- By CNI
- Category: အားကစား
- Hits: 574
CNI Sport News
၂၀၂၂ ခုနှစ်၊ ဇွန်လ ၂၉
နာမည်ကြီး အမေရိကန် တင်းနစ်မယ် ဆရီနာဝီလျံဟာ ဝင်ဘယ်လ်ဒန် အိုးပန်းပြိုင်ပွဲ ပထမအဆင့်အဖြစ် ပြင်သစ်တင်းနစ် မယ် ဟာမိုနီတန်ကို အရေးနိမ့်ပြီး ပြိုင်ပွဲကနေ ထွက်ခွာခဲ့ရပါတယ်။
ဆရီနာဝီလျံဟာ ပြီးခဲ့တဲ့နှစ်က ဒဏ်ရာရရှိခဲ့တဲ့ ဝင်ဘယ်လ်ဒန် အိုးပန်းပြိုင်ပွဲကို ပြန်လည်ယှဉ်ပြိုင်ခဲ့ပြီး စိတ်အားထက်သန်မှု အပြည့်နဲ့ ကစားခဲ့ပေမယ့် ၅-၇၊ ၆-၁၊ ၆-၇ နဲ့ အရေးနိမ့်ခဲ့တာပါ။
ပွဲချိန် ၃ နာရီကျော် ကစားခဲ့ရတဲ့ ဒီပွဲမှာ အသက် ၄၀ အရွယ်ရှိ ဆရီနာဝီလျံဟာ အကောင်းဆုံးပုံစံနဲ့ ယှဉ်ပြိုင်နိုင်ခဲ့တာဖြစ်ပါ တယ်။ ဟာမိုနီတန်ကို အရေးနိမ့်တဲ့ ပွဲအပြီးမှာ ဒီပွဲဟာ သူမရဲ့ နောက်ဆုံး ဝင်ဘယ်လ်ဒန်ပွဲစဉ်လားလို့ မေးခြင်းခံခဲ့ရပါတယ်။
ဆရီနာဝီလျံက “ဒါက ကျမ မဖြေနိုင်တဲ့ မေးခွန်းပါ။ ကျမ ဒါကို မသိပါဘူး။ ဘယ်သူသိနိုင်မှာလဲ၊ ကျမ ဘယ်အချိန် ပြန်လာနိုင် လဲဆိုတာ ဘယ်သူသိလဲ” လို့ သတင်းစာ ရှင်းလင်းပွဲမှာ ပြောသွားခဲ့ပါတယ်။
ဆရီနာဝီလျံဟာ ပြီးခဲ့တဲ့နှစ်က ဝင်ဘယ်လ်ဒန် အိုးပန်းပြိုင်ပွဲမှာလည်း ပထမအဆင့်မှာပဲ ဒဏ်ရာကြောင့် အရေးနိမ့် သွားခဲ့ ပါတယ်။ အမေရိကန် တင်းနစ်မယ်ဟာ ဒီပြိုင်ပွဲမတိုင်ခင် ကျင်းပခဲ့တဲ့ Eastbourne international နှစ်ယောက်တွဲ ပြိုင်ပွဲမှာ ဝင်ရောက် ယှဉ်ပြိုင်ခဲ့ပါသေးတယ်။
ဟာမိုနီတန်ကို ရှုံးနိမ့်သွားတဲ့ အမေရိကန် တင်းနစ်မယ် ဆရီနာဝီလျံ (RTHK)
အဲ့ဒီနောက်မှာ ဝင်ဘယ်လ်ဒန် အိုးပန်းပြိုင်ပွဲရဲ့ အမျိုးသမီး တစ်ဦးချင်း ပြိုင်ပွဲကို ဝင်ရောက် ယှဉ်ပြိုင်ခဲ့တာပါ။
ကမ္ဘာ့အဆင့် ၁၁၅ မှာ ရပ်တည်နေတဲ့ ပြင်သစ်တင်းနစ်မယ် ဟာမိုနီတန် ကတော့ သူ့ရဲ့ ပထမဆုံး ဝင်ဘယ်လ်ဒန် ပြိုင်ပွဲမှာ ဆရီနာဝီလျံကို အနိုင်ရခဲ့လို့ ပျော်ရွှင်ကြောင်း ပြောခဲ့ပါတယ်။
ဟာမိုနီတန် က “ကျမရဲ့ ပထမဆုံး ဝင်ဘယ်လ်ဒန်က အံသြဖို့ ကောင်းပါတယ်။ ကျမ ငယ်ငယ်လေးတုန်းက ဆရီနာကို တီဗီ မှာပဲ မြင်ဖူးတာပါ။ အဲ့ဒါကြောင့် ဒါဟာ အိမ်မက်ဆိုတာ ရှင်တို့သိပါတယ်။ သူမဟာ ဂန္တဝင် ကစားသမားပါ။ သူမနဲ့ ယှဉ်ပြိုင် ရတာကို ကြောက်မိပေမယ့် အနိုင်ရခဲ့လို့ အလွန်ပျော်ရွှင်ပါတယ်”လို့ ပြောပါတယ်။
ဆရီနာဝီလျံကို အနိုင်ရခဲ့တဲ့ ဟာမိုနီတန်ဟာ ဒုတိယအဆင့် ပွဲစဉ်အဖြစ် စပိန်တင်းနစ်မယ် တိုမိုနဲ့ ယှဉ်ပြိုင်ရမှာ ဖြစ်ပါတယ်။
ဆရီနာဝီလျံဟာ ဝင်ဘယ်လ်ဒန် အိုးပန်းပြိုင်ပွဲမှာ ၇ ကြိမ် ဗိုလ်စွဲခဲ့တာဖြစ်ပြီး ဂရမ်းဆလမ်း ချန်ပီယံဆုကို ၂၃ ကြိမ် ရယူထား သူ ဖြစ်ပါတယ်။
Source: BBC
- By CNI
- Category: အားကစား
- Hits: 798
CNI Sport News
၂၀၂၂ ခုနှစ်၊ ဇွန်လ ၂၉
၂၀၂၃ အာရှဖလားပြိုင်ပွဲကို အိမ်ရှင်အဖြစ်ပြုလုပ်မယ့် အင်ဒိုနီရှားဘောလုံးအဖွဲ့ချုပ်ရဲ့အဆိုပြုချက်ကို အစိုးရက ထောက်ခံခဲ့တယ်လို့ သိရပါတယ်။
ဒီပြိုင်ပွဲကို အိမ်ရှင်အဖြစ်ကျင်းပဖို့ သတ်မှတ်ခြင်းခံထားရတဲ့ တရုတ်နိုင်ငံဟာ ကိုဗစ်ပျံ့နှံ့မှုတွေကြောင့် အိမ်ရှင် အဖြစ်ကနေ နှုတ်ထွက်သွားခဲ့တာပါ။ “အစိုးရက အင်ဒိုနီးရှားဘောလုံးအဖွဲ့ချုပ်ကို အာရှဘောလုံးအဖွဲ့ချုပ်ထံ အဆိုပြုချက်တင်သွင်းဖို့ ခွင့်ပြုခဲ့တယ်” လို့ လူငယ်နဲ့အားကစားဝန်ကြီး ဇိုင်နူဒင်အမာလီက အင်္ဂါနေ့မှာ ပြုလုပ် ခဲ့တဲ့ သတင်းစာရှင်းလင်းပွဲမှာ ပြောခဲ့တာဖြစ်ပါတယ်။ အင်ဒိုနီးရှားဘောလုံးအဖွဲ့ချုပ်ကို ကိုယ်စားပြုပြီး ဒုတိယ ဥက္ကဋ္ဌနဲ့ အထွေထွေအတွင်းရေးမှူးတို့ဟာ အာရှဘောလုံးအဖွဲ့ချုပ် တာဝန်ရှိသူတွေနဲ့ တွေ့ဆုံမှာဖြစ်တယ်လို့ လူငယ်နဲ့ အားကစားဝန်ကြီးက ပြောခဲ့တာပါ။
အင်ဒိုနီးရှားနိုင်ငံဟာ ၂၀၂၃ ယူ-၂၀ ကမ္ဘာ့ဖလားပြိုင်ပွဲကို အိမ်ရှင်အဖြစ် လက်ခံကျင်းပခွင့် ရထားတာဖြစ်ကာ ဒီ ပြိုင်ပွဲအပြီး ကျင်းပမယ့် အာရှဖလားပြိုင်ပွဲကိုပါ အိမ်ရှင်အဖြစ်ပြုလုပ်ချင်နေတာဖြစ်ပါတယ်။၂၀၂၃ ယူ-၂၀ ကမ္ဘာ့ ဖလားပြိုင်ပွဲကို မေလကနေ ဇွန်လအထိ ကျင်းပသွားမှာဖြစ်ပြီး အာရှဖလားပြိုင်ပွဲကတော့ ဇွန်လကနေ ဇူလိုင်လ အထိ ကျင်းပဖို့ သတ်မှတ်ထားတာပါ။
လူငယ်နဲ့ အားကစားဝန်ကြီးက “ ယူ-၂၀ ကမ္ဘာ့ဖလားပြိုင်ပွဲအပြီး အာရှဖလားကို ဆက်လက်ကျင်းပဖို့ ကျနော်တို့ရဲ့ အခြေခံအဆောက်အဦတွေဟာ အဆင်သင့်ဖြစ်နေဆဲဖြစ်ပြီး လူသားအရင်းအမြစ်တွေကိုလည်း ဆက်လက်အသုံး ချနိုင်ဖို့ အဆင်သင့်ဖြစ်နေပါတယ်။အဲဒါကြောင့် ၂၀၂၃ အာရှဖလားကို အိမ်ရှင်အဖြစ် အကောင်အထည်ဖော်ဖို့ ကျနော်တို့အတွက် ခက်ခဲမှာမဟုတ်ဘူး”လို့ ရှင်းပြခဲ့ပါတယ်။
အင်ဒိုနီးရှားဟာ ယူ-၂၀ ကမ္ဘာ့ဖလားပြိုင်ပွဲအတွက် ကွင်း ၆ ကွင်းကို အဓိကထားပြင်ဆင်ထားတာပါ။ဒါပေမယ့် လိုအပ်ချက်တွေရှိမယ်ဆိုရင် အစိုးရအနေနဲ့ နောက်ထပ်နေရာတွေ ပံ့ပိုးဖို့အသင့်ရှိနေတယ်လို့ ဝန်ကြီးက ပြောခဲ့ ပါတယ်။၂၀၂၃ အာရှဖလားပြိုင်ပွဲကို အိမ်ရှင်အဖြစ် ကျင်းပဖို့ အတွက် အင်ဒိုနီးရှားအပြင် တောင်ကိုရီးယား၊ ဂျပန်၊ သြစတြေးလျနဲ့ကာတာတို့ကလည်း ကြိုးစားနေကြတာပါ။အင်ဒိုနီးရှားဟာ ဒီပြိုင်ပွဲကို အိမ်ရှင်အဖြစ် ပြုလုပ်ဖို့ တရားဝင်အဆိုပြုထားတယ်လို့ အချက်အလက်အရ သိရပါတယ်။
အာရှဘောလုံးအဖွဲ့ချုပ်က ဒီပြိုင်ပွဲကို အိမ်ရှင်အဖြစ်ပြုလုပ်မယ့် နိုင်ငံတွေအနေနဲ့ ဇူလိုင်လ ၁၅ ရက် နောက်ဆုံး ထားပြီး လျှောက်ထားဖို့ ရက်သတ်မှတ်ကြောင်း ကြေညာချက်ထုတ်ခဲ့ပါတယ်။
Source:En.antaranews.com
- By CNI
- Category: Watch TV
- Hits: 314
- By CNI
- Category: အားကစား
- Hits: 770
CNI Sport News
၂၀၂၂ ခုနှစ်၊ဇွန်လ ၂၈
မြန်မာ့လက်ရွေးစင်အမျိုးသမီးအသင်းဟာ ပြီးခဲ့တဲ့ ဆီးဂိမ်းစ်ပြိုင်ပွဲမှာ ကိုင်တွယ်ခဲ့တဲ့ ဦးတင်မြင့်အောင်ရဲ့ နေရာ မှာ လက်ရွေးစင်ဟောင်း ဒေါ်သက်သက်ဝင်းကို နည်းပြချုပ်အဖြစ်ခန့်အပ်လိုက်တယ်လို့ သိရပါတယ်။
ဒေါ်သက်သက်ဝင်းဟာ ဖိလစ်ပိုင်နိုင်ငံက အိမ်ရှင်အဖြစ်ကျင်းပမယ့် အာဆီယံအမျိုးသမီးချန်ပီယံရှစ်ပြိုင်ပွဲမှာ လက်ရွေးစင်အသင်းရဲ့နည်းပြချုပ်အဖြစ် တာဝန်ယူဆောင်ရွက်ရတော့မှာပါ။ဒေါ်သက်သက်ဝင်းဟာ ဇွန်လ ၉ ရက် က စတင်ပြီး မြန်မာ့လက်ရွေးစင်အသင်းကို ကိုင်တွယ်နေတာဖြစ်ပြီး ပဏာမကစားသမား ၃၅ ဦးနဲ့လေ့ကျင့်မှုတွေ ပြုလုပ်နေတာဖြစ်ပါတယ်။မြန်မာ့လက်ရွေးစင်အမျိုးသမီးအသင်းဟာ ဒီပြိုင်ပွဲရဲ့အုပ်စု B မှာ ဗီယက်နမ်၊လာအို၊ ကမ္ဘောဒီးယား၊ အရှေ့တီမောတို့နဲ့ တစ်အုပ်စုတည်းကျရောက်နေတာပါ။
ဒီပြိုင်ပွဲကို ဇူလိုင်လ ၂ ရက်ကနေ ၁၇ ရက်အထိ ကျင်းပသွားမှာဖြစ်ပါတယ်။မြန်မာ့လက်ရွေးစင်အမျိုးသမီး အသင်းဟာ ၂၀၁၉ က နောက်ဆုံးကျင်းပခဲ့တဲ့ ဒီပြိုင်ပွဲမှာ ဖိလစ်ပိုင်အသင်းကို အနိုင်ရပြီး တတိယရရှိခဲ့တာပါ။ အာဆီယံအမျိုးသမီးချန်ပီယံရှစ်ပြိုင်ပွဲမှာ မြန်မာ့လက်ရွေးစင်အမျိုးသမီးအသင်းဟာ ၂၀၀၄ နဲ့ ၂၀၀၇ ခုနှစ်တွေ တုန်းက ချန်ပီယံဆု ၂ ကြိမ် ရယူနိုင်ခဲ့တာဖြစ်ပါတယ်။
မြန်မာ့လက်ရွေးစင်အမျိုးသမီးအသင်းဟာ နောက်ဆုံးယှဉ်ပြိုင်ခဲ့တဲ့ အမျိုးသမီးအာရှဖလားနဲ့ ဆီးဂိမ်းစ်ပြိုင်ပွဲ တွေမှာ ရလဒ်တွေမကောင်းတာကြောင့် နည်းပြအပြောင်းအလဲပြုလုပ်ခဲ့ရတာပါ။အမျိုးသမီးအာရှဖလားပြိုင်ပွဲမှာ အုပ်စုအဆင့်နဲ့သာ ကျေနပ်ခဲ့ရပြီး ဆီးဂိမ်းစ်ပြိုင်ပွဲမှာတော့ ကြေးတံဆိပ်တောင်မရခဲ့ဘဲ ပြန်လာခဲ့ရတာ ဖြစ်ပါ တယ်။ဒေါ်သက်သက်ဝင်းဟာ အရင်ကလည်း လက်ရွေးစင်အမျိုးသမီးအသင်းကို နည်းပြချုပ်အဖြစ် တာဝန်ယူ ခဲ့ပါသေးတယ်။
ဒေါ်သက်သက်ဝင်းဟာ ၂၀၁၆ က အိုလံပစ်အမျိုးသမီးဘောလုံးပြိုင်ပွဲမှာ လက်ရွေးစင်အမျိုးသမီးအသင်းကို ယာယီနည်းပြချုပ်အဖြစ် ကိုင်တွယ်ခဲ့ပါတယ်။၂၀၁၈-၁၉ မှာ အသက် ၁၉ နှစ်အောက် အမျိုးသမီးအသင်းကို ကိုင်တွယ်ခဲ့ပြီး အသက် ၁၉ နှစ်အောက် အာရှအမျိုးသမီးပြိုင်ပွဲ ဝင်ခွင့်ရရှိအောင် စွမ်းဆောင်နိုင်ခဲ့တာပါ။ဒါ့အပြင် ဒေါ်သက်သက်ဝင်းဟာ လက်ရွေးစင်အမျိုးသမီးနည်းပြဟောင်းတွေဖြစ်တဲ့ ဂျပန်နည်းပြ ကုမာဒါနဲ့ နယ်သာလန် နည်းပြ ရော်ဂျာတို့လက်ထက်မှာလည်း လက်ထောက်နည်းပြအဖြစ် ဆောင်ရွက်ခဲ့တာဖြစ်ပါတယ်။
- By CNI
- Category: အားကစား
- Hits: 610
CNI Sport News
၂၀၂၂ ခုနှစ်၊ ဇွန်လ ၂၈
သြစတြေးလျကစားသမား ဂရိုင်ဂျီယို့စ်က ဝင်ဘယ်လ်ဒန်အိုးပန်းပြိုင်ပွဲမှာ ရုရှားကစားသမားတွေ မပါဝင်ခြင်းနှင့် ရှိမနေခြင်းတို့အပေါ် ထူးဆန်းပြီး စိတ်ပျက်မိတယ်လို့ ပြောလိုက်ပါတယ်။
“ရိုးရိုးသားသားနဲ့ ကျနော့်အမြင်ကို ပြောရမယ်ဆိုရင် ရုရုားကစားသမားတွေကို ပိတ်ပင်တာက ကောင်းတဲ့အကြံ မဟုတ်ဘူးလို့ ထင်ပါတယ်။မက်ဗီဒက်ဗ်ဆိုရင် လက်ရှိ ကျနော်တို့ရဲ့အားကစားမှာ အကောင်းဆုံးပါ။ ရုရှား ကစား သမားအချို့ကိုလည်း ခင်ဗျားတို့ကြည့်လိုက်ပါ။သူတို့ဟာ ကျနော်တို့ရဲ့ အားကစားကိုဆက်ပြီး တိုးတက်ကြီးပွား စေဖို့အတွက် အရေးကြီးတဲ့ လူငယ်ကစားသမားတွေဖြစ်ပါတယ်။ကျနော်က ပြိုင်ဘက်ကောင်းတွေနဲ့ ယှဉ်ပြိုင်ချင် တဲ့အတွက် သူတို့ဒီမှာမရှိလို့ စိတ်ပျက်မိပါတယ်။မက်ဗီဒက်ဗ်ကို ဒီမှာ မတွေ့ရတာ ကျနော့်အတွက် ထူးဆန်းပါ တယ်” လို့ မီဒီယာတွေနဲ့တွေ့ဆုံချိန် ပြောခဲ့တာပါ။
ဝင်ဘယ်ဒန်အိုးပန်းပြိုင်ပွဲ ပွဲစီစဉ်သူတွေဟာ ယူကရိန်းကို ရုရှားကျူးကျော်တဲ့လုပ်ရပ်ကြောင့် ရုရှားနဲ့ ဘယ်လာရုစ် ကစားသမားတွေကို ပြိုင်ပွဲဝင်ခွင့် ပိတ်ပင်ခဲ့တာဖြစ်ပါတယ်။ဒီဆုံးဖြတ်ချက်ကို ကစားသမား အများအပြားက လည်း ဆန့်ကျင်ခဲ့ကြပေမယ့် ဝင်ဘယ်လ်ဒန်ကတော့ သူတို့ဆုံးဖြတ်ချက်ကိုမပြင်ဘဲ ဒီတိုင်းဆက်သွားခဲ့တာ ပါ။အဲဒါကြောင့်လည်း ATP နဲ့ WTA တို့က ဒီပြိုင်ပွဲရဲ့ အဆင့်သတ်မှတ်ချက်ရမှတ်တွေကို ဖယ်ရှားဖို့ ပြန်လည် ဆုံးဖြတ်ခဲ့တာဖြစ်ပါတယ်။
ရုရှားနဲ့ ဘယ်လာရုစ်ကစားသမားတွေကို ဝင်ဘယ်လ်ဒန်အိုးပန်းပြိုင်ပွဲယှဉ်ပြိုင်ခွင့်ပိတ်ပင်ခဲ့ပေမယ့် ပြင်သစ်၊ အမေရိကန်အိုးပန်းနဲ့ အခြားပြိုင်ပွဲတွေကတော့ ကြားနေနိုင်ငံတွေအဖြစ် ကိုယ်စားပြုပြီး ဝင်ရောက်ယှဉ်ပြိုင်ခွင့် ပေးထားခဲ့တာပါ။အခုနှစ်ဝင်ဘယ်လ်ဒန်အိုးပန်းပြိုင်ပွဲကို ဇွန်လ ၂၇ ရက်က စတင်ကျင်းပနေခဲ့ပြီး ပထမအဆင့် ပွဲစဉ်အများအပြား ယှဉ်ပြိုင်ခဲ့ပြီးပြီလည်း ဖြစ်ပါတယ်။နာမည်ကြီးကစားသမားတွေဖြစ်တဲ့ ဂျိုကိုဗစ်နဲ့အန်ဒီမာရေး တို့လည်း နိုင်ပွဲတွေရယူနိုင်ခဲ့တာပါ။
ဂရိုင်ဂျီယို့စ်ဟာ ဒီပြိုင်ပွဲရဲ့ ပထမအဆင့်မှာ ဗြိတိန်နိုင်ငံသား ပေါလ်ဂျက်ဘ်နဲ့ ယှဉ်ပြိုင်ရမှာပါ။အသက် ၂၇ နှစ် အရွယ်ရှိ ဂရိုင်ဂျီယို့စ်ဟာ ဝင်ဘယ်လ်ဒန်အိုးပန်းပြိုင်ပွဲမှာ အအောင်မြင်ဆုံးအဖြစ် ၂၀၁၄ က ကွာတားဖိုင်နယ် ရောက်ရှိခဲ့တာဖြစ်ပါတယ်။
Source:RT
- By CNI
- Category: အားကစား
- Hits: 604
CNI Sport News
၂၀၂၂ ခုနှစ်၊ ဇွန်လ ၂၈
မန်ချက်စတာ ယူနိုက်တက်အသင်းဟာ လာမယ့် ရာသီသစ်အတွက် ရာသီကြို လေ့ကျင့်မှု အစီအစဉ်တွေကို စတင်လိုက်ပြီ ဖြစ်ပါတယ်။
နည်းပြသစ် အဲရစ်တန်ဟတ်နဲ့အတူ နိုင်ငံတကာပွဲတွေ မကစားခဲ့ရတဲ့ ကစားသမားတွေဟာ အားလပ်ရက်အပြီးမှာ လာရောက် ပူးပေါင်းခဲ့ကြတာပါ။
ဒီဂီယာ၊ ဆန်ချို၊ ရက်ရှ်ဖို့ဒ်၊ လင်ဒီလော့ဖ်၊ ဖီးလ်ဂျုံးစ်၊ ဝမ်ဘစ်စကာ၊ လုပ်ခ်ရှော တို့နဲ့ အငှားသွားရောက် ကစားခဲ့ကြတဲ့ မာရှယ်၊ ဗန်ဒီဘိခ်၊ ဘရန်ဒန်ဝီလျံ၊ အာမတ်နဲ့ တွမ်ဇီဘီတို့လည်း လေ့ကျင့်မှုတွေ ပြုလုပ်နေကြပါတယ်။
ဒါ့အပြင် လူငယ်ကစားသမားတွေ ဖြစ်တဲ့ အီသန်လာ့တ်၊ ရှိုလာတိုင်ရာ၊ ဂါနာချိုနဲ့ အယ်လ်ဗာရို ဖာနန်ဒတ်စ်တို့လည်း အသင်းကြီးနဲ့အတူ ပူးပေါင်းခဲ့ကြပါတယ်။
ပြီးခဲ့တဲ့ ရာသီက လူငယ်အသင်းမှာ ခြေစွမ်းပြခဲ့တဲ့ ဂါနာချိုကတော့ အာဂျင်တီးနား ယူ-၂၀ နဲ့ ကစားထားလို့ အားလပ်ရက် ၃ ပတ်ရဖို့ ကျန်သေးပေမယ့် သူ့ရဲ့ ခြေစွမ်းတွေကို နည်းပြသစ်ကို ပြသဖို့ စောစီးစွာ ပူးပေါင်းခဲ့တာ ဖြစ်ပါတယ်။
လေ့ကျင့်ရေး လုပ်နေကြတဲ့ မန်ယူအသင်းသားများ (Manchester United)
ကစားသမားတွေဟာ အစုအဖွဲ့လိုက် လေ့ကျင့်မှု မပြုလုပ်ခင် အသင်းရဲ့ ဆေးအဖွဲ့ဝင်တွေနဲ့ တစ်ဦးချင်း စစ်ဆေးမှုတွေ ပြုလုပ်ခဲ့ရပါတယ်။ မန်ချက်စတာ ယူနိုက်တက် အသင်းဟာ ရာသီကြို ခြေစမ်းပွဲတွေကို ဇူလိုင် ၁၂ ရက်မှာ စတင် ယှဉ်ပြိုင် တော့မှာ ဖြစ်ပါတယ်။
ဒီပွဲကတော့ ပရီးမီးယားလိဂ် ပြိုင်ဘက်ကြီး လီဗာပူးလ်အသင်းနဲ့ ဘန်ကောက်မှာ ကစားကြမှာဖြစ်ပြီး ဒီပွဲပြီးရင်တော့ သြစတြေးလျမှာ မဲလ်ဘုန်းဗစ်ထရီ၊ ပဲလေစ့်၊ အက်စတွန်ဗီလာ၊ အော်စလိုမှာ အသလက်တီကို မက်ဒရစ်တို့နဲ့ ခြေစမ်းပွဲတွေ ဆက်လက် ယှဉ်ပြိုင်သွားမှာ ဖြစ်ပါတယ်။
ရာသီကြို နောက်ဆုံး ခြေစမ်းပွဲအဖြစ် ဇူလိုင် ၃၁ ရက် အိုးထရက်ဖို့ဒ်မှာ ဗယ်လက်ကာနိုအသင်းနဲ့ ယှဉ်ပြိုင်မှာပါ။
မန်ချက်စတာ ယူနိုက်တက် အသင်းဟာ ရာသီကြို ခြေစမ်းပွဲမတိုင်ခင် ဘာစီလိုနာအသင်း ကွင်းလယ်လူ ဒီဂျောင်၊ အေဂျတ်စ် တောင်ပံကစားသမား အန်တိုနီနဲ့ ဘရန်ဖို့ဒ်အသင်း ကွင်းလယ်လူဟောင်း အဲရစ်ဆန်တို့ကို ခေါ်ယူနိုင်ဖို့ အရှိန်မြှင့် လုပ်ဆောင် နေပါတယ်။
မန်ချက်စတာ ယူနိုက်တက် အသင်းဟာဆိုရင် လာမယ့်ရာသီ ပရီးမီးယားလိဂ် အဖွင့်ပွဲစဉ်အဖြစ် သြဂုတ်လ ၇ ရက်နေ့မှာ ဘရိုက်တန်အသင်းနဲ့ အိမ်ကွင်းမှာ ယှဉ်ပြိုင်ကစားဖို့ ရှိပါတယ်။
Source: Metro
- By CNI
- Category: Watch TV
- Hits: 322
- By CNI
- Category: အားကစား
- Hits: 532
CNI Sport News
၂၀၂၂ ခုနှစ်၊ ဇွန်လ ၂၇
၂၀၂၂ မြန်မာနေရှင်နယ်လိဂ်ပြိုင်ပွဲ ပွဲစဉ် ၁ ရဲ့ တတိယမြောက်ပွဲစဉ်အဖြစ် ဒီကနေ့ ဇွန်လ ၂၇ ရက်နေ့မှာ မဟာ ယူနိုက်တက်နဲ့ လက်ရှိချန်ပီယံ ရှမ်းယူနိုက်တက်တို့ ယှဉ်ပြိုင်ကစားခဲ့ကြပါတယ်။
ဒီပွဲမှာတော့ ရှမ်းယူနိုက်တက်အသင်းက မဟာယူနိုက်တက်အသင်းကို ၅ ဂိုး - ၁ ဂိုး နဲ့ အနိုင်ရရှိခဲ့တာပါ။ ပထမပိုင်းမှာ နှစ်သင်းစလုံး အပြန်အလှန်ထိုးဖောက်မှုတွေနဲ့ပွဲက အကြိတ်အနယ်ရှိခဲ့တာဖြစ်ပါတယ်။ အပြန် အလှန် သွင်းဂိုးတွေလည်း မြင်တွေ့ခဲ့ရပြီး ပထမပိုင်းမှာ ရှမ်းယူနိုက်တက်အသင်းက ၂ ဂိုး- ၁ ဂိုးနဲ့ အနိုင် ရရှိခဲ့တာပါ။ ရှမ်းယူနိုက်တက်အတွက် ဂိုးတွေကို မာခ့်ဆာကီးနဲ့ စအောင်ပြည့်ကို တို့က သွင်းယူခဲ့ပြီး မဟာ ယူနိုက်တက်အတွက် ဂိုးကို သူရမင်းနိုင်က သွင်းယူခဲ့တာဖြစ်ပါတယ်။
ဒုတိယပိုင်းမှာ ရှမ်းယူနိုက်တက်အသင်းက မဟာယူနိုက်တက်ထက် ပိုပြီးဖိအားပေးခြိမ်းခြောက်နိုင်ခဲ့တာကို တွေ့ခဲ့ရပါတယ်။ကစားအားလည်းတော်တော်လေး ကွာသွားခဲ့တာကို တွေ့မြင်ခဲ့ရတာပါ။ ရှမ်းယူနိုက်တက်အသင်း ဟာ ဂိုးသွင်းနိုင်ခွင့် အခွင့်အရေးအများအပြားလည်း ရရှိခဲ့ပေမယ့် အဆုံးသတ်ပိုင်း အားနည်းခဲ့တာကြောင့် ဂိုးသွင်း ခွင့်အများအပြားဆုံးရှုံးခဲ့ရပါတယ်။ဒါပေမယ့် ရှမ်းယူနိုက်တက်အသင်း နောက်ထပ် ၃ ဂိုး ထပ်သွင်းနိုင်ခဲ့တာပါ။
ဒီဂိုးတွေကို ရဲမင်းသူ၊ တည်ငြိမ်မင်းနဲ့ မာခ့်ဆာကီးတို့က သွင်းယူခဲ့တာပါ။အဲဒါကြောင့် ပွဲအပြီးမှာ ရှမ်းယူနိုက်တက် အသင်းက မဟာယူနိုက်တက်အသင်းကို ၅ ဂိုး- ၁ ဂိုးနဲ့ ဂိုးပြတ်အနိုင်ရရှိခဲ့တာဖြစ်ပါတယ်။
ဇွန်လ ၂၉ ရက်မှာတော့ နောက်ထပ် ပွဲစဉ်တစ်ပွဲအဖြစ် ISPE FC နဲ့ ရခိုင်ယူနိုက်တက်တို့ ယှဉ်ပြိုင်ကြမှာ ဖြစ်ပါ တယ်။
- By CNI
- Category: အားကစား
- Hits: 512
CNI Sport News
၂၀၂၂ ခုနှစ်၊ ဇွန်လ ၂၇
ချယ်လ်ဆီးအသင်းကို ပိုင်ရှင်သစ် တော့ဒ်ဘိုလီ လွှဲပြောင်းယူပြီးနောက် နည်းစနစ် ဒါရိုက်တာနဲ့ စွမ်းဆောင်ရည် ပိုင်းဆိုင်ရာ အကြံပေးဖြစ်တဲ့ ပီတာချက် ဟာ အသင်းက ထွက်ခွာတဲ့ နောက်ဆုံးဝန်ထမ်း အဖွဲ့ဝင် ဖြစ်လာခဲ့ပါတယ်။
ပီတာချက် ဟာ ချယ်လ်ဆီးအသင်းမှာ နှစ်ပေါင်းများစွာကြာ ကစားသမားအဖြစ် ဖြတ်သန်းခဲ့ပြီး အနားယူပြီးနောက်မှာ အသင်းထံ ပြန်လာခဲ့သူ ဖြစ်ပါတယ်။
ဒါပေမယ့် အေဘရာမိုဗစ်ချ် ဆီကနေ တော့ဒ်ဘိုလီ အပြီးသတ် လွှဲပြောင်းယူပြီးနောက်မှာတော့ ပီတာချက် အသင်းက ထွက်ခွာဖို့ ဖြစ်လာခဲ့ပါတယ်။
ချယ်လ်ဆီးအသင်း ဂိုးသမားဟောင်းဟာ ဇွန်လ ၃၀ ရက်မှာပဲ အသင်းကနေ ထွက်ခွာတော့မှာ ဖြစ်ကြောင်း ချယ်လ်ဆီးအသင်းကလည်း အတည်ပြုထားပါတယ်။
တော့ဒ်ဘိုလီကိုတွေ့ရစဉ်(Football London)
ပီတာချက်က “ချယ်လ်ဆီးမှာ ဒီအခန်းကဏ္ဍကို လွန်ခဲ့တဲ့ ၃ နှစ်လောက်က ထမ်းဆောင်ခွင့် ရခဲ့တာက ကြီးမားတဲ့ အခွင့်ထူး ပါပဲ။ ပိုင်ရှင်အသစ် ရောက်လာတာနဲ့အတူ အခုအချိန်ဟာ အသင်းက ထွက်ခွာဖို့ မှန်ကန်တဲ့ အချိန်လို့ ကျနော် ခံစားခဲ့ရပါ တယ်။ ကလပ်က ပိုင်ရှင်အသစ်နဲ့အတူ ကောင်းမွန်တဲ့ အအနေအထားမှာ ရှိတဲ့အတွက် ကျေနပ်မိပါတယ်။ ကွင်းအတွင်းမှာ ရော ကွင်းပြင်ပမှာပါ အောင်မြင်မှု ရမယ်ဆိုတာ ကျနော်ယုံကြည်ကြောင်း” ကလပ်ရဲ့ မီဒီယာကို ပြောခဲ့ပါတယ်။
ပိုင်ရှင်အသစ်ဖြစ်သူ တော့ဒ်ဘိုလီက ပီတာချက် ကို ဘုတ်အဖွဲ့မှာ ဆက်ထားဖို့ ကြိုးစားခဲ့ပေမယ့် ကစားသမားဟောင်းက ထွက်ခွာဖို့ ဆုံးဖြတ်ခဲ့တာ ဖြစ်ပါတယ်။
တော့ဒ်ဘိုလီ က “ ပီတာက ချယ်လ်ဆီး မိသားစုရဲ့ အရေးပါတဲ့ အဖွဲ့ဝင်ပါ။ ထွက်ခွာချင်တဲ့ သူ့ရဲ့ ဆုံးဖြတ်ချက်ကို ကျနော်တို့ နားလည်ပြီး အကြံပေးအဖြစ် အသင်းအတွက် သူလုပ်ဆောင်ပေးခဲ့တဲ့ အရာတွေ အားလုံးအတွက် ကျေးဇူးတင်ရှိပါတယ်။ ကျနော်တို့ဘက်က သူ့ကို အကောင်းဆုံး ဖြစ်ပါစေလို့ ဆုတောင်းပေးကြောင်း” ပြောခဲ့ပါတယ်။
ချယ်လ်ဆီးအသင်းကို တော့ဒ်ဘိုလီ လွှဲပြောင်းရယူပြီးနောက် အသင်းဥက္ကဋ္ဌ ဘရုစ်ဘတ် လည်း ထွက်ခွာခဲ့သလို မကြာသေး ခင်က အပြောင်းအရွှေ့ အများအပြားရဲ့ နောက်ကွယ်မှာရှိခဲ့တဲ့ မာရီနာ လည်း ထွက်ခွာခဲ့ပါတယ်။
Source: Mirror
- By CNI
- Category: အားကစား
- Hits: 587
CNI Sport News
၂၀၂၂ ခုနှစ်၊ ဇွန်လ ၂၇
ဖီဖာဥက္ကဋ္ဌဟောင်း ဘလတ္တာက လက်ရှိဥက္ကဋ္ဌဖြစ်သူ အင်ဖန်တီနို ဟာ သူ့ရဲ့ ဂုဏ်သိက္ခာကို ဖျက်ဆီးဖို့ ကြိုးစားနေတယ်လို့ စွပ်စွဲလိုက်ပါတယ်။
ဘလတ္တာက “ ကျနော်ဒီကို ရောက်တဲ့အချိန်မှာ ဘာမှမရှိခဲ့ပါဘူး။ ကျနော်ထွက်ခွာသွားတဲ့ အချိန်မှာတော့ စီးပွားရေးအရ၊ လှုမှုရေးအရ၊ ယဉ်ကျေးမှု အရရော နိုင်ငံရေးအရပါ ခိုင်မာတဲ့ နိုင်ငံတကာ အဖွဲ့အစည်း ဖြစ်ခဲ့ပါတယ်။ ဘာကြောင့်လဲဆိုတာ မသိပေမယ့် အင်ဖန်တီနိုက ကျနော့်ကို အလိုမရှိပါဘူး။ သူက ကျနော့်ကို အမှု အတုအယောင်ကိုတောင် ဖန်တီးဖို့ ကြိုးစားခဲ့ တာပါ။ သူက ကျနော့်ကို ဖြိုခွဲချင်နေတာပါ။ ကျနော်လုပ်ခဲ့သမျှ အရာအားလုံးထက် သူလုပ်တာက ပိုကောင်းတယ်လို့ ထင်နေ လို့ပါ။ ရာဇဝတ်မှု ဗီဇရှိတဲ့ သူလို့ရော သူခိုးလို့ရော စွပ်စွဲခံခဲ့ရပါတယ်။ ဒါဟာ လုံးဝ အဓိပ္ပါယ်မဲ့ပါတယ်” လို့ RTS နဲ့ အင်တာဗျူးမှာ ပြောခဲ့ပါတယ်။
ဘလတ္တာဟာ လက်ရှိအချိန်မှာ ယူအီးအက်ဖ်အေ ဥက္ကဋ္ဌဟောင်း ပလာတီနီနဲ့အတူ လိမ်လည်မှု၊ အလွဲသုံးစားလုပ်မှု၊ အကျင့် ပျက် ခြစားမှု စွဲချက်တွေနဲ့ တရားရင်ဆိုင် နေရပါတယ်။ အစိုးရရှေ့နေတွေက သူတို့ နှစ်ဦးကို ထောင်ဒဏ် လ ၂၀ ချမှတ်ဖို့ တောင်းဆိုထားပြီး ဇူလိုင်လအစပိုင်းမှာ စီရင်ချက်ချမယ်လို့ ခန့်မှန်းထားပါတယ်။
ဘလတ္တာနဲ့ ပလာတီနီ ကိုတွေ့ရစဉ်
ယူအီးအက်ဖ်အေ ဥက္ကဋ္ဌဟောင်း ပလာတီနီ ကတော့ စွဲချက်တွေ အားလုံးကို ဖီဆန်ခဲ့ပြီး နောက်ဆုံးအကြိမ် အထိ တိုက်ပွဲ ဝင်သွားမယ်လို့ ကတိပြုခဲ့ပါတယ်။
ပလာတီနီက “မတရားမှုတွေကို အကာအကွယ် ခံနေရပါတယ်။ ဘောလုံးပွဲတွေ ကစားတဲ့အချိန် ဒိုင်လူကြီးရဲ့ အဆုံးအဖြတ် ကြောင့် အရေးနိမ့်ခဲ့ရတဲ့ ပွဲတွေမှာ ကျနော်တို့ အနည်းငယ် အကာအကွယ်တွေ ခံရပါတယ်။ ဒါပေမယ့် မတရားမှုတွေက ခင်ဗျား ချစ်ရတဲ့သူတွေ၊ ခင်ဗျားရဲ့ မိသားစု၊ ခင်ဗျားရဲ့ ကလေးတွေနဲ့ ခင်ဗျားရဲ့ မြေးတွေကို နာကျင်စေရပါတယ်။ ဘာကြောင့် လဲဆိုရင် သူတို့က ဒီလိုတွေခံရဖို့ အဆင်သင့် မဖြစ်သေးပါဘူး။ ကျနော်တို့ တိုက်ပွဲဝင်သွားမှာဖြစ်ပြီး အရှုံးပေးမှာ မဟုတ်ဘဲ သွားနေမှာ”လို့ RTS ကို ပြောခဲ့ပါတယ်။
ဘလတ္တာ ဟာ ဖီဖာဥက္ကဋ္ဌရာထူးကို ၁၉၉၈ ခုနှစ်ကနေ ၂၀၁၅ ခုနှစ်အထိ တာဝန်ယူခဲ့သလို ပလာတီနီကတော့ ယူအီးအက်ဖ် အေ ဥက္ကဋ္ဌရာထူးကို ၂၀၀၇ ခုနှစ်ကနေ ၂၀၁၅ ခုနှစ်အထိ တာဝန်ယူခဲ့ ပါတယ်။
Source: Goal
- By CNI
- Category: အားကစား
- Hits: 789
CNI Sport News
၂၀၂၂ ခုနှစ်၊ ဇွန်လ ၂၇
မန်ချက်စတာယူနိုက်တက်အသင်းဟာ ဒီဂျောင်ရဲ့အပြောင်းအရွှေ့အစိတ်အပိုင်းအဖြစ် မက်ဂွဲယားကို လိုချင်နေတဲ့ ဘာစီလိုနာရဲ့ ကြိုးပမ်းမှုကို ပယ်ချလိုက်ပါတယ်။
ယူနိုက်တက်အသင်းဟာ အခုနွေရာသီအပြောင်းအရွှေ့ အဓိကပစ်မှတ်ဖြစ်တဲ့ ဒီဂျောင်ကိုခေါ်ယူဖို့ ဘာစီလိုနာ အသင်းနဲ့ပြောင်းရွှေ့ကြေး ညှိနှိုင်းနေပြီး သဘောတူညီမှုရယူနိုင်ခဲ့ပြီလို့ သတင်းတွေမှာ ဖော်ပြထားတာပါ။ ဘာစီလိုနာအသင်းဟာ မက်ဂွဲယားကို ခေါ်ယူဖို့ စိတ်ဝင်စားနေတာကြောင့် ဒီဂျောင်ရဲ့အပြောင်းအရွှေ့ အစိတ် အပိုင်းအဖြစ် မက်ဂွဲယားကိုပါထည့်သွင်းဖို့ တောင်းဆိုခဲ့တယ်လို့ The Sun သတင်းဌာနက ဖော်ပြထားပါတယ်။ ဒါပေမယ့် ယူနိုက်တက်ကတော့ ဒါကို ငြင်းပယ်သွားခဲ့တာပါ။
ယူနိုက်တက်အသင်းဟာ ဒီဂျောင်အတွက် သဘောတူညီမှုရရှိထားတဲ့ ပြောင်းရွှေ့ကြေး ပေါင် ၆၉ သန်းကို ငွေသား ပေးချေသွားမှာဖြစ်ပြီး သူတို့ရဲ့ အသင်းခေါင်းဆောင်ကို ပေးသွားမှာမဟုတ်ဘူးလို့ ပြောခဲ့ပါတယ်။ ယူနိုက်တက် အသင်းဟာ အခုနွေရာသီအပြောင်းအရွှေ့မှာ နောက်ခံလူတွေဖြစ်တဲ့ ဘိုင်လီ၊ဖီးလ်ဂျုံးစ်၊တွမ်ဇီဘီနဲ့ ဝမ်ဘစ်စကာ တို့ကို ထွက်ခွာခွင့်ပေးဖို့ ရှိနေပါတယ်။ယူနိုက်တက်နည်းပြသစ် အဲရစ်တန်ဟတ်ဟာ မက်ဂွဲယားနဲ့အတူ အလုပ် လုပ်ချင်တာကြောင့် ကလပ်အသင်းက အင်္ဂလန်နောက်ခံလူကို ရောင်းချဖို့ ဆန္ဒမရှိတာလည်း ဖြစ်ပါတယ်။
မက်ဂွဲယားဟာ ၂၀၁၉ က လက်စတာကနေ ပေါင်သန်း ၈၀ နဲ့ ရောက်ရှိလာခဲ့ပြီး ၆ လအကြာမှာပဲ အသင်း ခေါင်းဆောင်ဖြစ်ခဲ့တာပါ။အသက် ၂၉ နှစ်အရွယ်ရှိ နောက်ခံလူဟာ ပြီးခဲ့တဲ့ရာသီက ပြသခဲ့တဲ့ စွမ်းဆောင်ရည် တွေကြောင့် ပရိသတ်တွေရဲ့ ပြင်းပြင်းထန်ထန် ဝေဖန်ခြင်းကို ခံခဲ့ရတာဖြစ်ပါတယ်။ ပရိသတ်တွေက သူ့ကို ပွဲထွက်လူစာရင်းကနေ ချန်လှပ်ဖို့တောင် တောင်းဆိုခဲ့ကြတာပါ။မက်ဂွဲယားအနေနဲ့ နည်းပြသစ်တန်ဟတ် လက်ထက်မှာ အသင်းခေါင်းဆောင်ရာထူး ဆက်လက်ရယူဖို့ မသေချာတော့တာလည်းဖြစ်ပါတယ်။
တန်ဟတ်ကတော့ အသင်းခေါင်းဆောင်ရာထူးနဲ့ပတ်သက်ပြီး ကစားသမားတွေကို ရွေးချယ်ခိုင်းဖို့ရှိနေပြီး ဂိုးသမား ဒီဂီယာက အသင်းခေါင်းဆောင်သစ်ဖြစ်လာနိုင်တယ်လို့ သတင်းတွေမှာ ဖော်ပြထားတာပါ။ မက်ဂွဲ ယားဟာ ကာလကြာရှည်လက်တွဲဖော် ဖန်ဟော်ကင်းစ်နဲ့ မင်္ဂလာပွဲဆင်နွှဲထားပြီး နည်းပြရဲ့အထူးခွင့်ပြုချက်နဲ့ ဟန်းနီးမွန်းထွက်ဖို့ ရှိနေကာ ရာသီကြိုလေ့ကျင့်ရေးအစီအစဉ်တွေကို ပူးပေါင်းဦးမှာ မဟုတ်ဘူးလို့ သိရပါတယ်။
Source:Metro
- By CNI
- Category: အားကစား
- Hits: 939
CNI Sport News
၂၀၂၂ ခုနှစ်၊ ဇွန်လ ၂၇
မြန်မာလက်ဝှေ့မယ် ဘရော်နီကာဟာ ထိုင်းလက်ဝှေ့မယ် ပလာရီဖာကို အလဲထိုးကာ Thai Fight မှာ ၅ ပွဲဆက်တိုက်နိုင်ပွဲရရှိခဲ့တာဖြစ်ပါတယ်။
ဇွန်လ ၂၆ ရက် ထိုးသတ်ခဲ့တဲ့ဒီပွဲမှာ ဘရော်နီကာဟာ ပလာရီဖာကို ဒုတိယအချီမှာ အနိုင်ရရှိခဲ့တာပါ။ ဘရော် နီကာဟာ ပထမအချီကတည်းက ပလာရီဖာကို အသာစီးနဲ့ ထိုးသတ်နိုင်ခဲ့တာဖြစ်ပြီး ဒုတိယအချီအစပိုင်းမှာ သူ့ရဲ့ ထိုးချက်ကြောင့် ပြိုင်ဘက်လက်ဝှေ့မယ့် လဲကျသွားခဲ့ကာ အလဲထိုးနဲ့ နိုင်ပွဲရရှိခဲ့တာဖြစ်ပါတယ်။ ဘရော်နီကာဟာ နိုင်ပွဲရပြီးနောက် ကယန်းအလံကို လွှမ်းခြုံပြီး အောင်ပွဲခံခဲ့တာကို တွေ့မြင်ခဲ့ရတာပါ။ ဘရော်နီကာအတွက်တော့ ဒီပွဲအပါအဝင် Thai Fight မှာ ပြိုင်ဘက်တိုင်းကို အလဲထိုးနဲ့ အနိုင်ယူနေခဲ့တာဖြစ်ပါတယ်။
ဘရော်နီကာဟာ ဒီနိုင်ပွဲကြောင့် ကမ္ဘာ့မွေထိုင်းအဖွဲ့အစည်းရဲ့ bantamweight အဆင့်သတ်မှတ်ချက် နံပတ် ၁ နေရာကို နိုင်ပွဲတွေနဲ့အတူ ဆက်လက်ထိန်းသိမ်းနိုင်ခဲ့တာပါ။ ဘရော်နီကာရဲ့နိုင်ပွဲကို သူ့ရဲ့ကလပ်ဖြစ်တဲ့ တိုက်ဂါး မွေထိုင်းက ချီးကျုးဂုဏ်ပြုခဲ့ပြီး ပရိသတ်တွေအားလုံးကလည်း မြန်မာ့လက်ဝှေ့မယ်ကို ဝိုင်းပြီး ဂုဏ်ပြုကြောင်း မှတ်ချက်တွေရေးသားခဲ့ကြတာဖြစ်ပါတယ်။ ဘရော်နီကာကို တိုက်ဂါးမွေထိုင်းကလပ်ရဲ့ ဒါရိုက်တာဖြစ်သူက Thai Fight ရဲ့ ဘုရင်မလို့ တင်စားထားခဲ့တာပါ။
Thai Fight နဲ့ ၃ နှစ်စာချုပ်ချုပ်ဆိုထားတဲ့ ဘရော်နီကာရဲ့ အနာဂတ်ရည်မှန်းချက်က UFC ပြိုင်ပွဲမှာ ချန်ပီယံဆု ရယူဖို့ ဖြစ်တယ်လို့ ပြောထားတာဖြစ်ပါတယ်။ ဘရော်နီကာဟာ မြန်မာနိုင်ငံရဲ့ပထမဆုံးအမျိုးသမီး ရွှေခါးပတ် ဆုရှင်အဖြစ်လည်း မှတ်တမ်းတင်ထားနိုင်သူပါ။
ဇွန်လ ၂၆ ရက်က ကျင်းပခဲ့တဲ့ Thai Fight ပြိုင်ပွဲမှာ ဘရော်နီကာနဲ့ အတူ ရိုးရာလက်ဝှေ့သမားဖြစ်တဲ့ ထွန်းမင်းလတ်လည်း ဝင်ရောက်ထိုးသတ်ခဲ့ပါတယ်။ ဒါပေမယ့် ထွန်းမင်းလတ်ကတော့ ပြိုင်ဘက်လက်ဝှေ့သမား ကို ယှဉ်မထိုးနိုင်ဘဲ ပထမအချီမှာပဲ အလဲထိုးနဲ့ အရေးနိမ့်သွားခဲ့တယ်လို့ သိရပါတယ်။
- By CNI News
- Category: အားကစား
- Hits: 756
- By CNI
- Category: Watch TV
- Hits: 310
Page 61 of 78