CNI Sport News
၂၀၂၆ ခုနှစ်၊ မေလ ၈
အင်္ဂလိပ်ကလပ်အသင်းတွေဟာ ရာသီတစ်ခုတည်းမှာ မတူညီတဲ့ ဥရောပပြိုင်ပွဲ ၃ ခုစလုံးရဲ့ ဗိုလ်လုပွဲကို ပထမဆုံး အကြိမ် တက်ရောက်နိုင်ခဲ့ပါတယ်။
ချန်ပီယံလိဂ် ဗိုလ်လုပွဲကို အာဆင်နယ်၊ ယူရိုပါလိဂ် ဗိုလ်လုပွဲကို အက်စတွန်ဗီလာနဲ့ ကွန်းဖရန့်လိဂ် ဗိုလ်လုပွဲကို ခရစ္စတယ်ပဲလေ့စ်အသင်း တက်ရောက်နိုင်ခဲ့တာပါ။
အာဆင်နယ်အသင်းဟာ ချန်ပီယံလိဂ် ဆီမီးဖိုင်နယ်မှာ အက်သလက်တီကိုအသင်းကို နှစ်ကျော့ပေါင်း ရလဒ် ၂ ဂိုး-၁ ဂိုးနဲ့ အနိုင်ရပြီး ဗိုလ်လုပွဲတက်ကာ PSG အသင်းနဲ့ မေလ ၃၀ ရက်မှာ ဗိုလ်လုပွဲ ယှဉ်ပြိုင်ရမှာ ဖြစ်ပါတယ်။
အက်စတွန်ဗီလာအသင်းဟာ ပရီးမီးယားလိဂ်ပြိုင်ဘက် နော်တင်ဟမ်ဖောရက်စ်အသင်းကို ယူရိုပါလိဂ် ဆီမီးဖိုင် နယ် ပထမအကျော့မှာ ၁ ဂိုး-ဂိုးမရှိနဲ့ အရေးနိမ့်ခဲ့ပေမယ့် ဒုတိယအကျော့မှာ ၄ ဂိုး-ဂိုးမရှိနဲ့ ဂိုးပြတ်အနိုင်ရခဲ့တာပါ။
အဲ့ဒါကြောင့် အက်စတွန်ဗီလာအသင်းဟာ နော်တင်ဟမ်ဖောရက်စ်အသင်းကို နှစ်ကျော့ပေါင်း ရလဒ် ၄ ဂိုး-၁ ဂိုးနဲ့ အနိုင်ရပြီး ဗိုလ်လုပွဲတက်နိုင်ခဲ့ပါတယ်။
အာဆင်နယ်အသင်း ယှဉ်ပြိုင်စဉ်
အက်စတွန်ဗီလာအသင်းဟာ ယူရိုပါလိဂ် ဗိုလ်လုပွဲအဖြစ် ဖရိုင်းဘတ်အသင်းနဲ့ မေလ ၂၀ ရက် အစ္စတန်ဘူလ်မှာ ယှဉ်ပြိုင်ကြမှာပါ။
ခရစ္စတယ်ပဲလေ့စ်အသင်းက ကွန်းဖရန့်လိဂ် ဆီမီးဖိုင်နယ် ပထမအကျော့မှာ ရှက်တာဒိုးနက်အသင်းကို ၃ ဂိုး-၁ ဂိုးနဲ့ အနိုင်ရခဲ့ပြီး ဒုတိယအကျော့မှာ ၂ ဂိုး-၁ ဂိုးနဲ့ အနိုင်ရခဲ့ပါတယ်။
ခရစ္စတယ်ပဲလေ့စ်အသင်းဟာ ရှက်တာဒိုးနက်အသင်းကို နှစ်ကျော့ပေါင်း ရလဒ် ၅ ဂိုး-၂ ဂိုးနဲ့ အနိုင်ရပြီး ဗိုလ်လုပွဲ တက်ခဲ့တာပါ။
ခရစ္စတယ်ပဲလေ့စ်အသင်းဟာ ကွန်းဖရန့်လိဂ် ဗိုလ်လုပွဲအဖြစ် ဗယ်လက်ကာနိုအသင်းနဲ့ မေလ ၂၇ ရက် လိုက်ပ်ဇစ် အသင်း အိမ်ကွင်းမှာ ယှဉ်ပြိုင်ကြမှာ ဖြစ်ပါတယ်။
ဥရောပရဲ့ တတိယတန်း ပြိုင်ပွဲဖြစ်တဲ့ ကွန်းဖရန့်လိဂ်ကို လွန်ခဲ့တဲ့ ၅ နှစ်က မိတ်မဆက်မီ ချန်ပီယံလိဂ်နဲ့ ယူရိုပါလိဂ်ရဲ့ ဗိုလ်လုပွဲတွေကို အင်္ဂလိပ်ကလပ် အသင်းတွေ တစ်ရာသီတည်းမှာ တက်ရောက်ခဲ့တာတွေ အများအပြား ရှိခဲ့တာပါ။
ဒီရာသီ ဥရောပပြိုင်ပွဲ ၃ ခုစလုံးရဲ့ ဗိုလ်လုပွဲကို တက်ခဲ့ကြတဲ့ အင်္ဂလိပ်ကလပ်အသင်းတွေ ဆုဖလားအောင်မြင်မှု ရယူနိုင်မလားဆိုတာ စောင့်ကြည့်ရမှာ ဖြစ်ပါတယ်။
Source: BBC
