ ခံစားရ ပါတယ်။ ကျနော့် အနာဂတ်ကို ရှင်းပြီးပါပြီ။ ကျနော့်ရဲ့ စာချုပ်ဟာ ၂၀၂၄ မှာ ကုန်ဆုံးမှာဖြစ်ပြီး ကျနော့်ရဲ့ အစီအစဉ်က ဒါကို ဖြည့်ဆည်းဖို့ပါ။ ရီးရယ်လ်သာ ပျော်ရွှင်ရင် ၂၀၃၄ အထိ ဆက်ပြီး ရှိချင်ပါတယ်”လို့ ပြောခဲ့တာ ပါ။
ပြီးခဲ့တဲ့ ရက်သတ္တပတ်က ဘရာဇီးလ် ဘောလုံးအဖွဲ့ချုပ် အကြီးအကဲ အပါအဝင် ကစားသမားအချို့က လစ်လပ် နေတဲ့ လက်ရွေးစင် အသင်းနည်းပြ ရာထူးအတွက် အန်ဆယ်လော့တီကို ခန့်အပ်ချင်နေတယ်လို့ ဝန်ခံခဲ့တာ ဖြစ်ပါ တယ်။
အန်ဆယ်လော့တီကတော့ ထွက်ပေါ်နေတဲ့ သတင်းတွေအပေါ် စိတ်လှုပ်ရှားကြောင်း ဖော်ပြခဲ့ပေမယ့် ရီးရယ်လ် ကနေ ထွက်ခွာဖို့ အလျင်စလို မရှိဘူးလို့ ပြောခဲ့တာပါ။
ဘရာဇီးလ်အသင်းဟာ ၂၀၂၂ ကမ္ဘာ့ဖလားအပြီးမှာ ထွက်ခွာခဲ့တဲ့ နည်းပြ တိုင်ထီ နေရာ အစားထိုးဖို့ နည်းပြသစ် ရှာဖွေနေခဲ့တာ ဖြစ်ပါတယ်။ မော်ရင်ဟို၊ အန်ဆယ်လော့တီ အပါအဝင် နာမည်ကြီး နည်းပြတွေကို ဘရာဇီးလ် အသင်းက ချိတ်ဆက်မှုတွေ ပြုလုပ်ခဲ့ပေမယ့် အခုအချိန်ထိ နည်းပြသစ် မခန့်ရသေးပါဘူး။
အန်ဆယ်လော့တီကိုတွေ့ရစဉ်
တောင်အမေရိကနိုင်ငံဟာ ပြီးခဲ့တဲ့ မော်ရိုကိုအသင်းနဲ့ ခြေစမ်းပွဲမှာ ယာယီနည်းပြအဖြစ် မန်နီဇက်ကို ကိုင်တွယ် စေခဲ့တာပါ။
ဘရာဇီးလ်အသင်းဟာ လာမယ့် စက်တင်ဘာလမှာ ၂၀၂၆ ကမ္ဘာ့ဖလားခြေစစ်ပွဲတွေ ယှဉ်ပြိုင်ကစားဖို့ ရှိနေတဲ့ အတွက် ဒီပွဲတွေ မတိုင်ခင်မှာ နည်းပြသစ် ခန့်အပ်နိုင်ဖို့ လုပ်ဆောင်နေတာ ဖြစ်ပါတယ်။
အီတလီလူမျိုးနည်းပြ အန်ဆယ်လော့တီ ကတော့ ရီးရယ်လ်အသင်းနဲ့ အခုနှစ်ရာသီမှာ ချန်ပီယံလိဂ်ဖလားကို ထပ်မံရယူနိုင်ဖို့ အာရုံစိုက်နေတာပါ။
ရီးရယ်လ်အသင်းဟာ လာလီဂါပြိုင်ပွဲမှာ ဘာစီလိုနာအသင်းနဲ့ အမှတ်ကွာဟမှု များပြားတာကြောင့် ချန်ပီယံလိဂ်နဲ့ ကိုပါဒယ်ရေးဖလား ရယူနိုင်ဖို့ ပစ်မှတ်ထားနေပြီး ကိုပါဒယ်ရေးဖလား ဆီမီးဖိုင်နယ် ပထမအကျော့ပွဲမှာတော့ ဘာစီလိုနာအသင်းကို ၁ ဂိုး- ဂိုးမရှိနဲ့ အရေးနိမ့်ထားပါတယ်။
Source: Goal
- By CNI News
- Category: အားကစား
- Hits: 575
CNI Sport News
၂၀၂၃ ခုနှစ်၊ ဧပြီ ၃
ပီအက်စ်ဂျီပရိသတ်တွေရဲ့ လှောင်ပြောင်မှု ခံနေရတဲ့ မက်ဆီအနေနဲ့ ပြင်သစ်ကလပ်က ထွက်ပြီး အသင်းဟောင်း ဘာစီလိုနာအသင်းထံ ပြန်ဖို့ အသင်းဖော်ဟောင်း အွန်နရီက ပြောခဲ့ပါတယ်။
အွန်နရီက “ပီအက်စ်ဂျီ ပရိသတ်တွေဆီကနေ လေချွန်သံတွေကြားရတာ ရှက်ဖို့ ကောင်းပါတယ်။ ဒီရာသီမှာ ၁၃ ဂိုး သွင်းပြီး၊ ၁၃ ဂိုး ဖန်တီးထားတဲ့ ကမ္ဘာ့အကောင်းဆုံး ကစားသမားတွေထဲက တစ်ဦးကို ဒီလိုမျိုး လေချွန်သံတွေ မလုပ်သင့်ပါဘူး။ ကျနော်ကတော့ သူ့ရဲ့ ကစားသမားဘဝကို ဘာစီလိုနာမှာပဲ အဆုံးသတ်တာ မြင်ချင်ပါတယ်။ မက်ဆီ အနေနဲ့ ဘာစီလိုနာကို ပြန်သွားသင့်ပါတယ်”လို့ ပြောခဲ့တာပါ။
ပီအက်စ်ဂျီအသင်းက လိုင်ယွန်အသင်းကို ၁ ဂိုး- ဂိုးမရှိနဲ့ အရေးနိမ့်ခဲ့တဲ့ လီဂူးဝမ်းပွဲစဉ်မှာ မက်ဆီဟာ အသင်း အားပေးသူ ပရိသတ်တွေရဲ့ လှောင်ပြောင်ခြင်းကို ခံခဲ့ရပါတယ်။
ပီအက်စ်ဂျီအသင်းရဲ့ ပွဲထွက် လူစာရင်းကို ကြေညာချိန် မက်ဆီရဲ့ နာမည်ကို ပြောတဲ့အခါမှာ ပရိသတ်တွေက လေချွန်သံတွေ အပါအဝင်၊ လှောင်ပြောင်မှုတွေ ပြုလုပ်ခဲ့ကြတာပါ။
မက်ဆီဟာ နိုင်ငံတကာ ပွဲစဉ်တွေ မကစားခင် ရီးနတ်စ်အသင်းနဲ့ ယှဉ်ပြိုင်တဲ့ ပွဲအပြီးမှာလည်း ပီအက်စ်ဂျီ ပရိသတ်တွေရဲ့ လှောင်ပြောင်မှုတွေကို ခံခဲ့ရသေးပါတယ်။
မက်ဆီကိုတွေ့ရစဉ်
မက်ဆီဟာ ဒီလို လှောင်ပြောင်မှုတွေကြောင့် စိတ်ပျက်နေပြီး ပွဲအပြီး ဥမင်ထဲကို တန်းပြီး ဝင်သွားခဲ့သလို လိုင်ယွန် အသင်းနဲ့ ပွဲအပြီးမှာလည်း ဥမင်ထဲကိုပဲ တန်းပြီး ဝင်သွားခဲ့ပြန်တာပါ။
မက်ဆီနဲ့ ပီအက်စ်ဂျီ အသင်းတို့ ချုပ်ဆိုထားတဲ့ ၂ နှစ်စာချုပ်ဟာ အခုရာသီအကုန်မှာ ကုန်ဆုံးမှာဖြစ်တဲ့အတွက် အသင်းအားပေးသူ ပရိသတ်တွေရဲ့ အပြုအမူဟာ မက်ဆီကို အသင်းကနေ ထွက်ခွာသွားအောင် လုပ်ဆောင်နေ တယ်လို့ ဘောလုံးဝေဖန်သူတွေက သုံးသပ်ထားကြပါတယ်။
ပီအက်စ်ဂျီအသင်းဟာ မက်ဆီကို စာချုပ်သစ် ချုပ်ဆိုဖို့ ကြိုးစားနေသလို၊ အသင်းဟောင်း ဘာစီလိုနာ အသင်း ကလည်း ပြန်ခေါ်ယူဖို့ စိတ်ဝင်စားတယ်လို့ ထုတ်ဖော်ပြောထားတာပါ။
အာဂျင်တီးနား အသင်းခေါင်းဆောင်ကတော့ အနာဂတ်နဲ့ ပတ်သက်တဲ့ မေးခွန်းတွေကို ဖြေကြားခြင်း မရှိသေးဘဲ ရာသီအကုန်မှသာ ဆုံးဖြတ်ချက်ကို အသိပေးဖွယ်ရှိနေတာ ဖြစ်ပါတယ်။
ပီအက်စ်ဂျီအသင်းဟာ ဒီပွဲ အရေးနိမ့်ခဲ့ပေမယ့် လီဂူးဝမ်း အမှတ်ပေးဇယားမှာ ဒုတိယနေရာနဲ့ တတိယ နေရာမှာ ရှိတဲ့ လန်းစ်နဲ့ မာဆေးလ်အသင်းတို့ကို ၆ မှတ်ဖြတ်ပြီး ထိပ်ဆုံးနေရာမှာ ဆက်လက် ရပ်တည်နေတာပါ။
ပီအက်စ်ဂျီအသင်းဟာ ဧပြီလ ၉ ရက်မှာ လီဂူးဝမ်းပွဲစဉ်အဖြစ် နိုက်စ်အသင်းနဲ့ အဝေးကွင်း ပွဲစဉ် ယှဉ်ပြိုင်ရမှာ ဖြစ်ပါတယ်။
Source: ESPA
- By CNI
- Category: အားကစား
- Hits: 750
CNI Sport News
၂၀၂၃ ခုနှစ်၊ ဧပြီ ၃
နယူးကာဆယ်အသင်းကို ၂ ဂိုး- ဂိုးမရှိနဲ့ အရေးနိမ့်တဲ့ ပွဲစဉ်က ယူနိုက်တက်ရဲ့ စွမ်းဆောင်ရည်နဲ့ ကစားပုံတွေဟာ လက်ခံနိုင်စရာ မရှိဘူးလို့ နောက်ခံလူ လုပ်ခ်ရှောက ပြောလိုက်ပါတယ်။
လုပ်ခ်ရှောက “ကျနော်တို့ဟာ ဒီပွဲမှာ လုံလောက်မှု မရှိပါဘူး။ နယူးကာဆယ်က အလွန်ကောင်းတဲ့ အသင်း ဖြစ် ပေမယ့် အရည်အချင်းတွေအရ ပွဲကို အနိုင်ရတယ်လို့ မထင်ပါဘူး။ သူတို့ဟာ စိတ်အားထက်သန်မှု၊ ဆာလောင်မှု၊ နိုင်လိုစိတ် ပြင်းပြမှုတွေကြောင့် အနိုင်ရရှိခဲ့တာပါ။ သူတို့ဟာ ဒီထက်ပိုပြီး စိတ်အားထက်သန်မှု ရှိတယ်ဆိုတာ ရှင်း နေပါတယ်။ ဒါက မဖြစ်နိုင်သလို၊ လက်ခံလို့လည်း မရပါဘူး။ သူတို့က ဒီထက်တောင် ပိုပြီးလိုချင်ခဲ့ပေမယ့် ယူနိုက် တက်က ဒါကို မလုပ်နိုင်ခဲ့ပါဘူး။ ဒါဟာ လက်ခံနိုင်စရာ မရှိဘူးဆိုတာ ကျနော်တို့အားလုံး ဝန်ခံနိုင်ပါတယ်”လို့ Sky Sports ကို ပြောခဲ့တာပါ။
ဒီပွဲမှာ နယူးကာဆယ် အသင်းဟာ ယူနိုက်တက်အသင်းကို အသာစီးနဲ့ ကစားနိုင်ခဲ့ပြီး အနိုင်ဂိုးတွေကို ဝီလော့ခ်နဲ့ ဝီလ်ဆင်တို့က သွင်းယူခဲ့တာ ဖြစ်ပါတယ်။ နယူးကာဆယ် အသင်းဟာ ဒီနိုင်ပွဲကြောင့် ယူနိုက်တက်အသင်းနဲ့ ရမှတ်တူ ဂိုးကွာခြားချက်ကြောင့် အဆင့် ၃ နေရာကို တက်လှမ်းနိုင်ခဲ့ပြီး မန်ချက်စတာ ကလပ်ကတော့ အဆင့် ၄ နေရာကို ရောက်ရှိသွားခဲ့တာပါ။
ယူနိုက်တက်နဲ့နယူးကာဆယ် ယှဉ်ပြိုင်နေစဉ်
ယူနိုက်တက်အသင်းဟာ ဒီပွဲ အပါအဝင် နောက်ဆုံးကစားခဲ့တဲ့ ပရီးမီးယားလိဂ် ၃ ပွဲ ဆက်တိုက် နိုင်ပွဲပျောက်ဆုံး ခဲ့ပြီး အဆင့်ရပ်တည်မှုပါ ကျဆင်းခဲ့တာ ဖြစ်ပါတယ်။
အဲရစ်တန်ဟတ်က “ဒီလိုပြောရတာကို မုန်းတီးပေမယ့် ဒီပွဲမှာ နယူးကာဆယ်က ပိုပြီးကောင်းပါတယ်။ အထူး သဖြင့် သူတို့ရဲ့ စိတ်အားထက်သန်မှု၊ စိတ်ပိုင်းဖြတ်မှုနဲ့ အနိုင်ရချင်တဲ့ ဆန္ဒတွေပါ။ ကျနော်တို့ အနေနဲ့ ပွဲကြီး ပွဲကောင်းတွေကို အနိုင်ရချင်ရင်တော့ ရင့်ကျက်မှုရှိဖို့ လိုအပ်ပါတယ်။ ဒါကို ကျနော် မမြင်တွေ့ခဲ့ပါဘူး”လို့ ပြောခဲ့ပါတယ်။
နယူးကာဆယ်နဲ့ ယူနိုက်တက် အသင်းတို့ဟာ လာမယ့် ကြားရက်မှာ ပရီးမီးယားလိဂ် ပွဲစဉ်တွေ ယှဉ်ပြိုင်ကစားဖို့ ရှိနေပြီး နယူးကာဆယ်က ဝက်စ်ဟမ်း၊ ယူနိုက်တက်က ဘရန်ဖို့ဒ်အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Daily Mail
- By CNI
- Category: အားကစား
- Hits: 626
CNI Sport News
၂၀၂၃ ခုနှစ်၊ ဧပြီ ၃
ချယ်လ်ဆီးအသင်းဟာ ပရီးမီးယားလိဂ်ပွဲစဉ်အဖြစ် အက်စတွန်ဗီလာအသင်းနဲ့ ကစားခဲ့တဲ့ပွဲမှာ ၂ ဂိုး- ဂိုးမရှိနဲ့ အရေးနိမ့်ပြီးနောက် အသင်းကို ကိုင်တွယ်တာ ၇ လကြာရှိပြီဖြစ်တဲ့ နည်းပြ ဂရေဟမ်ပေါ်တာကို ရာထူးကနေ ထုတ်ပယ်လိုက်ပြီ ဖြစ်ပါတယ်။
ဂရေဟမ်ပေါ်တာဟာ ချယ်လ်ဆီးအသင်းကို ကိုင်တွယ်တဲ့ ၃၁ ပွဲမှာ ၁၂ ပွဲသာ အနိုင်ရအောင် ကိုင်တွယ်နိုင်ခဲ့ပြီး အနိုင်ရာခိုင်နှုန်းက ၃၈.၇ သာ ရှိခဲ့တာပါ။ချယ်လ်ဆီးအသင်းဟာ အက်စတွန်ဗီလာအသင်းကို အရေးနိမ့်ပြီးနောက် ပရီးမီးယားလိဂ်အမှတ်ပေးဇယားအဆင့် ၁၁ နေရာအထိ ရောက်ရှိသွားခဲ့တဲ့အတွက် အသင်းဘုတ်အဖွဲ့ဟာ အစည်းအဝေးပြုလုပ်ကာ ဂရေဟမ်ပေါ်တာကို ထုတ်ပယ်ဖို့ ဆုံးဖြတ်ခဲ့ပါတယ်။
ချယ်လ်ဆီးအသင်းဟာ အခုနှစ်ရာသီအစောပိုင်းက တူချယ်လ်ကို ထုတ်ပယ်ခဲ့ပြီး ဂရေဟမ်ပေါ်တာကို အစားထိုး ခန့်အပ်ကာ ဇန်နဝါရီအပြောင်းအရွှေ့မှာ ပေါင်သန်း ၃၀၀ ကျော်အထိသုံးစွဲပြီး ကစားသမားသစ်တွေ အားဖြည့် ခဲ့တာပါ။ဒါပေမယ့်လည်း အသင်းဟာ ချန်ပီယံလိဂ်ပြိုင်ပွဲမှာ ကွာတားဖိုင်နယ်အထိ တက်နိုင်ခဲ့ပေမယ့် ပရီးမီးယား လိဂ်မှာတော့ ချန်ပီယံလိဂ်ဝင်ခွင့်ရဖို့ ခက်ခဲနေတာကြောင့် အခုလို အပြောင်းအလဲပြုလုပ်ခဲ့တာဖြစ်ပါတယ်။
ချယ်လ်ဆီးအသင်းက “ချောမွေ့တဲ့အကူးအပြောင်းဖြစ်စေဖို့အတွက် ဂရေဟမ်ဟာ ကလပ်အသင်းနဲ့ ပူးပေါင်းဖို့ သဘောတူခဲ့ပါတယ်။ဂရေဟမ်ဟာ ကလပ်အသင်းမှာ ရှိနေချိန်မှာ ချန်ပီယံလိဂ်ကွာတားဖိုင်နယ်ရောက်အောင် ပို့ဆောင်ပေးနိုင်ခဲ့ပါတယ်။ချယ်လ်ဆီးအသင်းအနေနဲ့ ဂရေဟမ်ရဲ့ကြိုးပမ်းအားထုတ်မှုတွေနဲ့ ပံ့ပိုးမှုတွေအားလုံးကို ကျေးဇူးတင်ကြောင်းနဲ့ အနာဂတ်မှာ အဆင်ပြေပါစေလို့ ဆန္ဒပြုကြောင်း” ထုတ်ပြန်ခဲ့တာပါ။
အသင်းပိုင်ရှင်တွေဖြစ်တဲ့ တောဒ့်ဘိုလီနဲ့ အက်ဂ်ဘာလီတို့ကလည်း “ကျနော်တို့ဟာ ဂရေဟမ်ကို နည်းပြတစ်ဦး အနေနဲ့ရော လူပုဂ္ဂိုလ်တစ်ဦးအနေနဲ့ပါ လေးစားမှုအမြင့်ဆုံးရှိပါတယ်။သူဟာ ပရော်ဖက်ရှင်နယ်ဆန်ဆန် လုပ်ဆောင်ပြီး ဒီလိုမျိုးရလဒ်ကို ကျနော်တို့အားလုံး စိတ်ပျက်နေကြပါတယ်” လို့ ပြောခဲ့ပါတယ်။
ချယ်လ်ဆီးအသင်းဟာ လက်ရှိအချိန်မှာ ဘရူနိုဆဲလ်တာကို ယာယီနည်းပြအဖြစ် ခန့်အပ်ထားပြီး လာမယ့် လီဗာပူးလ်အသင်းနဲ့ ပရီးမီးယားလိဂ်ပွဲစဉ်မှာ ကိုင်တွယ်စေမှာပါ။လန်ဒန်ကလပ်ဟာ နည်းပြသစ်အဖြစ် ခန့်အပ်ဖို့ ရှာဖွေမှုတွေပြုလုပ်နေပြီး ဘိုင်ယန်မြူးနစ်အသင်းက ထုတ်ပယ်ခံထားရတဲ့ နည်းပြ နာဂျယ်လ်စမန်းက နည်းပြ သစ်ဖြစ်လာဖို့ ရေပန်းအစားဆုံးဖြစ်နေတယ်လို့လည်း သိရပါတယ်။
Source:Goal
Page 232 of 353
Latest News
Connect with us
