နိင်ငံရေး

: By CNI News; Category: နိုင်ငံရေး; Hits: 2108

CNI News

၂၀၂၂ ခုနှစ်၊ ဧပြီ ၃၀

ဖက်ဒရယ်ပြည်ထောင်စု တည်ဆောက်ရေး ဘုံရည်မှန်းချက်တူသည့် လက်နက်ကိုင်အဖွဲ့ အချင်းချင်း တိုက်ခိုက်မှု မဖြစ်စေချင် ကြောင်း ရှမ်းနီအမျိုးသားများတပ်မတော်(SNA) ပြောရေးဆိုခွင့်ရှိသူ စိုင်းအောင်မိန်းက CNI သတင်းဌာနသို့ ပြောသည်။

စစ်ကိုင်းတိုင်းဒေသကြီး၊ ဖောင်းပြင်မြို့နယ် အခြေစိုက် ဖောင်းပြင် ပြည်သူ့ကာကွယ်ရေးတပ်(PDF)က အမျိုးသားညီညွတ်ရေး အစိုးရ(NUG)၏ အုပ်ချုပ်မှုနယ်မြေတွင် အခွန်ကောက်ခံခြင်း မလုပ်ရန် ဧပြီ ၂၆ ရက်က ထုတ်ပြန်ခဲ့သည်။ထို့နောက် အဆိုပါ လှုပ်ရှားနယ်မြေတွင်ရှိသည့် SNA နှင့် ထိတွေ့လာမည်ကို စိုးရိမ်မှုများရှိခဲ့သည်။

ရှမ်းနီဒေသထံသို့ လာရောက် လှုပ်ရှားသည့် အဖွဲ့များအနေနှင့်လည်း ဒေသခံ တိုင်းရင်းသား လက်နက်ကိုင်များနှင့် သင့်တင့်မျှတအောင် လှုပ်ရှားရန်လိုကြောင်း SNA ၏ ပြောရေးဆိုခွင့်ရှိသူ စိုင်းအောင်မိန်းက ပြောသည်။

စိုင်းအောင်မိန်းက “ကေအိုင်အေက PDF တွေကို သင်တန်းပေးပြီးတော့မှ နယ်မြေတိုးချဲ့လာတဲ့ အနေအထားအရ သူတို့ အနေနဲ့ ပြောရင်တော့ PDF တွေ တိုက်တာပဲပေါ့၊ ဒါပေမယ်လို့ ကေအိုင်အေက နောက်ကွယ်မှာ ပါနေတယ်ဆိုတာ ကျနော်တို့ သုံးသပ်မိပါတယ်၊ စွပ်စွဲတာတော့ မဟုတ်ဘူး သုံးသပ်မိပါတယ်၊ တိုင်းရင်းသား လက်နက်ကိုင် တပ်အချင်းချင်း ပြဿနာ မဖြစ် တာ အကောင်းဆုံးပဲလို့ ကျနော်တို့အနေနဲ့ ပြောချင်တယ်ဗျ၊ စစ်ကောင်စီကို တိုက်နေတဲ့ PDF တွေ အနေနဲ့လည်း တိုင်းရင်း သား လက်နက်ကိုင်တွေနဲ့ သင့်တင့်မျှတအောင် နေထိုင်သွားလာ လှုပ်ရှားနိုင်ရင်တော့ အကောင်းဆုံးပဲလို့ ကျနော်တို့ အနေနဲ့ မြင်တယ်ပေါ့နော်၊ ဒါမျိုးပဲ ဖြစ်စေချင်တယ်၊ ဘာကြောင့်လဲဆိုတော့ ဖက်ဒရယ်ပြည်ထောင်စု တည်ဆောက်ရေးဆိုတဲ့ ဘုံရည် မှန်းချက်က တူနေတာကိုး၊ ဘုံရည်မှန်းချက် တူနေတဲ့အခါ ဖက်ဒရယ်လမ်းစဉ်အရဆိုရင် ကျနော်တို့ လက်နက်ကိုင်တပ်တွေ အချင်းချင်းက တစ်ယောက်နဲ့တစ်ယောက် တိုက်ခိုက်တာမျိုး မဖြစ်စေချင်ဘူးပေါ့ဗျာ” ဟု ပြောသည်။

ထို့နောက် SNA သည် လက်ရှိ နိုင်ငံရေး အကျပ်အတည်းကာလတွင် ဒေသတည်ငြိမ်အေးချမ်းရေးကို ထိန်းသိမ်း ဆောင်ရွက် ရန် ရည်မှန်းချက်ထား ဆောင်ရွက်နေကြောင်း ၎င်းက ပြောသည်။

စိုင်းအောင်မိန်းက “နိုင်ငံရေး အကျပ်အတည်းကာလမှာ ကိုယ့်ဒေသကိုယ် တည်ငြိမ်အေးချမ်းအောင် တည်ငြိမ်အေးချမ်းတဲ့ ဒေသတစ်ခု ဖြစ်အောင်ပဲ ထိန်းသိမ်းပြီး ဆောင်ရွက်သွားဖို့ လောလောဆယ် ရည်မှန်းချက်ထားပါတယ်၊ ဘာလို့လဲဆိုတော့ လက်ရှိ နိုင်ငံရေးပြဿနာက တော်တော်လေးကို ပြောရခက်တဲ့ အနေအထားမှာ ရှိနေတဲ့ အခါကျတော့ ဒါကို ကျနော်တို့က ကိုယ့်ဒေသကို တည်ငြိမ်အေးချမ်းအောင် ထိန်းထိန်းသိမ်းသိမ်း လုပ်ကိုင်သွားဖို့ပဲ ရည်မှန်းထားတယ် လောလောဆယ်ပေါ့ နော်” ဟု ပြောသည်။

တော်လှန်ရေးကာလ မူ(၅)ချက် ချမှတ်ထားကြောင်း၊ ရှမ်းနီပြည်နယ်ရရှိရေး၊ စစ်မှန်တဲ့ ဖက်ဒရယ်ပြည်ထောင်စုစနစ် ပေါ် ထွန်းလာရေး၊ မူးယစ်ဆေးဝါး တိုက်ဖျက်ရေး၊ မြန်မာပြည်မြောက်ပိုင်း ဒေသရှိ ပြည်သူလူထုတစ်ရပ်လုံး ဘက်စုံ ဖွံ့ဖြိုး တိုးတက်ရေးနှင့် ငြိမ်းချမ်းစွာ အတူယှဉ်တွဲ နေထိုင်ရေး၊ ရှမ်းမျိုးနွယ်စုအားလုံး စည်းလုံးညီညွတ်ရေး စသည့် မူငါးချက်ကို ချမှတ်ထားကြောင်း SNA ထံမှ သိရသည်။

ဖောင်းပြင်(PDF)က ဖောင်းပြင်မြို့နယ်သည် NUG ၏ အခွန်အကောက် နယ်မြေဖြစ်ကြောင်းနှင့် NUG ကသာလျှင် ဥပဒေနှင့် အညီ အခွန် ကောက်ခံပိုင်ခွင့်ရှိကြောင်း၊ ပြည်သူနှင့် သဟဇာတ မဖြစ်သော မည်သည့် ကောက်ခံမှုမျိုးကိုမဆို ပြည်သူတို့၏ အကျိုးစီးပွား အလို့ငှာ ကာကွယ်ပေးသွားမည်ဖြစ်ကြောင်း ထုတ်ပြန်ခဲ့သည်။

အဆိုပါ ထုတ်ပြန်မှုအပေါ် ပြည်တွင်း/ပြည်ပ ရှမ်းအဖွဲ့အစည်းများက ကန့်ကွက်ကြောင်း ကြေညာချက်များ ထုတ်ပြန်ခဲ့သည်။

NUG ၏ လက်နက်ကိုင် တပ်တစ်ခုဖြစ်သည့် ဖောင်းပြင် PDF သည် မီဒီယာအသာစီး ရမှုအားကိုယူ၍ SNA အား တပ်မတော် (စစ်အုပ်စု)နှင့် ပူးပေါင်းနေသယောင်ဖြင့် ပြည်သူလူထု အထင်အမြင် လွဲမှားစေမည့် အသုံးအနှုန်းများ ပါဝင်သည့် ကြေညာ ချက်အား ထုတ်ပြန်ခဲ့ခြင်းအပေါ် မိမိတို့အနေဖြင့် ပြင်းပြင်းထန်ထန် ကန့်ကွက်ကြောင်း ထုတ်ပြန်ခဲ့သည်။

ရှမ်းနီအမျိုးသားများတပ်မတော်(SNA)သည် စစ်ကိုင်းတိုင်းအထက်ပိုင်း ဟုမ္မလင်းမြိုနယ်၊ ခန္တီးမြို့နယ်၊ ပင်လယ်ဘူး-ဖောင်း ပြင် ဒေသအပြင် အိန္ဒိယနယ်စပ်တစ်လျှောက်နှင့် ကချင်ပြည်နယ်တို့တွင် လှုပ်ရှားနေသည့် တိုင်းရင်းသားလက်နက်ကိုင်အဖွဲ့ ဖြစ်သည်။

: By CNI; Category: Watch TV; Hits: 706

: By CNI; Category: Watch TV; Hits: 689

: By CNI; Category: Watch TV; Hits: 696

: By CNI; Category: Watch TV; Hits: 689

: By CNI; Category: Watch TV; Hits: 714

: By CNI; Category: Watch TV; Hits: 669

: By CNI; Category: Watch TV; Hits: 694

: By CNI News; Category: နိုင်ငံရေး; Hits: 1673

CNI News
၂၀၂၂ ခုနှစ်၊ ဧပြီ ၂၈

ကျောင်းသားလက်ရုံးတပ်တော်(SAF) တည်ထောင်ခြင်း တစ်နှစ်ပြည့် (တပ်တော်နေ့) အခမ်းအနားကို ဧပြီ ၂၇ ရက်က ကျင်းပခဲ့ကြောင်း ယနေ့(ဧပြီ ၂၈ ရက်)ထုတ်ပြန်ခဲ့သည်။

အဆိုပါ စစ်ရေးပြခြင်း၊ မဟာမိတ်များမှ သဝဏ်လွှာများဖတ်ကြားခြင်း၊ တပ်တော်ဘောလုံးပွဲ ဗိုလ်လုပွဲကျင်းပခြင်း၊ Show Debate အစီအစဥ်၊ ဆုပေးပွဲအစီအစဥ်များနှင့် ညစာစားပွဲ အစီအစဥ် တို့ဖြင့် ကျင်းပခဲ့ကြောင်း ကျောင်းသားလက်ရုံးတပ်တော်(SAF)က ထုတ်ပြန်ခဲ့သည်။

ဓာတ်ပုံ- ကျောင်းသားလက်ရုံးတပ်တော်(SAF)

: By CNI; Category: Watch TV; Hits: 854

: By CNI; Category: နိုင်ငံရေး; Hits: 1552

CNI International News

ဝါရှင်တန်၊ ဧပြီ ၂၈

အမေရိကန်သမ္မတ ဂျိုးဘိုင်ဒန်သည် ယမန်နှစ် အာဏာရပြီးနောက်ပိုင်း လာမည့်မေလ၌ တောင်ကိုရီးယားနှင့် ဂျပန်နိုင်ငံတို့သို့ ၎င်း၏ပထမဆုံးခရီးစဉ်အဖြစ် သွားရောက်မည်ဖြစ်ပြီး တရုတ်နှင့်မြောက်ကိုရီးယားတို့၏ ခြိမ်းခြောက်မှုကြီးထွားလာခြင်းအပေါ် မဟာမိတ်များနှင့် တိုင်ပင်ဆွေးနွေးသွားရန်စီစဉ်ထားသည်ဟု အေပီ သတင်းအရ သိရသည်။

ဘိုင်ဒန်၏ခရီးစဉ်မှာ မေလ ၂၀ ရက်မှ ၂၄ ရက်အထိဖြစ်ကြောင်း အိမ်ဖြူတော်သတင်းပြန်ကြားရေးတာဝန်ခံ ဂျန်ဆာကီ (Jen Psaki) က ကြေညာခဲ့သည်။ တောင်ကိုရီးယားနှင့် ဂျပန်တို့သည် မဟာမိတ် နှစ်နိုင်ငံစလုံး အနေဖြင့် အမေရိကန်စစ်အင်အားကို လက်ခံခင်းကျင်းလိုကြသည်။

မြောက်ကိုရီးယားက ၎င်း၏နျူကလီးယားဒုံးကျည်စမ်းသပ်မှု အရှိန်မြှင့်လုပ်ဆောင်နေချိန်၊ တရုတ်က ဒေသတွင်း ပိုမိုခိုင်မာအားကောင်းလာချိန်နှင့် တိုက်ဆိုင်လျက် ယခုခရီးစဉ်ကိစ္စ စီစဉ်ခဲ့ခြင်းဖြစ်သည်ဟု သိရသည်။

ဘိုင်ဒန်သည် ကိုရီးယားသမ္မတနိုင်ငံ(တောင်ကိုရီးယား၏တရားဝင်အမည်)မှ အသစ်ရွေးကောက်ခံ သမ္မတ ယွန်ဆော့ရွဲ၊ ဂျပန်ဝန်ကြီးချုပ်သစ် ကီရှီဒါဖူမီယိုတို့နှင့် သီးခြားစီ တွေ့ဆုံသွားမည်ဟု ဂျန်ဆာကီက သတင်း ထောက်များကို ပြောကြားခဲ့သည်။

တိုကျိုမြို့တော်တွင် ဘိုင်ဒန်သည် ဩစတြေးလျ၊ ဂျပန်၊ အိန္ဒိယတို့ ပါဝင်ကြသည့် Quad ဟုခေါ်သော အဖွဲ့နှင့် တွေ့ဆုံမည်ဖြစ်သည်။ ထိုအဖွဲ့သည် အင်ဒို-ပစိဖိတ်ဒေသတွင်း တရုတ်နိုင်ငံကို ထိန်းရန်အတွက် ပိုမို အားကောင်း သည့် မိတ်ဖက်နိုင်ငံများအနေဖြင့် ထူထောင်ထားခြင်းဖြစ်သည်။

အဆိုပါအာရှခရီးစဉ်သည် ဘိုင်ဒန်၏ စတုတ္ထမြောက် နိုင်ငံခြားခရီးစဉ်လည်းဖြစ်သည်။
ဘိုင်ဒန်သည် ယူကရိန်းသို့ ရုရှားကျူးကျော်ပြီးနောက် မတ်လထဲ၌ အရှေ့ဥရောပဒေသရှိ ပိုလန်နှင့် ဘယ်လ်ဂျီယံ နိုင်ငံများသို့ သွားရောက်ခဲ့သည်။

Source: AP