CNI Sport News
၂၀၂၁ ခုနှစ်၊ ဒီဇင်ဘာ ၁၁
အာဆီယံဆူဇူကီးဖလား အုပ်စုပွဲစဉ်အဖြစ် ထိုင်းနဲ့ မြန်မာ အသင်းတို့ ကစားခဲ့ရာ ထိုင်းအသင်းက ၄ဂိုး-ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။ထိုင်းအသင်းအတွက် ဂိုးတွေကို သီယာဆေးဒန်ဒါ က (၂) ဂိုးနဲ့ ကာနစ်ဆရီဘန်ပန် နဲ့ ဆာရာချက်တို့ က (၁)ဂိုးစီ သွင်းယူခဲ့တာဖြစ်ပါတယ်။
ထိုင်းအသင်းဟာ တစ်ပွဲလုံးစိတ်ကြိုက်ကစားခဲ့တာဖြစ်ပြီး မြန်မာအသင်းကတော့ ရံဖန်ရံခါမှသာ ပြန်လည်တိုက်စစ်ဆင်နိုင်ခဲ့တာပါ။ထိုင်းအသင်းဟာ ဒီပွဲမှာ ဘောလုံးပိုင်ဆိုင်မှု (၆၅) ရာခိုင်နှုန်း ဂိုးပေါက်ကန်သွင်းမှု (၂၁)ကြိမ်နဲ့ ဂိုးပေါက်တည့်မှု (၁၁) ကြိမ်အထိ ရှိခဲ့တာလည်းဖြစ်ပါတယ်။
မြန်မာအသင်းကတော့ ဘောလုံးပိုင်ဆိုင်မှု (၃၅) ရာခိုင်နှုန်း ဂိုးပေါက်ကန်သွင်းမှု (၈) ကြိမ်နဲ့ ဂိုးပေါက် (၂) ကြိမ်သာတည့်ခဲ့တာပါ။မြန်မာအသင်းဟာ အုပ်စုပွဲစဉ် (၃) ပွဲကစားပြီးချိန်မှာ (၁)ပွဲနိုင် (၂)ပွဲရှုံးနိမ့်ထားတာဖြစ်ပါတယ်။ထိုင်းအသင်းကတော့ (၂) ပွဲကစားပြီးချိန်မှာ (၂)ပွဲလုံးအနိုင်ရထားပါတယ်။
