CNI Sport News
၂၀၂၆ ခုနှစ်၊ ဧပြီ ၂၂
အဲဗာတန်အသင်း နောက်ခံလူ ဘရန့်ဝိတ်ဟာ တံကောက်ကြော ဒဏ်ရာကြောင့် အနားယူရမှာဖြစ်လို့ ဒီရာသီ အသင်းရဲ့ လက်ကျန်ပွဲတွေမှာ ပါဝင်နိုင်မှာ မဟုတ်သလို သူ့ရဲ့ကမ္ဘာ့ဖလား မျှော်လင့်ချက်တွေ ပျက်ပြယ်သွားခဲ့ ပါတယ်။
ဘရန့်ဝိတ်ဟာ လီဗာပူးလ်အသင်းကို ၂ ဂိုး-၁ ဂိုးနဲ့ အရေးနိမ့်ခဲ့တဲ့ မာဆေးဆိုဒ် ဒါဘီပွဲရဲ့ ပွဲပြီးဖို့ နီးကပ်ချိန်မှာ ကွင်းထဲကနေ ထမ်းစင်နဲ့ ထွက်ခွာခဲ့ရတာပါ။
ဘရန့်ဝိတ်ရဲ့ ဒဏ်ရာ အခြေအနေဟာ မစိုးရိမ်ရဘူးလို့ ထင်ထားခဲ့ပေမယ့် Daily Mail က သူဟာ ၂ လကြာ အနားယူရမယ်လို့ ဖော်ပြခဲ့ပါတယ်။
အဲ့ဒါကြောင့် ဘရန့်ဝိတ်ဟာ ရာသီကြိုပြင်ဆင်မှုတွေ ပြုလုပ်ချိန်မှသာ ပြန်လာနိုင်ဖို့ မျှော်လင့်ရပါတယ်။
ဘရန့်ဝိတ်ဟာ မကြာသေးမီမှာ အကောင်းဆုံးပုံစံတွေ ပြသနိုင်ခဲ့တာကြောင့် သူ့ကိုဆုံးရှုံးရမှာက အဲဗာတန်အသင်း နည်းပြ ဒေးဗစ်မိုယက်စ်အတွက် ကြီးမားတဲ့ ထိုးနှက်ချက်ဖြစ်ခဲ့တာပါ။
ဘရန့်ဝိတ်ကို တွေ့ရစဉ်
အင်္ဂလန်အသင်းနဲ့ ကမ္ဘာ့ဖလားပြိုင်ပွဲ ယှဉ်ပြိုင်ချင်နေတဲ့ ဘရန့်ဝိတ်ရဲ့ မျှော်လင့်ချက်တွေကလည်း ဒဏ်ရာကြောင့် ပျက်ပြယ်သွားခဲ့ပါတယ်။
ဘရန့်ဝိတ်ဟာ ပြီးခဲ့တဲ့နှစ် အောက်တိုဘာလမှာ တံကောက်ကြော ဒဏ်ရာကို ခွဲစိတ်ကုသမှုခံယူခဲ့ပြီး ဒီရာသီရဲ့ ပထမရာသီဝက်ကို လွဲချော်ခဲ့တာပါ။
အခုရရှိတဲ့ ဒဏ်ရာအသစ်ဟာ တူညီတဲ့ ခြေထောက်မှာပဲ ဖြစ်ခဲ့ပေမယ့် နေရာချင်း မတူညီဘူးလို့ ယူဆရပါတယ်။
ဘရန့်ဝိတ်ဟာ ဒီရာသီမှာ အဲဗာတန်အသင်းအတွက် ၇ ပွဲသာ ကစားထားရသေးပြီး ၁ ဂိုး သွင်းယူထားပါတယ်။
အဲဗာတန်အသင်းဟာ ဘရန့်ဝိတ် မပါဝင်နိုင်တဲ့ အသင်းရဲ့ လက်ကျန် ၅ ပွဲမှာ မိုက်ကယ်ကိန်းကို အသုံးပြု သွားဖွယ်ရှိနေတာ ဖြစ်ပါတယ်။
Source: Dailymail
