CNI News
၂၀၂၅ ခုနှစ်၊ မတ်လ ၂
ဦးသိန်းစိန်နှင့် ဒေါ်အောင်ဆန်းစုကြည် အစိုးရလက်ထက်များတွင် ငြိမ်းချမ်းရေး လုပ်ငန်းစဉ်များ၌ ပါဝင်လုပ်ကိုင် ခဲ့သူများကို နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြည်ထောင်စုစည်သူသင်္ဂဟဘွဲ့ (စည်သူဘွဲ့)ပေးအပ် ကြောင်း ၂၀၂၅ ခုနှစ်၊ မတ်လ ၂ ရက်တွင် ထုတ်ပြန်ခဲ့သည်။
နိုင်ငံတော်ဖွံ့ဖြိုးတိုးတက်ရေးအတွက် လုပ်ငန်းနယ်ပယ်အလိုက် ထူးချွန်ပြောင်မြောက်စွာ ကြိုးပမ်း ဆောင်ရွက်ခဲ့ ကြ၍ စည်သူဘွဲ့ပေးအပ်ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။
နစကမှ စည်သူဘွဲ့ ပေးအပ်ခဲ့သူများမှာ ဦးဝဏ္ဏမောင်လွင် (နစကအဖွဲ့ဝင်)၊ ဦးသန်းဆွေ (နစက- နိုင်ငံခြားရေးဝန် ကြီး)၊ ဦးအောင်သောင်း (အဖွဲ့ခေါင်းဆောင်(ငြိမ်း)- ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့)၊ ဦးအောင်မင်း(ဒုဥက္ကဋ္ဌ(ငြိမ်း)- ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ)၊ ဦးသိန်းဇော် (ဒုဥက္ကဋ္ဌ (ငြိမ်း)- UPWC)၊ ဦးခင်မောင်စိုး (အဖွဲ့ဝင်(ငြိမ်း)- ပြည်ထောင်စုအဆင့်ငြိမ်းချမ်းရေးဆွေးနွေးရေးအဖွဲ့)တို့ ဖြစ်သည်။
ထို့ပြင် ပြည်ထောင်စုအဆင့်ငြိမ်းချမ်းရေးဆွေးနွေးရေးအဖွဲ့မှ အဖွဲ့ဝင် ဒုတိယဗိုလ်ချုပ်ကြီးသက်နိုင်ဝင်း(ငြိမ်း)၊ ငြိမ်းချမ်းရေးကော်မရှင်မှ အတွင်းရေးမှူး ဒုတိယဗိုလ်ချုပ်ကြီး ခင်ဇော်ဦး(ငြိမ်း)၊ ပြည်ထောင်စုငြိမ်းချမ်းရေးဆွေး နွေးမှုပူးတွဲကော်မတီမှ အဖွဲ့ဝင် ဒုတိယဗိုလ်ချုပ်ကြီးမြင့်စိုး(ငြိမ်း)တို့ဖြစ်သည်။
