CNI Sport News
၂၀၂၂ ခုနှစ်၊ ဧပြီ ၂၆
နေမာ ဦးဆောင်တဲ့ ပီအက်စ်ဂျီ အသင်း ကစားသမားတွေဟာ လီဂူးဝမ်းဆုဖလားကို စံချိန်တင်(၁၀)ကြိမ်မြောက် ရယူပြီးနောက် သီးသန့်ဆုဖလား အောင်ပွဲခံအခမ်းအနားကျင်းပသွားခဲ့ပါတယ်။
ပီအက်စ်ဂျီ အသင်းဟာ ပြီးခဲ့တဲ့ စနေနေ့ က ကစားခဲ့တဲ့ လီဂူးဝမ်းပွဲစဉ်မှာ လန်းစ် အသင်းနဲ့ ၁ ဂိုးစီ သရေကျပြီး နောက် အမှတ်ပေးချန်ပီယံဆုကို ရယူဖို့ သေချာသွားခဲ့တာပါ။ကစားသမားတွေစုရုံးခဲ့တဲ့ ကြီးမားတဲ့ ပါတီကို ပီအက်စ်ဂျီ အသင်းရဲ့ ကမ္ဘာ့ဈေးအကြီးဆုံး ကစားသမား နေမာ က ဦးဆောင်ခဲ့တာဖြစ်ပါတယ်။နေမာ ဟာ စင်မြင့်ပေါ်မှာ မိုက်ခရိုဖုန်းကိုင်ပြီး သီချင်းဆိုနေခဲ့တာကို သူ့ရဲ့ အင်စတာဂရမ်မှာ တင်ထားခဲ့တာပါ။ဘရာဇီးလ် ကစားသမားဟာ သီချင်းကို လိုက်ဆိုရင်းနဲ့ စွဲမက်ဖွယ်ကောင်းတဲ့ အသံအချို့ကို ပြသခဲ့တယ်လို့ သတင်းမှာ ဖော်ပြထားပါတယ်။
နေမာ ဟာ ဒီအောင်ပွံခံပါတီမှာ ချစ်သူ ဘီယန်ကာဒီကို ပွေ့ဖက်ထားခဲ့တာပါ။နေမာနဲ့ ဘီယန်ကာဒီ တို့ဟာ လပေါင်းများစွာ ထင်ကြေးပေးခံရပြီးနောက် ပြီးခဲ့တဲ့ ဇန်နဝါရီလမှာ လူသိရှင်ကြား ထွက်ပြခဲ့တာဖြစ်ပါတယ်။ နေမာ ဟာ မာကွင်ဟို၊ကင်မ်ပန်ဘီ၊ပါရဲရား၊ဂွီယီ တို့အပါအဝင် ကစားသမားအချို့နဲ့အတူတွဲဓါတ်ပုံရိုက်ကာ အင်စတာဂရမ်မှာ တင်ထားခဲ့တာပါ။ရီးရယ်လ် ပစ်မှတ် ဘတ်ပီ ကိုတော့ ဆိုရှယ်မီဒီယာမှာ တင်ထားတဲ့ ပုံတွေထဲ မှာ မတွေ့ခဲ့ရဘူးလို့သိရပါတယ်။ဘတ်ပီ ဟာ အခုရာသီအကုန်မှာ ပီအက်စ်ဂျီ အသင်းနဲ့ စာချုပ်ကုန်ဆုံးတော့မှာ ဖြစ်ပါတယ်။
ဘတ်ပီအနေနဲ့ အသင်းမှာ ဆက်ရှိ၊မရှိဆိုတာကို အခုအချိန်ထိ အတည်ပြုပြောထားခြင်းမရှိသေးပါဘူး။လန်းစ် နဲ့ ပွဲမှာ ပီအက်စ်ဂျီ အတွက် ဂိုးသွင်းပေးခဲ့တဲ့ မက်ဆီကိုလည်း ပုံတွေထဲမှာ တွေ့မြင်ရခြင်းမရှိတာကြောင့် အောင်ပွဲခံ အခမ်းအနားမှာ အာဂျင်တီးနား ကစားသမားရှိနေတာဟာ လျှို့ဝှက်ဆန်းကြယ်မှုလည်း ဖြစ်နိုင်တယ်လို့ သတင်း မှာ ဖော်ပြထားတာဖြစ်ပါတယ်။ပီအက်စ်ဂျီ အသင်းဟာ ပြီးခဲ့တဲ့ရာသီက လီဂူးဝမ်းဖလားကို လိုင်လီ အသင်းထံ ပေးခဲ့ရပြီး တစ်ရာသီအကြာမှာ ပြန်လည်ရယူနိုင်ခဲ့တာပါ။
ပီအက်စ်ဂျီ အသင်းဟာ (၁၀)ရာသီအတွင်းမှာ လီဂူးဝမ်းဖလားကို (၈)ကြိမ်မြောက် ကိုင်မြှောက်နိုင်ခဲ့တာလည်း ဖြစ်ပါတယ်။ပီအက်စ်ဂျီ ပရိသတ်တွေကတော့ အသင်း ချန်ပီယံလိဂ်က ထွက်ခဲ့ရတာကိူ အလွန်စိတ်ပျက်နေပြီး လန်းစ်နဲ့ပွဲစဉ်မှာ အသင်းသားတွေနဲ့ အောင်ပွဲမခံဘဲ ကွင်းပြင်ပမှာ အောင်ပွဲခံခဲ့ကြတာပါ။ဒါ့အပြင် နေမာနဲ့ မက်ဆီ ကိုလည်း ဆက်လက်လှောင်ပြောင်မှုတွေ ပြုလုပ်ခဲ့ကြတာဖြစ်ပါတယ်။
ပီအက်စ်ဂျီ အသင်းနည်းပြ ပိုချက်တီနို ကတော့ မက်ဆီကို လှောင်ပြောင်နေတာဟာ မယုံနိုင်စရာဖြစ်ပြီး လက်ခံဖို့ ခက်ခဲတဲ့အရာဖြစ်တယ်လို့ ပြောထားတာပါ။ပီအက်စ်ဂျီ အသင်းဟာ ပိုချက်တီနို ကို နည်းပြရာထူးကနေ ထုတ်ပယ် တော့မယ်လို့လည်း သတင်းတွေ ထွက်ပေါ်နေတာဖြစ်ပါတယ်။
Source:TheSun
