CNI Sport News
၂၀၂၄ ခုနှစ်၊ နိုဝင်ဘာ ၂
စပို့တင်းလစ္စဘွန်းအသင်း တိုက်စစ်မှူး ဂျီယိုကီရက်စ်ဟာ နည်းပြဖြစ်သူ အာမိုရင် အနောက်ကိုလိုက်ပြီး ယူနိုက်တက်အသင်းထံ ပြောင်းရွှေ့နိုင်တယ်လို့ သတင်းတွေ ထွက်ပေါ်နေပေမယ့် သူကတော့ ပေါ်တူဂီကလပ်မှာ ပျော်ရွှင်နေတယ်လို့ ပြောခဲ့ပါတယ်။
ဂျီယိုကီရက်စ်က “အာမိုရင်နဲ့အတူ ယူနိုက်တက်ကို သွားမှာလားဆိုတာ ကျနော် မသိပါဘူး။ ကျနော် ဒီမှာရှိနေပါ တယ်။ ခင်ဗျားတို့ မြင်တဲ့အတိုင်းပဲ ကျနော် စပို့တင်းအသင်းမှာ ပျော်ရွှင်နေပါတယ်။ ကျနော် ဒီအကြောင်းကို တကယ် မစဉ်းစားပါဘူး။ အာမိုရင် ထွက်ခွာမှာနဲ့ ပတ်သက်ပြီး ကျနော် ဝမ်းနည်းမိပါတယ်။ ကျနော်တို့သူ့ကို အကောင်းဆုံးဖြစ်ဖို့ ဆုတောင်းပေးပါတယ်”လို့ ပြောခဲ့တာပါ။
အသက် ၂၆ နှစ်အရွယ်ရှိ ဂျီယိုကီရက်စ်ဟာ စပို့တင်းလစ္စဘွန်း အသင်းမှာ ပြသနေတဲ့ ခြေစွမ်းတွေကြောင့် အာဆင်နယ်နဲ့ ချယ်လ်ဆီးအသင်း အပါအဝင် အသင်းကြီးအချို့ရဲ့ ပစ်မှတ်ဖြစ်နေပါတယ်။
ဆွီဒင်တိုက်စစ်မှူး ဂျီယိုကီရက်စ်ဟာ စပို့တင်းလစ္စဘွန်းအသင်းအတွက် ကစားထားတဲ့ ၆၆ ပွဲမှာ ၆၃ ဂိုးအထိ သွင်းယူထားတာပါ။
ဂျီယိုကီရက်စ်ကို တွေ့ရစဉ်
ဂျီယိုကီရက်စ်ကို စပို့တင်းလစ္စဘွန်းအသင်းထံ ခေါ်ယူခဲ့တဲ့ နည်းပြ အာမိုရင်ဟာ ယူနိုက်တက်အသင်းကို ကိုင်တွယ်တော့မှာ ဖြစ်တာကြောင့် သူလည်း အာမိုရင် အနောက်ကို လိုက်လာနိုင်တယ်လို့ သုံးသပ်မှုတွေ ရှိနေကြပါတယ်။
ယူနိုက်တက်အသင်း နောက်ခံလူဟောင်း ရီယိုဖာဒီနန်ကလည်း ဂျီယိုကီရက်စ်ကို နှစ်သက်တဲ့ သူတွေထဲက တစ်ဦးဖြစ်တာကြောင့် သူ့ကိုခေါ်ယူဖို့ အသင်းဟောင်းထံ တောင်းဆိုမှုတွေရှိခဲ့တာပါ။
သတင်းတွေအရ ဂျီယိုကီရက်စ်ဟာ လာမယ့် ဇန်နဝါရီလ အပြောင်းအရွှေ့မှာ ပြောင်းရွှေ့ကြေး ပေါင်သန်း ၆၀ နဲ့ ကမ်းလှမ်းမှုရရင် စပို့တင်းလစ္စဘွန်းအသင်းကနေ ထွက်ခွာနိုင်တယ်လို့ ဖော်ပြထားပါတယ်။
၂၀၂၃ နွေရာသီက ကိုဗင်ထရီအသင်းကနေ ပြောင်းရွှေ့လာခဲ့တဲ့ ဂျီယိုကီရက်စ်နဲ့ စပို့တင်းလစ္စဘွန်း အသင်းတို့ရဲ့ စာချုပ်ဟာ ၂၀၂၈ ခုနှစ် နွေရာသီအထိ သက်တမ်းရှိနေတာပါ။
ဂျီယိုကီရက်စ်ဟာ ဆွီဒင်လက်ရွေးစင် အသင်းအတွက် ၂၄ ပွဲ ပါဝင်ကစားထားပြီး ၁၀ ဂိုး သွင်းယူထားတာ ဖြစ်ပါ တယ်။
Source: Metro
