CNI Sport News

၂၀၂၅ ခုနှစ်၊ နိုဝင်ဘာ ၈

စပါးအသင်းဟာ အင်္ဂလန်အသင်းနဲ့ ကမ္ဘာ့ဖလားပြိုင်ပွဲမှာ ပါဝင်ချင်နေတဲ့ အယ်လ်အာလီအသင်း တိုက်စစ်မှူး အိုင်ဗန်တိုနေးကို ခေါ်ယူနိုင်ဖို့ ပစ်မှတ်ထားနေပါတယ်။ 

အိုင်ဗန်တိုနေးဟာ ဆော်ဒီမှာ ဂိုးအများအပြား သွင်းယူပြီး ခြေစွမ်းပြသနေပေမယ့် နည်းပြ တူချယ်လ်ရဲ့ အင်္ဂလန်အသင်း လူစာရင်းမှာ ပါဝင်နိုင်ဖို့ ခက်ခဲနေတာပါ။

ဒီအချိန်မှာ talkSPORT က စပါးအသင်းနည်းပြ သောမတ်စ်ဖရန့်ခ်ဟာ အိုင်ဗန်တိုနေးကို ခေါ်ယူဖို့ လမ်းဖွင့် ထားကြောင်း ဖော်ပြခဲ့ပြီးနောက် သူဟာ အင်္ဂလန်မှာ သူကိုယ်သူ သက်သေပြသနိုင်ဖို့ အခွင့်အရေး ရလာ နိုင်ပါတယ်။ 

သောမတ်စ်ဖရန့်ခ်ဟာ အိုင်ဗန်တိုနေးကို ၂၀၂၀ ခုနှစ်က လိဂ်ဝမ်းကလပ် ပီတာဘရော့အသင်းကနေ ချန်ပီယံရှစ် ကလပ် ဘရန်ဖို့ဒ်အသင်းထံ ခေါ်ယူခဲ့တာပါ။ 

အိုင်ဗန်တိုနေးဟာ နည်းပြ သောမတ်စ်ဖရန့်ခ် လက်အောက်မှာ ၁၄၁ ပွဲ ကစားခဲ့ပြီး ၇၂ ဂိုး သွင်းယူနိုင်ခဲ့တာ ဖြစ်ပါတယ်။ 

အိုင်ဗန်တိုနေးကို တွေ့ရစဉ် 

စပါးအသင်းဟာ ဒီရာသီမှာ တိုက်စစ်ပိုင်းက သွင်းဂိုးတွေရရှိဖို့ ရုန်းကန်နေရတာကြောင့် အိုင်ဗန်တိုနေးဟာ လန်ဒန်ကလပ်ထံ လာရောက်ပြီး နည်းပြ သောမတ်စ်ဖရန့်ခ်နဲ့ ပြန်ပြီးလက်တွဲနိုင်တာပါ။ 

စပါးအသင်းမှာ တိုက်စစ် ကစားသမားတွေဖြစ်တဲ့ ရစ်ချာလီဆန်၊ မူအာနီ၊ ဆိုလန်ကီနဲ့ မာသီးစ်တဲလ်တို့ ရှိနေ ပေမယ့် အိုင်ဗန်တိုနေးဟာ နည်းပြ သောမတ်စ်ဖရန့်ခ်အတွက် မေးခွန်း အများအပြားကို ဖြေဆိုနိုင်မယ့်သူအဖြစ် ရှုမြင်ခံနေရပါတယ်။ 

အယ်လ်အာလီအသင်းကတော့ အိုင်ဗန်တိုနေးကို ဇန်နဝါရီမှာ ထွက်ခွာခွင့်ပေးဖွယ် မရှိပေမယ့် အိုင်ဗန်တိုနေး အနေနဲ့ အင်္ဂလန်အသင်းမှာ ပါဝင်ကစားခွင့်နိုင်ဖို့ အခွင့်အရေးအတွက် ပရီးမီးယားလိဂ်ထံ ပြန်လာနိုင်အောင် တွန်းအားပေးဖို့ လိုအပ်နေတာပါ။ 

အသက် ၂၉ နှစ်အရွယ်ရှိ အိုင်ဗန်တိုနေးဟာ အင်္ဂလန်အသင်းအတွက် ၇ ပွဲပါဝင်ကစားထားပြီး ၁ ဂိုး သွင်းယူ ထားတာ ဖြစ်ပါတယ်။

Source: thesun