CNI Article News

ဝါရှင်တန်၊ ဖေဖော်ဝါရီ ၂၅

ယူကရိန်းကို ဝင်တိုက်ဖို့ ရုရှားသမ္မတ ဗလာဒီမာပူတင်၏ အစီအစဉ်များနှင့်ပတ်သက်၍ ထူးခြားဖြစ်စဉ် ထောက်လှမ်းတွေ့ရှိ ချက်များကို အိမ်ဖြူတော်က လအတန်ကြာကပင် ထုတ်ပြန်ခဲ့ပြီး ဖြစ်သည်။

ကျူးကျော် ဝင်ရောက်လာမှုကို တားဆီးရန် မျှော်လင့်ချက်ဖြင့် ရုရှားတပ်ဖွဲ့ဝင်များ ယူကရိန်းနယ်စပ် ပတ်ပတ်လည် ဖြန့် ကြက် ချထားမှု အသေးစိတ် အချက်အလက်များကို အိမ်ဖြူတော်က ဆက်တိုက်ဆိုသလို သတင်းထုတ်ပြန်ခဲ့ခြင်းအားဖြင့် ကြီးကြီးမားမား တိုက်ခိုက်မှုတစ်ခု လာတော့မည်ဟု အကြိမ်ကြိမ် သတိပေးခဲ့သည်။

နောက်ဆုံးတော့ ပူတင်က တိုက်ခိုက်လာခဲ့ပြီ ဖြစ်သည်။

ကျူးကျော်မည့် အလားအလာရှိကြောင်း စွပ်စွဲချက်များကို ပယ်ချခဲ့ကြသော ရုရှားအစိုးရ အရာရှိများ အပါအဝင် အမေရိကန် ထောက်လှမ်းရေးကို ဝေဖန်သူများက အီရတ်ဖြစ်စဉ်ကဲ့သို့ လူအစုလိုက် အပြုံလိုက် သေစေနိုင်သည့် လက်နက်ရှိသည်ဟူ သော မှားယွင်းစွပ်စွဲချက်များနှင့်အတူ အတိတ်က အမေရိကန်အလွဲများ၊ ကျရှုံးမှုများကို ထောက်ပြခဲ့ကြသည်။ 

သို့သော် ပြီးခဲ့သည့် ဒီဇင်ဘာလ၌ ရုရှားတပ်များ ပြန်ရုတ်သိမ်းဖို့ ဘိုင်ဒန်အစိုးရက တောင်းဆိုခဲ့၍ ရုရှားကျူးကျော်မည့် အစီအစဉ် တစ်ခန်းရပ်၍ တချက်ငြိမ်သွားခဲ့သည်။ ယူကရိန်း နယ်စပ်တလျှောက် ရုရှားတပ်ဖွဲ့အင်အား ၂ သိန်းနီးပါး နောက် ဆုတ်သွားခဲ့သည်။

ရုရှားတိုက်ခိုက်မှု အပျက်အစီးများကိုတွေ့ရစဉ်(AFP)

ဖေဖော်ဝါရီ ၂၅ ရက်တွင် အမေရိကန် ထိပ်တန်းနိုင်ငံရေးပါတီ နှစ်ခုစလုံးမှ ဥပဒေပြုအမတ်များသည် ယခုတိကျသော ခန့်မှန်း ချက်များကြောင့် ယခင်က မကြာခဏ ဝေဖန် အပြစ်တင်ခံနေရသော အမေရိကန် ထောက်လှမ်းရေး အသိုင်းအဝိုင်းကို ချီး ကျူး ထောပနာပြုခဲ့ ကြသည်။

သို့သော် အိမ်ဖြူတော်၏ မကြုံစဖူး လူထုမဲဆွယ်ပွဲ နှောင့်နှေးခြင်း ရှိ/မရှိ (သို့မဟုတ်) ပူတင်၏ အစီအစဉ်များမှာ ကန့်သတ် ထားခြင်း ရှိ/မရှိ အမေရိကန်လွှတ်တော်အမတ်များ နှစ်ပေါင်းစွာ အချေအတင် ဆွေးနွေးကြရဦးမည် ဖြစ်သည်။

ဝါရှင်တန်နှင့် ကိယက်ဗ်တို့သည် ၎င်းတို့အစိုးရနှစ်ရပ်စလုံး ကြိုတင်သိရှိထားသော ထောက်လှမ်းရေး သတင်း အချက်အလက် များ ပိုမိုကြိုတင် စီမံနိုင်ခဲ့ကြောင်း တချို့က ပြောကြသည်။

ယူကရိန်းနိုင်ငံသားများသည် ၎င်းတို့နိုင်ငံတဝန်းတွင် သူတို့ထက် အင်အားကောင်းလှသည့် ရုရှားစစ်တပ်ကို ယခုအခါ ရပ်ဆိုင် တိုက်ခိုက်နေပြီဖြစ်ပြီး နှစ်ဘက်စလုံးတွင် အသေအပျောက်ရှိနေသည်။ ယူကရိန်း မြို့များတွင်လည်း ပေါက်ကွဲမှုများ ဆက် တိုက် ဖြစ်ပွားနေသည်။

ပူတင်ပြောခဲ့သည့် ယူကရိန်းသမ္မတ ဗိုလိုဒီမီယာဇာလန်းစကီးကို ရာထူးမှဖြုတ်ချဖို့ ရုရှားကြိုးပမ်းလာမည့် အရေးကို အမေရိကန် ထောက်လှမ်းရေး မျက်နှာစာတွင် စိုးရိမ်နေသည်။ ရုရှားကတော့ ယူကရိန်းအရှေ့ပိုင်းရှိ ခွဲထွက်နယ်မြေနှစ်ခုတွင် နေထိုင်သူများကိုသာ အကာအကွယ်ပေးဖို့ ကြိုးစားနေကြောင်း ယခုရက်ပိုင်းတွင် ကျယ်ကျယ်လောင်လောင် ပြောနေခဲ့သည်။

ယူကရိန်းသမ္မတ ဇာလန်စကီး

ဖေဖော်ဝါရီ ၂၄ ရက်၌ ပိတ်ဆို့အရေးယူမှု အသစ်များ ထုတ်ပြန်ကြေညာရာတွင် သမ္မတဂျိုးဘိုင်ဒန်က ပူတင်၏ ရည်ရွယ်ချက် များ မိမိတို့သိရှိကြောင်း သတိပေးရန်အတွက် မော်စကိုအစိုးရအဖွဲ့၏ လှုပ်ရှားမှုများကို ကိုးကားဖော်ပြခဲ့သည်။ 

 “ရုရှားရဲ့ အစီအစဉ်မှာ လွဲမှားနေတဲ့ အကြောင်းပြချက်တွေနဲ့ ပတ်သက်လို့ အထောက်အထားတွေ ကျနော်တို့ ချပြခဲ့ပါတယ်။ ပူတင်ရဲ့ လုပ်ရပ်အပေါ် ရှုပ်ထွေးမှုတွေ (ဒါမှမဟုတ်) ဖုံးကွယ်မှုတွေ မဖြစ်စေရပါဘူး”ဟု ဘိုင်ဒန်က ပြောကြားခဲ့သည်။ 

“ပူတင်ဟာ စပြီး ရန်လိုတဲ့သူပါ။ ဒီစစ်ကို ပူတင်ပဲ ရွေးချယ်ခဲ့တာ။ အခုတော့ သူနဲ့သူ့နိုင်ငံက အဲဒီအကျိုးဆက်ကို ခံရမှာဖြစ်ပါ တယ်”ဟု ၎င်းက ဆက်လက် ပြောကြားခဲ့သည်။

“ထောက်လှမ်းရေး အသိုင်းအဝိုင်းက များသောအားဖြင့် သတင်းအချက်အလက်တွေ မျှဝေတာ သိပ်မကြိုက်ပါဘူး။ သူတို့က ဒါတွေကို အနီးကပ်ထိန်းထားချင်တာ”ဟု အထက်လွှတ်တော် ထောက်လှမ်းရေးကော်မတီဥက္ကဋ္ဌ မက်ခ်ဝါနာ (Mark Warner) က အင်တာဗျူးတစ်ခုတွင် မှတ်ချက်ချခဲ့သည်။

အမေရိကန် ထောက်လှမ်းရေးနှင့် နီးစပ်သည့် အမည်မဖော်လိုသူ အရာရှိတစ်ဦးက “အိမ်ဖြူတော်သည် ယမန်နှစ်က ရုရှားတပ်များ မစုစည်းမီကပင် ရုရှားနှင့်ယူကရိန်း ထောက်လှမ်းရေး သတင်းများကို အစိုးရချင်း မျှဝေခဲ့ကြောင်း၊ ယင်းသို့ မျှဝေမှု များက အကျပ်အတည်း ပိုဆိုးအောင် အရှိန်မြှင့်ပေးခဲ့ကြောင်း”ဟု ပြောကြားခဲ့သည်။ 

ရုရှားသမ္မတပူတင်ကိုတွေ့ရစဉ်(AP)

“ထောက်လှမ်းရေး တွေ့ရှိချက်များကို ယူကရိန်းနိုင်ငံဘက်နှင့် မဟာမိတ်နိုင်ငံများထံ ပိုမိုကျယ်ပြန့်စွာ မျှဝေပေးဖို့ ဘိုင်ဒန် အစိုးရက ခွင့်ပြုထားကြောင်း” အဆိုပါအရာရှိက ဆက်လက် ပြောကြားခဲ့သည်။

သို့စဉ်လျက် ဝါရှင်တန်နှင့် ကိယက်ဗ်တို့သည် ရုရှား၏ ခြိမ်းခြောက်မှု သဘောသဘာဝနှင့် လိုအပ်ချက်များ လုပ်ဆောင်ရန်တို့ အပေါ် ပေါ်တင်ဖြစ်စေ၊ လျှို့ဝှက်စွာဖြစ်စေ သဘောထား ကွဲလွဲနေတတ်သည်။

ယူကရိန်းအရှေ့ပိုင်း ဒွန်ဘတ်ဒေသ၌ ၈ နှစ်ကြာ ဖြစ်ပွားနေသော ရုရှားကျောထောက်နောက်ခံ ခွဲထွက်ရေးသမားများနှင့် အစိုးရတို့အကြား ပဋိပက္ခသည် မိမိနိုင်ငံကို ချောင်ပိတ်မိစေခဲ့ကြောင်း သတိပြုမိခဲ့သူ ဇာလန်းစကီးသည် မကြာမီ စစ်ပွဲအထိ ဦးတည်လာမည့်အရေး အမေရိကန် သတိပေးချက်ကိုတော့ သတင်းမကျယ်ပြန့်သွားစေဖို့ လပေါင်းများစွာ ထိန်းထားခဲ့သည်။

ယခု ရက်ပေါင်း ၃၀ အရေးပေါ် အခြေအနေ ကြေညာထားချိန်၌ ဇာလန်းစကီးသည် ဖေဖော်ဝါရီ ၂၃ ရက်အထိ စစ်တပ် အတွက် အရန်အင်အားစာရင်းကို မခေါ်သေးပေ။ 

ထိရှလွယ်သော ထောက်လှမ်းရေး အချက်အလက်များ ဆွေးနွေးခဲ့သူ အမည်မဖော်လိုသူ ယူကရိန်းအစိုးရအရာရှိ တစ်ဦး ကတော့ ကိယက်ဗ်ကို ရုရှားကျူးကျော်မည်ဟု ပြီးခဲ့သည့် ရက်သတ္တနှစ်ပတ်ခန့်ကပင် ယုံကြည်ခဲ့ကြောင်း ပြောကြားခဲ့သည်။ 

ယူကရိန်းပြည်သူများကိုတွေ့ရစဉ်(GETTY IMAGES)

သို့သော် ယူကရိန်း စီးပွားပျက်မှုနှင့် ပြည်တွင်း အထိတ်တလန့် ဖြစ်မှုတို့ကို ကန့်သတ်ရန်အတွက် ကျူးကျော်လာမည့်အရေး စိုးရိမ်နေမှုများကို အစိုးရက တော်ရုံလူသိပ်မသိအောင် လုပ်ဆောင်ခဲ့ကြောင်း အဆိုပါအရာရှိက ဆက်လက်ပြောကြားခဲ့သည်။

ပြောရမည်ဆိုလျှင် Nord Stream 2 ဓာတ်ငွေ့ပိုက်လိုင်း သွယ်တန်းပေးသည့် ကုမ္ပဏီကို ဖေဖော်ဝါရီ ၂၃ ရက်ရောက်မှသာ အမေရိကန်က ပိတ်ဆို့ အရေးယူခဲ့ကြောင်းလည်း အဆိုပါအရာရှိက မှတ်ချက်ချက်ချခဲ့သည်။ 

ဇာလန်းစကီးနှင့် ယူကရိန်း အဓိကပါတီနှစ်ရပ်လုံးမှ ဥပဒေပြု အမတ်များသည် ရုရှားမှ သဘာဝဓာတ်ငွေ့များကို ဂျာမနီနိုင်ငံ သို့ ပို့ဖို့ ယူကရိန်းနိုင်ငံအား ဖြတ်ကျော်သယ်ဆောင်ရမည့် အဆိုပါ ပိုက်လိုင်းအပေါ်  ပိတ်ဆို့အရေးယူရန် စေ့ဆော်နေခဲ့သည် မှာ ကြာလှပြီဖြစ်သည်။

“ဟန့်တားတာမျိုး မဟုတ်ဘဲ ထောက်လှမ်းရေး သတင်းနဲ့ အောင်ပွဲခံစေချင်တာပါ။ ဒါပေမယ့် ကံမကောင်းချင်တော့ အဟန့် အတား လုံးဝ မလုပ်နိုင်ခဲ့ဘဲနဲ့ အခုဆိုရင် ကျနော်တို့မှာ လူသားချင်း စာနာမှုဆိုင်ရာ အကူအညီ တောင်းရတော့မယ့် စစ်ဘေး တစ်ခု ကြုံရပြီ”ဟု အဆိုပါ ယူကရိန်းအရာရှိက ဖြည့်စွက်ပြောကြားခဲ့သည်။ 

 Source: AP