CNI News
၂၀၂၁ ခုနှစ်၊ ဇူလိုင် ၂၀
ရန်ကုန်မြို့၊ အင်းစိန်ထောင်အတွင်း ထိန်းသိမ်းခံထားရသော အမျိုးသား ဒီမိုကရေစီအဖွဲ့ချုပ် (NLD) ဗဟိုအလုပ်အမှုဆောင် ဦးဉာဏ်ဝင်းသည် ယနေ့ နံနက် ၉ နာရီကျော် က ရန်ကုန်ပြည်သူ့ဆေးရုံကြီးတွင် ကွယ်လွန်သွားကြောင်း သိရသည်။
ကိုဗစ်-၁၉ ကူးစက်ခံရသည့်အတွက် ဇူလိုင် ၁၁ ရက်နေ့မှစတင်ကာ အင်းစိန် ထောင်မှ ရန်ကုန်ပြည်သူ့ဆေးရုံကြီး သို့ လွှဲပြောင်းကုသမှုခံယူနေရာ ယနေ့ (ဇူလိုင် ၂၀ ရက်)နံနက်ပိုင်းတွင် ကွယ်လွန်သွားခဲ့သည်။ ကွယ်လွန်ချိန်တွင် အသက် ၇၈နှစ်ရှိပြီ ဖြစ်ကြောင်း သိရသည်။
ဦးညဏ်ဝင်းသည် ဆီးကျိတ်ရောဂါနဲ့ အစာအိမ်သွေးကြောရောဂါအခံရှိသူ ဖြစ်ကြောင်းလည်း သိရသည်။
