CNI Sport News
၂၀၂၆ ခုနှစ်၊ ဖေဖော်ဝါရီ ၂၇
ပေါ်တူဂီနဲ့ အယ်လ်နာဆာအသင်း ခေါင်းဆောင် ရော်နယ်လ်ဒိုဟာ စပိန်ဒုတိယတန်းကလပ် အယ်လ်မီရီယာ အသင်းရဲ့ ရှယ်ယာ ၂၅ ရာခိုင်နှုန်းကို ဝယ်ယူခဲ့ပါတယ်။
စီရော်နယ်လ်ဒိုဟာ သူ့ရဲ့ CR7 Sports Investments ကုမ္ပဏီကနေတဆင့် အယ်လ်မီရီယာအသင်းရဲ့ ရှယ်ယာ တွေကို ဝယ်ယူခဲ့တာဖြစ်ပြီး ဝယ်ယူခဲ့တဲ့ ငွေကြေးဆိုင်ရာ အချက်အလက်တွေကိုတော့ ထုတ်ဖော် ပြောကြား ထားခြင်း မရှိပါဘူး။
ဒီဝယ်ယူမှုကို ရော်နယ်လ်ဒိုရဲ့ ရေရှည်မဟာဗျူဟာ ရင်းနှီးမြှုပ်နှံမှုအဖြစ် သတ်မှတ်ခဲ့ကြပါတယ်။
ရော်နယ်လ်ဒိုက “ကွင်းပြင်ပ ဘောလုံးအတွက် ပံ့ပိုးကူညီဖို့ ကျနော် ရည်မှန်းထားခဲ့တာ ကြာပါပြီ။ အယ်လ်မီရီယာ ဟာ ခိုင်မာတဲ့ အခြေခံအုတ်မြစ်နဲ့ တိုးတက်ဖို့ အလားအလာရှိတဲ့ စပိန်ကလပ် တစ်ခုပါ။ ကလပ်ကို ဦးဆောင်နေတဲ့ အဖွဲ့နဲ့ လက်တွဲလုပ်ပြီး အသင်းကို တိုးတက်မှုတွေ ရရှိစေချင်တယ်”လို့ ထုတ်ပြန်ခဲ့တဲ့ ကြေညာချက်ထဲမှာ ဖော်ပြ ထားပါတယ်။
ရော်နယ်လ်ဒိုဟာ ကစားသမားဘဝကနေ အနားယူပြီးရင် ဘောလုံးအသင်း တစ်သင်းရဲ့ ပိုင်ရှင်ဖြစ်ချင်တဲ့ သူ့ရဲ့ ဆန္ဒကို အရင်က ထုတ်ပြောခဲ့ဖူးပါတယ်။
ရော်နယ်လ်ဒိုကို တွေ့ရစဉ်
အခုအချိန်မှာတော့ ရော်နယ်လ်ဒိုဟာ အယ်လ်မီရီယာအသင်းရဲ့ ပိုင်ရှင် အစိတ်အပိုင်းအနေနဲ့ သူ့ရဲ့ပထမဆုံး ခြေလှမ်းကို စတင်ခဲ့တာဖြစ်ပါတယ်။
အယ်လ်မီရီယာအသင်းနည်းပြ ရူဘီက ရော်နယ်လ်ဒို အသင်းရဲ့ ရှယ်ယာရှင် ဖြစ်လာတာဟာ ကလပ်တစ်ခုလုံး၊ မြို့နဲ့ပြည်နယ်အတွက် စိတ်လှုပ်ရှားဖွယ် သတင်းလို့ ပြောခဲ့တာပါ။
ရော်နယ်လ်ဒိုဟာ တစ်နေ့မှာ အယ်လ်မီရီယာအသင်းအတွက် ကစားပေးနိုင် မလားဆိုတဲ့ မေးခွန်းနဲ့ပတ်သက်ပြီး ရူဘီက ဒါဟာ သူ့အတွက် မေးခွန်းဖြစ်ပြီး သူသာ ကစားချင်တယ်ဆိုရင် ဘယ်နည်းပြဖြစ်ဖြစ် လက်ကမ်း ကြိုဆို သွားမှာပါလို့ ပြောခဲ့ပါတယ်။
၂၀၂၄ ခုနှစ်၊ ဧပြီလမှာ စပိန်ဒုတိယတန်းကို တန်းဆင်းခဲ့တဲ့ အယ်လ်မီရီယာအသင်းဟာ လာမယ့် ရာသီလာလီဂါ ပြိုင်ပွဲထံ တန်းပြန်တက်နိုင်မယ့် လမ်းကြောင်းပေါ်မှာ ရှိနေပါတယ်။
Source: ESPN
