CNI News
၂၀၂၂ ခုနှစ်၊ ဧပြီ ၂၄

ကရင်ပြည်နယ် မြဝတီမြို့၊ မြန်မာ-ထိုင်း ချစ်ကြည်ရေးတံတား အမှတ် (၁)ထိပ်တွင် ဧပြီ ၂၃ ရက် ည ၁၀ နာရီက ပေါက်ကွဲမှုတစ်ခု ဖြစ်ပွားခဲ့ကြောင်း သိရသည်။

အဆိုပါ ပေါက်ကွဲမှုကြောင့် ကားနှင့် မော်တော်ဆိုင်ကယ်များ မီးလောင် ပျက်စီးခဲ့သလို အနီးအနားရှိ နေအိမ် တချို့၏ ပြတင်းပေါက်များ ကွဲခဲ့ကြောင်း၊ ပေါက်ကွဲမှုမှာ ပြင်းထန်ကြောင်း၊ လူထိခိုက်မှု ရှိ/မရှိကိုတော့ အတိ အကျ မသိရသေးကြောင်း သိရသည်။

လက်ရှိတွင် မီးသတ်တပ်ဖွဲ့က ပေါက်ကွဲမှုကို တည်ငြိမ်အောင် မီးများ ငြိမ်းသတ်လျက်ရှိသည်။

၂၀၂၂ ခုနှစ်၊ ဧပြီ ၂၃ ရက် မြန်မာ-ထိုင်း ချစ်ကြည်ရေးတံတား အမှတ်(၁)ထိပ် ပေါက်ကွဲမှုဖြစ်

၂၀၂၂ ခုနှစ်၊ ဧပြီ ၂၃ ရက် မြန်မာ-ထိုင်း ချစ်ကြည်ရေးတံတား အမှတ်(၁)ထိပ် ပေါက်ကွဲမှုဖြစ်

CNI News

၂၀၂၂ ခုနှစ်၊ ဧပြီ ၂၃

ရေစကြို-ချောင်းဦး ကားလမ်းမကြီးပေါ်မှာ ဖြတ်သန်းသွားလာသည့် ကားများကို ရေစကြိုပြည်သူ့ကာကွယ်ရေး တပ်ဖွဲ့က စစ်ဆေးလျက်ရှိကြောင်း ရေစကြိုပြည်သူ့ကာကွယ်ရေးတပ်ဖွဲ့မှ ယနေ့ (ဧပြီ ၂၃ ရက်)ထုတ်ပြန်ခဲ့ သည်။

ပြည်သူ့ကာကွယ်ရေးတပ်ဖွဲ့(ရေစကြိုမြို့နယ်)မှ ရေစကြိုမြို့နယ်တွင်း လမ်းမကြီးများအား လိုအပ်လျင် စစ်ဆေး မှုများ ပြုလုပ်သွားမည်ဖြစ်သောကြောင့် ခရီးသွားကားများအနေဖြင့် ပူးပေါင်းပါဝင်ပေးကြပါရန် မေတ္တာရပ်ခံ ကြောင်း ထုတ်ပြန် ပြောကြားခဲ့သည်။

ပြည်သူ့ကာကွယ်ရေးတပ်ဖွဲ့(ရေစကြိုမြို့နယ်)က ကားများကို စစ်ဆေးနေစဉ်

ထို့နောက် စစ်ရေးလိုအပ်ချက်၊ လုံခြုံရေးလိုအပ်ချက်များအရ ရေစကြိုမြို့နယ်တွင်း လမ်းများအား ပိတ်သွား မည်ဖြစ်ကြောင်း၊ ကြိုတင်သတင်းထုတ်ပြန်ပေးသွားမည်ဖြစ်ကြောင်း ပြည်သူ့ကာကွယ်ရေးတပ်ဖွဲ့(ရေစကြို) က ထုတ်ပြန်ချက်တွင် ဖော်ပြထားသည်။

CNI International News

မော်စကို၊ ဧပြီ ၂၃

ယူကရိန်းတောင်ပိုင်းနှင့် အရှေ့ဘက်ရှိ ဒွန်ဘတ်စ်ဒေသတို့ကို ရုရှားအပြည့်အဝထိန်းချုပ်ရန် ရည်ရွယ်ထားကြောင်း ရုရှားအကြီးတန်းတပ်မှူးတစ်ဦးက ပြောကြားခဲ့သည်။

အဆိုပါဒေသနှင့် ၂၀၁၄ ခုနှစ်၌ မော်စကိုသိမ်းယူခဲ့သော ခရိုင်းမီးယားဒေသတို့ကို ဆက်စပ်ပေးမည့် ပေါင်းကူး တံတားတစ်စင်း တည်ဆောက်သွားမည်ဟု ဗိုလ်ချုပ် ရက်စတမ်မင်နီကေယက်က ပြောကြားကြောင်း ရုရှား မီဒီယာများက ဖော်ပြခဲ့ကြသည်။

ရုရှားကျောထောက်နောက်ခံပြု ထရန်နစ္စတီးယားခွဲထွက်နယ်မြေထဲသို့ မော်စကိုအား ဝင်ရောက်ခွင့်ပေးမည်ဟု ၎င်းက ဆက်လက်ပြောကြားခဲ့သည်။ ထရန်နစ္စတီးယားသည် ယူကရိန်းအနောက်ဘက်နှင့် နယ်နိမိတ်ချင်း ထိစပ်နေသော ဒေသငယ်ဖြစ်သည်။

ဗိုလ်ချုပ်မင်နီကေယက်၏ သဘောထားမှတ်ချက်များကို ကရင်မလင်က တရားဝင်တားဆီးမှုရှိ/မရှိ ရှင်းရှင်း လင်းလင်းမသိရသော်လည်း ထိုသတင်းကို အင်တာဖက်စ်နှင့် တာ့စ်အပါအဝင် ရုရှားအစိုးရပိုင်မီဒီယာများက အကျယ်တဝင့် သတင်းဖော်ပြခဲ့ကြသည်။

စစ်ဗိုလ်ချုပ်များ၏မှတ်ချက်များကို အတည်ပြုနိုင်ခဲ့ပါက လာမည့်သီတင်းပတ်များအတွင်း ရုရှားဘက်စစ်ရေး အစီအစဉ်များကို ထပ်မံသိရှိရမည်ဖြစ်ကြောင်း ရုရှားကာကွယ်ရေးဌာနမှ အရာရှိများက ဘီဘီစီသတင်းထောက် စတိဗ်ရိုဟန်ဘက်ကို ပြောသည်။

ထိုအတောအတွင်း ယူကရိန်းအရှေ့ပိုင်းနှင့် တောင်ပိုင်းကမ်းရိုးတန်းတလျှောက် ရုရှားစစ်ရှိန်မြှင့်လာနိုင်ပြီး လာမည့်ရက်သတ္တနှစ်ပတ်အတွင်း စစ်ပွဲအဆုံးအဖြတ် ဖြစ်လာနိုင်ဖွယ်ရှိသည်ဟု ဥရောပသမဂ္ဂ (EU) ထိပ်တန်း အရာရှိတစ်ဦးက ရိုက်တာသတင်းဌာနသို့ ပြောကြားခဲ့သည်။

မော်လ်ဒိုဗာနိုင်ငံအစိုးရက ရုရှားသံအမတ်ကို ဆင့်ခေါ်ခဲ့ပြီး ၎င်းနိုင်ငံခြားရေးဝန်ကြီးဌာန၏ စိုးရိမ်မှုများကို ထုတ်ဖော်ပြောကြားခဲ့သည်။
ရုရှားစကားပြောဆိုသုံးစွဲမှုရှိသော ထရန်နစ္စတီးယားခွဲထွက်ဒေသငယ်သည် ယူကရိန်းနှင့် တဆက်တည်းတည်ရှိပြီး ဆိုဗီယက်ပြည်ထောင်စုပြိုကွဲသွားပြီးနောက် သီးခြားလွတ်လပ်ရေးတောင်းဆိုခဲ့သော်လည်း နိုင်ငံတကာက အသိအမှတ်မပြုဘဲ မော်လ်ဒိုဗာနိုင်ငံ၏တရားဝင်အစိတ်အပိုင်းအဖြစ် ဆက်လက်ရပ်တည်နေခဲ့သည်။ အပစ် အခတ်ရပ်စဲရေး သဘောတူစာချုပ်အရ ၁၉၉၅ ခုနှစ်တွင် ထိုဒေသထဲ၌ ရုရှားတပ်ဖွဲ့ဝင်အင်အား ၁,၅၀၀ ခန့် တပ်စွဲခဲ့သည်။

ရုရှားစစ်ဒေသ၏ လက်ထောက်တပ်မှူးဖြစ်သူ မင်နီကေယက်က ဧပြီ ၂၂ ရက်၌ စဗာဒလိုဗက်ဒေသရှိ စစ်ရေးပြ အခမ်းအနား မိန့်ခွန်းပြောကြားခဲ့ရာတွင် “ယူကရိန်းတောင်ပိုင်းကို ထိန်းချုပ်တာဟာ ထရန်နစ္စတီးယားအတွက် နောက်ထပ်နည်းလမ်းတစ်ခုဖြစ်ပါတယ်။ အဲဒီဒေသထဲက ရုရှားစကားပြောဆိုသုံးစွဲသူတွေအပေါ် ဖိနှိပ်မှုတွေလည်း ရှိနေပါတယ်” ဟု ထည့်သွင်းပြောကြားခဲ့သည်။

ဖေဖော်ဝါရီ ၂၄ ရက် ကျူးကျော်မှုမစတင်မီကလည်း ယူကရိန်းတွင် ရုရှားဘာသာစကား ပြောဆိုသုံးစွဲသူများကို ခွဲခြားဆက်ဆံသည်ဟု အလားတူစွပ်စွဲချက်များကို ဗလာဒီမာပူတင်က ပြောကြားခဲ့ဖူးသော်လည်း အထောက် အထား ပြသခြင်းတော့ မရှိပေ။


Source: BBC

CNI News

၂၀၂၂ ခုနှစ်၊ ဧပြီ ၂၂

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ငြိမ်းချမ်းရေးကမ်းလှမ်းထားသည့် ကာလအတွင်း တပ်စခန်းများနှင့် တပ်ဌာနချုပ်များကို နှောင့်ယှက် တိုက်ခိုက်ခြင်းများ မပြုရန် တိုက်ခိုက်လာပါက  လိုအပ်သည့် အရေးယူ တုန့်ပြန်မှုလုပ်မည်ဟု တပ်မတော်ကာကွယ်ရေးဦးစီးချုပ်ရုံးက ယနေ့ (ဧပြီ ၂၂ ရက်)တွင် ထုတ်ပြန် ကြေညာခဲ့သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ၂၀၂၂ ခုနှစ်ကို ငြိမ်းချမ်းရေး နှစ်ဟု သတ်မှတ်ထား သည့်အတွက် တိုင်းရင်းသားလက်နက်ကိုင်အဖွဲ့ ခေါင်းဆောင်များအား တွေ့ဆုံ ဆွေးနွေးနိုင်ရေး ဖိတ်ခေါ်ပါကြောင်း၊ တွေ့ဆုံ ဆွေးနွေးမှုကို မိမိကိုယ်တိုင် တွေ့ဆုံ ဆွေးနွေးမည်ဖြစ်ကြောင်း၊ ငြိမ်းချမ်းရေး ဆွေးနွေးပွဲကို တက်ရောက်မည့် လူပုဂ္ဂိုလ် များ အနေဖြင့် မေလတွင် နောက်ဆုံးထား စာရင်းပေးပို့စေလိုပါကြောင်း ယနေ့(ဧပြီ ၂၂ ရက်)တွင် ပြောကြားခဲ့သည်။

တပ်မတော်ကာကွယ်ရေးဦးစီးချုပ်ရုံးက “ အဆိုပါ ငြိမ်းချမ်းရေးနှင့်ပတ်သက်၍ ဆွေးနွေးမှုများ ပြုလုပ်နိုင်ရေး ဖိတ်ခေါ်ထား သည့် ကာလနှင့် တွေ့ဆုံ ဆွေးနွေးနေစဉ် ကာလအတွင်း တိုင်းရင်းသားလက်နက်ကိုင်အဖွဲ့များအနေဖြင့် ငြိမ်းချမ်းရေးကို ထိခိုက်ပျက်စီးစေမည့် အင်အားစုဆောင်းခြင်း၊ လှုပ်ရှားခြင်း၊ နယ်မြေချဲ့ထွင်ခြင်း၊ လုံခြုံရေးနှင့် တရားဥပဒေစိုးမိုးရေး တာဝန် ထမ်းဆောင်လျက်ရှိသည့် လုံခြုံရေးတပ်ဖွဲ့ဝင်များ၏ တပ်စခန်းများအား တိုက်ခိုက်ခြင်း၊ တပ်ဌာနချုပ်များကို နှောင့် ယှက်တိုက်ခိုက်ခြင်းများ မပြုရန်နှင့် ထိုကဲ့သို့ လုပ်ဆောင်လာပါက တပ်မတော်အနေဖြင့် လိုအပ်သည့် အရေးယူ တုန့်ပြန်မှု များကို ဆောင်ရွက်သွားမည်”ဟု ထုတ်ပြန် ပြောကြားခဲ့သည်။

လက်ရှိ မြန်မာနိုင်ငံတွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)ကို RCSS၊ KNU၊ DKBA၊ KNU/ KNLA-PC၊ NMSP၊ LDU၊ ALP၊ ABSDF၊ PNLO၊ CNF တို့ လက်မှတ်ထိုးထားပြီး UWSA၊ NDAA၊ KIA၊ SSPP၊ MNDAA၊ AA၊ TNLA၊ KNPP တို့မှာ NCA မထိုး နိုင်သေးဘဲ ဖြစ်နေသည်။

အဆိုပါ တိုင်းရင်းသား လက်နက်ကိုင် အဖွဲ့အစည်းများနှင့် ငြိမ်းချမ်းရေး ဆွေးနွေးမှုများသည် ၂၀၂၁ ခုနှစ်၊ ဖေဖော်ဝါရီ ၁ ရက် နေ့မှ စတင်ကာ ယနေ့အထိ ထည်ထည်ဝင်ဝင် မဆွေးနွေးနိုင်ဘဲ ဖြစ်နေသည်။

ထို့နောက် လက်ရှိတွင် ကချင်ပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်၊ ကရင်ပြည်နယ်၊ ကယားပြည် နယ်တို့မှာ တပ်မတော်သည် KIA၊ KNU၊ KNPP၊ PDF၊CNF တို့နှင့် တိုက်ပွဲများ ဖြစ်ပွားလျက်ရှိနေသည်။

CNI International News

ကိယက်ဗ်၊ ဧပြီ ၂၁

ဒိန်းမတ်ဝန်ကြီးချုပ်နှင့် စပိန်ဝန်ကြီးချုပ်တို့သည် ယနေ့(ဧပြီ ၂၁ ရက်)တွင် ယူကရိန်းနိုင်ငံ၊ ကိယက်ဗ်မြို့သို့ ရောက်ရှိလာခဲ့ပြီး အဆိုပါခရီးစဉ်အတွင်း ဒိန်းမတ်ဝန်ကြီးချုပ်က ယူကရိန်းထံသို့ လက်နက်များ ထပ်မံပေးအပ်ရန် ကတိပြုခဲ့ကြောင်း၊ ဝန်ကြီး ချုပ် နှစ်ဦးတို့သည် ယူကရိန်းသမ္မတ ဗိုလိုဒီမီယာ ဇာလန်းစကီးကို ထောက်ခံသည့် အနေအထားဖြင့် တွေ့ဆုံဆွေးနွေးခဲ့ ကြ ကြောင်း ရိုက်တာသတင်းအရ သိရသည်။

ဒိန်းမတ် အမျိုးသမီးဝန်ကြီးချုပ် မက်တီဖရက်ဒရစ်ဆင်သည် ကိယက်ဗ်မြို့တော် အနီးတဝိုက် ရုရှားတပ်များ ပြန်လည် ဆုတ်ခွာသွားပြီးနောက် ဆိုးရွားစွာ ပျက်စီးနေခဲ့သော ဘိုရိုဒရန်ကာမြို့ကိုလည်း သွားရောက်ကြည့်ရှုခဲ့သည်။

“အခုအချိန်မှာ အလိုအပ်ဆုံးဖြစ်လို့ ယူကရိန်းကို လက်နက်တွေ များများ ပို့ပေးဖို့ ကျမတို့ ရည်ရွယ်ထားပါတယ်” ဟု ဖရက် ဒရစ်ဆင်က လက်နက်ကိုင်စစ်သားများ ဝိုင်းထားသည့်မြို့တဝိုက် လမ်းလျှောက်ရင်း ဒိန်းမတ်ရုပ်သံလိုင်း TV2 သို့ ပြောကြား ခဲ့သည်။

ဒိန်းမတ်ဝန်ကြီးချုပ်နှင့် စပိန်ဝန်ကြီးချုပ် ပက်ဒရိုစန်ချက်တို့သည် ယနေ့ (ဧပြီ ၂၁ ရက်) အစောပိုင်းတွင် ကိယက်ဗ်မြို့သို့ ရောက်ရှိခဲ့ကြောင်း စန်ချက်၏ တွစ်တာလူမှုကွန်ရက်၌ လွှင့်တင်ထားသော ဗွီဒီယိုဖိုင်အရ သိရသည်။

ယူကရိန်းစစ်သားများကို မြို့ပျက်ကြီးမှာတွေ့ရစဉ်

ဇာလန်းစကီးနှင့် တွေ့ဆုံဆွေးနွေးမှုများအရ ယူကရိန်းနိုင်ငံသားများအတွက် နောက်ထပ် ပံ့ပိုးရန်နှင့် စစ်ရာဇဝတ်မှုများနှင့် လူ့အခွင့်အရေး ချိုးဖောက်မှုများအတွက် တရားစွဲရန်တို့ကို အာရုံစိုက် လုပ်ဆောင် သွားမည်ဖြစ်ကြောင်း ဖရက်ဒရစ်ဆင်၏ ရုံးက သတင်းထုတ်ပြန်ခဲ့သည်။

ရုရှားသည် ၎င်း၏ ထိုးစစ်နှင့်ပတ်သက်၍ ယူကရိန်းကို စစ်မဲ့ဇုန်ဖြစ်ရေးအတွက် အန္တရာယ်ရှိသော အမျိုးသားရေးဝါဒီများကို ချေမှုန်းပစ်ရန် အထူးစစ်ဆင်ရေး လုပ်ဆောင်ခြင်းဟု ပြောကြားထားသည်။

အနောက်အုပ်စု နိုင်ငံများနှင့် ကိယက်ဗ်ကတော့ ရုရှားသမ္မတ ဗလာဒီမာပူတင်၏ ရန်လိုသောစစ်ပွဲဟု စွပ်စွဲပြောကြားကြ သည်။
အထူးသဖြင့် ရုရှားက ယူကရိန်းမြောက်ပိုင်းမှ ၎င်း၏တပ်များကို ပြန်လည်ရုပ်သိမ်းပြီးနောက် ယူကရိန်းသမ္မတနှင့် ပြည်သူများ ကို ထောက်ခံကြောင်း ပြသလိုသည့်အတွက် ကျူးကျော်စစ် စတင်စဉ်ကတည်းက ဥရောပခေါင်းဆောင်များသည် ကိယက်ဗ် မြို့တော်သို့ အဆက်မပြတ် ရောက်ရှိလာခဲ့ကြသည်။

ယခင် သီတင်းပတ်ကလည်း ကိယက်ဗ်သို့ ဗြိတိန်ဝန်ကြီးချုပ် ဘောရစ် လာရောက် လည်ပတ်ခဲ့ပြီး ဖြစ်သည်။

Source: Reuters