CNI News
၂၀၂၂ ခုနှစ်၊ ဧပြီ ၂၈

ကျောင်းသားလက်ရုံးတပ်တော်(SAF) တည်ထောင်ခြင်း တစ်နှစ်ပြည့် (တပ်တော်နေ့) အခမ်းအနားကို ဧပြီ ၂၇ ရက်က ကျင်းပခဲ့ကြောင်း ယနေ့(ဧပြီ ၂၈ ရက်)ထုတ်ပြန်ခဲ့သည်။

အဆိုပါ စစ်ရေးပြခြင်း၊ မဟာမိတ်များမှ သဝဏ်လွှာများဖတ်ကြားခြင်း၊ တပ်တော်ဘောလုံးပွဲ ဗိုလ်လုပွဲကျင်းပခြင်း၊ Show Debate အစီအစဥ်၊ ဆုပေးပွဲအစီအစဥ်များနှင့် ညစာစားပွဲ အစီအစဥ် တို့ဖြင့် ကျင်းပခဲ့ကြောင်း ကျောင်းသားလက်ရုံးတပ်တော်(SAF)က ထုတ်ပြန်ခဲ့သည်။

ဓာတ်ပုံ- ကျောင်းသားလက်ရုံးတပ်တော်(SAF)

ဓာတ်ပုံ- ကျောင်းသားလက်ရုံးတပ်တော်(SAF)

ဓာတ်ပုံ- ကျောင်းသားလက်ရုံးတပ်တော်(SAF)

ဓာတ်ပုံ- ကျောင်းသားလက်ရုံးတပ်တော်(SAF)

CNI International News

ဝါရှင်တန်၊ ဧပြီ ၂၈

အမေရိကန်သမ္မတ ဂျိုးဘိုင်ဒန်သည် ယမန်နှစ် အာဏာရပြီးနောက်ပိုင်း လာမည့်မေလ၌ တောင်ကိုရီးယားနှင့် ဂျပန်နိုင်ငံတို့သို့ ၎င်း၏ပထမဆုံးခရီးစဉ်အဖြစ် သွားရောက်မည်ဖြစ်ပြီး တရုတ်နှင့်မြောက်ကိုရီးယားတို့၏ ခြိမ်းခြောက်မှုကြီးထွားလာခြင်းအပေါ် မဟာမိတ်များနှင့် တိုင်ပင်ဆွေးနွေးသွားရန်စီစဉ်ထားသည်ဟု အေပီ သတင်းအရ သိရသည်။

ဘိုင်ဒန်၏ခရီးစဉ်မှာ မေလ ၂၀ ရက်မှ ၂၄ ရက်အထိဖြစ်ကြောင်း အိမ်ဖြူတော်သတင်းပြန်ကြားရေးတာဝန်ခံ ဂျန်ဆာကီ (Jen Psaki) က ကြေညာခဲ့သည်။ တောင်ကိုရီးယားနှင့် ဂျပန်တို့သည် မဟာမိတ် နှစ်နိုင်ငံစလုံး အနေဖြင့် အမေရိကန်စစ်အင်အားကို လက်ခံခင်းကျင်းလိုကြသည်။

မြောက်ကိုရီးယားက ၎င်း၏နျူကလီးယားဒုံးကျည်စမ်းသပ်မှု အရှိန်မြှင့်လုပ်ဆောင်နေချိန်၊ တရုတ်က ဒေသတွင်း ပိုမိုခိုင်မာအားကောင်းလာချိန်နှင့် တိုက်ဆိုင်လျက် ယခုခရီးစဉ်ကိစ္စ စီစဉ်ခဲ့ခြင်းဖြစ်သည်ဟု သိရသည်။

ဘိုင်ဒန်သည် ကိုရီးယားသမ္မတနိုင်ငံ(တောင်ကိုရီးယား၏တရားဝင်အမည်)မှ အသစ်ရွေးကောက်ခံ သမ္မတ ယွန်ဆော့ရွဲ၊ ဂျပန်ဝန်ကြီးချုပ်သစ် ကီရှီဒါဖူမီယိုတို့နှင့် သီးခြားစီ တွေ့ဆုံသွားမည်ဟု ဂျန်ဆာကီက သတင်း ထောက်များကို ပြောကြားခဲ့သည်။

တိုကျိုမြို့တော်တွင် ဘိုင်ဒန်သည် ဩစတြေးလျ၊ ဂျပန်၊ အိန္ဒိယတို့ ပါဝင်ကြသည့် Quad ဟုခေါ်သော အဖွဲ့နှင့် တွေ့ဆုံမည်ဖြစ်သည်။ ထိုအဖွဲ့သည် အင်ဒို-ပစိဖိတ်ဒေသတွင်း တရုတ်နိုင်ငံကို ထိန်းရန်အတွက် ပိုမို အားကောင်း သည့် မိတ်ဖက်နိုင်ငံများအနေဖြင့် ထူထောင်ထားခြင်းဖြစ်သည်။

အဆိုပါအာရှခရီးစဉ်သည် ဘိုင်ဒန်၏ စတုတ္ထမြောက် နိုင်ငံခြားခရီးစဉ်လည်းဖြစ်သည်။
ဘိုင်ဒန်သည် ယူကရိန်းသို့ ရုရှားကျူးကျော်ပြီးနောက် မတ်လထဲ၌ အရှေ့ဥရောပဒေသရှိ ပိုလန်နှင့် ဘယ်လ်ဂျီယံ နိုင်ငံများသို့ သွားရောက်ခဲ့သည်။

Source: AP

CNI News

၂၀၂၂ ခုနှစ်၊ ဧပြီ ၂၇

မြန်မာနိုင်ငံအနှံ့တွင် တိုက်ပွဲများနှင့် အပြန်အလှန် ပစ်ခတ်မှုများကြောင့် နေရပ်စွန့်ခွာနေရသူ တိုက်ပွဲရှောင်ဦးရေ ၁,၃၀၈,၀၈၉ ရှိလာကြောင်း IDP Myanmar ၏ ယနေ့ (ဧပြီ ၂၇ ရက်) ထုတ်ပြန်ချက်အရ သိရသည်။

၂၀၂၁ ခုနှစ်၊ ဖေဖော်ဝါရီ ၁ ရက်နေ့မှ ၂၀၂၂ ခုနှစ်၊ ဧပြီ ၂၅ ရက်အထိ လက်နက်ကိုင်ပဋိပက္ခကြောင့် နေရပ်စွန့်ခွာနေရသူ ၈၁၀,၈၈၉ ရှိလာကြောင်း၊ ထိုမတိုင်ခင် တိုက်ပွဲရှောင် အရေအတွက် ၄၉၇,၂၀၀ ဦးရှိနေခြင်းကြောင့် လက်ရှိတွင် စုစုပေါင်း တိုက်ပွဲရှောင်ဦးရေ ၁,၃၀၈,၀၈၉ ရှိလာကြောင်း ဖော်ပြထားသည်။

၂၀၂၂ ခုနှစ်၊ ဧပြီလ တစ်လအတွင်း တိုက်ပွဲရှောင်ဦးရေ ၅၈,၀၀၀ ကျော် တိုးလာကြောင်း IDP Myanmar ၏ ထုတ်ပြန်ချက်အရ သိရသည်။

လက်ရှိ တိုက်ပွဲရှောင်များမှာ ဘင်္ဂလားဒေ့ရှ်၊ အိန္ဒိယနှင့် ထိုင်း စသည့် အိမ်နီးချင်းနိုင်ငံများ၏ နယ်စပ်များရှိ တိုက်ပွဲရှောင် စခန်းများတွင် ၁,၀၀၂,၀၀၀ ဦးအထိ ရှိနေကြောင်း သိရသည်။

နေအိမ်များ မီးရှို့ခံထားရ

စစ်ကိုင်းတိုင်းတွင် တိုက်ပွဲရှောင်ဦးရေ ၂၄၁,၀၅၀ ဦးဖြင့် အများဆုံးရှိနေကြောင်း၊ ကယားပြည်နယ်တွင် ၂၀၄,၁၁၅ ဦးဖြင့် ဒုတိယအများဆုံးဖြစ်ကြောင်း IDP Myanmar ၏ ထုတ်ပြန်ချက်အရ သိရသည်။

ဧပြီလအတွင်း စစ်ကိုင်းတိုင်းအတွင်းမှ ခင်ဦး၊ မင်းကင်း၊ အရာတော်၊ ကလေး၊ ဝန်းသိုမြို့နယ်များတွင် နှစ်ဖက်တိုက်ပွဲများ၊ နေအိမ် မီးရှို့ဖျက်ဆီးမှုများကြောင့် ဒေသခံများ ဘေးလွတ်ရာ ထွက်ပြေးတိမ်းရှောင်ခဲ့ရသည်ဟု ဖော်ပြထားသည်။

၂၀၂၁ ခုနှစ်၊ ဖေဖော်ဝါရီ ၁ ရက်နောက်ပိုင်း တိုင်းရင်းသား လက်နက်ကိုင် အဖွဲ့အစည်းများ (EAOs)၊ ဒေသကာကွယ်ရေးတပ် (PDF/LDF/CDF/CNDF/KNDF စသည်ဖြင့်)နှင့် တပ်မတော်တို့အကြား အပြန်အလှန် ပစ်ခတ်မှုများကြောင့် နေရပ်စွန့်ခွာ ထွက် ပြေး တိမ်းရှောင်ရသူများ ပိုမိုများပြားလာသလို လူသားချင်း စာနာထောက်ထားမှုဆိုင်ရာ အကူအညီများလည်း အရေးပေါ် လိုအပ်နေကြောင်း IDP Myanmar ၏ ထုတ်ပြန်ချက်တွင် ဖော်ပြထားသည်။

CNI News

၂၀၂၂ ခုနှစ်၊ ဧပြီ ၂၇

ရှမ်းပြည်နယ်မြောက်ပိုင်း နမ့်ဆန်မြို့နယ်တွင် ပလောင်ပြည် လွတ်မြောက်ရေးတပ်ဦး(PSLF/TNLA)က ဖမ်းဆီးသွားသည့် ကျောက်မဲခရိုင် တရားသူကြီးချုပ် အပါအဝင် လူ ၉ ဦးကို စစ်ဆေးနေဆဲဖြစ်ကြောင်း TNLA မှ ပြောရေးဆိုခွင့်ရှိသူ ဗိုလ်မှူး မိုင်းအိုက်ကျော်က CNI သတင်းဌာနသို့ ပြောသည်။

ပြီးခဲ့သည့် ဧပြီ ၁၉ ရက်က TNLA တပ်ဖွဲ့ဝင်များသည် နမ့်ဆန်မြို့နယ်အတွင်းမှာ မူးယစ်ဆေးဝါး ရောင်းဝယ်ဖောက်ကားရေး အခြေအနေများကို စစ်ဆေးနေစဉ် ကျောက်မဲခရိုင်တရားသူကြီးချုပ် အပါအဝင် လူ ၉ ဦးက နမ့်ဆန်မြို့သို့ ရုံးဖွင့်ပွဲ တစ်ခုကို တက်ရောက်ရန်အလာ လမ်းမှာ တွေ့ရှိ၍ ဖမ်းဆီး ခေါ်ဆောင်သွားကြောင်း သိရသည်။

“လောလောဆယ်တော့ ဘာမှ စိစစ်တာတော့ အသေးစိတ် ပြန်မတက်သေးဘူး၊ သူတို့ရဲ့ ဒီကျန်းမာရေး၊ လုံခြုံမှုကတော့ ဘာမှ စိုးရိမ်စရာ မရှိဘူး၊ စီစဉ်ဆုံးဖြတ် ထားတာလည်း မရှိသေးဘူး၊ အသေးစိတ်ကတော့ မတက်လာသေးဘူး။ ဆုံးဖြတ်ချက် ဘယ်လိုချမလဲ မသိသေးဘူး” ဟု ပြောသည်။

TNLA တပ်ဖွဲ့ကိုတွေ့ရစဉ်

ဖမ်းဆီး ထိန်းသိမ်း ခံထားရသူများမှာ ကျောက်မဲခရိုင် တရားသူကြီးချုပ် ဦးမောင်မောင်အေးနှင့် ဇနီးဖြစ်သူ ဒေါ်ခင်ဌေးရီ၊ တရားသူကြီး ၂ ဦး၊ ဥပဒေအရာရှိ ၁ ဦး၊ ဦးစီးရုံးစာရေး ၁ ဦး၊ ရှေ့နေ ၂ ဦး၊ အငယ်တန်း စာရေး ၁ ဦးတို့ ဖြစ်ကြောင်း သိရသည်။

TNLA သည် ရှမ်းပြည်နယ်မြောက်ပိုင်း၊ နမ့်ခမ်း၊ မူဆယ်၊ ကွတ်ခိုင်၊ သီပေါ၊ လားရှိုး၊ ကျောက်မဲ၊ နမ့်ဆန်၊ နမ္မတူ စသည့် မြို့နယ် များ အပါအဝင် မန္တလေး တိုင်းဒေသကြီး၊ မိုးကုတ်မြို့နယ်တို့တွင် လှုပ်ရှားလျက်ရှိသော ပလောင်လက်နက်ကိုင်အဖွဲ့ ဖြစ် သည်။

အဆိုပါ TNLA အဖွဲ့သည် အစိုးရနှင့် ပဏာမ အပစ်အခတ်ရပ်စဲရေး သဘောတူစာချုပ် (Bilateral) ထိုးနိုင်ရေး ဆွေးနွေးညှိနှိုင်း မှုများ ရှိနေသော အဖွဲ့ဖြစ်သည်။