၂၀၂၁ ခုနှစ်၊ ဒီဇင်ဘာ ၂၉
လက်စတာအသင်းကို ရှုံးနိမ့်ခဲ့တဲ့ပွဲမှာ လီဗာပူးလ်အသင်းရဲ့ ကစားပုံဟာ အလွန်ဆိုးရွားခဲ့တယ်လို့ နည်းပြ ကလော့ပ်က ဝန်ခံလိုက်ပါတယ်။
လီဗာပူးလ် အသင်းဟာ ဒီပွဲမှာ လက်စတာအသင်းကို (၁)ဂိုး-ဂိုးမရှိနဲ့ ရှုံးနိမ့်ခဲ့တာဖြစ်ပြီး လက်စတာအတွက် တစ်လုံးတည်း သော ဂိုးကို လွတ်ခ်မန်းက သွင်းယူခဲ့တာပါ။ လီဗာပူးလ်ကတော့ ပွဲချိန် (၁၆)မိနစ်မှာ ပင်နယ်တီရခဲ့ပေမယ့် ဆာလတ်ရဲ့ ကန်သွင်းမှုကို လက်စတာ ဂိုးသမား ကတ်စပါရှမိုက်ကယ်က ကာကွယ်သွားနိုင်ခဲ့လို့ ပြန်ထွက်လာတဲ့ ဘောလုံးကို ဆာလတ် က နောက်တဆင့်အနေနဲ့ ခေါင်းတိုက်သွင်းခဲ့ပေမယ့် တိုင်ထိထွက်သွားလို့ ဂိုးအဖြစ် မဖန်တီးနိုင်ဘဲ ဖြစ်ခဲ့ပါတယ်။
လီဗာပူးလ် အသင်းဟာ ဒီရှုံးပွဲကြောင့် ထိပ်ဆုံးနေရာက မန်စီးတီးအသင်းနဲ့ ၆ မှတ် ကွာဟသွားခဲ့ပြီး ဆုဖလားအတွက် ပြိုင်ဆိုင်မှုမှာ ကြီးမားတဲ့ ထိခိုက်မှု ဖြစ်ခဲ့တာပါ။
ကလော့ပ်က “ကျနော်တို့ဟာ တကယ်ကို ဆိုးရွားတဲ့ ကစားပွဲကို ကစားခဲ့တာဖြစ်ပြီး ဒါကြောင့်လည်း ရှုံးနိမ့်ဖို့ ထိုက်တန်ခဲ့တာ ပါ။ ကျနော်တို့ရဲ့ ဆုံးဖြတ်ချက်တွေဟာ တကယ်ကို ညံ့ဖျင်းခဲ့ကြပါတယ်။ ကံကောင်းမှု အနည်းငယ်တွေတောင် ပျောက်ဆုံး သွားတာ ဖြစ်နိုင်ပါတယ်။ ကျနော်တို့ဟာ အစပိုင်းမှာ အဆင်ပြေခဲ့ပေမယ့် နောက်ပိုင်းမှာ ကျနော်တို့ရဲ့ စည်းချက်တွေဟာ လုံးဝ ဆုံးရှုံးသွားခဲ့ပြီး ပြန် မရတော့ပါဘူး”လို့ ပြောခဲ့တာပါ။
လီဗာပူးလ် နောက်ခံလူ ဗန်ဒိုက်ကလည်း အသင်းရဲ့ ကစားပုံကို အလွန်စိတ်ပျက်နေခဲ့တာပါ။
ပုံ-လီဗာပူးလ်နည်းပြ ကလော့ပ်ကိုတွေ့ရစဉ်(Yahoo Sport)
“မန်စီးတီး၊၊ ချယ်လ်ဆီးနဲ့ ကျနော်တို့ ပတ်ဝန်းကျင်က အခြားအသင်းတွေကို ကြည့်စရာ အကြောင်းမရှိပါဘူး၊ ဒီနေ့ ကျနော်တို့ ရဲ့ စွမ်းဆောင်ရည်ကို ကြည့်မယ်ဆိုရင် တိုးတက်သင့်ပါတယ်။ ကျနော်တို့ အားလုံးဟာ ပိုပြီးကောင်း မွန်အောင် လုပ်ဆောင် ချင်ပါတယ်။ ဒါက အမှန်တရားပါပဲ။ ကျနော်တို့ လုံလောက်အောင် မစွမ်းဆောင်နိုင်ခဲ့တဲ့အတွက် သူတို့ နိုင်ပွဲရဖို့ ထိုက်တန်ပါ တယ်”လို့ ပွဲအပြီးမှာ ဖြေခဲ့တာ ဖြစ်ပါတယ်။
လီဗာပူးလ် အသင်းအတွက်တော့ ဒီပွဲမှာ ဂိုးမသွင်းနိုင်ခဲ့တာဟာ မတ်လနောက်ပိုင်း ပထမဆုံးအကြိမ် ပရီးမီးယားလိဂ်မှာ ဂိုးပေါက် ပျောက်ဆုံးခဲ့တာပါ။ ဒါ့အပြင် လီဗာပူးလ် အသင်းဟာ ၂၀၂၁ ခုနှစ်အစမှာ ကစားခဲ့တဲ့ အဝေးကွင်းပွဲစဉ်မှာ ဂိုး မသွင်းနိုင်ခဲ့တဲ့အတိုင်း နှစ်အကုန်မှာလည်း ဒါကို အဆုံးသတ်နိုင်ခဲ့တာ ဖြစ်ပါတယ်။
ဒီ ၂ ပွဲ ကြားထဲမှာ ကစားခဲ့တဲ့ ၂၈ ပွဲမှာ လီဗာပူးလ် အသင်းဟာ ၇၅ ဂိုးအထိ သွင်းယူနိုင်ခဲ့တာပါ။ လီဗာပူးလ် အသင်းဟာ ဇန်နဝါရီ ၂ ရက်မှာ ဥရောပရဲ့ ခံစစ် အကောင်းဆုံး အသင်းတွေထဲက တစ်သင်းဖြစ်တဲ့ ချယ်လ်ဆီး အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Goal.com
