CNI Sport News
၂၀၂၆ ခုနှစ်၊ မတ်လ ၉
စပါးအသင်းတိုက်စစ်မှူး ဆိုလန်ကီဟာ နယူးကာဆယ်အသင်းရဲ့ လာမယ့်နွေရာသီ အပြောင်းအရွှေ့ ပစ်မှတ် အဖြစ် သတ်မှတ်ခြင်း ခံထားရပါတယ်။
ဒီအပြောင်းအရွှေ့ဟာ စပါးအသင်းရဲ့ ပရီးမီးယားလိဂ် ရပ်တည်မှုအပေါ် မူတည်နေပြီး ဘုန်းမောက်အသင်းမှာ အတူလက်တွဲ အလုပ်လုပ်ဖူးတဲ့ နယူးကာဆယ်အသင်းနည်းပြ အက်ဒီဟောင်းဟာ ဆိုလန်ကီအကြောင်းကို သိတဲ့သူ ဖြစ်ပါတယ်။
နယူးကာဆယ်အသင်းဟာ နွေရာသီမှာ အပြောင်းအလဲတွေ ပြုလုပ်ဖို့ရှိနေပြီး ယူနိုက်တက်အသင်းကို အနိုင်ဂိုး သွင်းခဲ့တဲ့ အိုဆူလာကို အသင်းတချို့က စောင့်ကြည့်နေကြတာကြောင့် တိုက်စစ်မှူးသစ် အားဖြည့်ဖို့ရှိနေတာပါ။
အသက် ၂၈ နှစ်အရွယ်ရှိ ဆိုလန်ကီဟာ စပါးအသင်းရဲ့ အစီအစဉ်တွေမှာ အဓိကကျတဲ့သူအဖြစ် ရှိနေတာကြောင့် အသင်းဟာ သူ့ကိုဆက်ပြီး ထိန်းသိမ်းချင်နေပါတယ်။
ဆိုလန်ကီဟာ ဒီရာသီမှာ ဒဏ်ရာတွေနဲ့ ရုန်းကန်နေရပေမယ့် အသင်းအတွက် ပါဝင်ကစားထားတဲ့ ၁၄ ပွဲမှာ ၅ ဂိုး သွင်းယူထားတာပါ။
ဆိုလန်ကီကို တွေ့ရစဉ်
စပါးအသင်းဟာ ဒီရာသီမှာ ရလဒ်တွေ အလွန်ဆိုးရွားနေပြီး ပရီးမီးယားလိဂ်ပြိုင်ပွဲမှာ ၅ ပွဲဆက် ရှုံးနိမ့်ခဲ့ကာ တန်းဆင်းဇုန်နဲ့ ၁ မှတ်သာ ကွာဟတော့ပါတယ်။
ဆိုလန်ကီက အခက်အခဲတွေ ရှိတယ်ဆိုတာ သိပေမယ့် ဘယ်လိုဆင်ခြေမှ ပေးလို့မရတော့ကြောင်းနဲ့ ရလဒ် ကောင်းတွေရရှိဖို့ ကွင်းထဲမှာ အလုပ်တွေ ကောင်းမွန်စွာ လုပ်ကြဖို့ အသင်းဖော်တွေကို ပြောထားပါတယ်။
စပါးအသင်းအနေနဲ့ ဒီရာသီမှာ ပရီးမီးယားလိဂ်ပြိုင်ပွဲကနေ တန်းဆင်းရမယ်ဆိုရင် ဆိုလန်ကီ အပါအဝင် အဓိက ကစားသမား အများအပြားကို ဆုံးရှုံးရဖို့ရှိနေတာပါ။
စပါးအသင်းဟာ လာမယ့်ပွဲတွေအဖြစ် အက်သလက်တီကိုအသင်းနဲ့ ချန်ပီယံလိဂ် ၁၆ သင်းအဆင့် ပထမအကျော့၊ လီဗာပူးလ်အသင်းနဲ့ ပရီးမီးယားလိဂ် ပွဲယှဉ်ပြိုင်ရမှာဖြစ်လို့ နောက်ထပ် ခက်ခဲတဲ့ စမ်းသပ်မှုတွေနဲ့ ရင်ဆိုင်ရမှာ ဖြစ်ပါတယ်။
Source: Dailymail
