CNI Sport News
၂၀၂၅ ခုနှစ်၊ နိုဝင်ဘာ ၇
ဝက်စ်ဟမ်းအသင်းဟာ ယူနိုက်တက်အသင်းမှာ ပွဲထွက်လူစာရင်းထဲ ပါဝင်နိုင်ဖို့ ရုန်းကန်နေရတဲ့ ကွင်းလယ်လူ ကိုဘီမေနူးကို ဇန်နဝါရီ အပြောင်းအရွှေ့မှာ ခေါ်ယူဖို့အတွက် ကမ်းလှမ်းမှုပြုလုပ်ဖို့ အဆင်သင့် ဖြစ်နေပါတယ်။
ကိုဘီမေနူးဟာ လာမယ့် ၂၀၂၆ ကမ္ဘာ့ဖလားပြိုင်ပွဲမှာ အင်္ဂလန်အသင်း လူစာရင်းထဲ ပါဝင်ခွင့်ရနိုင်ဖို့ ဇန်နဝါရီမှာ ယူနိုက်တက်အသင်းကနေ ထွက်ခွာဖို့ ဆန္ဒရှိနေတာပါ။
ကိုဘီမေနူးဟာ ဒီရာသီမှာ ယူနိုက်တက်အသင်းအတွက် ၈ ပွဲ ပါဝင်ကစားထားပေမယ့် လိဂ်တူးကလပ် ဂရင်မ်စဘီ အသင်းကို အရေးနိမ့်ခဲ့တဲ့ လိဂ်ဖလားပွဲစဉ် တစ်ပွဲတည်းသာ အသင်းရဲ့ ပွဲထွက်လူစာရင်းမှာ ပါဝင်ခဲ့ရပြီး ကျန်ပွဲ တွေမှာ လူစားဝင်အဖြစ်သာ ပါဝင်ခဲ့ရပါတယ်။
ယူနိုက်တက်အသင်းနည်းပြ အာမိုရင်ရဲ့ ၃-၄-၃ ကစားကွက်မှာ ကိုဘီမေနူးအတွက် ပွဲထွက်ပါဝင်ဖို့ နေရာမရှိ တာကြောင့် အရန်ခုံမှာသာ ထိုင်နေရတာပါ။
ကိုဘီမေနူးဟာ ပြီးခဲ့တဲ့ နွေရာသီ အပြောင်းအရွှေ့မှာ အသင်းကနေ အငှားနဲ့ ထွက်ခွာဖို့ တောင်းဆိုခဲ့ပေမယ့် ယူနိုက်တက်အသင်းက ထွက်ခွာခွင့် မပြုခဲ့တာ ဖြစ်ပါတယ်။
ကိုဘီမေနူးကို တွေ့ရစဉ်
အပြောင်းအရွှေ့ ကျွမ်းကျင်သူ ဖာဘရီဇီယိုရိုမာနိုက ဝက်စ်ဟမ်းအသင်းဟာ ဇန်နဝါရီအပြောင်းအရွှေ့မှာ ကိုဘီမေနူးကို အငှားနဲ့ခေါ်ယူဖို့ ခိုင်မာတဲ့ ချဉ်းကပ်မှု ပြုလုပ်မယ်လို့ ဖော်ပြထားပါတယ်။
ဝက်စ်ဟမ်းအသင်းဟာ ကိုဘီမေနူးကို ယူနိုက်တက်အသင်း မပေးနိုင်တဲ့ အရာဖြစ်တဲ့ ပွဲကစားချိန် မိနစ်တွေ အများအပြားပေးဖို့ အာမခံခဲ့တာပါ။
ဝက်စ်ဟမ်းအသင်းနည်းပြ နူနိုဆန်တိုဟာ ကွင်းလယ်အတွက် သူလိုအပ်နေတဲ့ အရာတွေနဲ့ ကိုက်ညီနေတဲ့ ကိုဘီမိုင်နူးကို အသင်းထံ ခေါ်ယူချင်နေတာ ဖြစ်ပါတယ်။
ကိုဘီမေနူးကို ခေါ်ယူဖို့ ဝက်စ်ဟမ်းအသင်း တစ်သင်းတည်း စိတ်ဝင်စားနေတာ မဟုတ်ဘဲ နာပိုလီအသင်း ကလည်း စောင့်ကြည့်မှုတွေ ပြုလုပ်နေတာပါ။
ကိုဘီမေနူးအနေနဲ့ နာပိုလီအသင်းထံ ပြောင်းခဲ့ရင် ဥရောပပြိုင်ပွဲ ကစားရမှာဖြစ်သလို ယူနိုက်တက်အသင်း ဖော်ဟောင်းတွေဖြစ်တဲ့ တိုမီနေး၊ ဟော့ဂျ်လန်းတို့နဲ့ ပြန်ပြီး တွဲဖက်ကစားရမှာဖြစ်ပါတယ်။
လာမယ့် ဇန်နဝါရီမှာ ကိုဘီမေနူးနဲ့အတူ တိုက်စစ်မှူး ဇက်ခ်ဇီလည်း ယူနိုက်တက်အသင်းကနေ ထွက်ခွာ ချင်နေပါတယ်။
ဇက်ခ်ဇီကို ခေါ်ယူဖို့ စီးရီးအေ ကလပ်တွေဖြစ်တဲ့ အေစီမီလန်၊ ရိုးမားနဲ့ ကိုမိုအသင်းတို့က စိတ်ဝင်စားနေ ကြပါတယ်။
Source: goal
