CNI Sport News
၂၀၂၂ ခုနှစ်၊ ဇန်နဝါရီ ၁၈
ဘရာဇီးလ် စူပါစတားဖြစ်တဲ့ နေမာဟာ ချစ်သူအသစ်ဖြစ်တဲ့ ဘီယန်ကာဒီနဲ့ လျှို့ဝှက်ချိန်းတွေ့ပြီးနောက် လူသိရှင်ကြား တွဲပြလာခဲ့တယ်လို့ The Sun က ဖော်ပြလိုက်ပါတယ်။
သူတို့ ၂ ဦးဟာ ပြီးခဲ့တဲ့နှစ် သြဂုတ်လထဲက အိုင်ဘီဇာမှာ တွဲနေကြတဲ့ပုံတွေ ထွက်ပေါ်လာခဲ့တာဖြစ်ပြီး ဘရာဇီးလ် အလှမယ် ဟာ ခရစ္စမတ်ကာလတုန်းကလည်း နေမာနဲ့အတူ မွေးရပ်မြေကို ပြန်လာခဲ့တာ ဖြစ်ပါတယ်။ ဘီယန်ကာဒီဟာ နေမာရဲ့ ပီအက်စ်ဂျီ အသင်းဖော်တွေဖြစ်တဲ့ ဒီမာရီယာ၊ ဗာရတ်တီ၊ ပါရီဒတ်စ်၊ မက်ဆီတို့နဲ့ ဓာတ်ပုံအတူတွဲရိုက်ခဲ့ပြီး ဒီပုံကို သူ့ရဲ့ လှုမှုကွန်ယက်မှာ တင်ခဲ့ပါသေးတယ်။
ဒါ့အပြင် ဘီယန်ကာဒီဟာ ပီအက်စ်ဂျီနဲ့ နန့်တက်စ်အသင်းတို့ ကစားခဲ့တဲ့ ပွဲမှာလည်း ဒဏ်ရာရခဲ့တဲ့ နေမာနဲ့အတူ ရှိနေခဲ့တာ ဖြစ်ပါတယ်။ နေမာကတော့ စိန့်အန်တီယန် အသင်းကို ၃ ဂိုး-၁ ဂိုးနဲ့ အနိုင်ရခဲ့တဲ့ ပြင်သစ်လီဂူး ဝမ်းပွဲစဉ်မှာ ရခဲ့တဲ့ ဒဏ်ရာ ကြောင့် (၈)ပတ်ကြာ အနားယူနေရတာပါ။ သူတို့ ၂ ဦးလုံးဟာ တရားဝင်တွဲနေပြီလို့ အတည်မပြုသေးပေမယ့် သူတို့ရဲ့ လှုမှု ကွန်ယက်တွေကနေ ဓာတ်ပုံတွေတင်ပြီးတော့ အသိပေးလာခဲ့တာ ဖြစ်ပါတယ်။
နေမာဟာ ချစ်သူဟောင်းဖြစ်တဲ့ ဘရူနာနဲ့ ၆ နှစ်ကြာ လက်တွဲခဲ့ပြီးနောက် ၂၀၁၈ ခုနှစ်က လမ်းခွဲခဲ့ကြတာပါ။ ပီအက်စ်ဂျီ အသင်းရဲ့ တိုက်စစ်မှူးဟာ ဒါဗီလူကာဆိုတဲ့ သားတစ်ဦးလည်း ရှိနေတာ ဖြစ်ပါတယ်။ နေမာကတော့ မိသားစုတွေ ထပ်ပြီး တိုးပွားချင်နေတဲ့ ဆန္ဒရှိနေပြီး သူ့ရဲ့ ၉ နှစ်အရွယ် သားဖြစ်သူ ဒါဗီလူကာကိုလည်း မောင်နှမတွေနဲ့ ကြီးပြင်းလာစေချင်နေ တာပါ။
ဘီယန်ကာဒီကိုတွေ့ရစဉ်။(Thu Sun)
“ကျနော်ဟာ အသက် ၃၀ နီးပါး ရှိနေပြီဖြစ်ပြီး ကောင်းမွန်တဲ့ အသက်မွေးဝမ်းကျောင်းလည်း ရှိနေပါတယ်။ ဒါပေမယ့် ပုဂ္ဂိုလ် ရေးအရ ပြောရမယ်ဆိုရင် ကျနော့်သား ဒါဗီကို ညီအစ်ကိုတွေနဲ့ ရှိစေချင်တာကြောင့် နောက်ထပ်ကလေး ၂ ဦးလောက်တော့ ထပ်လိုချင်ပါသေးတယ်”လို့ ပြောထားတာ ဖြစ်ပါတယ်။
နေမာဟာ ကမ္ဘာ့စျေးအကြီးဆုံး ကစားသမားဖြစ်ပြီး ၂၀၁၇ ခုနှစ်က ဘာစီလိုနာကနေ ပီအက်စ်ဂျီအသင်းကို ပြောင်းရွှေ့လာခဲ့ တာ ဖြစ်ပါတယ်။ နေမာသည် ပီအက်စ်ဂျီ အသင်းအတွက် ပွဲပေါင်း ၁၃၀ ပါဝင်ကစားထားပြီး ၉၀ ဂိုး သွင်းယူကာ အောင်မြင်မှု အများအပြား ရယူထားတာပါ။ ဒါပေမယ့် နေမာဟာ ပီအက်စ်ဂျီအသင်းမှာ ဒဏ်ရာကြောင့် မကြာခဏ အနားယူနေရပြီး သူ့ရဲ့ အကောင်းဆုံးခြေစွမ်းကို ပြသဖို့တော့ အနည်းငယ် ရုန်းကန်နေရတာ ဖြစ်ပါတယ်။
Source: The Sun
