CNI Sport News
၂၀၂၆ ခုနှစ်၊ ဇန်နဝါရီ ၈
စပါးအသင်းနည်းပြ သောမတ်စ်ဖရန့်ခ်က ဘုန်းမောက်အသင်းကို ၃ ဂိုး-၂ ဂိုးနဲ့ အရေးနိမ့်ခဲ့တဲ့ ပွဲမတိုင်မီမှာ ပြိုင်ဘက်အာဆင်နယ်အသင်း တံဆိပ်ပါ ခွက်နဲ့ သောက်မိခဲ့တာကို သူသတိမထားမိဘူးလို့ ပြောခဲ့ပါတယ်။
သောမတ်စ်ဖရန့်ခ်က “ကျနော် ဒါကို လုံးဝ သတိမထားမိပါဘူး။ သိလို့ ယူလိုက်တယ်ဆိုရင် ဒါက လုံးဝ မိုက်မဲရာ ကျမှာပါ။ ဘောလုံးမှာ ဒီလိုမေးခွန်းမျိုး မေးခံရတာက နည်းနည်းတော့ ဝမ်းနည်းဖို့ကောင်းတယ်လို့ ကျနော် ထင်ပါ တယ်။ ကျနော် ဒီလိုမိုက်မဲတဲ့ အရာမျိုးကို ဘယ်တော့မှ မလုပ်ပါဘူး။ ဒါက အလွန်မိုက်မဲရာ ကျပါလိမ့်မယ်”လို့ ပြောခဲ့တာပါ။
သောမတ်စ်ဖရန့်ခ်ဟာ ဒီပွဲမတိုင်မီ အာဆင်နယ်အသင်း တံဆိပ်ပါ ခွက်နဲ့ ကော်ဖီသောက်နေတဲ့ပုံဟာ ဆိုရှယ် မီဒီယာပေါ် ထွက်ပေါ်လာခဲ့တာ ဖြစ်ပါတယ်။
အာဆင်နယ်အသင်းဟာ ပြီးခဲ့တဲ့အပတ်က ဘုန်းမောက်အသင်း အိမ်ကွင်းမှာ လာရောက်ကစားခဲ့ပြီး ၃ ဂိုး-၂ ဂိုးနဲ့ အနိုင်ရရှိခဲ့တာပါ။
သောမတ်စ်ဖရန့်ခ်ကိုတွေ့ရစဉ်
စပါးအသင်းဟာ နည်းပြ သောမတ်စ်ဖရန့်ခ် လက်ထက်မှာ ရလဒ်တွေ မကောင်းဖြစ်နေပြီး ဘုန်းမောက်အသင်းကို အရေးနိမ့်ခဲ့တဲ့ပွဲ အပါအဝင် နောက်ဆုံးကစားခဲ့တဲ့ ပရီးမီးယားလိဂ် ၆ ပွဲမှာ ၁ ပွဲသာ အနိုင်ရခဲ့ပါတယ်။
စပါးအသင်း ပရိသတ် အများအပြားဟာ ဒီရာသီအသင်းရဲ့ ရလဒ်ဆိုးတွေကြောင့် နည်းပြ သောမတ်စ်ဖရန့်ခ်ကို ထုတ်ပယ်ဖို့ စောင့်မျှော်နေကြပါတယ်။
သောမတ်စ်ဖရန့်ခ်က သူတို့ဟာ ဒီပွဲမှာ စွမ်းဆောင်ရည် ကောင်းခဲ့ပေမယ့် ရှုံးနိမ့်ခဲ့တာကြောင့် နာကျင်စရာ ကောင်းခဲ့ပြီး လူတွေ စိတ်ပျက်ကြတာကို ပုံမှန်ပါပဲလို့ ပြောခဲ့ပါတယ်။
စပါးအသင်းဟာ ဒီရလဒ်ကြောင့် ပရီးမီးယားလိဂ် အမှတ်ပေးဇယားအဆင့် ၁၄ နေရာမှာ ရပ်တည်နေတာပါ။
စပါးအသင်းဟာ လာမယ့်ပွဲအဖြစ် အက်စတွန်ဗီလာအသင်းနဲ့ FA ဖလားတတိယအဆင့် ယှဉ်ပြိုင်ရမှာ ဖြစ်ပါတယ်။
Source: Metro
