CNI International News
မော်စကို၊ ဇွန်လ ၂၇
ဇွန် ၂၄ ရက်က တပ်တွင်းပုန်ကန်မှုအတွင်း ပြင်သစ်သမ္မတ အီမန်နျူရန် မက်ခရွန် (Emmanuel Macron) သည် ရုရှားနှင့် အပေးအယူလုပ်ရန် ခြိမ်းခြောက်မှုသည် ဆိုးရွားပြင်းထန်သည့် ထိုးနှက်ချက် တစ်ခုဖြစ်သည်ကို နားလည်သဘောပေါက်ရန် အခွင့်အရေးဖြစ်ခဲ့သည်ဟု ရုရှားနိုင်ငံခြားရေးဝန်ကြီး ဆာဂျေလာဗရော့ဗ် (Sergey Lavrov)က ပြောသည်။
ရုရှားသတင်းဌာနဖြစ်သည့် အာတီသတင်းဌာနနှင့် အင်တာဗျူးတစ်ခုတွင် ပြောခဲ့ခြင်းသည်။
မက်ခရွန်သည် အမေရိကန်နှင့် အတူတကွရှိနေကြောင်း လာဗရော့ဗ်က ပြောသည်။
အခြေအနေကို ဂရုတစိုက် စောင့်ကြည့်နေကြောင်း၊ ယင်းသည် အလျင်အမြန်ပင် ပြောင်းလဲဖြစ်ပျက်နေကြောင်း၊ သို့သော် အဓိကအချက်မှာ ခွဲထွက်မှု၊ အစိုးရနှင့်စစ်တပ်၏ ထိလွယ်ရှလွယ် ဖြစ်မှုတို့သည် ယူကရိန်းတွင် စစ်ရေး အရ ထောက်ပံ့မှုများကို ဆက်လက် လုပ်ဆောင်ရန် ကြိုးပမ်းမှုများသည် တရားမျှတမှုရှိသည်ကို အပြည့်အဝ ဖော်ပြနေကြောင်း ရုရှားသံတမန်က ပြောသည်။
လာဗရော့ဗ်နဲ့ အာတီ အင်တာဗျူး လုပ်နေစဉ်
ဖြစ်စဉ်များတွင် မက်ခရွန်သည် ယူကရိန်း၏ ရုရှားနှင့်ဆက်ဆံခြင်းဆိုင်ရာ ခြိမ်းခြောက်မှုသည် မဟာဗျူဟာ မြောက် ထိုးနှက်ချက် ဖြစ်သည်ကို နားလည် သဘောပေါက် သွားခဲ့ကြောင်း၊ ယင်းသည် နေတိုးအဖွဲ့ ခေါင်းဆောင် များ ကိုင်ဆွဲထားသည့် အယူအဆတစ်ခုလည်းဖြစ်ကြောင်း လာဗရော့ဗ်က ပြောသည်။
မက်ခရွန်သည်လည်း ယူကရိန်းနှင့် အနောက်အုပ်စု မီဒီယာများမှ အာဏာပိုင်များနည်းတူ ရုရှားအား ဆန့်ကျင် သည့် စက်တစ်လုံး၏ အစိတ်အပိုင်း တစ်ခုသာဖြစ်သည်ဟု လာဗရော့ဗ်က ပြောသည်။
ရုရှားသမ္မတ ပူတင်၏ ဇွန်လ ၂၄ ရက်နေ့ မိန့်ခွန်းကဲ့သို့ပင် အနောက်အုပ်စု၏ စစ်ဘက်၊ စီးပွားရေးနှင့် သတင်း အချက်အလက် အဖွဲ့အစည်းတစ်ခုလုံးသည် ရုရှားကို ဆန့်ကျင်ရန်အတွက် ဖန်တီးထားသည်ဟုလည်း ရုရှား နိုင်ငံခြားရေးဝန်ကြီးက အဆုံးသတ် ပြောသွားခဲ့သည်။
Source: တာ့စ်
