CNI News

၂၀၂၃ ခုနှစ်၊ ဇွန်လ ၉

မြန်မာ-ရုရှား ဦးဆောင်၍ အာဆီယံအပေါင်း အကြမ်းဖက်မှု တန်ပြန်တိုက်ဖျက်ရေးဆိုင်ရာ လုပ်ငန်းစီမံကိန်းရေး ဆွဲရေး အစည်းအဝေးကို ဇွန်လ ၆ ရက်မှ ၇ ရက်နေ့အထိ ကျင်းပခဲ့ကြောင်း သိရသည်။

အဆိုပါ အစည်းအဝေးကို ရုရှားနိုင်ငံ၊ ခါဘရော့ဇ်မြို့၌ Hybrid စနစ်ဖြင့် ကျင်းပခဲ့ခြင်းဖြစ်သည်။

ထိုအစည်းအဝေးသို့ မြန်မာ၊ ရုရှား၊ ဗီယက်နမ်၊ ကမ္ဘောဒီးယား၊ တရုတ်၊ ထိုင်း၊ လာအို၊ အင်ဒိုနီးရှားနှင့် အိန္ဒိယ နိုင်ငံတို့မှ ကိုယ်စားလှယ်အဖွဲ့များ တက်ရောက်ခဲ့ကြပြီး အာဆီယံအတွင်းရေးမှူးချုပ်ရုံး၊ ဘရူနိုင်း၊ မလေးရှား၊ စင်္ကာပူ၊ ဖိလစ်ပိုင်နိုင်ငံတို့မှ ဗွီဒီယိုကွန်ဖရင့်စနစ်ဖြင့် တက်ရောက်ခဲ့ကြကြောင်း မြန်မာဘက်က သတင်းထုတ် ပြန်ခဲ့သည်။

ထို့နောက် အဖွဲ့ဝင်နိုင်ငံများအကြား အကြမ်းဖက်မှု တန်ပြန်တိုက်ဖျက်ရေး လုပ်ငန်းစဉ်များတွင် ပူးပေါင်း ဆောင်ရွက်လျက်ရှိသည့် ကိစ္စရပ်များ၊ ဒေသတွင်း အကြမ်းဖက်မှုတန်ပြန် တိုက်ဖျက်ရေးဆိုင်ရာ ပူးပေါင်း ဆောင်ရွက်မည့် ရှေ့လုပ်ငန်းစဉ်များနှင့်ပတ်သက်၍ ဆွေးနွေးခဲ့ကြသည်။

မြန်မာကိုယ်စားလှယ် အဖွဲ့ကတော့ မြန်မာနိုင်ငံ၏ လက်ရှိနိုင်ငံရေး အခြေအနေနှင့် NUG၊ PDF များက စစ်ဘက်မဟုတ်သည့် အရပ်ဘက် ပစ်မှတ်များအား တိုက်ခိုက်ခဲ့သည့် ဖြစ်စဉ်များနှင့် အထောက်အထားများ၊ NUG အဖွဲ့အား အကြမ်းဖက်အဖွဲ့အဖြစ် သတ်မှတ်ရသည့် အကြောင်းအရင်းများနှင့် နစက၏ အကြမ်းဖက်မှု တန်ပြန် တိုက်ဖျက်ရေး လုပ်ငန်းစဉ်များအား ထုတ်ဝေသည့် စာစောင်၊ ၎င်းစာစောင်ပါ အကြောင်းအရာများ ပါဝင်သည့် Memory Stick ကို ဖြန့်ဝေပေးခဲ့ကြောင်း သိရသည်။

CNI News

၂၀၂၃ ခုနှစ်၊ ဇွန်လ ၆

ပဲခူးတိုင်းဒေသကြီး၊ ကျောက်ကြီးမြို့နယ်၊ နတ်သံကွင်းမြို့က ရဲစခန်းတစ်ခုကို ကရင်အမျိုးသားလွတ်မြောက်ရေးတပ်မ တော်(KNLA)- ဒေသခံကာကွယ်ရေးတပ်ဖွဲ့(PDF) ပူးပေါင်းတပ်ဖွဲ့က တိုက်ခိုက်လာသည့်အတွက် ယနေ့ (ဇွန်လ ၆ ရက်) နံနက်ပိုင်းက တိုက်ပွဲပြင်းထန်ခဲ့ကြောင်း သိရသည်။

နတ်သံကွင်းမြို့နှင့် ကျောက်ကြီးမြို့ကို ဆက်ထားသည့် စစ်တောင်းမြစ်တံတားပေါ်မှာလည်း ပစ်ခတ်မှုများဖြစ်ပွားခဲ့သလို မိုင်းပေါက်ကွဲမှုကြောင့် တံတားချိုးကျသွားခဲ့ကြောင်း သိရသည်။

အဆိုပါ တိုက်ပွဲအတွင်း တပ်မတော်နှင့် ရဲတပ်ဖွဲ့ဝင် ၁၀ ဦးဝန်းကျင် သေဆုံးခဲ့ကြောင်း ပြည်သူ့ကာကွယ်ရေးတပ်ဖွဲ့ “ရိုးမ” BPDF -Yoma က သတင်းထုတ်ပြန်ခဲ့သည်။

CNI News

၂၀၂၃ ခုနှစ်၊ ဇွန်လ ၆

မြန်မာပြည်တွင် ဒီမိုကရေစီမရရှိပါက ဖက်ဒရယ်လည်း ဘယ်သောခါမှ ရရှိမှာမဟုတ်ကြောင်း ပြည်သူ့လွှတ်တော် ကိုယ်စားလှယ်ဟောင်း ဦးစိန်ဝင်းက CNI သတင်းဌာနသို့ ပြောသည်။

တိုင်းရင်းသား အင်အားစုတွေဖက်က ဒီမိုကရေစီရလည်း မိမိတို့အနေဖြင့် ဖက်ဒရယ်မရနိုင်ဆိုသော အတွေးမျိုးရှိ ကြောင်း ၎င်းက ပြောသည်။

လွှတ်တော်ကိုယ်စားလှယ်ဟောင်း ဦးစိန်ဝင်းက “ဖက်ဒရယ် ဒီမိုကရေစီဆိုတာ အစိုးရက တပ်မတော်က ဒီမိုကရေ စီ ဖက်ဒရယ်သွားတယ်၊ တိုင်းရင်းသားတွေက ဖက်ဒရယ်ဒီမိုကရေစီ သွားတယ်၊ ဒီမိုကရေစီကို ရှေ့ကမသွားချင် တော့ဘူး။ ဘာလို့လဲဆိုတော့ ဒီမိုကရေစီရလည်း ငါတို့ ဖက်ဒရယ်မရဘူးဆိုတဲ့ အတွေးမျိုး ဖြစ်သွားတယ်၊ တကယ် တော့ ဒီမိုကရေစီဆိုတာ စနစ်၊ ဖက်ဒရယ်ဆိုတာက ဖွဲ့စည်းပုံ ဒီနှစ်ခုပေါင်းစပ်တာ ဖွဲ့စည်းပုံက သေးတယ်၊ တကယ်က ဒီမိုကရေစီမရရင် ဖက်ဒရယ်ဘယ်တော့မှ မရဘူး။ အဲဒီတော့ ဖက်ဒရယ်လိုချင်ရင် ဒီမိုကရေစီက အဓိက ကျတယ်၊ အဲဒါတွေလည်း တိုင်းရင်းသားတွေမှာ သူတို့လည်း ဘယ်ကနေ ဘယ်လို မှိုင်းတွေ မိတယ် မသိ ဘူးလေ” ဟု CNI သတင်းဌာနသို့ ပြောသည်။

လက်ရှိတွင် ဖက်ဒရယ်ပြည်ထောင်စု တည်ဆောက်ရေးအတွက် နစကနှင့် တိုင်းရင်းသား လက်နက်ကိုင် အဖွဲ့အစည်းများကြား ဆွေးနွေးလျက်ရှိသည်။

ဒီမိုကရေစီ တောင်းဆိုနေကြစဉ်

အလားတူ အမျိုးသားညီညွတ်‌ရေးအစိုးရ (NUG) ကလည်း ဖက်ဒရယ်ပြည်ထောင်စု တည်ဆောက်ရေးအတွက် ပြောကြားထားသည်။

မြန်မာပြည်မှာ သွေးမြေကျရခြင်း အကြောင်းအရင်းမှာ ဖက်ဒရယ်ကြောင့် ဖြစ်ရခြင်းဟု ရခိုင့်ဦးဆောင်ပါတီ (AFP) ဥက္ကဋ္ဌ ဒေါက်တာ အေးမောင်က CNI သတင်းဌာနသို့ ပြောသည်။

ဒေါက်တာအေးမောင်က “အဲဒီလို ပြောလို့တော့ မရဘူးဗျ၊ မြန်မာနိုင်ငံကို သွေးမြေမကျစေချင်ရင် ဖက်ဒရယ်က တော့ ပေးရမှာပဲ၊ အဲဒီလို သွေးမြေမကျအောင် ဖက်ဒရယ်ပေးပြီးမှ ဒီမိုကရေစီနဲ့ပဲ သွားမှာလား၊ ဘာနဲ့ပဲ သွားမှာ လားဆိုတာ လူထုကပဲ ဆုံးဖြတ်ရမှာ၊ သေချာစိစစ်ကြည့်ရင် သွေးမြေကျတဲ့ အကြောင်းအရင်းက ဒီမိုကရေစီ ကြောင့် မဟုတ်ဘူး။ ဖက်ဒရယ်ကြောင့် ဖြစ်တာဗျ၊ အဲဒီတော့ ဖက်ဒရယ်ရလာတဲ့ ကာလမှာ ဒီမိုကရေစီဆိုတာ သူ့ဟာသူ တွဲပါလာတာ၊ အဲဒီတော့ ဖက်ဒရယ် မပေးချင်တဲ့အခါမှာ ဒီမိုကရေစီကို ရှေ့တန်းတင်ပြီးမှ ဒီမိုကရေစီကို အစွဲကြီးကြတယ်၊ ဒါလည်းပဲ ဒီမိုကရေစီကို ကြွေးကြော်သမျှ ဖက်ဒရယ် ရဖို့က သိပ်မသေချာဘူး” ဟု ပြောသည်။
မြန်မာနိုင်ငံကို ဒီမိုကရေစီ ဘယ်လောက်ပေးပေး၊ ဖက်ဒရယ်မပေးပါက လက်ရှိ နိုင်ငံရေး အခင်းအကျင်းက မလွတ်မြောက်နိုင်ကြောင်း ၎င်းက ပြောသည်။

တိုင်းရင်းသား လက်နက်ကိုင်အဖွဲ့ကိုတွေ့ရစဉ်

ဒီမိုကရေစီ ပြုပြင်ပြောင်းလဲရေး လုပ်သကဲ့သို့ ဖက်ဒရယ်ကိုလည်း ကူးပြောင်းသည့် ပြောင်းလဲရေး လုပ်ဆောင်ရ မှာဖြစ်ကြောင်း တိုင်းရင်းသားခေါင်းဆောင်တစ်ဦးဖြစ်သူ ဗိုလ်မှူးကြီး ခွန်ဥက္ကာက CNI သတင်းဌာနသို့ ပြောသည်။
ဗိုလ်မှူးကြီး ခွန်ဥက္ကာက “အဲဒီလို တိုက်ရိုက်ကြီးတော့လည်း မဟုတ်ပါဘူး။ တစ်ပြိုင်နက်ထဲ သွားရမယ့် ကိစ္စထဲပါ၊ တစ်ခုပြီးမှ တစ်ခုလည်း မဟုတ်ဘူး။ တစ်ပြိုင်နက်ထဲမှာ ဒီမိုကရေစီ ပြုပြင်ပြောင်းလဲရေး လုပ်သလိုပဲ ဖက်ဒရယ် ကို ကူးပြောင်းတဲ့ ပြုပြင်ပြောင်းလဲရေးလည်း လုပ်သွားရမှာပဲဗျ၊ ကျနော့် အမြင်ကတော့ တစ်ပြိုင်နက်ထဲ ဖြစ်ပေါ် မှုလို့ ယူဆပါတယ်”ဟု ပြောသည်။

လက်ရှိတွင် မြန်မာနိုင်ငံကို ဒီမိုကရေစီဖက်ဒရယ်ပြည်ထောင်စု သို့မဟုတ် ဖက်ဒရယ်ဒီမိုကရေစီပြည်ထောင်စု သို့မဟုတ် ဒီမိုကရေစီနှင့်ဖက်ဒရယ်ကို အခြေခံသည့် ပြည်ထောင်စု စသဖြင့် မည်သည့် ဒီဇိုင်းပုံစံမျိုးဖြင့် တည် ဆောက်မလဲ ဆွေးနွေးငြင်းခုံနေကြသည်။

ထို့အတူ ဗမာပြည်နယ် ဖွဲ့စည်းရေးအတွက် တိုင်းရင်းသား အင်အားစုအချို့မှ တင်ပြမှုများ ရှိသလို အခြား တစ်ဖက် မှာလည်း ရှမ်းနီ၊ ပအိုဝ်း၊ တအာင်း (ပလောင်)နှင့် ‘ဝ’ တို့ကလည်း ပြည်နယ်သစ်များ ဖွဲ့စည်း‌‌‌ပေးရန် တောင်းဆိုမှု များ ရှိနေသည်။

လက်ရှိ မြန်မာနိုင်ငံကို တိုင်းဒေသကြီး ၇ ခု၊ ပြည်နယ် ၇ ခု၊ ကိုယ်ပိုင်အုပ်ချုပ်ခွင့်ရဒေသ ၅ ခု၊ ကိုယ်ပိုင်အုပ်ချုပ်ခွင့် ရတိုင်း ၁ ခု၊ နေပြည်တော် ပြည်ထောင်စုနယ်မြေ ၁ ခု စသဖြင့် ဖွဲ့စည်းထားသည်။

CNI News

၂၀၂၃ ခုနှစ်၊ ဇွန်လ ၆

ရန်ကုန်တိုင်းဒေသကြီး၊ ရန်ကင်းမြို့နယ်၊ အမှတ်(၂)ရပ်ကွက်၊ ရန်အောင်လမ်း၊ တိုက်အမှတ် (က/၂၆၇)၊ တိုက်ခန်းအမှတ်(၇) ရှေ့၌ လူတစ်ဦးမှ ပစ္စတိုဖြင့် အဆိုတော် ဒေါ်လီလီနိုင်ကျော်ကို ၂၀၂၃ ခုနှစ်၊ မေလ ၃၀ ရက်နေ့က ပစ်ခတ်သတ်ဖြတ်ခဲ့သည်။

ထို့နောက် ဇွန်လ ၄ ရက်နေ့တွင် ရန်ကုန်တိုင်းဒေသကြီး၊ ကမာရွတ်မြို့နယ်အတွင်းရှိ အမျိုးသား အဆောင် ၁ ခု၌ ဒေါ်လီလီနိုင်ကျော်အား လုပ်ကြံသတ်ဖြတ်ခဲ့သူ ကောင်းဇာနည်းဟိန်း(ခ) လပြည့်နှင့် အပေါင်းအပါ ကျော်သူရ(ခ) အီးတီတို့ ၂ ဦးအား ဖမ်းဆီးရမိခဲ့သည်ဟု နစက-က ဇွန်လ ၆ ရက်နေ့မှာ သတင်းထုတ်ပြန် လာခဲ့သည်။

ဖမ်းဆီးရမိသူ ကောင်းဇာနည်ဟိန်း(ခ) လပြည့်နှင့် ကျော်သူရ(ခ) အီးတီတို့ ၂ ဦးသည် ၂၀၂၁ ခုနှစ်၊ ဇွန်လတွင် ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၁) နယ်မြေမှာ ဖောက်ခွဲရေး သင်တန်း ၁ လ တက် ရောက်ခဲ့ကြောင်း၊ ထို့နောက် Special Test Force-STF အဖွဲ့သို့ ဝင်ရောက်၍ ကော့ကရိတ်မြို့နယ်၊ ဘော်ဒိုင်းကျေးရွာအနီး၌ STF အဖွဲ့မှ ဖွင့်လှစ်သည့် ဖောက်ခွဲရေးသင်တန်း ၁ လ ထပ်မံ တက်ရောက်ခဲ့ကြောင်း ထွက်ဆိုခဲ့သည်ဟု ထုတ်ပြန်ချက်မှာ ဖော်ပြထားသည်။

ဒီငြိမ်းလင်းနဲ့ ကောင်းဇာနည်ဟိန်း စွန့်ပစ်ခဲ့တဲ့ ပစ္စည်းများတွေ့ရစဉ်

STF အဖွဲ့ကို ဒီငြိမ်းလင်းနှင့် ဟေဇယ်တို့က ဦးဆောင်ကြပြီး အဖွဲ့ဝင် ၂၆ ဦးဖြင့် အဖွဲ့များခွဲ၍ ရန်ကုန်တိုင်းဒေသ ကြီးအတွင်းသို့ စေလွှတ်ခဲ့ကြောင်း၊ လုပ်ကြံသတ်ဖြတ်မှုများ လုပ်ရန် ဒီငြိမ်းလင်း၊ ဟေဇယ်၊ ယသော်နှင့် နွေနွေ တို့က ရန်ကုန်မြို့အတွင်းရှိ STF အဖွဲ့ဝင်များအား Telegram မှတဆင့် လုပ်ငန်းများ ဆောင်ရွက်ရန် ခိုင်းစေခဲ့ ကြောင်း သိရသည်။

ထို့နောက် ဒေါ်လီလီနိုင်ကျော်ကို လုပ်ကြံသတ်ဖြတ်ရန် ဒီငြိမ်းလင်းနှင့် ဟေဇယ်တို့က ၂၀၂၃ ခုနှစ်၊ မေလ ၂၅ ရက်တွင် ဓာတ်ပုံနှင့်အချက်အလက်များကို Telegram မှတဆင့် ပေးပို့ခဲ့ကြောင်း၊ မေလ ၂၈ ရက်တွင် Sig Sauer ပစ္စတို ၁ လက်၊ ကျည်အိမ် ၂ ခု၊ ကျည် ၂၀ တောင့်တို့ကို ဟေဇယ်မှ ပေးပို့ခဲ့ကြောင်း၊ မေလ ၃၀ ရက်မှာ တော့ မိမိမှ ဒေါ်လီလီနိုငကျော်အား နေအိမ်အရှေ့မှာ ပစ်ခတ်သတ်ဖြတ်ခဲ့ကြောင်း ကောင်းဇာနည်ဟိန်းက ထွက်ဆိုခဲ့သည်ဟု နစက-က ထုတ်ပြန်ခဲ့သည်။

CNI News
၂၀၂၃ ခုနှစ်၊ ဇွန်လ ၅

Brave Eagles (UG)အဖွဲ့မှ ရန်ကုန်မြို့အတွင်းသို့ ဝင်ရောက်၍ ဇွန်လ ၅ ရက်နေ့က ကျောက်တံတားမြို့နယ်ရှိ အခွန်ရုံးနှင့် အရှေ့ဒဂုံမြို့နယ်က ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)ရုံးတို့ကို မိုင်းခွဲတိုက်ခိုက်ခဲ့ သည်ဟု Brave Eagles(UG)က ထုတ်ပြန်ခဲ့သည်။

Brave Eagles (UG)အဖွဲ့မှ ရန်ကုန်မြို့အတွင်းသို့ ဝင်ရောက်ကာ ဇွန်လ ၅ ရက်နေ့ နေ့လယ် ၁၂ နာရီ ၁၅ မိနစ် က ကျောက်တံတားမြို့နယ်၊ ၄ ရပ်ကွက်၊ ပန်းဆိုးတန်းလမ်းနှင့် ကုန်သည်လမ်းထောင့်ရှိ ပြည်တွင်းအခွန်များ ဦးစီးဌာန၊ အလယ်အလတ် အခွန်ထမ်းများဆိုင်ရာ အခွန်ရုံး(၃) သုံးထပ်ထိ တက်ရောက်၍ ချိန်ကိုက်မိုင်း အသုံး ပြုပြီး မစ်ရှင်ဖော်ဆောင်ခဲ့ပါသည်ဟု ယနေ့ (ဇွန်လ ၅ ရက်)တွင် ထုတ်ပြန်ခဲ့သည်။

ထိုတိုက်ခိုက်မှုကြောင့် Non CDM ဒုဦးစီးအရာရှိ၊ ဝန်ထ

န်မ်း ၃ ဦးနှင့် အခွန်ဆောင်သည့် ပြည်သူ ၂ ဦး ထိခိုက်ခဲ့ ကြောင်း၊ ပြည်သူများ နစက(မူရင်း- စစ်ကောင်စီ)၏ ထောက်တိုင် အဆောက်အဦများနှင့် ဝေးဝေးနေပေးကြပါ ရန် မေတ္တာရပ်ခံ တောင်းဆိုအပ်ပါသည်ဟု Brave Eagles (UG)အဖွဲ့က ထုတ်ပြန်ခဲ့သည်။

ထို့နောက် ဒုတိယမစ်ရှင် အနေဖြင့် ညနေ ၇ နာရီ ၅ မိနစ်တွင် အရှေ့ဒဂုံမြို့နယ်ရှိ USDP ရုံးကို အဝေးထိန်းမိုင်း ဖြင့် ထပ်မံ တိုက်ခိုက်ခဲ့ကြောင်း၊ မြေပြင်ထိခိုက်မှု အခြေအနေကို မသိရှိရသေးကြောင်း၊ ရဲဘော်များ ဘေးကင်း စွာ ပြန်လည် ဆုတ်ခွာနိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။

Brave Eagles (UG)အဖွဲ့က “ ပစ်မှတ်(၁)နှင့် (၂) ကို အကြမ်းဖက်စစ်ကောင်စီ၏ အုပ်ချုပ်ရေး ယန္တရားလည် ပတ်မှု ထောက်တိုင်အနေဖြင့် သတ်မှတ်ပြီး တိုက်ခိုက်ခဲ့ခြင်းဖြစ်သည်”ဟု ပြောသည်။

မိမိတို့အနေဖြင့် နစက၏ စစ်ရေး၊ အုပ်ချုပ်ရေးနှင့် စီးပွားရေးများကို တိုက်ရိုက်ဖြစ်စေ၊ သွယ်ဝိုက်ပြီး ဖြစ်စေ ထောက်ခံအားပေး ဝန်းရံနေသော မည်သည့် ထောက်တိုင်ကိုမဆို ဒဏ်ခတ်အရေးယူ တိုက်ခိုက်ခြင်းကို ဆက်လက် အရှိန်မြှင့် လုပ်ဆောင်သွားမည်ကြောင်း၊ ပြည်သူများအနေဖြင့် နစက၏ ဒေါက်တိုင် အဖွဲ့အစည်း များနှင့် အဆောက်အဦများအနီးသို့ ဖြတ်သန်းသွားလာခြင်း မပြုဘဲ ဝေးဝေးမှ ဂရုစိုက် ရှောင်ရှားသွားရန် မေတ္တာရပ်ခံအပ်ပါသည်ဟု Brave Eagles (UG)အဖွဲ့က ဇွန်လ ၅ ရက်နေ့တွင် ထုတ်ပြန်ခဲ့သည်။

၂၀၂၃ ခုနှစ်၊ ဇွန်လ ၅ ရက်နေ့ နေ့လယ် ၁၂ နာရီက ကျောက်တံတားမြို့နယ်၊ ၄ ရပ်ကွက်၊ ပန်းဆိုးတန်းလမ်း နှင့် ကုန်သည်လမ်းထောင့်၊ ပြည်တွင်းအခွန်ဦးစီးဌာန၊ အလယ်အလတ်အခွန်ထမ်းများဆိုင်ရာ အခွန်ရုံး(၃)၊ ၃ လွှာ၌ ပေါက်ကွဲမှုတစ်ခု ဖြစ်ပွားခဲ့ကြောင်း နစက-က သတင်းထုတ်ပြန်ခဲ့သည်။

လူတစ်ဦးသည် ပြည်တွင်းအခွန်များ ဦးစီးဌာန အလယ်အလတ် အခွန်ထမ်းများဆိုင်ရာ အခွန်ရုံး(၃)၊ ၃ လွှာရှိ ကုမ္ပဏီများဆိုင်ရာ အခွန်ဌာနသို့ မြေညီထပ်မှ လှေကားအတိုင်း တက်လာကာ အများပြည်သူ သံထိုင်ခုံဘေး၌ အထုပ် ၁ ထုပ်အားချ၍ လှေကားအတိုင်း ပြန်လည်ထွက်ခွာသွားခဲ့ကြောင်း၊ ၎င်းအထုပ်အတွင်းမှ ပေါက်ကွဲမှု ဖြစ်ပွားခဲ့ ခြင်းဖြစ်ကြောင်း နစက၏ ထုတ်ပြန်ချက်တွင် ဖော်ပြထားသည်။

ထို့ကြောင့် ပေါက်ကွဲမှု ဖြစ်စေခဲ့သူအား ဖမ်းဆီးရမိရေး စုံစမ်းရှာဖွေလျက်ရှိကြောင်း သိရသည်။

CNI News

၂၀၂၃ ခုနှစ်၊ ဇွန်လ ၅

ပြည်သူ့ရှေ့ဆောင်ပါတီ(PPP)နှင့် ဓနုတိုင်းရင်းသားလူမျိုးများဒီမိုကရေစီပါတီ(DNDP)တို့ကို ၂၀၂၃ ခုနှစ်၊ ဇွန်လ ၅ ရက်နေ့တွင် နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၉ နှင့်အညီ မှတ်ပုံတင်ခွင့်ပြုကြောင်း ပြည်ထောင် စု ရွေးကောက်ပွဲကော်မရှင်(UEC)ဥက္ကဋ္ဌ ဦးသိန်းစိုးက ကြေညာခဲ့သည်။

ထို့ကြောင့် DNDP ပါတီသည် မှတ်ပုံတင် အမှတ် ၂၁ ဖြစ်ပြီး PPP ကတော့ မှတ်ပုံတင်အမှတ် ၂၂ ဖြစ်သည်။

CNI News

၂၀၂၃ ခုနှစ်၊ ဇွန်လ ၅

အထွေထွေ ရွေးကောက်ပွဲ ကျင်းပသွားမည်ဟု နစက-က ပြောဆိုထားသော်လည်း ယခု ၂၀၂၃ ခုနှစ်အတွင်း ကျင်းပနိုင်မည် မဟုတ်ကြောင်း နိုင်ငံရေး လေ့လာသုံးသပ်သူများက သုံးသပ်နေကြခြင်းကြောင့် ရွေးကောက်ပွဲ မကျင်းပနိုင်ပါက မြန်မာ့စီးပွားရေးအပေါ် ထိခိုက်လာနိုင်သည်ဟု စီးပွားရေးလုပ်ငန်းရှင်များက ပြောသည်။

ထိုသို့ ယခုနှစ်အတွင်း ရွေးကောက်ပွဲ မကျင်းပနိုင်ပါက တိုင်းပြည်၏ စီးပွားရေးအပေါ် သက်ရောက်မှု အနေဖြင့် တချို့သော ပြည်ပရင်းနှီးမြှုပ်နှံမှုများ ထွက်ခွာသွားနိုင်ကြောင်း၊ ထို့နောက် နိုင်ငံ၏ ခရီးသွားကဏ္ဍနှင့် ကုန်သွယ် ရေး လုပ်ငန်းများတွင် အခက်အခဲ ရှိလာနိုင်သည်ဟု စီးပွားရေး လေ့လာသုံးသပ်သူ ဦးသက်ဇော်က CNI သတင်း ဌာနသို့ ပြောသည်။

ရွေးကောက်ပွဲ မဲထည့်နေကြစဉ်

၎င်းက “ပြောရတော့ ခက်ပါတယ်။ ရှေးအလားအလာ မကောင်းရင်လည်း နိုင်ငံတကာ ရင်းနှီးမြှုပ်နှံမှုက ပြန်ထွက် သွားနိုင်တဲ့ဟာတွေလည်း ထွက်သွားနိုင်တယ်ပေါ့နော်။ ကောင်းအောင် ဒီက ဘယ်လိုပဲ ကြိုးစားကြိုးစား အသိ အမှတ် ပြုနိုင်အောင်လို့တော့ ဆရာတို့ မကြိုးစားနိုင်ရင်တော့ Tourism ကဏ္ဍမှာလည်း တိုးတက်နိုင်မယ် မမြင် ဘူး။ ကုန်သွယ်မှု ကဏ္ဍမှာလည်း အခက်အခဲတွေ အများကြီး ရှိနိုင်မယ်လို့ ယူဆပါတယ်။ သက်ရောက်မှုကတော့ ရှိနိုင်တာပေါ့။ ဘာလို့လဲဆိုတော့ ရွေးကောက်ခံ အစိုးရ ဖြစ်သွားမှ နိုင်ငံတကာ section တွေ ဖိအားတွေ လျော့ မယ်။ နိုင်ငံတကာက အသိအမှတ် ပြုနိုင်တဲ့ အစိုးရတစ်ရပ် ပေါ်လာနိုင်ရင်တော့ ဘာပဲပြောပြော စီးပွားရေးကဏ္ဍ ကအစ ဝင်ရောက်လာနိုင်တဲ့ ကဏ္ဍတွေ ရှိတယ်။ နိုင်ငံရေးအရလည်း ပြောင်းလဲနိုင်တဲ့ အနေအထားမှာရှိတော့ ပြောင်းလဲမှုက လိုအပ်တယ်လို့ ဆရာတို့ကတော့ ယူဆပါတယ်” ဟု ပြောသည်။

တိုင်းပြည်၏ စီးပွားရေးသည် ရွေးကောက်ပွဲ တစ်ခုတည်းအပေါ် သက်ရောက်မှု မရှိနိုင်ကြောင်း၊ ဒေသတည်ငြိမ်မှ သာ စီးပွားရေး ကောင်းမွန်လာမည် ဖြစ်ကြောင်း၊ ရွေးကောက်ပွဲ ကျင်းပပြီးစီး၍ ဒေသ မတည်ငြိမ်ပါကလည်း စီးပွားရေး အလားအလာသည် ကောင်းမွန်လာမည် မဟုတ်ကြောင်း စီးပွားရေး လုပ်ငန်းရှင်များက ပြောသည်။

လက်ရှိ နိုင်ငံရေးအခြေအနေအရ ရွေးကောက်ပွဲ ကျင်းပရုံဖြင့် တိုင်းပြည်စီးပွားရေး ပြောင်းလဲလာမည် မဟုတ် ကြောင်း နိုင်ငံရေးနှင့် စီးပွားရေး လေ့လာသုံးသပ်သူ ဦးရဲထွန်းက CNI သတင်းဌာနသို့ ပြောသည်။

၎င်းက “ဒီအတိုင်းပဲ ဆက်ဖြစ်မှာပါပဲ။ နိုင်ငံရေး၊ စီးပွားရေးဆိုတာက ရွေးကောက်ပွဲက ရွေးကောက်ပွဲ ဖြစ်ရုံနဲ့ စီးပွားရေး အခြေအနေ၊ နိုင်ငံရေး အခြေအနေတွေ ပြောင်းလဲလာမယ်လို့ ကျနော်တော့ မထင်ဘူး။

 ရန်ကုန်က အောက်ခြေလူထုကိုတွေ့ရစဉ်

ရွေးကောက်ပွဲ က အားလုံးပါဝင်နိုင်တဲ့ အဓိက တိုက်ရိုက် ပြောချင်တာက NLD ပါဝင်တဲ့ ရွေးကောက်ပွဲဖြစ်တယ်၊ ရွေးကောက်ပွဲ လုပ်နိုင်တယ် ဆိုလို့ရှိရင်တော့ နိုင်ငံရေး၊ စီးပွားရေး အခြေအနေတွေက ကောင်းလာနိုင်တာပေါ့နော်။ ရွေးကောက် ပွဲ၊ ရိုးရိုးပုံမှန် ရွေးကောက်ပွဲ တစ်ခု ဖြစ်ရုံမျှနဲ့တော့ သိပ်ပြီးတော့ သက်ရောက်မှုက ရှိမှာ မဟုတ်ဘူး” ဟု ပြော သည်။

ပြီးခဲ့သည့် ၂၀၂၂ ခုနှစ်က

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ၂၀၂၃ ခုနှစ်၊ သြဂုတ်မှာ အထွေထွေရွေးကောက်ပွဲ ကျင်းပပေးနိုင် ရေး ကြိုးပမ်း ဆောင်ရွက်နေကြောင်း၊ အနိုင်ရသည့် ပါတီကို အာဏာလွှဲပြောင်းပေးမည်ဖြစ်ကြောင်း ၂၀၂၂ ခုနှစ်အ တွင်းမှာ ပြောကြားခဲ့သည်။

ထို့နောက် ရွေးကောက်ပွဲကို မည်သည့် အချိန်တွင် ကျင်းပမည်ဟု ထုတ်ဖော် ပြောကြားခြင်း မရှိတော့ကြောင်း၊ သို့သော် ရွေးကောက်ပွဲ ကျင်းပနိုင်ရေးအတွက် နိုင်ငံရေးပါတီများ ပြန်လည်မှတ်ပုံတင်ခြင်းဥပဒေကို ၂၀၂၃ ခုနှစ်၊ ဇန်နဝါရီ ၃၁ ရက်နေ့က ထုတ်ပြန်ခဲ့သလို လူဦးရေစာရင်းကိုလည်း စုဆောင်းလျက်ရှိသည်။

လက်ရှိတွင် စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည် နယ်၊ ချင်းပြည်နယ်၊ ကရင်ပြည်နယ်နှင့် မွန်ပြည်နယ်ရှိ မြို့နယ်တချို့တို့တွင် နယ်မြေတည်ငြိမ်မှု မရှိသည့်အတွက် ယခုနှစ်တွင် ရွေးကောက်ပွဲ ကျင်းပနိုင်မည်ကို မျှော်လင့်မထားကြောင်း စီးပွားရေးနှင့် နိုင်ငံရေး လေ့လာသူများက ပြောသည်။

CNI News

၂၀၂၃ ခုနှစ်၊ ဇွန်လ ၅

မြန်မာနိုင်ငံရှိ ပြည်နယ်များတွင် လက်နက်ကိုင် ပဋိပက္ခများဖြစ်ပွား၍ အရပ်သားများ ထိခိုက်သေဆုံးသလို အဆောက်အဦများ ပျက်စီးနေသည့်တိုင် ပြည်မရှိ လူထုများမှာ တည်ငြိမ်သော အခင်းအကျင်းတစ်ရပ်ကို ဖြတ် သန်းနေရခြင်းကြောင့် ပြည်နယ်များ၌ ဖြစ်ပွားနေသည့် တိုက်ပွဲများက ပြည်မနှင့်မသက်ဆိုင်ဘူးလားဟု မေးခွန်း ထုတ်မှုများ ရှိလာနေသည်။

ပြည်နယ်များတွင် ဖြစ်ပွားသော တိုက်ပွဲများမှာ ပြည်မနှင့်သက်ဆိုင်ကြောင်း၊ ပြည်မရှိ လူငယ်အများစု တိုင်းရင်းသား တော်လှန်ရေး အင်အားစုများထံ သွားရောက်ကာ စစ်ရေးလေ့ကျင့်မှုများ လုပ်ဆောင်ရကြောင်း မြန်မာ့နိုင်ငံရေး လေ့လာသုံးသူ ဦးသန်းစိုးနိုင်က CNI သတင်းဌာနသို့ ပြောသည်။

စစ်ပွဲများ မရှိရေး တောင်းဆိုနေကြစဉ်

၎င်းက “သက်ဆိုင်တာပေါ့ဗျာ၊ ဘာလို့ဆို ပြည်မက PDF တွေ အများစုက သူတို့ဆီသွားပြီးတော့ စစ်ရေး လေ့ကျင့် မှုတွေ၊ တည်ဆောက်မှုတွေ နောက်ကျနော်တို့ လက်နက် တပ်ဆင်မှုတွေ လုပ်နေတဲ့ အစိတ်အပိုင်းတွေရှိတဲ့ အတွက် တိုင်းရင်းသား လက်နက်ကိုင်တပ်တွေ လှုပ်ရှားတဲ့ နေရာတွေကို အခြေပြုပြီးတော့ ဒီနေ့ PDF တွေ ဖွဲ့စည်းလာနိုင်တာဟာ အခြေခံအားဖြင့် ကျယ်ပြန့်တဲ့ သဘောရှိပါတယ်၊ အဲဒီတော့ သူတို့နဲ့ မဆက်စပ်လို့ မရပါ ဘူး” ဟု ပြောသည်။

မြန်မာနိုင်ငံအတွင်း ဖြစ်ပွားနေသော လက်နက်ကိုင် ပဋိပက္ခသည် ၁၉၄၈ ခုနှစ် လွတ်လပ်ရေး ရပြီးနောက်ပိုင်းမှ စတင်၍ ပြည်နယ်များ၌ ဖြစ်ပွား လာခဲ့ကြောင်း၊ ထိုစဉ် အချိန်က ပြည်မရှိ လူထုသည် တည်ငြိမ်လျက်ရှိခဲ့ပြီး ပြည်နယ်အတွင်း လက်နက်ကိုင် ပဋိပက္ခများ ချုပ်ငြိမ်းရေး ကြိုးပမ်း တောင်းဆိုပေးခဲ့ခြင်း အားနည်းကြောင်း၊ ၂၀၂၁ ခုနှစ်၊ ဖေဖော်ဝါရီ ၁ ရက် နောက်ပိုင်း ပေါ်ပေါက်လာသည့် နိုင်ငံရေးအခင်းအကျင်းမှသာ ပြည်မလူထုသည် လက်နက်ကိုင် ပဋိပက္ခအပေါ် သဘောပေါက်လာကြခြင်းဖြစ်ကြောင်း တော်လှန်ရေးအင်အားစု တချို့က ပြောသည်။

၂၀၂၁ ခုနှစ်၊ ဖေဖော်ဝါရီ ၁ ရက်နေ့ နောက်ပိုင်း ပြောင်းလဲလာသည့် နိုင်ငံရေး အခင်းအကျင်းအရ ကရင်ပြည်နယ်၊ ကယား (ကရင်နီ) ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီးနှင့် မကွေးတိုင်းဒေသကြီးတို့တွင် မြန်မာ့ တပ်မတော်နှင့် တော်လှန်ရေး အင်အားစုတို့အကြား တိုက်ပွဲများ ဖြစ်ပွားလျက်ရှိနေသည်။

တော်လှန်ရေးတပ်ဖွဲ့၀င်ကို တွေ့ရစဉ်

ထို့နောက် တိုက်ပွဲဖြစ်ပွားရာ ဒေသအများစုရှိ ဒေသခံပြည်သူများမှာ နေရပ်စွန့်ခွာပြီး ဘေးလွှတ်ရာသို့ ထွက်ပြေး တိမ်းရှောင် နေကြရသလို ပညာသင်ကြားခွင့်နှင့် လုံခြုံစိတ်ချရမှုများ ကင်းဝေးနေကြရသည်။

လက်ရှိ မိမိတို့ ဆင်နွှဲနေသည့် တော်လှန်ရေးမှာ လူထုကို အားယူကာ လုပ်ဆောင်ရသည့် တော်လှန်ရေးဖြစ် ကြောင်း၊ တော်လှန်ရေးတွင် မပါဝင်သော သူများကို မိမိတို့အနေဖြင့် မှတ်ချက်မပြုလိုကြောင်း ကရင်နီအမျိုးသား ကာကွယ်ရေးတပ် (KNDF) မှ ပြောရေးဆိုခွင့်ရှိသူတစ်ဦးက CNI သတင်းဌာနသို့ ပြောသည်။

၎င်းက “အဓိကတော့ ကျနော် အဲဒီအ‌ပေါ်မှာတော့ မှတ်ချက်မပေးလိုဘူးပေါ့နော်၊ အဓိက-က ဒီတော်လှန်ရေးက လူထုကို ကျနော်တို့ အားယူပြီး လုပ်ရတဲ့ တောလှန်ရေးဖြစ်တယ်၊ ဖြစ်တဲ့အခါမှာ ကျနော်တို့ကလည်း လူထုထဲက ပေါက်ဖွားလာတဲ့ တော်လှန်ရေးကာလမှာ ပေါက်ဖွားလာတဲ့ တော်လှန်ရေး လုပ်တဲ့သူတွေ ဖြစ်တယ်၊ ဆိုတော့ ကျနော်တို့ရဲ့ တော်လှန်ရေးက ကျနော်တို့ ပြည်နယ်တစ်ခုအတွက်ပဲ မဟုတ်ဘူး။
ကျနော်တို့ တစ်နိုင်ငံလုံး လွတ် မြောက်ရေးအတွက် ကျနော်တို့ အတူတူ ဝိုင်းပြီးမှ စစ်ကောင်စီနဲ့ တကွ အာဏာရှင်တွေကို ကျနော်တို့ တိုက်ထုတ် နေတဲ့ တော်လှန်‌ရေးဖြစ်တယ်၊ ဒီအ‌ပေါ်မှာတော့ လူထုတွေအနေနဲ့ ပါဝင်တဲ့သူတွေက အများကြီးရှိတာပေါ့လေ၊ အများကြီးရှိတယ်၊ တချို့ကလည်း ခုနပြောသလိုမျိုးပေါ့နော် ဒီအတိုင်းနေတဲ့သူလည်း ရှိကောင်း ရှိနိုင်လိမ့်မယ်၊ ဒါပေမဲ့ အဲဒီအပေါ်မှာတော့ ကျနော်တို့ ဘာမှ မပြောလိုဘူးပေါ့လေ၊ ဘာမှတော့ မှတ်ချက် မပေးလိုပါဘူး” ဟု ပြော သည်။

၂၀၂၁ ခုနှစ်၊ ဖေဖော်ဝါရီ ၁ ရက်နေ့ နောက်ပိုင်း နိုင်ငံတစ်ဝှမ်း တပ်မတော်နှင့် EAO – PDF ပူးပေါင်းတပ်တို့အကြား တိုက်ပွဲပေါင်း ၉၃၀၀ ကျော် ဖြစ်ပွားခဲ့ကြောင်း၊ ထိုတိုက်ပွဲများမှာ ပြည်နယ်များတွင် အများစု ဖြစ်ပွားခဲ့ကြောင်း၊ ထို့ ကြောင့် ပြည်တွင်းမှာ တိုက်ပွဲ‌ရှောင်လူဦးရေ ၂ သန်းကျော် ရှိလာကြောင်း ISP Myanmar ၏ နောက်ဆုံး ထုတ်ပြန် ချက်အရ သိရသည်။

CNI News

၂၀၂၃ ခုနှစ်၊ ဇွန်လ ၄

မြန်မာ့တပ်မတော်သည် ရှမ်းပြည်နယ်(မြောက်ပိုင်း) အထူးဒေသ(၁) မူပန်(သိန္နီ)ခရိုင် ပြင်းတောင်ရွာအနီးရှိ မြန်မာ အမျိုးသား ဒီမိုကရက်တစ် မဟာမိတ်တပ်မတော်-ကိုးကန့်(MNDAA)၏ ယာယီတပ်စခန်းကို ဇွန်လ ၂ ရက်က ထိုးစစ်ဆင် တိုက်ခိုက်လာခဲ့ကြောင်း ကိုးကန့်မီဒီယာကနေတဆင့် ထုတ်ပြန်လာခဲ့သည်။

ထို့နောက် ဇွန်လ ၃ ရက်နေ့တွင် ကိုးကန့်ခရိုင်၊ တုံရှမ်းဒေသမှာ အခြေချနေသည့် MNDAA နှင့် တပ်မတော်တို့ တိုက်ပွဲ ဆက်လက်ဖြစ်ပွားခဲ့သည်။

ထိုရက် နေ့လယ် ၁၂ နာရီ ၄၀ မိနစ်တွင် ရှောင်မင်ရှမ်းနှင့် ချောက်ချိုင့်ပါ့ နေရာမှာ ညနေ ၃ နာရီအထိ နှစ်ဖက် တိုက်ပွဲဖြစ်ပွားခဲ့သေးသည်။

၂၀၂၃ ခုနှစ်၊ ဇွန်လ ၁ ရက်နေ့က မိုင်းလားမှာ မြောက်ပိုင်းသုံးဖွဲ့နဲ့ NSPNC တွေ့ဆုံ ဆွေးနွေး

အဆိုပါ တိုက်ပွဲတွင် MNDAA ဘက်မှ တစ်ဦးကျဆုံးပြီး တစ်ဦး ဒဏ်ရာရရှိခဲ့သော်လည်း တပ်မတော်ဘက်က ထိခိုက်မှု အခြေအနေကိုတော့ မသိရသေးဘူးဟု ကိုးကန့်မီဒီယာက ဖော်ပြခဲ့သည်။

ဇွန်လ ၄ ရက်နေ့ နံနက် ၁၀ နာရီကလည်း ကိုးကန့်ခရိုင်ထဲက ကြာကျည်ရှူကျေးရွာအုပ်စု ကျန်တစ်ရှမ်းဘက် တွင် ပစ်ခတ်သံများ ကြားရသည်ဟု ၎င်းက ဖော်ပြခဲ့သည်။

မြောက်ပိုင်းသုံးဖွဲ့ဖြစ်သည့် MNDAA၊ ရက္ခိုင့်တပ်တော်(AA)၊ တအာင်းအမျိုးသားလွတ်မြောက်ရေးတပ်မတော် (TNLA)တို့မှ ကိုယ်စားလှယ်များနှင့် နစက၏ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ(NSPNC)တို့ မိုင်းလားမြို့မှာ ဇွန်လ ၁ ရက်က တွေ့ဆုံ၍ ငြိမ်းချမ်းရေး ဆွေးနွေးခဲ့သေး သည်။